मत्ती 24

मँडिल उजाड़ुआ हेना राः बारे ते ईसु भविस्यवाड़ी तेडा

(मरकुस 13:1-2; लूका 21:5-6)

1ईसु मँडिल वरी उडूंग केनतेय चलोः दोहो एनु, तहाँ चेला कुतय मँडिल तीमिन बढ़ियाँ तेकू बनो तड हेना तिःवय लगड हेंय थरे कू मेजेना। 2हेना वरी ईसु हेंकू थरेय कहनी तेडा, “अपे नआँ सींड़ पे ञेंलिया डमा, इंञ अपे थरे सही मेतेंञ कहनी यडा, नआँ रे दिरी उपर दिरी हो एरो दोहो एना, एगो एगो कू उजाड़ेआ।”#1 राजा 9:7; लूका 19:44

संकट अवुर कलेस

(मरकुस 13:3-13; लूका 21:7-19)

3ईसु जयतून बुरू#मत्ती 21:1 रेय दुड़ूब तना, तहाँ चेलाकू अना कुते हेंय थरे मेजकेन तेकू होंबोर तेडिया, “अलेम लायवा, नआँ टेबोः तिमीस होयाआ? अम मेजुः तोलोग#मत्ती 16:27; मत्ती 24:27; मत्ती 24:37,39; लूका 17:27,30; 1 थिस्स 5:1,2 अवुर नआँ दुनिया राः अन्त#मत्ती 13:39; 28:20 राः ची चिन्ह होयाआ?” 4हेना वरी ईसु जबाब वडकुआ, “सँवचेती तेपे दोहोनू, होड़कू रे अलोपे एर बहकोः जहानू।#ईरिमयाह 29:8; इफि 5:6; कुलु 2:8,18; 2 थिस्स 2:3 5अखीर होड़कू इंञ ञुमू ते मेजकोः तेकू कहनियाँ, ‘इंञ मसीहा हवे’ मेनते, अवुर अखीर होड़कू कू बहकोआ।#ईरिमयाह 14:14; मत्ती 24:11,23,24 6अपे लड़नी उपर लड़नी राः चरचा पे अँजोम रे, अलोपे बो-रू, कहेकि न घयते होयाः जरूरी इदाना, लेकिन हेना तोलोग अन्त एरो होया एना। 7कहेकि अनजातकू अनजातकू सुदा, अवुर एटाः राज रेनकू एटाः राज रेनकू सुदा कू लड़ायुआ, अवुर जघीन जघा ते अकालेआ, अवुर भुईडोल होयाआ। 8नआँ सगोर बिपेत मेजुः राः बोंहड़ित हवे। 9हेना तोलोग होड़कू ससीत पे लगड अपेकू एर पकड़ो पेआ, अवुर कू ञेंड गोज पेआ, अवुर इंञ ञुमू राः चलते ते अपे सगोर जात रेनकू मेरंग वपेआ कू।#मत्ती 10:22; एहुन्‍ना 15:18,21; 16:2 10हेना तोलोग केय्यो झन राः बिसवास टोविजुआ, अवुर कू एर पकड़ो ओड़ेंगा, अवुर कू मेरंग ओड़ेंगा। 11अवुर केय्यो झन ठक-लबरा भविस्यवक्‍ताकू मेजुआ, अवुर केय्यो झनकू बहको कुआ।#मत्ती 7:15 12पाप बड़होः रे केय्यो झन होड़कू राः परेम तकू लड़ेजुआ, #2 तीमुथि 3:1-5 13लेकिन जे अखरी अँगम मेनते धीराजिय सबताआ, हें-निय उबारा।#मत्ती 10:22 14अवुर राज#मत्ती 4:23 राः बढ़ियाँः खभेर सींड़ जातकू थरे गोवाही होयाः लगड गोटा चँवदीस रे परचार होयाआ,#रोमि 10:18 हेंडे अन्त होयाआ।”

महासंकट मेजुः राः बोंहड़ित

15“हेनाते जब अपे दानियेल भविस्यवक्‍ता लाय केडा, हेना मँडिल असुधा मेरंग वआ चीज, पवितर अस्थान रे चड़ाँ कोःरेपे ञें-ले#दानि 9:27; 11:31; 12:11 (जे पड़होवेअय हेंय जेर जोमियू)। 16तहाँ जे अहूदिया रेकू दोहोन हेंकू बुरू हनतेकू ञींरू। 17जे छत अगस रेय दोहोना, हेंय ओड़ाः तू भीतर राः कहीं जहीं उडूंग लगड अलोय अगड़ुऊ; 18अवुर जे खेत रेय दोहोना, हेंय कपड़ा तय सब लगड तयोम हनते अलोय मिड़ाऊ।#लूका 17:31

