मत्ती 21
21
एरुसलेम रे ईसु कू आदर इजेत तेडा
(मरकुस 11:1-11; लूका 19:28-40; एहुन्ना 12:12-19)
1हेना वरी ईसु अवुर चेला कुतय एरुसलेम सहर बँदेर कू तयाः तेडा, तहाँ जयतून बुरू#जकरिया 14:4; मत्ती 24:3; 26:30; मरकुस 13:3; 14:26; लूका 21:37; 22:39; एहुन्ना 8:1; परेरित 1:12 रे बयेतफगे गाँव बँदेर कू तयाःतेड दो, ईसु बा होड़ चेला कींञ न याःते कहनी केतेय कुलतेड किञाँ, 2“मेना मड़ंग हँडाः गाँव रेबा सेनुऊ। हेना बा तयाः सी मियाँटंग गदही तोलकेडिय हेनिबा ञाँमा, अवुर हेंय सुदा होपोन बा ञाँमा। हेंकींञ बा लड़ा केते इंञ थरे बा अगकिञूँ। 3अगर अबा थरे कनय कनर मेनते कू कहनिय रेदो, अबा कहनियूँ कि परभु लगड नेकींञ राः जरूरत इदाना, तहाँ हेंकींञ तुरेत्तेय एनेम गोडवा किञाँ।” 4ताकि नआँ भविस्यवक्ता राः दोवारा तेय लाय तेडा, हेना टेबोः पूरा होयाः लगड न घयते होया एना। 5हेना टेबोः न घयतेआ,
“सियोन कोड़ी होपोन#21:5 सियोन मतलोब एरुसलेम। सियोन कोड़ीहोन मतलोब एरुसलेम सहर रेनकू होड़कू थरे पे कहनियूँ, ‘ञेंलेय मी,
अमाअय राजा, अम थरेय मेजुः तना;
हेंय सीधा सधा गिआयू, अवुर गदही थरे दुड़ूब केनते,
मतलोब गदही होपोन थरे दुड़ूब केनतेय मेजुः तना।’”#एसा 62:11; जकरिया 9:9
6चेला कींञ सेनेना किञूँ, अवुर जेयसे ईसु टहल वडकिञाँ, हेन घयते कींञ काम तेडा। 7गदही अवुर होपोन तू ईसु थरे कींञ अगतेड किञाँ, हेना वरी हेंकू हेंकींञ थरे कपड़ा कू लदगो तेडा, तहाँ ईसु हेंकींञ थरेय दुड़ूब एना। 8तहाँ अखीर होड़कू अपन अपन कपड़ा तकू होर तेकू बिल तेडा, अवुर कुदो काठ कोड़ो राः डाँड़ तू गेरकेते होर तेकू बिल तेडा। 9जे जे हेंय तयोम मड़ंग तेकू से-ने दोहो एनु, हेंकू हाक हाक तेकू कहनिय दोहो एनु, “दाऊद खनदान रेनिय होसान्ना, परभु राः ञुमू तेय मेजुः तन हेनी, आसीसित गिआयू, सरग रे होसाना।”#सिरिंग 118:25,26; मत्ती 23:39 10हेना वरी एरूसलेमिय तयाःतेड तहाँ, सहर भर रे हल्ला मचो यनु, अवुर होड़कू नेय ईया हवे मेनते कू होंबोरे। 11होड़कू कहनिय दोहो एनु, “नेय गलील जिला राः नसरेत रेनिय भविस्यवक्ता ईसु हवे।”#बेवस्था 18:15; मत्ती 21:46; मरकुस 6:15; लूका 7:16; 13:33; 24:19; एहुन्ना 4:19; 6:14; 7:40; 9:17; परेरित 3:22; 7:37
मँडिल वरी बेयपारिया कुय उडूंग तेडा
(मरकुस 11:15-19; लूका 19:45-48; एहुन्ना 2:13-22)
