Luk. 1
1
Pasibuka
1Teopilus tuan sabeu,
Maigingan sia sitaddaake masisuratnake sipulelelek pagalaiat sibabara ka talagata. 2Rasuratnake siripot sinegeakenenda ka matata sipasiitco ka panandaatnia samba sipaarep katuaremannia. 3Kalulut nene, kaku leu lepa akulelekngake sangamberinia sipulelelek barania ka panandaatnia, teuakekungan kusuratnake nia simaruak kekeu, 4bule nuagai sangamberi sigelaiakenen kekeu bulat sibulatnia.
Pangasegekat putututut matat Johannes Sipasirarau
5 #
1Taw. 24:10
Ka teteret Herodes murimata ka Judea, ai sara imam sipuoni Sakaria, sibara ka rubeiat Abia. Sinanalepnia sipuoni si Elisabet, punuteteu imam leu et. 6Simaroipo baga le sia ruada ka matat Taikamanua samba masiparaboatnake surukat samba patonekat Tuhan sipulelelek. 7Tapoi ta anai togada, taipususule le si Elisabet samba amabajaan sia ruada.
8Ka sara gogoi, aigalai si Sakaria galajet imam ka matat Taikamanua, aipoi ka teteret nenda rubeiat Abia aiorak mugalai galajet. 9Kele simareirei ragalaiake tai imam, ragalai le surat pauktuk; oto si Sakaria aiorak mei ka Uman Taikamanua masilabo kumanyang. 10Ka teteret pasilabokat kumanyang, sirimanua simigi ai sia manindou ka gerat. 11Ia geti oi sara malaikat Tuhan kai Sakaria murio isit kai kattoet meja pasilabokat kumanyang. 12Tugegenangan si Sakaria aiitco malaika, malotonangan. 13Kuanangan ka matania malaika, “Ba maloloto Sakaria! Aiarepingan panindogatnu Taikamanua. Ai leu itutuake matat togam simanteu sinanalepnu si Elisabet, kaunennu oninia Johannes. 14Bulat maangka samba magora te bagam, samba maigi leu sabagei sipuaangka baga ka pututukat matania. 15#4Mos. 6:3 Abeu poi nia ka matat Tuhan, samba ta ilolo anggur ele lo simapuinengen, sun le ka tubunia Ketsat Sipunenan barania ka gigi pei le. 16Toiliakenangan maigi bangsa Israel kai Tuhan Taikamanuanda. 17#Malk. 4:5, 6 Musumbulat le nia ka matat Tuhan ka ketsat samba ka geget Elia, masitoiliake paatuatda saukkui ka tatogada, samba sitaimareddet ipalulu sia toili ka enungan simaroipo; masitarekngake kai Tuhan sara bangsa simatarek tubu.”
18Kuanangan ka matat malaika si Sakaria, “Apa patuaggaiatnia kuagai ibara nene? Aipoi amabajaan aku, sinanalepku leu amabajaan nia.”
19 #
Dan. 8:16, 9:21 Aleginangan nia malaika, “Aku te si Gabriel, pagugulet Taikamanua. Aikoiniake le aku Taikamanua masipatiboake ekeu samba masisegeake katuareman simaeru nene kekeu. 20Taiagainungan te manibo, taan momoi nupanibo teret ipuaili sangamberinia nene, kalulut taimatonem bagam ka tiboietku sipuaaili ka teterenia.”
21Tapoi sirimanua simigi geti ai le rangengenaake si Sakaria. Amakiseian ka bagada kopet ujunia ka Uman Taikamanua. 22Kele aibela, taan momoi ipanibo ka matada. Agairangan leu ai siitcot matania ka Uman Taikamanua. Taan poi iagai manibo, pakirekatnan le aikau ipatiboake sia.
23Kele aitukappulu gogoi pugalajatnia si Sakaria toili nia ka lalep. 24Taan leu amauju pusuruketnangan si Elisabet sinanalepnia; taipabelanangan tubunia lima ngalaggo ujunia, kuanangan, 25“Ia ne aigalai si Tuhan ka tubuku, masitataake ailaku ka matat sirimanua.”
Pangasegekat putututut matat Jesus
26Ka laggo sikaenemnia koiniakenangan minca malaika Gabriel Taikamanua ka sara laggai ka Galilea sipuoni Natsaret 27#Mat. 1:18 ka sara siokko nounoget sara simanteu sipuoni si Josep, muntogat David; onin siokko nenda si Maria. 28Tagetnakenangan nia malaika kuanangan, “Salam kekeu sinukatnakenen, ipaalei ekeu si Tuhan!”
