Mareko 10
10
10. A PAKANA.
1I wan igen ko ra bual kuma, ma wan u ra pitpitin Iudaia u ra papara Ioridana: ma magoro diat a kum tara diat tolug ugai balet korom i; ma i wawera diat balet, lenkuma i petpeti ut. 2Ma ra kum te Faresaio diat wan korom i, ma diat tiri tana, I takado duk ba ta muana i pet pukuai a nuna tebuan? Diat lena diat walami ku. 3Ma i tiri ta diat lenkumi, Awa a pirapira na wawera Mosese i tula muat muat a peti? 4Ma diat piri tana, Mosese i nakakon lena, meat a timutai a buk na pet pukuai, ma din pet pukuai. 5Ma Iesu i piri ta diat, lenkuma, Mosese i timutai a wetula kuma un muat, kuma i maliu ku a balamuat. 6Ma tak’ u ra pam kabinpai a lig rap, Nara i ā tara diara a muana ma ra tebuan. 7Ia kuma, a muana in talurai diara a tamana ma nana, ma in tana takum ma nuna tebuan; 8Ma diara wana ra ma ku a mulin‐a‐diara: pa ta ruadi balet diara, ra ma ku a mulin‐a‐diara. 9Kumi, a lig ba Nara i kubu ugai, koniku ta muana in palai balet. 10Ma ba diat ki u ra ruma a nuna kum tara wawera diat tiri tana balet u ra lig kuma. 11Ma i piri ta diat Te i pet pukuai a nuna tebuan, ma diara taula balet ma te bulug a tebuan, i pet na tinouru uni. 12Ma ba a tebuan bulug i pet pukuai a nuna muana, ma diara taula balet ma te bulug a muana, ia kai pet na tinouru.
13Ma diat kipi korom i a kum nat kinalik, ba in pam diat: ma ra kum tara wawera diat wadu bat diat a tara. 14Ma ba Iesu i boboi, i kămkămiak uni, ma i piri ta diat, Muat madekua diat a kum nat liklik diat a wan korom iau; koniku muat pira bat diat: kuma diat u ra matanitu a nun Nara diat len diat bi. 15A ligtatuna, iau pira ta muat, Ba te pa i nuru tau a matanitu a nun Nara len ba a nat kinalik, pa in ruk uni a muana kuma. 16Ma i romo diat u ra limana, ma pakitai a limana u diat, ma pira wadan diat.
17Ma ba diat weuru u ra akapi, ta muana i kala koromi, ma tutudug nana, ma tiri tana, lena, Tena‐wawera kokoina, awa ta lig ag peti ag rakan pai uni a lalaun pa in rap? 18Ma Iesu i piri tana, Ulawai kuma u watug iau lena iau koina? Pa ta tara i koina, Nara ku i koina, ia takai ku. 19U nunurai a kum pirawebat, Koniku um doko te, Koniku pet na tinouru, Koniku ualog, Koniku loklok te, Koniku wabibioi, Un ururu diara tamam ma nam. 20Ma i urunioat tana, lenkumi, Tenawawera, a kum lig rap kuma iau taram ut uni ba iau nat lik kubai. 21Ma ba Iesu i bobo ia i maramari, ma i piri tana, Ra ma ku a lig u iba uni; un wan, un wiura a num kum utna rap, ma palau diat a kum tara kanau uni, ma i gala a num utna din tari tam u ra maua: ma un wan urin, ma patap un iau. 22Ma ba i walogoroi a pirapira kuma a matana i mamutag, ma i wan igen ma balana i tapunuk: kuma i gala akit a nuna utna.
23Ma Iesu i bobo karakarai u diat, ma piri ta diat a nuna kum tara wawera, lenkumi, I bilbilig akit korom diat a kum petpalig ba diat ligna ruk ura matanitu a nun Nara! 24Ma diat a kum tara wawera diat kakaian u ra nuna piripira. Ma Iesu i piri balet, ma lena un diat, A kum na tuglik, i bilbilig akit korom diat diat nurutau u ra nudiat utna ba diat ligna ruk u ra matanitu a nun Nara! 25I pet kaka u ra kamela in ruk aluru u ra mata‐ra‐nidel, ma i pet bilbilig akit u ra petpalig ba i ligna ruk u ra matanitu a nun Nara. 26Ma diat kakaian akit uni, ma diat piri tana, Ba lenkuma o oi te in lalaun? 27Ma Iesu i bobo diat ma i lena, Ba tara ku diat kana pam larapai, Nara ku i pam larapai: kuma Nara i pam larapai a lig rap i ligna peti. 28Ma Petero i piri tana, lenkumi, Le! miat talbegua a kum lig rap, ma miat murumuru ui. 29Iesu i piri, A ligta tuna, iau pira ta muat, Ba te i wan talurai a nuna ruma, ba a kum tetenalik muana, ba a kum tetenalik tebuan, ba nana, ba tamana, ba a kum natunalik, ba kum taman kup iau ma kup a wewapua auakak, 30Kura in rakanpai ta marina balet u ra pupukai kumin, a kum ruma, ma kum tetenalik muana, ma kum tetenalik tebuan, ma kum nana, ma kum natunaliklik, ma kum taman, ma ra kum wemag kai: ma u ra pupukai na muru din rakanpai a lalaun pa i rap. 31Ma magoro a tara diat muka diat a murumuru; ma ra tara diat murumuru diat a muka.
