Juan 15
15
Jesús kúvi re̱ꞌ kuéntáꞌ yokúꞌúꞌ ya̱ vixíꞌ naní uva
1Jee nkachiꞌ tuku ka̱ꞌ Jesús:
―Nuꞌuꞌ kúvi ni̱ꞌ kuéntáꞌ yokúꞌúꞌ va̱ꞌa ya̱ maá nááꞌ nijia kúun ya̱ vixíꞌ naní uva, jee Tátáꞌ ni̱ꞌ Ndiosíꞌ kúvi re̱ꞌ kuéntáꞌ ɨɨn te̱e ya̱ kúmí yokúꞌúꞌ vá. 2Jee ntáká ñɨvɨ ni̱ꞌ ya̱ ntu jiáꞌnu sáni kuíni Ndiosíꞌ kúvi kuéntáꞌ naꞌá yokúꞌúꞌ ni̱ꞌ ya̱ ntu̱ví kúun uva, jee sííyo Tátáꞌ ni̱ꞌ maa, kuéntáꞌ sííyo ñɨvɨ naꞌá yokúꞌúꞌ. Jee ntáká rá ñɨvɨ ya̱ jiáꞌnu ichi Ndiosíꞌ kúvi ráa kuéntáꞌ naꞌá yokúꞌúꞌ ni̱ꞌ ya̱ kúun uva, jee sáꞌá re̱ꞌ jín ráa kuéntáꞌ nu̱u̱nꞌ sáꞌá noo re̱ꞌ rá yokúꞌúꞌ uva, sáva kuun ka̱ꞌ uva maa, jee suni sukuán sáꞌá re̱ꞌ jín ráa. 3Jee ránoꞌó jee kuéntáꞌ ya̱ nno̱noo iniꞌ ánímaꞌ rán nsa̱ꞌá rá tu̱ꞌun nkachiꞌ ni̱ꞌ nu̱u̱nꞌ rán. 4Jee íyó kuiñɨ ni̱ꞌin rán kino̱o kutú rán nu̱u̱nꞌ nuꞌuꞌ, jee nuꞌuꞌ suni kuiñɨ ni̱ꞌin ni̱ꞌ koo ni̱ꞌ jín rán. Chi ɨɨn naꞌá yokúꞌúꞌ lúlí ntu̱ví kúvi máá maáa ku̱ꞌva‑a uva, retú ntu̱ví tɨ́ɨn táꞌán‑a jín yokúꞌúꞌ káꞌnú vá. Jee suni sukuán ránoꞌó chi ntu̱ví kúvi kueꞌnu máá maárán sáni kuíni Ndiosíꞌ retú ntu̱ví íñɨ́ ni̱ꞌin rán jín nuꞌuꞌ.
5’Chi nuꞌuꞌ, jee kúvi ni̱ꞌ kuéntáꞌ yokúꞌúꞌ káꞌnú yu̱ku̱ꞌ uva vá, jee ránoꞌó, chi kúvi rán kuéntáꞌ rá yokúꞌúꞌ kuáchí ya̱ kéne i̱ka̱ꞌ yokúꞌúꞌ káꞌnú vá. Chi néni ɨɨn ñɨvɨ ya̱ íñɨ́ ni̱ꞌin kino̱o kutú nu̱u̱nꞌ nuꞌuꞌ, jee suni kuiñɨ ni̱ꞌin ni̱ꞌ koo ni̱ꞌ jín ñɨvɨ vá, jee ñɨvɨ yaꞌá ví ya̱ sáꞌá tiñu váꞌa ya̱ kuíni Ndiosíꞌ. Chi retú ntu̱ví íñɨ́ ni̱ꞌin ñɨvɨ vá jín nuꞌuꞌ, jee kuéntáꞌ íyó sɨ́ɨ́n‑ɨ nu̱u̱nꞌ ni̱ꞌ, jee ni nkúvi na̱ saꞌá‑a ni ɨɨn tiñu váꞌa sáni kuíni Ndiosíꞌ. 