Génesis 24
24
Núkú Abraham ñaꞌan ya̱ kuvi ñasɨ́ꞌɨ́ Isaac
1Ya nku̱ñáꞌnú Abraham jee nsa̱ꞌá I̱toꞌoꞌ ya̱ netuꞌ kúvi re̱ꞌ ntáká nu̱u̱nꞌ. 2Jee nkachiꞌ Abraham nu̱u̱nꞌ máá musúꞌ nyɨɨ ñáꞌnú ka̱ꞌ nu̱u̱nꞌ veꞌi re̱ꞌ ya̱ jiátíñú saɨn re̱ꞌ ya̱ néen kuéntáꞌ nɨꞌɨ ya̱ kúmí re̱ꞌ:
―Chisó naꞌá nú nteñu sɨ́ꞌɨn tíkóó ni̱ꞌ, 3jee saꞌá náaꞌ ñáꞌnú nú nu̱u̱nꞌ tu̱ꞌun káꞌánꞌ nú ichinúúnꞌ I̱toꞌoꞌ ya̱ kúvi Ndiosíꞌ ya̱ tátúníꞌ nu̱u̱nꞌ súkún jín nu̱u̱nꞌ ñuꞌun, ya̱ nkéꞌen nú ɨɨn ñaꞌan ñuunꞌ Canaán nu̱u̱nꞌ nééꞌ ni̱ꞌ yaꞌá sáva kuvi ñasɨ́ꞌɨ́ se̱ꞌya yɨ́ɨ́ ni̱ꞌ Isaac. 4Chisaꞌ kɨ̱ꞌɨ̱nꞌ nu̱u̱nꞌ ñuunꞌ ni̱ꞌ nu̱u̱nꞌ rá táꞌán ni̱ꞌ jee yukuán keꞌen nú ñasɨ́ꞌɨ́ se̱ꞌya yɨ́ɨ́ ni̱ꞌ Isaac.
5Jee nna̱xiníkó musúꞌ vá nu̱u̱nꞌ re̱ꞌ:
―Soo sa̱naanꞌ re nsáꞌ kuini ñaꞌan vá kiji‑i jín nuꞌuꞌ nu̱u̱nꞌ ñuꞌun yaꞌá, ¿á kɨ̱ꞌɨ̱nꞌ ni̱ꞌ jín se̱ꞌya yɨ́ɨ́ nú nu̱u̱nꞌ ñuunꞌ yukuán nu̱u̱nꞌ nkene nú? ―nkachiꞌ musúꞌ vá nu̱u̱nꞌ i̱toꞌoꞌ re̱ꞌ Abraham.
6Jee nkachiꞌ Abraham nu̱u̱nꞌ re̱ꞌ:
―¡Ntu̱ví! Kumí nú maánú koto jiáꞌánꞌ nú ñuunꞌ yukuán jín se̱ꞌya ni̱ꞌ. 7I̱toꞌoꞌ, ya̱ kúvi Ndiosíꞌ nééꞌ antivɨ́ súkún, ya̱ ntavaꞌ nuꞌuꞌ veꞌi tááꞌ maáníꞌ jín nu̱u̱nꞌ ñuꞌun rá táꞌán ni̱ꞌ, jín ya̱ nkaꞌanꞌ re̱ꞌ jín ni̱ꞌ, jín ya̱ nchi̱sóyuꞌú re̱ꞌ nu̱u̱nꞌ ni̱ꞌ jee nkachiꞌ re̱ꞌ “ku̱ꞌva ni̱ꞌ ñuꞌun yaꞌá nu̱u̱nꞌ rá ñɨvɨ kiji kuvi ichiyúkúnꞌ nú”, jee maáréꞌ chuichí re̱ꞌ ɨɨn najiáꞌáꞌ ííꞌ re̱ꞌ kɨ̱ꞌɨ̱nꞌ ichinúúnꞌ nú sáva keꞌen nú ñasɨ́ꞌɨ́ se̱ꞌya yɨ́ɨ́ ni̱ꞌ ne̱ nu̱u̱nꞌ ñuunꞌ yukuán. 8Jee retú ntu̱ví jiéꞌnéꞌ iniꞌ ñaꞌan vá kiji‑i jín nú, jee nakui̱ñɨ̱ꞌ núne nú nu̱u̱nꞌ tu̱ꞌun sáꞌá náaꞌ nú nu̱u̱nꞌ nna̱túꞌún‑ó yaꞌá, soo, ¡kua̱chi koto níkó nú jín se̱ꞌya ni̱ꞌ yukuán!
9Saájee nchi̱só musúꞌ vá naꞌá‑a nteñu sɨ̱ꞌɨn tíkóó i̱toꞌoꞌ‑o Abraham, jee nsa̱ꞌá náaꞌ nu̱u̱nꞌ tu̱ꞌun káꞌánꞌ‑a ya̱ saꞌá‑a tiñu ya̱ nkachiꞌ i̱toꞌoꞌ‑o.
10Jee nkeꞌen musúꞌ vá u̱ji̱ꞌ rá kitɨ kameyúꞌ nu̱u̱nꞌ rá kameyúꞌ i̱toꞌoꞌ re̱ꞌ, jee kua̱ꞌa̱nꞌ re̱ꞌ jín nta̱ká nu̱u̱nꞌ rá nantíñú va̱ꞌa yɨ́yáꞌvi ya̱ kúmí i̱toꞌoꞌ re̱ꞌ, jee nke̱chí re̱ꞌ kua̱ꞌa̱nꞌ re̱ꞌ nu̱u̱nꞌ ñuunꞌ nu̱u̱nꞌ nneeꞌ Nacor ya̱ káá‑a Mesopotamia. #24:10 Aram Naharaim 11Jee nkenta musúꞌ vá yuꞌú ñuunꞌ vá, jee nsa̱ꞌá re̱ꞌ ya̱ kikava rá kameyúꞌ yusókó nute, jee yánini ví‑i ya̱ kúvi tiempúꞌ kéne rá ñaꞌan jiátavaꞌ ráa nute ne̱ sókó vá. 12Jee ni̱ka̱nꞌ táꞌvíꞌ re̱ꞌ:
“Oh I̱toꞌoꞌ, ya̱ kúvi nú Ndiosíꞌ i̱toꞌoꞌ ni̱ꞌ Abraham, jíkánꞌ táꞌvíꞌ ni̱ꞌ nu̱u̱nꞌ nú ya̱ saꞌá nú ya̱ kɨ̱ꞌɨ̱nꞌ va̱ꞌa ki̱vɨ̱ꞌ vitan jín nuꞌuꞌ, jee koo ya̱ ma̱ni̱ꞌ iniꞌ nú kune̱ꞌyá nú i̱toꞌoꞌ ni̱ꞌ Abraham. 13Yaꞌá íñɨ́ ni̱ꞌ nu̱u̱nꞌ káku nute jee rá se̱ꞌya sɨ́ꞌɨ́ rá ñɨvɨ ñuunꞌ kene ráa ñuunꞌ kiji ráa tavaꞌ ráa nute iniꞌ sókó yaꞌá. 14Jee saꞌá nú ya̱ máá ñaꞌan súchí ya̱ kachiꞌ ni̱ꞌ nu̱u̱nꞌ ña: ‘Kova̱ꞌa xá iniꞌ nú, xinúun nú ki̱yɨ nute nú, sáva koꞌo ni̱ꞌ nute’, kachiꞌ ni̱ꞌ nu̱u̱nꞌ ña, jee naxiníkó ña nu̱u̱nꞌ ni̱ꞌ: ‘Koꞌo nú nute, jee suni ku̱ꞌva ni̱ꞌ nute koꞌo rá kameyúꞌ nú’, kachiꞌ ña nu̱u̱nꞌ ni̱ꞌ, jee ñaꞌan yaꞌá ví ya̱ nka̱ji nú ya̱ kuvi ña ñasɨ́ꞌɨ́ musúꞌ nú Isaac, jee suꞌva kukáꞌnú na̱a̱ꞌ iniꞌ ni̱ꞌ ya̱ koo ma̱ni̱ꞌ iniꞌ nú kune̱ꞌyá nú i̱toꞌoꞌ ni̱ꞌ Abraham”, nkachiꞌ musúꞌ vá nu̱u̱nꞌ Ndiosíꞌ ni nna̱kuetu‑u.
