Lk 6
6
Zezi koz lor saba
(Mt 12:1-8; Mk 2:23-28)
1Enn zour saba, Zezi ti pe pas dan karo dible, so bann disip ti pe kas zepi dible, ki zot ti pe frot dan zot lame e zot ti pe manz lagrin la. 2Detrwa Farizien dir, “Kifer zour saba zot pe fer seki pa gagn drwa fer dapre lalwa?” 3Zezi reponn, “Eski zot pa finn lir seki David ek so bann kamarad ti fer kan zot ti pe gagn fin? 4Li ti rant dan lakaz Bondie, li ti pran dipin ki finn ofer Bondie, li finn manz li e li finn donn so bann kamarad osi. Dapre lalwa zis bann pret tousel gagn drwa manz sa dipin la.” 5Zezi redir zot, “Garson Limanite limem propriyeter saba.”
Enn boug lame paralize
(Mt 12:9-14; Mk 3:1-6)
6Enn lot zour saba, letan li rant dan sinagog e ki li ti pe ansegne, ti ena enn boug prezan ki so lame drwat ti paralize. 7Bann dokter lalwa ek bann Farizien ti pe vey li, pou gete si pa li pou fer gerizon zour saba; koumsa zot ti pou gagn enn pwin pou met enn sarz lor li. 8Me Zezi ti konn zot panse, li dir sa dimoun ki ena lame paralize la, “Leve vinn dibout devan.” Lerla dimoun la leve, li vinn dibout devan zot. 9Apre sa Zezi dir ar bannla, “Mo poz zot enn kestion: ki lalwa permet zour saba? Fer dibien oubien fer dimal? Sov lavi ou detrir lavi?” 10Li get bann ki ti otour li, e li dir paralize la, “Dres to lame.” Li fer seki dir li, e so lame revinn normal. 11Bannla irite e zot diskit ant zotmem pou kone ki kapav fer ar Zezi.
Zezi swazir douz Apot
(Mt 10:1-4; Mk 3:13-19)
12Zezi mont lor montagn pou priye. Li pas lanwit priye Bondie. 13Letan barlizour leve, li apel so bann disip, e li swazir douz parmi zot, li donn zot nom apot. 14Ti ena Simon - li ti apel li Pier - ek so frer Andre, Zak ek Zan, Filip ek Bartelmi, 15Matie ek Toma, Zak garson Alfe ek Simon ki ti apel Zelot, 16Zida garson Zak ek Zida Iskaryot, ki ti trair Zezi.
Zezi ansegne ek geri
(Mt 4:23-25)
17Zezi desann ansam ar zot e li aret dan enn landrwa plat. Enn kantite disip ek enn gran lafoul dimoun ki vinn depi Zide, Zerizalem ek danbor lakot Tir ek Sidon ti la osi. 18Zot ti vinn ekout li e pou gagn zot gerizon. Bann ki ti tourmante par lespri malsin ti geri. 19Tou dimoun ki dan lafoul ti pe sey tous li, parski enn lafors ti pe sorti dan li e ti pe geri zot tou.
Benediksion ek malediksion
(Mt 5:1-12)
20Apre sa Zezi get so bann disip e li dir,
“Bienere zot ki bann pov,
Rwayom Bondie pou zot.
21Bienere zot ki gagn fin asterla,
zot pou rasazie.
Bienere zot ki pe plore asterla,
zot pou riye.
22Bienere kan dimoun air zot, e kan met zot deor, insilte zot, abes zot, mal parl zot akoz Garson Limanite. 23Rant dan lazwa sa zour la, sot anler, parski enn gran rekonpans pe atann zot dan lesiel; parski koumsamem zot bann gran dimoun ti maltret bann profet.
24Bienmalere zot ki bann ris
parski zot finn deza resevwar zot konsolasion.
25Bienmalere zot ki viv dan labondans aster,
parski zot pou gagn fin.
