Rôm̃i 1
1
1Teôfilus, my’are kamba pa gw’ezangô zam̃ elônga, g’ômwanja w’isam̃u yôdu y’avakilyô ne Yesu gô denda na gô nènja, 2kwanga gô ntyugu y’awongyô yè g’ôrôṽa, ayè pa p’izômbyô yè vo Iṉiṉ’ Iṽya, gôre rôm̃i y’avinjyô yè.
3Ayè sindiṉa p’ijuwa, awôm̃unyi bo gôre waô n’impoṉo sinyenge, arum̃iny’ôkuṽi wè gôre waô agôm̃i m’intyugu anay, nkambaga g’ômwanja w’isam̃u y’iṉongo ny’Anyambyè.
4Gw’avegagi yè na waô, azômbyi waô inè, w’alubwa gô Yerusalèm, ndô wi ga wônd’ômpangaṉô wa Rerè, w’ayogyô waô gôre yè, inè, 5Yôan aṽatizagi n’aṉingô, ndô aṉwè, aṉwè be batizô n’Iṉiṉ’Iṽya, e ze pyagaṉ’intyugu sinyenge. 6Yeṉo gw’avegagi rôm̃i dataṉa pa w’aṽambyi yè inè: Rera, ô be fwiz’ipangiṉa gôr’ Israèl egômbe ziṉo? 7Awiṉizi yè waô inè: Aranga gôre ṉwè gô mye gômbe ge agwèra mi re Rerè kenja pa gô ngulu yè. 8Ndô aṉwè be dènge ngulu y’Iṉiṉ’Iṽya nyi be bya gôre ṉwè, ko ṉwè dwaṉ’iyeṉi yam̃ gô Yerusalèm, na gô Yuda yôdu, na gô Samarya, na kwanga gô ntyay yi ntye.
9Ayè bulya p’agamba miṉo, awongyô gw’igôṉô avila gw’azô maô, n’evindi z’awongi yè avila gw’antyo maô. 10Na gw’avônagi waô gw’igôṉô, gw’agèndagi yè, vôna, aṉag’aṽaṉi w’avegagi bora p’ambora ma pupu, awulyi waô inè: 11Aṉôm̃e wi Galile, ntiṉa nde yi kum̃aṉa ṉwè mpônaga g’ôrôṽa? Yesu yiṉo, yi re bongô pa avila gôre ṉwè agènda g’ôrôṽa, e be tô bya mbela mèmô y’ajeṉa ṉwè yè e kènda g’ôrôṽa.
12Vovo awinyi waô gô Yerusalèm, avila gô nômba yi fweyô inè, yi yôlivi, yi re pyèrè ni Yerusalèm, ôgèndo w’ôwenja wi soṉo. 13Na gw’aṽyeṉi waô gô Yerusalèm, w’avandi gô nontye y’igôṉô y’alwaṉagi waô; w’avegagi wa Pyère, wa Yôan, wa Yakobu, wa Andru, wa Filipi, wa Tôma, wa Bartelemi, wa Matay, wa Yakobu, y’ômwaṉa w’Alifas, wa Simôn yi Zelôte, na wa Yudi, y’ômwaṉa wi Yakobu. 14Wiṉo waôdu w’alwaṉagi n’ôrèm̃’ôm̃ô gw’ikambiṉa, waô n’antô ta, na wa Marya, yi ngwè yi Yesu, n’awongwè aṉôm̃e wi Yesu.
