Luk. 3
3
Ngantoman Johannes Sipasirarau
(Mat. 3:1-12; Mrk. 1:1-8; Joh. 1:19-28)
1Ka rura sikapululimania ipukaisar Kaisar Tiberius, si Pontius Pilatus mugubernur ka Judea, si Herodes murimata ka Galilea, samba si Pilipus sarainania murimata ka Iturea samba Trakhonitis, si Lisanias murimata ka Abilene, 2si Hannas samba si Kayafas imam sabeu; ka teteret nenda bara tiboiet Taikamanua kai Johannes togat Sakaria ka simatangeu. 3Ia geti ei si Johannes ka senen laggai riringan Jordan pungantomannangan, “Bauake kam paatuatmui samba kau iturau kam, bule iappeake jomui Taikamanua.” 4#Jes. 40:3-5 Kele sitususurat ka bukot nabi Jesaya,
“Ai nganga sipusosoga ka simatangeu,
‘Tarekngake kam enungan Tuhan,
roipoake kam pusilaiatnia.
5Simapeleu tutabbui,
leleu samba tinambu tugaktukngake.
Simakoilut tuparoipo,
samba enungan simabukkulu tugaktukngake.
6Itcorangan leu sangamberi sirimanua puaragat
sibara ka Taikamanua!’ ”
7 #
Mat. 12:34, 23:33 Kuanangan si Johannes ka matada sirimanua simigi siooi masitiddou irau sia, “Kam saulou, kasei amasikua ka matamui momoi nukatsiliake kam tubumui ka golut Taikamanua sibabara geti? 8#Joh. 8:33 Patoila le kam buat katubabau paatuatmui. Bui te nukua kam ka paatuatmui, ‘Si Abraham le ukkuimai.’ Aipoi kukua nia ka matamui: Momoi le ibaraake tatogat Abraham Taikamanua ka bukku nene! 9#Mat. 7:19 Amatarekngan baliok ka pailakkik loina; senen loina taibuaake bua simaeru tutatadde le, gik ka api.”
10Nounourangan nia sirimanua simigi, “Oto kipangan le kugagalai kai?”
11Aleginangan nia si Johannes, “Kasei sipurua leppei, kau ikau sara ka si ta anai; samba simakan, kau iparubei nia ka sabagei.”
12 #
Luk. 7:29
Sipuuku cukai leu amoi sia masitiddou turau sia. Nounourangan si Johannes, “Guru, kipa kugagalai kai ka kai?” 13Aleginangan nia si Johannes, “Bui isabau sinetereakenen nuala kam.”
14Tai saladdu leu masinounou, “Kai ka kai, kipa kugagalai kai?”
Kuanangan ka matada si Johannes, “Bui nugalai kam gege ka tubut kasei pa, ele bui nuala kam bulagatda pajoat. Upamui le karoni kam lepa.”
15Ai le poi sia masingengena sirimanua simigi, patuptuprangan ka paatuatda pagalaiat si Johannes, baleu niangan pa Kristus. 16Kuanangan ka matada sangamberida si Johannes, “Aku kaku oinan le kukakau masirau kam; tapoi momoi le geti sisaliu pei le gegeku. Beringan masirugut talit tarangainia ta mateu aku. Rauakenennia ka kam Ketsat Sipunenan samba api le. 17Amatarekngan sasatsat ka kabeinia masilinaake bera ka paga. Bera iruruake ka kudduat pangoirikat, paga geti ilaboake ka api sitaipepee.”
18Maigi pei le bagei ingantomanake si Johannes masisegeake Katuareman Simaeru ka sirimanua simigi. 19#Mat. 14:3, 4; Mrk. 6:17, 18 Tapoi si Herodes geti rimata ka Galilea, kele aiase nia si Johannes kalulut si Herodias sinanalep sarainania, samba kalulut jo bagei sigalainia, 20aituppai pei le jonia, aikau poi si Johannes ka bagat penjara.
Katuraukat Jesus
(Mat. 3:13-17; Mrk. 1:9-11)
21Lepa aiturau sangamberi sirimanua simigi, samba Jesus leu turau samba ai nia maninindou, tubukanangan manua, 22#1Mos. 22:2; Psalm. 2:7; Jes. 42:1; Mat. 3:17; Mrk. 1:11; Luk. 9:35 gorosot Ketsat Taikamanua kele tubut ngorut mei ka tubunia. Maarepnangan nganga sibara ka manua masikua, “Ekeu te Togaku, kilibet bagaku, obaket bagaku te ekeu.”
