Luk 8
8
Babanɛ mbɛ banyɛgɛ Jisɔs
1Egbigbɨra kegbu, Jisɔs ɔra ociŋɛ rika irɛ irɛnɛ na ikikɨri, ɔkanɛ bani brika ramu ɔbaŋa Rɔrɛ-rɛkɨm Ɛbrɔkpabi. Apɔsɨl bamɔ iti jubi na ifa bara na amɔ, 2mɨnɛ babanɛ bajuju mbɛ ɔgbana bɔkɔ-bobi na ifiɛ ijuju: Meri (ŋɔ bajiŋɛ Madalin) ŋɔ bakpu bɛkɔ-bebi bɛnabɛtaa na ɛkpaju banyɛgɛ mɔ mɨnɛ; 3Joana, ŋɔ oruma ɔmɔ Kusa ɔra ɔkɨmkɨm oni na esub Hɛrɔd; na Susana, na babanɛ bajuju ecii banyaŋɛ Jisɔs na banyɛgɛ mɔ na mbu bafɔnɔ.
Rɛkana oni kɛkana
(Mt 13:1-9; Mk 4:1-9)
4Bani ecii basi na irɛ nkɨmnkɨm baŋuɛ ɛyɛ Jisɔs; mɨnɛ ndi babɨbanɛ, ɔkanɛ bɛ rɛkana ndi: 5“kegbu cinɛ osiŋɛ rɛsɛ kɛkana orua kɔba bomu birɛ. Aya ɔnyana bu, bomu bojuju bɔtɔ na ɛyɔ nji bani baciŋɛ, bani basa bu, mɨnɛ mininɔɔn minwu tagi mimmia. 6Bomu bojuju bɔtɔ na itakpa, mɨnɛ ndi bɔmɛrɛ, bɔwɔnɔ, bɔba ndi mani manra na itakpa. 7Bomu bojuju bɔtɔ na boruriwa, bɔmɛrɛ, bɔtɨma, nsu boruriwa bokijɛ bu ifɛd. 8Mɨnɛ bomu bojuju bɔtɔ na brika rɔcɛ; bɔtɨma boŋuga bomu, emu jinɛ eŋuga iram imu itan.” Mɨnɛ Jisɔs okurɛ rɛkana rɛmɔ ya,
“Fugɛ nu yɛ, ara minfɔnɔ ratu!”
Mbu bosi na Jisɔs ɔtanɛ na rakana
(Mt 13:10-17; Mk 4:10-12)
9Banyɛgɛ Jisɔs basɨna mɔ mbu rɛkana ndi rɛjaga, 10mɨnɛ ɔfɛlɛ bɛ ramu ya,
“Kɛgbɨra kɔtanɛ nci birɛ mbi bɛra ŋɨbaŋɨba na rɔrɛ-rɛkɨm Ɛbrɔkpabi nkabara njɛ nu,
nsu na bani bajuju beŋuɛ na ɛyɔ rakana,
kubarɔ nsu bafɛŋɛ,
mɨnɛ bayumɛ ratu nsu bajɔɛ.
Jisɔs ɔkabara rɛkana oni ŋɔ orua birɛ kɔba
(Mt 13:18-23; Mk 4:13-20)
11“Rɛkana ndi rɛjaga ya: Emu na remu Ɛbrɔkpabi. 12Bomu mbu bɔtɔ na ɛyɔ na bani mbɛ bafugɛ ramu Ɛbrɔkpabi; nsu kɛkɔ-kebi kewu sɛ ramu kandɛ na botima bɔbɛ na esikafa bakafɔnɔ renyiɛ na bacia bafɔnɔ rɛnyaŋɛ. 13Bomu mbu bɔtɔ na itakpa na bani mbɛ bafugɛ rotuma mɨnɛ batama du na kɔrɔmetima. Nsu rokitɨranɛ na botima bɔbɛ; Bafɔnɔ renyiɛ egbigbɨra kegbu nsu ara eyumɛ ewu, batɔ. 14Bomu mbu bɔtɔ na boruriwa na bani mbɛ bafugɛ rotuma; nsu birɛ rokuku, ewud ogbuga na brika birɛ rokpin bɛfɨnanɛ bɛ, mbu abɛ bafugɛ bokikɔkɔgɛ na rokpin rɔbɛ. 15Bomu mbu bɔtɔ na brika rɔcɛ na bani mbɛ bafugɛ rotuma batama du na brika botima, mɨnɛ babara tɨmisi ta baŋuga raduna.