Bienmalere zot ki pe riye aster,
parski zot pou andey e zot pou plore.
26Bienmalere kan tou dimoun koz lor zot anbien,
parski koumsamem zot gran dimoun ti fer ar bann fos profet.
Kontan zot bann lennmi
(Mt 5:38-48; 7:12a)
27“Me mwa mo pe dir ar zot ki pe ekout mwa, kontan zot lennmi, fer dibien dimoun ki air zot, 28beni dimoun ki modi zot, priye pou seki maltret zot. 29Si kikenn tap twa enn kalot lor to lazou, donn li lot kote lazou; si kikenn pran to palto, pa anpes li pran to simiz osi. 30Donn tou dimoun ki dimann twa sarite; e si kikenn pran to dibien, pa dir li rann twa. 31Seki to ti a kontan lezot fer pou twa, fer samem pou zot. 32Si to kontan zis bann seki kontan twa, ki rekonesans to merite ladan? Parski mem bann peser kontan seki kontan zot. 33Si to fer dibien zis pou dimoun ki fer dibien pou twa, ki to merite ladan? Mem bann peser fer parey. 34Si to pret zis dimoun ki to krwar pou rann twa, ki to merite ladan? Mem bann peser pret bann peser, pou ki zot resevwar mem som larzan. 35Me zot, kontan zot lennmi, fer dibien, e prete san atann nanye anretour. Zot rekonpans pou gran, e zot pou zanfan Bondie Treo parski li bon ar bann ingra ek bann move. 36Montre enn leker ranpli ar mizerikord parey kouma Bondie zot Papa.”
Pa ziz lezot
(Mt 7:1-5)
37“Pa port zizman e personn pa pou ziz zot; pa kondane e personn pa pou kondann zot. Pardone, zot pou gagn pardon. 38Done, zot pou resevwar dan pos zot tabliye enn mezir bien ranpli, bien dame e ki pe deborde; mezir ki to servi pou lezot, samem mezir ki pou servi pou twa.”
39Zezi servi bann parabol ankor e li dir zot, “Eski enn aveg kapav gid enn lot aveg? Sinon eski toulede pa pou tom dan trou? 40Enn disip pa pli gran ki so met, me tou seki gagn enn bon formasion pou kouma so met. 41Kifer to trouv lapay dan lizie to prosin, me to pa trouv poto ki dan to lizie? 42Oubien, kouma to kapav dir to prosin, ‘Frer, les mo retir lapay ki dan to lizie,’ kan tomem to pa trouv poto dan to prop lizie? Twa ipokrit, tir poto ki dan to lizie avan, lerla to pou trouv kler pou tir lapay dan lizie to prosin.
Enn pie ek so fri
(Mt 7:16-20; 12:33-35)
43“Okenn bon zarb fritie kapav donn fri gate, ek enn move zarb pa kapav donn bon fri; 44nou rekonet sak pie par so fri. Pa kapav ramas fig dan pikan, ni rezin lor raket. 45Enn bon dimoun prodwir dibien depi bon trezor ki dan so leker, e move dimoun prodwir lemal depi so move trezor; parski labous exprim seki debord dan leker.
De Fondasion
(Mt 7:24-27)
46“Kifer zot apel mwa Segner, Segner, me zot pa fer seki mo dir? 47Mo pou montre zot kouma li ete sa dimoun ki vinn ar mwa la, ki ekout mo parol e met li anpratik. 48Li parey kouma enn dimoun ki pe mont so lakaz. Li fouy enn transe bien fon, li poz fondasion la lor enn pavaz ros; letan inondasion vini, larivier deborde, bat ar lakaz la; lakaz la pa kraze parski li bien solid. 49Me dimoun ki ekout mo parol me pa met li anpratik, li kouma enn dimoun ki finn mont so lakaz san fouy fondasion. Kouma larivier desann, li balye lakaz la, nanye pa reste.”
