LUKASI 9
9
I Yesu mampokau anaguru-A sampuyu pai radua
9:1-6
(Mat. 10:5-15, Mrk. 6:7-13)
1Ndapeboo i Yesu anaguru-A sampuyu pai radua, nepa ndawaika tau seʼe kuasa da mangairi waʼa inosa majaʼa pai mampakaʼosa juʼa. 2Nepa ndapokau tau seʼe da malai mampakaʼosa tau majuʼa pai mampobambarika kono Poparenta i mPue Ala ewa sambaʼa Mokole. 3#Luk. 10:4-11 Ndapatada i Yesu tau seʼe ndatoʼo, “Neʼe ndikeni bara nunjaa-njaa ri pelinjami. Neʼe ndikeni toko, neʼe ndikeni watutu ntau merapi-rapi, neʼe ndikeni baku bara doi, bara baju mpepasabo. 4Ri mbeʼi ntano ndapantarima komi, ndikaroo-roomo njairia neʼe melimba-limba rantani rata ri tempo ndipampalaika lipu setu. 5#Pwn. 13:51 Pai ri mbeʼi ntano komi bareʼe ndatarima, ane ndipalaika lipu setu da nditanongkosi awu anu metaka ri payaʼami, inceʼe da mewali sambaʼa petondoni ri tau seʼe.” 6Malaimo kojo waʼa anaguru i Yesu njoʼu ri lipu-lipu mampetumbu Nuntu ngKatuwu pai mampakaʼosa tau majuʼa.
Kalingu ndaya i Herode
9:7-9
(Mat. 14:1-12, Mrk. 6:14-29)
7 #
Mat. 16:14, Mrk. 8:28, Luk. 9:19 Padonge i Herode anu moparenta ri Galilea kono pura-pura anu mewali setu lingu rayanya. Maka reʼe tau mantoʼo i Yohane Topopariu tuwu muni. 8Reʼe woʼu anu mantoʼo i Nabi Elia ratamo woʼu. Reʼe woʼu tau anu mantoʼo sambaʼa ri oyo waʼa nabi pua anu wali ngkatuwu muni. 9Natoʼo i Herode, “Roomo kupokau tau masambale i Yohane, paikanya tau seʼi isema kamonconya kojo? Maria njayamo anu kudonge kono siʼa!” Napepali i Herode jayanya da napaleʼo momberata pai Yesu.
I Yesu mampakoni tau alima ncowu
9:10-17
(Mat. 14:13-21, Mrk. 6:30-44, Yoh. 6:1-14)
10Mewalilimo waʼa anaguru i Yesu. Napaukamo Sira pura-pura anu napowia ntau seʼe. Ndapoyunumo waʼa anaguru-A njoʼu ri lipu anu tepatani kareʼenya inceʼemo lipu Besaida. 11Paikanya jabutu naincani waʼa ntau sondo kanjoʼu-A njairia, nalulumo ntau seʼe. Ndapauka tau seʼe kono i Pue Ala pai Poparenta-A. Pai ndapakaʼosa woʼu waʼa ntau majuʼa ri oyo ntau seʼe.
12Laukamo reme maʼimo waʼa anaguru-A madadu Sira natoʼo, “Ndipapalaimo waʼa ntau sondo seʼi, da naka njoʼu ri lipu-lipu da mampepali pangkoninya, maka kita seʼi ri tana soa.”
13Paikanya mesono i Yesu ndatoʼo, “Komimo anu da mampakoni waʼa ntau seʼe!” Natoʼo ntau seʼe, “Anu reʼe ri kami podo roti alima ngkomba pai bau radua mbaʼa. Ara da njoʼu kami maolika tau seʼe pura-pura pangkoninya?” 14(Imba ntau setu nepa waʼa ntuama reʼe telimba ncowu tau kasondonya.) Ndatoʼoka waʼa anaguru-A, “Ndipapotundamo waʼa ntau sinjoʼu motunda motobu-tobu, satobu seʼe reʼe telima mpuyu tau.”