Rɛkana Roku
(Mk 4:21-25)
16“Oni ɔra ŋɔ ɔkɔŋamɛ roku ɔbɛ kɛcɛyɛ oyi. Mɨnɛ ɔrɔbɔdu ntunɛ kɛyɔ. Babarɛ du na kerigɛ nci basi ya babarɛ du, na esikafa bani bafɛ kwa jaɛ ara banɔ. 17“Gbanambunɛ baŋɨba kubɔjaga na rɛjaɛ, mɨnɛ gbanambunɛ bayi kubafɛ mɨnɛ bajaga na abu na rɛjaɛ. 18“Jɨbanɛ nu bɔkpaju, yɛ, kɛmanci minyumɛ ratu; ndi bani mbɛ bafɔnɔ gba kubakwɛ bɛ, nsu bani mbɛ babɔ bakifɔnɔ tumgba, tum egbigbɨra nji barigɛ etima ya bafɔn, kubatama bɛ abu.”
Minka na bama Jisɔs
(Mt 12:46-50; Mk 3:31-35)
19Minka na bama Jisɔs bawu kɔfɛ Jisɔs, nsu bakiyɛ bakunɛ mɔ ndi bani bajabi baci. 20Oni ɔkanɛ Jisɔs ya, “Minka ɔyɛ na bama bayɛ babari na rofia baduga kɔfɛ wu.”
21Jisɔs ɔkanɛ bɛ fɛb ya, ‘Minka omia na bama bamia na bani mbɛ bafugɛ remu Ɛbrɔkpabi mɨnɛ bayɔgɛ di.’#8:21 Bani mbɛ bafɔnɔ renyiɛ na Jisɔs bara bani kɛtɨbi Ɛbrɔkpabi
Jisɔs otunɛ ɛfɛbɛ
(Mt 8:23-27; Mk 4:35-41)
22Reyi dinɛ Jisɔs ɔnɔ na kokugi na banyɛgɛ mɔ mɨnɛ ɔkanɛ bɛ ya, “Rerua nu irɨma regbu njika.” Babɨnɛ koru, 23aya bara baruŋɛ, Jisɔs ɔtɔ rɔra. Ɔkɨmkɨm ɛfɛbɛ ɛbɨnɛ na regbu, mani mambɨnɛ kɔnɔ na kokugi, ta jugi kɔkɔsɨm bara na ɛyɔ rɔbɔ.
24Banyɛgɛ-mɔ baruŋɛ bakafiɛ Jisɔs na rɔra, ya, “Ita, Ita! Rɛkɔsɨm-o!”
Jisɔs ɔgbɛ otunɛ ɛfɛbɛ na ebugaya, mɨnɛ befugɛ mɔ, kwa kaŋua mɨnɛ sag. 25Ɔsɨna yɛ banyɛgɛ mɔ ya, “Renyiɛ-etima renua nɛ?”
Nsu ɛkpaju ɛyɛ bɛ mɨnɛ bofu bosi bɛ, batanɛ na bacɛmɛ ya, “Baga oni mɔnya? Ɔŋama ɛfɛbɛ na ebugaya mɨnɛ befugɛ mɔ!”
