Marcos 3
3
Ɨɨn te̱e níchí naꞌá
(Mateo 12:9-14; Lucas 6:6-11)
1Nki̱vɨ tuku Jesús ɨɨn veꞌi sinagoga nu̱u̱nꞌ kútútú rá ñɨvɨ Israel, jee yukuán yɨ́ꞌɨ́ ɨɨn te̱e níchí naꞌá ya̱ ntu kúvi kantaꞌ vá. 2Nání ráa Jesús sáva kuniꞌ ráa ré xinúvi re̱ꞌ ñɨvɨ ki̱vɨ̱ꞌ nájiáví, sáva ni̱ꞌi̱nꞌ ráa ya̱ kuvi xi̱kóñáꞌán ráa re̱ꞌ.
3Jee nkachiꞌ Jesús nu̱u̱nꞌ te̱e níchí naꞌá:
―Nakuiñɨꞌ ma̱ꞌñú ráa.
4Jee nkachiꞌ‑i nu̱u̱nꞌ ráa:
―¿Ná kúvi ya̱ yɨ́netuꞌ ley saꞌá‑ó rúja? ¿Á kuvi saꞌá‑ó ya̱ váꞌa áxí saꞌá‑ó ya̱ ni̱váꞌa rúja? ¿Á sikáku‑ó áxí kaꞌniꞌ‑ó? ―nkachiꞌ Jesús nu̱u̱nꞌ ráa.
Soo níín nkuvi ráa. 5Nákune̱ꞌyá xe̱e̱nꞌ Jesús nu̱u̱nꞌ ráa jee nku̱kuéká iniꞌ re̱ꞌ jie̱ꞌe̱ꞌ ya̱ ni̱ꞌin iniꞌ ánímaꞌ ráa. Jee nkachiꞌ re̱ꞌ nu̱u̱nꞌ te̱e yukuán:
―Skaáꞌ naꞌá nú.
Jee nsi̱kááꞌ‑a naꞌá jee nnuvi‑i.
6Soo sáá nkene rá te̱e yɨ́ꞌɨ́ ñujiínꞌ fariseo, jee kuíntañúꞌún nna̱túꞌún ráa jín rá ñɨvɨ íñɨ́ jín Herodes sáva kaꞌniꞌ ráa Jesús.
Ñɨvɨ kue̱ꞌe̱ꞌ íñɨ́ yuꞌú nteñúꞌún
7Jee Jesús jín rá te̱e súkuáꞌa re̱ꞌ ráa kua̱ꞌa̱nꞌ ráa yuꞌú nteñúꞌún. Jee kue̱ꞌe̱ꞌ rá ñɨvɨ Galilea nchi̱nikɨnꞌ ráa re̱ꞌ. Jee nkenta kue̱ꞌe̱ꞌ rá ñɨvɨ Judea, 8jín ne̱ ñuunꞌ káꞌnú Jerusalén, jín rá ñuunꞌ tɨ́ɨn Idumea, jín ne̱ íyo ka̱ꞌ yuꞌú nute káꞌnú Jordán, jín ne̱ rá ichi ñuunꞌ Tiro jín ñuunꞌ Sidón, sáva kune̱ꞌyá ráa re̱ꞌ, chi nteso̱ꞌo ráa rá tiñu váꞌa sáꞌá re̱ꞌ. 9Jee nta̱túníꞌ re̱ꞌ nu̱u̱nꞌ rá te̱e súkuáꞌa re̱ꞌ ráa, ya̱ koo yatin ɨɨn barkúꞌ nu̱u̱nꞌ re̱ꞌ sáva kuvi ki̱vɨ re̱ꞌ iniꞌ‑i, sáva ntu nákuniꞌi rá ñɨvɨ kue̱ꞌe̱ꞌ re̱ꞌ. 10Chi kue̱ꞌe̱ꞌ rá ñɨvɨ kúꞌvíꞌ nxi̱núvi re̱ꞌ jee ntáká rá ñɨvɨ nóꞌo tu̱nkúꞌvíꞌ chínátáꞌán ráa sáva kakɨ̱ꞌɨ ráa Jesús. 11Jee rá ñɨvɨ yɨ́ꞌɨ́ ta̱chi̱ꞌ néꞌí, sáá niniꞌ ráa re̱ꞌ, nstu̱víꞌ ráa maáráa ichinúúnꞌ re̱ꞌ, jee kánajíín ráa:
―Suvinú kúvi Se̱ꞌya Ndiosíꞌ.