15Gw’intyugu mèsoṉo avegag’aṉag’awenge dataṉa pa, pyèrè ni nkam̃a y’aṉaga n’agôm̃i m’aṉag’ambaṉi, agum̃aṉi Pyère gô garegare y’awarerè, awulya inè:
16Awarera, avegag’isolo inè, isam̃u y’aliwô myezyô n’Iṉiṉ’Iṽya gw’Irèndo n’ôgwaṉa wi David, g’ômwanja wi Yudas, ôrevi wa mongi w’agôti Yesu, yi ga rwe rèti. 17Konde avegagi tangô pa gôre zwè, awonga kè mbèy gw’eṽilô ziṉo zi miṉisè. 18Ôṉôm̃e mè agôli ntyaga n’ipa s’ibe sè, n’avôswi yè ôlôlôṽa, aruwaruwa gô garegare, n’izègè yè yôdu y’agogwi. 19N’igamba ny’amyenyô n’alwaṉi wi Yerusalèm waôdu, inè ntyaga mè y’aweyô ni nkambiṉi yaô inè, Akèldama, nyi pivya inè, ntyaga yi ntyiṉa. 20Konde are tèndô pa gw’ezangô z’Ijembô inè: Ilwaṉô nyè nyi ga lwaṉ’irevô, ko alwaṉ’ôma gô nyô! na inè: Inyangi nyè nyi ga wong’ôm’ômwèṉè! 21Sambô, gôr’aṉôm̃e w’agangaṉagi na zwè egômbe zôdu z’alwaṉi Rerè Yesu njingiṉaga ni nkogwaga na zwè, 22avila gw’ibatiza si Yôan kwanga gô ntyugu y’awongyô yè avila gôre zwè, gôre mongi siṉo ôm̃ori e ga lwaṉe na zwè ôyeṉi w’itôngwi sè.
23N’alôṽyi waô aṉag’aṽaṉi, Yôsèf, aweyôgô inè, Barsabas, aweyôgô kè inè, Yustus, ni Matyas. 24N’agambiṉi waô inè: Rera, awè yi my’irèm̃a y’aṉaga waôdu, reta gôre mongi siṉo aṽaṉi ôma wi re wè pinja pa, 25ko yè bonge mbôra gw’eṽilô ziṉo zi miṉisè na gw’eṽilô ziṉo z’erôm̃i z’arigyô ne Yudas, ko yè kènda gô mbôri yèmè. 26Avungi waô ezôga, n’agôti ezôga gôre Matyas, n’arangyô yè gô ntangô y’igôm̃i nyi rôm̃i n’erôm̃i em̃ori.
Currently Selected:
Rôm̃i 1: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Rôm̃i 1
1
1Teôfilus, my’are kamba pa gw’ezangô zam̃ elônga, g’ômwanja w’isam̃u yôdu y’avakilyô ne Yesu gô denda na gô nènja, 2kwanga gô ntyugu y’awongyô yè g’ôrôṽa, ayè pa p’izômbyô yè vo Iṉiṉ’ Iṽya, gôre rôm̃i y’avinjyô yè.
3Ayè sindiṉa p’ijuwa, awôm̃unyi bo gôre waô n’impoṉo sinyenge, arum̃iny’ôkuṽi wè gôre waô agôm̃i m’intyugu anay, nkambaga g’ômwanja w’isam̃u y’iṉongo ny’Anyambyè.
4Gw’avegagi yè na waô, azômbyi waô inè, w’alubwa gô Yerusalèm, ndô wi ga wônd’ômpangaṉô wa Rerè, w’ayogyô waô gôre yè, inè, 5Yôan aṽatizagi n’aṉingô, ndô aṉwè, aṉwè be batizô n’Iṉiṉ’Iṽya, e ze pyagaṉ’intyugu sinyenge. 6Yeṉo gw’avegagi rôm̃i dataṉa pa w’aṽambyi yè inè: Rera, ô be fwiz’ipangiṉa gôr’ Israèl egômbe ziṉo? 7Awiṉizi yè waô inè: Aranga gôre ṉwè gô mye gômbe ge agwèra mi re Rerè kenja pa gô ngulu yè. 8Ndô aṉwè be dènge ngulu y’Iṉiṉ’Iṽya nyi be bya gôre ṉwè, ko ṉwè dwaṉ’iyeṉi yam̃ gô Yerusalèm, na gô Yuda yôdu, na gô Samarya, na kwanga gô ntyay yi ntye.