15Jee ni ntiáꞌan ka̱ꞌ nɨꞌɨ musúꞌ vá kaꞌanꞌ re̱ꞌ jín Ndiosíꞌ, jee niniꞌ re̱ꞌ ɨɨn ñasúchí ya̱ nkene ña va̱ji ña yósóꞌ ki̱yɨ chi̱yo̱ꞌ ña. Kúvi ña Rebeca, se̱ꞌya Betuel ya̱ kúvi se̱ꞌya yɨ́ɨ́ Milca, ya̱ kúvi ñasɨ́ꞌɨ́ Nacor, ya̱ kúvi ñaniꞌ Abraham. 16Jee ñaꞌan súchí yaꞌá, viiꞌ nasɨ́kuitɨꞌ íyó ña, jee ñaꞌan súchí jianu jiáá núún ví ña, jee ntiáꞌan kusuꞌ ni ɨɨn te̱e jín ña. Jee va̱kuun ña nu̱u̱nꞌ káku nute, jee nchu̱chítú ña nute iniꞌ ki̱yɨ ña, jee kua̱naa ña kua̱noꞌonꞌ ña. 17Saájee jínu musúꞌ vá ña̱taꞌanꞌ re̱ꞌ ña jee nkachiꞌ re̱ꞌ nu̱u̱nꞌ ña:
―Kova̱ꞌa xá iniꞌ nú, taji nú ntíꞌ nuteñúꞌún iniꞌ ki̱yɨ nú koꞌo ni̱ꞌ ―nkachiꞌ re̱ꞌ nu̱u̱nꞌ ña.
18Jee nkachiꞌ ña:
―Koꞌo nú nute, kátáta ―nkachiꞌ ña nu̱u̱nꞌ re̱ꞌ.
Jee ntañúꞌún kuitɨꞌ nxi̱núun ña ki̱yɨ nute ña, jee nna̱tɨɨn ña maa jín naꞌá ña jee njia̱ꞌa ña nute ni̱ꞌi̱ꞌ re̱ꞌ. 19Jee sáá nkuvi njia̱ꞌa ña nute ni̱ꞌi̱ꞌ musúꞌ vá jee nkachiꞌ ña:
―Suni tavaꞌ ni̱ꞌ nute sáva koꞌo rá kameyúꞌ nú, nekuaꞌ ji̱nu koꞌo rátíꞌ ―nkachiꞌ ña.
20Jee kuísá ntañúꞌún nkoyo ña nute ñuꞌun iniꞌ ki̱yɨ ña ɨɨn iniꞌ nu̱u̱nꞌ chíkókóꞌ jee ninu ña ntavaꞌ kue̱ꞌe̱ꞌ ña nute sáva koꞌo ntáká rá kameyúꞌ re̱ꞌ. 21Jee níín nkuvi re̱ꞌ néꞌyá re̱ꞌ ña sáva kukáꞌnú na̱a̱ꞌ iniꞌ re̱ꞌ retú nsa̱ꞌá I̱toꞌoꞌ ya̱ kɨ̱ꞌɨ̱nꞌ váꞌa jín tiñu kua̱ꞌa̱nꞌ re̱ꞌ yukuán, áxí ntu̱ví. 22Jee sáá nkuvi niꞌi rá kameyúꞌ nute, jee ntavaꞌ re̱ꞌ ɨɨn xeꞌi oro yɨ́yáꞌvi ya̱ yatin i̱ñu̱ꞌ gramúꞌ vá ve̱i, jín u̱vi̱ꞌ rá ka̱a ti̱yu̱ꞌ oro ya̱ ñuꞌun su̱ku̱nꞌ naꞌá ya̱ sientúꞌ víꞌí ka̱ꞌ gramúꞌ vá ve̱i, jee njia̱ꞌa re̱ꞌ ráa nu̱u̱nꞌ ña. 23Jee nkachiꞌ re̱ꞌ:
―Kova̱ꞌa xá iniꞌ nú kachiꞌ nú nu̱u̱nꞌ ni̱ꞌ, ¿né ɨɨn se̱ꞌya kúvi nú?, jee, ¿á íyó ntíꞌ nu̱u̱nꞌ veꞌi tátáꞌ nú kino̱o ránꞌ kusuꞌ ránꞌ yakuááꞌ? ―nkachiꞌ re̱ꞌ nu̱u̱nꞌ ña.
24Jee nkachiꞌ ña nu̱u̱nꞌ re̱ꞌ:
―Se̱ꞌya Betuel kúvi ni̱ꞌ, ya̱ kúvi re̱ꞌ se̱ꞌya Milca jín yɨɨ́ ña Nacor.
25Jee nkachiꞌ ña ka̱ꞌ nu̱u̱nꞌ re̱ꞌ:
―Jee veꞌi ránꞌ íyó nu̱u̱nꞌ kino̱o rán kusuꞌ rán yakuááꞌ, jee suni íyó kue̱ꞌe̱ꞌ iteꞌ nu̱u̱nꞌ kava rá kameyúꞌ jee íyó kue̱ꞌe̱ꞌ ya̱ ku̱ꞌva rán ya̱ kajiꞌ rátíꞌ ―nkachiꞌ ña nu̱u̱nꞌ re̱ꞌ.
26Saájee ña̱kui̱ñɨ̱ꞌ ítɨ́ musúꞌ vá nneñu̱ꞌun re̱ꞌ I̱toꞌoꞌ, 27jee kachiꞌ‑i:
“Na̱ ka̱ꞌ netuꞌ ka̱ꞌ kúvi I̱toꞌoꞌ ya̱ kuvi Ndiosíꞌ i̱toꞌoꞌ ni̱ꞌ Abraham, ya̱ ntu̱ví nxínóo re̱ꞌ i̱toꞌoꞌ ni̱ꞌ Abraham nu̱u̱nꞌ ya̱ íyó mániꞌ iniꞌ re̱ꞌ néꞌyá re̱ꞌ maa jee nsi̱kúnkuvi na̱a̱ꞌ re̱ꞌ jín‑i, jee nuꞌuꞌ chi nchuꞌun I̱toꞌoꞌ ichi nuꞌuꞌ kɨ̱ꞌɨ̱nꞌ ni̱ꞌ veꞌi rá táꞌán i̱toꞌoꞌ ni̱ꞌ Abraham”, nkachiꞌ musúꞌ vá ni nákuetúꞌún re̱ꞌ.
28Jee jínu ñasúchí vá kua̱noꞌonꞌ ña veꞌi nánáꞌ ña, jee nna̱kani ña nu̱u̱nꞌ táꞌán veꞌi yukuán nɨꞌɨ yaꞌá ya̱ nkuvi. 29Jee íyó ɨɨn ku̱ꞌva Rebeca ya̱ naní Labán, jee jínu Labán nkene re̱ꞌ kua̱tuꞌva re̱ꞌ nu̱u̱nꞌ te̱e vá ya̱ íñɨ́‑ɨ nu̱u̱nꞌ káku nute. 30Chi sáá niniꞌ re̱ꞌ xeꞌi jín rá ka̱a ti̱yu̱ꞌ ya̱ ñuꞌun su̱ku̱nꞌ naꞌá ku̱ꞌva re̱ꞌ jee sáá nteso̱ꞌo re̱ꞌ ya̱ nna̱kani ña ya̱: “suꞌva nkachiꞌ te̱e vá nu̱u̱nꞌ ni̱ꞌ”, jee kua̱ꞌa̱nꞌ Labán jee nna̱niꞌinꞌ re̱ꞌ te̱e vá ya̱ íñɨ́ i̱i̱ꞌ jín rá kameyúꞌ nu̱u̱nꞌ káku nute vá. 31Jee nkachiꞌ re̱ꞌ:
―Neꞌenꞌ, maánú ya̱ netuꞌ kúvi nú nsa̱ꞌá I̱toꞌoꞌ. ¿Na̱ kuvi chi íñɨ́ nú chíkéꞌi résa?, chi ya nsa̱ꞌá túꞌva ni̱ꞌ veꞌi jín nu̱u̱nꞌ kino̱o rá kameyúꞌ ―nkachiꞌ Labán nu̱u̱nꞌ te̱e vá.
32Saájee kua̱ꞌa̱nꞌ te̱e vá veꞌi Labán, jee nxi̱núun Labán rá nantíñú ya̱ta̱ꞌ rá kameyúꞌ, jee njia̱ꞌa‑a iteꞌ nu̱u̱nꞌ rátíꞌ nu̱u̱nꞌ kava rátíꞌ jín ya̱ kajiꞌ rátíꞌ, jee kuíre njia̱ꞌa‑a nute nu̱u̱nꞌ te̱e vá jín rá te̱e kútáꞌán jín re̱ꞌ sáva nakete ráa jie̱ꞌe̱ꞌ ráa. 33Jee nchi̱só rá ñɨvɨ veꞌi vá neyu nu̱u̱nꞌ ráa sáva kajiꞌ ráa, soo nkachiꞌ musúꞌ Abraham vá:
―Nsáꞌ kajiꞌ ni̱ꞌ nekuaꞌ kuvi kachiꞌ ni̱ꞌ rá tu̱ꞌun va̱ji jín ni̱ꞌ ―nkachiꞌ musúꞌ vá.
Jee nkachiꞌ Labán:
―Kaꞌanꞌ nú ví.
