Génesis 34
34
Ntɨɨn xe̱e̱nꞌ ɨɨn te̱e Dina, jee nasaꞌá kini i̱i̱ꞌ ráa re̱ꞌ
1Jee Dina, ya̱ kúvi se̱ꞌya sɨ́ꞌɨ́ Lea ya̱ ni̱yo jín Jacob, nkene ña kua̱ꞌa̱nꞌ néꞌyá ña rá ñaꞌan súchí nééꞌ ñuunꞌ yukuán. 2Jee niniꞌ te̱e naní Siquem ña, ya̱ kúvi re̱ꞌ se̱ꞌya Hamor te̱e ichiyúkúnꞌ heveo, te̱e tátúníꞌ nu̱u̱nꞌ ñuunꞌ yukuán, jee ntɨɨn xe̱e̱nꞌ Siquem ña jee sukuán njia̱ꞌa re̱ꞌ tu̱nkánuun nu̱u̱nꞌ ña. 3Soo kuíre nchu̱nu̱u̱nꞌ re̱ꞌ Dina, se̱ꞌya sɨ́ꞌɨ́ Lea, nñunu̱u̱nꞌ re̱ꞌ ñasúchí vá, jee nkaꞌanꞌ ñúnkúún re̱ꞌ jín ña sáva saꞌá re̱ꞌ ya̱ kunu̱u̱nꞌ ña re̱ꞌ. 4Saájee nkaꞌanꞌ re̱ꞌ jín tátáꞌ re̱ꞌ Hamor, jee nkachiꞌ re̱ꞌ:
―Kua̱ꞌa̱nꞌ kika̱ka̱nꞌ nú naꞌá ñaꞌan súchí yaꞌá, sáva kuvi ña ñasɨ́ꞌɨ́ ni̱ꞌ ―nkachiꞌ Siquem nu̱u̱nꞌ tátáꞌ re̱ꞌ.
5Soo sáá Jacob nteso̱ꞌo re̱ꞌ ya̱ ntɨɨn xe̱e̱nꞌ Siquem se̱ꞌya sɨ́ꞌɨ́ re̱ꞌ Dina, jee íñɨ́ rá se̱ꞌya yɨ́ɨ́ re̱ꞌ nu̱u̱nꞌ kuꞌúꞌ jín rá sa̱na̱ꞌ ráa, saájee ni ntu̱ví ná nkachiꞌ re̱ꞌ ne̱kua̱ꞌ nni̱kó ráa. 6Jee kua̱ꞌa̱nꞌ Hamor, tááꞌ Siquem, nu̱u̱nꞌ nééꞌ Jacob, sáva kaꞌanꞌ‑a jín Jacob. 7Jee nni̱kó rá se̱ꞌya Jacob ya̱ ña̱ꞌa̱nꞌ ráa nu̱u̱nꞌ kuꞌúꞌ sáá nteso̱ꞌo ráa ya̱ nkuvi, jee nnu̱kuíꞌyáꞌ nasɨ́kuitɨꞌ iniꞌ ráa, jee nki̱tɨ̱ꞌ nasɨ́kuitɨꞌ iniꞌ ráa ne̱ ntɨɨn ñuꞌunꞌ ánímaꞌ ráa, chi nsa̱ꞌá‑a ɨɨn ñujiínꞌ tu̱nkánuun ya̱ kúvi kákini nasɨ́kuitɨꞌ jín rá ñɨvɨ Israel ya̱ ntɨɨn xe̱e̱nꞌ Siquem se̱ꞌya sɨ́ꞌɨ́ Jacob, chi kúvi ɨɨn tiñu ya̱ ni ntu̱ví íyó saꞌá‑a nékúvi.