15Nawianakamo waʼa anaguru-A anu ndapokauka i Yesu tau seʼe. 16Ndatima i Yesu roti alima ngkomba pai bau radua mbaʼa setu, metingara Sira ri yangi ndaunde i Pue Ala nepa ndaripusi roti pai bau setu. Roo setu ndawaika anaguru-A mampotilaka ri tau sondo setu. 17Mangkonimo waʼa ntau setu pura-pura rantani mabosu. Roo mangkoni napasambakamo waʼa anaguru-A peruu mpangkoni setu buke sampuyu pai radua bingka.
Pangaku i mPeturu kono i Yesu
9:18-20
(Mat. 16:13-19, Mrk. 8:27-29)
18Ri anu sandeme i Yesu njoʼu mekakai ngkalio-A ri kabareʼnya reʼe tau; njoʼu woʼu waʼa anaguru-A madadu Sira. Mompeoasi i Yesu ri tau seʼe ndatoʼo, “Malulu pantoʼo ntau isema Yaku seʼi?”
19 #
Mat. 14:1-2, Mrk. 6:14-15, Luk. 9:7-8 Mesono tau seʼe, “Reʼe anu mantoʼo i Yohane Topopariu. Reʼe woʼu anu mantoʼo i Elia, anu saʼe woʼu mantoʼo sambaʼa ri oyo waʼa nabi ipua anu tuwu muni.”
20 #
Yoh. 6:68-69
Meoasi i Yesu, “Paikanya malulu komi ngkaliomi isema Yaku seʼi?”
Mesono i Peturu, “Komi inceʼemo Mokole Tadungkadago anu ndajanji i mPue Ala.”
I Yesu mampau kono kapari pai kapate-A
9:21-27
(Mat. 16:21-28, Mrk. 8:31–9:1)
21Ndatoʼo i Yesu ri waʼa anaguru-A, “Neʼe kojo boi nditoʼo-toʼoka tau kaʼisemanya Yaku seʼi.” 22Ndatoʼo woʼu i Yesu, “I Ana Manusia sangaya-ngaya da mampomberataka maria kapari pai da maewa waʼa ntopombawanaka pai waʼa ntadulako ntadu mpanyomba, pai waʼa guru agama. Sira da ndapepate, paikanya ri katatogo ndemenya da ndapapembangu muni.”
23 #
Mat. 10:38, Luk. 14:27 Mompau i Yesu ri tau sondo ndatoʼo, “Isema anu da rayanya malulu Yaku, neʼe naendo koronya ngkalionya, da napasaʼa kaju ndapanggonya sandeme-sandeme pai nalulu mpaliu Yaku. 24#Mat. 10:39, Luk. 17:33, Yoh. 12:25 Maka isema anu mampepurungi inosanya, siʼa da paya ngkabongo inosanya. Paikanya bara isema anu bareʼe mampepurungi inosanya ua palulunya Yaku siʼa da Kusorepaka. 25Nunjaamo porasinya ri sambaʼa tau ane mampotumpu sambawo lino seʼi paikanya siʼa monjaʼati pai tetaji ngkabongo inosanya? 26Tau anu maeanya maʼaku Yaku pai pompaguru-Ku, ewanceʼe seʼe da maea mata i Ana Manusia da maʼaku tau setu ri da kajelanya pai kuasa ungka ri Papa sangkani-ngkani pai waʼa malaʼeka anu magali. 27Da ndipaincani ri oyomi seʼi reʼe tau anu bareʼepa da mate bepa nakita i Pue Ala Moparenta.”