34Saájee nkachiꞌ musúꞌ vá:
―Maáníꞌ kúvi musúꞌ Abraham. 35Jee nsa̱ꞌá víꞌí I̱toꞌoꞌ ya̱ netuꞌ kúvi i̱toꞌoꞌ ni̱ꞌ Abraham, jee nsa̱ꞌá‑a kúñáꞌnú re̱ꞌ jee kukúká re̱ꞌ jee njia̱ꞌa‑a nu̱u̱nꞌ re̱ꞌ rá sa̱na̱ꞌ líꞌí, jín rá xi̱ni̱kɨ̱ꞌ, jín xu̱ꞌún plata jín oro, jín rá tee jín rá ñaꞌan ya̱ kúvi rá musúꞌ jiátíñú saɨn re̱ꞌ, jín rá kameyúꞌ jín rá burrúꞌ. 36Jee Sara, ya̱ kúvi ñasɨ́ꞌɨ́ i̱toꞌoꞌ ni̱ꞌ Abraham ni̱yo ɨɨn se̱ꞌya yɨ́ɨ́ ña, jín i̱toꞌoꞌ ni̱ꞌ Abraham sáá ya̱ nku̱ñáꞌnú víꞌí ña, jee i̱toꞌoꞌ ni̱ꞌ njia̱ꞌa re̱ꞌ nu̱u̱nꞌ se̱ꞌya yɨ́ɨ́ re̱ꞌ nɨꞌɨ ya̱ kúmí re̱ꞌ.
37’Jee i̱toꞌoꞌ ni̱ꞌ nsa̱ꞌá re̱ꞌ ya̱ saꞌá náaꞌ ni̱ꞌ nu̱u̱nꞌ tu̱ꞌun káꞌánꞌ ni̱ꞌ, jee nkachiꞌ re̱ꞌ nu̱u̱nꞌ ni̱ꞌ: “Koto kéꞌen nú ñaꞌan ya̱ kúvi ɨɨn rá se̱ꞌya ñuunꞌ Canaán nu̱u̱nꞌ nééꞌ ni̱ꞌ sáva kuvi ña ñasɨ́ꞌɨ́ se̱ꞌya yɨ́ɨ́ ni̱ꞌ. 38Chisaꞌ kɨ̱ꞌɨ̱nꞌ nú veꞌi tátáꞌ ni̱ꞌ jín veꞌi rá táꞌán ni̱ꞌ jee yukuán keꞌen nú ɨɨn ñaꞌan ya̱ kuvi ña ñaꞌan sɨ́ꞌɨ́ se̱ꞌya ni̱ꞌ”, nkachiꞌ re̱ꞌ nu̱u̱nꞌ ni̱ꞌ.
39’Jee nkachiꞌ ni̱ꞌ nu̱u̱nꞌ i̱toꞌoꞌ ni̱ꞌ: “Sa̱naanꞌ nkíji ñaꞌan vá jín ni̱ꞌ”, nkachiꞌ ni̱ꞌ nu̱u̱nꞌ re̱ꞌ.
40’Jee nna̱xiníkó re̱ꞌ nu̱u̱nꞌ ni̱ꞌ: “I̱toꞌoꞌ ni̱ꞌ ya̱ jíka ni̱ꞌ jín re̱ꞌ, jee suvire̱ꞌ chuichí re̱ꞌ najiáꞌáꞌ ííꞌ re̱ꞌ kɨ̱ꞌɨ̱nꞌ jín noꞌó, sáva kɨ̱ꞌɨ̱nꞌ va̱ꞌa nú nu̱u̱nꞌ kɨ̱ꞌɨ̱nꞌ nú jee keꞌen nú ɨɨn ñaꞌan sáva kuvi ña ñasɨ́ꞌɨ́ se̱ꞌya ni̱ꞌ nteñu rá ñaꞌan táꞌán veꞌi ni̱ꞌ, ya̱ kúvi táꞌán veꞌi tátáꞌ ni̱ꞌ. 41Jee saájee nakui̱ñɨ̱ꞌ núne nú nu̱u̱nꞌ tu̱ꞌun nsa̱ꞌá náaꞌ nú nu̱u̱nꞌ ni̱ꞌ sáá kɨ̱ꞌɨ̱nꞌ nú nu̱u̱nꞌ táꞌán veꞌi ni̱ꞌ, jee retú rá táꞌán ni̱ꞌ ntu̱ví kuíni ráa taji ráa ñaꞌan vá nu̱u̱nꞌ nú, jee nakui̱ñɨ̱ꞌ núne nú nu̱u̱nꞌ tu̱ꞌun nsa̱ꞌá náaꞌ nú nu̱u̱nꞌ ni̱ꞌ”, nkachiꞌ re̱ꞌ nu̱u̱nꞌ ni̱ꞌ.
42’Jee ntiaaꞌ ni̱ꞌ vitan nu̱u̱nꞌ káku nute, jee nkachiꞌ ni̱ꞌ “I̱toꞌoꞌ, ya̱ kúvi Ndiosíꞌ i̱toꞌoꞌ ni̱ꞌ Abraham, retú nijia nú ya̱ saꞌá nú ya̱ kɨ̱ꞌɨ̱nꞌ va̱ꞌa jín ni̱ꞌ nu̱u̱nꞌ kɨ̱ꞌɨ̱nꞌ ni̱ꞌ yaꞌá, 43jee íñɨ́ ni̱ꞌ yaꞌá nu̱u̱nꞌ káku nute, jee jíkánꞌ táꞌvíꞌ ni̱ꞌ nu̱u̱nꞌ nú ya̱ kuvi yaꞌá: ya̱ ñaꞌan súchí ya̱ kiji kitavaꞌ nute jín ya̱ kachiꞌ ni̱ꞌ nu̱u̱nꞌ ña: “Kova̱ꞌa xá iniꞌ nú taji nú ntíꞌ nute ñuꞌun iniꞌ ki̱yɨ nú koꞌo ni̱ꞌ”, kachiꞌ ni̱ꞌ nu̱u̱nꞌ ña, 44jee naxiníkó ña nu̱u̱nꞌ ni̱ꞌ: “Koꞌo nú nute, jee suni tavaꞌ ni̱ꞌ nute sáva koꞌo rá kameyúꞌ nú”, kachiꞌ ña nu̱u̱nꞌ ni̱ꞌ, jee ñaꞌan yaꞌá kuvi ñaꞌan ya̱ nka̱ji nú ya̱ kuvi ña ñasɨ́ꞌɨ́ se̱ꞌya i̱toꞌoꞌ ni̱ꞌ Abraham.”
45’Jee ne̱ ntiáꞌan ka̱ꞌ nɨꞌɨ ni̱ꞌ kaꞌanꞌ ni̱ꞌ iniꞌ ánímaꞌ ni̱ꞌ nu̱u̱nꞌ Ndiosíꞌ, jee niniꞌ ni̱ꞌ Rebeca va̱ji ña yósóꞌ súkún ña ki̱yɨ ña, jee va̱ji kuun ña nu̱u̱nꞌ káku nute jee ntavaꞌ ña nute, jee nkachiꞌ ni̱ꞌ nu̱u̱nꞌ ña: “Kova̱ꞌa xá iniꞌ nú taji nú ntíꞌ nute koꞌo ni̱ꞌ”, nkachiꞌ ni̱ꞌ nu̱u̱nꞌ ña. 46Jee ntañúꞌún kuitɨꞌ nxi̱núun ña ki̱yɨ nute ña, jee nkachiꞌ ña nu̱u̱nꞌ ni̱ꞌ: “Koꞌo nú nute, jee suni ku̱ꞌva ni̱ꞌ nute koꞌo rá kameyúꞌ nú”, nkachiꞌ ña. Jee niꞌi ni̱ꞌ nute jee suni njia̱ꞌa ña nute niꞌi rá kameyúꞌ.
47’Saájee ni̱ka̱tu̱ꞌún ni̱ꞌ ña, jee nkachiꞌ ni̱ꞌ nu̱u̱nꞌ ña: “¿Né ɨɨn se̱ꞌya kúvi nú?”, nkachiꞌ ni̱ꞌ nu̱u̱nꞌ ña. Jee nkachiꞌ ña: “Kúvi ni̱ꞌ se̱ꞌya Betuel, ya̱ kuvi se̱ꞌya yɨ́ɨ́ Nacor jín ñasɨ́ꞌɨ́ re̱ꞌ Milca”, nkachiꞌ ña nu̱u̱nꞌ ni̱ꞌ.
’Saájee nchiꞌi ni̱ꞌ xeꞌi yuꞌú i̱xti̱nꞌ ña jín rá ti̱yu̱ꞌ ka̱a su̱ku̱nꞌ naꞌá ña. 48Jee ña̱kui̱ñɨ̱ꞌ ítɨ́ ni̱ꞌ jee nneñu̱ꞌun ni̱ꞌ I̱toꞌoꞌ jee nna̱kuetúꞌún ni̱ꞌ I̱toꞌoꞌ ya̱ kúvi Ndiosíꞌ i̱toꞌoꞌ ni̱ꞌ Abraham, jie̱ꞌe̱ꞌ ni ka̱ꞌ nchuꞌun na̱a̱ꞌ re̱ꞌ nuꞌuꞌ iniꞌ ichi sáva keꞌen ni̱ꞌ tiání ñaniꞌ i̱toꞌoꞌ ni̱ꞌ Abraham sáva kuvi ña ñasɨ́ꞌɨ́ se̱ꞌya re̱ꞌ.
