मरकुस 3
3
आकुड़े अँदें हाथो वाल़ा चाँगा करा
(मत्ती 12:9-14; लूका 6:6-11)
1जबे प्रभू यीशू मसीया यहूदी लोगो के यहूदी-च़ौंतरे दे थिऐ, जेथै ऐक आदमी थिया, जेस्का हाथ शुका-आकुड़ा अंदा थिया। 2कुछ आदमी ईयों ताक दे थिऐ, के बिषाँव के देसे प्रभू यीशू मसीया ऐ ऐसी आदमी चाँगा करा चैई थिया, जू अमाँरे ऐसी दुषी कसूरबार बाणीला। 3प्रभू यीशू ऐ तेसी शूके अंदे हाथो वाल़े आदमी खे बुलो, के “बिचो दा खड़ा हो।” 4प्रभू यीशू ऐ तिनखे बुलो, कियो रे, “बिषाँव के देसे भलो कर्णो ठीक असो, के बुरो कर्णो ठीक असो, निय्म के हिसाब शो ऐतलो पराँण जीवन बचाँणें ठीक असो, के मार्णे ठीक असो”, परह् से बादे झुणें चुप्पी रूऐ। 5प्रभू यीशू ऐ तिनके सासो के कुठूरता दे:खियों, दु:खी हऐयों घीपियों चफेर दे:खो, अरह् तेसी आदमी खे बुलो, “आप्णा हाथ दे”, अरह् तेस्का हाथ चाँगा हुआ। 6तबे यहूदी भाट-बाँम्ण बाँईडे हुटियों तेख्णी हेरोदियों की गईलो तिनखे कातंदें-ठाटदे लागे, के ऐसी केशा दाँई फंशायाँ ज़ाव।
लोगो की भीड़ प्रभू यीशू पाछी चाली
7प्रभू यीशू आप्णे चैले आरी झीलो के ढबे हुटे: तअ गलील, अरह् यहूदिया, ईलाके शी लोगो के ऐक बैजाऐ बैशुमाँर बड़ी भीड़ तिनू पाछी चाली। 8तबे यहूदिया, यरूशलेम, इदूमिया, अरह् यरदन शे पाईले ढबे के सूर अरह् सेदा के चौऊँ ढबे शी लोगो की लाँम्बों की लाँम्बों ऐजो शुणियों लागी के से कैष्णें च़ींन-चंम्तकार के काँम-काज़ करह्; से तिन्दें देख्दे तिन कैई आऐ। 9प्रभू यीशू ऐ आप्णे चैले खे बुलो के, “लोगो की ईयों बड़ी भीड़ो के दबावे के कारण मुँखे ऐक नहाँन्ड़ी नाँव तियार थुऐ, जू ईनू लोगों का ढूसरोल़ा मुँह गाशी ने पड़ो।” 10प्रभू यीशू ऐ भहीते लोग चाँगे करे, ईन्देंखे सेजे लोग जुण्जे बीमार थिऐ, से सिर्फ तिनू छूणों के ईरादे शे तिनू गाशी रिड़दे लागे थिऐ, अरह् तबे ही तिनका ढूसरोल़ा तिनू गाशी पड़ो थिया। 11जबे कद्दी दुष्ट-आत्त्माऐं तिनके साम्णें आँव थी, तअ से तिनके साम्णें लेल्याऐ-लेल्याऐयों बुलो थी, के तूँ पंणमिश्वर का बैटा असो। 12परह् प्रभू यीशू मसीया ऐ तिन्खे पाक्की चिताऐयों अज्ञाँ दिती, के ऐजो तुँऐं कोसी कैई ने बुले।
प्रभू यीशू ऐ बारह् खास-चैले छाँटे
(मत्ती 10:1-4; लूका 6:12-16)
13तबे प्रभू यीशू धारंह् गाशी हुटे, तेथै तिन्ऐं तिनू आपु कैई बईदे, जिनू तिन्ऐं ठीक जाँणें अरह् से तिनू कैई आऐ। 14तबे प्रभू यीशू ऐ बारह् चैले चूणें-छाँटे, के से तिनकी गईलो-गईलो रंह्, अरह् से तिनू पंणमिश्वर की खुषख्बरी का प्रचार कर्दे डियाल़ो; 15अरह् तिनू आप्णें चैले खे दुष्ट-आत्त्मा गाड़णों का भे हंक-अधिकार दिता। 16प्रभू यीशू के चूणें-छ़ाँटे अंदे तिनू बारह् चैले के नाँव ऐजे असो: शमौन जेस्को तिन्ऐ पतरस नाँव थो। 17अरह् जब्दी के बैटे याकूब अरह् याकूब का भाऐ यूहन्ना, जेस्को नाँव प्रभू यीशू ऐ बूअनरगिस मतल्व “गर्जन के बैटे” थो, 18अरह् अन्द्रियास, अरह् फिलिप्पुस, अरह् बरतुल्मै, अरह् मत्ती, अरह् थोमा, अरह् हलफई का बैटा याकूब, अरह् तद्दै, अरह् शमौन कनानी, 19अरह् यहूदा इस्करियोती जेने प्रभू यीशू धोखे शे थँम्बड़ाऐं थिऐ।
