Luk. 5
5
Isogai sipasiuluinia siboiki Jesus
(Mat. 4:18-22; Mrk. 1:16-20)
1 #
Mat. 13:1, 2; Mrk. 3:9, 10, 4:1 Ka sara gogoi aimuririo Jesus ka bebet koat Genesaret, okkiprangan nia sirimanua simigi masiarep tiboiet Taikamanua. 2Itconangan rua abak ka kapi; sia sipasiiba ameian sia masibui jarikda. 3Ia geti janang Jesus ka abak sara, bakkat Simon, kuanangan ka matania ilautnake nia goiso. Pukuddunangan Jesus ka bagat abak masipangantoman sirimanua simigi.
4Lepa aipungantoman, kuanangan kai Simon, “Lugai kam ka simakeru, bele kam jarikmui iala iba.”
5 #
Joh. 21:3
Aleginangan nia si Simon, “Guru, sangasoiboan akumomoake kai tubumai, beri sangamuneng akusese kai. Tapoi kalulut kukuam nia, kauan kubele kai nia minca.” 6#Joh. 21:6 Belerangan nia, alanangan simakope igi iba, pat birit jarikda. 7Maimairangan aleira ka abak sara raoi masirom. Kele araoi sutnakerangan abak ruania ai le goiso imalelep. 8Kele aiitco nene si Simon Petrus, purapponangan ka matat Jesus, kuanangan, “Tuhan, kaddiuake le aku, sirimanua sijo le poi aku.” 9Atugegean poi nia samba saaleinia kalulut igit iba sialara; 10kisedda leu si Jakobus samba si Johannes tatogat Sebedeus alei Simon. Kuanangan ka matat Simon Jesus, “Ba maloloto! Barania kineneiget bailiu ekeu sipasijajalo sirimanua.”
11Giritrangan abakda ka pata, kaddiuakerangan sangamberinia, tutrangan Jesus.
Ialeake Jesus sara simabogbong
(Mat. 8:1-4; Mrk. 1:40-45)
12Ka sara gogoi, amei Jesus ka sara laggai. Sedda ai sara sirimanua simabogbong. Kele aiitco Jesus, purapponangan ka matania manindou kuanangan, “Noba bai nia Tuan, ta isosoppi nualeake aku.”
13Totoiakenangan kabeinia Jesus irape nia, kuanangan, “Kuoba, kauan numale.” Malenangan leu et bogbongnia. 14#3Mos. 14:1-32 Paneineinangan nia Jesus bui ipoiliat nia ka kasei pa kuanangan, “Kenan nupaitco tubum kai imam, ia geti buluakenungan buluakenen siripot sikuat Mose masipakoinong ka matada kamamalem.”
15Tapoi memei le marararat katuareman pagalaiat Jesus; oirangan leu sirimanua simigi masiarep, ialeake besira bagei. 16Lepa tuitui nia mei ka simatangeu manindou.
Pasialeat simasakit
(Mat. 9:1-8; Mrk. 2:1-12)
17Ka sara gogoi aimungangantoman Jesus, ai sedda piga pa tai Parise samba siagaisurat sibara ka senen laggai ka Galilea, Judea samba sibara ka Jerusalem. Aian ka tubunia kerek Tuhan masialeake simabesi. 18Lepa oi piga pa sipasibabairat sara simasakit sipeperep ka peremannia. Besiakerangan raguruake nia ka baga bule ioi ragalakngake nia ka matat Jesus. 19Tapoi kalulut ta amoi araguruake nia ka baga kopet igit sirimanua, pangarairangan ka teitei lalep, bukarangan tobat, gorosotnakerangan nia samba peremannia ka matat Jesus ka talagat sirimanua simigi. 20Kele aiitco beunan tonem bagada Jesus, kuanangan ka matat simasakit, “Ale saraina, atuappeakean jom.”
21Taddaakerangan siagaisurat samba tai Parise patibo pasasambada, “Kasei te sirimanua nene sipaloloi Taikamanua? Kasei te momoi masiappeake jo, sarat Taikamanua le?”
22Aiagaian poi paatuatda Jesus, kuanangan ka matada, “Aponia nupaatu kam ka paatuatmui? 23Kipa le malabbei tukua, ‘Atuappeakean jom’ ele ‘Suruake ekeu nupuenung’? 24Tapoi bule nuagai kam nia kababarat geget Togatsirimanua masiappeake jo ka polak nene.” Kuanangan ka matat simasakit, “Kukua nia ka matam, suruake ekeu, ala peremannu nutoili ka lalepnu!”
25Ka matadangan leu sangamberida, suru nia; akkat peremannia, toili nia ka lalepnia, umunnangan Taikamanua.
26Makiseinangan ka bagada sangamberi sirimanua, umunrangan Taikamanua, samba pagalu loto kuarangan, “Bulat kiseiet sabeu ataitco kineneiget!”