12हेना वरी ईसु भगवान राः मँडिल रे सेनकेन ते मँडिल रे लेन देनुः कुय उडूंग तेडा, अवुर पेयसा अदला बदलाकू राः टिबुल अवुर कबूतर केकेजाकू राः चवकिय उलटो गोत्तेडू;#मला 3:1 13अवुर हेंकू थरेय कहनी तेडा, “धरमग्रंथ रे लिखल इदाना, ‘ईञाः ओड़ाः बिनतिआ ओड़ाः कहोआ,’ #एसा 56:7 लेकिन अपे नआँ लुटेरकू राः अड्डा पे बनो यडा।”#ईरिमयाह 7:11 14हेना वरी अंद्हाकू अवुर लंगड़ाकू ईसु थरे मँडिल रेकू मेजेना, अवुर हेंकुय चिकन तेडा।#मत्ती 4:23,24 15लेकिन बड बडे आजककू अवुर एहूदी नियम चेचेडकू, न घियाः अहचरज कामिय काम तडा, हेना ञेंलते अवुर कोड़ा चोंडिजकू मँडिल रे “दाऊद खनदान#मत्ती 9:27 रेनिय होसाना”#सिरिंग 118:25 मेनते हाक हेना ञेंलके तेकू धको एना। 16अवुर हेंय थरे कू कहनी तेडा, “मेनेम अँजोम यडा किदो नेकू चोंडिजकू ची मेनते कू कहनी यडा?” हेना वरी ईसु हेंकू थरेय कहनी तेडा, “हूँ; ‘चोंडिजकू अवुर दुदू तनकू बलेकू रेहो अनेज एर हठा एना,’ हेना अपे कबोह बेगर पे पड़होआ किदो?”#सिरिंग 2:8
17हेना वरी हेंकुय बगी वडकू अवुर सहर वरी उडूंग केनते बयतानियाह#मत्ती 26:6; मरकुस 11:1,11,12; 14:3; लूका 19:29; 24:50; एहुन्ना 11:1,18; 12:1 गाँविय सेनेना, अवुर रात भर हेंडेय दोहो एना।
बेगर जो-आ अंजीर दुबी
(मरकुस 11:12-14; मरकुस 11:20-24)
18ईसु ञींदाते सहर हनतेय मिड़ाः दोहो एनु, तहाँ रँगेज तेडिया। 19सँड़क अड़ी रे मियाँटंग अंजीर दुबी ञेंलके ते हेना रेय सेनेना, हेना वरी सकमतू छोड़ अवुर कनर मेनेय ञँमगाडा,#ईरिमयाह 8:13; लूका 13:6-9 तहाँ हेनाय कहनी वडा, “अब वरी अम थरे फेर कबोह अलो जो-ऊ।” हेना वरी अंजीर दुबी तुरेत्ते लोहोड़ यनु। 20नआँ ञेंलके ते चेलाकू अहचरज यनकू, अवुर हेंकू कहनी तेडा, “नआँ अंजीर दुबी तुरेत्ते काःते लोहोड़ यना?” 21#मत्ती 17:20; 1 कुरि 13:2हेना वरी ईसु हेंकुय जबाब वडा, “इंञ अपे थरे सही मेतेंञ कहनी यडा, अगर अपे बिसवासे अवुर अलोपे संखाय रेदो, न अंजीर दुबी सुदांञ करो केडा, हे-ना भर एरो पे करो तेडा, ‘लेकिन नआँ बुरू हो रचाः कोःते समुन्धर रे चलोः’ मेनते पे कहनिवा रेदो, हेन घयते होयाआ।#मत्ती 17:20; लूका 17:6; 1 कुरि 13:2; एकूब 1:6 22अवुर अपे बिसवासे रेदो, जे-ना बिनती रेपे असियू, हेना सींड़ अपे लगड ञँमुआ।”#एकूब 5:16; 1 एहुन्ना 3:22; 5:14,15
ईसु राः अधिकार राः बारे ते सवाल
(मरकुस 11:27-33; लूका 20:1-8)