Jisɔs ɔgbana orumanɛ ŋɔ ɔfɔnɔ bɔkɔ-bobi
(Mt 8:28-34; Mk 5:1-20)
26Jisɔs na banyɛgɛ mɔ bafira baruŋɛ mbari rɔcɛ Gɛrasa ndu rɔra irɨma regbu njika, rɔrɔŋɛ Galili. 27Aya Jisɔs ɔjaga na kokugi, oni ŋɔ osi rɔrɛ kandu ŋɔ ɔfɔnɔ bɔkɔ-bobi na ɛkpaju owu kɨmanɛ mɔ. Oni ŋɔ ɔcɛ ɛkpaju ebin rayi rasi mɨnɛ ɔbɔyɔmɛ na ɛtɔ, otumɛ na rabaraba. 28Ndi ɔfɛ Jisɔs, okuga, ɔtɔ mɔ na bɛya, mɨnɛ otibɛ na remu rɛrɛnɛ, “Jisɔs, Wɔ Ɛbrɔkpabi nji Eciacia! Aduga bu na ami? Nkpɔlɛ wu, kajɛ mi rasinkanɛ!” 29Ɔtanɛ kanya ndi Jisɔs ɔbɛrɔsɔ ɔŋam kɛkɔ-kebi kanci ya kejaga mɔ na ɛkpaju. Begbu eciecii kɛkɔ-kebi nci kesinkanɛ mɔ ebii. Tum ndi ɔra na mankpɔkɔbi ibɔ na ikari, okogburi bɛ mɨnɛ kɛkɔtɨnɛ mɔ oruŋɛ na kwa bani babɔ batumɛ.
30Jisɔs ɔsɨna mɔ ya, “Awu ayinɛ nyan?”
Ɔfɛlɛ mɔ ramu ya, “Rirɨna rimia riyinɛ ya Ecii,” ndi bɔkɔ-bobi ecii bɔnɔ mɔ na ɛkpaju. 31Bɔkɔ-bobi mbu bɔkpɔlɛ Jisɔs ya ɔkakpu bu borua na rebira ndi rɛdɨmɛdɨmɛ ndi rɛbɔ rekifɔnɔ ntɨm.
32Bakug ecii bara kafa kpirekpirɛ, badiŋɛ bedidi na kɔba rokuku. Bɔkɔ-bobi mbu bɔkpɔlɛ Jisɔs ya osugɛ bu bɔnɔ na bakug, mɨnɛ osugɛ bu. 33Bɔjaga na ɛkpaju oni ŋɔ bɔnɔ bakug. Bakug mbɛ fɛb babɨrɛ bariɛ rokuku bakariɛ rika regbu bayɨma.
34Ndi bani mbɛ bababɛrɛ bakug bafɛ mbu bɔjaga, babɨrɛ bakakanɛ bani na irɛ irɛnɛ na bɔtɨma bɔyɔ. 35Bani bajaga bakafɛ mbu bɔjaga, mɨnɛ ndi bawu ɛyɛ Jisɔs, bafɛ oni ŋɔ bɔkɔ-bobi bɔjaga na ɛkpaju otum ɛyɛrɔsɔ Jisɔs, na bɔfɔ na ɛkpaju mɨnɛ etima ɛtɨranɛ. Ndi bafɛ mɔ, bofu bosi bɛ. 36Bani mbɛ bafɛ kɛmanci Jisɔs ɔgbana orumanɛ ŋɔ bakanɛ bani aya kɔjaga. 37Bani mbɛ bara mbari Jɛrasa fɛb bakpɔlɛ Jisɔs ya osugɛ bɛ orua, ndi bara na ɔkɨmkɨm bofu. Jisɔs ɔnɔ na kokugi oruŋɛ.
38Oni ŋɔ Jisɔs ɔsɛ bɔkɔ-bobi ɔkpɔlɛ Jisɔs ya, “Yɔgɛ mi nrua na awu.” Nsu Jisɔs okinyiɛ, ya, 39“Ŋbɨnɛnɛ taŋɛ gba kakanɛ mbu Ɛbrɔkpabi ewusi ɛjɛ wu.” Oruŋɛ ɔkanɛ bani ɔfɛrɛ rɔrɛ mbu Jisɔs owusi ɔjɛ mɔ.
