Lukas Kata-Kata Partama
Kata-Kata Partama
Lukas pung Kabar Bae soal Yesus ni, akang carita soal Yesus Kristus pung hidop, mulai dari Antua lahir sampe nai ka sorga. Lukas carita Yesus kasi balajar orang, kasi bae orang saki, user setang dari orang takanal, kasi hidop orang mati, kasi ampong orang pung dosa, deng biking tanda-tanda herang. Abis samua tu, Yesus dapa tangkap, dapa siksa, deng dapa salib, mar Antua hidop kombali pas akang pung hari katiga. Antua janji kalo Antua nanti kiring Allah pung Roh par Antua pung murid-murid par tolong dong kasi tau Kabar Bae soal Antua par samua bangsa. Tarus, Antua tarangka ka sorga.
Kitab ni dapa kasi nama par Kabar Bae, tagal akang carita soal bagemana Allah Bapa utus Yesus Kristus par mati deng hidop kombali par tabus manusia pung dosa, biar sapa sa yang parcaya Antua bisa baku bae kombali deng Antua, deng hidop tarus-tarus deng Antua.
Lukas sambung dia pung carita ni dalang kitab Yesus pung Utusang-Utusang pung Carita. Carita dalang dua kitab ni kasi jelas samua hal yang biking sampe Kabar Bae tasiar deng jamaat Kristen muncul di sagala daera di karajaang Roma.
Sapa yang tulis kitab ni: Dalang kitab ni seng bilang sapa yang tulis akang. Kalo iko pamimping-pamimping gareja dolo-dolo, yang tulis kitab ni nama Lukas. Dia ni dokter (Kolose 4:14) deng Paulus pung tamang waktu bajalang kasi tau Kabar Bae (Utusang pung Carita 16:9-10; 2 Timotius 4:11; Filemon 1:24). Dia ni orang bukang Yahudi yang parcaya Yesus. Dia tau carita soal Yesus dari orang-orang parcaya. La samua carita yang orang bilang soal Yesus tu, dia cari tau akang, la susung, deng tulis akang bae-bae (1:1-4).
Kitab ni par sapa: Lukas pung Kabar Bae soal Yesus deng Yesus pung Utusang-Utusang pung Carita, Lukas tulis akang par orang yang dia panggel par “Bapa Teofilus yang beta hormat” (1:1-4). Dalang dua kitab ni, seng bilang sapa tu Bapa Teofilus. Dalang bahasa Yunani, kata teofilus sandiri pung arti, ‘Allah pung tamang’. Waktu kitab ni dapa tulis, nama Teofilus ni nama yang orang Yahudi ka orang Roma yang sakola tinggi biasa pake. Tarus, Lukas panggel dia deng istila “yang beta hormat”. Istila tu istila yang sama yang Paulus pake par Gubernur Feliks (Utusang pung Carita 24:2-3) deng Gubernur Festus (Utusang pung Carita 26:25). Jadi, ada yang bilang kalo Teofilus tu orang Roma yang pung pangkat tinggi yang parcaya Yesus. Mar, kitab ni bukang par Bapa Teofilus sa, mar jua par “Allah pung tamang” samua, labe-labe lai par orang bukang Yahudi yang cari tau soal Yesus Kristus.
Mangapa Lukas tulis kitab ni: Lukas tulis kitab ni biar Bapa Teofilus, bagitu jua deng samua orang yang baca, bisa tau deng jelas samua yang batul soal Yesus pung hidop (1:4) deng mangapa Antua datang ka dunya. Yesus Kristus tu Orang yang Allah su Angka par Kasi Salamat Manusia (2:11). Antua datang ka dunya par kasi salamat orang-orang yang bardosa (19:10). Lukas jua kasi unju kalo Kabar Bae ni bukang cuma par orang Yahudi sa, mar jua par samua orang dari sagala bangsa di dunya (2:10, 30-32, 24:47). Par kasi jelas hal itu, Lukas tulis Yesus pung silsila bukang cuma sampe ka Abraham, mar sampe ka Adam (3:23-38), biar samua orang yang baca mangarti kalo dong jua ada pung hak par jadi Allah pung ana deng dapa kasi salamat. Kabar Bae ni jua par orang-orang yang seng dapa anggap. Par kasi jelas hal itu, Lukas carita bagemana Yesus kasi unju Antua pung hati bae par orang saki lepra, orang Samaria, orang bukang Yahudi, tukang tagi pajak, orang kasiang, deng anana.
Kitab ni tabage par babarapa bagiang:
| 1:1-4 | Mangapa Lukas tulis surat ni |
| 1:5—2:52 | Yohanis Tukang Baptis deng Yesus pung carita lahir deng Yesus pung masa kacil |
| 3:1-38 | Yohanis Tukang Baptis pung karja deng Yesus dapa baptis |
| 3:23-38 | Yesus pung silsila |
| 4:1-13 | Yesus dapa coba |
| 4:14—9:50 | Yesus pung karja di Galilea |
| 9:51—19:27 | Yesus pung karja waktu pi ka Yerusalem |
| 19:28—21:38 | Yesus pung karja di Yerusalem |
| 22:1—24:53 | Yesus dapa tangkap, dapa salib, hidop kombali, deng tarangka ka sorga |
Currently Selected:
Lukas Kata-Kata Partama: ABMA
Highlight
Share
Copy
Want to have your highlights saved across all your devices? Sign up or sign in
© 2022, Sinode Gereja Protestan Maluku
Lukas Kata-Kata Partama
Kata-Kata Partama
Lukas pung Kabar Bae soal Yesus ni, akang carita soal Yesus Kristus pung hidop, mulai dari Antua lahir sampe nai ka sorga. Lukas carita Yesus kasi balajar orang, kasi bae orang saki, user setang dari orang takanal, kasi hidop orang mati, kasi ampong orang pung dosa, deng biking tanda-tanda herang. Abis samua tu, Yesus dapa tangkap, dapa siksa, deng dapa salib, mar Antua hidop kombali pas akang pung hari katiga. Antua janji kalo Antua nanti kiring Allah pung Roh par Antua pung murid-murid par tolong dong kasi tau Kabar Bae soal Antua par samua bangsa. Tarus, Antua tarangka ka sorga.