Jesus masisogai si Lepi
(Mat. 9:9-13; Mrk. 2:13-17)
27Pasat nene, kele aituitui Jesus, itconangan sara sipuuku cukai sipuoni si Lepi ai nia mukukuddu ka kantor cukai. Kuanangan ka matania Jesus, “Tut aku!” 28Tusurunangan leu si Lepi, kaddiuakenangan sangamberinia, tutnangan Jesus.
29Lepa galainangan punen sabeu si Lepi irauma Jesus ka lelepnia. Maigi sipuuku cukai samba sirimanua sabagei sipukokom sambada. 30#Luk. 15:1, 2 Pungunyukirangan sipasiului Jesus tai Parise samba siagaisurat, kuarangan, “Angoi patadde kam mukom samba mulo ka sipuuku cukai samba sirimanua sijo?”
31Aleginangan nia Jesus kuanangan ka matada, “Simaron tubu ta anai kaura dokter, sarat simaoringen le. 32Ta masisogai sirimanua simaroipo akuoi, masisogai sirimanua sijo le, bule rabauake paatuatda.”
Pagalaiat mupuaso
(Mat. 9:14-17; Mrk. 2:18-22)
33Kuarangan tai Parise ka matat Jesus, “Sipasiului Johannes mareirei rapupuaso samba manindou, kisedda leu et sipasiuluira tai Parise. Sipasiuluinu geti ai le sia mukokom samba mulolo.”
34Kuanangan ka matada Jesus, “Momoi pa tukua rapupuaso saalei siputatalimou ujut ai pei le siputatalimou ka talagada? 35Tapoi babara teterenia ituala siputatalimou ka talagada; sedda pei te rapupuaso.”
36Tiboinangan leu sara pasikat ka matada, “Beri sara sibiritnake komang sibau masitakkopmake nia ka leppei siburu. Igalai bai kisedda, mabiritnangan leu et leppei siburu samba ta pasesese bagei takkoman sibau ka leppei siburu. 37Kisedda leu et ta anai sipasikakau anggur sibau ka suppit kulit siburu, ipupukpukngake le poi suppit siburu anggur sibau, mapilinangan anggur, makatainangan suppit. 38Tapoi anggur sibau ka suppit sibau le itukakau. 39Samba beri sara sioba masilo anggur sibau lepa ailo anggur siburu. ‘Anggur siburu le poi mananam,’ aikua.”
Currently Selected:
Luk. 5: MWV
Highlight
Share
Copy
Want to have your highlights saved across all your devices? Sign up or sign in
@LAI 2015
Luk. 5
5
Isogai sipasiuluinia siboiki Jesus
(Mat. 4:18-22; Mrk. 1:16-20)
1 #
Mat. 13:1, 2; Mrk. 3:9, 10, 4:1 Ka sara gogoi aimuririo Jesus ka bebet koat Genesaret, okkiprangan nia sirimanua simigi masiarep tiboiet Taikamanua. 2Itconangan rua abak ka kapi; sia sipasiiba ameian sia masibui jarikda. 3Ia geti janang Jesus ka abak sara, bakkat Simon, kuanangan ka matania ilautnake nia goiso. Pukuddunangan Jesus ka bagat abak masipangantoman sirimanua simigi.
4Lepa aipungantoman, kuanangan kai Simon, “Lugai kam ka simakeru, bele kam jarikmui iala iba.”
5 #
Joh. 21:3
Aleginangan nia si Simon, “Guru, sangasoiboan akumomoake kai tubumai, beri sangamuneng akusese kai. Tapoi kalulut kukuam nia, kauan kubele kai nia minca.” 6#Joh. 21:6 Belerangan nia, alanangan simakope igi iba, pat birit jarikda. 7Maimairangan aleira ka abak sara raoi masirom. Kele araoi sutnakerangan abak ruania ai le goiso imalelep. 8Kele aiitco nene si Simon Petrus, purapponangan ka matat Jesus, kuanangan, “Tuhan, kaddiuake le aku, sirimanua sijo le poi aku.” 9Atugegean poi nia samba saaleinia kalulut igit iba sialara; 10kisedda leu si Jakobus samba si Johannes tatogat Sebedeus alei Simon. Kuanangan ka matat Simon Jesus, “Ba maloloto! Barania kineneiget bailiu ekeu sipasijajalo sirimanua.”
11Giritrangan abakda ka pata, kaddiuakerangan sangamberinia, tutrangan Jesus.
Ialeake Jesus sara simabogbong
(Mat. 8:1-4; Mrk. 1:40-45)
12Ka sara gogoi, amei Jesus ka sara laggai. Sedda ai sara sirimanua simabogbong. Kele aiitco Jesus, purapponangan ka matania manindou kuanangan, “Noba bai nia Tuan, ta isosoppi nualeake aku.”