49’Jee vitan rá jee kachiꞌ rán nu̱u̱nꞌ ni̱ꞌ retú ya̱ koo ma̱ni̱ꞌ iniꞌ rán kune̱ꞌyá rán i̱toꞌoꞌ ni̱ꞌ jee sikúnkuvi na̱a̱ꞌ rán jín re̱ꞌ, jee retú ntu̱ví, jee kachiꞌ rán maa nu̱u̱nꞌ ni̱ꞌ sáva kuniꞌ ni̱ꞌ ne̱ ichi kɨ̱ꞌɨ̱nꞌ ni̱ꞌ, á ichi kuáꞌá áxí ichi sátín ―nkachiꞌ musúꞌ vá.
50Saájee nna̱xiníkó Labán jín Betuel nu̱u̱nꞌ musúꞌ vá jee nkachiꞌ ráa:
―Tiñu yaꞌá va̱ji ne̱ nu̱u̱nꞌ I̱toꞌoꞌ‑ó, jee nkúvi kachiꞌ ránꞌ nu̱u̱nꞌ nú á ya̱ váꞌa áxí ya̱ niváꞌa ví‑i. 51Saáva yaꞌá íñɨ́ Rebeca ichinúúnꞌ nú, keꞌen maa jee kua̱ꞌa̱nꞌ jín‑i sáva kuvi ña ñasɨ́ꞌɨ́ se̱ꞌya i̱toꞌoꞌ nú Abraham, sánikua̱ꞌ ya̱ nkachiꞌ I̱toꞌoꞌ‑ó ya̱ kuvi suꞌva ―nkachiꞌ ráa.
52Jee sáá nteso̱ꞌo musúꞌ Abraham rá tu̱ꞌun nkachiꞌ ráa, jee ña̱xin nei re̱ꞌ maáréꞌ nu̱u̱nꞌ ñu̱ꞌún nu̱u̱nꞌ I̱toꞌoꞌ. 53Jee ntavaꞌ musúꞌ vá rá nantíñú yɨ́yáꞌvi ya̱ kúvi oro jín plata jín saꞌma, jee njia̱ꞌa re̱ꞌ maa nu̱u̱nꞌ Rebeca. Jee suni njia̱ꞌa re̱ꞌ rá ta̱ꞌvi̱ꞌ yɨ́yáꞌvi máá viiꞌ nu̱u̱nꞌ ku̱ꞌva ña jín nu̱u̱nꞌ nánáꞌ ña. 54Jee nyajiꞌ re̱ꞌ niꞌi re̱ꞌ jín rá te̱e kútáꞌán jín re̱ꞌ, jee nkino̱o ráa yukuán yakuááꞌ, jee nnako̱o ráa ya̱neꞌenꞌ, jee nkachiꞌ musúꞌ vá nu̱u̱nꞌ rá ñɨvɨ xí veꞌi vá:
―Tají rán nikó ni̱ꞌ kɨ̱noꞌonꞌ ni̱ꞌ nu̱u̱nꞌ veꞌi i̱toꞌoꞌ ni̱ꞌ ―nkachiꞌ re̱ꞌ.
55Soo nkachiꞌ ku̱ꞌva Rebeca jín nánáꞌ ña nu̱u̱nꞌ musúꞌ vá:
―Kino̱o ñaꞌan súchí Rebeca yaꞌá jín ránꞌ sú kua̱chi u̱ji̱ꞌ ni ka̱ꞌ ki̱vɨ̱ꞌ, jee kuíre kɨ̱ꞌɨ̱nꞌ ña jín nú ―nkachiꞌ ráa.
56Soo musúꞌ vá nkachiꞌ nu̱u̱nꞌ ráa:
―Koto chínetu rán ka̱ꞌ nuꞌuꞌ, chi I̱toꞌoꞌ nsa̱ꞌá re̱ꞌ ya̱ kene va̱ꞌa nu̱u̱nꞌ ichi váji ni̱ꞌ, saáva tají rán nikó ni̱ꞌ kɨ̱noꞌonꞌ ni̱ꞌ nu̱u̱nꞌ I̱toꞌoꞌ ni̱ꞌ ―nkachiꞌ re̱ꞌ.
57Saájee nna̱xiníkó ráa nu̱u̱nꞌ re̱ꞌ:
―Kana ránꞌ ñaꞌan súchí vá kiji ña, sáva kuniꞌ‑ó ná kachiꞌ maáña ―nkachiꞌ ráa. 58Jee nkana ráa Rebeca jee ni̱ka̱tu̱ꞌún ráa ña:
―¿Á kɨ̱ꞌɨ̱nꞌ nú jín te̱e yaꞌá? ―nkachiꞌ ráa nu̱u̱nꞌ ña.
―Kɨ̱ꞌɨ̱nꞌ ni̱ꞌ ―nkachiꞌ ña nu̱u̱nꞌ ráa.
59Saájee nchu̱ichí ráa Rebeca kɨ̱ꞌɨ̱nꞌ ña, ya̱ kúvi ña ku̱ꞌva ráa, jín ɨɨn ñaꞌan ya̱ sukuáni nku̱mí ña Rebeca, jín musúꞌ Abraham vá, jín rá te̱e ya̱ kutáꞌán jín re̱ꞌ. 60Jee nkachiꞌ ráa nu̱u̱nꞌ Rebeca ya̱ na̱ ka̱ꞌ kuvi víꞌí ya̱ váꞌa jín ña, jee suꞌva nkachiꞌ ráa nu̱u̱nꞌ ña:
“Ku̱ꞌva maáránꞌ, na̱ ka̱ꞌ kenta kuvi nú nánáꞌ ntántúníꞌ millon ñɨvɨ,
jee rá ñɨvɨ kiji kuvi ichiyúkúnꞌ nú
na̱ ka̱ꞌ kuneí ráa kakɨnꞌ ráa si̱kɨ̱ꞌ rá ñɨvɨ táꞌvi iniꞌ kune̱ꞌyá rává ráa,”
nkachiꞌ rá táꞌán veꞌi Rebeca nu̱u̱nꞌ ña.
61Saájee nna̱kuiñɨꞌ Rebeca jín rá ñaꞌan ya̱ kúvi musúꞌ jiátíñú saɨn ña jee ña̱ko̱so̱ꞌ ráa ya̱ta̱ꞌ rá kameyúꞌ jee nchi̱nikɨnꞌ ráa ya̱ta̱ꞌ te̱e vá, jee suꞌva nkuvi sáá nkeꞌen musúꞌ vá Rebeca jee nkene‑e kua̱ꞌa̱nꞌ‑a yukuán.
62Jee va̱niji Isaac ya̱ ña̱ꞌa̱nꞌ re̱ꞌ nu̱u̱nꞌ nééꞌ sókó ya̱ naní “Maáréꞌ ya̱ tékúꞌ ya̱ néꞌyá re̱ꞌ nuꞌuꞌ”, #24:62 Beer Lajai Roi jee nééꞌ re̱ꞌ ñuunꞌ Négueb. 63Jee nkene Isaac jíka re̱ꞌ nu̱u̱nꞌ kuꞌúꞌ nájiáví antúníꞌ re̱ꞌ yánini jee nna̱neꞌen nu̱u̱nꞌ re̱ꞌ jee niniꞌ re̱ꞌ ya̱ va̱ji kuyatin rá kameyúꞌ. 64Jee nna̱neꞌen nu̱u̱nꞌ Rebeca, jee niniꞌ ña Isaac, jee nnu̱un ña ya̱ yósóꞌ ña ya̱ta̱ꞌ kameyúꞌ, 65jee ni̱ka̱tu̱ꞌún ña musúꞌ Abraham vá jee nkachiꞌ ña:
―¿Né ɨɨn ví te̱e yaꞌá ya̱ jíka‑a nu̱u̱nꞌ kuꞌúꞌ va̱ji‑i naketáꞌán‑a jín ránꞌ? ―nkachiꞌ ña.
Jee nkachiꞌ musúꞌ vá:
―I̱toꞌoꞌ ni̱ꞌ ví‑i ―nkachiꞌ musúꞌ vá.
Saájee ñasɨꞌ ña nu̱u̱nꞌ ña jín saꞌma yáxín. 66Saájee nna̱kani musúꞌ vá nu̱u̱nꞌ Isaac nɨꞌɨ ya̱ nsa̱ꞌá‑a. 67Jee kuíre kua̱ꞌa̱nꞌ Isaac jín Rebeca iniꞌ veꞌi saꞌma nánáꞌ re̱ꞌ Sara, jee nta̱na̱ꞌá re̱ꞌ jín ña. Jee ñúnúunꞌ víꞌí re̱ꞌ ña, jee suꞌva nnuva̱ꞌa iniꞌ re̱ꞌ nu̱u̱nꞌ tu̱nkuéká iniꞌ re̱ꞌ ya̱ níꞌiꞌ nánáꞌ re̱ꞌ.