Kitab ni dapa kasi nama par Kabar Bae, tagal akang carita soal bagemana Allah Bapa utus Yesus Kristus par mati deng hidop kombali par tabus manusia pung dosa, biar sapa sa yang parcaya Antua bisa baku bae kombali deng Antua, deng hidop tarus-tarus deng Antua.
Lukas sambung dia pung carita ni dalang kitab Yesus pung Utusang-Utusang pung Carita. Carita dalang dua kitab ni kasi jelas samua hal yang biking sampe Kabar Bae tasiar deng jamaat Kristen muncul di sagala daera di karajaang Roma.
Sapa yang tulis kitab ni: Dalang kitab ni seng bilang sapa yang tulis akang. Kalo iko pamimping-pamimping gareja dolo-dolo, yang tulis kitab ni nama Lukas. Dia ni dokter (Kolose 4:14) deng Paulus pung tamang waktu bajalang kasi tau Kabar Bae (Utusang pung Carita 16:9-10; 2 Timotius 4:11; Filemon 1:24). Dia ni orang bukang Yahudi yang parcaya Yesus. Dia tau carita soal Yesus dari orang-orang parcaya. La samua carita yang orang bilang soal Yesus tu, dia cari tau akang, la susung, deng tulis akang bae-bae (1:1-4).
Kitab ni par sapa: Lukas pung Kabar Bae soal Yesus deng Yesus pung Utusang-Utusang pung Carita, Lukas tulis akang par orang yang dia panggel par “Bapa Teofilus yang beta hormat” (1:1-4). Dalang dua kitab ni, seng bilang sapa tu Bapa Teofilus. Dalang bahasa Yunani, kata teofilus sandiri pung arti, ‘Allah pung tamang’. Waktu kitab ni dapa tulis, nama Teofilus ni nama yang orang Yahudi ka orang Roma yang sakola tinggi biasa pake. Tarus, Lukas panggel dia deng istila “yang beta hormat”. Istila tu istila yang sama yang Paulus pake par Gubernur Feliks (Utusang pung Carita 24:2-3) deng Gubernur Festus (Utusang pung Carita 26:25). Jadi, ada yang bilang kalo Teofilus tu orang Roma yang pung pangkat tinggi yang parcaya Yesus. Mar, kitab ni bukang par Bapa Teofilus sa, mar jua par “Allah pung tamang” samua, labe-labe lai par orang bukang Yahudi yang cari tau soal Yesus Kristus.
Mangapa Lukas tulis kitab ni: Lukas tulis kitab ni biar Bapa Teofilus, bagitu jua deng samua orang yang baca, bisa tau deng jelas samua yang batul soal Yesus pung hidop (1:4) deng mangapa Antua datang ka dunya. Yesus Kristus tu Orang yang Allah su Angka par Kasi Salamat Manusia (2:11). Antua datang ka dunya par kasi salamat orang-orang yang bardosa (19:10). Lukas jua kasi unju kalo Kabar Bae ni bukang cuma par orang Yahudi sa, mar jua par samua orang dari sagala bangsa di dunya (2:10, 30-32, 24:47). Par kasi jelas hal itu, Lukas tulis Yesus pung silsila bukang cuma sampe ka Abraham, mar sampe ka Adam (3:23-38), biar samua orang yang baca mangarti kalo dong jua ada pung hak par jadi Allah pung ana deng dapa kasi salamat. Kabar Bae ni jua par orang-orang yang seng dapa anggap. Par kasi jelas hal itu, Lukas carita bagemana Yesus kasi unju Antua pung hati bae par orang saki lepra, orang Samaria, orang bukang Yahudi, tukang tagi pajak, orang kasiang, deng anana.
Kitab ni tabage par babarapa bagiang:
| 1:1-4 | Mangapa Lukas tulis surat ni |
| 1:5—2:52 | Yohanis Tukang Baptis deng Yesus pung carita lahir deng Yesus pung masa kacil |
| 3:1-38 | Yohanis Tukang Baptis pung karja deng Yesus dapa baptis |
| 3:23-38 | Yesus pung silsila |
| 4:1-13 | Yesus dapa coba |
| 4:14—9:50 | Yesus pung karja di Galilea |
| 9:51—19:27 | Yesus pung karja waktu pi ka Yerusalem |
| 19:28—21:38 | Yesus pung karja di Yerusalem |
| 22:1—24:53 | Yesus dapa tangkap, dapa salib, hidop kombali, deng tarangka ka sorga |
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Sinode Gereja Protestan Maluku