LUKASI 14
14
I Yesu mampakaʼosa tau majuʼa ri eo Umapo
14:1-6
1Ri anu saeo kono eo Umapo, i Yesu melinggona ri banua sambaʼa tadulako nto Parisi, sondo tau anu mampepeoleka Sira. 2Tingkarasaka jela sambaʼa tau majuʼa kombo ue sako witinya pai palenya mewoke, mantimosuki i Yesu. 3Meoasi i Yesu ri waʼa guru agama pai waʼa nto Parisi anu njau iretu, “Malulu songka agamata bara maya da tapakaʼosa tau majuʼa ri eo Umapo bara bareʼe?”
4Waʼa guru agama pai waʼa nto Parisi pura-pura monjii. Liu-liu ndapeboo i Yesu tau majuʼa setu ndapakaʼosa, roo setu ndapokau malai. 5#Mat. 12:11 Roo setu ndatoʼoka tau sondo, “Ane rapanya reʼe anami bara japimi anu manawu ri raya ntibubu ri eo Umapo, bara bareʼe da ganggara ndiore ananggodi setu bara japi setu ri eo setu seʼe?”
6Paikanya bereʼe mau sambaʼa tau anu mangkoto mancono pompeoasi i Yesu.
Kalauka ndaya pai kapande
14:7-14
7Ndakita i Yesu waʼa linggona momberampa mampepali potunda anu maʼai ngkalesenya. Nceʼe painaka ndapampatada tau seʼe pura-pura. 8#Pat. 25:6-7 “Ane napeboo ntau komi ri posusanya, neʼe totoliu komi motunda ri gadera anu meawa. Maka boi reʼe tau anu ntaninya, anu napatokaka ntumpu ncusa gadera setu, 9boi maʼai kaea matami ane napapelimba ntumpu ncusa komi da motunda ri taliku mpodago. Mau natoʼka komi, ‘Neʼe makodi rayami ndipelimba ri taliku silau, maka reʼe linggona ntaninya anu ndapatokaka potunda seʼi.’ 10Nceʼe painaka ane napeboo ntau komi ri posusanya, ndipotundamo ri potunda anu ri taliku mpodago, da naka taliwanua da rata mantoʼoka komi, ‘Bale maʼi motunda ri potunda anu sangkadagonya.’ Ua ewanceʼe komi ndatubunaka ri suara pura-pura linggona anu ntaninya. 11#Mat. 23:12, Luk. 18:14 Maka tau anu mekibangkei, siʼa da ndakodisi, pai tau anu mampakalauka rayanya, siʼa da ndabangkei pai da ndatubunaka.”
12Nepa ndatoʼo i Yesu ri taliwanua, “Ane nupeboo ri posusamu da mangkoni ntongo eo bara ngkinowia, neʼe podo balemu bara kasangkompomu bara jaʼimu bara tau anu samposori banuamu anu koreʼe, maka tau seʼe da nakoto mawali mpeboo siko ri posusanya da manciliki powiamu. 13Mewali ane mosusa siko peboomo waʼa ntau anu kaasi-asi, tau anu reʼe posarinya tau kape, tau anu pungku pai tau buta. 14Siko da ndadonco maka tau seʼe bareʼe da nakoto mancili kapande ndayamu. Nepa i Pue Ala anu da mancili kapande ndayamu, ri eo pembangu waʼa ntau mayoa ungka ri kapatenya.”
Nuntu mporapa tau anu ndapeboo ri posusa bangke
14:15-24
(Mat. 22:1-10)
15Sambaʼa ri oyo ntau anu njau molimbu mangkoni sangkani-ngkani pai Sira madonge pompau-A, natoʼo, “Morasi mpodago tau anu da molimbu mangkoni sangkani-ngkani pai i Pue Ala ane ratamo Sira ewa Mokole!”