8Jee nkaꞌanꞌ Hamor jín ráa:
―Se̱ꞌya yɨ́ɨ́ ni̱ꞌ, Siquem, ñúnúunꞌ víꞌí re̱ꞌ se̱ꞌya sɨ́ꞌɨ́ nú. Jee kova̱ꞌa xá iniꞌ rán ku̱ꞌva rán ña nu̱u̱nꞌ re̱ꞌ sáva kuvi ña ñasɨ́ꞌɨ́ re̱ꞌ. 9Jee tana̱ꞌá‑ó jín ɨɨn inka‑ó jee nakaꞌanꞌ táꞌán‑ó jín ráa, jee suꞌva jee taji ránú rá se̱ꞌya sɨ́ꞌɨ́ rán nu̱u̱nꞌ ránuꞌuꞌ tana̱ꞌá ráníꞌ jín ráa, jee suni nakeꞌen ránú rá se̱ꞌya sɨ́ꞌɨ́ ráníꞌ tana̱ꞌá rán jín ráa. 10Jee kino̱o rán kuneeꞌ rán jín ránuꞌuꞌ, chi káá ñuꞌun yaꞌá núne na̱kua̱ꞌ kuíni rán, jee kuneeꞌ rán nu̱u̱nꞌ ñuꞌun yaꞌá, keꞌen rán jín xi̱kó rán, jee keꞌen rán ñuꞌun ―nkachiꞌ Hamor nu̱u̱nꞌ ráa.
11Jee suni nkachiꞌ Siquem nu̱u̱nꞌ tátáꞌ Dina jín rá ku̱ꞌva ña:
―Na̱ ka̱ꞌ íyó ma̱ni̱ꞌ iniꞌ rán néꞌyá rán nuꞌuꞌ. Jee taji ni̱ꞌ ná ka̱ka̱nꞌ rán nu̱u̱nꞌ ni̱ꞌ. 12Nasikáa rán ka̱ꞌ ya̱ꞌvi ña jee ta̱ꞌvi̱ꞌ vá taji ni̱ꞌ maa nu̱u̱nꞌ rán sáni kachiꞌ rán nu̱u̱nꞌ nuꞌuꞌ, soo taji rán ñaꞌan súchí sáva kuvi ña ñasɨ́ꞌɨ́ ni̱ꞌ ―nkachiꞌ Siquem.
13Soo nna̱xiníkó rá se̱ꞌya Jacob tu̱ꞌun xínáꞌví nu̱u̱nꞌ Siquem jín nu̱u̱nꞌ tááꞌ re̱ꞌ Hamor, chi ntɨɨn xe̱e̱nꞌ Siquem ku̱ꞌva ráa Dina, 14jee nkachiꞌ ráa nu̱u̱nꞌ rává:
―Nkúvi saꞌá ránꞌ tiñu yaꞌá ya̱ taji ránꞌ ku̱ꞌva ránꞌ nu̱u̱nꞌ ɨɨn te̱e ya̱ ntu̱ví ñeꞌneꞌ ti̱yu̱ꞌ ntíꞌ yuꞌú ñɨɨn násɨ́ꞌ xi̱ni̱ꞌ nu̱u̱nꞌ ííꞌ te̱e jee siíyo maa ya̱ kachiꞌ‑ó circuncidado, chi ɨɨn tu̱nkánuun kákini kuvi‑i nteñu ránꞌ retú tana̱ꞌá jín te̱e ya̱ ntu íyó circuncidado. 15Soo kua̱chi tajiyuꞌú ráníꞌ ya̱ taji ránꞌ ku̱ꞌva ránꞌ nu̱u̱nꞌ nú, kua̱chi retú maáránú kuvi kuéntáꞌ íyó maáránuꞌuꞌ ya̱ keꞌneꞌ ti̱yu̱ꞌ ntáká rá te̱e rán ntíꞌ ñɨɨn yósóꞌ xi̱ni̱ꞌ ti̱sa̱ꞌ rán siíyo maa ya̱ kachiꞌ ya̱ saꞌá circuncidar. 16Saájee taji ráníꞌ rá se̱ꞌya sɨ́ꞌɨ́ ráníꞌ tana̱ꞌá ráa jín ránoꞌó, jee nakeꞌen ráníꞌ rá se̱ꞌya sɨ́ꞌɨ́ ránú tana̱ꞌá ráníꞌ jín ráña, jee kuneeꞌ ráníꞌ nteñu rán jee ɨɨn ni ñɨvɨ nuvi‑ó. 17Soo retú ntu̱ví yɨ́netuꞌ iniꞌ ránú saꞌá circuncidar ránú maáránú, jee nakeꞌen ránꞌ ku̱ꞌva ránꞌ #34:17 Literalmente káchíꞌ: se̱ꞌya sɨ́ꞌɨ́ ránꞌ. kene ránꞌ ñuunꞌ yaꞌá jee kɨ̱ꞌɨ̱nꞌ ránꞌ jín ña ―nkachiꞌ rá se̱ꞌya yɨ́ɨ́ Jacob.
