Марк 11
11
1Йерусалиммӕ сӕ бирӕ нал хъуыд. Елеоны хохы фахсыл Виффаги ӕмӕ Вифанимӕ куы фӕцӕйхӕццӕ кодтой, уӕд Йесо фӕдзырдта Йӕ ахуыргӕнинӕгтӕй дыууӕмӕ 2ӕмӕ сын загъта: «Ацӕут, уартӕ нӕ ныхмӕ цы хъӕу ис, уырдӕм. Куыддӕр хъӕумӕ бацӕуат, афтӕ дзы ссардзыстут, адӕймаг кӕуыл нӕма бадти, ахӕм къӕлӕу бастӕй. Суадзут ӕй ӕмӕ йӕ ардӕм ракӕнут. 3Исчи уӕ куы фӕрса: „Уый цы ми кӕнут?“, уӕд-иу ын дзуапп раттут: „Бардарӕджы хъӕуы, рӕхджы йӕ рарвитдзӕн фӕстӕмӕ“». 4Ахуыргӕнинӕгтӕ ацыдысты, ӕмӕ иу уынджы, кулдуарыл бастӕй, ссардтой къӕлӕуы, ӕмӕ йӕ суагътой. 5Уым чи лӕууыди, уыдонӕй сын чидӕртӕ загътой: «Цы ми кӕнут? Къӕлӕуы цӕмӕн уӕгъд кӕнут?» 6Ахуыргӕнинӕгтӕ сын, Йесо сын куыд бафӕдзӕхста, афтӕ дзуапп радтой, ӕмӕ сын уӕд уыдон дӕр ницыуал загътой.
7Ӕркодтой къӕлӕуы Йесомӕ, сӕвӕрдтой йыл сӕ дарӕс, ӕмӕ йыл Йесо сбадти. 8Адӕмӕй бирӕтӕ фӕндагыл айтыдтой сӕ дарӕс, иннӕтӕ та — быдыртӕй кӕй ӕрбахастой, уыцы къалиутӕ. 9Йесойӕн Йӕ разӕй ӕмӕ Йӕ фӕстӕ чи цыди, уыдон хъӕр кодтой:
«Осаннӕ!
Арфӕгонд уӕд Хуыцауы номӕй Ӕрцӕуӕг!
10Арфӕгонд уӕд
нӕ фыдӕл Давиды ӕрцӕуинаг Паддзахад!
Осаннӕ уӕлӕрвты!»
11Йесо Йерусалиммӕ куы бахӕццӕ ис, уӕд бацыди Кувӕндонмӕ, алцӕмӕ дӕр лӕмбынӕг ӕркасти ӕмӕ, ӕнафон кӕй уыд, уымӕ гӕсгӕ Йӕ дыууадӕс ахуыргӕнинагимӕ Вифанимӕ ацыди.
12Дыккаг бон Вифанийӕ куы рацыдысты, уӕд Йесо сыстонг ис. 13Дардӕй ауыдта, сыфтӕр чи рафтыдта, ахӕм легъуи бӕлас ӕмӕ йӕм бацыди, кӕд ыл исты уаид, зӕгъгӕ. Фӕлӕ йӕм куы бахӕстӕг ис, уӕд ыл сыфтӕртӕ йеддӕмӕ ницы ссардта, уымӕн ӕмӕ йын дыргъафон нӕма уыд. 14Уӕд ын Йесо загъта: «Нырӕй фӕстӕмӕ дын дӕ дыргъӕй мыггагмӕ дӕр мачиуал бахӕрӕд». Ӕмӕ уый фехъуыстой Йӕ ахуыргӕнинӕгтӕ.
15Бахӕццӕ сты Йерусалиммӕ. Йесо Кувӕндоны кӕртмӕ бацыд ӕмӕ — уӕйгӕнӕгӕй, ӕлхӕнӕгӕй — се ’ппӕты дӕр тӕрын райдыдта, ӕхцаивджытӕн афӕлдӕхта сӕ фынгтӕ, бӕлонуӕйгӕнджытӕн — сӕ бандӕттӕ. 16Стӕй Кувӕндоны кӕрты уылты никӕй уагъта исты дзаума хӕссын. 17Амыдта сын: «Афтӕ фыст нӕу, ӕви: „Мӕ Хӕдзар Мын ӕппӕт адӕмтӕн кувӕн хӕдзар схондзысты“? Сымах та дзы абырджыты лӕгӕт сарӕзтат». 18Алчертӕ ӕмӕ динамонджытӕ уый фехъуыстой ӕмӕ агуырдтой Йӕ амарыны фадат. Уымӕн ӕмӕ Йӕ ахуырад ӕппӕт адӕмы дисы ӕфтыдта, ӕмӕ Дзы тарстысты. 19Куы баизӕр ис, уӕд Йесо Йӕ ахуыргӕнинӕгтимӕ сахарӕй рацыди.
