APOSTOLO 10
10
1Kwapwile umwe lunga mu Sesarea, jina lienyi Koneliu, kapitau ka mukana wa maswalale uze anauvuluka ngwo, Wa Halia, 2mukwa kuwayila, iye mukwa kwivwa woma wa Zambi hamwe ni akwa zuwo lienyi eswe, iye wahanyine yawana kuli atu, waliumbile kuli Zambi matangwa eswe. 3Ha ola #10.3 Tangwa ha muchima.yamuchilivwa ya mwalwa wamwene zwalala mu usolwelo, mungelo wa Zambi, kananjila kuli iye, nikwamba kuli iye ngwenyi, Koneliu. 4Iye, nikumuhulikila meso, wa tò ni woma, wambile ngwenyi, Kuchi Mwene? Wambile kuli iye ngwenyi, Kulemba che ni kuhana che hichinazezuka ngwe Chiwulwiso kumeso ja Zambi. 5Haliapwila tuma malunga ku Yopa, akasake Semone, jina likwo ngwo, Petulu: 6kanamuzeke kuli umwe Semone mukwa kukotongola, yoze zuwo lienyi lili ku sesa lia kalunga-lwiji. Iye makwambulwila chize Chakutamba kulinga. 7Muze mungelo yoze wahanjikile kuli iye hakatuka, watambikile aali a ku ngamba jenyi a mu zuwo, ni swalale mukwa kuwayila wa kuli waze amuvumbikile matangwa eswe. 8Muze te hambulula yuma yeswe kuli ayo, waatumine ku Yopa.
9Muze hikwacha shimbu wano apwile mu jila, machikundama ku limbo, Petulu wakandukile helu lia zuwo mukulemba, ngwe ha ola #10.9 Chingoloshi, tangwa kuliendala.amuchisambano: 10iye wevwile zala, wazangile kulia: alioze shimbu machilulika, wapwile ngwe mu tulo; 11iye yamona lilu linazuluka, ni chikwachilo chimwe chinahulumuka, ngwe hina linene, kanalisunwisa ku mbango jiwana hashi: 12muze mwapwile tushitu eswe, ni tututu a hashi, ni tujila a mwilu. 13Liji liejile kuli iye ngwo, Katuka, Petulu; shiha, ulie. 14Alioze Petulu wambile ngwenyi. Ka, hi chocho ko, Mwene, se Chalile nichimwe chipi hanji cha luchisa nilimwe tangwa. 15Liji liejile kuli iye cheka nawa chisuho chamuchiali ngwo, Chize hanapemesa Zambi, kanda uchivuluka ngwe, Chipi. 16Chino chapwile katatu: mba chikwachilo chasosewele haze hene mwilu.
17Shimbu Petulu akakashanyine muli iye mwene, chize usolwelo uze amwene muulumbunuka, kumanyi, malunga waze atumiwine kuli Koneliu, te hahula ha zuwo lia Semone, amanyine ku chikolo, 18atambikile, nikuhula kachi Semone, jina lienyi likwo Petulu, kanatwamako. 19Shimbu Petulu azewile usolwelo, Spiritu wambile kuli iye ngwenyi, Tala, malunga atatu kanakufupu. 20Alioze katuka, upalumuke, uye hamwe no, kanda uyambashana nichimwe: mumu hingunaatumu. 21Petulu wapalumukine kuli malunga, wambile ngwenyi, Yoze nunamufupu, yami: chika nunejila? 22O ambile ngwo, Koneliu, kapitau, mukwa ululi, mukwa kwivwa woma wa Zambi, kakumushindakenya ku vungu lieswe lia A-Yunda, kanakamwambulwila kuli mungelo musandu kukusaka, wize ku zuwo lienyi, akevwe maliji kuli yena. 23Kashika waanjishile mu zuwo, waazekele.