19हेना तोलोग दोहरी देंह रे दोहोनकू अवुर बलेकू दुदू कू पियोः हेंकू अखीर दुख रेकू पड़ोआ!#लूका 23:29 20अपे बिनतीः पे, कि लेयेड़ तोलोग अवुर सब्द राः दिन भगेक अलो पड़ोऊ। 21कहेकि हेना तोलोग एयसा भयांकर कलेस मेजुआ कि दुनियाँ राः बोंहड़ित वरी निहों मेनते बेगर होयाआ, अवुर न कबोह होयाआ।#एहेज 5:9; दानि 12:1; दरसन 7:14 22अगर भगवान हेना दिन मेनेय घटो गड रेदो, कनय होड़ एरो कू बंचो एन मेनू; लेकिन चुनो केडकुआ, हेंकू राः चलते ते हेना दीनिय घटो वेआ। 23हेना तोलोग अगर अपे थरे कनय कहनियूँ, ‘ञेंलेय पे, मसीहा ना रेया!’ ‘चहे मेना रेया!’ मेंडे रेदो हेंकू राः टेबोः रे अलोपे बिसवासे।#लूका 17:23; 21:8

24कहेकि झूठा मसीहा, अवुर झूठा भविस्यवक्‍ताकू रिम चड़ाआँ, अवुर बडे बडेआ चिन्ह, अवुर अदभूत काम कू तीबा, ताकि अगर हो सके रेदो चुनो केडकुः हेंकू होकू बहको कुआ।#दरसन 13:13; 19:20 25अँजोम पे, नआँ सींड़ टेबोः अपे पहील तेंञ लाय वडपेआ। 26हेनाते अगर हेंकू अपे थरे कू कहनियूँ, ‘ञेंलेय पे, हेंय सुनहर ओत रेया’ मेंडे रेदो बहेर अलोपे सेनुऊ, चहे ञेंलेय पे, ‘हेंय नआँ छिना रेया’ मेंडे रेदो हेंकू राः टेबोः रे अलोपे बिसवासे।”#लूका 17:23,24

27कहेकि जेयसे बिजली पुरूब हनवरी उडूंग कोःते पछु हन अँगम मेनते पिलकेड वआ, हेन घयते इंञ होड़ होपोन मेजुः हेना हो होयाआ।#लूका 17:23,24 28जे जघा रे मड़ी मठी दोहोना, हें-डे गीद कू जवारुःआ, हेन घयते नआँ सगोर चिन्ह पे ञें-लू; इंञ होड़ होपोन मेजुः राः दिन अय लिघियो यना मेनाअपे जेरता।#लूका 17:37

होड़ होपोन फे-रिय मेजुआ

(मरकुस 13:24-27; लूका 21:25-28)

29हेना चेका कलेस राः बाद रे तुरेत्ते बेर अंधरा अयू, अवुर बँगो एरोय तरास तेडा, अवुर अगस वरी इपिलकू लोजो रूआ, अवुर अगस राः सक्‍ति हिलोआ।#एसा 13:10; 24:23; 34:4; एहेज 32:7; जोए 2:10,31; 3:15; आमो 5:20; 8:9; सप 1:15; परेरित 2:20; 2 पतरस 3:10; दरसन 6:12-14 30हेंडे इंञ होड़ होपोन राः चिन्ह अगस रे ञेंलुआ, अवुर धरती रेनकू सींड़ जात रेनकू होड़कू सजा ञँमुः हेना बोर राः मार ते कुड़म तुकू कू गीला; अवुर इंञ होड़ होपोन सक्‍ति अवुर सोबहा राः साथ ते अगस रे लिंबीर रे मेजुः तोलोग कू ञेंलेञाँ।#दानि 7:13; जकरिया 12:10-14; मत्ती 26:24; दरसन 1:7 31हेंय तुरही राः अखीर आवाज राः साथ ते अनेज रेनकू दूतकुय कूला, अवुर हेंकू अगस राः नआँ छोर वरी मेना छोर अँगम, चारियो खुट हनवरी हेंय रेनकू चुनो केडकुः हेंकू कू जवारा।#बेवस्था 30:4; 1 कुरि 15:52; 1 थिस्स 4:16,17

अंजीर दुबी राः उदाहरड़

(मरकुस 13:28-31; लूका 21:29-33)