12Soo nta̱túníꞌ xichiꞌ Jesús nu̱u̱nꞌ ráa ya̱ koto stúvi ráa né ɨɨn ví re̱ꞌ.
Nka̱ji Jesús u̱xu̱vi̱ꞌ (12) te̱e sáva kuvi ráa kunisotíñú ráa tiñu apóstol ya̱ chuichí re̱ꞌ ráa
(Mateo 10:1-4; Lucas 6:12-16)
13Jee ña̱nkaa Jesús ɨɨn yuku, jee nkana re̱ꞌ rá te̱e kuíni re̱ꞌ kiji ráa nu̱u̱nꞌ re̱ꞌ. Jee ña̱ꞌa̱nꞌ ráa nu̱u̱nꞌ re̱ꞌ. 14Jee ñani re̱ꞌ u̱xu̱vi̱ꞌ (12) te̱e sáva kutáꞌán ráa jín re̱ꞌ jee sáva chuichí re̱ꞌ ráa kɨ̱ꞌɨ̱nꞌ ráa stekútu̱ꞌún ráa Tu̱ꞌun Ndiosíꞌ. 15Jee njia̱ꞌa re̱ꞌ tiñu nu̱u̱nꞌ ráa, sáva xinúvi ráa rá ñɨvɨ kúꞌvíꞌ, jee sáva taníkɨ́nꞌ ráa rá ta̱chi̱ꞌ néꞌí yɨ́ꞌɨ́ ñɨvɨ. 16Jee ñani re̱ꞌ rá u̱xu̱vi̱ꞌ (12) te̱e yaꞌá. Kúvi ráa: Simón, ya̱ nsi̱kúnání re̱ꞌ Pedro, 17Jacobo, jín ñani re̱ꞌ Juan, rá kúvi se̱ꞌya Zebedeo, ya̱ nsi̱kúnání Jesús ráa Boanerges, ya̱ kuíni kachiꞌ Se̱ꞌya Tajia, 18jín Andrés, Felipe, Bartolomé, Mateo, Tomás, jín Jacobo se̱ꞌya Alfeo, Tadeo, jín Simón ya̱ ni̱ñɨ re̱ꞌ jín rá te̱e ñujiínꞌ cananista, #3:18 Rá cananista nkuvi ñɨvɨ ya̱ nka̱ntáꞌán ráa si̱kɨ̱ꞌ rá ñɨvɨ ñuunꞌ Roma sáva nakani núne ráa Israel nene ráa xi̱ntíín ñuunꞌ Roma. 19jín Judas Iscariote ya̱ nna̱ku̱ꞌva‑a Jesús xi̱ntíín rá te̱e túfíꞌ ta̱ꞌán ráa néꞌyá ráa re̱ꞌ.
Xíkóñáꞌán rá ñɨvɨ Jesús ya̱ káchíꞌ ráa ya̱ níso re̱ꞌ tiñu jiáꞌa ta̱chi̱ꞌ néꞌí
(Mateo 12:22-32; Lucas 11:14-23; 12:10)
Jee kuíre nkenta Jesús ɨɨn veꞌi, 20jee kue̱ꞌe̱ꞌ ñɨvɨ nku̱tútú tuku. Saáva ntu nkúvi kajiꞌ Jesús jín rá u̱xu̱vi̱ꞌ (12) te̱e. 21Sáá nteso̱ꞌo rá táꞌán veꞌi Jesús jie̱ꞌe̱ꞌ yaꞌá, jee kua̱ꞌa̱nꞌ ráa sáva tɨɨn ráa re̱ꞌ, chi káchíꞌ rá ñɨvɨ ya̱ nsana xi̱ni̱ꞌ re̱ꞌ. 22Suni nkenta rá te̱e xínéꞌénꞌ ley, rá naní escriba. Nkiji ráa ne̱ ñuunꞌ káꞌnú Jerusalén, jee nkachiꞌ ráa:
―Satanás, ya̱ kúvi i̱toꞌoꞌ rá kui̱ꞌna̱ꞌ, naní Beelzebú, yɨ́ꞌɨ́ re̱ꞌ iniꞌ te̱e vá. Jee táváꞌ te̱e vá rá kui̱ꞌna̱ꞌ jín tiñu kákini jiáꞌa i̱toꞌoꞌ rá kui̱ꞌna̱ꞌ nu̱u̱nꞌ te̱e vá ―nkachiꞌ ráa.