I Yesu ndapapeawa
9:28-36
(Mat. 17:1-8, Mrk. 9:2-8)
28 #
2 Ptr. 1:17-18
Bara-saminggu karoonya Ndapepaguruka i Yesu pura-pura setu, ndapoyunumo i i Peturu, i Yohane pai i Yakobu ndeku mekakai ri wawo buyu. 29Ntongo mpekakai Sira, balimo taʼa-A, rengko-A mewali mabuya pai makilaya. 30-31Tingkarasaka radua tau, inceʼemo i Musa pai i Elia mepatongawa pai kakilaya ungka ri suruga. Anu napau ntau seʼe, inceʼemo kono kabareʼenyamo masae i Yesu da mancuaramo kapate ri Yerusale. 32Sindara setu i Peturu pai yununya tekayore, kalumbangu ncoroba tau seʼe, nakita ntau seʼe peawa i Yesu pai tau radua setu mekakore sangkani-ngkani pai Sira. 33Butu da napalaika ntau radua setu i Yesu natoʼo i mPeturu ri Yesu, “Guru, ara maʼai ngkadagosa ane tamaroo-roo ireʼi. Moruana kawangunaka tatogo kema, sambaʼa da gala-Mi, sambaʼa da gala i Musa, pai sambaʼa woʼu da gala i Elia!” (Pompau i mPeturu ewanceʼe bareʼe naincani nunjaa anu natoʼo.)
34Ntongo mompaupa siʼa maʼimo limu mangkulamuti tau seʼe, meratamo eka ndayanya. 35#Yes. 42:1, Mat. 3:17, 12:18, Mrk. 1:11, Luk. 3:22 Nepa nadonge oninganga ungka ri raya limu setu anu mantoʼo, “Seʼimo Ana-Ku anu Kupilisi, ndipedongekamo Siʼa!”
36Roo nadonge ntau seʼe oninganga setu, nakita ntau seʼe i Yesu jamo ngkalio-A anu njau. Pura-pura anu mewali setu anu nakita waʼa anaguru-A naponjiika ntau seʼe bareʼe napau-pauka tau.
I Yesu mampakaʼosa ananggodi anu napesuaki inosa majaʼa
9:37-43a
(Mat. 17:14-18, Mrk. 9:14-27)
37Bangke reme mobalungkemo i Yesu pai anaguru-A tatogo, jelamo woʼu waʼa ntau sondo madadu Sira. 38Setumo sambaʼa tuama ungka ri oyo ntau sondo meboo natoʼo, “Guru, nditulungi yaku, ndipeole pindongo podo sambaʼa-mbaʼa seʼi anaku! 39Siʼa napesuaki inosa majaʼa, ane merata woʼu da mekiu-kiu siʼa pai da torokogangi koronya, pai da mowura-wura nganganya. Maʼai kojo napajeani inosa majaʼa siʼa, bareʼe napokono mampalaika siʼa. 40Roomo kumerapi tulungi ri waʼa anaguru-Mi da mairi inosa majaʼa setu paikanya bareʼe nakoto ntau seʼe.”
41Mesono i Yesu ndatoʼo, “Maʼai gagamo komi seʼi! Monco komi waʼa ntau anu lingu pai bareʼe meaya! Sangkuja ngkasae woʼu da karoo-roo-Ku pai komi pai mantuju pande ndaya-Ku ri komi? Keni maʼi ananggodi setu!”
42Ntongo ndakeni ananggodi setu ri Yesu, meratamo woʼu, nadungkalaka inosa majaʼa ananggodi setu, torokogangimo koronya. Ndaburangkasi i Yesu inosa majaʼa setu, nepa ndapakaʼosa ananggodi seʼe. Roo setu ndawaika papanya ananggodi setu. 43aJingkimo raya ntau pura-pura, mangkita kuasa i mPue Ala anu ewancetu kabangkenya.
I Yesu mampau woʼu kono kapate-A
9:43b-45
(Mat. 17:22-23, Mrk. 9:30-32)
43bNtongo jingkipa raya ntau mangkita anu ndapowia i Yesu, ndatoʼo i Yesu ri anaguru-A.
44“Ndiparindaya mpodago neʼe ndikalingani waʼa mpau-Ku seʼi: I Ana Manusia da ndapepombaika ri kuasa ntolino.” 45Paikanya bareʼe narata ndaya waʼa anaguru-A posoki mpau-A seʼe. Ndasambunika ungka ri tau seʼe, neʼe naincani. Paikanya bareʼe nataha ntau seʼe mampeoasi ri Sira.
