યોહાન 14
14
ઈસુ તેને ચેલા સાહલા શાંત્વના દેહે
1ઈસુની તેને ચેલા સાહલા સાંગા, “તુમના મન પકા દુઃખમા નોકો પાડા, તુમી દેવવર અન માવર બી વીસવાસ રાખા. 2માને બાહાસને ઘરમા રહુલા સાટી પકી જાગા આહા, જો નીહી રહતી ત મા તુમાલા સાંગી દેતાવ કાહાકા મા તુમને સાટી જાગા તયાર કરુલા જાહા. 3અન મા જાયી ન તુમને સાટી એક જાગા તયાર કરીન માગુન પરત યીની તુમાલા માને હારી રહુલા સાટી લી જાયીન, જઠ મા રહીન તઠ તુમી બી રહા.
મારોગ, સત્ય અન જીવન
4અન જઠ મા જાહા તો મારોગ તુમાલા માહીત આહા.” 5થોમાની તેલા સાંગા, “હે પ્રભુ, આમાલા માહીત નીહી કા તુ કઠ જાહાસ, ત મારોગ કીસાક કરી માહીત રહીલ?” 6ઈસુની તેલા સાંગા, “મારોગ, સત્ય અન કાયીમના જીવન મા આહાવ, માને વગર કોની પન માને બાહાસ પાસી નીહી જાયી સક. 7જો તુમી માલા વળખતાસ ત માને બાહાસલા પન વળખતાસ, પન આતા તુમી તેલા વળખતાહાસ, અન તુમી તેલા હેરનાહાસ બી.” 8તાહા ફિલિપની તેલા સાંગા, “હે પ્રભુ, દેવ બાહાસલા આમાલા દાખવી દે, ત આમી સંતોષ હુયી જાવ.” 9ઈસુની તેલા સાંગા, હે ફિલિપ મા હોડા દિસ પાસુન તુને હારી આહાવ ત તુ માલા નીહી વળખસ? તુ કાહા સાંગહસ કા આમાલા દેવ બાહાસલા દાખવ? 10મા બાહાસમા આહાવ અન બાહાસ માનેમા આહા. કાય તુ યે ગોઠવર વીસવાસ નીહી કરસ કાય? યે ગોઠી જે મા તુમાલા સાંગનાહાવ, મા પદર નીહી સાંગા પન માના દેવ બાહાસ જો માનેમા રહી ન તેની જી મરજી રહહ તી તો કરહ. 11માના વીસવાસ કરા, કા મા દેવહારી એક હુયી રહાહા અન દેવ માને હારી એક હુયી રહહ, નીહી ત જે ચમત્કાર મા કરનાહાવ તેને કારને માના વીસવાસ કરા.
ઈસુને નાવની પ્રાર્થના
12મા તુલા ખરા જ સાંગાહા જો કોની માવર ભરોસા થવહ, તો બી યે કામા કરીલ જે મા કરાહા અન તેને કરતા મોઠ-મોઠલા કામાહી કરીલ, કાહાકા મા બા પાસી જાહા. 13અન જી કાહી તુમી માને નાવી માંગસે, તી જ મા કરીન કા મા, પોસા મારફતે દેવ બાહાસના મહિમા હુય. 14જો તુમી માપાસી માને નાવી કાહી માંગસે, ત મા તી પુરા કરીન.
પવિત્ર આત્માની વાટ હેરા
15જો તુમી માવર માયા રાખતાહાસ, ત માની આજ્ઞા પાળશે. 16અન મા બાહાસલા વિનંતી કરીન, અન તો તુમાલા એક સહાય કરનાર દીલ, કા તો કાયીમ તુમને હારી રહ. 17મતલબ પવિત્ર આત્મા, જેલા યે દુનેના લોકા મેળવી નીહી સકત, કાહાકા તે તેલા હેરી નીહી સકત કા વળખી નીહી સકત. પન તુમી તેલા વળખતાહાસ, કાહાકા તો તુમને હારી રહહ, અન તો તુમનેમા રહીલ.