16Paikanya ndatoʼo i Yesu ri tau setu, “Ri anu sangkani reʼe tau sambaʼa mantaʼa susa bangke pai maria tau anu napeboo da maʼi ri posusanya setu. 17Butu ratamo ri tempo mpontepuʼu mposusa, napokaumo waʼa ntoporiokonya maliwuki waʼa ntau anu roomo ndaparataka pau, mantoʼoka, ‘Ndikamaʼimo ri posusa, maka tokamo pura-pura!’ 18Paikanya pura-pura tau setu mantoʼo, ‘Neʼemo ndikitanaka maka bareʼe da kukoto yaku maʼi ri posusami.’ Anu kaʼisa mampotangku, natoʼoka toporioko setu, ‘Yaku da njoʼu mampeole bonde anu nepa roo mpinca kuoli. Neʼemo ndikitanaka.’ 19Reʼe anu mantoʼo, ‘Yaku da njoʼu mampeole japi pajekoku sampuyu anu nepa roo mpinca kuoli, pai da mampaguru waʼa japi setu.’ 20Reʼe woʼu anu mantoʼo, ‘Yaku nepa roo mpinca ndawawa toʼoka puemu, neʼemo ndakitanaka maka bareʼe jajiku da njoʼu ri posusa.’
21Mewalili waʼa toporioko setu napetumbuka puenya pura-puranya setu. Maʼai kojo kajaʼa ndaya ntumpu mposusa setu, painaka napokau waʼa ntoporiokonya natoʼo, ‘Ndipalaimo maliga-liga ri raya ngkota, ndirurusi pura-pura waʼa ntau kaasi-asi, tau kape, tau pungku pai tau buta wuwunya anu ndirata ri jaya ndipoyunu maʼi.’ 22Ungka lairia natoʼo waʼa ntoporikonya, ‘Pue roomo kapelinjaka anu ndisongkaka kami, paikanya ntongo mariapa potunda anu soa.’ 23Natoʼo ntumpu ncusa setu, ‘Ndipalai woʼu ri lipu-lipu anu mosu ndiparuru waʼa ntau ungkanya anu ndirata ri jaya, ndipoyunu maʼi da naka buke banua mposusaku. 24Da ndipaincani! Waʼa ntau anu ndapeboo riunya bedareʼe mau sambaʼa anu maya da maʼi mangkoni ri posusaku seʼi!’ ”
Tau anu melulu ri Yesu
14:25-33
(Mat. 10:37-38)
25Maria tau anu melulu ri Yesu ri pelinja-A. Metorobaka i Yesu ndatoʼoka tau seʼe, 26#Mat. 10:37 “Ane reʼe tau anu melulu ri Yaku, paikanya meruu pampomawonya inenya pai papanya, rongonya pai waʼa ananya, pai waʼa ngkasangkomponya, pagonya ane maʼai napampariwawo tila ngkoronya ngkalionya, bareʼe da nakoto melulu ri Yaku. 27#Mat. 10:38, 16:24, Mrk. 8:34, Luk. 9:23 Tau anu da melulu ri Yaku pai bareʼe napokono da mangkoyo kapari, bareʼe da nakoto melulu ri Yaku. 28Ane reʼe ri oyomi da rayanya mawangu menara, sangaya-ngaya da nareke riunya ongkoso mpombangunaka da napaincani bara gana doinya da mamparoo menara setu bara bareʼe. 29Maka ane bareʼe nakoto mamparoo, seʼi pondasinya roomo ndapowia, da napogeleka ntau pura-pura tau anu mangkita potetala setu. 30Da natoʼo ntau seʼe, ‘Kaeamata tau setu, mombangunaka bareʼe nakoto mamparoo!’ 31Ane reʼe mokole mampotumpu surodado sampuyu ncowu da moʼiwali pai mokole anu mampotumpu surodado radua mpuyu ncowu sangaya-ngaya da nawa-nawa mpodago i mokole setu bara da nakoto maewa iwalinya setu. 32Ane naepe-epe bareʼe gana rosonya, moruana ntongo lawapa iwali da napokaumo yau suro ri iwali mamperapi kasimadago.” 33Ri kapusanya ndatoʼo i Yesu, “Ewanceʼemo seʼe komi pura-pura, bereʼe mau sambaʼa ri oyomi mangkoto da melulu ri Yaku ane tesoʼo gaga rayami ri pura-pura anu ndipotumpu.”
Bure anu bareʼemo masi
14:34-35
(Mat. 5:13, Mrk. 9:50)
34 #
Mat. 5:13
“Bure setu madago, paikanya ane bareʼemo masi, ara da ndapangkotopa mawali mpakamasi? 35Bareʼemo reʼe yowenya, sako da ndabokoika tana ri pojamaa bareʼemo moyowe. Mewali jamo da ndatajika. Ane mampotumpu talinga, pedongeka!”