Currently Selected:
Lk 6: NTKM2009
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.
Lk 6
6
Zezi koz lor saba
(Mt 12:1-8; Mk 2:23-28)
1Enn zour saba, Zezi ti pe pas dan karo dible, so bann disip ti pe kas zepi dible, ki zot ti pe frot dan zot lame e zot ti pe manz lagrin la. 2Detrwa Farizien dir, “Kifer zour saba zot pe fer seki pa gagn drwa fer dapre lalwa?” 3Zezi reponn, “Eski zot pa finn lir seki David ek so bann kamarad ti fer kan zot ti pe gagn fin? 4Li ti rant dan lakaz Bondie, li ti pran dipin ki finn ofer Bondie, li finn manz li e li finn donn so bann kamarad osi. Dapre lalwa zis bann pret tousel gagn drwa manz sa dipin la.” 5Zezi redir zot, “Garson Limanite limem propriyeter saba.”
Enn boug lame paralize
(Mt 12:9-14; Mk 3:1-6)
6Enn lot zour saba, letan li rant dan sinagog e ki li ti pe ansegne, ti ena enn boug prezan ki so lame drwat ti paralize. 7Bann dokter lalwa ek bann Farizien ti pe vey li, pou gete si pa li pou fer gerizon zour saba; koumsa zot ti pou gagn enn pwin pou met enn sarz lor li. 8Me Zezi ti konn zot panse, li dir sa dimoun ki ena lame paralize la, “Leve vinn dibout devan.” Lerla dimoun la leve, li vinn dibout devan zot. 9Apre sa Zezi dir ar bannla, “Mo poz zot enn kestion: ki lalwa permet zour saba? Fer dibien oubien fer dimal? Sov lavi ou detrir lavi?” 10Li get bann ki ti otour li, e li dir paralize la, “Dres to lame.” Li fer seki dir li, e so lame revinn normal. 11Bannla irite e zot diskit ant zotmem pou kone ki kapav fer ar Zezi.
Zezi swazir douz Apot
(Mt 10:1-4; Mk 3:13-19)
12Zezi mont lor montagn pou priye. Li pas lanwit priye Bondie. 13Letan barlizour leve, li apel so bann disip, e li swazir douz parmi zot, li donn zot nom apot. 14Ti ena Simon - li ti apel li Pier - ek so frer Andre, Zak ek Zan, Filip ek Bartelmi, 15Matie ek Toma, Zak garson Alfe ek Simon ki ti apel Zelot, 16Zida garson Zak ek Zida Iskaryot, ki ti trair Zezi.
Zezi ansegne ek geri
(Mt 4:23-25)
17Zezi desann ansam ar zot e li aret dan enn landrwa plat. Enn kantite disip ek enn gran lafoul dimoun ki vinn depi Zide, Zerizalem ek danbor lakot Tir ek Sidon ti la osi. 18Zot ti vinn ekout li e pou gagn zot gerizon. Bann ki ti tourmante par lespri malsin ti geri. 19Tou dimoun ki dan lafoul ti pe sey tous li, parski enn lafors ti pe sorti dan li e ti pe geri zot tou.
Benediksion ek malediksion
(Mt 5:1-12)
20Apre sa Zezi get so bann disip e li dir,
“Bienere zot ki bann pov,
Rwayom Bondie pou zot.
21Bienere zot ki gagn fin asterla,
zot pou rasazie.
Bienere zot ki pe plore asterla,
zot pou riye.
22Bienere kan dimoun air zot, e kan met zot deor, insilte zot, abes zot, mal parl zot akoz Garson Limanite. 23Rant dan lazwa sa zour la, sot anler, parski enn gran rekonpans pe atann zot dan lesiel; parski koumsamem zot bann gran dimoun ti maltret bann profet.
24Bienmalere zot ki bann ris
parski zot finn deza resevwar zot konsolasion.
25Bienmalere zot ki viv dan labondans aster,
parski zot pou gagn fin.
