Lk 12
12
Enn avertisman kont ipokrizi
(Mt 10:26-27)
1Ti ena telman enn gran lafoul ki dimoun ti pe mars lor lipie zot kamarad. Lerla Zezi koumans dir ar so bann disip, “Fer atansion levin bann Farizien, setadir, zot ipokrizi. 2Tou seki kasiet pou vinn dan kler e tou seki sekre pou devwale. 3Akoz samem tou seki zot dir dan nwar, dimoun pou tann li dan kler, seki zot mirmire dan zorey anprive, dimoun pou kriye li for-for lao lor lakaz.
Pa gagn per dimoun
(Mt 10:28-31)
4Ala mo dir zot, mo bann kamarad, pa per seki kapav detrir lekor, e pa kapav fer plis ki sa. 5Mo pou montre zot kisannla zot bizin per: gagn per Sa-Enn ki non selman kapav detrir zot me ena osi pouvwar pou zet zot dan lanfer. Wi, mo dir zot, Sennala ki zot bizin gagn per.
6Eski pa vann sink mwano pou de sou? Pourtan, Bondie pa bliye enn sel ladan. 7Me zot, tou brin seve lor zot latet inn konte. Pa per, zot ena plis valer ki tou mwano.
Pour ou kont Zezi
(Mt 10:32-33; 12:32; 10:19-20)
8Mo dir zot, tou seki rekonet mwa devan dimoun, Garson Limanite pou rekonet li devan bann anz Bondie. 9Me seki renie mwa devan dimoun, Garson Limanite pou renie li devan anz Bondie. 10Seki dir enn parol kont Garson Limanite pou gagn pardon; me seki blasfem kont Lespri Sin, pa pou gagn pardon.
11Kan amenn zot dan sinagog devan bann dirizan ek bann lotorite, pa trakase kouma zot pou defann zot e kouma zot pou reponn, 12parski Lespri Sin pou montre zot dan sa ler la ki pou dir.
Parabol enn dimoun ris me bet
13Kikenn dan lafoul dir Zezi, “Met, dir mo frer donn mwa mo par leritaz.” 14Me Zezi dir li, “Kamarad, kisannla finn nom mwa pou zize ek pou partaz zot dibien?” 15Lerla li dir zot, “Fer atansion! Pa galoup deryer bann dibien materyel, parski lavi enn dimoun pa depann lor so dibien, mem si li bien ris.” 16Zezi rakont enn parabol. “Enn dimoun ris ti ena enn plantasion ki ti raport boukou. 17Li dir ar limem, ‘Ki mo pou fer? Mo pena plas pou ramas mo rekolt. 18Be, ala seki mo pou fer: mo pou demoli mo bann grenie, mo pou mont bann pli gran kot mo pou ramas tou mo rekolt e tou mo lezot dibien. 19Lerla mo pou dir ar momem, Kamarad, to ena boukou dibien anrezerv pou boukou lane; repoz twa, manze, bwar, diverti.’ 20Me Bondie dir li, ‘Kouma to bet koumsa! Zordi swar mem to pou perdi to lavi; kisannla pou erit tou seki to finn ramase?’ 21Ala seki pou ariv dimoun ki ramas dibien zis pou li, me ki pa ramas rises kot Bondie.”
Met konfians dan Bondie
(Mt 6:25-34)
22Li dir so bann disip, “Ala kifer mo dir zot, fode pa zot trakase ar seki bizin manze pou viv, oubien ar linz ki zot bizin pou zot lekor. 23Lavi pli inportan ki manze, e lekor pli inportan ki linz. 24Get bann korbo, zot pa seme e zot pa rekolte; zot pena ni stor ni grenie, e pourtan Bondie nouri zot. Zot, zot ena plis valer ki zwazo! 25Eski traka ki to pran ar to lavi, pou fer li vinn pli long? 26Si zot pena pouvwar lor enn ti kiksoz koumsa, kifer zot trakase pou tou leres? 27Get kouma bann fler dan karo pouse; zot pa travay, zot pa koud linz. Pourtan, mem Salomon dan tou so laglwar pa ti ena zoli linz kouma sa bann fler la. 28Si Bondie abiy lerb ki zordi dan karo ek dime pe brile, kalkile komie li pou abiy zot. Zot lafwa vremem tipti. 29Pa kas latet pou rode ki pou manze, ki pou bwar. 30Se bann ki pa krwar dan Bondie ki rod sa bann kiksoz la; me zot, zot Papa kone ki zot bizin. 31Rod plito Rwayom Bondie, e zot pou resevwar tou leres.