29Tugegenangan si Maria aiarep tiboiet malaika, paatunangan ka bagania, aponia katukolobat paroroiat nene. 30Kuanangan ka matania malaika, “Ba maloloto Maria; aipukatekingan ekeu baga Taikamanua. 31#Mat. 1:21 Mususuruket te ekeu, tutuakenungan matat togam simanteu, kaunennu oninia Jesus. 32#2Sam. 7:12, 13, 16; Jes. 9:6 Abeu te nia geti, samba muoni le nia Togat Taikamanua Sipulubeunan. Ia geti Tuhan Taikamanua masikau ka tubunia uddenan purimataat David, taikebbukatnia, 33samba bailiu nia rimata ka uman Jakob teret buruburu, ta tatakki puririmatania buru.”
34Kuanangan ka matat malaika si Maria, “Kipa iooi ibara nene, enan tapei amusimanteu aku?”
35Aleginangan nia malaika, “Ai leu isopsop ka tubum Ketsat Sipunenan, samba ikunemi ekeu geget Taikamanua Sipulubeunan. Ia te lulunia, toga tutuakenennu Sipunenan le samba muoni Togat Taikamanua. 36Itco pei eiram si Elisabet, taipususule le tebai nia, ai te nia mususuruket sara toga simanteu, enem ngalaggoan ujunia, kenanen amabajaan nia. 37#1Mos. 18:14 Aipoi ka Taikamanua ta anai sitaioi ibaraake.”
38Kuanangan si Maria, “Pagugulet Taikamanua le aku; bule ibara ka tubuku kele sikuam.” Lepa kaddiuakenangan nia malaika.
Ibalou si Elisabet si Maria
39Ka teterenia nenda suru si Maria, olaakenangan mei ka laggai ka leleu ka Judea. 40Guru nia ka lalep Sakaria, roroinangan si Elisabet. 41Kele aiarep paroroiat Maria si Elisabet, pageluknangan tubunia sikolik ka suruketnia, sopsopnangan si Elisabet Ketsat Sipunenan, 42pugereinangan kuanangan, “Ekeu le simauktuk ka talagada tainanalep, mauktuk leu toga tutuakenennu! 43Kasei te aku nene iooi inan Tuhanku masibalou aku? 44Aipoi kele akuarep ngangan paroroiatnu, pageluknangan tubunia sikolik ka suruketku angkat bagania. 45Mauktuk ekeu, matonem poi bagam ipuaili sikuat Tuhan ka tubum.”
Urai pasiumun Maria
46Kuanangan si Maria,
“Paatuatku masiumun si Tuhan,
47ketsatku leu maangka baga kalulut Taikamanua Sipaarau aku,
48 #
1Sam. 1:11
aiitco poi goisot tiboi tubut paguguletnia.
Barania kise, umunakerangan aku simauktuk sangamberi reddenan,
49kalulut beunan aigalai ka tubuku Sipulugege, sipunenan le oninia.
50Katet bagania ta tatakki ka sangamberi sirimanua sirepdep loto ka tubunia.
51Aitotoiakean kabeinia masipakoinong gegenia;
simaukkat paatuat aisabuakean.
52 #
Job 5:11, 12:19 Tai rimata simagege itukkuluake ka uddenanda, sirimanua sigoiso tiboi tubu iabeuake.
53Ipanguruatnake simaeru masipaektek simalaje,
simakayo ituituiake si ta ambinen.
54Airomakean Israel, paguguletnia,
masirepdep katet bagania,
55 #
1Mos. 17:7
#1Sam. 2:1-10 siripot palelengannia ka taikebbukatta kai Abraham
samba ka sapunuteteunia teret buruburu.”
56Ai telu ngalaggo ujunia aikuddu si Maria kai Elisabet, lepa toili nia ka lalepnia.
Pututukat matat Johannes Sipasirarau
57Kele aiaili laggot suruketnia si Elisabet, tutuakenangan matat togania simanteu. 58Kele araarep nia pabebeakenennia lalep samba saeppuda kopet beunan katet bagat Tuhan kai Elisabet, puangkarangan baga sambada.
59 #
3Mos. 12:3
Ka gogoi sikabalunia, oi sia masisunat sikolik, kaurangan oninia Sakaria, siripot onin ukkuinia. 60Tapoi kuanangan inania, “Taa! Si Johannes le oninia.”
61Kuarangan ka matania, “Beri sara saeppumui sipuoni kele nene!” 62Maimairangan ukkuinia ranounou nia, kasei kaunennia onin togania.