23हेना वरी ईसु मँडिल रे सेनकेन तेय चेडकू दोहो एनु, हेन तोलोग बड बडे आजककू अवुर सपायँड़कू हेंय थरे मेजकेन तेकू होंबोर तेडिया, “नआँ काम ईया राः हँक तेम करो यडा? अवुर अम नआँ हँक ईया ओवड मिआँ?” 24ईसु हेंकुय कहनी वडा, “इंञ हो अपे मियाँटंग टेबोईंञ होंबोर यडपेआ; अगर अपे हेना पे लाय रेदो, इंञ हो ईया हँक ओवाडिञाँ ते, नआँ कामिंञ करो यडा, हेनांञ लाय वपेआ। 25एहुन्ना बतिस्माय एमतेडा हेना, सरग हनवरी दोहो एना, किदो होड़कू हनवरी दोहो एना?” तहाँ हेंकू अनाकू अनाकू होंबोर ओड़ेंग दोहो एनु, “अगर अबू कहनियूँ, ‘सरग हनवरी’ मेंडे रेदो अबू थरेय कहनियाँ, ‘फेर अपे हेंय राः ची लगड मेने पे बिसवास गडा?’ मेनते, 26अवुर बू कहनियूँ, ‘होड़कू हनवरी दोहो एना’, मेंडे रेदो होड़कू राः डर इदाना, कहेकि सींड़कू एहुन्ना भविस्यवक्ता हवे मेनते कू मनोविया।”#मत्ती 11:9; 14:5; मरकुस 6:20 27तहाँ हेंकू ईसु कू जबाब वडा, “अले मेने ले पपाड़िआ।” तहाँ ईसु हो हेंकू थरेय कहनी तेडा, “हेंडे दो इंञ हो एरोंञ लाय वडपेआ, नआँ काम ईया राः हँक तेंञ करो यडा।
बा होड़ कोड़ा होपोन कींञ राः उदाहरड़
28अपे काःतेपे अड़ींग तना? मियाँहोड़ होड़ रेनकींञ बा होड़ कोड़ा होपोन कींञ दोहो एना; हेंय बडेअय थरे सेनकेन तेय कहनी तेडा, ‘ए बेटा, जू, तेसींञ अंगूर बरी रेम बुता।’ 29हेना वरी हेंय जबाब तेडा, ‘इंञ एरोंञ सेनेना’, लेकिन हेंय तयोम ते पसतो केनतेय सेनेना।#मत्ती 7:21 30फेर अपत होडिंञय थरे सेनकेन ते नेन याःतेय कहनी तेडा, हेंय जबाब तेडा, ‘हे, सेनुअँञू’ लेकिन हेंय मेनेय सेनगाना। 31हेंकींञ बना होड़ मेंडे रे काय अपत राः टेबोः मनो तेडा?” हेना वरी हेंकू कहनी तेडा, “बडे अयू।” हेना वरी ईसु हेंकू थरेय कहनी तेडा, “इंञ अपे थरे सही मेतेंञ कहनी यडा, मलगुजारी तिलाकू#21:31 होड़कू मलगुजारी तिलाकू पापिकू घयतेकू अड़ींग वकू दोहो एनु अवुर बयसिकू अपे वरी मड़ंग ते भगवान राः राज रेकू सेनुआँ।#लूका 7:29,37-50; 18:14 32कहेकि बतिस्मा ए-माय एहुन्ना सही होरिय चेड दरवर यडपेआ, अवुर अपे हेंय राः मेने पे सरी गडा। लेकिन मलगुजारी तिलाकू अवुर बयसिकू बिसवास तेडाकू। अपे नआँ ञेंलकेड राः बाद रेहो मेने पे पसतो गना, अवुर न हेंय थरे पे बिसवास तेडा।” #लूका 3:12,13; 7:29,30
दुस्ट किसानकू राः उदाहरड़
(मरकुस 12:1-12; लूका 20:9-19)
33“अवुर मियाँटंग उदाहरड़ पे अँजोमू, मियाँहोड़ ओड़ाः मुँवर दोहो एना, अवुर हेंय अंगूरिय लगो तेडा, हेना वरी चारियो गतर हनिय घोरन तेडा, अवुर हेना रे रस तू जवर लगड गाढिय लतेडा, अवुर गुंगड़ुय#सिरिंग 80:8,9; एसा 5:1-4 बनो तेडा, अवुर किसानकू अद्धिया ते एम अटु वडकू ते एटाः देस हनतेय चलो एना। 