Currently Selected:
Génesis 24: meh
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Génesis 24
24
Núkú Abraham ñaꞌan ya̱ kuvi ñasɨ́ꞌɨ́ Isaac
1Ya nku̱ñáꞌnú Abraham jee nsa̱ꞌá I̱toꞌoꞌ ya̱ netuꞌ kúvi re̱ꞌ ntáká nu̱u̱nꞌ. 2Jee nkachiꞌ Abraham nu̱u̱nꞌ máá musúꞌ nyɨɨ ñáꞌnú ka̱ꞌ nu̱u̱nꞌ veꞌi re̱ꞌ ya̱ jiátíñú saɨn re̱ꞌ ya̱ néen kuéntáꞌ nɨꞌɨ ya̱ kúmí re̱ꞌ:
―Chisó naꞌá nú nteñu sɨ́ꞌɨn tíkóó ni̱ꞌ, 3jee saꞌá náaꞌ ñáꞌnú nú nu̱u̱nꞌ tu̱ꞌun káꞌánꞌ nú ichinúúnꞌ I̱toꞌoꞌ ya̱ kúvi Ndiosíꞌ ya̱ tátúníꞌ nu̱u̱nꞌ súkún jín nu̱u̱nꞌ ñuꞌun, ya̱ nkéꞌen nú ɨɨn ñaꞌan ñuunꞌ Canaán nu̱u̱nꞌ nééꞌ ni̱ꞌ yaꞌá sáva kuvi ñasɨ́ꞌɨ́ se̱ꞌya yɨ́ɨ́ ni̱ꞌ Isaac. 4Chisaꞌ kɨ̱ꞌɨ̱nꞌ nu̱u̱nꞌ ñuunꞌ ni̱ꞌ nu̱u̱nꞌ rá táꞌán ni̱ꞌ jee yukuán keꞌen nú ñasɨ́ꞌɨ́ se̱ꞌya yɨ́ɨ́ ni̱ꞌ Isaac.
5Jee nna̱xiníkó musúꞌ vá nu̱u̱nꞌ re̱ꞌ:
―Soo sa̱naanꞌ re nsáꞌ kuini ñaꞌan vá kiji‑i jín nuꞌuꞌ nu̱u̱nꞌ ñuꞌun yaꞌá, ¿á kɨ̱ꞌɨ̱nꞌ ni̱ꞌ jín se̱ꞌya yɨ́ɨ́ nú nu̱u̱nꞌ ñuunꞌ yukuán nu̱u̱nꞌ nkene nú? ―nkachiꞌ musúꞌ vá nu̱u̱nꞌ i̱toꞌoꞌ re̱ꞌ Abraham.
6Jee nkachiꞌ Abraham nu̱u̱nꞌ re̱ꞌ:
―¡Ntu̱ví! Kumí nú maánú koto jiáꞌánꞌ nú ñuunꞌ yukuán jín se̱ꞌya ni̱ꞌ. 7I̱toꞌoꞌ, ya̱ kúvi Ndiosíꞌ nééꞌ antivɨ́ súkún, ya̱ ntavaꞌ nuꞌuꞌ veꞌi tááꞌ maáníꞌ jín nu̱u̱nꞌ ñuꞌun rá táꞌán ni̱ꞌ, jín ya̱ nkaꞌanꞌ re̱ꞌ jín ni̱ꞌ, jín ya̱ nchi̱sóyuꞌú re̱ꞌ nu̱u̱nꞌ ni̱ꞌ jee nkachiꞌ re̱ꞌ “ku̱ꞌva ni̱ꞌ ñuꞌun yaꞌá nu̱u̱nꞌ rá ñɨvɨ kiji kuvi ichiyúkúnꞌ nú”, jee maáréꞌ chuichí re̱ꞌ ɨɨn najiáꞌáꞌ ííꞌ re̱ꞌ kɨ̱ꞌɨ̱nꞌ ichinúúnꞌ nú sáva keꞌen nú ñasɨ́ꞌɨ́ se̱ꞌya yɨ́ɨ́ ni̱ꞌ ne̱ nu̱u̱nꞌ ñuunꞌ yukuán. 8Jee retú ntu̱ví jiéꞌnéꞌ iniꞌ ñaꞌan vá kiji‑i jín nú, jee nakui̱ñɨ̱ꞌ núne nú nu̱u̱nꞌ tu̱ꞌun sáꞌá náaꞌ nú nu̱u̱nꞌ nna̱túꞌún‑ó yaꞌá, soo, ¡kua̱chi koto níkó nú jín se̱ꞌya ni̱ꞌ yukuán!
9Saájee nchi̱só musúꞌ vá naꞌá‑a nteñu sɨ̱ꞌɨn tíkóó i̱toꞌoꞌ‑o Abraham, jee nsa̱ꞌá náaꞌ nu̱u̱nꞌ tu̱ꞌun káꞌánꞌ‑a ya̱ saꞌá‑a tiñu ya̱ nkachiꞌ i̱toꞌoꞌ‑o.
10Jee nkeꞌen musúꞌ vá u̱ji̱ꞌ rá kitɨ kameyúꞌ nu̱u̱nꞌ rá kameyúꞌ i̱toꞌoꞌ re̱ꞌ, jee kua̱ꞌa̱nꞌ re̱ꞌ jín nta̱ká nu̱u̱nꞌ rá nantíñú va̱ꞌa yɨ́yáꞌvi ya̱ kúmí i̱toꞌoꞌ re̱ꞌ, jee nke̱chí re̱ꞌ kua̱ꞌa̱nꞌ re̱ꞌ nu̱u̱nꞌ ñuunꞌ nu̱u̱nꞌ nneeꞌ Nacor ya̱ káá‑a Mesopotamia. #24:10 Aram Naharaim 11Jee nkenta musúꞌ vá yuꞌú ñuunꞌ vá, jee nsa̱ꞌá re̱ꞌ ya̱ kikava rá kameyúꞌ yusókó nute, jee yánini ví‑i ya̱ kúvi tiempúꞌ kéne rá ñaꞌan jiátavaꞌ ráa nute ne̱ sókó vá. 12Jee ni̱ka̱nꞌ táꞌvíꞌ re̱ꞌ:
“Oh I̱toꞌoꞌ, ya̱ kúvi nú Ndiosíꞌ i̱toꞌoꞌ ni̱ꞌ Abraham, jíkánꞌ táꞌvíꞌ ni̱ꞌ nu̱u̱nꞌ nú ya̱ saꞌá nú ya̱ kɨ̱ꞌɨ̱nꞌ va̱ꞌa ki̱vɨ̱ꞌ vitan jín nuꞌuꞌ, jee koo ya̱ ma̱ni̱ꞌ iniꞌ nú kune̱ꞌyá nú i̱toꞌoꞌ ni̱ꞌ Abraham. 13Yaꞌá íñɨ́ ni̱ꞌ nu̱u̱nꞌ káku nute jee rá se̱ꞌya sɨ́ꞌɨ́ rá ñɨvɨ ñuunꞌ kene ráa ñuunꞌ kiji ráa tavaꞌ ráa nute iniꞌ sókó yaꞌá. 14Jee saꞌá nú ya̱ máá ñaꞌan súchí ya̱ kachiꞌ ni̱ꞌ nu̱u̱nꞌ ña: ‘Kova̱ꞌa xá iniꞌ nú, xinúun nú ki̱yɨ nute nú, sáva koꞌo ni̱ꞌ nute’, kachiꞌ ni̱ꞌ nu̱u̱nꞌ ña, jee naxiníkó ña nu̱u̱nꞌ ni̱ꞌ: ‘Koꞌo nú nute, jee suni ku̱ꞌva ni̱ꞌ nute koꞌo rá kameyúꞌ nú’, kachiꞌ ña nu̱u̱nꞌ ni̱ꞌ, jee ñaꞌan yaꞌá ví ya̱ nka̱ji nú ya̱ kuvi ña ñasɨ́ꞌɨ́ musúꞌ nú Isaac, jee suꞌva kukáꞌnú na̱a̱ꞌ iniꞌ ni̱ꞌ ya̱ koo ma̱ni̱ꞌ iniꞌ nú kune̱ꞌyá nú i̱toꞌoꞌ ni̱ꞌ Abraham”, nkachiꞌ musúꞌ vá nu̱u̱nꞌ Ndiosíꞌ ni nna̱kuetu‑u.