32Ma diat weuru u ra akapi, diat a wan u Ierusalema; ma Iesu i muka diat: ma diat kakaian; ma diat bulug diat murumuru diat burut ma. Ma i ben‐igenpa diat a Winunu‐ma‐ruadi, ma i piri kabin ta diat u ra lig din peti korom i, lenkumi, 33Boboi, dat wan u ra Ierusalema; ma din taramaruai na Tu‐ra‐Muana korom diat a kum tenapinapet gala ma ra kum tenatimtimu bulug; ma diat a nakakon in mat, ma diat a taramaruai korom diat a kum Taraigen; 34Ma diat a tatauru un i, ma kara un i, ma diat a rapu i, ma um doko i; ma ba tul a bug i rap in turu balet.
35Ma Iakopo ma Ioane a ru na tun Sebedaio diara wan korom i, ma piri tana, lenkumi, Tenawawera, mira nemi un peti kup mira a lig mira arig ui uni. 36Ma i tiri diara, lena, Awa a lig muru nemi ag peti kup muru? 37Ma diara piri tana, Un tari ta mira ba mira ki, ra u ra woat na limam ma ra u ra maira na limam u ra num matanitu. 38Ma Iesu i piri ta diara, Pa muru nunurai a lig kuma muru arig kupi. Muru inimi larapai duk a la ba ag inimi? Ma din papitaiso muru ma ra papitaiso ba ag papitaiso mai. 39Ma diara piri tana, Mira pet larapai. Ma Iesu i piri ta diara, a la ba ag inimi muru kai muru inimi kalikmaku; ma ra papitaiso di papitaiso iau mai din papitaiso muru bulug mai. 40Ma ba muru ki u ra woat na limag ma u ra maira na limag iau pa iau nakakon uni: a lig kuma din tari ta diat ku di pam takonotai kup diat. 41Ma ba diat a Winunu diat walogoroi diat ligna kămkămiak korom diara Iakobo ma Ioane. 42Ma Iesu i wata diat korom i, ma piri ta diat. Muat nunurai, lena, diat ba diat nakakon a kum tara igen diat pet dokodokopa u diat; ma ra nudiat kum uiana diat nakakon u diat. 43Ma pa muat a pet lenkuma un muat: ba te i aman Tadaru un muat ia kuma a numuat wetula. 44Ma ia ba i ligna muka un muat, ia kuma in taramlu un muat rap. 45Kuma, a ligtatuna, na Tu‐ra‐Muana pa i wanurin din taram korom i a kum tara: i wanurin in taramlu korom diat, ma din tari a nuna lalaun in wekulbat diat a magoro.
46Ma diat wan u Ieriko; ma ba I wan taka Ieriko, ma diat a nuna kum tara wawera ma diat a magoro kum tara, Boboi, na tun Timaio, a iana Batimaio, a tena arigrek, i pula ma i ki u ra papara akapi. 47Ma ba i walogoroi, lena, Iesu a te Nasaret kuma, i watai ma piri, Iesu, na tun Davida un maramari iau. 48Ma magoro a tara diat pira‐bati, in papaki ku: ma i pet a gati nuna wewatai, Ui ma na Tun Davida, un mari iau. 49Ma Iesu i turu, ma piri, Muat wata ia. Ma diat watai a pula, ma piri tana, Un manatug: un turu, i wata ui. 50Ma ia, i og‐uai a nuna malu, ma turu na te, ma wan korom Iesu. 51Ma Iesu i piri tana, ma tiri lenkumi, Awa ta lig u nemi ba ag peti un ui? Ma ra pula i piri tana, Raboni, iau ligna bobo. 52Ma Iesu i piri tana, Un wan, a nunuruim i walaun ui. Ma matana i bobo na kuru ma ut ma i murumuru ia u ra akapi.
Currently Selected:
Mareko 10: RAI
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1896.