18Nkuva̱ꞌa iniꞌ Hamor jín se̱ꞌya re̱ꞌ Siquem nne̱ꞌyá ráa rá tu̱ꞌun nteso̱ꞌo ráa ya̱ nkachiꞌ rává. 19Jee ni ntu̱ví nkúkuéé te̱e súchí vá saꞌá tiñu yaꞌá, chi ñúkúvi víꞌí iniꞌ re̱ꞌ se̱ꞌya sɨ́ꞌɨ́ Jacob. Jee kúvi re̱ꞌ máá te̱e ya̱ íyó ñáꞌnú ka̱ꞌ rá ñɨvɨ ñuunꞌ nu̱u̱nꞌ re̱ꞌ ka̱ꞌ nsú káꞌ rá inka rá táꞌán veꞌi tátáꞌ re̱ꞌ. 20Saájee kua̱ꞌa̱nꞌ Hamor jín se̱ꞌya re̱ꞌ Siquem yuvéꞌí nu̱u̱nꞌ kívɨ ñɨvɨ yuꞌú ñuunꞌ vá, jee nkaꞌanꞌ ráa jín rá te̱e ñuunꞌ vá ya̱ nútútú ráa yukuán, jee nkachiꞌ ráa:
21―Rá te̱e yaꞌá kúvi ráa te̱e nééꞌ va̱ꞌa jín‑ó, jee ku̱ꞌva‑ó kuneeꞌ ráa nu̱u̱nꞌ ñuꞌun yaꞌá, jee kakanuun ráa ñuꞌun yaꞌá keꞌen ráa jín xi̱kó ráa, chi káá kue̱ꞌe̱ꞌ ñuꞌun yaꞌá ya̱ kuvi ráa yaꞌá. Jee rá se̱ꞌya sɨ́ꞌɨ́ ráa nakeꞌen‑ó ráña kuvi ñasɨ́ꞌɨ́‑ó, jee ku̱ꞌva‑ó rá se̱ꞌya sɨ́ꞌɨ́‑ó nu̱u̱nꞌ ráa kuvi ñasɨ́ꞌɨ́ ráa. 22Soo kua̱chi kuitɨꞌ vá tajiyuꞌú ráa kuneeꞌ ráa jín‑ó jee kuvi‑órán ɨɨn ni ñɨvɨ ñuunꞌ retú maáórán keꞌneꞌ ntáká rá te̱e‑ó ntíꞌ ñɨɨn yósóꞌ xi̱ni̱ꞌ ti̱sa̱ꞌ‑ó ya̱ kachiꞌ ya̱ saꞌá circuncidar, sánikua̱ꞌ sáꞌá circuncidar ráa maáráa. 23Jee rá sa̱na̱ꞌ ráa, jín rá nantíñú ya̱ kúmí ráa, jín ntáká rá kitɨ ráa jee kuvi‑i nantíñú‑órán. Soo kua̱chi ku̱ꞌvayuꞌú‑órán ya̱ saꞌá‑órán ya̱ káchíꞌ ráa jee kuneeꞌ ráa jín‑ó ―nkachiꞌ Siquem jín Hamor.