23Jee nkana Jesús rá ñɨvɨ, jee nna̱kani re̱ꞌ ɨɨn tu̱ꞌun, ya̱ kúnkunuún, nu̱u̱nꞌ ráa:
―¿Na̱ja kúvi taníkɨ́nꞌ Satanás maá Satanás rúja? 24Retú rá ñɨvɨ ɨɨn nación sáꞌá sɨ́ɨ́n ráa maáráa jee kenta si̱kɨ̱ꞌ táꞌán ráa, jee nku̱níꞌin nación vá. 25Jee retú ɨɨn táꞌán veꞌi sáꞌá sɨ́ɨ́n ráa maáráa jee kénta ráa si̱kɨ̱ꞌ táꞌán ráa, nku̱níꞌin táꞌán veꞌi vá. 26Jee suni sukuán retú rá ta̱chi̱ꞌ néꞌí yɨ́ꞌɨ́ ráa xi̱ntíín Satanás, sáꞌá sɨ́ɨ́n ráa maáráa jee kénta re̱ꞌ si̱kɨ̱ꞌ maáráa, nku̱níꞌin re̱ꞌ, saájee ya nkenta ji̱nu kɨ̱naanꞌ re̱ꞌ.
27’Ni ɨɨn ntu̱náꞌ kuvi ki̱vɨ veꞌi ɨɨn te̱e nakuiꞌ, sáva sakuíꞌná‑a nantíñú re̱ꞌ, retú ntu xíꞌna ka̱ꞌ kuꞌniꞌ‑i re̱ꞌ. Jee sukuán jee kuvi sakuíꞌná‑a rá nantíñú re̱ꞌ.
28’Máá nááꞌ vá káchíꞌ ni̱ꞌ nu̱u̱nꞌ rán, ya̱ Ndiosíꞌ kunekáꞌnú iniꞌ re̱ꞌ jie̱ꞌe̱ꞌ ntáká nu̱u̱nꞌ kua̱chi sáꞌá rá ñɨvɨ, jín néni ɨɨn tu̱ꞌun níváꞌa káꞌánꞌ ñɨvɨ si̱kɨ̱ꞌ Ndiosíꞌ. 29Soo néni ɨɨn ya̱ káꞌánꞌ tu̱ꞌun níváꞌa si̱kɨ̱ꞌ Ta̱chi̱ꞌ Ííꞌ Ndiosíꞌ, ni nsáꞌ koo tunkáꞌnú iniꞌ, chi si̱kɨ̱ꞌ ráa kino̱o kua̱chi vá nɨ́ɨ́nkání.
30Nkachiꞌ Jesús sukuán chi nkachiꞌ rá ñɨvɨ, ya̱ yɨ́ꞌɨ́ ta̱chi̱ꞌ néꞌí maa.
Nánáꞌ Jesús jín rá ñaniꞌ re̱ꞌ
(Mateo 12:46-50; Lucas 8:19-21)
31Jee nkenta nánáꞌ Jesús jín rá ñaniꞌ re̱ꞌ, jee sáá íñɨ́ ráa chíkéꞌi, jee nta̱jí ráa ya̱ kɨ̱kana maa. 32Jee rá ñɨvɨ ni̱kótíyu nééꞌ xiín Jesús, nkachiꞌ ráa nu̱u̱nꞌ re̱ꞌ:
―¡Teso̱ꞌo! Náánꞌ nú jín rá ñaniꞌ nú jín rá ku̱ꞌva nú íñɨ́ ráa chíkéꞌi jee nánukú ráa nó.
33Soo nna̱xiníkó‑o:
―¿Né ɨɨn kúvi náánꞌ ni̱ꞌ jín rá ñaniꞌ ni̱ꞌ rúja?
34Jee nna̱kune̱ꞌyá re̱ꞌ rá ñɨvɨ ni̱kótíyu nééꞌ xiín re̱ꞌ jee nkachiꞌ re̱ꞌ nu̱u̱nꞌ ráa:
―Yaꞌá ví náánꞌ ni̱ꞌ jín rá ñaniꞌ ni̱ꞌ. 35Chi néni ɨɨn ñɨvɨ ya̱ sáꞌá‑a sáni kuíni Ndiosíꞌ, suvi‑i ví ñaniꞌ ni̱ꞌ jín ku̱ꞌva ni̱ꞌ jín náánꞌ ni̱ꞌ ―nkachiꞌ re̱ꞌ.