63Tiddounangan lei si Sakaria, suratnakenangan, “Si Johannes le oninia.” Tenan le kisei ka bagada sangamberida. 64Ka teteret nenda leu et tubukanangan ngangania, samba lilania guluba, panibonangan masiumun Taikamanua. 65Malotorangan sangamberi pabebeakenennia lalep, paareprangan leu sibabara nene ka sangalio Judea. 66Sangamberi sipasiaarep masipaatu ka bagada, kuarangan, “Apa te ibabailiu geti sikolik nene?” Ai le poi ipaalei nia kabei Tuhan.
Pamoilianan Sakaria
67Ia geti sopsopnangan si Sakaria ukkui Johannes Ketsat Sipunenan, pasipoiliatnangan kuanangan,
68“Tuumunake le si Tuhan, Taikamanuan Israel,
aibalouan poi bangsania samba aibelaake sia.
69Aiakean ka sita sipaarau simagege,
ka punuteteu David, paguguletnia,
70kele siniboinia siburu ka nganganda tai nabinia sipunenan
71masibelaake sita ka saggakta
samba ka kabeira simalaga baga ka tubuta,
72masipatoila nuntut bagania ka taikebbukatta,
samba masirepdep palelengannia sipunenan,
73ia te suppa sisuppaakenennia kai Abraham taikebbukatta
74isibalaake masibelaake sita ka kabei saggakta,
ioi tasuru nia si ta loto,
75ibailiu sita sipunenan samba simaroipo ka matania
sanganantat purimanuaiatta.
76 #
Malk. 3:1
Ia geti ekeu kolik, muoni le ekeu nabit Taikamanua
Sipulubeunan; musumbulat poi ekeu ka matat Tuhan
masipatarek enungannia,
77masipaagai ka bangsania enungan puaragat
sipubobongen ka katuappekat joda.
78Kalulut katet samba erut bagania Taikamanuanta,
oi nia masiarauake sita,
kele ke sulu siputotoro simancep,
79 #
Jes. 9:1
masitoroiji sangamberi sirimanua sikuddu ka gepgep
samba iggobiet kamateiat,
masipalulu sita ka enungan paabanan.”
80Puuraunangan sikolik, muurau leu ron ketsatnia. Pukuddunangan ka simatangeu, teret iaili teterenia ibelaake tubunia ka matada tai Israel.
Currently Selected:
Luk. 1: MWV
Highlight
Share
Copy
Want to have your highlights saved across all your devices? Sign up or sign in
@LAI 2015
Luk. 1
1
Pasibuka
1Teopilus tuan sabeu,
Maigingan sia sitaddaake masisuratnake sipulelelek pagalaiat sibabara ka talagata. 2Rasuratnake siripot sinegeakenenda ka matata sipasiitco ka panandaatnia samba sipaarep katuaremannia. 3Kalulut nene, kaku leu lepa akulelekngake sangamberinia sipulelelek barania ka panandaatnia, teuakekungan kusuratnake nia simaruak kekeu, 4bule nuagai sangamberi sigelaiakenen kekeu bulat sibulatnia.
Pangasegekat putututut matat Johannes Sipasirarau
5 #
1Taw. 24:10
Ka teteret Herodes murimata ka Judea, ai sara imam sipuoni Sakaria, sibara ka rubeiat Abia. Sinanalepnia sipuoni si Elisabet, punuteteu imam leu et. 6Simaroipo baga le sia ruada ka matat Taikamanua samba masiparaboatnake surukat samba patonekat Tuhan sipulelelek. 7Tapoi ta anai togada, taipususule le si Elisabet samba amabajaan sia ruada.
8Ka sara gogoi, aigalai si Sakaria galajet imam ka matat Taikamanua, aipoi ka teteret nenda rubeiat Abia aiorak mugalai galajet. 9Kele simareirei ragalaiake tai imam, ragalai le surat pauktuk; oto si Sakaria aiorak mei ka Uman Taikamanua masilabo kumanyang. 10Ka teteret pasilabokat kumanyang, sirimanua simigi ai sia manindou ka gerat. 11Ia geti oi sara malaikat Tuhan kai Sakaria murio isit kai kattoet meja pasilabokat kumanyang. 12Tugegenangan si Sakaria aiitco malaika, malotonangan. 13Kuanangan ka matania malaika, “Ba maloloto Sakaria! Aiarepingan panindogatnu Taikamanua. Ai leu itutuake matat togam simanteu sinanalepnu si Elisabet, kaunennu oninia Johannes. 14Bulat maangka samba magora te bagam, samba maigi leu sabagei sipuaangka baga ka pututukat matania. 15#4Mos. 6:3 Abeu poi nia ka matat Tuhan, samba ta ilolo anggur ele lo simapuinengen, sun le ka tubunia Ketsat Sipunenan barania ka gigi pei le. 16Toiliakenangan maigi bangsa Israel kai Tuhan Taikamanuanda. 17#Malk. 4:5, 6 Musumbulat le nia ka matat Tuhan ka ketsat samba ka geget Elia, masitoiliake paatuatda saukkui ka tatogada, samba sitaimareddet ipalulu sia toili ka enungan simaroipo; masitarekngake kai Tuhan sara bangsa simatarek tubu.”
