Yôan 15
15
1Myè n’ôgoli wa rèti, ni Reri yam̃ n’ôma wi penjavenja wô. 2Ivary’edu nyi re gôre myè nyi re nyi pa jaṉ’ilônda, e tômba nyô; n’ivary’edu nyi jaṉ’ilônda, e sènga nyô, ko nyô tô jaṉ’ilônda vyagaṉô. 3Vèṉo aṉw’are pupupu, g’ômwanja w’igamba nyi re myè kambiṉa pa ṉwè. 4Lwaṉaṉi gôre myè, gambèṉè mi be dwaṉa kè gôre ṉwè. Ga nt’ar’ivari ny’ayolye jaṉ’ilônda nyômè, kaô ny’adwaṉa bata g’ôgoli, yeṉo kè aṉw’ayolye jaṉ’ilônda, kaô aṉw’adwaṉa gôre myè. 5Myè n’ôgoli, aṉwè n’ampari. Ayè yi dwaṉa gôre myè, na myè gôre yè, ayè jaṉ’ilônd’imyenge, konde aranga myè aṉw’ayolye dende mpongo. 6Jog’ôma alwaṉa gôre myè, gambèṉè afalô, egolaṉi g’ivari, ayôm̃a; ko aṉaga kum̃inya mô, avunga mô g’ôgôṉi, ko mô pya. 7J’aṉw’adwaṉa gôre myè, ko agambi mam̃ dwaṉa gôre ṉwè, ṽambyaṉi ôsam̃u edu wi belô ṉwè, gambèṉè wi be pô gôre ṉwè. 8J’aṉw’ajaṉ’ilônd’imyenge, gambèṉè Reri yam̃ e be pendizyô gô ndaga yiṉo, na yeṉo be dwaṉa ṉwè iṉèngi yam̃.
9Ga nt’are myè tondô pa ne Reri yam̃, yeṉo re myè tonda pa ṉwè. Lwaṉaṉi gw’itondi sam̃. 10J’aṉw’apenjavenj’isômbyi sam̃, gambèṉè aṉwè be dwaṉa gw’itondi sam̃, ga nt’are myè penjavenja p’isômbya sa Reri yam̃, alwaṉa gw’itondi sè. 11My’are ṉwè bulinya p’isam̃u yiṉo inè, igeṽi nyam̃ nyi ga lwaṉe gôre ṉwè, na inè igeṽi nyaṉi nyi ga yônye.
12Wiṉo n’ôzômbyô wam̃ inè: Rondaṉaṉi, ga nt’are myè tonda pa ṉwè. 13E zel’itonda sipôlô vyagaṉô na siṉo inè, gôr’ôma gô p’em̃èṉo zè g’ômwanja w’indegô sè. 14Aṉwè n’indegô sam̃, j’aṉw’adend’isam̃u yi sômbya myè ṉwè. 15Mi pa fweya ṉwè nyèṉè inè, inyôngô, konde nyôngô amye nte dende reri yè; ndô my’are fweya pa ṉwè inè, indegô, konde my’are myeza pa ṉwè isam̃u yôdu y’ayogyô myè avila gôre Reri yam̃. 16Arang’aṉwè avinji myè; ndô my’avinji ṉwè, alôṽya ṉwè, ko ṉwè kènda, ayaṉ’ilônda, ko ilôndi yaṉi dwaṉa, gô ntiṉa nè, ôsam̃u edu wi be bambyô ṉwè gôre Rerè gw’ini nyam̃, e be pa ṉwè wô. 17Mi sômbya ṉwè isam̃u yiṉo inè, rondaṉaṉi.
18Je ntye y’abika ṉwè, myaṉi nè, y’aṽiki myè yô ṽikaga ro ṉwè. 19Arwe nè, aṉw’aṉaga wi ntye yiṉo, gavoṉo ntye y’atô tond’aṉagi wèmè; ndô gô re nè, aṉwè arang’aṉaga wi ntye yiṉo, na inè, my’avinji ṉwè avila gô ntye yiṉo, yeṉo ntye yi bika ṉwè. 20Yônginyaṉ’igamba ny’awulinyi myè ṉwè inè: Nyôngô yi zel’ômpôlô vyagaṉô na reri yè. Ja w’agombizi myè, gambèṉè wi be kombiza ṉwè kè; ja w’avenjavenj’igambi nyam̃, gambèṉè wi be penjavenj’inyaṉi kè. 21Ndô wi be dendiṉa ṉwè isam̃u yiṉo yôdu g’ômwanja w’ini nyam̃, konde w’amye ôma w’arôm̃i myè. 22Arwe nè mi pa bya agamba na waô, gavoṉo wi pa tô dwaṉa n’ibe; ndô vèṉo wi zele ni ntyongwè g’ômwanja w’ibe saô. 23Ayè yi bika myè, e bika kè Reri yam̃. 24Arwe nè mi pa denda gôre waô ṽilô yi re yi pa dendô n’ôm’ômwèṉè, gavoṉo wi pa tô dwaṉa n’ibe; ndô vèṉo wi re jeṉa pa yô, ko waô bika myè ni Reri yam̃ ta. 25Ndô yi re twa pa yeṉo, ko igamba nyi re tèndô pa gw’ivangi nyaô twa rèti inè: W’aṽiki myè ntiṉa fo.
26Gô be diwô ôzindyô abyeṉi, wi be tôm̃ô myè gôre ṉwè avila gôre Rerè, wô n’Iṉiṉa ny’ôrèti nyi pila gôre Rerè, nyô be takilya g’ômwanji wam̃; 27n’aṉwè kè, aṉwè be takilya, konde aṉw’are dwaṉa pa na myè avila gw’ipakilya.