24Jee ntáká rá te̱e ya̱ nkene ráa yuvéꞌí ñuunꞌ nku̱tútú ráa yukuán jee nku̱nuún nna̱túꞌún ráa jín tu̱ꞌun nkachiꞌ Hamor jín se̱ꞌya yɨ́ɨ́ re̱ꞌ Siquem, jee ntáká rá te̱e ñuunꞌ yukuán ya̱ nkene ráa yuvéꞌí ñuunꞌ vá nku̱tútú ráa yukuán nsa̱ꞌá circuncidar ráa maáráa.
25Soo ki̱vɨ̱ꞌ uníꞌ sáá uꞌviꞌ víꞌí nu̱u̱nꞌ ntéꞌneꞌ ráa, jee u̱vi̱ꞌ se̱ꞌya Jacob, Simeón jín Leví, ya̱ kúvi ráa ku̱ꞌva Dina, nna̱keꞌen ráa yuchiꞌ espada jee nki̱vɨ ráa ñuunꞌ sáá ntu níyo nito rá ñɨvɨ ñuunꞌ vá jee ñaꞌniꞌ ráa ntáká kuitɨꞌ rá te̱e. 26Jee ñaꞌniꞌ ráa Hamor jín se̱ꞌya yɨ́ɨ́ re̱ꞌ Siquem jín yuchiꞌ ráa, jee ntavaꞌ ráa Dina iniꞌ veꞌi Siquem jee nkene ráa kua̱ꞌa̱nꞌ ráa.
27Jee suni nkenta rá inka ka̱ꞌ rá se̱ꞌya yɨ́ɨ́ Jacob, jee njia̱ꞌa ráa nu̱u̱nꞌ káá rá ñunéꞌyúꞌ níꞌiꞌ jee ntavaꞌ ráa nɨꞌɨ rá nantíñú íyó iniꞌ ñuunꞌ vá nu̱u̱nꞌ ntɨɨn xe̱e̱nꞌ ku̱ꞌva ráa Dina. 28Jee ntɨɨn ráa rá sa̱na̱ꞌ líꞌí, jín rá xi̱ni̱kɨ̱ꞌ, jín rá burrúꞌ jee rá nantíñú íyó ñuunꞌ vá jín rá nantíñú íyó nu̱u̱nꞌ ku̱ꞌu̱ꞌ ntɨɨn ráa maa. 29Jee ntɨɨn ráa nɨꞌɨ rá nantíñú yɨ́yáꞌvi, jee ntɨɨn ráa nɨꞌɨ kuitɨꞌ rá su̱chí kuáchí jín rá ñaꞌan ñuunꞌ yukuán rá te̱e níꞌiꞌ kua̱ꞌa̱nꞌ ráa jín rává. Jee ntɨɨn ráa nɨꞌɨ ya̱ íyó iniꞌ rá veꞌi.
30Saájee nkachiꞌ Jacob nu̱u̱nꞌ Simeón jín Leví:
―Nchuꞌun rán nuꞌuꞌ nu̱u̱nꞌ tuntíxín, chi rá ñɨvɨ canaán jín rá ñɨvɨ ferezeo ya̱ nééꞌ ráa ñuꞌun yaꞌá, jee nsa̱ꞌá rán ya̱ ta̱ꞌvi̱ꞌ iniꞌ ráa kune̱ꞌyá ráa nuꞌuꞌ. Jee yakuꞌ víꞌí rá te̱e kúmí ni̱ꞌ. Jee sikánitáꞌán ráa si̱kɨ̱ꞌ nuꞌuꞌ jee kiji ráa kantáꞌán ráa jín nuꞌuꞌ, jee xináánꞌ ráa nuꞌuꞌ jín rá táꞌán veꞌi ni̱ꞌ ―nkachiꞌ Jacob nu̱u̱nꞌ ráa.
31Soo nna̱xiníkó ráa nu̱u̱nꞌ re̱ꞌ:
―¿Á íyó va̱ꞌa ya̱ kua̱tíñú re̱ꞌ ku̱ꞌva ránꞌ kuéntáꞌ ɨɨn ñaꞌan sɨ̱ɨ̱ꞌ iniꞌ ya̱ xíkó ña maáña nu̱u̱nꞌ naní te̱e ni résa? ―nkachiꞌ ráa.