Rises ki sorti depi dan lesiel
(Mt 6:19-21)
32Pa gagn per, ti troupo, parski Bondie kontan pou donn zot so Rwayom. 33Vann zot dibien e donn bann pov; ranpli zot kof ar rises ki pa pou fini; ramas rises ki dan lesiel e ki pa pou disparet; parski kot sa ete, voler pa kapav koste e karya pa kapav manze. 34La kot leker ete, lamem zot rises pou ete.
Bann serviter bizin touzour pare
(Mt 24:43-44)
35Pare e gard zot lalanp alime. 36Zot bizin kouma bann dimoun ki pe atann zot met retourne apre enn maryaz; kouma li tap laport, zot fini pare pou ouver. 37Bienere bann serviter ki zot met pou trouv dibout kan li rantre. Laverite mo dir zot, li pou tir so palto, fer zot asiz atab, e li pou servi zot. 38Si li vini damilie lanwit, oubien boner gramatin e li trouv zot lamem, bienere sa bann serviter la!
39Ala seki zot bizin kone: si propriyeter lakaz ti kone ki ler voler ti pou vini, li pa ti pou les li rant dan so lakaz. 40Zot osi zot bizin pare, parski ler ki Garson Limanite pou vini personn pa pou atann.”
Serviter serye ek pa serye
(Mt 24:45-51)
41Pier dir, “Segner, to pe rakont sa parabol la pou nou tousel oubien pou tou dimoun?” 42Lesegner reponn, “Ki sa administrater fidel ek bien serye ki finn gagn responsabilite ar so met pou vey lor so bann serviter e gete si zot gagn zot par manze dan ler? 43Bienere serviter ki ankor pe travay ler so met retourne. 44Laverite mo dir zot, li pou donn li responsabilite lor tou so dibien. 45Me si serviter la dir, ‘Mo met pe tarde pou retourne,’ e li koumans bat bann servant ek bann serviter, li manze, li bwar e li sou, ki pou arive! 46So met pou retourne zour ki li pa pe atann, ler ki li pa kone, pou koup-koup li e pou konsider li kouma enn dane. 47Serviter ki ti konn volonte so met, me ki pa finn prepar li, ni mem fer dapre volonte met la, pou gagn enn move bate. 48Me, seki pa ti kone, e finn fer kiksoz ki merit enn pinision, pou gagn enn ti pinision mem. Tou seki finn resevwar boukou, pou dimann li boukou; seki finn gagn boukou responsabilite, pou reklam li ankor plis.
Zezi fer divizion
(Mt 10:34-36)
49Mo finn vini pou aport enn dife lor later; mo ti a voudre ki li finn deza alime. 50Mo bizin plonz dan enn batem e mo resanti enn gran soufrans avan ki sa arive. 51Eski zot panse mo finn vinn lor later pou amenn lape? Non, mo dir zot; pa lape, me divizion. 52Depi asterla, dan enn lakaz kot ena sink dimoun zot pou ena divizion, trwa kont de e de kont trwa, 53papa kont garson, garson kont papa; mama kont tifi, tifi kont mama; belmer kont belfi, belfi kont belmer.
Konpran bann sign
(Mt 16:2-3)
54Zezi dir lafoul, “Kan zot trouv niaz leve dan lwes, deswit zot dir, ‘Lapli pou tonbe’; samem ki arive. 55Kan divan lesid soufle zot dir, ‘Pou fer so,’ samem ki arive. 56Ipokrit! Zot konpran ki pase lor later ek dan lesiel e zot konn dir ki letan pou fer me kifer zot pa konn interpret seki pe pase zordi?
Tom enn laranzman
(Mt 5:25-26)
57Kifer zot pa servi zot prop lespri pou fer enn zizman lor meyer fason azir? 58Letan to pe al kot mazistra avek dimoun ki pe akiz twa la, fer manier tom enn laranzman ar li lor sime mem; sinon li pou trenn twa devan ziz, ziz pou met twa dan lame lapolis, e lapolis pou zet twa dan prizon. 59Ala mo dir twa, to pa pou sorti ladan tanki to pa fini pey tou to det ziska dernie sou.
Currently Selected:
Lk 12: NTKM2009
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.