15Jee ni ntiáꞌan ka̱ꞌ nɨꞌɨ musúꞌ vá kaꞌanꞌ re̱ꞌ jín Ndiosíꞌ, jee niniꞌ re̱ꞌ ɨɨn ñasúchí ya̱ nkene ña va̱ji ña yósóꞌ ki̱yɨ chi̱yo̱ꞌ ña. Kúvi ña Rebeca, se̱ꞌya Betuel ya̱ kúvi se̱ꞌya yɨ́ɨ́ Milca, ya̱ kúvi ñasɨ́ꞌɨ́ Nacor, ya̱ kúvi ñaniꞌ Abraham. 16Jee ñaꞌan súchí yaꞌá, viiꞌ nasɨ́kuitɨꞌ íyó ña, jee ñaꞌan súchí jianu jiáá núún ví ña, jee ntiáꞌan kusuꞌ ni ɨɨn te̱e jín ña. Jee va̱kuun ña nu̱u̱nꞌ káku nute, jee nchu̱chítú ña nute iniꞌ ki̱yɨ ña, jee kua̱naa ña kua̱noꞌonꞌ ña. 17Saájee jínu musúꞌ vá ña̱taꞌanꞌ re̱ꞌ ña jee nkachiꞌ re̱ꞌ nu̱u̱nꞌ ña:
―Kova̱ꞌa xá iniꞌ nú, taji nú ntíꞌ nuteñúꞌún iniꞌ ki̱yɨ nú koꞌo ni̱ꞌ ―nkachiꞌ re̱ꞌ nu̱u̱nꞌ ña.
18Jee nkachiꞌ ña:
―Koꞌo nú nute, kátáta ―nkachiꞌ ña nu̱u̱nꞌ re̱ꞌ.
Jee ntañúꞌún kuitɨꞌ nxi̱núun ña ki̱yɨ nute ña, jee nna̱tɨɨn ña maa jín naꞌá ña jee njia̱ꞌa ña nute ni̱ꞌi̱ꞌ re̱ꞌ. 19Jee sáá nkuvi njia̱ꞌa ña nute ni̱ꞌi̱ꞌ musúꞌ vá jee nkachiꞌ ña:
―Suni tavaꞌ ni̱ꞌ nute sáva koꞌo rá kameyúꞌ nú, nekuaꞌ ji̱nu koꞌo rátíꞌ ―nkachiꞌ ña.
20Jee kuísá ntañúꞌún nkoyo ña nute ñuꞌun iniꞌ ki̱yɨ ña ɨɨn iniꞌ nu̱u̱nꞌ chíkókóꞌ jee ninu ña ntavaꞌ kue̱ꞌe̱ꞌ ña nute sáva koꞌo ntáká rá kameyúꞌ re̱ꞌ. 21Jee níín nkuvi re̱ꞌ néꞌyá re̱ꞌ ña sáva kukáꞌnú na̱a̱ꞌ iniꞌ re̱ꞌ retú nsa̱ꞌá I̱toꞌoꞌ ya̱ kɨ̱ꞌɨ̱nꞌ váꞌa jín tiñu kua̱ꞌa̱nꞌ re̱ꞌ yukuán, áxí ntu̱ví. 22Jee sáá nkuvi niꞌi rá kameyúꞌ nute, jee ntavaꞌ re̱ꞌ ɨɨn xeꞌi oro yɨ́yáꞌvi ya̱ yatin i̱ñu̱ꞌ gramúꞌ vá ve̱i, jín u̱vi̱ꞌ rá ka̱a ti̱yu̱ꞌ oro ya̱ ñuꞌun su̱ku̱nꞌ naꞌá ya̱ sientúꞌ víꞌí ka̱ꞌ gramúꞌ vá ve̱i, jee njia̱ꞌa re̱ꞌ ráa nu̱u̱nꞌ ña. 23Jee nkachiꞌ re̱ꞌ:
―Kova̱ꞌa xá iniꞌ nú kachiꞌ nú nu̱u̱nꞌ ni̱ꞌ, ¿né ɨɨn se̱ꞌya kúvi nú?, jee, ¿á íyó ntíꞌ nu̱u̱nꞌ veꞌi tátáꞌ nú kino̱o ránꞌ kusuꞌ ránꞌ yakuááꞌ? ―nkachiꞌ re̱ꞌ nu̱u̱nꞌ ña.
24Jee nkachiꞌ ña nu̱u̱nꞌ re̱ꞌ:
―Se̱ꞌya Betuel kúvi ni̱ꞌ, ya̱ kúvi re̱ꞌ se̱ꞌya Milca jín yɨɨ́ ña Nacor.
25Jee nkachiꞌ ña ka̱ꞌ nu̱u̱nꞌ re̱ꞌ:
―Jee veꞌi ránꞌ íyó nu̱u̱nꞌ kino̱o rán kusuꞌ rán yakuááꞌ, jee suni íyó kue̱ꞌe̱ꞌ iteꞌ nu̱u̱nꞌ kava rá kameyúꞌ jee íyó kue̱ꞌe̱ꞌ ya̱ ku̱ꞌva rán ya̱ kajiꞌ rátíꞌ ―nkachiꞌ ña nu̱u̱nꞌ re̱ꞌ.
26Saájee ña̱kui̱ñɨ̱ꞌ ítɨ́ musúꞌ vá nneñu̱ꞌun re̱ꞌ I̱toꞌoꞌ, 27jee kachiꞌ‑i:
“Na̱ ka̱ꞌ netuꞌ ka̱ꞌ kúvi I̱toꞌoꞌ ya̱ kuvi Ndiosíꞌ i̱toꞌoꞌ ni̱ꞌ Abraham, ya̱ ntu̱ví nxínóo re̱ꞌ i̱toꞌoꞌ ni̱ꞌ Abraham nu̱u̱nꞌ ya̱ íyó mániꞌ iniꞌ re̱ꞌ néꞌyá re̱ꞌ maa jee nsi̱kúnkuvi na̱a̱ꞌ re̱ꞌ jín‑i, jee nuꞌuꞌ chi nchuꞌun I̱toꞌoꞌ ichi nuꞌuꞌ kɨ̱ꞌɨ̱nꞌ ni̱ꞌ veꞌi rá táꞌán i̱toꞌoꞌ ni̱ꞌ Abraham”, nkachiꞌ musúꞌ vá ni nákuetúꞌún re̱ꞌ.
28Jee jínu ñasúchí vá kua̱noꞌonꞌ ña veꞌi nánáꞌ ña, jee nna̱kani ña nu̱u̱nꞌ táꞌán veꞌi yukuán nɨꞌɨ yaꞌá ya̱ nkuvi. 29Jee íyó ɨɨn ku̱ꞌva Rebeca ya̱ naní Labán, jee jínu Labán nkene re̱ꞌ kua̱tuꞌva re̱ꞌ nu̱u̱nꞌ te̱e vá ya̱ íñɨ́‑ɨ nu̱u̱nꞌ káku nute. 30Chi sáá niniꞌ re̱ꞌ xeꞌi jín rá ka̱a ti̱yu̱ꞌ ya̱ ñuꞌun su̱ku̱nꞌ naꞌá ku̱ꞌva re̱ꞌ jee sáá nteso̱ꞌo re̱ꞌ ya̱ nna̱kani ña ya̱: “suꞌva nkachiꞌ te̱e vá nu̱u̱nꞌ ni̱ꞌ”, jee kua̱ꞌa̱nꞌ Labán jee nna̱niꞌinꞌ re̱ꞌ te̱e vá ya̱ íñɨ́ i̱i̱ꞌ jín rá kameyúꞌ nu̱u̱nꞌ káku nute vá. 31Jee nkachiꞌ re̱ꞌ:
―Neꞌenꞌ, maánú ya̱ netuꞌ kúvi nú nsa̱ꞌá I̱toꞌoꞌ. ¿Na̱ kuvi chi íñɨ́ nú chíkéꞌi résa?, chi ya nsa̱ꞌá túꞌva ni̱ꞌ veꞌi jín nu̱u̱nꞌ kino̱o rá kameyúꞌ ―nkachiꞌ Labán nu̱u̱nꞌ te̱e vá.
32Saájee kua̱ꞌa̱nꞌ te̱e vá veꞌi Labán, jee nxi̱núun Labán rá nantíñú ya̱ta̱ꞌ rá kameyúꞌ, jee njia̱ꞌa‑a iteꞌ nu̱u̱nꞌ rátíꞌ nu̱u̱nꞌ kava rátíꞌ jín ya̱ kajiꞌ rátíꞌ, jee kuíre njia̱ꞌa‑a nute nu̱u̱nꞌ te̱e vá jín rá te̱e kútáꞌán jín re̱ꞌ sáva nakete ráa jie̱ꞌe̱ꞌ ráa. 33Jee nchi̱só rá ñɨvɨ veꞌi vá neyu nu̱u̱nꞌ ráa sáva kajiꞌ ráa, soo nkachiꞌ musúꞌ Abraham vá:
―Nsáꞌ kajiꞌ ni̱ꞌ nekuaꞌ kuvi kachiꞌ ni̱ꞌ rá tu̱ꞌun va̱ji jín ni̱ꞌ ―nkachiꞌ musúꞌ vá.
Jee nkachiꞌ Labán:
―Kaꞌanꞌ nú ví.