Isema anu bangke mpodago?
9:46-48
(Mat. 18:1-5, Mrk. 9:33-37)
46 #
Luk. 22:24
Ri anu sangkani mewalimo popaiso ri oyo waʼa anaguru-A, tau seʼe mombebali-bali kono isema anu bangke ri oyo ntau seʼe. 47Ndaincani i Yesu nawa-nawa ntau seʼe, inceʼe puʼunya painaka ndatima i Yesu ananggodi sambaʼa ndapapekakore ri soria. 48#Mat. 10:40, Luk. 10:16, Yoh. 13:20 Nepa mompau Sira ri waʼa anaguru-A ndatoʼo, “Tau anu mancabe ananggodi seʼi ua Yaku, posokinya mancabe Yaku. Pai tau anu mancabe Yaku, mancabe Sira anu mampokau Yaku. Maka anu kodi mpodago ri oyomi, siʼamo anu bangke mpodago!”
Tau anu bareʼe maewa komi inceʼe yunumi
9:49-50
(Mrk. 9:38-40)
49Natoʼo i Yohane ri Sira, “Guru, reʼe kakita tau mairi i majaʼa ri toʼo-Mi, kapetangani tau setu maka siʼa banya yunuta.”
50Ndatoʼo i Yesu ri Yohane pai waʼa anaguru-A anu ntaninya, “Neʼe ndipetangani, maka tau anu bareʼe maewa komi inceʼe yunumi!”
Sambaʼa lipu nto Samaria anu bareʼe mantarima i Yesu
9:51-56
51Bareʼemo masae i Yesu da ndaoretakamo ndeki suruga, ndapakanotomo da kandekua ri Yerusale. 52Ndapokaumo tau da mamporiuka Sira. Waʼa ntau anu ndapokau setu mesua ri sambaʼa lipu nto Samaria. Njairia da napampatoka ntau seʼe pampolinggona i Yesu. 53Paikanya waʼa ntau ri lipu setu bareʼe napokono mantarima i Yesu, maka nadonge ntau seʼe Sira da ndeku ri Yerusale. 54#2 Raj. 1:9-16 Butu naincani i Yakobu pai i Yohane pewalinya ewanceʼe, natoʼka i Yesu, “Pue ane ndipokono, da kaperapimo apu ungka ri yangi da napaʼopisaka waʼa ntau setu?”
55Metorobaka i Yesu ndapokarau tau seʼe. 56Roo setu njoʼumo tau seʼe ri lipu anu ntaninya.
Waʼa ntau anu da malulu i Yesu
9:57-62
(Mat. 8:19-22)
57Ntongo mpelinja i Yesu pai waʼa anagurua, ri yae njaya jelamo tau sambaʼa madadu Sira natoʼo, “Yaku da melulu ri komi rimbeʼi ntano kanjoʼumi!”
58Mesono i Yesu, “Sarigala reʼe wayaunya, pai tonci reʼe seanya, paikanya i Ana Manusia bereʼe kareʼe mpoturunya.” 59Ndatoʼoka woʼu i Yesu tau sambaʼanya, “Lulumo yaku!”
Paikanya natoʼo ntau setu, “Pue, ndiwaimo riunya yaku mewalili da mangadayo papaku.”
60Mesono i Yesu ndatoʼo, “Papaliu tau mate mangadayo tau matenya ngkalionya. Paikanya siko pobambarikamo i Pue Ala montepuʼumo moparenta.”
61 #
1 Raj. 19:20
Reʼe sambaʼa tau mantoʼoka Sira, “Yaku da melulu ri komi, paikanya ndiwai tempo ri yaku da njoʼu mompalakana pai waʼa ntau ri banuaku riunya.”
62Paikanya ndatoʼoka siʼa, “Tau anu mantangke pajeko seʼi meeli ri taliku bareʼe singkana da mewali tau i mPue Ala.”