Currently Selected:
Marcos 3: meh
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Marcos 3
3
Ɨɨn te̱e níchí naꞌá
(Mateo 12:9-14; Lucas 6:6-11)
1Nki̱vɨ tuku Jesús ɨɨn veꞌi sinagoga nu̱u̱nꞌ kútútú rá ñɨvɨ Israel, jee yukuán yɨ́ꞌɨ́ ɨɨn te̱e níchí naꞌá ya̱ ntu kúvi kantaꞌ vá. 2Nání ráa Jesús sáva kuniꞌ ráa ré xinúvi re̱ꞌ ñɨvɨ ki̱vɨ̱ꞌ nájiáví, sáva ni̱ꞌi̱nꞌ ráa ya̱ kuvi xi̱kóñáꞌán ráa re̱ꞌ.
3Jee nkachiꞌ Jesús nu̱u̱nꞌ te̱e níchí naꞌá:
―Nakuiñɨꞌ ma̱ꞌñú ráa.
4Jee nkachiꞌ‑i nu̱u̱nꞌ ráa:
―¿Ná kúvi ya̱ yɨ́netuꞌ ley saꞌá‑ó rúja? ¿Á kuvi saꞌá‑ó ya̱ váꞌa áxí saꞌá‑ó ya̱ ni̱váꞌa rúja? ¿Á sikáku‑ó áxí kaꞌniꞌ‑ó? ―nkachiꞌ Jesús nu̱u̱nꞌ ráa.
Soo níín nkuvi ráa. 5Nákune̱ꞌyá xe̱e̱nꞌ Jesús nu̱u̱nꞌ ráa jee nku̱kuéká iniꞌ re̱ꞌ jie̱ꞌe̱ꞌ ya̱ ni̱ꞌin iniꞌ ánímaꞌ ráa. Jee nkachiꞌ re̱ꞌ nu̱u̱nꞌ te̱e yukuán:
―Skaáꞌ naꞌá nú.
Jee nsi̱kááꞌ‑a naꞌá jee nnuvi‑i.
6Soo sáá nkene rá te̱e yɨ́ꞌɨ́ ñujiínꞌ fariseo, jee kuíntañúꞌún nna̱túꞌún ráa jín rá ñɨvɨ íñɨ́ jín Herodes sáva kaꞌniꞌ ráa Jesús.
Ñɨvɨ kue̱ꞌe̱ꞌ íñɨ́ yuꞌú nteñúꞌún
7Jee Jesús jín rá te̱e súkuáꞌa re̱ꞌ ráa kua̱ꞌa̱nꞌ ráa yuꞌú nteñúꞌún. Jee kue̱ꞌe̱ꞌ rá ñɨvɨ Galilea nchi̱nikɨnꞌ ráa re̱ꞌ. Jee nkenta kue̱ꞌe̱ꞌ rá ñɨvɨ Judea, 8jín ne̱ ñuunꞌ káꞌnú Jerusalén, jín rá ñuunꞌ tɨ́ɨn Idumea, jín ne̱ íyo ka̱ꞌ yuꞌú nute káꞌnú Jordán, jín ne̱ rá ichi ñuunꞌ Tiro jín ñuunꞌ Sidón, sáva kune̱ꞌyá ráa re̱ꞌ, chi nteso̱ꞌo ráa rá tiñu váꞌa sáꞌá re̱ꞌ. 9Jee nta̱túníꞌ re̱ꞌ nu̱u̱nꞌ rá te̱e súkuáꞌa re̱ꞌ ráa, ya̱ koo yatin ɨɨn barkúꞌ nu̱u̱nꞌ re̱ꞌ sáva kuvi ki̱vɨ re̱ꞌ iniꞌ‑i, sáva ntu nákuniꞌi rá ñɨvɨ kue̱ꞌe̱ꞌ re̱ꞌ. 10Chi kue̱ꞌe̱ꞌ rá ñɨvɨ kúꞌvíꞌ nxi̱núvi re̱ꞌ jee ntáká rá ñɨvɨ nóꞌo tu̱nkúꞌvíꞌ chínátáꞌán ráa sáva kakɨ̱ꞌɨ ráa Jesús. 11Jee rá ñɨvɨ yɨ́ꞌɨ́ ta̱chi̱ꞌ néꞌí, sáá niniꞌ ráa re̱ꞌ, nstu̱víꞌ ráa maáráa ichinúúnꞌ re̱ꞌ, jee kánajíín ráa:
―Suvinú kúvi Se̱ꞌya Ndiosíꞌ.