Paninikat Jesus
(Mat. 1:1-17)
23Ka teteret aitaddaake galajetnia Jesus, ai pa telu pulu ngarura beunannia. Siripot sipaatuda sirimanua, togat Josep le nia, si Josep togat Eli, 24si Eli togat Mattat, si Mattat togat Lepi, si Lepi togat Melki, si Melki togat Janai, si Janai togat Josep, 25si Josep togat Matatia, si Matatia togat Amos, si Amos togat Nahum, si Nahum togat Hesli, si Hesli togat Naggai, 26si Naggai togat Maat, si Maat togat Matatia, si Matatia togat Simei, si Simei togat Josekh, si Josekh togat Joda, 27si Joda togat Johanan, si Johanan togat Resa, si Resa togat Serubabel, si Serubabel togat Sealtiel, si Sealtiel togat Neri, 28si Neri togat Melki, si Melki togat Adi, si Adi togat Kosam, si Kosam togat Elmadam, si Elmadam togat Er, 29si Er togat Jesua, si Jesua togat Elieser, si Elieser togat Jorim, si Jorim togat Mattat, si Mattat togat Lepi, 30si Lepi togat Simeon, si Simeon togat Juda, si Juda togat Josep, si Josep togat Jonam, si Jonam togat Eliakim, 31si Eliakim togat Melea, si Melea togat Menna, si Menna togat Matata, si Matata togat Natan, si Natan togat David, 32si David togat Isai, si Isai togat Obed, si Obed togat Boas, si Boas togat Salmon, si Salmon togat Nahason, 33si Nahason togat Aminadab, si Aminadab togat Admin, si Admin togat Arni, si Arni togat Hezron, si Hezron togat Peres, si Peres togat Juda, 34si Juda togat Jakob, si Jakob togat Isak, si Isak togat Abraham, si Abraham togat Terah, si Terah togat Nahor, 35si Nahor togat Serug, si Serug togat Rehu, si Rehu togat Peleg, si Peleg togat Eber, si Eber togat Salmon, 36si Salmon togat Kenan, si Kenan togat Arpaksad, si Arpaksad togat Sem, si Sem togat Noak, si Noak togat Lamekh, 37si Lamekh togat Metusala, si Metusala togat Henokh, si Henokh togat Jared, si Jared togat Mahalael, si Mahalael togat Kenan, 38si Kenan togat Enos, si Enos togat Set, si Set togat Adam, si Adam togat Taikamanua.
Currently Selected:
Luk. 3: MWV
Highlight
Share
Copy
Want to have your highlights saved across all your devices? Sign up or sign in
@LAI 2015
Luk. 3
3
Ngantoman Johannes Sipasirarau
(Mat. 3:1-12; Mrk. 1:1-8; Joh. 1:19-28)
1Ka rura sikapululimania ipukaisar Kaisar Tiberius, si Pontius Pilatus mugubernur ka Judea, si Herodes murimata ka Galilea, samba si Pilipus sarainania murimata ka Iturea samba Trakhonitis, si Lisanias murimata ka Abilene, 2si Hannas samba si Kayafas imam sabeu; ka teteret nenda bara tiboiet Taikamanua kai Johannes togat Sakaria ka simatangeu. 3Ia geti ei si Johannes ka senen laggai riringan Jordan pungantomannangan, “Bauake kam paatuatmui samba kau iturau kam, bule iappeake jomui Taikamanua.” 4#Jes. 40:3-5 Kele sitususurat ka bukot nabi Jesaya,
“Ai nganga sipusosoga ka simatangeu,
‘Tarekngake kam enungan Tuhan,
roipoake kam pusilaiatnia.
5Simapeleu tutabbui,
leleu samba tinambu tugaktukngake.
Simakoilut tuparoipo,
samba enungan simabukkulu tugaktukngake.
6Itcorangan leu sangamberi sirimanua puaragat
sibara ka Taikamanua!’ ”
7 #
Mat. 12:34, 23:33 Kuanangan si Johannes ka matada sirimanua simigi siooi masitiddou irau sia, “Kam saulou, kasei amasikua ka matamui momoi nukatsiliake kam tubumui ka golut Taikamanua sibabara geti? 8#Joh. 8:33 Patoila le kam buat katubabau paatuatmui. Bui te nukua kam ka paatuatmui, ‘Si Abraham le ukkuimai.’ Aipoi kukua nia ka matamui: Momoi le ibaraake tatogat Abraham Taikamanua ka bukku nene! 9#Mat. 7:19 Amatarekngan baliok ka pailakkik loina; senen loina taibuaake bua simaeru tutatadde le, gik ka api.”
10Nounourangan nia sirimanua simigi, “Oto kipangan le kugagalai kai?”
11Aleginangan nia si Johannes, “Kasei sipurua leppei, kau ikau sara ka si ta anai; samba simakan, kau iparubei nia ka sabagei.”
