Mateus 24
24
Nongen ad Jesu le longu momen i da beg mehere.
1Boen Jesu i bieni um ad Jehova, i gina. Su lao aden su la born ndro i, beg bosilieni i um ad Jehova hian, laben ge. 2I vong le ndro su i bode: Malabo danmu lele um gorbo. Ndangen io boi le ndro mu: Heb eluen bui muren bad maruo de da besbas bui, su ndumbue sumburdi. 3Boen i lugdo im boan ndre bahali Oliva. Su lao aden, su la ndro i. Be su masi su gin bieni i, su ndemani i, su bai: Abui gme ndro du, gehere longu ogo na gmehere, sehe gelman na gmehere, be uo gmeher le boan lie? 4Jesu i bode: Or gulue meluamu, 5debosan su henunuen mu momen ge, su bosilieni mu sal momen ge. 6Mu gu hirong le bahun asu, ngarnongen gleri i hilou le gor masi. Orgulue mu, mbue mu go noh. Longu masi ogo na gmeher hanu, longu masi de bomud roud masou. 7Gor si i gob iil le ndro gor si, gor hoger manan i gob bahun le ndro su ber hoger manan lie. Song hilou le gor le ndro su ndramed masi, boan i rerr, u nunueie, gor da, ma le gor hoger manan. 8Aga heb gelman i da gmeher hanu.
9Boen su bo momen le ndro mu su gdaii mu, gor ma gor bosanged su irgu le ademu mu da lao dandendegei ordo. 10Boen su mabosanged su hangaini io, homo i hevani homo, homo bergoln i irgu le ad homo. 11Su Provet bahilou ge, su mabosanged, su gmehere, su ghenunuen su ndramed monen ge. 12Be longu momen manden i hilou le gor dagara, su lao ordo mabosanged golnisden asu na giao, su ngenda dege mahanu bui, neldun ge. 13Homo ma homo i da ndoa, io rumburdi i le longu momen masi. 14Nongen le longu ber lang, le gor ad Jehova, i da hilou le gor masigane boen longu ogo na gmehere.
15Ar mu ilndri longu momen i gin me le um ad Jehova dege Daniel gin hondre, i gin boharni leri mahanu, 16hanguruen i, mu gvob ge, mu gbieni gor asu Juda, mu vob la bahali manden ge. 17Homo i de da lundieum aden bui, mbue gle lundieum, le hur memrad aden. 18Homo i da beleng aden, mbue gmul le gor, le bur salo aden. 19Su bihin, ndursu i da le ndrnen, ndursu i da le nemesu, su gina momen le rang ogo. 20Endemani Jehova, ar lengen de ma sal ademu bui, ar sabbath de meher le rang ogo bugane. 21Rang momen mandromai i da ndro su ndramed, longu momen dogoro i de meher masou mabenan range, i de gmeher de la ndro su ndramed dagara bersilie bui. 22Ar Jehova de sobani mu bui homo ber boan i de heb ndoa le longu ogo masi bugane. Jehova i hinen rang ogo murai ge, debosan su lao aden na glos.
23Ar homo i vong le ndro mu: E lele, Kristo gor da, de su bai: Am ogo, Kristo gorbo, mbue hirong nongen asu. 24Su Kristo bahilou ge, ma su Provet momen ge, su gob gelman manden, su ghinen longu ndoun, su beg seslaini su lao ad Jehova gleri, beg dulieni su sal momen ge. 25Ha hirong io gin bosoui longu ogo masi le ndro mu. Be su vong le ndro mu: 26-27Kristo i da le marboga, mbue hilou le marboga. Be su bai: I da le lundieum gorbo, mbue hirong nongen asu, dege ndremla i da hai, i hilou roud le rai i da hinganen manden, dagara Ndurndramed, ar i gmeher le boan lie. 28Be numbuen i da lonhou, ndorgan i me i ieni.
29Longu ogo masi gin me, boen mernal de hinganen bui, vara, i ndrogum ge. Su biri ber lang na glos, ndoui ber belengan na gimbul. 30Muren su ilndri gelman ad Ndurndramed i da le lang, su ndramed ber gor boan su loholo, su dang, be su ilndri Ndurdramed, i da gmeher le ndoulang ber lang, le ndoui aden manden ge, ma le engerang aden. 31Boen i rendegien su Angelo aden, su bo musik manden ge, su la bur su lao aden ber gub, ber rai, bai hai, ma ber ndolou, ber gor, ma gor bosanged.