18મા તુમાલા પોસલ્યા ઈસા નીહી સોડનાર, મા તુમા પાસી ફીરી આખુ યીન. 19થોડાક સમયમા યે દુનેના લોકા માલા નીહી હેરનાર, પન તુમી માલા હેરસા, કાહાકા મા આજુ જીતા હુયી જાયીન, અન તે સાટી તુમી પન જીતા રહસેલ. 20જદવ મા જીતા હુયી પરત યીન તાહા તુમાલા માહીત પડીલ કા મા દેવને હારી એક હુયી રહાહા અન તુમી બી માને હારી એક હુયી રહતાહાસ અન મા તુમને હારી એક હુયી રહાહા. 21જો કોનાલા માની આજ્ઞા માહીત આહા, અન તો તી આજ્ઞા પાળહ, તોજ માનેવર માયા કરહ, તેવર માના બાહાસ માયા કરહ, અન મા તેવર માયા રાખીન, અન મા તેનેવર પરગટ હુયીન. 22તે યહૂદાની જો ઈશ્કારિયોત નીહી હતા, તેની સાંગા, “હે પ્રભુ, ઈસા કાય હુયના કા તુ તુલા આમનેમા પરગટ કરુલા માગહસ, અન દુનેને લોકાસાહમા નીહી?” 23ઈસુની તેલા જવાબ દીદા, “મા પદરલા ઈસે લોકા સાહલા દાખવાહા કા, જો માનેવર માયા કરતાહા અન જો માના ઉપદેશલા પાળતાહા, અન માના બાહાસ તેનેવર માયા રાખીલ, અન આમી તેને પાસી યેવ, અન તેને હારી રહુ. 24જો માનેવર માયા નીહી રાખ, તો માના ઉપદેશ નીહી માન, અન જો માના ઉપદેશ આયકહ, તો માના નીહી પન બાહાસની ગોઠ આયકહ, જેની માલા દવાડાહા.”
25“યે ગોઠી મા તુમને હારી રહી ન તુમાલા સાંગનાવ. 26પન સહાય કરનાર મતલબ પવિત્ર આત્મા તેલા બાહાસ માને નાવકન દવાડીલ, તો પવિત્ર આત્મા તુમાલા અખે ગોઠી સીકવીલ, અન જી કાહી મા તુમાલા સાંગનાહાવ, તી અખા તુમાલા આઠવ કરવીલ.”
ઈસુ શાંતિ દેનાર આહા
27“મા તુમાલા શાંતિ દેહે, મજે તી શાંતિ જી માને પાસી આહા, યી તી શાંતિ નીહી જી યી દુને દેહે, કા જેથી તુમના મન દુઃખમા નીહી રહ અન બીહ નીહી. 28તુમી આયકનાસ, કા મા તુમાલા સાંગનાવ, ‘મા જાહા, અન તુમને આગડ આજુ યેહે’ જો તુમી માવર માયા કરતાહાસ, ત યે ગોઠી આયકી તુમાલા આનંદ હુયતા, કા મા બાહાસ પાસી જાહા કાહાકા બાહાસ માને કરતા મોઠા આહા. 29અન મા આતા યે અખે ગોઠી હુયુને પુડ તુમાલા સાંગી દીનાહાવ, કા જદવ તી હુયી જાયીલ, ત તુમી માવર વીસવાસ કરા. 30માપાસી તુમને હારી ગોઠી કરુના વદારે સમય નીહી બચનેલ, કાહાકા યે દુનેના સરદાર મોઠા ભૂત આહા, અન માનેવર તેની કાહી સતા નીહી આહા. 31પન તીસા જ કરાહા જીસા બાહાસની માલા આજ્ઞા દીદીહી, તે સાટી કા દુનેના લોકા સાહલા માહીત પડ કા મા બાહાસવર માયા કરાહા, ઉઠા, અઠુન આપલે આતા જાવ.”
Currently Selected:
યોહાન 14: DHNNT
Highlight
Share
Copy
Want to have your highlights saved across all your devices? Sign up or sign in
Dhanki Bible (ડાંગી) by The Love Fellowship is licensed under Creative Commons Attribution-ShareAlike 4.0 License.