Jisɔs ofiɛ oburɛ wɔ Jairus na rɔbɔ mɨnɛ ɔgbana ɔwanɛ ŋɔ ofimɛfimɛ
(Mt 9:18-26; Mk 5:21-43)
40Ndi Jisɔs ɔŋbɨnɛnɛ ɔgbaŋɛ irɨma regbu njinka, bani batama mɔ, ndi bara bafumanɛ mɔ. 41Kafa, orumanɛ ŋɔ oyinɛ Jairus owu; amɔ mɔ ɔra oni retu ɔsam-rɔrɛ. Ɔkpɔgɛ na bɛya Jisɔs ɔkpɔlɛ mɔ ya orua na ɛtɔ ɛmɔ, 42ndi wɔ ɔmɔ ŋɔnɛŋɔnɛ ŋɔ ɔwanɛ, ŋɔ ɔra ju jubi na rifa, ɔkɔba.
Aya Jisɔs oruŋɛ, bani bafua mɔ bafɛrɛfɛrɛ. 43Nakɔrɔ bani mbɛ bafua mɔ, ɔwanɛ ŋɔ manji manwu jagi mɔ ju jubi na rifa, rɛyɛrɛ rɛra ɔra kafa. Okubɛ bagbuga bamɔ fɛb mbɛ ɔfɔnɔ na bagbana-bani, nsu tum oni okiyɛ ɔgbana mɔ. 44Owu ɛyɛbirɨma Jisɔs na rɛkaba kandi ɔkakpɨm retu ɛfɔ Jisɔs, mɨnɛ ɔmɛ manji manyɛrɛ.
45Jisɔs ɔsɨna, “Yɛnɛ mɔ ɔkpɨma mi?” Oni naŋɔnɛ ɔkɨna, Pita ya, “Ita, bani bafɛrɛ wu ɔfɛrɛ, bajuju batɨnɛtɨnɛ nka.”
46Nsu Jisɔs ya, “Oni ɔkpɨm mi, ŋbɨri ndi nsɨm ɔjagi mi na ɛkpaju.”
47Ndi ɔwanɛ ŋɔ ɔfɛ ya amɔ ɔyɛŋɛ kɔŋɨbi, ɔjaga, ofuŋɛ na ɛkpaju ɔkpɔgɛ Jisɔs na bɛya. Na rɔsɔ bani mbɛ barakafa, ɔkanɛ mɔ mbu bosi na amɔ ɔkpɨma mɔ. Mɨnɛ kɛmanci ɛkpaju ɛbɔtigiri mɔ kegbu cinɛ. 48Jisɔs ɔkanɛ mɔ ya, “Owura, renyiɛ-etima rɛyɛ rɛgban wu. Taŋɛ na reŋunɛ.”
49Ndi Jisɔs ɔra ɔtanɛ, oni osi na ɛtɔ Jairus owu kanɛ Jairus ya, “Wɔ ɔyɛ ɔba,” “Bu na mimbɛnɛ minjuŋanɛ ɔkpɛbɛ?”
50Ndi Jisɔs ofugɛ bɛ, ɔkanɛ Jairus ya, “Kafɔnɔ bofu; junɛ fɔnɔ renyiɛ, ɛkpaju kuetigiri mɔ.”
51Aya Jisɔs ɔnɔ na ɛtɔ Jairus, okinyiɛ bani bajuju banɔ rika ɛtɔ na amɔ ekicia Pita, Jɔn, na Jems, mintɛ na minka wɔ. 52Oni naŋɔnɛ kafa ɔra obiŋɛbiŋɛ mɨnɛ bafaba ijiɛ. Jisɔs ya, “Bokogobi nu; wɔ ŋɔ okiba, ɔraɛraɛ.”
53Abɛ fɛb basɔŋɔ mɔ, ndi bagbɨri ya ɔba. 54Nsu Jisɔs ɔjɨba mɔ na kɔbɔ ya, “Wɔ omia, gbɛ!” 55Kɛkɔ kɛmɔ kɛŋbɨnɛnɛ, mɨnɛ ɔgbɛ ɔbarabara kegbu cinɛ. Jisɔs ɔkanɛ bɛ ya bajɛ mɔ bedidi odi. 56Ɛkpaju ɛyɛ britɛ bamɔ, nsu Jisɔs ɔjama bɛ kotu ya bakakanɛ oni tumŋɔnɛ mbu bɔjaga.