Currently Selected:
Yôan 15: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Yôan 15
15
1Myè n’ôgoli wa rèti, ni Reri yam̃ n’ôma wi penjavenja wô. 2Ivary’edu nyi re gôre myè nyi re nyi pa jaṉ’ilônda, e tômba nyô; n’ivary’edu nyi jaṉ’ilônda, e sènga nyô, ko nyô tô jaṉ’ilônda vyagaṉô. 3Vèṉo aṉw’are pupupu, g’ômwanja w’igamba nyi re myè kambiṉa pa ṉwè. 4Lwaṉaṉi gôre myè, gambèṉè mi be dwaṉa kè gôre ṉwè. Ga nt’ar’ivari ny’ayolye jaṉ’ilônda nyômè, kaô ny’adwaṉa bata g’ôgoli, yeṉo kè aṉw’ayolye jaṉ’ilônda, kaô aṉw’adwaṉa gôre myè. 5Myè n’ôgoli, aṉwè n’ampari. Ayè yi dwaṉa gôre myè, na myè gôre yè, ayè jaṉ’ilônd’imyenge, konde aranga myè aṉw’ayolye dende mpongo. 6Jog’ôma alwaṉa gôre myè, gambèṉè afalô, egolaṉi g’ivari, ayôm̃a; ko aṉaga kum̃inya mô, avunga mô g’ôgôṉi, ko mô pya. 7J’aṉw’adwaṉa gôre myè, ko agambi mam̃ dwaṉa gôre ṉwè, ṽambyaṉi ôsam̃u edu wi belô ṉwè, gambèṉè wi be pô gôre ṉwè. 8J’aṉw’ajaṉ’ilônd’imyenge, gambèṉè Reri yam̃ e be pendizyô gô ndaga yiṉo, na yeṉo be dwaṉa ṉwè iṉèngi yam̃.
9Ga nt’are myè tondô pa ne Reri yam̃, yeṉo re myè tonda pa ṉwè. Lwaṉaṉi gw’itondi sam̃. 10J’aṉw’apenjavenj’isômbyi sam̃, gambèṉè aṉwè be dwaṉa gw’itondi sam̃, ga nt’are myè penjavenja p’isômbya sa Reri yam̃, alwaṉa gw’itondi sè. 11My’are ṉwè bulinya p’isam̃u yiṉo inè, igeṽi nyam̃ nyi ga lwaṉe gôre ṉwè, na inè igeṽi nyaṉi nyi ga yônye.
12Wiṉo n’ôzômbyô wam̃ inè: Rondaṉaṉi, ga nt’are myè tonda pa ṉwè. 13E zel’itonda sipôlô vyagaṉô na siṉo inè, gôr’ôma gô p’em̃èṉo zè g’ômwanja w’indegô sè. 14Aṉwè n’indegô sam̃, j’aṉw’adend’isam̃u yi sômbya myè ṉwè. 15Mi pa fweya ṉwè nyèṉè inè, inyôngô, konde nyôngô amye nte dende reri yè; ndô my’are fweya pa ṉwè inè, indegô, konde my’are myeza pa ṉwè isam̃u yôdu y’ayogyô myè avila gôre Reri yam̃. 16Arang’aṉwè avinji myè; ndô my’avinji ṉwè, alôṽya ṉwè, ko ṉwè kènda, ayaṉ’ilônda, ko ilôndi yaṉi dwaṉa, gô ntiṉa nè, ôsam̃u edu wi be bambyô ṉwè gôre Rerè gw’ini nyam̃, e be pa ṉwè wô. 17Mi sômbya ṉwè isam̃u yiṉo inè, rondaṉaṉi.
18Je ntye y’abika ṉwè, myaṉi nè, y’aṽiki myè yô ṽikaga ro ṉwè. 19Arwe nè, aṉw’aṉaga wi ntye yiṉo, gavoṉo ntye y’atô tond’aṉagi wèmè; ndô gô re nè, aṉwè arang’aṉaga wi ntye yiṉo, na inè, my’avinji ṉwè avila gô ntye yiṉo, yeṉo ntye yi bika ṉwè. 20Yônginyaṉ’igamba ny’awulinyi myè ṉwè inè: Nyôngô yi zel’ômpôlô vyagaṉô na reri yè. Ja w’agombizi myè, gambèṉè wi be kombiza ṉwè kè; ja w’avenjavenj’igambi nyam̃, gambèṉè wi be penjavenj’inyaṉi kè. 21Ndô wi be dendiṉa ṉwè isam̃u yiṉo yôdu g’ômwanja w’ini nyam̃, konde w’amye ôma w’arôm̃i myè. 22Arwe nè mi pa bya agamba na waô, gavoṉo wi pa tô dwaṉa n’ibe; ndô vèṉo wi zele ni ntyongwè g’ômwanja w’ibe saô. 23Ayè yi bika myè, e bika kè Reri yam̃. 24Arwe nè mi pa denda gôre waô ṽilô yi re yi pa dendô n’ôm’ômwèṉè, gavoṉo wi pa tô dwaṉa n’ibe; ndô vèṉo wi re jeṉa pa yô, ko waô bika myè ni Reri yam̃ ta. 25Ndô yi re twa pa yeṉo, ko igamba nyi re tèndô pa gw’ivangi nyaô twa rèti inè: W’aṽiki myè ntiṉa fo.
26Gô be diwô ôzindyô abyeṉi, wi be tôm̃ô myè gôre ṉwè avila gôre Rerè, wô n’Iṉiṉa ny’ôrèti nyi pila gôre Rerè, nyô be takilya g’ômwanji wam̃; 27n’aṉwè kè, aṉwè be takilya, konde aṉw’are dwaṉa pa na myè avila gw’ipakilya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.