प्रभू यीशू अरह् बालजबुल
(मत्ती 12:22-32; लूका 11:14-23; 12:10)
20जबे प्रभू यीशू मसीया कोसी के घर दे थिऐ, तअ हजो लोगो के ऐक बैशुमाँर बड़ी भीड़ तिन कैई कठी हऐ, ऐते ज़ूगी के तिनके भोजन करणा भे मुँशकिल हुवा। 21जबे प्रभू यीशू मसीया के कुड़्बे वाल़े कैई ऐजा पता लागा, तअ से तिनू आप्णी गईलो निणों खे तेथै आऐ, किन्देंखे के तिनका ऐजा बिचार थिया, के ऐस्दी तअ झाल लागी रंऐ, ऐ केंई ज़ाऐ रूवा। 22यरूशलेम नंगर शे तेथै आऐं, यहूदी-निय्म के शिखाणों वाल़े, का ऐजा मंत्त थिया, के यीशू मसीया दा शैतान असो, अरह् ऐ दुष्ट-आत्त्मा के राजा शैतान की सहाँऐता-मद्दत्त शी दुष्ट-आत्त्मा नीकाल़ो। 23तबे प्रभू यीशू ऐ तिनू नंजीक बईदे अरह् तिनकी गईलो अनाँणें देऐयों बातो कर्दे लागे के, “शैतान कैशा दाँई शैतान गाड़ी सको? 24जे कोसी राज्य दे फूट पड़ो, तअ सेजो राज्य अट्ल़ ने रंह्दो? 25अरह् जे कोसी घर दे फूट पड़ो, तअ सेजो घर अट्ल़ ने रंह्दो? 26ईन्देंखे जे शैतान आप्णा बऐरी आपु बंण्ला, तअ तेसको राज अटल़ ने रंऐ सक्दो? परह् तेस्को तअ छ़:छ़तिया नाँष होंदो। 27परह् कुँऐं आदमी कोसी मोंह्ड़ो आदमी को घर का माँल़ ने लोंटी सक्दा, जाँव तोड़ी तेसी मोंह्ड़ आदमी बाँनी ने दियों, तबे से तेस्को घर लोंटी सको ऐजी सचाऐं असो।
28“हाँव तुँओं खे खास बात बुलू: के आदमी के जाँणें करे गुऐ बादे पाप माँफ कर्णो ज़ूगे हों। 29परह् जू कुँऐं पबित्र-आत्त्मा के बिरूध दी नीदया-चुगली करला, तेस्खे कद्दी भे माफ ने कर्दो: सेजा आदमी सदा के पाप का दुषी कसूरबार असो।” 30किन्देंखे के से बुलो थिऐ, के प्रभू यीशू दे दुष्ट-आत्त्मा असो।
प्रभू यीशू के माँ अरह् भाऐ
(मत्ती 12:46-50; लूका 8:19,21)
31तबे प्रभू यीशू के माँ, अरह् भाऐ आऐ, अरह् बाऐर खह्ल़ियों तिनखे बुलावा भेजा। 32परह् लोग प्रभू यीशू बाऐरे चफेर बऐठी रूऐ थिऐ, अरह् तिन्ऐ तिनखे बुलो, “दे:खो, तुँवारी माँ, अरह् भाऐ बाऐर आऐ रूऐ, तिन्ऐ तुँओं बाईडे बऐदी लुऐ।” 33प्रभू यीशू ऐ तिनखे जबाब दिता, “मेरी माँ अरह् मेरे भाऐ कुँण असो?” 34अरह् तिनू गाशी जुण्जे तिनू बाऐरे चफेर बऐठी रूऐ थिऐ, तिन दी झ़ैठो पाऐंयों बुलो, “दे:खो, मेरी माँ, अरह् मेरे भाऐ ऐजे असो। 35किन्देंखे के जुण्जे कुँऐं पंणमिश्वर के हिछ़या दे चालो, सेजे ही मेरे भाऐ, अरह् मेरी बईणों, अरह् मेरी माँ असो।”
Currently Selected:
मरकुस 3: sri
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