6Jee ñɨvɨ ya̱ ntu̱ví íñɨ́ ni̱ꞌin jín nuꞌuꞌ, jee saꞌá sɨ́ɨ́n Ndiosíꞌ maa, kuéntáꞌ sáꞌá jín naꞌá yokúꞌúꞌ yu̱ku̱ꞌ uva ya̱ ntu̱ví jiáꞌa uva, jee náchi‑i. Jee nákeꞌen ráa maa, jee chúꞌun ráa maa nu̱u̱nꞌ ñuꞌunꞌ jee káyúꞌ‑u. 7Retú íñɨ́ ni̱ꞌin rán kínóo kutú rán nu̱u̱nꞌ nuꞌuꞌ, jín retú ñúꞌún iniꞌ rán rá tu̱ꞌun ya̱ nkachiꞌ ni̱ꞌ nu̱u̱nꞌ rán, saájee kuvi ka̱ka̱nꞌ rán néni ɨɨn ya̱ kuíni rán, jee saꞌá ni̱ꞌ ya̱ kuvi ya̱ jíkánꞌ rán. 8Jee retú jiáꞌnu rán sáni kuíni Ndiosíꞌ, kúvi rán kuéntáꞌ yokúꞌúꞌ kúun víꞌí uva jee yaꞌá kúvi ya̱ stúvi rán ya̱ kúñáꞌnú Ndiosíꞌ, jee suni sukuán kúvi nijia rán rá ñɨvɨ ya̱ súkuáꞌa ni̱ꞌ ránoꞌó níkɨ́nꞌ rán nuꞌuꞌ.
9’Kuéntáꞌ sánikua̱ꞌ ñúnúunꞌ Tátáꞌ ni̱ꞌ nuꞌuꞌ, jee suni sukuán ñúnúunꞌ ni̱ꞌ ránoꞌó. Jee íyó kino̱o kutú rán kuiñɨ ni̱ꞌin rán nu̱u̱nꞌ tu̱ꞌun ñúnúunꞌ ni̱ꞌ ránoꞌó. 10Jee retú ñúꞌún iniꞌ rán ya̱ sikúnkuvi rán rá tu̱ꞌun ya̱ tátúníꞌ ni̱ꞌ, jee sukuán kino̱o kutú rán kuiñɨ ni̱ꞌin rán nu̱u̱nꞌ tu̱ꞌun ñúnúunꞌ ni̱ꞌ ránoꞌó, sánikua̱ꞌ ñúꞌún iniꞌ ni̱ꞌ síkúnkuvi ni̱ꞌ rá tu̱ꞌun ya̱ nta̱túníꞌ Tátáꞌ ni̱ꞌ nu̱u̱nꞌ ni̱ꞌ, jee kínóo kutú ni̱ꞌ íñɨ́ ni̱ꞌin ni̱ꞌ nu̱u̱nꞌ tu̱ꞌun ñúnúunꞌ re̱ꞌ nuꞌuꞌ. 11Nkachiꞌ ni̱ꞌ rá tu̱ꞌun yaꞌá nu̱u̱nꞌ rán, sáva kusɨ̱ɨ̱ꞌ iniꞌ ánímaꞌ rán kuéntáꞌ kúsɨ́ɨꞌ iniꞌ ni̱ꞌ, jee sáva chuchítú ni̱ꞌ nu̱u̱nꞌ kúsɨ́ɨꞌ iniꞌ ánímaꞌ rán. 12Jee yaꞌá kúvi máá tu̱ꞌun ya̱ tátúníꞌ ni̱ꞌ nu̱u̱nꞌ rán ya̱: Kunu̱u̱nꞌ rán inka rá táꞌán rán, kuéntáꞌ ñúnúunꞌ ni̱ꞌ ránoꞌó. 13Ni ɨɨn ñɨvɨ ntu ñúnúunꞌ‑u ka̱ꞌ nsú káꞌ yaꞌá: ya̱ ku̱ꞌva‑a maáa jee kuviꞌ‑i jie̱ꞌe̱ꞌ ya̱ váꞌa rá ñɨvɨ ya̱ kámani jín‑i.
