Mt 28
28
Rezireksion Zezi
(Mk 16:1-10; Lk 24:1-12; Zn 20:1-10)
1Lelandime saba, premie zour lasemenn, kan soley pe leve, Marie-Madlenn ek lot Marie al kot tonbo. 2Enn sel kout ti ena enn gran tranblemandeter parski enn anz Lesegner ki ti desann depi lesiel, ti pous sa gro ros la e li ti asiz lor la. 3Li ti kouma enn zekler e so linz ti blan kouma lanez. 4Bann gard ti telman per ki zot koumans tranble e zot ti vinn parey kouma dimoun mor. 5Anz la dir bann madam la, “Pa gagn per. Mo kone ki zot pe rod Zezi, limem ki bann la finn krisifie; 6li nepli la, li finn resisite parey kouma li finn dir. Rantre, gete kot ti met so lekor. 7Degaze al dir so bann disip, ‘Li finn resisite parmi bann mor e li pe atann zot Galile.’ Zot pou trouv li laba. Ala seki mo ti ena pou dir zot.” 8Zot sorti toutswit dan tonbo leker ranpli ar lafreyer e zot ti dan enn gran lazwa anmemtan. Zot galoupe pou al anons sa nouvel la bann disip. 9Ala ki Zezi vinn devan zot e li dir zot, “Shalom.” Zot koste ar li, zot atrap so lipie e zot ador li. 10Zezi dir zot, “Pa gagn per; al dir mo bann frer ek mo bann ser, al Galile; laba zot pou trouv mwa.”
Zistwar bann gard
11Letan bann fam la ti pe ale lor sime, detrwa gard retourn dan lavil e rakont bann sef pret tou seki finn pase. 12Bann sef pret la ek bann ansien tom dakor pou donn enn gro som lamone bann gard la, 13e dir zot, “Zot bizin dir ki bann disip sa boug la finn vinn kokin so lekor dan lanwit letan zot ti pe dormi. 14Si gouverner aprann sa, nou pou kapav konvink li pouki zot pa gagn problem.” 15Bann gard pran larzan la e fer exakteman dapre bann instriksion ki zot finn gagne. Koumsamem sa zistwar la finn fane parmi bann Zwif ziska zordi.
Zezi paret devan so bann disip
(Mk 16:14-18; Lk 24:36-49; Zn 20:19-23; Zis 1:6-8)
16Onz disip Zezi al Galile, lor kolinn kot li finn donn zot randevou. 17Letan bann la trouv li, zot ador li me enn-de parmi zot ti ankor pe doute. 18Zezi vinn pre ar zot e dir zot, “Finn donn mwa tou pouvwar dan lesiel ek lor later, 19Al dan tou bann pep ki ena e fer zot vinn mo bann disip; batiz zot lor nom mo Papa, lor nom so Garson e lor nom Lespri Sin. 20Montre zot met anpratik tou seki mo finn komann zot. Pa bliye, mo avek zot toulezour ziska lafin-dimonn.”
Currently Selected:
Mt 28: NTKM2009
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.
Mt 28
28
Rezireksion Zezi
(Mk 16:1-10; Lk 24:1-12; Zn 20:1-10)
1Lelandime saba, premie zour lasemenn, kan soley pe leve, Marie-Madlenn ek lot Marie al kot tonbo. 2Enn sel kout ti ena enn gran tranblemandeter parski enn anz Lesegner ki ti desann depi lesiel, ti pous sa gro ros la e li ti asiz lor la. 3Li ti kouma enn zekler e so linz ti blan kouma lanez. 4Bann gard ti telman per ki zot koumans tranble e zot ti vinn parey kouma dimoun mor. 5Anz la dir bann madam la, “Pa gagn per. Mo kone ki zot pe rod Zezi, limem ki bann la finn krisifie; 6li nepli la, li finn resisite parey kouma li finn dir. Rantre, gete kot ti met so lekor. 7Degaze al dir so bann disip, ‘Li finn resisite parmi bann mor e li pe atann zot Galile.’ Zot pou trouv li laba. Ala seki mo ti ena pou dir zot.” 8Zot sorti toutswit dan tonbo leker ranpli ar lafreyer e zot ti dan enn gran lazwa anmemtan. Zot galoupe pou al anons sa nouvel la bann disip. 9Ala ki Zezi vinn devan zot e li dir zot, “Shalom.” Zot koste ar li, zot atrap so lipie e zot ador li. 10Zezi dir zot, “Pa gagn per; al dir mo bann frer ek mo bann ser, al Galile; laba zot pou trouv mwa.”
Zistwar bann gard
11Letan bann fam la ti pe ale lor sime, detrwa gard retourn dan lavil e rakont bann sef pret tou seki finn pase. 12Bann sef pret la ek bann ansien tom dakor pou donn enn gro som lamone bann gard la, 13e dir zot, “Zot bizin dir ki bann disip sa boug la finn vinn kokin so lekor dan lanwit letan zot ti pe dormi. 14Si gouverner aprann sa, nou pou kapav konvink li pouki zot pa gagn problem.” 15Bann gard pran larzan la e fer exakteman dapre bann instriksion ki zot finn gagne. Koumsamem sa zistwar la finn fane parmi bann Zwif ziska zordi.
Zezi paret devan so bann disip
(Mk 16:14-18; Lk 24:36-49; Zn 20:19-23; Zis 1:6-8)
16Onz disip Zezi al Galile, lor kolinn kot li finn donn zot randevou. 17Letan bann la trouv li, zot ador li me enn-de parmi zot ti ankor pe doute. 18Zezi vinn pre ar zot e dir zot, “Finn donn mwa tou pouvwar dan lesiel ek lor later, 19Al dan tou bann pep ki ena e fer zot vinn mo bann disip; batiz zot lor nom mo Papa, lor nom so Garson e lor nom Lespri Sin. 20Montre zot met anpratik tou seki mo finn komann zot. Pa bliye, mo avek zot toulezour ziska lafin-dimonn.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.