Currently Selected:
Luk 8: Olulumo-Ikom
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation
Luk 8
8
Babanɛ mbɛ banyɛgɛ Jisɔs
1Egbigbɨra kegbu, Jisɔs ɔra ociŋɛ rika irɛ irɛnɛ na ikikɨri, ɔkanɛ bani brika ramu ɔbaŋa Rɔrɛ-rɛkɨm Ɛbrɔkpabi. Apɔsɨl bamɔ iti jubi na ifa bara na amɔ, 2mɨnɛ babanɛ bajuju mbɛ ɔgbana bɔkɔ-bobi na ifiɛ ijuju: Meri (ŋɔ bajiŋɛ Madalin) ŋɔ bakpu bɛkɔ-bebi bɛnabɛtaa na ɛkpaju banyɛgɛ mɔ mɨnɛ; 3Joana, ŋɔ oruma ɔmɔ Kusa ɔra ɔkɨmkɨm oni na esub Hɛrɔd; na Susana, na babanɛ bajuju ecii banyaŋɛ Jisɔs na banyɛgɛ mɔ na mbu bafɔnɔ.
Rɛkana oni kɛkana
(Mt 13:1-9; Mk 4:1-9)
4Bani ecii basi na irɛ nkɨmnkɨm baŋuɛ ɛyɛ Jisɔs; mɨnɛ ndi babɨbanɛ, ɔkanɛ bɛ rɛkana ndi: 5“kegbu cinɛ osiŋɛ rɛsɛ kɛkana orua kɔba bomu birɛ. Aya ɔnyana bu, bomu bojuju bɔtɔ na ɛyɔ nji bani baciŋɛ, bani basa bu, mɨnɛ mininɔɔn minwu tagi mimmia. 6Bomu bojuju bɔtɔ na itakpa, mɨnɛ ndi bɔmɛrɛ, bɔwɔnɔ, bɔba ndi mani manra na itakpa. 7Bomu bojuju bɔtɔ na boruriwa, bɔmɛrɛ, bɔtɨma, nsu boruriwa bokijɛ bu ifɛd. 8Mɨnɛ bomu bojuju bɔtɔ na brika rɔcɛ; bɔtɨma boŋuga bomu, emu jinɛ eŋuga iram imu itan.” Mɨnɛ Jisɔs okurɛ rɛkana rɛmɔ ya,
“Fugɛ nu yɛ, ara minfɔnɔ ratu!”
Mbu bosi na Jisɔs ɔtanɛ na rakana
(Mt 13:10-17; Mk 4:10-12)
9Banyɛgɛ Jisɔs basɨna mɔ mbu rɛkana ndi rɛjaga, 10mɨnɛ ɔfɛlɛ bɛ ramu ya,
“Kɛgbɨra kɔtanɛ nci birɛ mbi bɛra ŋɨbaŋɨba na rɔrɛ-rɛkɨm Ɛbrɔkpabi nkabara njɛ nu,
nsu na bani bajuju beŋuɛ na ɛyɔ rakana,
kubarɔ nsu bafɛŋɛ,
mɨnɛ bayumɛ ratu nsu bajɔɛ.
Jisɔs ɔkabara rɛkana oni ŋɔ orua birɛ kɔba
(Mt 13:18-23; Mk 4:13-20)
11“Rɛkana ndi rɛjaga ya: Emu na remu Ɛbrɔkpabi. 12Bomu mbu bɔtɔ na ɛyɔ na bani mbɛ bafugɛ ramu Ɛbrɔkpabi; nsu kɛkɔ-kebi kewu sɛ ramu kandɛ na botima bɔbɛ na esikafa bakafɔnɔ renyiɛ na bacia bafɔnɔ rɛnyaŋɛ. 13Bomu mbu bɔtɔ na itakpa na bani mbɛ bafugɛ rotuma mɨnɛ batama du na kɔrɔmetima. Nsu rokitɨranɛ na botima bɔbɛ; Bafɔnɔ renyiɛ egbigbɨra kegbu nsu ara eyumɛ ewu, batɔ. 14Bomu mbu bɔtɔ na boruriwa na bani mbɛ bafugɛ rotuma; nsu birɛ rokuku, ewud ogbuga na brika birɛ rokpin bɛfɨnanɛ bɛ, mbu abɛ bafugɛ bokikɔkɔgɛ na rokpin rɔbɛ. 15Bomu mbu bɔtɔ na brika rɔcɛ na bani mbɛ bafugɛ rotuma batama du na brika botima, mɨnɛ babara tɨmisi ta baŋuga raduna.