34अंगूर गोड राः समय मेजेना, हेना वरी हेंय अनेज रेनकू हरवारकू हिसत अग लगड किसानकू थरेय कुलतेड कुआ।#मत्ती 22:3 35लेकिन हेंकू किसानकू हेंय रेनकू हरवाहकू सबकेड कुते केय झन दोकू पिटो तेडकुआ, अवुर केय झन दोकू ञेंड गोजतेड कुआ, अवुर केय झन दो दिरी तेकू तिकी गोजतेड कुआ।#2 इति 36:16; नहेम 9:26; मत्ती 5:12; 23:34,37; परेरित 7:52; इबरानी 11:36,37 36फेर हेंय पहीलाःकू वरी बगरा हरवाह कुय कुलतेडा, अवुर हेंकू सुदा हो हेनेन घयतेकू करो तेडा। 37अखरी रे नेय राः सीमा कू रखोआ मेनते पसींद केते अनेज होपोनिय कुलतेडा। 38लेकिन किसानकू होपोन तू ञेंल केडते अनाकू अनाकू कहनी ओड़ेंग एना, ‘ने-नी राः हाँथ गाँथ होयाआ, हेनाते, बेदे बू ञेंड गोजेयू, मेय राः हाँथ गाँथ रे इदान हेना, अबू राः होयाआ।’#सिरिंग 2:2; मत्ती 12:14; 27:1; एहुन्ना 11:53
39हेना वरी हेंकू हेंय कू सबतेडा, अवुर अंगूर बगान वरी बहेर हँडे इदी केडिय तेकू ञेंड गोज गोत्तेडियू।#परेरित 2:23 40अंगूर बगान रेनिय मुँवर तू मेजुः रेदो, हेंकू किसान कुय ची कुआ?” 41हेना वरी हेंकू कहनी तेडा, “हेंय बेलूर होड़कू, अकू हो भयानक रीति तेय नास कुआ; अवुर अंगूर बरी समय पर रे हिसात कू ओवय हेंकुय ओवाआ।”#परेरित 13:46; 18:6 42ईसु हेंकू थरेय कहनी तेडा, “अपे धरमग्रंथ रे नआँ कबोह बेगर पे पड़होआ किदो?
‘जे दिरी राज मिस्तीरिकू कनर काम रे एरो मेजेना मेनते कू मेरंग वडा,
हेनेना दिरी ओड़ाः टेकोआ कोनासी दिरी बनो एना?#परेरित 4:11; 1 पतरस 2:7
नआँ काम परभु हनवरिआ, अवुर अबू राः नँजेर रे
न अहचरज बात हवे।’#सिरिंग 118:22,23
43हेनाते इंञ अपे थरेंञ कहनी यडा, भगवान राः राज रेनकू होड़कू घयते, दोहोना राः हँक अपे वरिय लुसिया, अवुर जे जे भगवान राः टेबोः कू अँजोम केते हेनेन घयतेकू करो वेआ, हेंकुय ओवाआ।
44हेनाते जे नआँ दिरी रेय लोजोरुआ, हेंय राई छाई अयू, अवुर जे थरे हेना दिरी लोजोरुआ, हेंय लेंगेज चुवेरूअयू।”#लूका 2:34 45बड बडे आजककू अवुर फरीसिकू हेंय राः उदाहरड़ अँजोम केते नेय अबू राः बारे तेय कहनी यडा मेनते कू जेर गोत्तेडू। 46अवुर हेंकू हेंय कू सबेय मेनते कू सँबह तना, लेकिन हेंकू होड़कू कू बोरो वडा, कहेकि होड़कू हेंय भविस्यवक्ता मेनते कू मनोविय दोहो एनु।#मत्ती 21:11; लूका 7:16; एहुन्ना 7:40
Currently Selected:
मत्ती 21: ksz
Highlight
Share
Copy
Want to have your highlights saved across all your devices? Sign up or sign in
© 2022, Wycliffe India. All rights reserved.
