YOHANE 7
7
I Yesu pai waʼa ngkasangkompo-A
7:1-9
1Ungka lairia melinjamo i Yesu mantolilimi tana Galilea. Bareʼe ndapokono njoʼu ri tana Yudea maka ndaincanimo napampepali waʼa ntadulako nto Yahudi Sira da napepate.
2 #
Tad. 23:34, Paw. 16:13 Ri tempo setu mosumo Eo mPosusa mPokuani. 3Natoʼo waʼa ngkasangkompo-A ri Sira, “Palaimo ungka ireʼi kanjoʼumo ri tana Yudea, da napangkita waʼa anaguru-Mu ewambeʼi kakuasa-Mu. 4Maka tau anu mampepali da kabangke ngkatetoʼonya bareʼe da napesambunika waʼa anu napowia. Ane nuwianaka anu ewanceʼe sangaya-ngaya da naincani waʼa ntau ri sambawo lino seʼi!” (5Maka waʼa ngkasangkompo-A bareʼe maaya Sira.)
6Ndatoʼo i Yesu ri tau seʼe, “Ri Yaku bareʼe pa jela ri temponya, paikanya ri komi pura-pura tempo singkono. 7Komi bareʼe napobanciika lino seʼi. Paikanya Yaku lawi da napobanciika lino seʼi, maka bareʼe Kuowe-owe manceko powia lino anu majaʼa. 8Ndikandekumo komi ri posusa setu. Yaku bareʼe da ndeku maka bareʼepa jela temponya da kandeku-Ku.” 9Ewancetumo pompau-A ri waʼa ngkasangkompo-A, pai Sira maroo-roopa ri Galilea.
Potuntu i Yesu ri Posusa mPokuani
7:10-24
10Butu payamo waʼa ngkasangkompo-A ndeku ri posusa, nepa malai Sira ngkalio-A bereʼe tau anu maincani. 11Napepali waʼa ntadulako nto Yahudi Sira ri posusa setu, pura-pura tau anu napomberataka napeoasi, “Mbeʼi siʼa?”
12Natepuʼumo ntau sondo mombepeoasi mojawa-jawa kakononya Sira. Reʼe anu mantoʼo, “Sira setu tau madago.” Reʼe woʼu anu mantoʼo, “Bareʼe! maka Sira mangalinguni raya ntau sondo.” 13Paikanya bereʼe tau anu mantaha mompau marimbo-rimbo kakononya Sira, maka maeka raya ntau seʼe ri waʼa ntadulako nto Yahudi.
14Ntongo-ntongo mposusa, mesuamo i Yesu ri raya Banua i mPue, nepa montepuʼu mompaguru. 15Jingkimo raya waʼa ntadulako nto Yahudi natoʼo, “Ara wenu painaka loʼe gaga tau setu, ntanoka bereʼe sikolanya?”
16Mesono i Yesu, “Anu Kupepaguruka seʼi banya Yaku tumpunya, paikanya anu mampokau Yaku inceʼe tumpunya. 17Tau anu mampokono malulu pepokono i mPue Ala, da narata ndaya pompaguru-Ku bara ungka ri Pue Ala puʼunya bara podo ungka ri Yaku ngkalio-Ku. 18Tau anu mampepaguruka pepokononya ngkalionya inceʼemo tau anu mampepali katetubunaka ntoʼonya ngkalionya. Paikanya tau anu mampepali katetubunaka-A Sira anu mampokau siʼa, tau setu mayoa pai bareʼe mantengosi tau. 19Ara banya i Musa mamparatamo waʼa ncongka i mPue Ala ri komi? Paikanya bereʼe ri oyomi anu malulu waʼa ncongka setu. Wenu painaka da ndipepate Yaku?”
20Mesono tau sondo, “Wando siko! Isema anu da mampepate siko?”
21Mesono i Yesu, sangayaja anu Kupowia ri eo Umapo, jingkimo rayami. 22#Pal. 17:10, Tad. 12:3 I Musa mantoʼoka komi ada mpopasuna ntanoka ada mpopasuna setu banya i Musa anu mampamula, paikanya inceʼe ada ungka maʼi ngkaimi ri kabareʼepanya reʼe i Musa. Inceʼe painaka, ri eo Umapo komi masuna tau. 23#Yoh. 5:9 Ane popasuna ndiwianaka ri eo Umapo da naka neʼe ndilewa songka anu nadika i Nabi Musa kono popasuna, wenu painaka ndipokarau Yaku mampakaʼosa suma ngkoro ntau ri eo Umapo? 24Neʼe ndipetisala tau podo merontada ri anu ndikita paikanya da merontada ri yoa.