Rɛkana Roku
(Mk 4:21-25)
16“Oni ɔra ŋɔ ɔkɔŋamɛ roku ɔbɛ kɛcɛyɛ oyi. Mɨnɛ ɔrɔbɔdu ntunɛ kɛyɔ. Babarɛ du na kerigɛ nci basi ya babarɛ du, na esikafa bani bafɛ kwa jaɛ ara banɔ. 17“Gbanambunɛ baŋɨba kubɔjaga na rɛjaɛ, mɨnɛ gbanambunɛ bayi kubafɛ mɨnɛ bajaga na abu na rɛjaɛ. 18“Jɨbanɛ nu bɔkpaju, yɛ, kɛmanci minyumɛ ratu; ndi bani mbɛ bafɔnɔ gba kubakwɛ bɛ, nsu bani mbɛ babɔ bakifɔnɔ tumgba, tum egbigbɨra nji barigɛ etima ya bafɔn, kubatama bɛ abu.”
Minka na bama Jisɔs
(Mt 12:46-50; Mk 3:31-35)
19Minka na bama Jisɔs bawu kɔfɛ Jisɔs, nsu bakiyɛ bakunɛ mɔ ndi bani bajabi baci. 20Oni ɔkanɛ Jisɔs ya, “Minka ɔyɛ na bama bayɛ babari na rofia baduga kɔfɛ wu.”
21Jisɔs ɔkanɛ bɛ fɛb ya, ‘Minka omia na bama bamia na bani mbɛ bafugɛ remu Ɛbrɔkpabi mɨnɛ bayɔgɛ di.’#8:21 Bani mbɛ bafɔnɔ renyiɛ na Jisɔs bara bani kɛtɨbi Ɛbrɔkpabi
Jisɔs otunɛ ɛfɛbɛ
(Mt 8:23-27; Mk 4:35-41)
22Reyi dinɛ Jisɔs ɔnɔ na kokugi na banyɛgɛ mɔ mɨnɛ ɔkanɛ bɛ ya, “Rerua nu irɨma regbu njika.” Babɨnɛ koru, 23aya bara baruŋɛ, Jisɔs ɔtɔ rɔra. Ɔkɨmkɨm ɛfɛbɛ ɛbɨnɛ na regbu, mani mambɨnɛ kɔnɔ na kokugi, ta jugi kɔkɔsɨm bara na ɛyɔ rɔbɔ.
24Banyɛgɛ-mɔ baruŋɛ bakafiɛ Jisɔs na rɔra, ya, “Ita, Ita! Rɛkɔsɨm-o!”
Jisɔs ɔgbɛ otunɛ ɛfɛbɛ na ebugaya, mɨnɛ befugɛ mɔ, kwa kaŋua mɨnɛ sag. 25Ɔsɨna yɛ banyɛgɛ mɔ ya, “Renyiɛ-etima renua nɛ?”
Nsu ɛkpaju ɛyɛ bɛ mɨnɛ bofu bosi bɛ, batanɛ na bacɛmɛ ya, “Baga oni mɔnya? Ɔŋama ɛfɛbɛ na ebugaya mɨnɛ befugɛ mɔ!”