12Soo nta̱túníꞌ xichiꞌ Jesús nu̱u̱nꞌ ráa ya̱ koto stúvi ráa né ɨɨn ví re̱ꞌ.
Nka̱ji Jesús u̱xu̱vi̱ꞌ (12) te̱e sáva kuvi ráa kunisotíñú ráa tiñu apóstol ya̱ chuichí re̱ꞌ ráa
(Mateo 10:1-4; Lucas 6:12-16)
13Jee ña̱nkaa Jesús ɨɨn yuku, jee nkana re̱ꞌ rá te̱e kuíni re̱ꞌ kiji ráa nu̱u̱nꞌ re̱ꞌ. Jee ña̱ꞌa̱nꞌ ráa nu̱u̱nꞌ re̱ꞌ. 14Jee ñani re̱ꞌ u̱xu̱vi̱ꞌ (12) te̱e sáva kutáꞌán ráa jín re̱ꞌ jee sáva chuichí re̱ꞌ ráa kɨ̱ꞌɨ̱nꞌ ráa stekútu̱ꞌún ráa Tu̱ꞌun Ndiosíꞌ. 15Jee njia̱ꞌa re̱ꞌ tiñu nu̱u̱nꞌ ráa, sáva xinúvi ráa rá ñɨvɨ kúꞌvíꞌ, jee sáva taníkɨ́nꞌ ráa rá ta̱chi̱ꞌ néꞌí yɨ́ꞌɨ́ ñɨvɨ. 16Jee ñani re̱ꞌ rá u̱xu̱vi̱ꞌ (12) te̱e yaꞌá. Kúvi ráa: Simón, ya̱ nsi̱kúnání re̱ꞌ Pedro, 17Jacobo, jín ñani re̱ꞌ Juan, rá kúvi se̱ꞌya Zebedeo, ya̱ nsi̱kúnání Jesús ráa Boanerges, ya̱ kuíni kachiꞌ Se̱ꞌya Tajia, 18jín Andrés, Felipe, Bartolomé, Mateo, Tomás, jín Jacobo se̱ꞌya Alfeo, Tadeo, jín Simón ya̱ ni̱ñɨ re̱ꞌ jín rá te̱e ñujiínꞌ cananista, #3:18 Rá cananista nkuvi ñɨvɨ ya̱ nka̱ntáꞌán ráa si̱kɨ̱ꞌ rá ñɨvɨ ñuunꞌ Roma sáva nakani núne ráa Israel nene ráa xi̱ntíín ñuunꞌ Roma. 19jín Judas Iscariote ya̱ nna̱ku̱ꞌva‑a Jesús xi̱ntíín rá te̱e túfíꞌ ta̱ꞌán ráa néꞌyá ráa re̱ꞌ.
Xíkóñáꞌán rá ñɨvɨ Jesús ya̱ káchíꞌ ráa ya̱ níso re̱ꞌ tiñu jiáꞌa ta̱chi̱ꞌ néꞌí
(Mateo 12:22-32; Lucas 11:14-23; 12:10)
Jee kuíre nkenta Jesús ɨɨn veꞌi, 20jee kue̱ꞌe̱ꞌ ñɨvɨ nku̱tútú tuku. Saáva ntu nkúvi kajiꞌ Jesús jín rá u̱xu̱vi̱ꞌ (12) te̱e. 21Sáá nteso̱ꞌo rá táꞌán veꞌi Jesús jie̱ꞌe̱ꞌ yaꞌá, jee kua̱ꞌa̱nꞌ ráa sáva tɨɨn ráa re̱ꞌ, chi káchíꞌ rá ñɨvɨ ya̱ nsana xi̱ni̱ꞌ re̱ꞌ. 22Suni nkenta rá te̱e xínéꞌénꞌ ley, rá naní escriba. Nkiji ráa ne̱ ñuunꞌ káꞌnú Jerusalén, jee nkachiꞌ ráa:
―Satanás, ya̱ kúvi i̱toꞌoꞌ rá kui̱ꞌna̱ꞌ, naní Beelzebú, yɨ́ꞌɨ́ re̱ꞌ iniꞌ te̱e vá. Jee táváꞌ te̱e vá rá kui̱ꞌna̱ꞌ jín tiñu kákini jiáꞌa i̱toꞌoꞌ rá kui̱ꞌna̱ꞌ nu̱u̱nꞌ te̱e vá ―nkachiꞌ ráa.