20Дыккаг бон та райсомӕй легъуи бӕласы цурты фӕцӕйцыдысты ӕмӕ федтой, бӕлас суанг йӕ уидӕгтӕм кӕй бахус ис, уый. 21Петрӕн йӕ зӕрдыл ӕрлӕууыди зноны хабар ӕмӕ Йесомӕ дзуры: «Равви, акӕс-ма, Ды кӕй ралгъыстай, уыцы легъуи бӕлас бахус ис!» 22Йесо сын загъта: 23«Ӕууӕндут Хуыцауыл. Ӕцӕг цы у, уый уын зӕгъын: исчи мӕнӕ ацы хохӕн афтӕ куы зӕгъа, зӕххӕй фӕхицӕн у ӕмӕ денджызы дӕхи баппар, зӕгъгӕ, ӕмӕ, афтӕ кӕй уыдзӕн, ууыл дызӕрдыг куынӕ кӕна, фӕлӕ, йӕ ныхӕстӕ ӕрцӕудзысты, уый йӕ фидарӕй куы уырна, уӕд, куыд зӕгъа, афтӕ уыдзӕни. 24Уымӕ гӕсгӕ уын зӕгъын: уӕ куывды цы курат, уый ныридӕгӕн кӕй райстат, ууыл ӕууӕндут ӕмӕ йӕ уӕд ӕнӕмӕнгӕй райсдзыстут. 25Стӕй, кувгӕйӕ, Хуыцауы раз куы лӕууат, уӕ зӕрдӕйы та искӕмӕ маст куы хӕссат, уӕд-иу ын ныббарут, ӕмӕ уын уӕ Уӕларвон Фыд дӕр ныббардзӕни уӕ тӕригъӕдтӕ. 26[Кӕд нӕ барут, уӕд уын уӕ Уӕларвон Фыд дӕр нӕ ныббардзӕни уӕ тӕригъӕдтӕ.]»
27Йесо та Йӕ ахуыргӕнинӕгтимӕ ӕрбаздӕхти Йерусалиммӕ. Кувӕндоныл куы зылди, уӕд Ӕм алчертӕ, динамонджытӕ ӕмӕ адӕмы хистӕртӕ бацыдысты 28ӕмӕ Йӕ бафарстой: «Ды ацы хъуыддӕгтӕ цавӕр хъаруйӕ кӕныс? Афтӕ кӕныны бар Дын чи радта?» 29Йесо сын загъта: «Ӕз дӕр уӕ иу цӕмӕйдӕр бафӕрсдзынӕн. Дзуапп Мын раттут, ӕмӕ уын уӕд Ӕз дӕр зӕгъдзынӕн, цавӕр хъаруйӕ сӕ кӕнын, уый. 30Зӕгъут-ма мын, Иоанн цы аргъуыдӕй аргъуыдта, уый йын кӕмӕй лӕвӕрд уыд: уӕларвӕй ӕви адӕмӕй?». 31Уыдон кӕрӕдзийӕн дзырдтой: «Афтӕ куы зӕгъӕм: „Уӕларвӕй“, уӕд нӕ бафӕрсдзӕн: „Уӕдӕ цӕуылнӕ баууӕндыдыстут Иоанныл?“» 32«Адӕмӕй» зӕгъын та тарстысты адӕмӕй, уымӕн ӕмӕ се ’ппӕты дӕр уырныдта, Иоанн ӕцӕгӕйдӕр пехуымпар кӕй уыд, уый. 33Ӕмӕ дзуапп радтой Йесойӕн: «Нӕ йӕ зонӕм». Уӕд сын Йесо дӕр загъта: «Уӕдӕ уын Ӕз дӕр нӕ зӕгъдзынӕн, ацы хъуыддӕгтӕ цавӕр хъаруйӕ кӕнын, уый».
Currently Selected:
Марк 11: ОссБ
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002, 2009, 2011-2015, 2018.