Bara monco i Yesu Mokole Tadungkadago?
7:25-31
25Ungka lairia reʼe bara tesangkuja to Yerusale mangantoʼo, “Ara banya inceʼimo tau anu ndapepepali da ndapepate? 26Peole, bereʼe poncubunya motuntu ri suara ntau sondo, pai bereʼe anu mantoʼo bara nunjaa-njaa ri Sira! Boi narata ndayamo waʼa ntadulakota kasiʼanya seʼi Mokole Tadungkadago? 27Paikanya ane Mokole Tadungkadago rata, bareʼe da reʼe tau anu maincani kaʼungka ri mbeʼinya kamaʼinya! Pai tau seʼi taincani ungka ri mbeʼi kamaʼinya.”
28Ntongo mompaguru i Yesu ri raya Banua i mPue, meboo Sira marimbo oni nganga-A ndatoʼo, “Mewali komi ndiincani kaʼisemanya Yaku seʼi, pai ungka ri mbeʼi kamaʼi-Ku? Yaku bareʼe rata malulu tangara-Ku ngkalio-Ku. Anu mampokau Yaku inceʼe Sira anu makuasa mampokau Yaku, pai Sira ndasarumaka. Paikanya komi bareʼe ndiincani Sira. 29Yaku kuincani Sira, maka Yaku moiwo ungka ri Sira, pai Siramo anu mampokau Yaku.”
30Da rayamo kojo ntau seʼe da mancoko i Yesu ri tempo setu, paikanya bereʼe tau anu mantaha mangkekeni Sira, maka bareʼepa jela temponya. 31Maria tau ri oyo ntau seʼe anu montepuʼumo meaya ri Yesu natoʼo, “Ane jela Mokole Tadungkadago, ara da nakoto mampowia tanda ngkuasa anu meruu ngkarianya pai anu napowia ntau seʼi?”
Pampepali jaya da ndapancoko i Yesu
7:32-36
32Nadonge waʼa nto Parisi ewambeʼi pampojawa-jawaka ntau sondo setu kakononya i Yesu. Inceʼe painaka sangkani-ngkani pai waʼa ntadulako ntadu mpanyomba, napokau ntau seʼe bara tesangkuja topojaga Banua i mPue, njoʼu mancoko i Yesu. 33Ndatoʼo i Yesu ri tau sondo anu njau ri raya Banua i mPue, “Jamo sarai da kasangkani-ngkani-Ku pai komi. Roo setu Yaku da mewalili ri anu mampokau Yaku. 34Komi da mampepali Yaku, paikanya bareʼe da ndipomberataka Yaku; maka komi bareʼe ndikoto rata ri kareʼe-Ku.”
35Napombepeoasika waʼa ntadulako nto Yahudi, “Ara ri mbeʼimo da palainya tau seʼi painaka bareʼemo da tarata? Boi da malai njoʼu ri waʼa nto Yahudi anu ri tana nto Garika, pai da mampaguru waʼa nto Garika? 36Nunjaa tangara ndayanya mantoʼo mau tapepali bareʼemo da tarata pai bareʼe da takoto jela ri kareʼenya?”
Ue anu mawai katuwu
7:37-44
37 #
Tad. 23:36
Ri eo ngkapusa posusa setu, inceʼemo anu ndatoʼo mata ncusa, mekakore woʼu i Yesu motuntu ri Banua i mPue marimbo oni nganga-A ndatoʼo, “Tau anu maranganganya ndikamaʼimo manginu ri Yaku. 38#Yeh. 47:1, Sak. 14:8 Lau teʼuki ri raya Ncura Magali, waʼa ntau anu meaya ri Yaku, ‘Da mebete pai da moili ue ngkatuwu ungka ri rayanya.’ ” (39Anu ndatoʼo i Yesu inceʼemo Inosa mPue Ala anu da natarima waʼa ntau meaya ri Sira. Maka ri tempo setu Inosa mPue Ala bareʼepa ndawai; maka i Yesu bareʼepa ndapapeawa mampoliu kapate-A.)
40Maria tau madonge pau anu ndatoʼo i Yesu, pai reʼe ri oyo ntau seʼe anu mangantoʼo, “Manoto tau seʼi Nabi!”
41Santila tau mantoʼo, “Inceʼimo Mokole Tadungkadago.”