Currently Selected:
LUKASI 9: LAIPMF
Highlight
Share
Copy
Want to have your highlights saved across all your devices? Sign up or sign in
LUKASI 9
9
I Yesu mampokau anaguru-A sampuyu pai radua
9:1-6
(Mat. 10:5-15, Mrk. 6:7-13)
1Ndapeboo i Yesu anaguru-A sampuyu pai radua, nepa ndawaika tau seʼe kuasa da mangairi waʼa inosa majaʼa pai mampakaʼosa juʼa. 2Nepa ndapokau tau seʼe da malai mampakaʼosa tau majuʼa pai mampobambarika kono Poparenta i mPue Ala ewa sambaʼa Mokole. 3#Luk. 10:4-11 Ndapatada i Yesu tau seʼe ndatoʼo, “Neʼe ndikeni bara nunjaa-njaa ri pelinjami. Neʼe ndikeni toko, neʼe ndikeni watutu ntau merapi-rapi, neʼe ndikeni baku bara doi, bara baju mpepasabo. 4Ri mbeʼi ntano ndapantarima komi, ndikaroo-roomo njairia neʼe melimba-limba rantani rata ri tempo ndipampalaika lipu setu. 5#Pwn. 13:51 Pai ri mbeʼi ntano komi bareʼe ndatarima, ane ndipalaika lipu setu da nditanongkosi awu anu metaka ri payaʼami, inceʼe da mewali sambaʼa petondoni ri tau seʼe.” 6Malaimo kojo waʼa anaguru i Yesu njoʼu ri lipu-lipu mampetumbu Nuntu ngKatuwu pai mampakaʼosa tau majuʼa.
Kalingu ndaya i Herode
9:7-9
(Mat. 14:1-12, Mrk. 6:14-29)
7 #
Mat. 16:14, Mrk. 8:28, Luk. 9:19 Padonge i Herode anu moparenta ri Galilea kono pura-pura anu mewali setu lingu rayanya. Maka reʼe tau mantoʼo i Yohane Topopariu tuwu muni. 8Reʼe woʼu anu mantoʼo i Nabi Elia ratamo woʼu. Reʼe woʼu tau anu mantoʼo sambaʼa ri oyo waʼa nabi pua anu wali ngkatuwu muni. 9Natoʼo i Herode, “Roomo kupokau tau masambale i Yohane, paikanya tau seʼi isema kamonconya kojo? Maria njayamo anu kudonge kono siʼa!” Napepali i Herode jayanya da napaleʼo momberata pai Yesu.
I Yesu mampakoni tau alima ncowu
9:10-17
(Mat. 14:13-21, Mrk. 6:30-44, Yoh. 6:1-14)
10Mewalilimo waʼa anaguru i Yesu. Napaukamo Sira pura-pura anu napowia ntau seʼe. Ndapoyunumo waʼa anaguru-A njoʼu ri lipu anu tepatani kareʼenya inceʼemo lipu Besaida. 11Paikanya jabutu naincani waʼa ntau sondo kanjoʼu-A njairia, nalulumo ntau seʼe. Ndapauka tau seʼe kono i Pue Ala pai Poparenta-A. Pai ndapakaʼosa woʼu waʼa ntau majuʼa ri oyo ntau seʼe.
12Laukamo reme maʼimo waʼa anaguru-A madadu Sira natoʼo, “Ndipapalaimo waʼa ntau sondo seʼi, da naka njoʼu ri lipu-lipu da mampepali pangkoninya, maka kita seʼi ri tana soa.”
13Paikanya mesono i Yesu ndatoʼo, “Komimo anu da mampakoni waʼa ntau seʼe!” Natoʼo ntau seʼe, “Anu reʼe ri kami podo roti alima ngkomba pai bau radua mbaʼa. Ara da njoʼu kami maolika tau seʼe pura-pura pangkoninya?” 14(Imba ntau setu nepa waʼa ntuama reʼe telimba ncowu tau kasondonya.) Ndatoʼoka waʼa anaguru-A, “Ndipapotundamo waʼa ntau sinjoʼu motunda motobu-tobu, satobu seʼe reʼe telima mpuyu tau.”