18Kuanangan ka matat malaika si Sakaria, “Apa patuaggaiatnia kuagai ibara nene? Aipoi amabajaan aku, sinanalepku leu amabajaan nia.”
19 #
Dan. 8:16, 9:21 Aleginangan nia malaika, “Aku te si Gabriel, pagugulet Taikamanua. Aikoiniake le aku Taikamanua masipatiboake ekeu samba masisegeake katuareman simaeru nene kekeu. 20Taiagainungan te manibo, taan momoi nupanibo teret ipuaili sangamberinia nene, kalulut taimatonem bagam ka tiboietku sipuaaili ka teterenia.”
21Tapoi sirimanua simigi geti ai le rangengenaake si Sakaria. Amakiseian ka bagada kopet ujunia ka Uman Taikamanua. 22Kele aibela, taan momoi ipanibo ka matada. Agairangan leu ai siitcot matania ka Uman Taikamanua. Taan poi iagai manibo, pakirekatnan le aikau ipatiboake sia.
23Kele aitukappulu gogoi pugalajatnia si Sakaria toili nia ka lalep. 24Taan leu amauju pusuruketnangan si Elisabet sinanalepnia; taipabelanangan tubunia lima ngalaggo ujunia, kuanangan, 25“Ia ne aigalai si Tuhan ka tubuku, masitataake ailaku ka matat sirimanua.”
Pangasegekat putututut matat Jesus
26Ka laggo sikaenemnia koiniakenangan minca malaika Gabriel Taikamanua ka sara laggai ka Galilea sipuoni Natsaret 27#Mat. 1:18 ka sara siokko nounoget sara simanteu sipuoni si Josep, muntogat David; onin siokko nenda si Maria. 28Tagetnakenangan nia malaika kuanangan, “Salam kekeu sinukatnakenen, ipaalei ekeu si Tuhan!”
29Tugegenangan si Maria aiarep tiboiet malaika, paatunangan ka bagania, aponia katukolobat paroroiat nene. 30Kuanangan ka matania malaika, “Ba maloloto Maria; aipukatekingan ekeu baga Taikamanua. 31#Mat. 1:21 Mususuruket te ekeu, tutuakenungan matat togam simanteu, kaunennu oninia Jesus. 32#2Sam. 7:12, 13, 16; Jes. 9:6 Abeu te nia geti, samba muoni le nia Togat Taikamanua Sipulubeunan. Ia geti Tuhan Taikamanua masikau ka tubunia uddenan purimataat David, taikebbukatnia, 33samba bailiu nia rimata ka uman Jakob teret buruburu, ta tatakki puririmatania buru.”
34Kuanangan ka matat malaika si Maria, “Kipa iooi ibara nene, enan tapei amusimanteu aku?”
35Aleginangan nia malaika, “Ai leu isopsop ka tubum Ketsat Sipunenan, samba ikunemi ekeu geget Taikamanua Sipulubeunan. Ia te lulunia, toga tutuakenennu Sipunenan le samba muoni Togat Taikamanua. 36Itco pei eiram si Elisabet, taipususule le tebai nia, ai te nia mususuruket sara toga simanteu, enem ngalaggoan ujunia, kenanen amabajaan nia. 37#1Mos. 18:14 Aipoi ka Taikamanua ta anai sitaioi ibaraake.”
38Kuanangan si Maria, “Pagugulet Taikamanua le aku; bule ibara ka tubuku kele sikuam.” Lepa kaddiuakenangan nia malaika.
Ibalou si Elisabet si Maria
39Ka teterenia nenda suru si Maria, olaakenangan mei ka laggai ka leleu ka Judea. 40Guru nia ka lalep Sakaria, roroinangan si Elisabet. 41Kele aiarep paroroiat Maria si Elisabet, pageluknangan tubunia sikolik ka suruketnia, sopsopnangan si Elisabet Ketsat Sipunenan, 42pugereinangan kuanangan, “Ekeu le simauktuk ka talagada tainanalep, mauktuk leu toga tutuakenennu! 43Kasei te aku nene iooi inan Tuhanku masibalou aku? 44Aipoi kele akuarep ngangan paroroiatnu, pageluknangan tubunia sikolik ka suruketku angkat bagania. 45Mauktuk ekeu, matonem poi bagam ipuaili sikuat Tuhan ka tubum.”