मरकुस 3
3
आकुड़े अँदें हाथो वाल़ा चाँगा करा
(मत्ती 12:9-14; लूका 6:6-11)
1जबे प्रभू यीशू मसीया यहूदी लोगो के यहूदी-च़ौंतरे दे थिऐ, जेथै ऐक आदमी थिया, जेस्का हाथ शुका-आकुड़ा अंदा थिया। 2कुछ आदमी ईयों ताक दे थिऐ, के बिषाँव के देसे प्रभू यीशू मसीया ऐ ऐसी आदमी चाँगा करा चैई थिया, जू अमाँरे ऐसी दुषी कसूरबार बाणीला। 3प्रभू यीशू ऐ तेसी शूके अंदे हाथो वाल़े आदमी खे बुलो, के “बिचो दा खड़ा हो।” 4प्रभू यीशू ऐ तिनखे बुलो, कियो रे, “बिषाँव के देसे भलो कर्णो ठीक असो, के बुरो कर्णो ठीक असो, निय्म के हिसाब शो ऐतलो पराँण जीवन बचाँणें ठीक असो, के मार्णे ठीक असो”, परह् से बादे झुणें चुप्पी रूऐ। 5प्रभू यीशू ऐ तिनके सासो के कुठूरता दे:खियों, दु:खी हऐयों घीपियों चफेर दे:खो, अरह् तेसी आदमी खे बुलो, “आप्णा हाथ दे”, अरह् तेस्का हाथ चाँगा हुआ। 6तबे यहूदी भाट-बाँम्ण बाँईडे हुटियों तेख्णी हेरोदियों की गईलो तिनखे कातंदें-ठाटदे लागे, के ऐसी केशा दाँई फंशायाँ ज़ाव।
लोगो की भीड़ प्रभू यीशू पाछी चाली
7प्रभू यीशू आप्णे चैले आरी झीलो के ढबे हुटे: तअ गलील, अरह् यहूदिया, ईलाके शी लोगो के ऐक बैजाऐ बैशुमाँर बड़ी भीड़ तिनू पाछी चाली। 8तबे यहूदिया, यरूशलेम, इदूमिया, अरह् यरदन शे पाईले ढबे के सूर अरह् सेदा के चौऊँ ढबे शी लोगो की लाँम्बों की लाँम्बों ऐजो शुणियों लागी के से कैष्णें च़ींन-चंम्तकार के काँम-काज़ करह्; से तिन्दें देख्दे तिन कैई आऐ। 9प्रभू यीशू ऐ आप्णे चैले खे बुलो के, “लोगो की ईयों बड़ी भीड़ो के दबावे के कारण मुँखे ऐक नहाँन्ड़ी नाँव तियार थुऐ, जू ईनू लोगों का ढूसरोल़ा मुँह गाशी ने पड़ो।” 10प्रभू यीशू ऐ भहीते लोग चाँगे करे, ईन्देंखे सेजे लोग जुण्जे बीमार थिऐ, से सिर्फ तिनू छूणों के ईरादे शे तिनू गाशी रिड़दे लागे थिऐ, अरह् तबे ही तिनका ढूसरोल़ा तिनू गाशी पड़ो थिया। 11जबे कद्दी दुष्ट-आत्त्माऐं तिनके साम्णें आँव थी, तअ से तिनके साम्णें लेल्याऐ-लेल्याऐयों बुलो थी, के तूँ पंणमिश्वर का बैटा असो। 12परह् प्रभू यीशू मसीया ऐ तिन्खे पाक्की चिताऐयों अज्ञाँ दिती, के ऐजो तुँऐं कोसी कैई ने बुले।
प्रभू यीशू ऐ बारह् खास-चैले छाँटे
(मत्ती 10:1-4; लूका 6:12-16)
13तबे प्रभू यीशू धारंह् गाशी हुटे, तेथै तिन्ऐं तिनू आपु कैई बईदे, जिनू तिन्ऐं ठीक जाँणें अरह् से तिनू कैई आऐ। 14तबे प्रभू यीशू ऐ बारह् चैले चूणें-छाँटे, के से तिनकी गईलो-गईलो रंह्, अरह् से तिनू पंणमिश्वर की खुषख्बरी का प्रचार कर्दे डियाल़ो; 15अरह् तिनू आप्णें चैले खे दुष्ट-आत्त्मा गाड़णों का भे हंक-अधिकार दिता। 16प्रभू यीशू के चूणें-छ़ाँटे अंदे तिनू बारह् चैले के नाँव ऐजे असो: शमौन जेस्को तिन्ऐ पतरस नाँव थो। 17अरह् जब्दी के बैटे याकूब अरह् याकूब का भाऐ यूहन्ना, जेस्को नाँव प्रभू यीशू ऐ बूअनरगिस मतल्व “गर्जन के बैटे” थो, 18अरह् अन्द्रियास, अरह् फिलिप्पुस, अरह् बरतुल्मै, अरह् मत्ती, अरह् थोमा, अरह् हलफई का बैटा याकूब, अरह् तद्दै, अरह् शमौन कनानी, 19अरह् यहूदा इस्करियोती जेने प्रभू यीशू धोखे शे थँम्बड़ाऐं थिऐ।