12 #
Luk. 7:29
Sipuuku cukai leu amoi sia masitiddou turau sia. Nounourangan si Johannes, “Guru, kipa kugagalai kai ka kai?” 13Aleginangan nia si Johannes, “Bui isabau sinetereakenen nuala kam.”
14Tai saladdu leu masinounou, “Kai ka kai, kipa kugagalai kai?”
Kuanangan ka matada si Johannes, “Bui nugalai kam gege ka tubut kasei pa, ele bui nuala kam bulagatda pajoat. Upamui le karoni kam lepa.”
15Ai le poi sia masingengena sirimanua simigi, patuptuprangan ka paatuatda pagalaiat si Johannes, baleu niangan pa Kristus. 16Kuanangan ka matada sangamberida si Johannes, “Aku kaku oinan le kukakau masirau kam; tapoi momoi le geti sisaliu pei le gegeku. Beringan masirugut talit tarangainia ta mateu aku. Rauakenennia ka kam Ketsat Sipunenan samba api le. 17Amatarekngan sasatsat ka kabeinia masilinaake bera ka paga. Bera iruruake ka kudduat pangoirikat, paga geti ilaboake ka api sitaipepee.”
18Maigi pei le bagei ingantomanake si Johannes masisegeake Katuareman Simaeru ka sirimanua simigi. 19#Mat. 14:3, 4; Mrk. 6:17, 18 Tapoi si Herodes geti rimata ka Galilea, kele aiase nia si Johannes kalulut si Herodias sinanalep sarainania, samba kalulut jo bagei sigalainia, 20aituppai pei le jonia, aikau poi si Johannes ka bagat penjara.
Katuraukat Jesus
(Mat. 3:13-17; Mrk. 1:9-11)
21Lepa aiturau sangamberi sirimanua simigi, samba Jesus leu turau samba ai nia maninindou, tubukanangan manua, 22#1Mos. 22:2; Psalm. 2:7; Jes. 42:1; Mat. 3:17; Mrk. 1:11; Luk. 9:35 gorosot Ketsat Taikamanua kele tubut ngorut mei ka tubunia. Maarepnangan nganga sibara ka manua masikua, “Ekeu te Togaku, kilibet bagaku, obaket bagaku te ekeu.”
Paninikat Jesus
(Mat. 1:1-17)
23Ka teteret aitaddaake galajetnia Jesus, ai pa telu pulu ngarura beunannia. Siripot sipaatuda sirimanua, togat Josep le nia, si Josep togat Eli, 24si Eli togat Mattat, si Mattat togat Lepi, si Lepi togat Melki, si Melki togat Janai, si Janai togat Josep, 25si Josep togat Matatia, si Matatia togat Amos, si Amos togat Nahum, si Nahum togat Hesli, si Hesli togat Naggai, 26si Naggai togat Maat, si Maat togat Matatia, si Matatia togat Simei, si Simei togat Josekh, si Josekh togat Joda, 27si Joda togat Johanan, si Johanan togat Resa, si Resa togat Serubabel, si Serubabel togat Sealtiel, si Sealtiel togat Neri, 28si Neri togat Melki, si Melki togat Adi, si Adi togat Kosam, si Kosam togat Elmadam, si Elmadam togat Er, 29si Er togat Jesua, si Jesua togat Elieser, si Elieser togat Jorim, si Jorim togat Mattat, si Mattat togat Lepi, 30si Lepi togat Simeon, si Simeon togat Juda, si Juda togat Josep, si Josep togat Jonam, si Jonam togat Eliakim, 31si Eliakim togat Melea, si Melea togat Menna, si Menna togat Matata, si Matata togat Natan, si Natan togat David, 32si David togat Isai, si Isai togat Obed, si Obed togat Boas, si Boas togat Salmon, si Salmon togat Nahason, 33si Nahason togat Aminadab, si Aminadab togat Admin, si Admin togat Arni, si Arni togat Hezron, si Hezron togat Peres, si Peres togat Juda, 34si Juda togat Jakob, si Jakob togat Isak, si Isak togat Abraham, si Abraham togat Terah, si Terah togat Nahor, 35si Nahor togat Serug, si Serug togat Rehu, si Rehu togat Peleg, si Peleg togat Eber, si Eber togat Salmon, 36si Salmon togat Kenan, si Kenan togat Arpaksad, si Arpaksad togat Sem, si Sem togat Noak, si Noak togat Lamekh, 37si Lamekh togat Metusala, si Metusala togat Henokh, si Henokh togat Jared, si Jared togat Mahalael, si Mahalael togat Kenan, 38si Kenan togat Enos, si Enos togat Set, si Set togat Adam, si Adam togat Taikamanua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2015