Currently Selected:
LUKASI 14: LAIPMF
Highlight
Share
Copy
Want to have your highlights saved across all your devices? Sign up or sign in
LUKASI 14
14
I Yesu mampakaʼosa tau majuʼa ri eo Umapo
14:1-6
1Ri anu saeo kono eo Umapo, i Yesu melinggona ri banua sambaʼa tadulako nto Parisi, sondo tau anu mampepeoleka Sira. 2Tingkarasaka jela sambaʼa tau majuʼa kombo ue sako witinya pai palenya mewoke, mantimosuki i Yesu. 3Meoasi i Yesu ri waʼa guru agama pai waʼa nto Parisi anu njau iretu, “Malulu songka agamata bara maya da tapakaʼosa tau majuʼa ri eo Umapo bara bareʼe?”
4Waʼa guru agama pai waʼa nto Parisi pura-pura monjii. Liu-liu ndapeboo i Yesu tau majuʼa setu ndapakaʼosa, roo setu ndapokau malai. 5#Mat. 12:11 Roo setu ndatoʼoka tau sondo, “Ane rapanya reʼe anami bara japimi anu manawu ri raya ntibubu ri eo Umapo, bara bareʼe da ganggara ndiore ananggodi setu bara japi setu ri eo setu seʼe?”
6Paikanya bereʼe mau sambaʼa tau anu mangkoto mancono pompeoasi i Yesu.
Kalauka ndaya pai kapande
14:7-14
7Ndakita i Yesu waʼa linggona momberampa mampepali potunda anu maʼai ngkalesenya. Nceʼe painaka ndapampatada tau seʼe pura-pura. 8#Pat. 25:6-7 “Ane napeboo ntau komi ri posusanya, neʼe totoliu komi motunda ri gadera anu meawa. Maka boi reʼe tau anu ntaninya, anu napatokaka ntumpu ncusa gadera setu, 9boi maʼai kaea matami ane napapelimba ntumpu ncusa komi da motunda ri taliku mpodago. Mau natoʼka komi, ‘Neʼe makodi rayami ndipelimba ri taliku silau, maka reʼe linggona ntaninya anu ndapatokaka potunda seʼi.’ 10Nceʼe painaka ane napeboo ntau komi ri posusanya, ndipotundamo ri potunda anu ri taliku mpodago, da naka taliwanua da rata mantoʼoka komi, ‘Bale maʼi motunda ri potunda anu sangkadagonya.’ Ua ewanceʼe komi ndatubunaka ri suara pura-pura linggona anu ntaninya. 11#Mat. 23:12, Luk. 18:14 Maka tau anu mekibangkei, siʼa da ndakodisi, pai tau anu mampakalauka rayanya, siʼa da ndabangkei pai da ndatubunaka.”
12Nepa ndatoʼo i Yesu ri taliwanua, “Ane nupeboo ri posusamu da mangkoni ntongo eo bara ngkinowia, neʼe podo balemu bara kasangkompomu bara jaʼimu bara tau anu samposori banuamu anu koreʼe, maka tau seʼe da nakoto mawali mpeboo siko ri posusanya da manciliki powiamu. 13Mewali ane mosusa siko peboomo waʼa ntau anu kaasi-asi, tau anu reʼe posarinya tau kape, tau anu pungku pai tau buta. 14Siko da ndadonco maka tau seʼe bareʼe da nakoto mancili kapande ndayamu. Nepa i Pue Ala anu da mancili kapande ndayamu, ri eo pembangu waʼa ntau mayoa ungka ri kapatenya.”
Nuntu mporapa tau anu ndapeboo ri posusa bangke
14:15-24
(Mat. 22:1-10)
15Sambaʼa ri oyo ntau anu njau molimbu mangkoni sangkani-ngkani pai Sira madonge pompau-A, natoʼo, “Morasi mpodago tau anu da molimbu mangkoni sangkani-ngkani pai i Pue Ala ane ratamo Sira ewa Mokole!”