Currently Selected:
Génesis 34: meh
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Génesis 34
34
Ntɨɨn xe̱e̱nꞌ ɨɨn te̱e Dina, jee nasaꞌá kini i̱i̱ꞌ ráa re̱ꞌ
1Jee Dina, ya̱ kúvi se̱ꞌya sɨ́ꞌɨ́ Lea ya̱ ni̱yo jín Jacob, nkene ña kua̱ꞌa̱nꞌ néꞌyá ña rá ñaꞌan súchí nééꞌ ñuunꞌ yukuán. 2Jee niniꞌ te̱e naní Siquem ña, ya̱ kúvi re̱ꞌ se̱ꞌya Hamor te̱e ichiyúkúnꞌ heveo, te̱e tátúníꞌ nu̱u̱nꞌ ñuunꞌ yukuán, jee ntɨɨn xe̱e̱nꞌ Siquem ña jee sukuán njia̱ꞌa re̱ꞌ tu̱nkánuun nu̱u̱nꞌ ña. 3Soo kuíre nchu̱nu̱u̱nꞌ re̱ꞌ Dina, se̱ꞌya sɨ́ꞌɨ́ Lea, nñunu̱u̱nꞌ re̱ꞌ ñasúchí vá, jee nkaꞌanꞌ ñúnkúún re̱ꞌ jín ña sáva saꞌá re̱ꞌ ya̱ kunu̱u̱nꞌ ña re̱ꞌ. 4Saájee nkaꞌanꞌ re̱ꞌ jín tátáꞌ re̱ꞌ Hamor, jee nkachiꞌ re̱ꞌ:
―Kua̱ꞌa̱nꞌ kika̱ka̱nꞌ nú naꞌá ñaꞌan súchí yaꞌá, sáva kuvi ña ñasɨ́ꞌɨ́ ni̱ꞌ ―nkachiꞌ Siquem nu̱u̱nꞌ tátáꞌ re̱ꞌ.
5Soo sáá Jacob nteso̱ꞌo re̱ꞌ ya̱ ntɨɨn xe̱e̱nꞌ Siquem se̱ꞌya sɨ́ꞌɨ́ re̱ꞌ Dina, jee íñɨ́ rá se̱ꞌya yɨ́ɨ́ re̱ꞌ nu̱u̱nꞌ kuꞌúꞌ jín rá sa̱na̱ꞌ ráa, saájee ni ntu̱ví ná nkachiꞌ re̱ꞌ ne̱kua̱ꞌ nni̱kó ráa. 6Jee kua̱ꞌa̱nꞌ Hamor, tááꞌ Siquem, nu̱u̱nꞌ nééꞌ Jacob, sáva kaꞌanꞌ‑a jín Jacob. 7Jee nni̱kó rá se̱ꞌya Jacob ya̱ ña̱ꞌa̱nꞌ ráa nu̱u̱nꞌ kuꞌúꞌ sáá nteso̱ꞌo ráa ya̱ nkuvi, jee nnu̱kuíꞌyáꞌ nasɨ́kuitɨꞌ iniꞌ ráa, jee nki̱tɨ̱ꞌ nasɨ́kuitɨꞌ iniꞌ ráa ne̱ ntɨɨn ñuꞌunꞌ ánímaꞌ ráa, chi nsa̱ꞌá‑a ɨɨn ñujiínꞌ tu̱nkánuun ya̱ kúvi kákini nasɨ́kuitɨꞌ jín rá ñɨvɨ Israel ya̱ ntɨɨn xe̱e̱nꞌ Siquem se̱ꞌya sɨ́ꞌɨ́ Jacob, chi kúvi ɨɨn tiñu ya̱ ni ntu̱ví íyó saꞌá‑a nékúvi.