Mareko 10
10
10. A PAKANA.
1I wan igen ko ra bual kuma, ma wan u ra pitpitin Iudaia u ra papara Ioridana: ma magoro diat a kum tara diat tolug ugai balet korom i; ma i wawera diat balet, lenkuma i petpeti ut. 2Ma ra kum te Faresaio diat wan korom i, ma diat tiri tana, I takado duk ba ta muana i pet pukuai a nuna tebuan? Diat lena diat walami ku. 3Ma i tiri ta diat lenkumi, Awa a pirapira na wawera Mosese i tula muat muat a peti? 4Ma diat piri tana, Mosese i nakakon lena, meat a timutai a buk na pet pukuai, ma din pet pukuai. 5Ma Iesu i piri ta diat, lenkuma, Mosese i timutai a wetula kuma un muat, kuma i maliu ku a balamuat. 6Ma tak’ u ra pam kabinpai a lig rap, Nara i ā tara diara a muana ma ra tebuan. 7Ia kuma, a muana in talurai diara a tamana ma nana, ma in tana takum ma nuna tebuan; 8Ma diara wana ra ma ku a mulin‐a‐diara: pa ta ruadi balet diara, ra ma ku a mulin‐a‐diara. 9Kumi, a lig ba Nara i kubu ugai, koniku ta muana in palai balet. 10Ma ba diat ki u ra ruma a nuna kum tara wawera diat tiri tana balet u ra lig kuma. 11Ma i piri ta diat Te i pet pukuai a nuna tebuan, ma diara taula balet ma te bulug a tebuan, i pet na tinouru uni. 12Ma ba a tebuan bulug i pet pukuai a nuna muana, ma diara taula balet ma te bulug a muana, ia kai pet na tinouru.
13Ma diat kipi korom i a kum nat kinalik, ba in pam diat: ma ra kum tara wawera diat wadu bat diat a tara. 14Ma ba Iesu i boboi, i kămkămiak uni, ma i piri ta diat, Muat madekua diat a kum nat liklik diat a wan korom iau; koniku muat pira bat diat: kuma diat u ra matanitu a nun Nara diat len diat bi. 15A ligtatuna, iau pira ta muat, Ba te pa i nuru tau a matanitu a nun Nara len ba a nat kinalik, pa in ruk uni a muana kuma. 16Ma i romo diat u ra limana, ma pakitai a limana u diat, ma pira wadan diat.
17Ma ba diat weuru u ra akapi, ta muana i kala koromi, ma tutudug nana, ma tiri tana, lena, Tena‐wawera kokoina, awa ta lig ag peti ag rakan pai uni a lalaun pa in rap? 18Ma Iesu i piri tana, Ulawai kuma u watug iau lena iau koina? Pa ta tara i koina, Nara ku i koina, ia takai ku. 19U nunurai a kum pirawebat, Koniku um doko te, Koniku pet na tinouru, Koniku ualog, Koniku loklok te, Koniku wabibioi, Un ururu diara tamam ma nam. 20Ma i urunioat tana, lenkumi, Tenawawera, a kum lig rap kuma iau taram ut uni ba iau nat lik kubai. 21Ma ba Iesu i bobo ia i maramari, ma i piri tana, Ra ma ku a lig u iba uni; un wan, un wiura a num kum utna rap, ma palau diat a kum tara kanau uni, ma i gala a num utna din tari tam u ra maua: ma un wan urin, ma patap un iau. 22Ma ba i walogoroi a pirapira kuma a matana i mamutag, ma i wan igen ma balana i tapunuk: kuma i gala akit a nuna utna.
23Ma Iesu i bobo karakarai u diat, ma piri ta diat a nuna kum tara wawera, lenkumi, I bilbilig akit korom diat a kum petpalig ba diat ligna ruk ura matanitu a nun Nara! 24Ma diat a kum tara wawera diat kakaian u ra nuna piripira. Ma Iesu i piri balet, ma lena un diat, A kum na tuglik, i bilbilig akit korom diat diat nurutau u ra nudiat utna ba diat ligna ruk u ra matanitu a nun Nara! 25I pet kaka u ra kamela in ruk aluru u ra mata‐ra‐nidel, ma i pet bilbilig akit u ra petpalig ba i ligna ruk u ra matanitu a nun Nara. 26Ma diat kakaian akit uni, ma diat piri tana, Ba lenkuma o oi te in lalaun? 27Ma Iesu i bobo diat ma i lena, Ba tara ku diat kana pam larapai, Nara ku i pam larapai: kuma Nara i pam larapai a lig rap i ligna peti. 28Ma Petero i piri tana, lenkumi, Le! miat talbegua a kum lig rap, ma miat murumuru ui. 29Iesu i piri, A ligta tuna, iau pira ta muat, Ba te i wan talurai a nuna ruma, ba a kum tetenalik muana, ba a kum tetenalik tebuan, ba nana, ba tamana, ba a kum natunalik, ba kum taman kup iau ma kup a wewapua auakak, 30Kura in rakanpai ta marina balet u ra pupukai kumin, a kum ruma, ma kum tetenalik muana, ma kum tetenalik tebuan, ma kum nana, ma kum natunaliklik, ma kum taman, ma ra kum wemag kai: ma u ra pupukai na muru din rakanpai a lalaun pa i rap. 31Ma magoro a tara diat muka diat a murumuru; ma ra tara diat murumuru diat a muka.
