Génesis 10
10
Rá se̱ꞌya ichiyúkúnꞌ Noé
1Yaꞌá ví tu̱ꞌun jie̱ꞌe̱ꞌ rá se̱ꞌya ichiyúkúnꞌ ya̱ nkene ráa nu̱u̱nꞌ rá se̱ꞌya yɨ́ɨ́ Noé, ya̱ kúvi Sem, Cam jín Jafet, sáá ni̱yo rá se̱ꞌya rává sáá ya̱ njia̱ꞌa ya̱ nchi̱tú nute nu̱u̱nꞌ ñu̱ꞌún. 2Rá se̱ꞌya yɨ́ɨ́ Jafet kúvi Gomer, jín Magog, jín Madai, jín Javán, jín Tubal, jín Mesec jín Tirás. 3Jee se̱ꞌya yɨ́ɨ́ Gomer kúvi Askenaz, jín Rifat jín Togarma. 4Jee rá se̱ꞌya yɨ́ɨ́ Javán kúvi Elisa, jín Tarsis, jín Quitim jín Dodanim. 5Rá yaꞌá kúvi ichiyúkúnꞌ nkene ráa nu̱u̱nꞌ Jafet ya̱ ñe̱te̱nuun ráa ña̱kuneeꞌ ráa rá ñuꞌun káá yúnteñúꞌún, ta nu̱u̱nꞌ ráa rá tataꞌ sɨ́ꞌɨ́ veꞌi ráa, sánikua̱ꞌ rá tu̱ꞌun káꞌánꞌ ráa, sánikua̱ꞌ tataꞌ ichiyúkúnꞌ ráa, ñakɨnꞌ ráa rá ñuunꞌ ráa nu̱u̱nꞌ nééꞌ ráa.
6Rá se̱ꞌya yɨ́ɨ́ Cam kúvi Cus, jín Mizraim, jín Fut, jín Canaán. 7Rá se̱ꞌya yɨ́ɨ́ Cus kúvi Seba, jín Havila, jín Sabta, jín Raama jín Sabteca. Jee rá se̱ꞌya yɨ́ɨ́ Raama nkuvi Seba jín Dedán. 8Cus kúvi tátáꞌ Nimrod ya̱ nkenta nkuvi re̱ꞌ te̱e tiɨ́kɨ́ nakuiꞌ iniꞌ re̱ꞌ nu̱u̱nꞌ ñu̱ꞌún. 9Nimrod nkuvi ɨɨn te̱e tiɨ́kɨ́ núsú ichinúúnꞌ I̱toꞌoꞌ‑ó. Saáva káchíꞌ rá ñɨvɨ: “Kuéntáꞌ kua̱ꞌ nkuvi Nimrod ya̱ nkuvi ɨɨn te̱e tiɨ́kɨ́ núsú ichinúúnꞌ I̱toꞌoꞌ‑ó.” 10Jee nka̱jiéꞌé nta̱túníꞌ re̱ꞌ nu̱u̱nꞌ rá ñɨvɨ jee ya̱ xíꞌnañúꞌún ñuunꞌ nyɨ̱ꞌɨ xi̱ntíín re̱ꞌ nta̱túníꞌ re̱ꞌ nkuvi rá ñuunꞌ Babel, jín Erec, jín Acad jín Calne, nu̱u̱nꞌ káá ñuꞌun Sinar. 11Nkene re̱ꞌ nu̱u̱nꞌ ñuꞌun yukuán ña̱ꞌa̱nꞌ re̱ꞌ nu̱u̱nꞌ ñuꞌun Asiria jee ñakɨnꞌ re̱ꞌ rá ñuunꞌ Nínive, jín Rehobot‑ir, jín Cala, 12jín Resén, ñuunꞌ káꞌnú, ya̱ káá nteñu ñuunꞌ Nínive jín ñuunꞌ Cala.
13Nu̱u̱nꞌ Mizraim nkene rá ludeo, jín rá anameo, jín rá lehabita, jín rá naftuhíta, 14jín rá patruseo, jín rá casluhita, nu̱u̱nꞌ váji rá filisteo jín rá caftorita. #10:14 Sa̱naanꞌ káchíꞌ‑i: rá caftorita, nu̱u̱nꞌ váji rá filisteo.