14’Jee ránoꞌó, chi ñɨvɨ kámani jín ni̱ꞌ kúvi rán, retú síkúnkuvi na̱a̱ꞌ nijia rán rá tu̱ꞌun ni̱ꞌ ya̱ nta̱túníꞌ ni̱ꞌ nu̱u̱nꞌ rán. 15Ntu̱ví káchíꞌ ni̱ꞌ ka̱ꞌ ya̱ kúvi rán musúꞌ, chi ɨɨn musúꞌ jee ntu̱ví kúkáꞌnú iniꞌ re̱ꞌ ná kúvi ya̱ jiáni iniꞌ i̱toꞌoꞌ re̱ꞌ saꞌá‑a. Soo vitan jee nkachiꞌ ni̱ꞌ ya̱ ñɨvɨ ya̱ kámani jín ni̱ꞌ kúvi rán, chi ntáká tu̱ꞌun ya̱ nteso̱ꞌo ni̱ꞌ ya̱ nkachiꞌ Tátáꞌ ni̱ꞌ nu̱u̱nꞌ ni̱ꞌ, jee nɨꞌɨ nsi̱kúkáꞌnú ni̱ꞌ iniꞌ rán. 16Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán. 17Jee yaꞌá kúvi rá tu̱ꞌun ya̱ tátúníꞌ ni̱ꞌ nu̱u̱nꞌ rán ya̱: Kunu̱u̱nꞌ ɨɨn inka rán rá táꞌán rán.
Rá ñɨvɨ ñɨ̱vɨ́ táꞌvi iniꞌ ráa néꞌyá ráa Jesús jín rá ñɨvɨ yɨ́ꞌɨ́ nu̱u̱nꞌ re̱ꞌ
18’Jee retú táꞌvi iniꞌ rá ñɨvɨ ñɨ̱vɨ́ néꞌyá ráa ránoꞌó, jee ya̱ jíníꞌ rán ya̱ xíꞌna ka̱ꞌ nta̱ꞌvi̱ꞌ iniꞌ ráa nne̱ꞌyá ráa nuꞌuꞌ, nsú káꞌ ránoꞌó. 19Chi retánꞌ íñɨ́ i̱i̱ꞌ rán ichi jiáꞌnu rá ñɨvɨ ñɨ̱vɨ́ ya̱ ntu yɨ́ꞌɨ́ ráa xi̱ntíín Ndiosíꞌ, saájee íyó kunu̱u̱nꞌ ráa ránoꞌó, kuéntáꞌ ñúnúunꞌ ráa rá ñɨvɨ íñɨ́ jín ráa. Soo jie̱ꞌe̱ꞌ ya̱ nka̱ji ni̱ꞌ ránoꞌó ya̱ nsáꞌ kɨꞌɨ rán ka̱ꞌ nu̱u̱nꞌ ñujiínꞌ ñɨvɨ ñɨ̱vɨ́ yaꞌá jee ntu káꞌ jiáꞌnu rán kuéntáꞌ jiáꞌnu ráa. Jee jie̱ꞌe̱ꞌ saáva táꞌvi iniꞌ ráa néꞌyá ráa ránoꞌó.
20’Íyó naku̱ꞌun iniꞌ rán rá tu̱ꞌun nkachiꞌ ni̱ꞌ nu̱u̱nꞌ rán sáá nkachiꞌ ni̱ꞌ: “Ya̱ ɨɨn musúꞌ jee ntu̱ví kúñáꞌnú re̱ꞌ ka̱ꞌ nsú káꞌ i̱toꞌoꞌ re̱ꞌ.” Ya jíto u̱ꞌvi̱ꞌ ñɨvɨ nuꞌuꞌ, jee suni sukuán koto u̱ꞌvi̱ꞌ ráa ránoꞌó. Jee retú ñúꞌún iniꞌ ñɨvɨ rá tu̱ꞌun ya̱ káchíꞌ ni̱ꞌ, jee suni kuꞌun iniꞌ ráa rá tu̱ꞌun ya̱ kachiꞌ ránoꞌó. 21Soo ntáká rá tiñu yaꞌá saꞌá ráa jín ránoꞌó, jie̱ꞌe̱ꞌ ni ka̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ, chi jie̱ꞌe̱ꞌ ni ka̱ꞌ ya̱ ntu̱ví jíníꞌ ráa iniꞌ maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.