Urai pasiumun Maria
46Kuanangan si Maria,
“Paatuatku masiumun si Tuhan,
47ketsatku leu maangka baga kalulut Taikamanua Sipaarau aku,
48 #
1Sam. 1:11
aiitco poi goisot tiboi tubut paguguletnia.
Barania kise, umunakerangan aku simauktuk sangamberi reddenan,
49kalulut beunan aigalai ka tubuku Sipulugege, sipunenan le oninia.
50Katet bagania ta tatakki ka sangamberi sirimanua sirepdep loto ka tubunia.
51Aitotoiakean kabeinia masipakoinong gegenia;
simaukkat paatuat aisabuakean.
52 #
Job 5:11, 12:19 Tai rimata simagege itukkuluake ka uddenanda, sirimanua sigoiso tiboi tubu iabeuake.
53Ipanguruatnake simaeru masipaektek simalaje,
simakayo ituituiake si ta ambinen.
54Airomakean Israel, paguguletnia,
masirepdep katet bagania,
55 #
1Mos. 17:7
#1Sam. 2:1-10 siripot palelengannia ka taikebbukatta kai Abraham
samba ka sapunuteteunia teret buruburu.”
56Ai telu ngalaggo ujunia aikuddu si Maria kai Elisabet, lepa toili nia ka lalepnia.
Pututukat matat Johannes Sipasirarau
57Kele aiaili laggot suruketnia si Elisabet, tutuakenangan matat togania simanteu. 58Kele araarep nia pabebeakenennia lalep samba saeppuda kopet beunan katet bagat Tuhan kai Elisabet, puangkarangan baga sambada.
59 #
3Mos. 12:3
Ka gogoi sikabalunia, oi sia masisunat sikolik, kaurangan oninia Sakaria, siripot onin ukkuinia. 60Tapoi kuanangan inania, “Taa! Si Johannes le oninia.”
61Kuarangan ka matania, “Beri sara saeppumui sipuoni kele nene!” 62Maimairangan ukkuinia ranounou nia, kasei kaunennia onin togania.
63Tiddounangan lei si Sakaria, suratnakenangan, “Si Johannes le oninia.” Tenan le kisei ka bagada sangamberida. 64Ka teteret nenda leu et tubukanangan ngangania, samba lilania guluba, panibonangan masiumun Taikamanua. 65Malotorangan sangamberi pabebeakenennia lalep, paareprangan leu sibabara nene ka sangalio Judea. 66Sangamberi sipasiaarep masipaatu ka bagada, kuarangan, “Apa te ibabailiu geti sikolik nene?” Ai le poi ipaalei nia kabei Tuhan.
Pamoilianan Sakaria
67Ia geti sopsopnangan si Sakaria ukkui Johannes Ketsat Sipunenan, pasipoiliatnangan kuanangan,
68“Tuumunake le si Tuhan, Taikamanuan Israel,
aibalouan poi bangsania samba aibelaake sia.
69Aiakean ka sita sipaarau simagege,
ka punuteteu David, paguguletnia,
70kele siniboinia siburu ka nganganda tai nabinia sipunenan
71masibelaake sita ka saggakta
samba ka kabeira simalaga baga ka tubuta,
72masipatoila nuntut bagania ka taikebbukatta,
samba masirepdep palelengannia sipunenan,
73ia te suppa sisuppaakenennia kai Abraham taikebbukatta
74isibalaake masibelaake sita ka kabei saggakta,
ioi tasuru nia si ta loto,
75ibailiu sita sipunenan samba simaroipo ka matania
sanganantat purimanuaiatta.
76 #
Malk. 3:1
Ia geti ekeu kolik, muoni le ekeu nabit Taikamanua
Sipulubeunan; musumbulat poi ekeu ka matat Tuhan
masipatarek enungannia,
77masipaagai ka bangsania enungan puaragat
sipubobongen ka katuappekat joda.
78Kalulut katet samba erut bagania Taikamanuanta,
oi nia masiarauake sita,
kele ke sulu siputotoro simancep,
79 #
Jes. 9:1
masitoroiji sangamberi sirimanua sikuddu ka gepgep
samba iggobiet kamateiat,
masipalulu sita ka enungan paabanan.”
80Puuraunangan sikolik, muurau leu ron ketsatnia. Pukuddunangan ka simatangeu, teret iaili teterenia ibelaake tubunia ka matada tai Israel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2015