32Ma diat weuru u ra akapi, diat a wan u Ierusalema; ma Iesu i muka diat: ma diat kakaian; ma diat bulug diat murumuru diat burut ma. Ma i ben‐igenpa diat a Winunu‐ma‐ruadi, ma i piri kabin ta diat u ra lig din peti korom i, lenkumi, 33Boboi, dat wan u ra Ierusalema; ma din taramaruai na Tu‐ra‐Muana korom diat a kum tenapinapet gala ma ra kum tenatimtimu bulug; ma diat a nakakon in mat, ma diat a taramaruai korom diat a kum Taraigen; 34Ma diat a tatauru un i, ma kara un i, ma diat a rapu i, ma um doko i; ma ba tul a bug i rap in turu balet.
35Ma Iakopo ma Ioane a ru na tun Sebedaio diara wan korom i, ma piri tana, lenkumi, Tenawawera, mira nemi un peti kup mira a lig mira arig ui uni. 36Ma i tiri diara, lena, Awa a lig muru nemi ag peti kup muru? 37Ma diara piri tana, Un tari ta mira ba mira ki, ra u ra woat na limam ma ra u ra maira na limam u ra num matanitu. 38Ma Iesu i piri ta diara, Pa muru nunurai a lig kuma muru arig kupi. Muru inimi larapai duk a la ba ag inimi? Ma din papitaiso muru ma ra papitaiso ba ag papitaiso mai. 39Ma diara piri tana, Mira pet larapai. Ma Iesu i piri ta diara, a la ba ag inimi muru kai muru inimi kalikmaku; ma ra papitaiso di papitaiso iau mai din papitaiso muru bulug mai. 40Ma ba muru ki u ra woat na limag ma u ra maira na limag iau pa iau nakakon uni: a lig kuma din tari ta diat ku di pam takonotai kup diat. 41Ma ba diat a Winunu diat walogoroi diat ligna kămkămiak korom diara Iakobo ma Ioane. 42Ma Iesu i wata diat korom i, ma piri ta diat. Muat nunurai, lena, diat ba diat nakakon a kum tara igen diat pet dokodokopa u diat; ma ra nudiat kum uiana diat nakakon u diat. 43Ma pa muat a pet lenkuma un muat: ba te i aman Tadaru un muat ia kuma a numuat wetula. 44Ma ia ba i ligna muka un muat, ia kuma in taramlu un muat rap. 45Kuma, a ligtatuna, na Tu‐ra‐Muana pa i wanurin din taram korom i a kum tara: i wanurin in taramlu korom diat, ma din tari a nuna lalaun in wekulbat diat a magoro.
46Ma diat wan u Ieriko; ma ba I wan taka Ieriko, ma diat a nuna kum tara wawera ma diat a magoro kum tara, Boboi, na tun Timaio, a iana Batimaio, a tena arigrek, i pula ma i ki u ra papara akapi. 47Ma ba i walogoroi, lena, Iesu a te Nasaret kuma, i watai ma piri, Iesu, na tun Davida un maramari iau. 48Ma magoro a tara diat pira‐bati, in papaki ku: ma i pet a gati nuna wewatai, Ui ma na Tun Davida, un mari iau. 49Ma Iesu i turu, ma piri, Muat wata ia. Ma diat watai a pula, ma piri tana, Un manatug: un turu, i wata ui. 50Ma ia, i og‐uai a nuna malu, ma turu na te, ma wan korom Iesu. 51Ma Iesu i piri tana, ma tiri lenkumi, Awa ta lig u nemi ba ag peti un ui? Ma ra pula i piri tana, Raboni, iau ligna bobo. 52Ma Iesu i piri tana, Un wan, a nunuruim i walaun ui. Ma matana i bobo na kuru ma ut ma i murumuru ia u ra akapi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1896.