Mk 11
11
Zezi rant dan Zerizalem
(Mt 21:1-11; Lk 19:28-40; Zn 12:12-19)
1Kan zot ariv pre ar Zerizalem, parti Betfaze ek Betani, akote kolinn Pie Zoliv, Zezi avoy de disip e 2li dir zot, “Al dan vilaz ki devan zot; kouma zot ariv laba, zot pou trouv enn ti-bourik ki atase; personn pa finn deza mont li, delarg li, amenn li isi. 3Si kikenn dimann zot, ‘Kifer zot pe fer sa?’ nek dir, ‘Lesegner bien bizin bourik la; kouma li fini, li pou retourn li.’ ”
4Zot ale e zot trouv ti bourik atase, deor lor lari, pre ar enn laport. Kouma zot pe delarg li, 5detrwa dimoun ki ti dan paraz dir zot, “Ki zot pe fer, kifer zot pe delarg sa ti bourik la?” 6Zot reponn bannla parey kouma Zezi ti dir zot, lerla bannla les zot trankil. 7Zot amenn ti bourik la ar Zezi; zot zet zot linz lor li; Zezi asiz lor so ledo. 8Enn parti dimoun ti pe tal zot linz anba, enn lot bann ti pe tal ramo ki zot ti finn al koupe dan karo. 9Bann ki ti pe mars devan e bann ki ti pe swiv par deryer, ti pe kriye, “Ozana! Sa Dimoun ki pe vini lor nom nou Segner, finn beni. 10Regn nou papa David ki pe vini, finn beni, Ozana pli lao dan lesiel.”
11Zezi rant dan Zerizalem, li pran direksion tanp, li get partou kote; me kouma ti deza tar, li sorti, li al Betani avek Ledouz.
Zezi modi enn pie fig
(Mt 21:18-19)
12Landime, letan zot kit Betani, Zezi ti pe gagn fin. 13Depi lwin li trouv enn pie fig kouver ar fey; li aprose pou gete si li trouv kiksoz pou manze. Letan li vinn pre ar li, li pa trouv nanye, ti ena zis feyaz parski pa ti ankor sezon fig. 14Alor li dir sa pie fig la, “Zame ankor personn pou manz to fri!” So bann disip tann sa koze la.
Zezi netway tanp prop
(Mt 21:12-17; Lk 19:45-48; Zn 2:13-22)
15Letan zot ariv Zerizalem, Zezi al direk dan tanp. Li koumans farous tou bann marsan ek tou bann kliyan ki ti pe fer komers dan tanp, li devir latab bann sanzer-kas anbalao e li ranvers sez bann marsan pizon. 16Li pa les personn mars avek okenn lartik dan tanp. 17Lerla li ansegn zot, li dir, “Eski pa finn ekrir ki pou apel mo lakaz, lakaz lapriyer pou tou bann nasion? Me zot, zot finn fer li vinn enn kavern voler.” 18Kan sef bann pret ek bann dokter lalwa finn konn sa, zot ti pe rode kouma pou touy li, me zot ti gagn per li parski lafoul ti apresie so lansegnman. 19Kouma koumans fer nwar, Zezi ek so bann disip sorti andeor lavil.
Zistwar pie fig (laswit ek lafin)
(Mt 21:20-22)
20Boner gramatin, letan zot pe marse dan bor sime, zot trouv pie fig la finn sek ziska so rasinn. 21Pier rapel saki ti finn pase e li dir, “Rabi, get pie fig ki to finn modi la; ala li finn sek.” 22Zezi reponn zot, “Met to lafwa dan Bondie. 23Laverite mo dir zot, si kikenn dir sa montagn la, ‘Leve, al zet twa dan lamer,’ si li pena dout dan so leker, me lafwa dan saki li pe dir, samem pou arive. 24Akoz samem mo dir zot, tou saki zot dimande dan lapriyer, krwar ki zot finn fini gagn li, e zot pou gagn li. 25Kan zot vinn devan Bondie pou priye, si zot ena kiksoz kont enn dimoun, al pardonn li, pouki zot papa dan lesiel pardonn osi zot bann fot.” 26[Me si zot pa pardonn lezot, zot Papa ki dan lesiel pa pou pardonn fot ki zot finn fer.#11:26 Dan plizir bann ansien maniskri pena verse 26.]
Bannla kritik pouvwar Zezi
(Mt 21:23-27; Lk 20:1-8)
27Ankor enn fwa Zezi ek so bann disip retourn Zerizalem. Zezi ti pe ale-vini dan tanp; sef bann gran pret, bann dokter lalwa ek bann ansien 28dir li, “Saki to pe fer la, par ki lotorite to pe fer sa? Kisannla finn donn twa lotorite pou fer tousala?” 29Zezi dir zot, “Mo pou poz zot enn sel kestion, reponn mwa, lerla mo pou dir zot kisannla finn donn mwa pouvwar pou fer tousala. 30Eski batem Zan sorti depi dan lesiel ou swa dimoun ki finn invant sa? Reponn mwa.” 31Zot fer enn korom, zot kalkile, “Si nou reponn ‘Depi dan lesiel,’ li pou dir, ‘Be ki fer alors zot pa finn krwar dan li?’ 32Me eski nou kapav reponn, ‘Dimoun’?” Zot ti gagn per lafoul parski tou dimoun ti konsider Zan kouma enn profet. 33Alor zot dir Zezi, “Nou pa kone.” Lerla Zezi reponn zot, “Mo osi mo pa pou dir zot kot mo pouvwar sorti.”