22’Chi retánꞌ ntu̱ví váji ni̱ꞌ, jee ni ntu̱náꞌ kachiꞌ ni̱ꞌ nu̱u̱nꞌ ráa jee ntu̱náꞌ si̱kɨ̱ꞌ ráa koo jie̱ꞌe̱ꞌ kua̱chi ráa nékúvi. Soo vitan jee ntu íyó na̱ní si̱kɨ̱ꞌ tee ráa jie̱ꞌe̱ꞌ kua̱chi ráa. 23Chi ñɨvɨ ya̱ táꞌvi iniꞌ‑i néꞌyá‑a nuꞌuꞌ, jee suni táꞌvi iniꞌ‑i néꞌyá‑a ne̱ Tátáꞌ ni̱ꞌ. 24Chi retánꞌ ni ntu̱ví nsáꞌá ni̱ꞌ rá tiñu a̱nasɨ́ váꞌa nteñu ráa, ya̱ ntu̱ví sáꞌá ni ɨɨn inka ñɨvɨ maa, jee nsáꞌ koo kua̱chi si̱kɨ̱ꞌ ráa nékúvi. Soo vitan jee ya̱ niniꞌ ráa rá tiñu ya̱ nsa̱ꞌá ni̱ꞌ jee táꞌvi iniꞌ ráa néꞌyá ráa nuꞌuꞌ jín Tátáꞌ ni̱ꞌ. 25Soo sukuán kúvi sáva kuvi sikúnkuvi tu̱ꞌun ya̱ nééꞌ nu̱u̱nꞌ Tutuꞌ níso tu̱ꞌun ley Ndiosíꞌ ya̱ kúmí ráa, ya̱ káchíꞌ‑i: “Ntu̱náꞌ jie̱ꞌe̱ꞌ íyó, jee táꞌvi iniꞌ ráa néꞌyá ráa nuꞌuꞌ”, káchíꞌ nu̱u̱nꞌ Tutuꞌ Ííꞌ.
26’Jee chuichí ni̱ꞌ ɨɨn ya̱ kiji re̱ꞌ ne̱ nu̱u̱nꞌ Tátáꞌ ni̱ꞌ, jee chineí chituvi re̱ꞌ nachuꞌun neí re̱ꞌ iniꞌ ánímaꞌ rán, jee suvire̱ꞌ kúvi Ta̱chi̱ꞌ Ííꞌ ya̱ xínéꞌénꞌ re̱ꞌ tu̱ꞌun na̱a̱ꞌ. Jee sáá kene re̱ꞌ ne̱ nu̱u̱nꞌ maá Tátáꞌ ni̱ꞌ kiji re̱ꞌ jee ku̱ꞌva re̱ꞌ ya̱ naáꞌ jie̱ꞌe̱ꞌ nuꞌuꞌ. 27Jee suni ránoꞌó ranika̱ꞌ, naku̱ꞌva rán ya̱ naáꞌ jie̱ꞌe̱ꞌ nuꞌuꞌ, chi kútáꞌán rán jín nuꞌuꞌ ne̱ tiempúꞌ xíꞌnañúꞌún ya̱ nka̱jiéꞌé ni̱ꞌ nna̱kani ni̱ꞌ rá tu̱ꞌun váꞌa ni̱ꞌ nu̱u̱nꞌ rá ñɨvɨ.