Bienmalere zot ki pe riye aster,
parski zot pou andey e zot pou plore.
26Bienmalere kan tou dimoun koz lor zot anbien,
parski koumsamem zot gran dimoun ti fer ar bann fos profet.
Kontan zot bann lennmi
(Mt 5:38-48; 7:12a)
27“Me mwa mo pe dir ar zot ki pe ekout mwa, kontan zot lennmi, fer dibien dimoun ki air zot, 28beni dimoun ki modi zot, priye pou seki maltret zot. 29Si kikenn tap twa enn kalot lor to lazou, donn li lot kote lazou; si kikenn pran to palto, pa anpes li pran to simiz osi. 30Donn tou dimoun ki dimann twa sarite; e si kikenn pran to dibien, pa dir li rann twa. 31Seki to ti a kontan lezot fer pou twa, fer samem pou zot. 32Si to kontan zis bann seki kontan twa, ki rekonesans to merite ladan? Parski mem bann peser kontan seki kontan zot. 33Si to fer dibien zis pou dimoun ki fer dibien pou twa, ki to merite ladan? Mem bann peser fer parey. 34Si to pret zis dimoun ki to krwar pou rann twa, ki to merite ladan? Mem bann peser pret bann peser, pou ki zot resevwar mem som larzan. 35Me zot, kontan zot lennmi, fer dibien, e prete san atann nanye anretour. Zot rekonpans pou gran, e zot pou zanfan Bondie Treo parski li bon ar bann ingra ek bann move. 36Montre enn leker ranpli ar mizerikord parey kouma Bondie zot Papa.”
Pa ziz lezot
(Mt 7:1-5)
37“Pa port zizman e personn pa pou ziz zot; pa kondane e personn pa pou kondann zot. Pardone, zot pou gagn pardon. 38Done, zot pou resevwar dan pos zot tabliye enn mezir bien ranpli, bien dame e ki pe deborde; mezir ki to servi pou lezot, samem mezir ki pou servi pou twa.”
39Zezi servi bann parabol ankor e li dir zot, “Eski enn aveg kapav gid enn lot aveg? Sinon eski toulede pa pou tom dan trou? 40Enn disip pa pli gran ki so met, me tou seki gagn enn bon formasion pou kouma so met. 41Kifer to trouv lapay dan lizie to prosin, me to pa trouv poto ki dan to lizie? 42Oubien, kouma to kapav dir to prosin, ‘Frer, les mo retir lapay ki dan to lizie,’ kan tomem to pa trouv poto dan to prop lizie? Twa ipokrit, tir poto ki dan to lizie avan, lerla to pou trouv kler pou tir lapay dan lizie to prosin.
Enn pie ek so fri
(Mt 7:16-20; 12:33-35)
43“Okenn bon zarb fritie kapav donn fri gate, ek enn move zarb pa kapav donn bon fri; 44nou rekonet sak pie par so fri. Pa kapav ramas fig dan pikan, ni rezin lor raket. 45Enn bon dimoun prodwir dibien depi bon trezor ki dan so leker, e move dimoun prodwir lemal depi so move trezor; parski labous exprim seki debord dan leker.
De Fondasion
(Mt 7:24-27)
46“Kifer zot apel mwa Segner, Segner, me zot pa fer seki mo dir? 47Mo pou montre zot kouma li ete sa dimoun ki vinn ar mwa la, ki ekout mo parol e met li anpratik. 48Li parey kouma enn dimoun ki pe mont so lakaz. Li fouy enn transe bien fon, li poz fondasion la lor enn pavaz ros; letan inondasion vini, larivier deborde, bat ar lakaz la; lakaz la pa kraze parski li bien solid. 49Me dimoun ki ekout mo parol me pa met li anpratik, li kouma enn dimoun ki finn mont so lakaz san fouy fondasion. Kouma larivier desann, li balye lakaz la, nanye pa reste.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.