Jisɔs ɔgbana orumanɛ ŋɔ ɔfɔnɔ bɔkɔ-bobi
(Mt 8:28-34; Mk 5:1-20)
26Jisɔs na banyɛgɛ mɔ bafira baruŋɛ mbari rɔcɛ Gɛrasa ndu rɔra irɨma regbu njika, rɔrɔŋɛ Galili. 27Aya Jisɔs ɔjaga na kokugi, oni ŋɔ osi rɔrɛ kandu ŋɔ ɔfɔnɔ bɔkɔ-bobi na ɛkpaju owu kɨmanɛ mɔ. Oni ŋɔ ɔcɛ ɛkpaju ebin rayi rasi mɨnɛ ɔbɔyɔmɛ na ɛtɔ, otumɛ na rabaraba. 28Ndi ɔfɛ Jisɔs, okuga, ɔtɔ mɔ na bɛya, mɨnɛ otibɛ na remu rɛrɛnɛ, “Jisɔs, Wɔ Ɛbrɔkpabi nji Eciacia! Aduga bu na ami? Nkpɔlɛ wu, kajɛ mi rasinkanɛ!” 29Ɔtanɛ kanya ndi Jisɔs ɔbɛrɔsɔ ɔŋam kɛkɔ-kebi kanci ya kejaga mɔ na ɛkpaju. Begbu eciecii kɛkɔ-kebi nci kesinkanɛ mɔ ebii. Tum ndi ɔra na mankpɔkɔbi ibɔ na ikari, okogburi bɛ mɨnɛ kɛkɔtɨnɛ mɔ oruŋɛ na kwa bani babɔ batumɛ.
30Jisɔs ɔsɨna mɔ ya, “Awu ayinɛ nyan?”
Ɔfɛlɛ mɔ ramu ya, “Rirɨna rimia riyinɛ ya Ecii,” ndi bɔkɔ-bobi ecii bɔnɔ mɔ na ɛkpaju. 31Bɔkɔ-bobi mbu bɔkpɔlɛ Jisɔs ya ɔkakpu bu borua na rebira ndi rɛdɨmɛdɨmɛ ndi rɛbɔ rekifɔnɔ ntɨm.
32Bakug ecii bara kafa kpirekpirɛ, badiŋɛ bedidi na kɔba rokuku. Bɔkɔ-bobi mbu bɔkpɔlɛ Jisɔs ya osugɛ bu bɔnɔ na bakug, mɨnɛ osugɛ bu. 33Bɔjaga na ɛkpaju oni ŋɔ bɔnɔ bakug. Bakug mbɛ fɛb babɨrɛ bariɛ rokuku bakariɛ rika regbu bayɨma.
34Ndi bani mbɛ bababɛrɛ bakug bafɛ mbu bɔjaga, babɨrɛ bakakanɛ bani na irɛ irɛnɛ na bɔtɨma bɔyɔ. 35Bani bajaga bakafɛ mbu bɔjaga, mɨnɛ ndi bawu ɛyɛ Jisɔs, bafɛ oni ŋɔ bɔkɔ-bobi bɔjaga na ɛkpaju otum ɛyɛrɔsɔ Jisɔs, na bɔfɔ na ɛkpaju mɨnɛ etima ɛtɨranɛ. Ndi bafɛ mɔ, bofu bosi bɛ. 36Bani mbɛ bafɛ kɛmanci Jisɔs ɔgbana orumanɛ ŋɔ bakanɛ bani aya kɔjaga. 37Bani mbɛ bara mbari Jɛrasa fɛb bakpɔlɛ Jisɔs ya osugɛ bɛ orua, ndi bara na ɔkɨmkɨm bofu. Jisɔs ɔnɔ na kokugi oruŋɛ.
38Oni ŋɔ Jisɔs ɔsɛ bɔkɔ-bobi ɔkpɔlɛ Jisɔs ya, “Yɔgɛ mi nrua na awu.” Nsu Jisɔs okinyiɛ, ya, 39“Ŋbɨnɛnɛ taŋɛ gba kakanɛ mbu Ɛbrɔkpabi ewusi ɛjɛ wu.” Oruŋɛ ɔkanɛ bani ɔfɛrɛ rɔrɛ mbu Jisɔs owusi ɔjɛ mɔ.