Mba muze hikwacha Petulu wakatukile akaye hamwe no, ni amwe a kuli mandumbu ku Yopa ayile hamwe nenyi. 24Muze hikwacha anjilile mu Sesarea. Koneliu machiatalatala, se hanakungulula usoko wenyi ni tusendo twenyi. 25Muze Petulu anjilile mu zuwo, Koneliu wamupatwijile, wafulamanyine ku molu jenyi, wamuwayilile. 26Alioze Petulu wamukatwishile ngwenyi, Katuka; yami nawa nguli mutu. 27Iye wanjilile nikulishimwinya nenyi, wawanyine anji akungamine: 28wambile kuli ayo ngwenyi, Yenu nunanyingika ngwe kuchalitele hali Ka-Yunda kulifutula, hanji kuliendela ni umwe wa ku vungu likwo, alioze Zambi hanangulweza ngwenyi, Kanda uvuluka niumwe mupi hanji wa luchisa: 29kashika yingwiza nikuhamika nichimwe, muze unakangusaka. Ngunahula kashika kuchi te nwangusaka.
30Koneliu wambile ngwenyi, Matangwa awana kunyima, napwile nikulitwamina kulia ndo ku ola yino; ha ola #10.30 Tangwa ha muchima.yamuchilivwa, ngunalembe mu zuwo liami; kumanyi, lunga unamana kumeso jami ni hina lia mukambo lia kulejima. 31Yamba ngwenyi, Koneliu, hanapanjika ku kulemba che, ni kuhana che hichinazezuka ngwe Chiwulwiso kumeso ja Zambi. 32Kashika tuma ku Yopa, Ukasake Semone, jina lienyi likwo Petulu; kanamuzeke mu zuwo lia Semone mukwa kukotongola ku sesa lia kalunga-lwiji, iye muze meza makahanjika ni yena. 33Haze hene kashika ngunakatuma kuli yena; ni wakalakala hiweza. Haliapwila kashika, yetu eswe kuno kutuli kumeso ja Zambi, mukwivwa yuma yize yeswe hanakwambe kuli Mwene.
34Mba Petulu Wapakwile kanwa lienyi, wambile ngwenyi, Chamwenemwene ngunamono Zambi keshi katonde: 35alioze mu mavungu eswe yoze wakumuvwila woma, wakulinga ululi, kakupemena kuli iye. 36Liji lize watumine kuli ana a Izalele, nikwambujola sambukila muli Yesu Kristu; (iye Mwene wa eswe), 37Liji lize nunanyingika yenwene ngwami, Lize liafumanyine ndusu mu Yundeya mweswe, nikuputuka ku Ngalileya, chize ku upapachiso uze ambujolele Yoano; 38ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi. 39Yetu tuli yela ja yuma yize yeswe alingile, ni mu chifuchi cha A-Yunda, ni mu Yerusaleme; iye amushihile, nikumuzezeleka ha mutondo. 40Alioze Zambi wamuhindwishile ha tangwa liamuchitatu, wamusolwele pundu; 41hi kuli atu eswe ko, alioze kuli yela waze Zambi waatongwele kushi, yetu twalile, twanwine hamwe nenyi muze te hahinduka hakachi ka afu. 42Iye watuhele shimbi mukwambujola kuli atu, nikushindakenya chikolo ngwetu, Yono hanamusela kuli Zambi Sopi ya a mwono ni afu. 43Kuli iye aprofeta eswe kakushindakenya ngwo, Ku jina lienyi mweswawo mamufuliela makatambula ukonekeno wa milonga.
44Shimbu Petulu machihanjika maliji ano, Spiritu Musandu wejile hali waze eswe evwile lie liji. 45Akwa kufuliela a ku ungalami, alishikishilile, waze eswe ejile hamwe ni Petulu, mumu hali akwa mavungu nawa chawana cha Spiritu Musandu chazukukile. 46Mumu aevwile nikuhanjika mu malimi nikuchichimieka Zambi. Hohene Petulu wakumbulwile ngwenyi, 47Umwe mahasa kutukanjisa meya ha kupapachisa wano se hatambula Spiritu Musandu chizechene ngwe yetu nawa, nyi? 48Iye waambile atambule upapachiso mu jina lia Yesu Kristu. Hohene amulembele atwame matangwa amwe.
Currently Selected:
APOSTOLO 10: Csa
Highlight
Share
Copy
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