23Jee nkana Jesús rá ñɨvɨ, jee nna̱kani re̱ꞌ ɨɨn tu̱ꞌun, ya̱ kúnkunuún, nu̱u̱nꞌ ráa:
―¿Na̱ja kúvi taníkɨ́nꞌ Satanás maá Satanás rúja? 24Retú rá ñɨvɨ ɨɨn nación sáꞌá sɨ́ɨ́n ráa maáráa jee kenta si̱kɨ̱ꞌ táꞌán ráa, jee nku̱níꞌin nación vá. 25Jee retú ɨɨn táꞌán veꞌi sáꞌá sɨ́ɨ́n ráa maáráa jee kénta ráa si̱kɨ̱ꞌ táꞌán ráa, nku̱níꞌin táꞌán veꞌi vá. 26Jee suni sukuán retú rá ta̱chi̱ꞌ néꞌí yɨ́ꞌɨ́ ráa xi̱ntíín Satanás, sáꞌá sɨ́ɨ́n ráa maáráa jee kénta re̱ꞌ si̱kɨ̱ꞌ maáráa, nku̱níꞌin re̱ꞌ, saájee ya nkenta ji̱nu kɨ̱naanꞌ re̱ꞌ.
27’Ni ɨɨn ntu̱náꞌ kuvi ki̱vɨ veꞌi ɨɨn te̱e nakuiꞌ, sáva sakuíꞌná‑a nantíñú re̱ꞌ, retú ntu xíꞌna ka̱ꞌ kuꞌniꞌ‑i re̱ꞌ. Jee sukuán jee kuvi sakuíꞌná‑a rá nantíñú re̱ꞌ.
28’Máá nááꞌ vá káchíꞌ ni̱ꞌ nu̱u̱nꞌ rán, ya̱ Ndiosíꞌ kunekáꞌnú iniꞌ re̱ꞌ jie̱ꞌe̱ꞌ ntáká nu̱u̱nꞌ kua̱chi sáꞌá rá ñɨvɨ, jín néni ɨɨn tu̱ꞌun níváꞌa káꞌánꞌ ñɨvɨ si̱kɨ̱ꞌ Ndiosíꞌ. 29Soo néni ɨɨn ya̱ káꞌánꞌ tu̱ꞌun níváꞌa si̱kɨ̱ꞌ Ta̱chi̱ꞌ Ííꞌ Ndiosíꞌ, ni nsáꞌ koo tunkáꞌnú iniꞌ, chi si̱kɨ̱ꞌ ráa kino̱o kua̱chi vá nɨ́ɨ́nkání.
30Nkachiꞌ Jesús sukuán chi nkachiꞌ rá ñɨvɨ, ya̱ yɨ́ꞌɨ́ ta̱chi̱ꞌ néꞌí maa.
Nánáꞌ Jesús jín rá ñaniꞌ re̱ꞌ
(Mateo 12:46-50; Lucas 8:19-21)
31Jee nkenta nánáꞌ Jesús jín rá ñaniꞌ re̱ꞌ, jee sáá íñɨ́ ráa chíkéꞌi, jee nta̱jí ráa ya̱ kɨ̱kana maa. 32Jee rá ñɨvɨ ni̱kótíyu nééꞌ xiín Jesús, nkachiꞌ ráa nu̱u̱nꞌ re̱ꞌ:
―¡Teso̱ꞌo! Náánꞌ nú jín rá ñaniꞌ nú jín rá ku̱ꞌva nú íñɨ́ ráa chíkéꞌi jee nánukú ráa nó.
33Soo nna̱xiníkó‑o:
―¿Né ɨɨn kúvi náánꞌ ni̱ꞌ jín rá ñaniꞌ ni̱ꞌ rúja?
34Jee nna̱kune̱ꞌyá re̱ꞌ rá ñɨvɨ ni̱kótíyu nééꞌ xiín re̱ꞌ jee nkachiꞌ re̱ꞌ nu̱u̱nꞌ ráa:
―Yaꞌá ví náánꞌ ni̱ꞌ jín rá ñaniꞌ ni̱ꞌ. 35Chi néni ɨɨn ñɨvɨ ya̱ sáꞌá‑a sáni kuíni Ndiosíꞌ, suvi‑i ví ñaniꞌ ni̱ꞌ jín ku̱ꞌva ni̱ꞌ jín náánꞌ ni̱ꞌ ―nkachiꞌ re̱ꞌ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.