मत्ती 21
21
एरुसलेम रे ईसु कू आदर इजेत तेडा
(मरकुस 11:1-11; लूका 19:28-40; एहुन्ना 12:12-19)
1हेना वरी ईसु अवुर चेला कुतय एरुसलेम सहर बँदेर कू तयाः तेडा, तहाँ जयतून बुरू#जकरिया 14:4; मत्ती 24:3; 26:30; मरकुस 13:3; 14:26; लूका 21:37; 22:39; एहुन्ना 8:1; परेरित 1:12 रे बयेतफगे गाँव बँदेर कू तयाःतेड दो, ईसु बा होड़ चेला कींञ न याःते कहनी केतेय कुलतेड किञाँ, 2“मेना मड़ंग हँडाः गाँव रेबा सेनुऊ। हेना बा तयाः सी मियाँटंग गदही तोलकेडिय हेनिबा ञाँमा, अवुर हेंय सुदा होपोन बा ञाँमा। हेंकींञ बा लड़ा केते इंञ थरे बा अगकिञूँ। 3अगर अबा थरे कनय कनर मेनते कू कहनिय रेदो, अबा कहनियूँ कि परभु लगड नेकींञ राः जरूरत इदाना, तहाँ हेंकींञ तुरेत्तेय एनेम गोडवा किञाँ।” 4ताकि नआँ भविस्यवक्ता राः दोवारा तेय लाय तेडा, हेना टेबोः पूरा होयाः लगड न घयते होया एना। 5हेना टेबोः न घयतेआ,
“सियोन कोड़ी होपोन#21:5 सियोन मतलोब एरुसलेम। सियोन कोड़ीहोन मतलोब एरुसलेम सहर रेनकू होड़कू थरे पे कहनियूँ, ‘ञेंलेय मी,
अमाअय राजा, अम थरेय मेजुः तना;
हेंय सीधा सधा गिआयू, अवुर गदही थरे दुड़ूब केनते,
मतलोब गदही होपोन थरे दुड़ूब केनतेय मेजुः तना।’”#एसा 62:11; जकरिया 9:9
6चेला कींञ सेनेना किञूँ, अवुर जेयसे ईसु टहल वडकिञाँ, हेन घयते कींञ काम तेडा। 7गदही अवुर होपोन तू ईसु थरे कींञ अगतेड किञाँ, हेना वरी हेंकू हेंकींञ थरे कपड़ा कू लदगो तेडा, तहाँ ईसु हेंकींञ थरेय दुड़ूब एना। 8तहाँ अखीर होड़कू अपन अपन कपड़ा तकू होर तेकू बिल तेडा, अवुर कुदो काठ कोड़ो राः डाँड़ तू गेरकेते होर तेकू बिल तेडा। 9जे जे हेंय तयोम मड़ंग तेकू से-ने दोहो एनु, हेंकू हाक हाक तेकू कहनिय दोहो एनु, “दाऊद खनदान रेनिय होसान्ना, परभु राः ञुमू तेय मेजुः तन हेनी, आसीसित गिआयू, सरग रे होसाना।”#सिरिंग 118:25,26; मत्ती 23:39 10हेना वरी एरूसलेमिय तयाःतेड तहाँ, सहर भर रे हल्ला मचो यनु, अवुर होड़कू नेय ईया हवे मेनते कू होंबोरे। 11होड़कू कहनिय दोहो एनु, “नेय गलील जिला राः नसरेत रेनिय भविस्यवक्ता ईसु हवे।”#बेवस्था 18:15; मत्ती 21:46; मरकुस 6:15; लूका 7:16; 13:33; 24:19; एहुन्ना 4:19; 6:14; 7:40; 9:17; परेरित 3:22; 7:37
मँडिल वरी बेयपारिया कुय उडूंग तेडा
(मरकुस 11:15-19; लूका 19:45-48; एहुन्ना 2:13-22)