Jisɔs ofiɛ oburɛ wɔ Jairus na rɔbɔ mɨnɛ ɔgbana ɔwanɛ ŋɔ ofimɛfimɛ
(Mt 9:18-26; Mk 5:21-43)
40Ndi Jisɔs ɔŋbɨnɛnɛ ɔgbaŋɛ irɨma regbu njinka, bani batama mɔ, ndi bara bafumanɛ mɔ. 41Kafa, orumanɛ ŋɔ oyinɛ Jairus owu; amɔ mɔ ɔra oni retu ɔsam-rɔrɛ. Ɔkpɔgɛ na bɛya Jisɔs ɔkpɔlɛ mɔ ya orua na ɛtɔ ɛmɔ, 42ndi wɔ ɔmɔ ŋɔnɛŋɔnɛ ŋɔ ɔwanɛ, ŋɔ ɔra ju jubi na rifa, ɔkɔba.
Aya Jisɔs oruŋɛ, bani bafua mɔ bafɛrɛfɛrɛ. 43Nakɔrɔ bani mbɛ bafua mɔ, ɔwanɛ ŋɔ manji manwu jagi mɔ ju jubi na rifa, rɛyɛrɛ rɛra ɔra kafa. Okubɛ bagbuga bamɔ fɛb mbɛ ɔfɔnɔ na bagbana-bani, nsu tum oni okiyɛ ɔgbana mɔ. 44Owu ɛyɛbirɨma Jisɔs na rɛkaba kandi ɔkakpɨm retu ɛfɔ Jisɔs, mɨnɛ ɔmɛ manji manyɛrɛ.
45Jisɔs ɔsɨna, “Yɛnɛ mɔ ɔkpɨma mi?” Oni naŋɔnɛ ɔkɨna, Pita ya, “Ita, bani bafɛrɛ wu ɔfɛrɛ, bajuju batɨnɛtɨnɛ nka.”
46Nsu Jisɔs ya, “Oni ɔkpɨm mi, ŋbɨri ndi nsɨm ɔjagi mi na ɛkpaju.”
47Ndi ɔwanɛ ŋɔ ɔfɛ ya amɔ ɔyɛŋɛ kɔŋɨbi, ɔjaga, ofuŋɛ na ɛkpaju ɔkpɔgɛ Jisɔs na bɛya. Na rɔsɔ bani mbɛ barakafa, ɔkanɛ mɔ mbu bosi na amɔ ɔkpɨma mɔ. Mɨnɛ kɛmanci ɛkpaju ɛbɔtigiri mɔ kegbu cinɛ. 48Jisɔs ɔkanɛ mɔ ya, “Owura, renyiɛ-etima rɛyɛ rɛgban wu. Taŋɛ na reŋunɛ.”
49Ndi Jisɔs ɔra ɔtanɛ, oni osi na ɛtɔ Jairus owu kanɛ Jairus ya, “Wɔ ɔyɛ ɔba,” “Bu na mimbɛnɛ minjuŋanɛ ɔkpɛbɛ?”
50Ndi Jisɔs ofugɛ bɛ, ɔkanɛ Jairus ya, “Kafɔnɔ bofu; junɛ fɔnɔ renyiɛ, ɛkpaju kuetigiri mɔ.”
51Aya Jisɔs ɔnɔ na ɛtɔ Jairus, okinyiɛ bani bajuju banɔ rika ɛtɔ na amɔ ekicia Pita, Jɔn, na Jems, mintɛ na minka wɔ. 52Oni naŋɔnɛ kafa ɔra obiŋɛbiŋɛ mɨnɛ bafaba ijiɛ. Jisɔs ya, “Bokogobi nu; wɔ ŋɔ okiba, ɔraɛraɛ.”
53Abɛ fɛb basɔŋɔ mɔ, ndi bagbɨri ya ɔba. 54Nsu Jisɔs ɔjɨba mɔ na kɔbɔ ya, “Wɔ omia, gbɛ!” 55Kɛkɔ kɛmɔ kɛŋbɨnɛnɛ, mɨnɛ ɔgbɛ ɔbarabara kegbu cinɛ. Jisɔs ɔkanɛ bɛ ya bajɛ mɔ bedidi odi. 56Ɛkpaju ɛyɛ britɛ bamɔ, nsu Jisɔs ɔjama bɛ kotu ya bakakanɛ oni tumŋɔnɛ mbu bɔjaga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2022 Luke Initiative for Scripture Translation