34Saájee nkachiꞌ musúꞌ vá:
―Maáníꞌ kúvi musúꞌ Abraham. 35Jee nsa̱ꞌá víꞌí I̱toꞌoꞌ ya̱ netuꞌ kúvi i̱toꞌoꞌ ni̱ꞌ Abraham, jee nsa̱ꞌá‑a kúñáꞌnú re̱ꞌ jee kukúká re̱ꞌ jee njia̱ꞌa‑a nu̱u̱nꞌ re̱ꞌ rá sa̱na̱ꞌ líꞌí, jín rá xi̱ni̱kɨ̱ꞌ, jín xu̱ꞌún plata jín oro, jín rá tee jín rá ñaꞌan ya̱ kúvi rá musúꞌ jiátíñú saɨn re̱ꞌ, jín rá kameyúꞌ jín rá burrúꞌ. 36Jee Sara, ya̱ kúvi ñasɨ́ꞌɨ́ i̱toꞌoꞌ ni̱ꞌ Abraham ni̱yo ɨɨn se̱ꞌya yɨ́ɨ́ ña, jín i̱toꞌoꞌ ni̱ꞌ Abraham sáá ya̱ nku̱ñáꞌnú víꞌí ña, jee i̱toꞌoꞌ ni̱ꞌ njia̱ꞌa re̱ꞌ nu̱u̱nꞌ se̱ꞌya yɨ́ɨ́ re̱ꞌ nɨꞌɨ ya̱ kúmí re̱ꞌ.
37’Jee i̱toꞌoꞌ ni̱ꞌ nsa̱ꞌá re̱ꞌ ya̱ saꞌá náaꞌ ni̱ꞌ nu̱u̱nꞌ tu̱ꞌun káꞌánꞌ ni̱ꞌ, jee nkachiꞌ re̱ꞌ nu̱u̱nꞌ ni̱ꞌ: “Koto kéꞌen nú ñaꞌan ya̱ kúvi ɨɨn rá se̱ꞌya ñuunꞌ Canaán nu̱u̱nꞌ nééꞌ ni̱ꞌ sáva kuvi ña ñasɨ́ꞌɨ́ se̱ꞌya yɨ́ɨ́ ni̱ꞌ. 38Chisaꞌ kɨ̱ꞌɨ̱nꞌ nú veꞌi tátáꞌ ni̱ꞌ jín veꞌi rá táꞌán ni̱ꞌ jee yukuán keꞌen nú ɨɨn ñaꞌan ya̱ kuvi ña ñaꞌan sɨ́ꞌɨ́ se̱ꞌya ni̱ꞌ”, nkachiꞌ re̱ꞌ nu̱u̱nꞌ ni̱ꞌ.
39’Jee nkachiꞌ ni̱ꞌ nu̱u̱nꞌ i̱toꞌoꞌ ni̱ꞌ: “Sa̱naanꞌ nkíji ñaꞌan vá jín ni̱ꞌ”, nkachiꞌ ni̱ꞌ nu̱u̱nꞌ re̱ꞌ.
40’Jee nna̱xiníkó re̱ꞌ nu̱u̱nꞌ ni̱ꞌ: “I̱toꞌoꞌ ni̱ꞌ ya̱ jíka ni̱ꞌ jín re̱ꞌ, jee suvire̱ꞌ chuichí re̱ꞌ najiáꞌáꞌ ííꞌ re̱ꞌ kɨ̱ꞌɨ̱nꞌ jín noꞌó, sáva kɨ̱ꞌɨ̱nꞌ va̱ꞌa nú nu̱u̱nꞌ kɨ̱ꞌɨ̱nꞌ nú jee keꞌen nú ɨɨn ñaꞌan sáva kuvi ña ñasɨ́ꞌɨ́ se̱ꞌya ni̱ꞌ nteñu rá ñaꞌan táꞌán veꞌi ni̱ꞌ, ya̱ kúvi táꞌán veꞌi tátáꞌ ni̱ꞌ. 41Jee saájee nakui̱ñɨ̱ꞌ núne nú nu̱u̱nꞌ tu̱ꞌun nsa̱ꞌá náaꞌ nú nu̱u̱nꞌ ni̱ꞌ sáá kɨ̱ꞌɨ̱nꞌ nú nu̱u̱nꞌ táꞌán veꞌi ni̱ꞌ, jee retú rá táꞌán ni̱ꞌ ntu̱ví kuíni ráa taji ráa ñaꞌan vá nu̱u̱nꞌ nú, jee nakui̱ñɨ̱ꞌ núne nú nu̱u̱nꞌ tu̱ꞌun nsa̱ꞌá náaꞌ nú nu̱u̱nꞌ ni̱ꞌ”, nkachiꞌ re̱ꞌ nu̱u̱nꞌ ni̱ꞌ.
42’Jee ntiaaꞌ ni̱ꞌ vitan nu̱u̱nꞌ káku nute, jee nkachiꞌ ni̱ꞌ “I̱toꞌoꞌ, ya̱ kúvi Ndiosíꞌ i̱toꞌoꞌ ni̱ꞌ Abraham, retú nijia nú ya̱ saꞌá nú ya̱ kɨ̱ꞌɨ̱nꞌ va̱ꞌa jín ni̱ꞌ nu̱u̱nꞌ kɨ̱ꞌɨ̱nꞌ ni̱ꞌ yaꞌá, 43jee íñɨ́ ni̱ꞌ yaꞌá nu̱u̱nꞌ káku nute, jee jíkánꞌ táꞌvíꞌ ni̱ꞌ nu̱u̱nꞌ nú ya̱ kuvi yaꞌá: ya̱ ñaꞌan súchí ya̱ kiji kitavaꞌ nute jín ya̱ kachiꞌ ni̱ꞌ nu̱u̱nꞌ ña: “Kova̱ꞌa xá iniꞌ nú taji nú ntíꞌ nute ñuꞌun iniꞌ ki̱yɨ nú koꞌo ni̱ꞌ”, kachiꞌ ni̱ꞌ nu̱u̱nꞌ ña, 44jee naxiníkó ña nu̱u̱nꞌ ni̱ꞌ: “Koꞌo nú nute, jee suni tavaꞌ ni̱ꞌ nute sáva koꞌo rá kameyúꞌ nú”, kachiꞌ ña nu̱u̱nꞌ ni̱ꞌ, jee ñaꞌan yaꞌá kuvi ñaꞌan ya̱ nka̱ji nú ya̱ kuvi ña ñasɨ́ꞌɨ́ se̱ꞌya i̱toꞌoꞌ ni̱ꞌ Abraham.”
45’Jee ne̱ ntiáꞌan ka̱ꞌ nɨꞌɨ ni̱ꞌ kaꞌanꞌ ni̱ꞌ iniꞌ ánímaꞌ ni̱ꞌ nu̱u̱nꞌ Ndiosíꞌ, jee niniꞌ ni̱ꞌ Rebeca va̱ji ña yósóꞌ súkún ña ki̱yɨ ña, jee va̱ji kuun ña nu̱u̱nꞌ káku nute jee ntavaꞌ ña nute, jee nkachiꞌ ni̱ꞌ nu̱u̱nꞌ ña: “Kova̱ꞌa xá iniꞌ nú taji nú ntíꞌ nute koꞌo ni̱ꞌ”, nkachiꞌ ni̱ꞌ nu̱u̱nꞌ ña. 46Jee ntañúꞌún kuitɨꞌ nxi̱núun ña ki̱yɨ nute ña, jee nkachiꞌ ña nu̱u̱nꞌ ni̱ꞌ: “Koꞌo nú nute, jee suni ku̱ꞌva ni̱ꞌ nute koꞌo rá kameyúꞌ nú”, nkachiꞌ ña. Jee niꞌi ni̱ꞌ nute jee suni njia̱ꞌa ña nute niꞌi rá kameyúꞌ.
47’Saájee ni̱ka̱tu̱ꞌún ni̱ꞌ ña, jee nkachiꞌ ni̱ꞌ nu̱u̱nꞌ ña: “¿Né ɨɨn se̱ꞌya kúvi nú?”, nkachiꞌ ni̱ꞌ nu̱u̱nꞌ ña. Jee nkachiꞌ ña: “Kúvi ni̱ꞌ se̱ꞌya Betuel, ya̱ kuvi se̱ꞌya yɨ́ɨ́ Nacor jín ñasɨ́ꞌɨ́ re̱ꞌ Milca”, nkachiꞌ ña nu̱u̱nꞌ ni̱ꞌ.
’Saájee nchiꞌi ni̱ꞌ xeꞌi yuꞌú i̱xti̱nꞌ ña jín rá ti̱yu̱ꞌ ka̱a su̱ku̱nꞌ naꞌá ña. 48Jee ña̱kui̱ñɨ̱ꞌ ítɨ́ ni̱ꞌ jee nneñu̱ꞌun ni̱ꞌ I̱toꞌoꞌ jee nna̱kuetúꞌún ni̱ꞌ I̱toꞌoꞌ ya̱ kúvi Ndiosíꞌ i̱toꞌoꞌ ni̱ꞌ Abraham, jie̱ꞌe̱ꞌ ni ka̱ꞌ nchuꞌun na̱a̱ꞌ re̱ꞌ nuꞌuꞌ iniꞌ ichi sáva keꞌen ni̱ꞌ tiání ñaniꞌ i̱toꞌoꞌ ni̱ꞌ Abraham sáva kuvi ña ñasɨ́ꞌɨ́ se̱ꞌya re̱ꞌ.