Currently Selected:
Juan 15: meh
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Juan 15
15
Jesús kúvi re̱ꞌ kuéntáꞌ yokúꞌúꞌ ya̱ vixíꞌ naní uva
1Jee nkachiꞌ tuku ka̱ꞌ Jesús:
―Nuꞌuꞌ kúvi ni̱ꞌ kuéntáꞌ yokúꞌúꞌ va̱ꞌa ya̱ maá nááꞌ nijia kúun ya̱ vixíꞌ naní uva, jee Tátáꞌ ni̱ꞌ Ndiosíꞌ kúvi re̱ꞌ kuéntáꞌ ɨɨn te̱e ya̱ kúmí yokúꞌúꞌ vá. 2Jee ntáká ñɨvɨ ni̱ꞌ ya̱ ntu jiáꞌnu sáni kuíni Ndiosíꞌ kúvi kuéntáꞌ naꞌá yokúꞌúꞌ ni̱ꞌ ya̱ ntu̱ví kúun uva, jee sííyo Tátáꞌ ni̱ꞌ maa, kuéntáꞌ sííyo ñɨvɨ naꞌá yokúꞌúꞌ. Jee ntáká rá ñɨvɨ ya̱ jiáꞌnu ichi Ndiosíꞌ kúvi ráa kuéntáꞌ naꞌá yokúꞌúꞌ ni̱ꞌ ya̱ kúun uva, jee sáꞌá re̱ꞌ jín ráa kuéntáꞌ nu̱u̱nꞌ sáꞌá noo re̱ꞌ rá yokúꞌúꞌ uva, sáva kuun ka̱ꞌ uva maa, jee suni sukuán sáꞌá re̱ꞌ jín ráa. 3Jee ránoꞌó jee kuéntáꞌ ya̱ nno̱noo iniꞌ ánímaꞌ rán nsa̱ꞌá rá tu̱ꞌun nkachiꞌ ni̱ꞌ nu̱u̱nꞌ rán. 4Jee íyó kuiñɨ ni̱ꞌin rán kino̱o kutú rán nu̱u̱nꞌ nuꞌuꞌ, jee nuꞌuꞌ suni kuiñɨ ni̱ꞌin ni̱ꞌ koo ni̱ꞌ jín rán. Chi ɨɨn naꞌá yokúꞌúꞌ lúlí ntu̱ví kúvi máá maáa ku̱ꞌva‑a uva, retú ntu̱ví tɨ́ɨn táꞌán‑a jín yokúꞌúꞌ káꞌnú vá. Jee suni sukuán ránoꞌó chi ntu̱ví kúvi kueꞌnu máá maárán sáni kuíni Ndiosíꞌ retú ntu̱ví íñɨ́ ni̱ꞌin rán jín nuꞌuꞌ.
5’Chi nuꞌuꞌ, jee kúvi ni̱ꞌ kuéntáꞌ yokúꞌúꞌ káꞌnú yu̱ku̱ꞌ uva vá, jee ránoꞌó, chi kúvi rán kuéntáꞌ rá yokúꞌúꞌ kuáchí ya̱ kéne i̱ka̱ꞌ yokúꞌúꞌ káꞌnú vá. Chi néni ɨɨn ñɨvɨ ya̱ íñɨ́ ni̱ꞌin kino̱o kutú nu̱u̱nꞌ nuꞌuꞌ, jee suni kuiñɨ ni̱ꞌin ni̱ꞌ koo ni̱ꞌ jín ñɨvɨ vá, jee ñɨvɨ yaꞌá ví ya̱ sáꞌá tiñu váꞌa ya̱ kuíni Ndiosíꞌ. Chi retú ntu̱ví íñɨ́ ni̱ꞌin ñɨvɨ vá jín nuꞌuꞌ, jee kuéntáꞌ íyó sɨ́ɨ́n‑ɨ nu̱u̱nꞌ ni̱ꞌ, jee ni nkúvi na̱ saꞌá‑a ni ɨɨn tiñu váꞌa sáni kuíni Ndiosíꞌ. 