Paikanya reʼe woʼu anu mantoʼo, “Bareʼe da monco Mokole Tadungkadago da rata ungka ri tana Galilea? 42#2 Sem. 7:12, Mi. 5:2 Ndaʼuki ri Sura Magali, Mokole Tadungkadago muli i Daudi, mewali da ungka ri Beteleme kamaʼia, inceʼe lipu i Daudi.” 43Kapusa-pusanya mopaisomo waʼa ntau sondo, mampopaisoi kono i Yesu. 44Reʼe tau anu da rayanyamo mancoko i Yesu, paikanya bareʼe nataha sako mangajama Sira.
Waʼa ntadulako nto Yahudi bareʼe meaya
7:45-52
45Butu mewalilimo waʼa ntopojaga Banua i mPue anu ndapokau anu da mancoko i Yesu, meoasimo waʼa ntadu mpanyomba pai waʼa nto Parisi, “Ara wenu bareʼe ndikeni ri maʼi tau setu?”
46Mesono waʼa ntopojaga setu, “Manoro bareʼepa reʼe tau karata anu loʼe mompau ewa Sira sinjau!”
47Natoʼo nto Parisi, “Taʼa-taʼanya sako komi seʼe naleʼo malinguni? 48Bara sako waʼa ntadulakota pai to Parisi seʼe reʼemo anu mangaaya siʼa? 49Paikanya waʼa ntau sondo seʼi, bareʼe naincani ntau seʼe songka i Musa, paikanya mau ewanceʼe tau seʼe nakonomo mpopahuku.”
50 #
Yoh. 3:1-2
Reʼe sambaʼa ri oyo nto Parisi setu, inceʼemo i Nikodemu anu roomo mampomberataka i Yesu, mompau i Nikodemu natoʼoka waʼa yununya to Parisi, 51“Malulu padika, bareʼe maya ndabotusi huku ntau sambaʼa anu bareʼepa ndaparesa kara-karanya pai bareʼepa manoto potunda ngkasalanya.”
52Mesono waʼa yununya, “Ara siko woʼu ungka ri Galilea? Paresa bangani Ncura Magali! Bara da reʼe nurata anu mangantoʼo, reʼe nabi da rata ungka ri Galilea!”
Sambaʼa weʼa anu ndasoko ntongo mposalara
7:53–8:11
[53Roo setu tesebumo tau seʼe, sambaʼa-sambaʼa mewalili ri banuanya.
Currently Selected:
YOHANE 7: LAIPMF
Highlight
Share
Copy
Want to have your highlights saved across all your devices? Sign up or sign in
YOHANE 7
7
I Yesu pai waʼa ngkasangkompo-A
7:1-9
1Ungka lairia melinjamo i Yesu mantolilimi tana Galilea. Bareʼe ndapokono njoʼu ri tana Yudea maka ndaincanimo napampepali waʼa ntadulako nto Yahudi Sira da napepate.
2 #
Tad. 23:34, Paw. 16:13 Ri tempo setu mosumo Eo mPosusa mPokuani. 3Natoʼo waʼa ngkasangkompo-A ri Sira, “Palaimo ungka ireʼi kanjoʼumo ri tana Yudea, da napangkita waʼa anaguru-Mu ewambeʼi kakuasa-Mu. 4Maka tau anu mampepali da kabangke ngkatetoʼonya bareʼe da napesambunika waʼa anu napowia. Ane nuwianaka anu ewanceʼe sangaya-ngaya da naincani waʼa ntau ri sambawo lino seʼi!” (5Maka waʼa ngkasangkompo-A bareʼe maaya Sira.)
6Ndatoʼo i Yesu ri tau seʼe, “Ri Yaku bareʼe pa jela ri temponya, paikanya ri komi pura-pura tempo singkono. 7Komi bareʼe napobanciika lino seʼi. Paikanya Yaku lawi da napobanciika lino seʼi, maka bareʼe Kuowe-owe manceko powia lino anu majaʼa. 8Ndikandekumo komi ri posusa setu. Yaku bareʼe da ndeku maka bareʼepa jela temponya da kandeku-Ku.” 9Ewancetumo pompau-A ri waʼa ngkasangkompo-A, pai Sira maroo-roopa ri Galilea.
Potuntu i Yesu ri Posusa mPokuani
7:10-24
10Butu payamo waʼa ngkasangkompo-A ndeku ri posusa, nepa malai Sira ngkalio-A bereʼe tau anu maincani. 11Napepali waʼa ntadulako nto Yahudi Sira ri posusa setu, pura-pura tau anu napomberataka napeoasi, “Mbeʼi siʼa?”
12Natepuʼumo ntau sondo mombepeoasi mojawa-jawa kakononya Sira. Reʼe anu mantoʼo, “Sira setu tau madago.” Reʼe woʼu anu mantoʼo, “Bareʼe! maka Sira mangalinguni raya ntau sondo.” 13Paikanya bereʼe tau anu mantaha mompau marimbo-rimbo kakononya Sira, maka maeka raya ntau seʼe ri waʼa ntadulako nto Yahudi.