49’Jee vitan rá jee kachiꞌ rán nu̱u̱nꞌ ni̱ꞌ retú ya̱ koo ma̱ni̱ꞌ iniꞌ rán kune̱ꞌyá rán i̱toꞌoꞌ ni̱ꞌ jee sikúnkuvi na̱a̱ꞌ rán jín re̱ꞌ, jee retú ntu̱ví, jee kachiꞌ rán maa nu̱u̱nꞌ ni̱ꞌ sáva kuniꞌ ni̱ꞌ ne̱ ichi kɨ̱ꞌɨ̱nꞌ ni̱ꞌ, á ichi kuáꞌá áxí ichi sátín ―nkachiꞌ musúꞌ vá.
50Saájee nna̱xiníkó Labán jín Betuel nu̱u̱nꞌ musúꞌ vá jee nkachiꞌ ráa:
―Tiñu yaꞌá va̱ji ne̱ nu̱u̱nꞌ I̱toꞌoꞌ‑ó, jee nkúvi kachiꞌ ránꞌ nu̱u̱nꞌ nú á ya̱ váꞌa áxí ya̱ niváꞌa ví‑i. 51Saáva yaꞌá íñɨ́ Rebeca ichinúúnꞌ nú, keꞌen maa jee kua̱ꞌa̱nꞌ jín‑i sáva kuvi ña ñasɨ́ꞌɨ́ se̱ꞌya i̱toꞌoꞌ nú Abraham, sánikua̱ꞌ ya̱ nkachiꞌ I̱toꞌoꞌ‑ó ya̱ kuvi suꞌva ―nkachiꞌ ráa.
52Jee sáá nteso̱ꞌo musúꞌ Abraham rá tu̱ꞌun nkachiꞌ ráa, jee ña̱xin nei re̱ꞌ maáréꞌ nu̱u̱nꞌ ñu̱ꞌún nu̱u̱nꞌ I̱toꞌoꞌ. 53Jee ntavaꞌ musúꞌ vá rá nantíñú yɨ́yáꞌvi ya̱ kúvi oro jín plata jín saꞌma, jee njia̱ꞌa re̱ꞌ maa nu̱u̱nꞌ Rebeca. Jee suni njia̱ꞌa re̱ꞌ rá ta̱ꞌvi̱ꞌ yɨ́yáꞌvi máá viiꞌ nu̱u̱nꞌ ku̱ꞌva ña jín nu̱u̱nꞌ nánáꞌ ña. 54Jee nyajiꞌ re̱ꞌ niꞌi re̱ꞌ jín rá te̱e kútáꞌán jín re̱ꞌ, jee nkino̱o ráa yukuán yakuááꞌ, jee nnako̱o ráa ya̱neꞌenꞌ, jee nkachiꞌ musúꞌ vá nu̱u̱nꞌ rá ñɨvɨ xí veꞌi vá:
―Tají rán nikó ni̱ꞌ kɨ̱noꞌonꞌ ni̱ꞌ nu̱u̱nꞌ veꞌi i̱toꞌoꞌ ni̱ꞌ ―nkachiꞌ re̱ꞌ.
55Soo nkachiꞌ ku̱ꞌva Rebeca jín nánáꞌ ña nu̱u̱nꞌ musúꞌ vá:
―Kino̱o ñaꞌan súchí Rebeca yaꞌá jín ránꞌ sú kua̱chi u̱ji̱ꞌ ni ka̱ꞌ ki̱vɨ̱ꞌ, jee kuíre kɨ̱ꞌɨ̱nꞌ ña jín nú ―nkachiꞌ ráa.
56Soo musúꞌ vá nkachiꞌ nu̱u̱nꞌ ráa:
―Koto chínetu rán ka̱ꞌ nuꞌuꞌ, chi I̱toꞌoꞌ nsa̱ꞌá re̱ꞌ ya̱ kene va̱ꞌa nu̱u̱nꞌ ichi váji ni̱ꞌ, saáva tají rán nikó ni̱ꞌ kɨ̱noꞌonꞌ ni̱ꞌ nu̱u̱nꞌ I̱toꞌoꞌ ni̱ꞌ ―nkachiꞌ re̱ꞌ.
57Saájee nna̱xiníkó ráa nu̱u̱nꞌ re̱ꞌ:
―Kana ránꞌ ñaꞌan súchí vá kiji ña, sáva kuniꞌ‑ó ná kachiꞌ maáña ―nkachiꞌ ráa. 58Jee nkana ráa Rebeca jee ni̱ka̱tu̱ꞌún ráa ña:
―¿Á kɨ̱ꞌɨ̱nꞌ nú jín te̱e yaꞌá? ―nkachiꞌ ráa nu̱u̱nꞌ ña.
―Kɨ̱ꞌɨ̱nꞌ ni̱ꞌ ―nkachiꞌ ña nu̱u̱nꞌ ráa.
59Saájee nchu̱ichí ráa Rebeca kɨ̱ꞌɨ̱nꞌ ña, ya̱ kúvi ña ku̱ꞌva ráa, jín ɨɨn ñaꞌan ya̱ sukuáni nku̱mí ña Rebeca, jín musúꞌ Abraham vá, jín rá te̱e ya̱ kutáꞌán jín re̱ꞌ. 60Jee nkachiꞌ ráa nu̱u̱nꞌ Rebeca ya̱ na̱ ka̱ꞌ kuvi víꞌí ya̱ váꞌa jín ña, jee suꞌva nkachiꞌ ráa nu̱u̱nꞌ ña:
“Ku̱ꞌva maáránꞌ, na̱ ka̱ꞌ kenta kuvi nú nánáꞌ ntántúníꞌ millon ñɨvɨ,
jee rá ñɨvɨ kiji kuvi ichiyúkúnꞌ nú
na̱ ka̱ꞌ kuneí ráa kakɨnꞌ ráa si̱kɨ̱ꞌ rá ñɨvɨ táꞌvi iniꞌ kune̱ꞌyá rává ráa,”
nkachiꞌ rá táꞌán veꞌi Rebeca nu̱u̱nꞌ ña.
61Saájee nna̱kuiñɨꞌ Rebeca jín rá ñaꞌan ya̱ kúvi musúꞌ jiátíñú saɨn ña jee ña̱ko̱so̱ꞌ ráa ya̱ta̱ꞌ rá kameyúꞌ jee nchi̱nikɨnꞌ ráa ya̱ta̱ꞌ te̱e vá, jee suꞌva nkuvi sáá nkeꞌen musúꞌ vá Rebeca jee nkene‑e kua̱ꞌa̱nꞌ‑a yukuán.
62Jee va̱niji Isaac ya̱ ña̱ꞌa̱nꞌ re̱ꞌ nu̱u̱nꞌ nééꞌ sókó ya̱ naní “Maáréꞌ ya̱ tékúꞌ ya̱ néꞌyá re̱ꞌ nuꞌuꞌ”, #24:62 Beer Lajai Roi jee nééꞌ re̱ꞌ ñuunꞌ Négueb. 63Jee nkene Isaac jíka re̱ꞌ nu̱u̱nꞌ kuꞌúꞌ nájiáví antúníꞌ re̱ꞌ yánini jee nna̱neꞌen nu̱u̱nꞌ re̱ꞌ jee niniꞌ re̱ꞌ ya̱ va̱ji kuyatin rá kameyúꞌ. 64Jee nna̱neꞌen nu̱u̱nꞌ Rebeca, jee niniꞌ ña Isaac, jee nnu̱un ña ya̱ yósóꞌ ña ya̱ta̱ꞌ kameyúꞌ, 65jee ni̱ka̱tu̱ꞌún ña musúꞌ Abraham vá jee nkachiꞌ ña:
―¿Né ɨɨn ví te̱e yaꞌá ya̱ jíka‑a nu̱u̱nꞌ kuꞌúꞌ va̱ji‑i naketáꞌán‑a jín ránꞌ? ―nkachiꞌ ña.
Jee nkachiꞌ musúꞌ vá:
―I̱toꞌoꞌ ni̱ꞌ ví‑i ―nkachiꞌ musúꞌ vá.
Saájee ñasɨꞌ ña nu̱u̱nꞌ ña jín saꞌma yáxín. 66Saájee nna̱kani musúꞌ vá nu̱u̱nꞌ Isaac nɨꞌɨ ya̱ nsa̱ꞌá‑a. 67Jee kuíre kua̱ꞌa̱nꞌ Isaac jín Rebeca iniꞌ veꞌi saꞌma nánáꞌ re̱ꞌ Sara, jee nta̱na̱ꞌá re̱ꞌ jín ña. Jee ñúnúunꞌ víꞌí re̱ꞌ ña, jee suꞌva nnuva̱ꞌa iniꞌ re̱ꞌ nu̱u̱nꞌ tu̱nkuéká iniꞌ re̱ꞌ ya̱ níꞌiꞌ nánáꞌ re̱ꞌ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.