6Jee ñɨvɨ ya̱ ntu̱ví íñɨ́ ni̱ꞌin jín nuꞌuꞌ, jee saꞌá sɨ́ɨ́n Ndiosíꞌ maa, kuéntáꞌ sáꞌá jín naꞌá yokúꞌúꞌ yu̱ku̱ꞌ uva ya̱ ntu̱ví jiáꞌa uva, jee náchi‑i. Jee nákeꞌen ráa maa, jee chúꞌun ráa maa nu̱u̱nꞌ ñuꞌunꞌ jee káyúꞌ‑u. 7Retú íñɨ́ ni̱ꞌin rán kínóo kutú rán nu̱u̱nꞌ nuꞌuꞌ, jín retú ñúꞌún iniꞌ rán rá tu̱ꞌun ya̱ nkachiꞌ ni̱ꞌ nu̱u̱nꞌ rán, saájee kuvi ka̱ka̱nꞌ rán néni ɨɨn ya̱ kuíni rán, jee saꞌá ni̱ꞌ ya̱ kuvi ya̱ jíkánꞌ rán. 8Jee retú jiáꞌnu rán sáni kuíni Ndiosíꞌ, kúvi rán kuéntáꞌ yokúꞌúꞌ kúun víꞌí uva jee yaꞌá kúvi ya̱ stúvi rán ya̱ kúñáꞌnú Ndiosíꞌ, jee suni sukuán kúvi nijia rán rá ñɨvɨ ya̱ súkuáꞌa ni̱ꞌ ránoꞌó níkɨ́nꞌ rán nuꞌuꞌ.
9’Kuéntáꞌ sánikua̱ꞌ ñúnúunꞌ Tátáꞌ ni̱ꞌ nuꞌuꞌ, jee suni sukuán ñúnúunꞌ ni̱ꞌ ránoꞌó. Jee íyó kino̱o kutú rán kuiñɨ ni̱ꞌin rán nu̱u̱nꞌ tu̱ꞌun ñúnúunꞌ ni̱ꞌ ránoꞌó. 10Jee retú ñúꞌún iniꞌ rán ya̱ sikúnkuvi rán rá tu̱ꞌun ya̱ tátúníꞌ ni̱ꞌ, jee sukuán kino̱o kutú rán kuiñɨ ni̱ꞌin rán nu̱u̱nꞌ tu̱ꞌun ñúnúunꞌ ni̱ꞌ ránoꞌó, sánikua̱ꞌ ñúꞌún iniꞌ ni̱ꞌ síkúnkuvi ni̱ꞌ rá tu̱ꞌun ya̱ nta̱túníꞌ Tátáꞌ ni̱ꞌ nu̱u̱nꞌ ni̱ꞌ, jee kínóo kutú ni̱ꞌ íñɨ́ ni̱ꞌin ni̱ꞌ nu̱u̱nꞌ tu̱ꞌun ñúnúunꞌ re̱ꞌ nuꞌuꞌ. 11Nkachiꞌ ni̱ꞌ rá tu̱ꞌun yaꞌá nu̱u̱nꞌ rán, sáva kusɨ̱ɨ̱ꞌ iniꞌ ánímaꞌ rán kuéntáꞌ kúsɨ́ɨꞌ iniꞌ ni̱ꞌ, jee sáva chuchítú ni̱ꞌ nu̱u̱nꞌ kúsɨ́ɨꞌ iniꞌ ánímaꞌ rán. 12Jee yaꞌá kúvi máá tu̱ꞌun ya̱ tátúníꞌ ni̱ꞌ nu̱u̱nꞌ rán ya̱: Kunu̱u̱nꞌ rán inka rá táꞌán rán, kuéntáꞌ ñúnúunꞌ ni̱ꞌ ránoꞌó. 13Ni ɨɨn ñɨvɨ ntu ñúnúunꞌ‑u ka̱ꞌ nsú káꞌ yaꞌá: ya̱ ku̱ꞌva‑a maáa jee kuviꞌ‑i jie̱ꞌe̱ꞌ ya̱ váꞌa rá ñɨvɨ ya̱ kámani jín‑i.