14Ntongo-ntongo mposusa, mesuamo i Yesu ri raya Banua i mPue, nepa montepuʼu mompaguru. 15Jingkimo raya waʼa ntadulako nto Yahudi natoʼo, “Ara wenu painaka loʼe gaga tau setu, ntanoka bereʼe sikolanya?”
16Mesono i Yesu, “Anu Kupepaguruka seʼi banya Yaku tumpunya, paikanya anu mampokau Yaku inceʼe tumpunya. 17Tau anu mampokono malulu pepokono i mPue Ala, da narata ndaya pompaguru-Ku bara ungka ri Pue Ala puʼunya bara podo ungka ri Yaku ngkalio-Ku. 18Tau anu mampepaguruka pepokononya ngkalionya inceʼemo tau anu mampepali katetubunaka ntoʼonya ngkalionya. Paikanya tau anu mampepali katetubunaka-A Sira anu mampokau siʼa, tau setu mayoa pai bareʼe mantengosi tau. 19Ara banya i Musa mamparatamo waʼa ncongka i mPue Ala ri komi? Paikanya bereʼe ri oyomi anu malulu waʼa ncongka setu. Wenu painaka da ndipepate Yaku?”
20Mesono tau sondo, “Wando siko! Isema anu da mampepate siko?”
21Mesono i Yesu, sangayaja anu Kupowia ri eo Umapo, jingkimo rayami. 22#Pal. 17:10, Tad. 12:3 I Musa mantoʼoka komi ada mpopasuna ntanoka ada mpopasuna setu banya i Musa anu mampamula, paikanya inceʼe ada ungka maʼi ngkaimi ri kabareʼepanya reʼe i Musa. Inceʼe painaka, ri eo Umapo komi masuna tau. 23#Yoh. 5:9 Ane popasuna ndiwianaka ri eo Umapo da naka neʼe ndilewa songka anu nadika i Nabi Musa kono popasuna, wenu painaka ndipokarau Yaku mampakaʼosa suma ngkoro ntau ri eo Umapo? 24Neʼe ndipetisala tau podo merontada ri anu ndikita paikanya da merontada ri yoa.
Bara monco i Yesu Mokole Tadungkadago?
7:25-31
25Ungka lairia reʼe bara tesangkuja to Yerusale mangantoʼo, “Ara banya inceʼimo tau anu ndapepepali da ndapepate? 26Peole, bereʼe poncubunya motuntu ri suara ntau sondo, pai bereʼe anu mantoʼo bara nunjaa-njaa ri Sira! Boi narata ndayamo waʼa ntadulakota kasiʼanya seʼi Mokole Tadungkadago? 27Paikanya ane Mokole Tadungkadago rata, bareʼe da reʼe tau anu maincani kaʼungka ri mbeʼinya kamaʼinya! Pai tau seʼi taincani ungka ri mbeʼi kamaʼinya.”
28Ntongo mompaguru i Yesu ri raya Banua i mPue, meboo Sira marimbo oni nganga-A ndatoʼo, “Mewali komi ndiincani kaʼisemanya Yaku seʼi, pai ungka ri mbeʼi kamaʼi-Ku? Yaku bareʼe rata malulu tangara-Ku ngkalio-Ku. Anu mampokau Yaku inceʼe Sira anu makuasa mampokau Yaku, pai Sira ndasarumaka. Paikanya komi bareʼe ndiincani Sira. 29Yaku kuincani Sira, maka Yaku moiwo ungka ri Sira, pai Siramo anu mampokau Yaku.”
30Da rayamo kojo ntau seʼe da mancoko i Yesu ri tempo setu, paikanya bereʼe tau anu mantaha mangkekeni Sira, maka bareʼepa jela temponya. 31Maria tau ri oyo ntau seʼe anu montepuʼumo meaya ri Yesu natoʼo, “Ane jela Mokole Tadungkadago, ara da nakoto mampowia tanda ngkuasa anu meruu ngkarianya pai anu napowia ntau seʼi?”