Lk 12
12
Enn avertisman kont ipokrizi
(Mt 10:26-27)
1Ti ena telman enn gran lafoul ki dimoun ti pe mars lor lipie zot kamarad. Lerla Zezi koumans dir ar so bann disip, “Fer atansion levin bann Farizien, setadir, zot ipokrizi. 2Tou seki kasiet pou vinn dan kler e tou seki sekre pou devwale. 3Akoz samem tou seki zot dir dan nwar, dimoun pou tann li dan kler, seki zot mirmire dan zorey anprive, dimoun pou kriye li for-for lao lor lakaz.
Pa gagn per dimoun
(Mt 10:28-31)
4Ala mo dir zot, mo bann kamarad, pa per seki kapav detrir lekor, e pa kapav fer plis ki sa. 5Mo pou montre zot kisannla zot bizin per: gagn per Sa-Enn ki non selman kapav detrir zot me ena osi pouvwar pou zet zot dan lanfer. Wi, mo dir zot, Sennala ki zot bizin gagn per.
6Eski pa vann sink mwano pou de sou? Pourtan, Bondie pa bliye enn sel ladan. 7Me zot, tou brin seve lor zot latet inn konte. Pa per, zot ena plis valer ki tou mwano.
Pour ou kont Zezi
(Mt 10:32-33; 12:32; 10:19-20)
8Mo dir zot, tou seki rekonet mwa devan dimoun, Garson Limanite pou rekonet li devan bann anz Bondie. 9Me seki renie mwa devan dimoun, Garson Limanite pou renie li devan anz Bondie. 10Seki dir enn parol kont Garson Limanite pou gagn pardon; me seki blasfem kont Lespri Sin, pa pou gagn pardon.
11Kan amenn zot dan sinagog devan bann dirizan ek bann lotorite, pa trakase kouma zot pou defann zot e kouma zot pou reponn, 12parski Lespri Sin pou montre zot dan sa ler la ki pou dir.
Parabol enn dimoun ris me bet
13Kikenn dan lafoul dir Zezi, “Met, dir mo frer donn mwa mo par leritaz.” 14Me Zezi dir li, “Kamarad, kisannla finn nom mwa pou zize ek pou partaz zot dibien?” 15Lerla li dir zot, “Fer atansion! Pa galoup deryer bann dibien materyel, parski lavi enn dimoun pa depann lor so dibien, mem si li bien ris.” 16Zezi rakont enn parabol. “Enn dimoun ris ti ena enn plantasion ki ti raport boukou. 17Li dir ar limem, ‘Ki mo pou fer? Mo pena plas pou ramas mo rekolt. 18Be, ala seki mo pou fer: mo pou demoli mo bann grenie, mo pou mont bann pli gran kot mo pou ramas tou mo rekolt e tou mo lezot dibien. 19Lerla mo pou dir ar momem, Kamarad, to ena boukou dibien anrezerv pou boukou lane; repoz twa, manze, bwar, diverti.’ 20Me Bondie dir li, ‘Kouma to bet koumsa! Zordi swar mem to pou perdi to lavi; kisannla pou erit tou seki to finn ramase?’ 21Ala seki pou ariv dimoun ki ramas dibien zis pou li, me ki pa ramas rises kot Bondie.”
Met konfians dan Bondie
(Mt 6:25-34)
22Li dir so bann disip, “Ala kifer mo dir zot, fode pa zot trakase ar seki bizin manze pou viv, oubien ar linz ki zot bizin pou zot lekor. 23Lavi pli inportan ki manze, e lekor pli inportan ki linz. 24Get bann korbo, zot pa seme e zot pa rekolte; zot pena ni stor ni grenie, e pourtan Bondie nouri zot. Zot, zot ena plis valer ki zwazo! 25Eski traka ki to pran ar to lavi, pou fer li vinn pli long? 26Si zot pena pouvwar lor enn ti kiksoz koumsa, kifer zot trakase pou tou leres? 27Get kouma bann fler dan karo pouse; zot pa travay, zot pa koud linz. Pourtan, mem Salomon dan tou so laglwar pa ti ena zoli linz kouma sa bann fler la. 28Si Bondie abiy lerb ki zordi dan karo ek dime pe brile, kalkile komie li pou abiy zot. Zot lafwa vremem tipti. 29Pa kas latet pou rode ki pou manze, ki pou bwar. 30Se bann ki pa krwar dan Bondie ki rod sa bann kiksoz la; me zot, zot Papa kone ki zot bizin. 31Rod plito Rwayom Bondie, e zot pou resevwar tou leres.