Марк 11
11
1Йерусалиммӕ сӕ бирӕ нал хъуыд. Елеоны хохы фахсыл Виффаги ӕмӕ Вифанимӕ куы фӕцӕйхӕццӕ кодтой, уӕд Йесо фӕдзырдта Йӕ ахуыргӕнинӕгтӕй дыууӕмӕ 2ӕмӕ сын загъта: «Ацӕут, уартӕ нӕ ныхмӕ цы хъӕу ис, уырдӕм. Куыддӕр хъӕумӕ бацӕуат, афтӕ дзы ссардзыстут, адӕймаг кӕуыл нӕма бадти, ахӕм къӕлӕу бастӕй. Суадзут ӕй ӕмӕ йӕ ардӕм ракӕнут. 3Исчи уӕ куы фӕрса: „Уый цы ми кӕнут?“, уӕд-иу ын дзуапп раттут: „Бардарӕджы хъӕуы, рӕхджы йӕ рарвитдзӕн фӕстӕмӕ“». 4Ахуыргӕнинӕгтӕ ацыдысты, ӕмӕ иу уынджы, кулдуарыл бастӕй, ссардтой къӕлӕуы, ӕмӕ йӕ суагътой. 5Уым чи лӕууыди, уыдонӕй сын чидӕртӕ загътой: «Цы ми кӕнут? Къӕлӕуы цӕмӕн уӕгъд кӕнут?» 6Ахуыргӕнинӕгтӕ сын, Йесо сын куыд бафӕдзӕхста, афтӕ дзуапп радтой, ӕмӕ сын уӕд уыдон дӕр ницыуал загътой.
7Ӕркодтой къӕлӕуы Йесомӕ, сӕвӕрдтой йыл сӕ дарӕс, ӕмӕ йыл Йесо сбадти. 8Адӕмӕй бирӕтӕ фӕндагыл айтыдтой сӕ дарӕс, иннӕтӕ та — быдыртӕй кӕй ӕрбахастой, уыцы къалиутӕ. 9Йесойӕн Йӕ разӕй ӕмӕ Йӕ фӕстӕ чи цыди, уыдон хъӕр кодтой:
«Осаннӕ!
Арфӕгонд уӕд Хуыцауы номӕй Ӕрцӕуӕг!
10Арфӕгонд уӕд
нӕ фыдӕл Давиды ӕрцӕуинаг Паддзахад!
Осаннӕ уӕлӕрвты!»
11Йесо Йерусалиммӕ куы бахӕццӕ ис, уӕд бацыди Кувӕндонмӕ, алцӕмӕ дӕр лӕмбынӕг ӕркасти ӕмӕ, ӕнафон кӕй уыд, уымӕ гӕсгӕ Йӕ дыууадӕс ахуыргӕнинагимӕ Вифанимӕ ацыди.
12Дыккаг бон Вифанийӕ куы рацыдысты, уӕд Йесо сыстонг ис. 13Дардӕй ауыдта, сыфтӕр чи рафтыдта, ахӕм легъуи бӕлас ӕмӕ йӕм бацыди, кӕд ыл исты уаид, зӕгъгӕ. Фӕлӕ йӕм куы бахӕстӕг ис, уӕд ыл сыфтӕртӕ йеддӕмӕ ницы ссардта, уымӕн ӕмӕ йын дыргъафон нӕма уыд. 14Уӕд ын Йесо загъта: «Нырӕй фӕстӕмӕ дын дӕ дыргъӕй мыггагмӕ дӕр мачиуал бахӕрӕд». Ӕмӕ уый фехъуыстой Йӕ ахуыргӕнинӕгтӕ.
15Бахӕццӕ сты Йерусалиммӕ. Йесо Кувӕндоны кӕртмӕ бацыд ӕмӕ — уӕйгӕнӕгӕй, ӕлхӕнӕгӕй — се ’ппӕты дӕр тӕрын райдыдта, ӕхцаивджытӕн афӕлдӕхта сӕ фынгтӕ, бӕлонуӕйгӕнджытӕн — сӕ бандӕттӕ. 16Стӕй Кувӕндоны кӕрты уылты никӕй уагъта исты дзаума хӕссын. 17Амыдта сын: «Афтӕ фыст нӕу, ӕви: „Мӕ Хӕдзар Мын ӕппӕт адӕмтӕн кувӕн хӕдзар схондзысты“? Сымах та дзы абырджыты лӕгӕт сарӕзтат». 18Алчертӕ ӕмӕ динамонджытӕ уый фехъуыстой ӕмӕ агуырдтой Йӕ амарыны фадат. Уымӕн ӕмӕ Йӕ ахуырад ӕппӕт адӕмы дисы ӕфтыдта, ӕмӕ Дзы тарстысты. 19Куы баизӕр ис, уӕд Йесо Йӕ ахуыргӕнинӕгтимӕ сахарӕй рацыди.