યોહાન 14
14
ઈસુ તેને ચેલા સાહલા શાંત્વના દેહે
1ઈસુની તેને ચેલા સાહલા સાંગા, “તુમના મન પકા દુઃખમા નોકો પાડા, તુમી દેવવર અન માવર બી વીસવાસ રાખા. 2માને બાહાસને ઘરમા રહુલા સાટી પકી જાગા આહા, જો નીહી રહતી ત મા તુમાલા સાંગી દેતાવ કાહાકા મા તુમને સાટી જાગા તયાર કરુલા જાહા. 3અન મા જાયી ન તુમને સાટી એક જાગા તયાર કરીન માગુન પરત યીની તુમાલા માને હારી રહુલા સાટી લી જાયીન, જઠ મા રહીન તઠ તુમી બી રહા.
મારોગ, સત્ય અન જીવન
4અન જઠ મા જાહા તો મારોગ તુમાલા માહીત આહા.” 5થોમાની તેલા સાંગા, “હે પ્રભુ, આમાલા માહીત નીહી કા તુ કઠ જાહાસ, ત મારોગ કીસાક કરી માહીત રહીલ?” 6ઈસુની તેલા સાંગા, “મારોગ, સત્ય અન કાયીમના જીવન મા આહાવ, માને વગર કોની પન માને બાહાસ પાસી નીહી જાયી સક. 7જો તુમી માલા વળખતાસ ત માને બાહાસલા પન વળખતાસ, પન આતા તુમી તેલા વળખતાહાસ, અન તુમી તેલા હેરનાહાસ બી.” 8તાહા ફિલિપની તેલા સાંગા, “હે પ્રભુ, દેવ બાહાસલા આમાલા દાખવી દે, ત આમી સંતોષ હુયી જાવ.” 9ઈસુની તેલા સાંગા, હે ફિલિપ મા હોડા દિસ પાસુન તુને હારી આહાવ ત તુ માલા નીહી વળખસ? તુ કાહા સાંગહસ કા આમાલા દેવ બાહાસલા દાખવ? 10મા બાહાસમા આહાવ અન બાહાસ માનેમા આહા. કાય તુ યે ગોઠવર વીસવાસ નીહી કરસ કાય? યે ગોઠી જે મા તુમાલા સાંગનાહાવ, મા પદર નીહી સાંગા પન માના દેવ બાહાસ જો માનેમા રહી ન તેની જી મરજી રહહ તી તો કરહ. 11માના વીસવાસ કરા, કા મા દેવહારી એક હુયી રહાહા અન દેવ માને હારી એક હુયી રહહ, નીહી ત જે ચમત્કાર મા કરનાહાવ તેને કારને માના વીસવાસ કરા.
ઈસુને નાવની પ્રાર્થના
12મા તુલા ખરા જ સાંગાહા જો કોની માવર ભરોસા થવહ, તો બી યે કામા કરીલ જે મા કરાહા અન તેને કરતા મોઠ-મોઠલા કામાહી કરીલ, કાહાકા મા બા પાસી જાહા. 13અન જી કાહી તુમી માને નાવી માંગસે, તી જ મા કરીન કા મા, પોસા મારફતે દેવ બાહાસના મહિમા હુય. 14જો તુમી માપાસી માને નાવી કાહી માંગસે, ત મા તી પુરા કરીન.
પવિત્ર આત્માની વાટ હેરા
15જો તુમી માવર માયા રાખતાહાસ, ત માની આજ્ઞા પાળશે. 16અન મા બાહાસલા વિનંતી કરીન, અન તો તુમાલા એક સહાય કરનાર દીલ, કા તો કાયીમ તુમને હારી રહ. 17મતલબ પવિત્ર આત્મા, જેલા યે દુનેના લોકા મેળવી નીહી સકત, કાહાકા તે તેલા હેરી નીહી સકત કા વળખી નીહી સકત. પન તુમી તેલા વળખતાહાસ, કાહાકા તો તુમને હારી રહહ, અન તો તુમનેમા રહીલ.