13Totoiakenangan kabeinia Jesus irape nia, kuanangan, “Kuoba, kauan numale.” Malenangan leu et bogbongnia. 14#3Mos. 14:1-32 Paneineinangan nia Jesus bui ipoiliat nia ka kasei pa kuanangan, “Kenan nupaitco tubum kai imam, ia geti buluakenungan buluakenen siripot sikuat Mose masipakoinong ka matada kamamalem.”
15Tapoi memei le marararat katuareman pagalaiat Jesus; oirangan leu sirimanua simigi masiarep, ialeake besira bagei. 16Lepa tuitui nia mei ka simatangeu manindou.
Pasialeat simasakit
(Mat. 9:1-8; Mrk. 2:1-12)
17Ka sara gogoi aimungangantoman Jesus, ai sedda piga pa tai Parise samba siagaisurat sibara ka senen laggai ka Galilea, Judea samba sibara ka Jerusalem. Aian ka tubunia kerek Tuhan masialeake simabesi. 18Lepa oi piga pa sipasibabairat sara simasakit sipeperep ka peremannia. Besiakerangan raguruake nia ka baga bule ioi ragalakngake nia ka matat Jesus. 19Tapoi kalulut ta amoi araguruake nia ka baga kopet igit sirimanua, pangarairangan ka teitei lalep, bukarangan tobat, gorosotnakerangan nia samba peremannia ka matat Jesus ka talagat sirimanua simigi. 20Kele aiitco beunan tonem bagada Jesus, kuanangan ka matat simasakit, “Ale saraina, atuappeakean jom.”
21Taddaakerangan siagaisurat samba tai Parise patibo pasasambada, “Kasei te sirimanua nene sipaloloi Taikamanua? Kasei te momoi masiappeake jo, sarat Taikamanua le?”
22Aiagaian poi paatuatda Jesus, kuanangan ka matada, “Aponia nupaatu kam ka paatuatmui? 23Kipa le malabbei tukua, ‘Atuappeakean jom’ ele ‘Suruake ekeu nupuenung’? 24Tapoi bule nuagai kam nia kababarat geget Togatsirimanua masiappeake jo ka polak nene.” Kuanangan ka matat simasakit, “Kukua nia ka matam, suruake ekeu, ala peremannu nutoili ka lalepnu!”
25Ka matadangan leu sangamberida, suru nia; akkat peremannia, toili nia ka lalepnia, umunnangan Taikamanua.
26Makiseinangan ka bagada sangamberi sirimanua, umunrangan Taikamanua, samba pagalu loto kuarangan, “Bulat kiseiet sabeu ataitco kineneiget!”
Jesus masisogai si Lepi
(Mat. 9:9-13; Mrk. 2:13-17)
27Pasat nene, kele aituitui Jesus, itconangan sara sipuuku cukai sipuoni si Lepi ai nia mukukuddu ka kantor cukai. Kuanangan ka matania Jesus, “Tut aku!” 28Tusurunangan leu si Lepi, kaddiuakenangan sangamberinia, tutnangan Jesus.
29Lepa galainangan punen sabeu si Lepi irauma Jesus ka lelepnia. Maigi sipuuku cukai samba sirimanua sabagei sipukokom sambada. 30#Luk. 15:1, 2 Pungunyukirangan sipasiului Jesus tai Parise samba siagaisurat, kuarangan, “Angoi patadde kam mukom samba mulo ka sipuuku cukai samba sirimanua sijo?”
31Aleginangan nia Jesus kuanangan ka matada, “Simaron tubu ta anai kaura dokter, sarat simaoringen le. 32Ta masisogai sirimanua simaroipo akuoi, masisogai sirimanua sijo le, bule rabauake paatuatda.”
Pagalaiat mupuaso
(Mat. 9:14-17; Mrk. 2:18-22)
33Kuarangan tai Parise ka matat Jesus, “Sipasiului Johannes mareirei rapupuaso samba manindou, kisedda leu et sipasiuluira tai Parise. Sipasiuluinu geti ai le sia mukokom samba mulolo.”
34Kuanangan ka matada Jesus, “Momoi pa tukua rapupuaso saalei siputatalimou ujut ai pei le siputatalimou ka talagada? 35Tapoi babara teterenia ituala siputatalimou ka talagada; sedda pei te rapupuaso.”
36Tiboinangan leu sara pasikat ka matada, “Beri sara sibiritnake komang sibau masitakkopmake nia ka leppei siburu. Igalai bai kisedda, mabiritnangan leu et leppei siburu samba ta pasesese bagei takkoman sibau ka leppei siburu. 37Kisedda leu et ta anai sipasikakau anggur sibau ka suppit kulit siburu, ipupukpukngake le poi suppit siburu anggur sibau, mapilinangan anggur, makatainangan suppit. 38Tapoi anggur sibau ka suppit sibau le itukakau. 39Samba beri sara sioba masilo anggur sibau lepa ailo anggur siburu. ‘Anggur siburu le poi mananam,’ aikua.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2015