15Nawianakamo waʼa anaguru-A anu ndapokauka i Yesu tau seʼe. 16Ndatima i Yesu roti alima ngkomba pai bau radua mbaʼa setu, metingara Sira ri yangi ndaunde i Pue Ala nepa ndaripusi roti pai bau setu. Roo setu ndawaika anaguru-A mampotilaka ri tau sondo setu. 17Mangkonimo waʼa ntau setu pura-pura rantani mabosu. Roo mangkoni napasambakamo waʼa anaguru-A peruu mpangkoni setu buke sampuyu pai radua bingka.
Pangaku i mPeturu kono i Yesu
9:18-20
(Mat. 16:13-19, Mrk. 8:27-29)
18Ri anu sandeme i Yesu njoʼu mekakai ngkalio-A ri kabareʼnya reʼe tau; njoʼu woʼu waʼa anaguru-A madadu Sira. Mompeoasi i Yesu ri tau seʼe ndatoʼo, “Malulu pantoʼo ntau isema Yaku seʼi?”
19 #
Mat. 14:1-2, Mrk. 6:14-15, Luk. 9:7-8 Mesono tau seʼe, “Reʼe anu mantoʼo i Yohane Topopariu. Reʼe woʼu anu mantoʼo i Elia, anu saʼe woʼu mantoʼo sambaʼa ri oyo waʼa nabi ipua anu tuwu muni.”
20 #
Yoh. 6:68-69
Meoasi i Yesu, “Paikanya malulu komi ngkaliomi isema Yaku seʼi?”
Mesono i Peturu, “Komi inceʼemo Mokole Tadungkadago anu ndajanji i mPue Ala.”
I Yesu mampau kono kapari pai kapate-A
9:21-27
(Mat. 16:21-28, Mrk. 8:31–9:1)
21Ndatoʼo i Yesu ri waʼa anaguru-A, “Neʼe kojo boi nditoʼo-toʼoka tau kaʼisemanya Yaku seʼi.” 22Ndatoʼo woʼu i Yesu, “I Ana Manusia sangaya-ngaya da mampomberataka maria kapari pai da maewa waʼa ntopombawanaka pai waʼa ntadulako ntadu mpanyomba, pai waʼa guru agama. Sira da ndapepate, paikanya ri katatogo ndemenya da ndapapembangu muni.”
23 #
Mat. 10:38, Luk. 14:27 Mompau i Yesu ri tau sondo ndatoʼo, “Isema anu da rayanya malulu Yaku, neʼe naendo koronya ngkalionya, da napasaʼa kaju ndapanggonya sandeme-sandeme pai nalulu mpaliu Yaku. 24#Mat. 10:39, Luk. 17:33, Yoh. 12:25 Maka isema anu mampepurungi inosanya, siʼa da paya ngkabongo inosanya. Paikanya bara isema anu bareʼe mampepurungi inosanya ua palulunya Yaku siʼa da Kusorepaka. 25Nunjaamo porasinya ri sambaʼa tau ane mampotumpu sambawo lino seʼi paikanya siʼa monjaʼati pai tetaji ngkabongo inosanya? 26Tau anu maeanya maʼaku Yaku pai pompaguru-Ku, ewanceʼe seʼe da maea mata i Ana Manusia da maʼaku tau setu ri da kajelanya pai kuasa ungka ri Papa sangkani-ngkani pai waʼa malaʼeka anu magali. 27Da ndipaincani ri oyomi seʼi reʼe tau anu bareʼepa da mate bepa nakita i Pue Ala Moparenta.”