32Mu ilndri vovei, ghanguruen heb longu dohongein ogo: Be loun mahouen i gmeher le ndrandran, danmu, loumandri i da baghege. 33Dagara umu ar mu ilndri longu ogo, danmu ndurndramed i da baghege. 34Ndangen io boi le ndro mu: Su ndramed ber gor ogo su do dandon, longu ogo masi na gmehere. 35Lang e boan na glos nongen ordo de glos bui, i monen ge sidesi. 36Hom ndramed ber boan de danen rang, longu ogo beg meher bui, dagara su Angelo ber lang bui, ndurn bugane, Damen ge, i ge, i daneni. 37Su ndramed, le rang be Ndurndramed na gmehere, su dege su ndramed ber mahanu, ber rang ad Noah lie. 38Su ghinen i, dege su ber rang ad Noah su gin hinen i, ndran mandromai de gin me le boan masou: Su gin ien, su gin bo gous, su gin ibdi bihin le nambulsu, mabenan rang gin me, Noah i gina le ndol mandromai. 39Su de gin hanguruen heb longu ogo bui, ndran gin meher, su masi su gin mad. Dagara su ndramed ber rang ad Ndurndramed ber lang. 40Sor gamel marmou sor da le lonhou, ndorlaben i rui homo, homo i dandon. 41Sor bihin marmou, sor gob mburer le gan ansor, Ndorlaben i hedi homo, homo i dandon boan.
42Gobgulue meluamu, mu danmu bui gehere Ndorlaben ademu na gmehere. 43Longu ogo mu danmu hian: Be hom labenen, i danen i gehere ndremda behena beg meher um aden lobing, i de medir bui, irgulue um aden. 44Dagara mu masi, ir belengen Ndurndramed, i da gmeher le rang mu de hanguruen leri bui. 45Hom lao ad ndorlaben hian monen ge, i da oho? I da gob mburer ad ndorlaben hian ge, ir gulue su lao dandendegei ad ndorlaben monen ge, hengen gan ansu sidesi? 46Ar homo i da bo mburer aden monen dagara, i hian ge, ar ndorlaben i gmul, i ilndri mburer aden monen. 47Ndangen io boi le ndro mu: Ir bogulue memrad ad ndorlaben masigane muren. 48Be lao ad Ndorlaben i gob mburer aden momen ge, i da hanguruen le bergoln: Ndorlaben ordo de me masou, 49boen i rii su lao dandendegei aden, i bo gous ge, i ilmui ndrunvain dsoln, 50ndorlaben aden i gmeher roud le ndro i, i de gin hangurueni bugane. 51Muren i rii lao aden momen, i surien longu aden momen gle momen i da gu dang, i da undri lehen.
Currently Selected:
Mateus 24: LLENT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1956
Mateus 24
24
Nongen ad Jesu le longu momen i da beg mehere.
1Boen Jesu i bieni um ad Jehova, i gina. Su lao aden su la born ndro i, beg bosilieni i um ad Jehova hian, laben ge. 2I vong le ndro su i bode: Malabo danmu lele um gorbo. Ndangen io boi le ndro mu: Heb eluen bui muren bad maruo de da besbas bui, su ndumbue sumburdi. 3Boen i lugdo im boan ndre bahali Oliva. Su lao aden, su la ndro i. Be su masi su gin bieni i, su ndemani i, su bai: Abui gme ndro du, gehere longu ogo na gmehere, sehe gelman na gmehere, be uo gmeher le boan lie? 4Jesu i bode: Or gulue meluamu, 5debosan su henunuen mu momen ge, su bosilieni mu sal momen ge. 6Mu gu hirong le bahun asu, ngarnongen gleri i hilou le gor masi. Orgulue mu, mbue mu go noh. Longu masi ogo na gmeher hanu, longu masi de bomud roud masou. 7Gor si i gob iil le ndro gor si, gor hoger manan i gob bahun le ndro su ber hoger manan lie. Song hilou le gor le ndro su ndramed masi, boan i rerr, u nunueie, gor da, ma le gor hoger manan. 8Aga heb gelman i da gmeher hanu.
9Boen su bo momen le ndro mu su gdaii mu, gor ma gor bosanged su irgu le ademu mu da lao dandendegei ordo. 10Boen su mabosanged su hangaini io, homo i hevani homo, homo bergoln i irgu le ad homo. 11Su Provet bahilou ge, su mabosanged, su gmehere, su ghenunuen su ndramed monen ge. 12Be longu momen manden i hilou le gor dagara, su lao ordo mabosanged golnisden asu na giao, su ngenda dege mahanu bui, neldun ge. 13Homo ma homo i da ndoa, io rumburdi i le longu momen masi. 14Nongen le longu ber lang, le gor ad Jehova, i da hilou le gor masigane boen longu ogo na gmehere.