8Jee nkaꞌanꞌ Hamor jín ráa:
―Se̱ꞌya yɨ́ɨ́ ni̱ꞌ, Siquem, ñúnúunꞌ víꞌí re̱ꞌ se̱ꞌya sɨ́ꞌɨ́ nú. Jee kova̱ꞌa xá iniꞌ rán ku̱ꞌva rán ña nu̱u̱nꞌ re̱ꞌ sáva kuvi ña ñasɨ́ꞌɨ́ re̱ꞌ. 9Jee tana̱ꞌá‑ó jín ɨɨn inka‑ó jee nakaꞌanꞌ táꞌán‑ó jín ráa, jee suꞌva jee taji ránú rá se̱ꞌya sɨ́ꞌɨ́ rán nu̱u̱nꞌ ránuꞌuꞌ tana̱ꞌá ráníꞌ jín ráa, jee suni nakeꞌen ránú rá se̱ꞌya sɨ́ꞌɨ́ ráníꞌ tana̱ꞌá rán jín ráa. 10Jee kino̱o rán kuneeꞌ rán jín ránuꞌuꞌ, chi káá ñuꞌun yaꞌá núne na̱kua̱ꞌ kuíni rán, jee kuneeꞌ rán nu̱u̱nꞌ ñuꞌun yaꞌá, keꞌen rán jín xi̱kó rán, jee keꞌen rán ñuꞌun ―nkachiꞌ Hamor nu̱u̱nꞌ ráa.
11Jee suni nkachiꞌ Siquem nu̱u̱nꞌ tátáꞌ Dina jín rá ku̱ꞌva ña:
―Na̱ ka̱ꞌ íyó ma̱ni̱ꞌ iniꞌ rán néꞌyá rán nuꞌuꞌ. Jee taji ni̱ꞌ ná ka̱ka̱nꞌ rán nu̱u̱nꞌ ni̱ꞌ. 12Nasikáa rán ka̱ꞌ ya̱ꞌvi ña jee ta̱ꞌvi̱ꞌ vá taji ni̱ꞌ maa nu̱u̱nꞌ rán sáni kachiꞌ rán nu̱u̱nꞌ nuꞌuꞌ, soo taji rán ñaꞌan súchí sáva kuvi ña ñasɨ́ꞌɨ́ ni̱ꞌ ―nkachiꞌ Siquem.
13Soo nna̱xiníkó rá se̱ꞌya Jacob tu̱ꞌun xínáꞌví nu̱u̱nꞌ Siquem jín nu̱u̱nꞌ tááꞌ re̱ꞌ Hamor, chi ntɨɨn xe̱e̱nꞌ Siquem ku̱ꞌva ráa Dina, 14jee nkachiꞌ ráa nu̱u̱nꞌ rává:
―Nkúvi saꞌá ránꞌ tiñu yaꞌá ya̱ taji ránꞌ ku̱ꞌva ránꞌ nu̱u̱nꞌ ɨɨn te̱e ya̱ ntu̱ví ñeꞌneꞌ ti̱yu̱ꞌ ntíꞌ yuꞌú ñɨɨn násɨ́ꞌ xi̱ni̱ꞌ nu̱u̱nꞌ ííꞌ te̱e jee siíyo maa ya̱ kachiꞌ‑ó circuncidado, chi ɨɨn tu̱nkánuun kákini kuvi‑i nteñu ránꞌ retú tana̱ꞌá jín te̱e ya̱ ntu íyó circuncidado. 15Soo kua̱chi tajiyuꞌú ráníꞌ ya̱ taji ránꞌ ku̱ꞌva ránꞌ nu̱u̱nꞌ nú, kua̱chi retú maáránú kuvi kuéntáꞌ íyó maáránuꞌuꞌ ya̱ keꞌneꞌ ti̱yu̱ꞌ ntáká rá te̱e rán ntíꞌ ñɨɨn yósóꞌ xi̱ni̱ꞌ ti̱sa̱ꞌ rán siíyo maa ya̱ kachiꞌ ya̱ saꞌá circuncidar. 16Saájee taji ráníꞌ rá se̱ꞌya sɨ́ꞌɨ́ ráníꞌ tana̱ꞌá ráa jín ránoꞌó, jee nakeꞌen ráníꞌ rá se̱ꞌya sɨ́ꞌɨ́ ránú tana̱ꞌá ráníꞌ jín ráña, jee kuneeꞌ ráníꞌ nteñu rán jee ɨɨn ni ñɨvɨ nuvi‑ó. 17Soo retú ntu̱ví yɨ́netuꞌ iniꞌ ránú saꞌá circuncidar ránú maáránú, jee nakeꞌen ránꞌ ku̱ꞌva ránꞌ #34:17 Literalmente káchíꞌ: se̱ꞌya sɨ́ꞌɨ́ ránꞌ. kene ránꞌ ñuunꞌ yaꞌá jee kɨ̱ꞌɨ̱nꞌ ránꞌ jín ña ―nkachiꞌ rá se̱ꞌya yɨ́ɨ́ Jacob.