14’Jee ránoꞌó, chi ñɨvɨ kámani jín ni̱ꞌ kúvi rán, retú síkúnkuvi na̱a̱ꞌ nijia rán rá tu̱ꞌun ni̱ꞌ ya̱ nta̱túníꞌ ni̱ꞌ nu̱u̱nꞌ rán. 15Ntu̱ví káchíꞌ ni̱ꞌ ka̱ꞌ ya̱ kúvi rán musúꞌ, chi ɨɨn musúꞌ jee ntu̱ví kúkáꞌnú iniꞌ re̱ꞌ ná kúvi ya̱ jiáni iniꞌ i̱toꞌoꞌ re̱ꞌ saꞌá‑a. Soo vitan jee nkachiꞌ ni̱ꞌ ya̱ ñɨvɨ ya̱ kámani jín ni̱ꞌ kúvi rán, chi ntáká tu̱ꞌun ya̱ nteso̱ꞌo ni̱ꞌ ya̱ nkachiꞌ Tátáꞌ ni̱ꞌ nu̱u̱nꞌ ni̱ꞌ, jee nɨꞌɨ nsi̱kúkáꞌnú ni̱ꞌ iniꞌ rán. 16Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán. 17Jee yaꞌá kúvi rá tu̱ꞌun ya̱ tátúníꞌ ni̱ꞌ nu̱u̱nꞌ rán ya̱: Kunu̱u̱nꞌ ɨɨn inka rán rá táꞌán rán.
Rá ñɨvɨ ñɨ̱vɨ́ táꞌvi iniꞌ ráa néꞌyá ráa Jesús jín rá ñɨvɨ yɨ́ꞌɨ́ nu̱u̱nꞌ re̱ꞌ
18’Jee retú táꞌvi iniꞌ rá ñɨvɨ ñɨ̱vɨ́ néꞌyá ráa ránoꞌó, jee ya̱ jíníꞌ rán ya̱ xíꞌna ka̱ꞌ nta̱ꞌvi̱ꞌ iniꞌ ráa nne̱ꞌyá ráa nuꞌuꞌ, nsú káꞌ ránoꞌó. 19Chi retánꞌ íñɨ́ i̱i̱ꞌ rán ichi jiáꞌnu rá ñɨvɨ ñɨ̱vɨ́ ya̱ ntu yɨ́ꞌɨ́ ráa xi̱ntíín Ndiosíꞌ, saájee íyó kunu̱u̱nꞌ ráa ránoꞌó, kuéntáꞌ ñúnúunꞌ ráa rá ñɨvɨ íñɨ́ jín ráa. Soo jie̱ꞌe̱ꞌ ya̱ nka̱ji ni̱ꞌ ránoꞌó ya̱ nsáꞌ kɨꞌɨ rán ka̱ꞌ nu̱u̱nꞌ ñujiínꞌ ñɨvɨ ñɨ̱vɨ́ yaꞌá jee ntu káꞌ jiáꞌnu rán kuéntáꞌ jiáꞌnu ráa. Jee jie̱ꞌe̱ꞌ saáva táꞌvi iniꞌ ráa néꞌyá ráa ránoꞌó.