Pampepali jaya da ndapancoko i Yesu
7:32-36
32Nadonge waʼa nto Parisi ewambeʼi pampojawa-jawaka ntau sondo setu kakononya i Yesu. Inceʼe painaka sangkani-ngkani pai waʼa ntadulako ntadu mpanyomba, napokau ntau seʼe bara tesangkuja topojaga Banua i mPue, njoʼu mancoko i Yesu. 33Ndatoʼo i Yesu ri tau sondo anu njau ri raya Banua i mPue, “Jamo sarai da kasangkani-ngkani-Ku pai komi. Roo setu Yaku da mewalili ri anu mampokau Yaku. 34Komi da mampepali Yaku, paikanya bareʼe da ndipomberataka Yaku; maka komi bareʼe ndikoto rata ri kareʼe-Ku.”
35Napombepeoasika waʼa ntadulako nto Yahudi, “Ara ri mbeʼimo da palainya tau seʼi painaka bareʼemo da tarata? Boi da malai njoʼu ri waʼa nto Yahudi anu ri tana nto Garika, pai da mampaguru waʼa nto Garika? 36Nunjaa tangara ndayanya mantoʼo mau tapepali bareʼemo da tarata pai bareʼe da takoto jela ri kareʼenya?”
Ue anu mawai katuwu
7:37-44
37 #
Tad. 23:36
Ri eo ngkapusa posusa setu, inceʼemo anu ndatoʼo mata ncusa, mekakore woʼu i Yesu motuntu ri Banua i mPue marimbo oni nganga-A ndatoʼo, “Tau anu maranganganya ndikamaʼimo manginu ri Yaku. 38#Yeh. 47:1, Sak. 14:8 Lau teʼuki ri raya Ncura Magali, waʼa ntau anu meaya ri Yaku, ‘Da mebete pai da moili ue ngkatuwu ungka ri rayanya.’ ” (39Anu ndatoʼo i Yesu inceʼemo Inosa mPue Ala anu da natarima waʼa ntau meaya ri Sira. Maka ri tempo setu Inosa mPue Ala bareʼepa ndawai; maka i Yesu bareʼepa ndapapeawa mampoliu kapate-A.)
40Maria tau madonge pau anu ndatoʼo i Yesu, pai reʼe ri oyo ntau seʼe anu mangantoʼo, “Manoto tau seʼi Nabi!”
41Santila tau mantoʼo, “Inceʼimo Mokole Tadungkadago.”
Paikanya reʼe woʼu anu mantoʼo, “Bareʼe da monco Mokole Tadungkadago da rata ungka ri tana Galilea? 42#2 Sem. 7:12, Mi. 5:2 Ndaʼuki ri Sura Magali, Mokole Tadungkadago muli i Daudi, mewali da ungka ri Beteleme kamaʼia, inceʼe lipu i Daudi.” 43Kapusa-pusanya mopaisomo waʼa ntau sondo, mampopaisoi kono i Yesu. 44Reʼe tau anu da rayanyamo mancoko i Yesu, paikanya bareʼe nataha sako mangajama Sira.
Waʼa ntadulako nto Yahudi bareʼe meaya
7:45-52
45Butu mewalilimo waʼa ntopojaga Banua i mPue anu ndapokau anu da mancoko i Yesu, meoasimo waʼa ntadu mpanyomba pai waʼa nto Parisi, “Ara wenu bareʼe ndikeni ri maʼi tau setu?”
46Mesono waʼa ntopojaga setu, “Manoro bareʼepa reʼe tau karata anu loʼe mompau ewa Sira sinjau!”
47Natoʼo nto Parisi, “Taʼa-taʼanya sako komi seʼe naleʼo malinguni? 48Bara sako waʼa ntadulakota pai to Parisi seʼe reʼemo anu mangaaya siʼa? 49Paikanya waʼa ntau sondo seʼi, bareʼe naincani ntau seʼe songka i Musa, paikanya mau ewanceʼe tau seʼe nakonomo mpopahuku.”
50 #
Yoh. 3:1-2
Reʼe sambaʼa ri oyo nto Parisi setu, inceʼemo i Nikodemu anu roomo mampomberataka i Yesu, mompau i Nikodemu natoʼoka waʼa yununya to Parisi, 51“Malulu padika, bareʼe maya ndabotusi huku ntau sambaʼa anu bareʼepa ndaparesa kara-karanya pai bareʼepa manoto potunda ngkasalanya.”
52Mesono waʼa yununya, “Ara siko woʼu ungka ri Galilea? Paresa bangani Ncura Magali! Bara da reʼe nurata anu mangantoʼo, reʼe nabi da rata ungka ri Galilea!”
Sambaʼa weʼa anu ndasoko ntongo mposalara
7:53–8:11
[53Roo setu tesebumo tau seʼe, sambaʼa-sambaʼa mewalili ri banuanya.
Currently Selected:
:
Highlight
Share
Copy
Want to have your highlights saved across all your devices? Sign up or sign in