प्रभू यीशू अरह् बालजबुल
(मत्ती 12:22-32; लूका 11:14-23; 12:10)
20जबे प्रभू यीशू मसीया कोसी के घर दे थिऐ, तअ हजो लोगो के ऐक बैशुमाँर बड़ी भीड़ तिन कैई कठी हऐ, ऐते ज़ूगी के तिनके भोजन करणा भे मुँशकिल हुवा। 21जबे प्रभू यीशू मसीया के कुड़्बे वाल़े कैई ऐजा पता लागा, तअ से तिनू आप्णी गईलो निणों खे तेथै आऐ, किन्देंखे के तिनका ऐजा बिचार थिया, के ऐस्दी तअ झाल लागी रंऐ, ऐ केंई ज़ाऐ रूवा। 22यरूशलेम नंगर शे तेथै आऐं, यहूदी-निय्म के शिखाणों वाल़े, का ऐजा मंत्त थिया, के यीशू मसीया दा शैतान असो, अरह् ऐ दुष्ट-आत्त्मा के राजा शैतान की सहाँऐता-मद्दत्त शी दुष्ट-आत्त्मा नीकाल़ो। 23तबे प्रभू यीशू ऐ तिनू नंजीक बईदे अरह् तिनकी गईलो अनाँणें देऐयों बातो कर्दे लागे के, “शैतान कैशा दाँई शैतान गाड़ी सको? 24जे कोसी राज्य दे फूट पड़ो, तअ सेजो राज्य अट्ल़ ने रंह्दो? 25अरह् जे कोसी घर दे फूट पड़ो, तअ सेजो घर अट्ल़ ने रंह्दो? 26ईन्देंखे जे शैतान आप्णा बऐरी आपु बंण्ला, तअ तेसको राज अटल़ ने रंऐ सक्दो? परह् तेस्को तअ छ़:छ़तिया नाँष होंदो। 27परह् कुँऐं आदमी कोसी मोंह्ड़ो आदमी को घर का माँल़ ने लोंटी सक्दा, जाँव तोड़ी तेसी मोंह्ड़ आदमी बाँनी ने दियों, तबे से तेस्को घर लोंटी सको ऐजी सचाऐं असो।
28“हाँव तुँओं खे खास बात बुलू: के आदमी के जाँणें करे गुऐ बादे पाप माँफ कर्णो ज़ूगे हों। 29परह् जू कुँऐं पबित्र-आत्त्मा के बिरूध दी नीदया-चुगली करला, तेस्खे कद्दी भे माफ ने कर्दो: सेजा आदमी सदा के पाप का दुषी कसूरबार असो।” 30किन्देंखे के से बुलो थिऐ, के प्रभू यीशू दे दुष्ट-आत्त्मा असो।
प्रभू यीशू के माँ अरह् भाऐ
(मत्ती 12:46-50; लूका 8:19,21)
31तबे प्रभू यीशू के माँ, अरह् भाऐ आऐ, अरह् बाऐर खह्ल़ियों तिनखे बुलावा भेजा। 32परह् लोग प्रभू यीशू बाऐरे चफेर बऐठी रूऐ थिऐ, अरह् तिन्ऐ तिनखे बुलो, “दे:खो, तुँवारी माँ, अरह् भाऐ बाऐर आऐ रूऐ, तिन्ऐ तुँओं बाईडे बऐदी लुऐ।” 33प्रभू यीशू ऐ तिनखे जबाब दिता, “मेरी माँ अरह् मेरे भाऐ कुँण असो?” 34अरह् तिनू गाशी जुण्जे तिनू बाऐरे चफेर बऐठी रूऐ थिऐ, तिन दी झ़ैठो पाऐंयों बुलो, “दे:खो, मेरी माँ, अरह् मेरे भाऐ ऐजे असो। 35किन्देंखे के जुण्जे कुँऐं पंणमिश्वर के हिछ़या दे चालो, सेजे ही मेरे भाऐ, अरह् मेरी बईणों, अरह् मेरी माँ असो।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.