20’Íyó naku̱ꞌun iniꞌ rán rá tu̱ꞌun nkachiꞌ ni̱ꞌ nu̱u̱nꞌ rán sáá nkachiꞌ ni̱ꞌ: “Ya̱ ɨɨn musúꞌ jee ntu̱ví kúñáꞌnú re̱ꞌ ka̱ꞌ nsú káꞌ i̱toꞌoꞌ re̱ꞌ.” Ya jíto u̱ꞌvi̱ꞌ ñɨvɨ nuꞌuꞌ, jee suni sukuán koto u̱ꞌvi̱ꞌ ráa ránoꞌó. Jee retú ñúꞌún iniꞌ ñɨvɨ rá tu̱ꞌun ya̱ káchíꞌ ni̱ꞌ, jee suni kuꞌun iniꞌ ráa rá tu̱ꞌun ya̱ kachiꞌ ránoꞌó. 21Soo ntáká rá tiñu yaꞌá saꞌá ráa jín ránoꞌó, jie̱ꞌe̱ꞌ ni ka̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ, chi jie̱ꞌe̱ꞌ ni ka̱ꞌ ya̱ ntu̱ví jíníꞌ ráa iniꞌ maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.
22’Chi retánꞌ ntu̱ví váji ni̱ꞌ, jee ni ntu̱náꞌ kachiꞌ ni̱ꞌ nu̱u̱nꞌ ráa jee ntu̱náꞌ si̱kɨ̱ꞌ ráa koo jie̱ꞌe̱ꞌ kua̱chi ráa nékúvi. Soo vitan jee ntu íyó na̱ní si̱kɨ̱ꞌ tee ráa jie̱ꞌe̱ꞌ kua̱chi ráa. 23Chi ñɨvɨ ya̱ táꞌvi iniꞌ‑i néꞌyá‑a nuꞌuꞌ, jee suni táꞌvi iniꞌ‑i néꞌyá‑a ne̱ Tátáꞌ ni̱ꞌ. 24Chi retánꞌ ni ntu̱ví nsáꞌá ni̱ꞌ rá tiñu a̱nasɨ́ váꞌa nteñu ráa, ya̱ ntu̱ví sáꞌá ni ɨɨn inka ñɨvɨ maa, jee nsáꞌ koo kua̱chi si̱kɨ̱ꞌ ráa nékúvi. Soo vitan jee ya̱ niniꞌ ráa rá tiñu ya̱ nsa̱ꞌá ni̱ꞌ jee táꞌvi iniꞌ ráa néꞌyá ráa nuꞌuꞌ jín Tátáꞌ ni̱ꞌ. 25Soo sukuán kúvi sáva kuvi sikúnkuvi tu̱ꞌun ya̱ nééꞌ nu̱u̱nꞌ Tutuꞌ níso tu̱ꞌun ley Ndiosíꞌ ya̱ kúmí ráa, ya̱ káchíꞌ‑i: “Ntu̱náꞌ jie̱ꞌe̱ꞌ íyó, jee táꞌvi iniꞌ ráa néꞌyá ráa nuꞌuꞌ”, káchíꞌ nu̱u̱nꞌ Tutuꞌ Ííꞌ.
26’Jee chuichí ni̱ꞌ ɨɨn ya̱ kiji re̱ꞌ ne̱ nu̱u̱nꞌ Tátáꞌ ni̱ꞌ, jee chineí chituvi re̱ꞌ nachuꞌun neí re̱ꞌ iniꞌ ánímaꞌ rán, jee suvire̱ꞌ kúvi Ta̱chi̱ꞌ Ííꞌ ya̱ xínéꞌénꞌ re̱ꞌ tu̱ꞌun na̱a̱ꞌ. Jee sáá kene re̱ꞌ ne̱ nu̱u̱nꞌ maá Tátáꞌ ni̱ꞌ kiji re̱ꞌ jee ku̱ꞌva re̱ꞌ ya̱ naáꞌ jie̱ꞌe̱ꞌ nuꞌuꞌ. 27Jee suni ránoꞌó ranika̱ꞌ, naku̱ꞌva rán ya̱ naáꞌ jie̱ꞌe̱ꞌ nuꞌuꞌ, chi kútáꞌán rán jín nuꞌuꞌ ne̱ tiempúꞌ xíꞌnañúꞌún ya̱ nka̱jiéꞌé ni̱ꞌ nna̱kani ni̱ꞌ rá tu̱ꞌun váꞌa ni̱ꞌ nu̱u̱nꞌ rá ñɨvɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.