12हेना वरी ईसु भगवान राः मँडिल रे सेनकेन ते मँडिल रे लेन देनुः कुय उडूंग तेडा, अवुर पेयसा अदला बदलाकू राः टिबुल अवुर कबूतर केकेजाकू राः चवकिय उलटो गोत्तेडू;#मला 3:1 13अवुर हेंकू थरेय कहनी तेडा, “धरमग्रंथ रे लिखल इदाना, ‘ईञाः ओड़ाः बिनतिआ ओड़ाः कहोआ,’ #एसा 56:7 लेकिन अपे नआँ लुटेरकू राः अड्डा पे बनो यडा।”#ईरिमयाह 7:11 14हेना वरी अंद्हाकू अवुर लंगड़ाकू ईसु थरे मँडिल रेकू मेजेना, अवुर हेंकुय चिकन तेडा।#मत्ती 4:23,24 15लेकिन बड बडे आजककू अवुर एहूदी नियम चेचेडकू, न घियाः अहचरज कामिय काम तडा, हेना ञेंलते अवुर कोड़ा चोंडिजकू मँडिल रे “दाऊद खनदान#मत्ती 9:27 रेनिय होसाना”#सिरिंग 118:25 मेनते हाक हेना ञेंलके तेकू धको एना। 16अवुर हेंय थरे कू कहनी तेडा, “मेनेम अँजोम यडा किदो नेकू चोंडिजकू ची मेनते कू कहनी यडा?” हेना वरी ईसु हेंकू थरेय कहनी तेडा, “हूँ; ‘चोंडिजकू अवुर दुदू तनकू बलेकू रेहो अनेज एर हठा एना,’ हेना अपे कबोह बेगर पे पड़होआ किदो?”#सिरिंग 2:8
17हेना वरी हेंकुय बगी वडकू अवुर सहर वरी उडूंग केनते बयतानियाह#मत्ती 26:6; मरकुस 11:1,11,12; 14:3; लूका 19:29; 24:50; एहुन्ना 11:1,18; 12:1 गाँविय सेनेना, अवुर रात भर हेंडेय दोहो एना।
बेगर जो-आ अंजीर दुबी
(मरकुस 11:12-14; मरकुस 11:20-24)
18ईसु ञींदाते सहर हनतेय मिड़ाः दोहो एनु, तहाँ रँगेज तेडिया। 19सँड़क अड़ी रे मियाँटंग अंजीर दुबी ञेंलके ते हेना रेय सेनेना, हेना वरी सकमतू छोड़ अवुर कनर मेनेय ञँमगाडा,#ईरिमयाह 8:13; लूका 13:6-9 तहाँ हेनाय कहनी वडा, “अब वरी अम थरे फेर कबोह अलो जो-ऊ।” हेना वरी अंजीर दुबी तुरेत्ते लोहोड़ यनु। 20नआँ ञेंलके ते चेलाकू अहचरज यनकू, अवुर हेंकू कहनी तेडा, “नआँ अंजीर दुबी तुरेत्ते काःते लोहोड़ यना?” 21#मत्ती 17:20; 1 कुरि 13:2हेना वरी ईसु हेंकुय जबाब वडा, “इंञ अपे थरे सही मेतेंञ कहनी यडा, अगर अपे बिसवासे अवुर अलोपे संखाय रेदो, न अंजीर दुबी सुदांञ करो केडा, हे-ना भर एरो पे करो तेडा, ‘लेकिन नआँ बुरू हो रचाः कोःते समुन्धर रे चलोः’ मेनते पे कहनिवा रेदो, हेन घयते होयाआ।#मत्ती 17:20; लूका 17:6; 1 कुरि 13:2; एकूब 1:6 22अवुर अपे बिसवासे रेदो, जे-ना बिनती रेपे असियू, हेना सींड़ अपे लगड ञँमुआ।”#एकूब 5:16; 1 एहुन्ना 3:22; 5:14,15
ईसु राः अधिकार राः बारे ते सवाल
(मरकुस 11:27-33; लूका 20:1-8)