I Yesu ndapapeawa
9:28-36
(Mat. 17:1-8, Mrk. 9:2-8)
28 #
2 Ptr. 1:17-18
Bara-saminggu karoonya Ndapepaguruka i Yesu pura-pura setu, ndapoyunumo i i Peturu, i Yohane pai i Yakobu ndeku mekakai ri wawo buyu. 29Ntongo mpekakai Sira, balimo taʼa-A, rengko-A mewali mabuya pai makilaya. 30-31Tingkarasaka radua tau, inceʼemo i Musa pai i Elia mepatongawa pai kakilaya ungka ri suruga. Anu napau ntau seʼe, inceʼemo kono kabareʼenyamo masae i Yesu da mancuaramo kapate ri Yerusale. 32Sindara setu i Peturu pai yununya tekayore, kalumbangu ncoroba tau seʼe, nakita ntau seʼe peawa i Yesu pai tau radua setu mekakore sangkani-ngkani pai Sira. 33Butu da napalaika ntau radua setu i Yesu natoʼo i mPeturu ri Yesu, “Guru, ara maʼai ngkadagosa ane tamaroo-roo ireʼi. Moruana kawangunaka tatogo kema, sambaʼa da gala-Mi, sambaʼa da gala i Musa, pai sambaʼa woʼu da gala i Elia!” (Pompau i mPeturu ewanceʼe bareʼe naincani nunjaa anu natoʼo.)
34Ntongo mompaupa siʼa maʼimo limu mangkulamuti tau seʼe, meratamo eka ndayanya. 35#Yes. 42:1, Mat. 3:17, 12:18, Mrk. 1:11, Luk. 3:22 Nepa nadonge oninganga ungka ri raya limu setu anu mantoʼo, “Seʼimo Ana-Ku anu Kupilisi, ndipedongekamo Siʼa!”
36Roo nadonge ntau seʼe oninganga setu, nakita ntau seʼe i Yesu jamo ngkalio-A anu njau. Pura-pura anu mewali setu anu nakita waʼa anaguru-A naponjiika ntau seʼe bareʼe napau-pauka tau.
I Yesu mampakaʼosa ananggodi anu napesuaki inosa majaʼa
9:37-43a
(Mat. 17:14-18, Mrk. 9:14-27)
37Bangke reme mobalungkemo i Yesu pai anaguru-A tatogo, jelamo woʼu waʼa ntau sondo madadu Sira. 38Setumo sambaʼa tuama ungka ri oyo ntau sondo meboo natoʼo, “Guru, nditulungi yaku, ndipeole pindongo podo sambaʼa-mbaʼa seʼi anaku! 39Siʼa napesuaki inosa majaʼa, ane merata woʼu da mekiu-kiu siʼa pai da torokogangi koronya, pai da mowura-wura nganganya. Maʼai kojo napajeani inosa majaʼa siʼa, bareʼe napokono mampalaika siʼa. 40Roomo kumerapi tulungi ri waʼa anaguru-Mi da mairi inosa majaʼa setu paikanya bareʼe nakoto ntau seʼe.”
41Mesono i Yesu ndatoʼo, “Maʼai gagamo komi seʼi! Monco komi waʼa ntau anu lingu pai bareʼe meaya! Sangkuja ngkasae woʼu da karoo-roo-Ku pai komi pai mantuju pande ndaya-Ku ri komi? Keni maʼi ananggodi setu!”
42Ntongo ndakeni ananggodi setu ri Yesu, meratamo woʼu, nadungkalaka inosa majaʼa ananggodi setu, torokogangimo koronya. Ndaburangkasi i Yesu inosa majaʼa setu, nepa ndapakaʼosa ananggodi seʼe. Roo setu ndawaika papanya ananggodi setu. 43aJingkimo raya ntau pura-pura, mangkita kuasa i mPue Ala anu ewancetu kabangkenya.
I Yesu mampau woʼu kono kapate-A
9:43b-45
(Mat. 17:22-23, Mrk. 9:30-32)
43bNtongo jingkipa raya ntau mangkita anu ndapowia i Yesu, ndatoʼo i Yesu ri anaguru-A.
44“Ndiparindaya mpodago neʼe ndikalingani waʼa mpau-Ku seʼi: I Ana Manusia da ndapepombaika ri kuasa ntolino.” 45Paikanya bareʼe narata ndaya waʼa anaguru-A posoki mpau-A seʼe. Ndasambunika ungka ri tau seʼe, neʼe naincani. Paikanya bareʼe nataha ntau seʼe mampeoasi ri Sira.