32अंजीर दुबी वरी नआँ उदाहरड़ पे चेडुऊ, हेना राः डाँड़ तू डोंहडीः रे अवुर सकमतू पल्वाः रे, अपे झूर मेजुः तना मेनते पे पपाड़ी जोमा। 33नेन घयते अपे नआँ सगोर टेबोःपे ञेंल रेदो, पपाड़िकोःपे कि हेना दिन ठाँव रेआ, बल्कि दुनूवर रेआ।#एकूब 5:9 34इंञ अपे थरे सही मेतेंञ कहनी यडा, नआँ सींड़ टेबोः अनायिन पुरोः मेन दिन, नआँ पिढ़ी राः अन्त एरो होया एना। 35अगस अवुर धरती मेटियोआ, लेकिन ईञाः टेबोः कबोह एरो मेटियो एना।

जाग जाग तेपे दोहोनू

(मरकुस 13:32-37; लूका 17:26-30,34-36)

36“हेना दिन अवुर हेना समय मतलोब इंञ मेजुः हेना दिन राः बारे ते कनय मेने पपाड़ी तना,#परेरित 1:7 न सरग रेनकू दूतकू अवुर न होपोन तू, बस अपा भर पपाड़ी तना। 37जेयसे नूह राः जबाना रे होया एना,#उत्प 6:5-8,11-13 हेन घयते इंञ होड़ होपोन मेजुः हेना हो होयाआ। 38कहेकि जेयसे दाः तेकू डुबो एन वरी पहिल ते, नूह जहाज रे अनायीनिय रकब मेन दिन,#1 पतरस 3:20 होड़कू जोमुः चरोः दोहो एनकू, अवुर कू बर बियाहुः दोहो एनु। 39अवुर दाः ते सींड़कू अनायिन तू गोःकू मेन दिन,#उत्प 7:6-24 हेंकू कनर मेने कू पता गडा; हेन घयते इंञ होड़ होपोन मेजुः रेहो होयाआ। 40हेना तोलोग बा होड़ खेत रेकींञ दोहोना, मियाँहोड़ीय गोगेया अवुर मियाँहोड़ीय अटुया। 41बा होड़ कोड़ीकींञ ददड़ोवा, मियाँहोड़ीय गोगेया, अवुर मियाँहोड़ीय अटुया। 42हेनाते जाग जाग तेपे दोहोनू, कहेकि अपे रेनिय परभु करा चेकाय मेजुआ, हेना अपे मेन पे पपाड़ी तना।#मत्ती 25:13; लूका 12:40; 21:36 43नआँ पपाड़ी कोःपे, अगर ओड़ाः मुँवर तू चोर तीमिन जुवारिय मेजुआ मेनाअय पपाड़िएन रेदोय जगो हतड़ तन मेनू, अवुर अनेज ओड़ाः रे एरोय एनेम बुचाःवड मेनू।#लूका 12:39; 1 थिस्स 5:2; दरसन 3:3; 16:15 44हेनाते अपे हो तयार पे दोहोनू, कहेकि जे समय अपे मेने पे पसींदेआ, हेनेन तोलोग इंञ होड़ होपोन मेजुआ।”#मत्ती 25:13; लूका 12:40; 1 थिस्स 5:6

ईमानदारय अवुर अल ढेलियाअय हरवाह

(लूका 12:41-48)

45ईसु अनावुरिय कहनी तेडा, पसींदे पे, अपे मेंडे काय हरवाह ईमानदार अवुर बुधमान गिआ, अवुर हेंय गिरहत तू अनेज रेनकू हरवाह चरवाहकू समय पर रे जोमुईय ओवाकू लगड बराहीलिय रखो तेडा? 46आसीसिय ञाँमा हेंय हरवाह, जे गिरहत तू नेन घयते काम हतारे तोलोगिय मेज ञँमेया। 47इंञ अपे थरे सही मेतेंञ कहनी यडा, हेंय अनेज राः सींड़ अन्‍न धन राः हँकदारिय बनोविया। 48लेकिन बराहीलिय रखो तेडिया, हेंय बराहील बेयमान गिरे दोयू, ईञाअय गिरहत मेजुः लगड देरी गिआ मेनतेय पसींदेआ, 49अवुर अनेज गती हरवाह कुय पिटो बेड़ा, अवुर मधुवा कू सुदाय जोमुः चरोऊ।#लूका 21:34 50तहाँ हेंय हरवाह रेनिय गिरहत तू मेजुः लगड मेनेय तँगिय चेका अवुर मेनेय पपाड़ी तोलोगिय मेजुआ। 51तहाँ हेंय अखीर ते सजाय ओवाया, अवुर हेंय राः हिसा कपटी होड़कू सुदा ईयाम हेना अवुर तिरींग लुकड़ूम हेना जघा रे दोहोना।#मत्ती 8:12; 25:30

Currently Selected:

मत्ती 24: ksz

Highlight

Copy