15Ar mu ilndri longu momen i gin me le um ad Jehova dege Daniel gin hondre, i gin boharni leri mahanu, 16hanguruen i, mu gvob ge, mu gbieni gor asu Juda, mu vob la bahali manden ge. 17Homo i de da lundieum aden bui, mbue gle lundieum, le hur memrad aden. 18Homo i da beleng aden, mbue gmul le gor, le bur salo aden. 19Su bihin, ndursu i da le ndrnen, ndursu i da le nemesu, su gina momen le rang ogo. 20Endemani Jehova, ar lengen de ma sal ademu bui, ar sabbath de meher le rang ogo bugane. 21Rang momen mandromai i da ndro su ndramed, longu momen dogoro i de meher masou mabenan range, i de gmeher de la ndro su ndramed dagara bersilie bui. 22Ar Jehova de sobani mu bui homo ber boan i de heb ndoa le longu ogo masi bugane. Jehova i hinen rang ogo murai ge, debosan su lao aden na glos.
23Ar homo i vong le ndro mu: E lele, Kristo gor da, de su bai: Am ogo, Kristo gorbo, mbue hirong nongen asu. 24Su Kristo bahilou ge, ma su Provet momen ge, su gob gelman manden, su ghinen longu ndoun, su beg seslaini su lao ad Jehova gleri, beg dulieni su sal momen ge. 25Ha hirong io gin bosoui longu ogo masi le ndro mu. Be su vong le ndro mu: 26-27Kristo i da le marboga, mbue hilou le marboga. Be su bai: I da le lundieum gorbo, mbue hirong nongen asu, dege ndremla i da hai, i hilou roud le rai i da hinganen manden, dagara Ndurndramed, ar i gmeher le boan lie. 28Be numbuen i da lonhou, ndorgan i me i ieni.
29Longu ogo masi gin me, boen mernal de hinganen bui, vara, i ndrogum ge. Su biri ber lang na glos, ndoui ber belengan na gimbul. 30Muren su ilndri gelman ad Ndurndramed i da le lang, su ndramed ber gor boan su loholo, su dang, be su ilndri Ndurdramed, i da gmeher le ndoulang ber lang, le ndoui aden manden ge, ma le engerang aden. 31Boen i rendegien su Angelo aden, su bo musik manden ge, su la bur su lao aden ber gub, ber rai, bai hai, ma ber ndolou, ber gor, ma gor bosanged.
32Mu ilndri vovei, ghanguruen heb longu dohongein ogo: Be loun mahouen i gmeher le ndrandran, danmu, loumandri i da baghege. 33Dagara umu ar mu ilndri longu ogo, danmu ndurndramed i da baghege. 34Ndangen io boi le ndro mu: Su ndramed ber gor ogo su do dandon, longu ogo masi na gmehere. 35Lang e boan na glos nongen ordo de glos bui, i monen ge sidesi. 36Hom ndramed ber boan de danen rang, longu ogo beg meher bui, dagara su Angelo ber lang bui, ndurn bugane, Damen ge, i ge, i daneni. 37Su ndramed, le rang be Ndurndramed na gmehere, su dege su ndramed ber mahanu, ber rang ad Noah lie. 38Su ghinen i, dege su ber rang ad Noah su gin hinen i, ndran mandromai de gin me le boan masou: Su gin ien, su gin bo gous, su gin ibdi bihin le nambulsu, mabenan rang gin me, Noah i gina le ndol mandromai. 39Su de gin hanguruen heb longu ogo bui, ndran gin meher, su masi su gin mad. Dagara su ndramed ber rang ad Ndurndramed ber lang. 40Sor gamel marmou sor da le lonhou, ndorlaben i rui homo, homo i dandon. 41Sor bihin marmou, sor gob mburer le gan ansor, Ndorlaben i hedi homo, homo i dandon boan.
42Gobgulue meluamu, mu danmu bui gehere Ndorlaben ademu na gmehere. 43Longu ogo mu danmu hian: Be hom labenen, i danen i gehere ndremda behena beg meher um aden lobing, i de medir bui, irgulue um aden. 44Dagara mu masi, ir belengen Ndurndramed, i da gmeher le rang mu de hanguruen leri bui. 45Hom lao ad ndorlaben hian monen ge, i da oho? I da gob mburer ad ndorlaben hian ge, ir gulue su lao dandendegei ad ndorlaben monen ge, hengen gan ansu sidesi? 46Ar homo i da bo mburer aden monen dagara, i hian ge, ar ndorlaben i gmul, i ilndri mburer aden monen. 47Ndangen io boi le ndro mu: Ir bogulue memrad ad ndorlaben masigane muren. 48Be lao ad Ndorlaben i gob mburer aden momen ge, i da hanguruen le bergoln: Ndorlaben ordo de me masou, 49boen i rii su lao dandendegei aden, i bo gous ge, i ilmui ndrunvain dsoln, 50ndorlaben aden i gmeher roud le ndro i, i de gin hangurueni bugane. 51Muren i rii lao aden momen, i surien longu aden momen gle momen i da gu dang, i da undri lehen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1956