Isema anu bangke mpodago?
9:46-48
(Mat. 18:1-5, Mrk. 9:33-37)
46 #
Luk. 22:24
Ri anu sangkani mewalimo popaiso ri oyo waʼa anaguru-A, tau seʼe mombebali-bali kono isema anu bangke ri oyo ntau seʼe. 47Ndaincani i Yesu nawa-nawa ntau seʼe, inceʼe puʼunya painaka ndatima i Yesu ananggodi sambaʼa ndapapekakore ri soria. 48#Mat. 10:40, Luk. 10:16, Yoh. 13:20 Nepa mompau Sira ri waʼa anaguru-A ndatoʼo, “Tau anu mancabe ananggodi seʼi ua Yaku, posokinya mancabe Yaku. Pai tau anu mancabe Yaku, mancabe Sira anu mampokau Yaku. Maka anu kodi mpodago ri oyomi, siʼamo anu bangke mpodago!”
Tau anu bareʼe maewa komi inceʼe yunumi
9:49-50
(Mrk. 9:38-40)
49Natoʼo i Yohane ri Sira, “Guru, reʼe kakita tau mairi i majaʼa ri toʼo-Mi, kapetangani tau setu maka siʼa banya yunuta.”
50Ndatoʼo i Yesu ri Yohane pai waʼa anaguru-A anu ntaninya, “Neʼe ndipetangani, maka tau anu bareʼe maewa komi inceʼe yunumi!”
Sambaʼa lipu nto Samaria anu bareʼe mantarima i Yesu
9:51-56
51Bareʼemo masae i Yesu da ndaoretakamo ndeki suruga, ndapakanotomo da kandekua ri Yerusale. 52Ndapokaumo tau da mamporiuka Sira. Waʼa ntau anu ndapokau setu mesua ri sambaʼa lipu nto Samaria. Njairia da napampatoka ntau seʼe pampolinggona i Yesu. 53Paikanya waʼa ntau ri lipu setu bareʼe napokono mantarima i Yesu, maka nadonge ntau seʼe Sira da ndeku ri Yerusale. 54#2 Raj. 1:9-16 Butu naincani i Yakobu pai i Yohane pewalinya ewanceʼe, natoʼka i Yesu, “Pue ane ndipokono, da kaperapimo apu ungka ri yangi da napaʼopisaka waʼa ntau setu?”
55Metorobaka i Yesu ndapokarau tau seʼe. 56Roo setu njoʼumo tau seʼe ri lipu anu ntaninya.
Waʼa ntau anu da malulu i Yesu
9:57-62
(Mat. 8:19-22)
57Ntongo mpelinja i Yesu pai waʼa anagurua, ri yae njaya jelamo tau sambaʼa madadu Sira natoʼo, “Yaku da melulu ri komi rimbeʼi ntano kanjoʼumi!”
58Mesono i Yesu, “Sarigala reʼe wayaunya, pai tonci reʼe seanya, paikanya i Ana Manusia bereʼe kareʼe mpoturunya.” 59Ndatoʼoka woʼu i Yesu tau sambaʼanya, “Lulumo yaku!”
Paikanya natoʼo ntau setu, “Pue, ndiwaimo riunya yaku mewalili da mangadayo papaku.”
60Mesono i Yesu ndatoʼo, “Papaliu tau mate mangadayo tau matenya ngkalionya. Paikanya siko pobambarikamo i Pue Ala montepuʼumo moparenta.”
61 #
1 Raj. 19:20
Reʼe sambaʼa tau mantoʼoka Sira, “Yaku da melulu ri komi, paikanya ndiwai tempo ri yaku da njoʼu mompalakana pai waʼa ntau ri banuaku riunya.”
62Paikanya ndatoʼoka siʼa, “Tau anu mantangke pajeko seʼi meeli ri taliku bareʼe singkana da mewali tau i mPue Ala.”
Currently Selected:
:
Highlight
Share
Copy
Want to have your highlights saved across all your devices? Sign up or sign in