23हेना वरी ईसु मँडिल रे सेनकेन तेय चेडकू दोहो एनु, हेन तोलोग बड बडे आजककू अवुर सपायँड़कू हेंय थरे मेजकेन तेकू होंबोर तेडिया, “नआँ काम ईया राः हँक तेम करो यडा? अवुर अम नआँ हँक ईया ओवड मिआँ?” 24ईसु हेंकुय कहनी वडा, “इंञ हो अपे मियाँटंग टेबोईंञ होंबोर यडपेआ; अगर अपे हेना पे लाय रेदो, इंञ हो ईया हँक ओवाडिञाँ ते, नआँ कामिंञ करो यडा, हेनांञ लाय वपेआ। 25एहुन्ना बतिस्माय एमतेडा हेना, सरग हनवरी दोहो एना, किदो होड़कू हनवरी दोहो एना?” तहाँ हेंकू अनाकू अनाकू होंबोर ओड़ेंग दोहो एनु, “अगर अबू कहनियूँ, ‘सरग हनवरी’ मेंडे रेदो अबू थरेय कहनियाँ, ‘फेर अपे हेंय राः ची लगड मेने पे बिसवास गडा?’ मेनते, 26अवुर बू कहनियूँ, ‘होड़कू हनवरी दोहो एना’, मेंडे रेदो होड़कू राः डर इदाना, कहेकि सींड़कू एहुन्ना भविस्यवक्ता हवे मेनते कू मनोविया।”#मत्ती 11:9; 14:5; मरकुस 6:20 27तहाँ हेंकू ईसु कू जबाब वडा, “अले मेने ले पपाड़िआ।” तहाँ ईसु हो हेंकू थरेय कहनी तेडा, “हेंडे दो इंञ हो एरोंञ लाय वडपेआ, नआँ काम ईया राः हँक तेंञ करो यडा।
बा होड़ कोड़ा होपोन कींञ राः उदाहरड़
28अपे काःतेपे अड़ींग तना? मियाँहोड़ होड़ रेनकींञ बा होड़ कोड़ा होपोन कींञ दोहो एना; हेंय बडेअय थरे सेनकेन तेय कहनी तेडा, ‘ए बेटा, जू, तेसींञ अंगूर बरी रेम बुता।’ 29हेना वरी हेंय जबाब तेडा, ‘इंञ एरोंञ सेनेना’, लेकिन हेंय तयोम ते पसतो केनतेय सेनेना।#मत्ती 7:21 30फेर अपत होडिंञय थरे सेनकेन ते नेन याःतेय कहनी तेडा, हेंय जबाब तेडा, ‘हे, सेनुअँञू’ लेकिन हेंय मेनेय सेनगाना। 31हेंकींञ बना होड़ मेंडे रे काय अपत राः टेबोः मनो तेडा?” हेना वरी हेंकू कहनी तेडा, “बडे अयू।” हेना वरी ईसु हेंकू थरेय कहनी तेडा, “इंञ अपे थरे सही मेतेंञ कहनी यडा, मलगुजारी तिलाकू#21:31 होड़कू मलगुजारी तिलाकू पापिकू घयतेकू अड़ींग वकू दोहो एनु अवुर बयसिकू अपे वरी मड़ंग ते भगवान राः राज रेकू सेनुआँ।#लूका 7:29,37-50; 18:14 32कहेकि बतिस्मा ए-माय एहुन्ना सही होरिय चेड दरवर यडपेआ, अवुर अपे हेंय राः मेने पे सरी गडा। लेकिन मलगुजारी तिलाकू अवुर बयसिकू बिसवास तेडाकू। अपे नआँ ञेंलकेड राः बाद रेहो मेने पे पसतो गना, अवुर न हेंय थरे पे बिसवास तेडा।” #लूका 3:12,13; 7:29,30
दुस्ट किसानकू राः उदाहरड़
(मरकुस 12:1-12; लूका 20:9-19)