Rises ki sorti depi dan lesiel
(Mt 6:19-21)
32Pa gagn per, ti troupo, parski Bondie kontan pou donn zot so Rwayom. 33Vann zot dibien e donn bann pov; ranpli zot kof ar rises ki pa pou fini; ramas rises ki dan lesiel e ki pa pou disparet; parski kot sa ete, voler pa kapav koste e karya pa kapav manze. 34La kot leker ete, lamem zot rises pou ete.
Bann serviter bizin touzour pare
(Mt 24:43-44)
35Pare e gard zot lalanp alime. 36Zot bizin kouma bann dimoun ki pe atann zot met retourne apre enn maryaz; kouma li tap laport, zot fini pare pou ouver. 37Bienere bann serviter ki zot met pou trouv dibout kan li rantre. Laverite mo dir zot, li pou tir so palto, fer zot asiz atab, e li pou servi zot. 38Si li vini damilie lanwit, oubien boner gramatin e li trouv zot lamem, bienere sa bann serviter la!
39Ala seki zot bizin kone: si propriyeter lakaz ti kone ki ler voler ti pou vini, li pa ti pou les li rant dan so lakaz. 40Zot osi zot bizin pare, parski ler ki Garson Limanite pou vini personn pa pou atann.”
Serviter serye ek pa serye
(Mt 24:45-51)
41Pier dir, “Segner, to pe rakont sa parabol la pou nou tousel oubien pou tou dimoun?” 42Lesegner reponn, “Ki sa administrater fidel ek bien serye ki finn gagn responsabilite ar so met pou vey lor so bann serviter e gete si zot gagn zot par manze dan ler? 43Bienere serviter ki ankor pe travay ler so met retourne. 44Laverite mo dir zot, li pou donn li responsabilite lor tou so dibien. 45Me si serviter la dir, ‘Mo met pe tarde pou retourne,’ e li koumans bat bann servant ek bann serviter, li manze, li bwar e li sou, ki pou arive! 46So met pou retourne zour ki li pa pe atann, ler ki li pa kone, pou koup-koup li e pou konsider li kouma enn dane. 47Serviter ki ti konn volonte so met, me ki pa finn prepar li, ni mem fer dapre volonte met la, pou gagn enn move bate. 48Me, seki pa ti kone, e finn fer kiksoz ki merit enn pinision, pou gagn enn ti pinision mem. Tou seki finn resevwar boukou, pou dimann li boukou; seki finn gagn boukou responsabilite, pou reklam li ankor plis.
Zezi fer divizion
(Mt 10:34-36)
49Mo finn vini pou aport enn dife lor later; mo ti a voudre ki li finn deza alime. 50Mo bizin plonz dan enn batem e mo resanti enn gran soufrans avan ki sa arive. 51Eski zot panse mo finn vinn lor later pou amenn lape? Non, mo dir zot; pa lape, me divizion. 52Depi asterla, dan enn lakaz kot ena sink dimoun zot pou ena divizion, trwa kont de e de kont trwa, 53papa kont garson, garson kont papa; mama kont tifi, tifi kont mama; belmer kont belfi, belfi kont belmer.
Konpran bann sign
(Mt 16:2-3)
54Zezi dir lafoul, “Kan zot trouv niaz leve dan lwes, deswit zot dir, ‘Lapli pou tonbe’; samem ki arive. 55Kan divan lesid soufle zot dir, ‘Pou fer so,’ samem ki arive. 56Ipokrit! Zot konpran ki pase lor later ek dan lesiel e zot konn dir ki letan pou fer me kifer zot pa konn interpret seki pe pase zordi?
Tom enn laranzman
(Mt 5:25-26)
57Kifer zot pa servi zot prop lespri pou fer enn zizman lor meyer fason azir? 58Letan to pe al kot mazistra avek dimoun ki pe akiz twa la, fer manier tom enn laranzman ar li lor sime mem; sinon li pou trenn twa devan ziz, ziz pou met twa dan lame lapolis, e lapolis pou zet twa dan prizon. 59Ala mo dir twa, to pa pou sorti ladan tanki to pa fini pey tou to det ziska dernie sou.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.