18મા તુમાલા પોસલ્યા ઈસા નીહી સોડનાર, મા તુમા પાસી ફીરી આખુ યીન. 19થોડાક સમયમા યે દુનેના લોકા માલા નીહી હેરનાર, પન તુમી માલા હેરસા, કાહાકા મા આજુ જીતા હુયી જાયીન, અન તે સાટી તુમી પન જીતા રહસેલ. 20જદવ મા જીતા હુયી પરત યીન તાહા તુમાલા માહીત પડીલ કા મા દેવને હારી એક હુયી રહાહા અન તુમી બી માને હારી એક હુયી રહતાહાસ અન મા તુમને હારી એક હુયી રહાહા. 21જો કોનાલા માની આજ્ઞા માહીત આહા, અન તો તી આજ્ઞા પાળહ, તોજ માનેવર માયા કરહ, તેવર માના બાહાસ માયા કરહ, અન મા તેવર માયા રાખીન, અન મા તેનેવર પરગટ હુયીન. 22તે યહૂદાની જો ઈશ્કારિયોત નીહી હતા, તેની સાંગા, “હે પ્રભુ, ઈસા કાય હુયના કા તુ તુલા આમનેમા પરગટ કરુલા માગહસ, અન દુનેને લોકાસાહમા નીહી?” 23ઈસુની તેલા જવાબ દીદા, “મા પદરલા ઈસે લોકા સાહલા દાખવાહા કા, જો માનેવર માયા કરતાહા અન જો માના ઉપદેશલા પાળતાહા, અન માના બાહાસ તેનેવર માયા રાખીલ, અન આમી તેને પાસી યેવ, અન તેને હારી રહુ. 24જો માનેવર માયા નીહી રાખ, તો માના ઉપદેશ નીહી માન, અન જો માના ઉપદેશ આયકહ, તો માના નીહી પન બાહાસની ગોઠ આયકહ, જેની માલા દવાડાહા.”
25“યે ગોઠી મા તુમને હારી રહી ન તુમાલા સાંગનાવ. 26પન સહાય કરનાર મતલબ પવિત્ર આત્મા તેલા બાહાસ માને નાવકન દવાડીલ, તો પવિત્ર આત્મા તુમાલા અખે ગોઠી સીકવીલ, અન જી કાહી મા તુમાલા સાંગનાહાવ, તી અખા તુમાલા આઠવ કરવીલ.”
ઈસુ શાંતિ દેનાર આહા
27“મા તુમાલા શાંતિ દેહે, મજે તી શાંતિ જી માને પાસી આહા, યી તી શાંતિ નીહી જી યી દુને દેહે, કા જેથી તુમના મન દુઃખમા નીહી રહ અન બીહ નીહી. 28તુમી આયકનાસ, કા મા તુમાલા સાંગનાવ, ‘મા જાહા, અન તુમને આગડ આજુ યેહે’ જો તુમી માવર માયા કરતાહાસ, ત યે ગોઠી આયકી તુમાલા આનંદ હુયતા, કા મા બાહાસ પાસી જાહા કાહાકા બાહાસ માને કરતા મોઠા આહા. 29અન મા આતા યે અખે ગોઠી હુયુને પુડ તુમાલા સાંગી દીનાહાવ, કા જદવ તી હુયી જાયીલ, ત તુમી માવર વીસવાસ કરા. 30માપાસી તુમને હારી ગોઠી કરુના વદારે સમય નીહી બચનેલ, કાહાકા યે દુનેના સરદાર મોઠા ભૂત આહા, અન માનેવર તેની કાહી સતા નીહી આહા. 31પન તીસા જ કરાહા જીસા બાહાસની માલા આજ્ઞા દીદીહી, તે સાટી કા દુનેના લોકા સાહલા માહીત પડ કા મા બાહાસવર માયા કરાહા, ઉઠા, અઠુન આપલે આતા જાવ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhanki Bible (ડાંગી) by The Love Fellowship is licensed under Creative Commons Attribution-ShareAlike 4.0 License.