33“अवुर मियाँटंग उदाहरड़ पे अँजोमू, मियाँहोड़ ओड़ाः मुँवर दोहो एना, अवुर हेंय अंगूरिय लगो तेडा, हेना वरी चारियो गतर हनिय घोरन तेडा, अवुर हेना रे रस तू जवर लगड गाढिय लतेडा, अवुर गुंगड़ुय#सिरिंग 80:8,9; एसा 5:1-4 बनो तेडा, अवुर किसानकू अद्धिया ते एम अटु वडकू ते एटाः देस हनतेय चलो एना। 34अंगूर गोड राः समय मेजेना, हेना वरी हेंय अनेज रेनकू हरवारकू हिसत अग लगड किसानकू थरेय कुलतेड कुआ।#मत्ती 22:3 35लेकिन हेंकू किसानकू हेंय रेनकू हरवाहकू सबकेड कुते केय झन दोकू पिटो तेडकुआ, अवुर केय झन दोकू ञेंड गोजतेड कुआ, अवुर केय झन दो दिरी तेकू तिकी गोजतेड कुआ।#2 इति 36:16; नहेम 9:26; मत्ती 5:12; 23:34,37; परेरित 7:52; इबरानी 11:36,37 36फेर हेंय पहीलाःकू वरी बगरा हरवाह कुय कुलतेडा, अवुर हेंकू सुदा हो हेनेन घयतेकू करो तेडा। 37अखरी रे नेय राः सीमा कू रखोआ मेनते पसींद केते अनेज होपोनिय कुलतेडा। 38लेकिन किसानकू होपोन तू ञेंल केडते अनाकू अनाकू कहनी ओड़ेंग एना, ‘ने-नी राः हाँथ गाँथ होयाआ, हेनाते, बेदे बू ञेंड गोजेयू, मेय राः हाँथ गाँथ रे इदान हेना, अबू राः होयाआ।’#सिरिंग 2:2; मत्ती 12:14; 27:1; एहुन्ना 11:53
39हेना वरी हेंकू हेंय कू सबतेडा, अवुर अंगूर बगान वरी बहेर हँडे इदी केडिय तेकू ञेंड गोज गोत्तेडियू।#परेरित 2:23 40अंगूर बगान रेनिय मुँवर तू मेजुः रेदो, हेंकू किसान कुय ची कुआ?” 41हेना वरी हेंकू कहनी तेडा, “हेंय बेलूर होड़कू, अकू हो भयानक रीति तेय नास कुआ; अवुर अंगूर बरी समय पर रे हिसात कू ओवय हेंकुय ओवाआ।”#परेरित 13:46; 18:6 42ईसु हेंकू थरेय कहनी तेडा, “अपे धरमग्रंथ रे नआँ कबोह बेगर पे पड़होआ किदो?
‘जे दिरी राज मिस्तीरिकू कनर काम रे एरो मेजेना मेनते कू मेरंग वडा,
हेनेना दिरी ओड़ाः टेकोआ कोनासी दिरी बनो एना?#परेरित 4:11; 1 पतरस 2:7
नआँ काम परभु हनवरिआ, अवुर अबू राः नँजेर रे
न अहचरज बात हवे।’#सिरिंग 118:22,23
43हेनाते इंञ अपे थरेंञ कहनी यडा, भगवान राः राज रेनकू होड़कू घयते, दोहोना राः हँक अपे वरिय लुसिया, अवुर जे जे भगवान राः टेबोः कू अँजोम केते हेनेन घयतेकू करो वेआ, हेंकुय ओवाआ।
44हेनाते जे नआँ दिरी रेय लोजोरुआ, हेंय राई छाई अयू, अवुर जे थरे हेना दिरी लोजोरुआ, हेंय लेंगेज चुवेरूअयू।”#लूका 2:34 45बड बडे आजककू अवुर फरीसिकू हेंय राः उदाहरड़ अँजोम केते नेय अबू राः बारे तेय कहनी यडा मेनते कू जेर गोत्तेडू। 46अवुर हेंकू हेंय कू सबेय मेनते कू सँबह तना, लेकिन हेंकू होड़कू कू बोरो वडा, कहेकि होड़कू हेंय भविस्यवक्ता मेनते कू मनोविय दोहो एनु।#मत्ती 21:11; लूका 7:16; एहुन्ना 7:40
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe India. All rights reserved.