15Canaán nsa̱ꞌá re̱ꞌ rá se̱ꞌya yɨ́ɨ́ re̱ꞌ Het jín Sidón, ya̱ kúvi se̱ꞌya yɨ́ɨ́ xíꞌnañúꞌún re̱ꞌ. 16Jee suni nu̱u̱nꞌ Canaán nkene rá jebuseo, jín rá amorreo, jín rá gergeseo, 17jín rá heveo, jín rá araceo, jín rá sineo, 18jín rá arvadeo, jín rá zemareo jín rá hamateo. Jee kuíre rá ñɨvɨ rá tataꞌ ichiyúkúnꞌ Canaán ñe̱te̱nuun ráa. 19Jee ñuꞌun ntɨɨn rá ñɨvɨ rá tataꞌ ichiyúkúnꞌ Canaán nke̱táꞌán jín xéꞌñú ñuunꞌ Sidón, jee nke̱táꞌán jín ñuunꞌ Gerar jín ñuunꞌ Gaza, jee nke̱táꞌán jín rá ñuunꞌ Sodoma, Gomorra, Adma jín Zeboim, ne̱ nke̱táꞌán jín ñuunꞌ Lasa. 20Rá ñɨvɨ yaꞌá kúvi rá se̱ꞌya ichiyúkúnꞌ nkene ráa nu̱u̱nꞌ Cam, ta ɨɨn ráa jín tataꞌ ichiyúkúnꞌ ráa, jín rá tu̱ꞌun káꞌánꞌ ráa, jín rá ñuꞌun ráa nu̱u̱nꞌ nééꞌ ráa, jín rá ñuunꞌ ráa.
21Jee suni ni̱yo se̱ꞌya Sem, jee Sem ví tátáꞌ jííꞌ nɨꞌɨ rá ichiyúkúnꞌ nkene nu̱u̱nꞌ Heber, jee kúvi Sem ñaniꞌ ñáꞌnú Jafet. 22Rá se̱ꞌya yɨ́ɨ́ Sem kúvi Elam, jín Asur, jín Arfaxad, jín Lud jín Aram. 23Jee rá se̱ꞌya yɨ́ɨ́ Aram kúvi Uz, jín Hul, jín Geter jín Mas. 24Jee Arfaxad nsa̱ꞌá re̱ꞌ se̱ꞌya yɨ́ɨ́ re̱ꞌ Sala. Jee Sala nsa̱ꞌá re̱ꞌ se̱ꞌya yɨ́ɨ́ re̱ꞌ Heber. 25Jee ni̱yo u̱vi̱ꞌ se̱ꞌya yɨ́ɨ́ Heber: ɨɨn ráa naní Peleg, chi máá saá rá ki̱vɨ̱ꞌ tékúꞌ re̱ꞌ nku̱sɨ́ɨ́n rá ñɨvɨ ñe̱te̱nuun nɨ́ɨ́nkáꞌnú nu̱u̱nꞌ ñu̱ꞌún. Jee ñaniꞌ Peleg kúvi Joctán. 26Jee Joctán nsa̱ꞌá re̱ꞌ rá se̱ꞌya yɨ́ɨ́ re̱ꞌ Almodad, jín Selef, jín Hazar‑mavet, jín Jera, 27jín Adoram, jín Uzal, jín Dicla, 28jín Obal, jín Abimael, jín Seba, 29jín Ofir, jín Havila jín Jobab. Nɨꞌɨ rá te̱e yaꞌá kúvi se̱ꞌya Joctán. 30Jee nneeꞌ rá ñɨvɨ yaꞌá nu̱u̱nꞌ ñu̱ꞌún nke̱táꞌán ráa jín ñuunꞌ Mesa, jín nke̱táꞌán‑a jín ñuunꞌ Sefar, nke̱táꞌán‑a ne̱ jín ñuꞌun nu̱u̱nꞌ káá rá yuku ichi kéne nka̱niiꞌ. 31Rá ñɨvɨ yaꞌá kúvi rá se̱ꞌya ichiyúkúnꞌ Sem, ta ɨɨn ráa jín tataꞌ ichiyúkúnꞌ ráa, jín rá tu̱ꞌun káꞌánꞌ ráa, jín rá ñuꞌun ráa nu̱u̱nꞌ nééꞌ ráa, jín rá ñuunꞌ ráa.
32Nɨꞌɨ rá ñɨvɨ yaꞌá kúvi rá tataꞌ ichiyúkúnꞌ rá se̱ꞌya Noé na̱kua̱ꞌ tataꞌ ichiyúkúnꞌ ráa, jín na̱kua̱ꞌ rá ñuunꞌ nu̱u̱nꞌ nééꞌ ráa. Rá ñɨvɨ yaꞌá nku̱sɨ́ɨ́n ráa ñe̱te̱nuun ráa nɨ́ɨ́nkáꞌnú nu̱u̱nꞌ ñu̱ꞌún ñakɨnꞌ ráa ñuunꞌ ráa, sáá ya̱ njia̱ꞌa ya̱ nchi̱tú nute nu̱u̱nꞌ ñu̱ꞌún.
Currently Selected:
Génesis 10: meh
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