16Paikanya ndatoʼo i Yesu ri tau setu, “Ri anu sangkani reʼe tau sambaʼa mantaʼa susa bangke pai maria tau anu napeboo da maʼi ri posusanya setu. 17Butu ratamo ri tempo mpontepuʼu mposusa, napokaumo waʼa ntoporiokonya maliwuki waʼa ntau anu roomo ndaparataka pau, mantoʼoka, ‘Ndikamaʼimo ri posusa, maka tokamo pura-pura!’ 18Paikanya pura-pura tau setu mantoʼo, ‘Neʼemo ndikitanaka maka bareʼe da kukoto yaku maʼi ri posusami.’ Anu kaʼisa mampotangku, natoʼoka toporioko setu, ‘Yaku da njoʼu mampeole bonde anu nepa roo mpinca kuoli. Neʼemo ndikitanaka.’ 19Reʼe anu mantoʼo, ‘Yaku da njoʼu mampeole japi pajekoku sampuyu anu nepa roo mpinca kuoli, pai da mampaguru waʼa japi setu.’ 20Reʼe woʼu anu mantoʼo, ‘Yaku nepa roo mpinca ndawawa toʼoka puemu, neʼemo ndakitanaka maka bareʼe jajiku da njoʼu ri posusa.’
21Mewalili waʼa toporioko setu napetumbuka puenya pura-puranya setu. Maʼai kojo kajaʼa ndaya ntumpu mposusa setu, painaka napokau waʼa ntoporiokonya natoʼo, ‘Ndipalaimo maliga-liga ri raya ngkota, ndirurusi pura-pura waʼa ntau kaasi-asi, tau kape, tau pungku pai tau buta wuwunya anu ndirata ri jaya ndipoyunu maʼi.’ 22Ungka lairia natoʼo waʼa ntoporikonya, ‘Pue roomo kapelinjaka anu ndisongkaka kami, paikanya ntongo mariapa potunda anu soa.’ 23Natoʼo ntumpu ncusa setu, ‘Ndipalai woʼu ri lipu-lipu anu mosu ndiparuru waʼa ntau ungkanya anu ndirata ri jaya, ndipoyunu maʼi da naka buke banua mposusaku. 24Da ndipaincani! Waʼa ntau anu ndapeboo riunya bedareʼe mau sambaʼa anu maya da maʼi mangkoni ri posusaku seʼi!’ ”
Tau anu melulu ri Yesu
14:25-33
(Mat. 10:37-38)
25Maria tau anu melulu ri Yesu ri pelinja-A. Metorobaka i Yesu ndatoʼoka tau seʼe, 26#Mat. 10:37 “Ane reʼe tau anu melulu ri Yaku, paikanya meruu pampomawonya inenya pai papanya, rongonya pai waʼa ananya, pai waʼa ngkasangkomponya, pagonya ane maʼai napampariwawo tila ngkoronya ngkalionya, bareʼe da nakoto melulu ri Yaku. 27#Mat. 10:38, 16:24, Mrk. 8:34, Luk. 9:23 Tau anu da melulu ri Yaku pai bareʼe napokono da mangkoyo kapari, bareʼe da nakoto melulu ri Yaku. 28Ane reʼe ri oyomi da rayanya mawangu menara, sangaya-ngaya da nareke riunya ongkoso mpombangunaka da napaincani bara gana doinya da mamparoo menara setu bara bareʼe. 29Maka ane bareʼe nakoto mamparoo, seʼi pondasinya roomo ndapowia, da napogeleka ntau pura-pura tau anu mangkita potetala setu. 30Da natoʼo ntau seʼe, ‘Kaeamata tau setu, mombangunaka bareʼe nakoto mamparoo!’ 31Ane reʼe mokole mampotumpu surodado sampuyu ncowu da moʼiwali pai mokole anu mampotumpu surodado radua mpuyu ncowu sangaya-ngaya da nawa-nawa mpodago i mokole setu bara da nakoto maewa iwalinya setu. 32Ane naepe-epe bareʼe gana rosonya, moruana ntongo lawapa iwali da napokaumo yau suro ri iwali mamperapi kasimadago.” 33Ri kapusanya ndatoʼo i Yesu, “Ewanceʼemo seʼe komi pura-pura, bereʼe mau sambaʼa ri oyomi mangkoto da melulu ri Yaku ane tesoʼo gaga rayami ri pura-pura anu ndipotumpu.”
Bure anu bareʼemo masi
14:34-35
(Mat. 5:13, Mrk. 9:50)
34 #
Mat. 5:13
“Bure setu madago, paikanya ane bareʼemo masi, ara da ndapangkotopa mawali mpakamasi? 35Bareʼemo reʼe yowenya, sako da ndabokoika tana ri pojamaa bareʼemo moyowe. Mewali jamo da ndatajika. Ane mampotumpu talinga, pedongeka!”
Currently Selected:
:
Highlight
Share
Copy
Want to have your highlights saved across all your devices? Sign up or sign in