18Nkuva̱ꞌa iniꞌ Hamor jín se̱ꞌya re̱ꞌ Siquem nne̱ꞌyá ráa rá tu̱ꞌun nteso̱ꞌo ráa ya̱ nkachiꞌ rává. 19Jee ni ntu̱ví nkúkuéé te̱e súchí vá saꞌá tiñu yaꞌá, chi ñúkúvi víꞌí iniꞌ re̱ꞌ se̱ꞌya sɨ́ꞌɨ́ Jacob. Jee kúvi re̱ꞌ máá te̱e ya̱ íyó ñáꞌnú ka̱ꞌ rá ñɨvɨ ñuunꞌ nu̱u̱nꞌ re̱ꞌ ka̱ꞌ nsú káꞌ rá inka rá táꞌán veꞌi tátáꞌ re̱ꞌ. 20Saájee kua̱ꞌa̱nꞌ Hamor jín se̱ꞌya re̱ꞌ Siquem yuvéꞌí nu̱u̱nꞌ kívɨ ñɨvɨ yuꞌú ñuunꞌ vá, jee nkaꞌanꞌ ráa jín rá te̱e ñuunꞌ vá ya̱ nútútú ráa yukuán, jee nkachiꞌ ráa:
21―Rá te̱e yaꞌá kúvi ráa te̱e nééꞌ va̱ꞌa jín‑ó, jee ku̱ꞌva‑ó kuneeꞌ ráa nu̱u̱nꞌ ñuꞌun yaꞌá, jee kakanuun ráa ñuꞌun yaꞌá keꞌen ráa jín xi̱kó ráa, chi káá kue̱ꞌe̱ꞌ ñuꞌun yaꞌá ya̱ kuvi ráa yaꞌá. Jee rá se̱ꞌya sɨ́ꞌɨ́ ráa nakeꞌen‑ó ráña kuvi ñasɨ́ꞌɨ́‑ó, jee ku̱ꞌva‑ó rá se̱ꞌya sɨ́ꞌɨ́‑ó nu̱u̱nꞌ ráa kuvi ñasɨ́ꞌɨ́ ráa. 22Soo kua̱chi kuitɨꞌ vá tajiyuꞌú ráa kuneeꞌ ráa jín‑ó jee kuvi‑órán ɨɨn ni ñɨvɨ ñuunꞌ retú maáórán keꞌneꞌ ntáká rá te̱e‑ó ntíꞌ ñɨɨn yósóꞌ xi̱ni̱ꞌ ti̱sa̱ꞌ‑ó ya̱ kachiꞌ ya̱ saꞌá circuncidar, sánikua̱ꞌ sáꞌá circuncidar ráa maáráa. 23Jee rá sa̱na̱ꞌ ráa, jín rá nantíñú ya̱ kúmí ráa, jín ntáká rá kitɨ ráa jee kuvi‑i nantíñú‑órán. Soo kua̱chi ku̱ꞌvayuꞌú‑órán ya̱ saꞌá‑órán ya̱ káchíꞌ ráa jee kuneeꞌ ráa jín‑ó ―nkachiꞌ Siquem jín Hamor.