9Ayè bulya p’agamba miṉo, awongyô gw’igôṉô avila gw’azô maô, n’evindi z’awongi yè avila gw’antyo maô. 10Na gw’avônagi waô gw’igôṉô, gw’agèndagi yè, vôna, aṉag’aṽaṉi w’avegagi bora p’ambora ma pupu, awulyi waô inè: 11Aṉôm̃e wi Galile, ntiṉa nde yi kum̃aṉa ṉwè mpônaga g’ôrôṽa? Yesu yiṉo, yi re bongô pa avila gôre ṉwè agènda g’ôrôṽa, e be tô bya mbela mèmô y’ajeṉa ṉwè yè e kènda g’ôrôṽa.
12Vovo awinyi waô gô Yerusalèm, avila gô nômba yi fweyô inè, yi yôlivi, yi re pyèrè ni Yerusalèm, ôgèndo w’ôwenja wi soṉo. 13Na gw’aṽyeṉi waô gô Yerusalèm, w’avandi gô nontye y’igôṉô y’alwaṉagi waô; w’avegagi wa Pyère, wa Yôan, wa Yakobu, wa Andru, wa Filipi, wa Tôma, wa Bartelemi, wa Matay, wa Yakobu, y’ômwaṉa w’Alifas, wa Simôn yi Zelôte, na wa Yudi, y’ômwaṉa wi Yakobu. 14Wiṉo waôdu w’alwaṉagi n’ôrèm̃’ôm̃ô gw’ikambiṉa, waô n’antô ta, na wa Marya, yi ngwè yi Yesu, n’awongwè aṉôm̃e wi Yesu.
15Gw’intyugu mèsoṉo avegag’aṉag’awenge dataṉa pa, pyèrè ni nkam̃a y’aṉaga n’agôm̃i m’aṉag’ambaṉi, agum̃aṉi Pyère gô garegare y’awarerè, awulya inè:
16Awarera, avegag’isolo inè, isam̃u y’aliwô myezyô n’Iṉiṉ’Iṽya gw’Irèndo n’ôgwaṉa wi David, g’ômwanja wi Yudas, ôrevi wa mongi w’agôti Yesu, yi ga rwe rèti. 17Konde avegagi tangô pa gôre zwè, awonga kè mbèy gw’eṽilô ziṉo zi miṉisè. 18Ôṉôm̃e mè agôli ntyaga n’ipa s’ibe sè, n’avôswi yè ôlôlôṽa, aruwaruwa gô garegare, n’izègè yè yôdu y’agogwi. 19N’igamba ny’amyenyô n’alwaṉi wi Yerusalèm waôdu, inè ntyaga mè y’aweyô ni nkambiṉi yaô inè, Akèldama, nyi pivya inè, ntyaga yi ntyiṉa. 20Konde are tèndô pa gw’ezangô z’Ijembô inè: Ilwaṉô nyè nyi ga lwaṉ’irevô, ko alwaṉ’ôma gô nyô! na inè: Inyangi nyè nyi ga wong’ôm’ômwèṉè! 21Sambô, gôr’aṉôm̃e w’agangaṉagi na zwè egômbe zôdu z’alwaṉi Rerè Yesu njingiṉaga ni nkogwaga na zwè, 22avila gw’ibatiza si Yôan kwanga gô ntyugu y’awongyô yè avila gôre zwè, gôre mongi siṉo ôm̃ori e ga lwaṉe na zwè ôyeṉi w’itôngwi sè.
23N’alôṽyi waô aṉag’aṽaṉi, Yôsèf, aweyôgô inè, Barsabas, aweyôgô kè inè, Yustus, ni Matyas. 24N’agambiṉi waô inè: Rera, awè yi my’irèm̃a y’aṉaga waôdu, reta gôre mongi siṉo aṽaṉi ôma wi re wè pinja pa, 25ko yè bonge mbôra gw’eṽilô ziṉo zi miṉisè na gw’eṽilô ziṉo z’erôm̃i z’arigyô ne Yudas, ko yè kènda gô mbôri yèmè. 26Avungi waô ezôga, n’agôti ezôga gôre Matyas, n’arangyô yè gô ntangô y’igôm̃i nyi rôm̃i n’erôm̃i em̃ori.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.