20Дыккаг бон та райсомӕй легъуи бӕласы цурты фӕцӕйцыдысты ӕмӕ федтой, бӕлас суанг йӕ уидӕгтӕм кӕй бахус ис, уый. 21Петрӕн йӕ зӕрдыл ӕрлӕууыди зноны хабар ӕмӕ Йесомӕ дзуры: «Равви, акӕс-ма, Ды кӕй ралгъыстай, уыцы легъуи бӕлас бахус ис!» 22Йесо сын загъта: 23«Ӕууӕндут Хуыцауыл. Ӕцӕг цы у, уый уын зӕгъын: исчи мӕнӕ ацы хохӕн афтӕ куы зӕгъа, зӕххӕй фӕхицӕн у ӕмӕ денджызы дӕхи баппар, зӕгъгӕ, ӕмӕ, афтӕ кӕй уыдзӕн, ууыл дызӕрдыг куынӕ кӕна, фӕлӕ, йӕ ныхӕстӕ ӕрцӕудзысты, уый йӕ фидарӕй куы уырна, уӕд, куыд зӕгъа, афтӕ уыдзӕни. 24Уымӕ гӕсгӕ уын зӕгъын: уӕ куывды цы курат, уый ныридӕгӕн кӕй райстат, ууыл ӕууӕндут ӕмӕ йӕ уӕд ӕнӕмӕнгӕй райсдзыстут. 25Стӕй, кувгӕйӕ, Хуыцауы раз куы лӕууат, уӕ зӕрдӕйы та искӕмӕ маст куы хӕссат, уӕд-иу ын ныббарут, ӕмӕ уын уӕ Уӕларвон Фыд дӕр ныббардзӕни уӕ тӕригъӕдтӕ. 26[Кӕд нӕ барут, уӕд уын уӕ Уӕларвон Фыд дӕр нӕ ныббардзӕни уӕ тӕригъӕдтӕ.]»
27Йесо та Йӕ ахуыргӕнинӕгтимӕ ӕрбаздӕхти Йерусалиммӕ. Кувӕндоныл куы зылди, уӕд Ӕм алчертӕ, динамонджытӕ ӕмӕ адӕмы хистӕртӕ бацыдысты 28ӕмӕ Йӕ бафарстой: «Ды ацы хъуыддӕгтӕ цавӕр хъаруйӕ кӕныс? Афтӕ кӕныны бар Дын чи радта?» 29Йесо сын загъта: «Ӕз дӕр уӕ иу цӕмӕйдӕр бафӕрсдзынӕн. Дзуапп Мын раттут, ӕмӕ уын уӕд Ӕз дӕр зӕгъдзынӕн, цавӕр хъаруйӕ сӕ кӕнын, уый. 30Зӕгъут-ма мын, Иоанн цы аргъуыдӕй аргъуыдта, уый йын кӕмӕй лӕвӕрд уыд: уӕларвӕй ӕви адӕмӕй?». 31Уыдон кӕрӕдзийӕн дзырдтой: «Афтӕ куы зӕгъӕм: „Уӕларвӕй“, уӕд нӕ бафӕрсдзӕн: „Уӕдӕ цӕуылнӕ баууӕндыдыстут Иоанныл?“» 32«Адӕмӕй» зӕгъын та тарстысты адӕмӕй, уымӕн ӕмӕ се ’ппӕты дӕр уырныдта, Иоанн ӕцӕгӕйдӕр пехуымпар кӕй уыд, уый. 33Ӕмӕ дзуапп радтой Йесойӕн: «Нӕ йӕ зонӕм». Уӕд сын Йесо дӕр загъта: «Уӕдӕ уын Ӕз дӕр нӕ зӕгъдзынӕн, ацы хъуыддӕгтӕ цавӕр хъаруйӕ кӕнын, уый».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002, 2009, 2011-2015, 2018.