Currently Selected:
Mk 11: NTKM2009
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.
Mk 11
11
Zezi rant dan Zerizalem
(Mt 21:1-11; Lk 19:28-40; Zn 12:12-19)
1Kan zot ariv pre ar Zerizalem, parti Betfaze ek Betani, akote kolinn Pie Zoliv, Zezi avoy de disip e 2li dir zot, “Al dan vilaz ki devan zot; kouma zot ariv laba, zot pou trouv enn ti-bourik ki atase; personn pa finn deza mont li, delarg li, amenn li isi. 3Si kikenn dimann zot, ‘Kifer zot pe fer sa?’ nek dir, ‘Lesegner bien bizin bourik la; kouma li fini, li pou retourn li.’ ”
4Zot ale e zot trouv ti bourik atase, deor lor lari, pre ar enn laport. Kouma zot pe delarg li, 5detrwa dimoun ki ti dan paraz dir zot, “Ki zot pe fer, kifer zot pe delarg sa ti bourik la?” 6Zot reponn bannla parey kouma Zezi ti dir zot, lerla bannla les zot trankil. 7Zot amenn ti bourik la ar Zezi; zot zet zot linz lor li; Zezi asiz lor so ledo. 8Enn parti dimoun ti pe tal zot linz anba, enn lot bann ti pe tal ramo ki zot ti finn al koupe dan karo. 9Bann ki ti pe mars devan e bann ki ti pe swiv par deryer, ti pe kriye, “Ozana! Sa Dimoun ki pe vini lor nom nou Segner, finn beni. 10Regn nou papa David ki pe vini, finn beni, Ozana pli lao dan lesiel.”
11Zezi rant dan Zerizalem, li pran direksion tanp, li get partou kote; me kouma ti deza tar, li sorti, li al Betani avek Ledouz.
Zezi modi enn pie fig
(Mt 21:18-19)
12Landime, letan zot kit Betani, Zezi ti pe gagn fin. 13Depi lwin li trouv enn pie fig kouver ar fey; li aprose pou gete si li trouv kiksoz pou manze. Letan li vinn pre ar li, li pa trouv nanye, ti ena zis feyaz parski pa ti ankor sezon fig. 14Alor li dir sa pie fig la, “Zame ankor personn pou manz to fri!” So bann disip tann sa koze la.
Zezi netway tanp prop
(Mt 21:12-17; Lk 19:45-48; Zn 2:13-22)
15Letan zot ariv Zerizalem, Zezi al direk dan tanp. Li koumans farous tou bann marsan ek tou bann kliyan ki ti pe fer komers dan tanp, li devir latab bann sanzer-kas anbalao e li ranvers sez bann marsan pizon. 16Li pa les personn mars avek okenn lartik dan tanp. 17Lerla li ansegn zot, li dir, “Eski pa finn ekrir ki pou apel mo lakaz, lakaz lapriyer pou tou bann nasion? Me zot, zot finn fer li vinn enn kavern voler.” 18Kan sef bann pret ek bann dokter lalwa finn konn sa, zot ti pe rode kouma pou touy li, me zot ti gagn per li parski lafoul ti apresie so lansegnman. 19Kouma koumans fer nwar, Zezi ek so bann disip sorti andeor lavil.
Zistwar pie fig (laswit ek lafin)
(Mt 21:20-22)
20Boner gramatin, letan zot pe marse dan bor sime, zot trouv pie fig la finn sek ziska so rasinn. 21Pier rapel saki ti finn pase e li dir, “Rabi, get pie fig ki to finn modi la; ala li finn sek.” 22Zezi reponn zot, “Met to lafwa dan Bondie. 23Laverite mo dir zot, si kikenn dir sa montagn la, ‘Leve, al zet twa dan lamer,’ si li pena dout dan so leker, me lafwa dan saki li pe dir, samem pou arive. 24Akoz samem mo dir zot, tou saki zot dimande dan lapriyer, krwar ki zot finn fini gagn li, e zot pou gagn li. 25Kan zot vinn devan Bondie pou priye, si zot ena kiksoz kont enn dimoun, al pardonn li, pouki zot papa dan lesiel pardonn osi zot bann fot.” 26[Me si zot pa pardonn lezot, zot Papa ki dan lesiel pa pou pardonn fot ki zot finn fer.#11:26 Dan plizir bann ansien maniskri pena verse 26.]
Bannla kritik pouvwar Zezi
(Mt 21:23-27; Lk 20:1-8)
27Ankor enn fwa Zezi ek so bann disip retourn Zerizalem. Zezi ti pe ale-vini dan tanp; sef bann gran pret, bann dokter lalwa ek bann ansien 28dir li, “Saki to pe fer la, par ki lotorite to pe fer sa? Kisannla finn donn twa lotorite pou fer tousala?” 29Zezi dir zot, “Mo pou poz zot enn sel kestion, reponn mwa, lerla mo pou dir zot kisannla finn donn mwa pouvwar pou fer tousala. 30Eski batem Zan sorti depi dan lesiel ou swa dimoun ki finn invant sa? Reponn mwa.” 31Zot fer enn korom, zot kalkile, “Si nou reponn ‘Depi dan lesiel,’ li pou dir, ‘Be ki fer alors zot pa finn krwar dan li?’ 32Me eski nou kapav reponn, ‘Dimoun’?” Zot ti gagn per lafoul parski tou dimoun ti konsider Zan kouma enn profet. 33Alor zot dir Zezi, “Nou pa kone.” Lerla Zezi reponn zot, “Mo osi mo pa pou dir zot kot mo pouvwar sorti.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.