24Jee ntáká rá te̱e ya̱ nkene ráa yuvéꞌí ñuunꞌ nku̱tútú ráa yukuán jee nku̱nuún nna̱túꞌún ráa jín tu̱ꞌun nkachiꞌ Hamor jín se̱ꞌya yɨ́ɨ́ re̱ꞌ Siquem, jee ntáká rá te̱e ñuunꞌ yukuán ya̱ nkene ráa yuvéꞌí ñuunꞌ vá nku̱tútú ráa yukuán nsa̱ꞌá circuncidar ráa maáráa.
25Soo ki̱vɨ̱ꞌ uníꞌ sáá uꞌviꞌ víꞌí nu̱u̱nꞌ ntéꞌneꞌ ráa, jee u̱vi̱ꞌ se̱ꞌya Jacob, Simeón jín Leví, ya̱ kúvi ráa ku̱ꞌva Dina, nna̱keꞌen ráa yuchiꞌ espada jee nki̱vɨ ráa ñuunꞌ sáá ntu níyo nito rá ñɨvɨ ñuunꞌ vá jee ñaꞌniꞌ ráa ntáká kuitɨꞌ rá te̱e. 26Jee ñaꞌniꞌ ráa Hamor jín se̱ꞌya yɨ́ɨ́ re̱ꞌ Siquem jín yuchiꞌ ráa, jee ntavaꞌ ráa Dina iniꞌ veꞌi Siquem jee nkene ráa kua̱ꞌa̱nꞌ ráa.
27Jee suni nkenta rá inka ka̱ꞌ rá se̱ꞌya yɨ́ɨ́ Jacob, jee njia̱ꞌa ráa nu̱u̱nꞌ káá rá ñunéꞌyúꞌ níꞌiꞌ jee ntavaꞌ ráa nɨꞌɨ rá nantíñú íyó iniꞌ ñuunꞌ vá nu̱u̱nꞌ ntɨɨn xe̱e̱nꞌ ku̱ꞌva ráa Dina. 28Jee ntɨɨn ráa rá sa̱na̱ꞌ líꞌí, jín rá xi̱ni̱kɨ̱ꞌ, jín rá burrúꞌ jee rá nantíñú íyó ñuunꞌ vá jín rá nantíñú íyó nu̱u̱nꞌ ku̱ꞌu̱ꞌ ntɨɨn ráa maa. 29Jee ntɨɨn ráa nɨꞌɨ rá nantíñú yɨ́yáꞌvi, jee ntɨɨn ráa nɨꞌɨ kuitɨꞌ rá su̱chí kuáchí jín rá ñaꞌan ñuunꞌ yukuán rá te̱e níꞌiꞌ kua̱ꞌa̱nꞌ ráa jín rává. Jee ntɨɨn ráa nɨꞌɨ ya̱ íyó iniꞌ rá veꞌi.
30Saájee nkachiꞌ Jacob nu̱u̱nꞌ Simeón jín Leví:
―Nchuꞌun rán nuꞌuꞌ nu̱u̱nꞌ tuntíxín, chi rá ñɨvɨ canaán jín rá ñɨvɨ ferezeo ya̱ nééꞌ ráa ñuꞌun yaꞌá, jee nsa̱ꞌá rán ya̱ ta̱ꞌvi̱ꞌ iniꞌ ráa kune̱ꞌyá ráa nuꞌuꞌ. Jee yakuꞌ víꞌí rá te̱e kúmí ni̱ꞌ. Jee sikánitáꞌán ráa si̱kɨ̱ꞌ nuꞌuꞌ jee kiji ráa kantáꞌán ráa jín nuꞌuꞌ, jee xináánꞌ ráa nuꞌuꞌ jín rá táꞌán veꞌi ni̱ꞌ ―nkachiꞌ Jacob nu̱u̱nꞌ ráa.
31Soo nna̱xiníkó ráa nu̱u̱nꞌ re̱ꞌ:
―¿Á íyó va̱ꞌa ya̱ kua̱tíñú re̱ꞌ ku̱ꞌva ránꞌ kuéntáꞌ ɨɨn ñaꞌan sɨ̱ɨ̱ꞌ iniꞌ ya̱ xíkó ña maáña nu̱u̱nꞌ naní te̱e ni résa? ―nkachiꞌ ráa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.