Luk 19
19
Zɛzi na zase
1Zɛzi akweya o etafɛlɛ ya jinɔ te, Zeliko, ya ango alenanga yango. 2Usɛ, yajasa na moto wa jinɔ te Zase, ajasa nɛni mwa bakwe ba bokula, ajasa na bokumani buce. 3Ahakakasa iyɛnɛcɛ Zɛzi, nde, bato buce bajibɛkɛsɛ ango, bosina te ajasa mwa ntɛtɛ bunwe. 4Ya ango sukwa bya boho, na ihakamaka ukwa mwele mwa jinɔ te, Sikɔmɔli, iyɛnɛcɛ Zɛzi, bosina te, eyekanaka o panga mɛnɛ yɛ. 5Usya Zɛzi apundasa o panga mɛnɛ yɛ, ya ango abesɛ minhɔn na isɔhɔkɔ na Zase te: «Zase, hulaka kwakwa, bosina te mwenhe mutɛ mehulaka bya Elongwɛ ɔbɛ.» 6Ya Zase ahula kwakwa na ncebo, ya ango ahimɛ Zɛzi bya Elongwɛ eji. 7Usya bato bahajɛ bayɛnɛsɛ nɛ, bango te bakakwa Zɛzi, na isɔhɔkɔ te: «Taka Zɛzi alwa inangaka bya itona ja moto wamesɛmbɛ!» 8Ya Zase atɛmɛ ntɛtɛ o boho bwa Ku, na isɔhɔkɔ na Ku te: «Ku, mewɛcɛ ngabo ya bokumani bwamɛ na metende, wɛnɛ majasa mekwa balɔlɔ buce na moto, mewɛcɛ ango mangabo ma nanyi.» 9Ya Zɛzi asɔhɔ neji te: «Mwenhe mutɛ, ndonga yekweya o Elongwɛ etɛ, bosina te Zase neji aje moto wa buka bwa Abalami. 10Bosina te, Mwana moto amuya ihakaka, na iyonjɛcɛ bato bamulapa.»
Lembya mwa befula bya lɔli
11Ya Zɛzi ahunwana bosɔhɔkɔ imwate lembya na bato bayokakasa mayɔkɔ mɛ, bajasa o kunakuna ya Zɛlizalami, ba temangakasa te etomba ya Zambe yehulangaka osatɛ. 12Ya Zɛzi asɔhɔ na bango te: «Moto wa buka bwa bakombo, alwa bya imwate mɔngɔ mwa bopama, ihalaka ezaza ya ikɔkɛcɛ, onyate mɛnɛ ango te alumya. 13Boho na ango ilwaka, ya ango abanga banjazi beji jonwu, awɛ moto mɔkɔ mɔkɔ efula ya lɔli ya ibɔmɔ ja inɛnɛ, ya ango asɔhɔ na bango te: “Bekakayi mombongo na byango, na ibujɛcɛ, ngu na isi ya melumyaka.” 14Nde, bato ba mɔngɔ imweji babena ango, na ilomaka batɔtu o mbiya eji, na itandaka te: “Batahaka te, moto wɛ, ajace nɛni imwaho.” 15Nde, behajɛ ango ezaza ya ikɔkɛcɛ ango te ahunwana bya mɔngɔ mweji, usya ango alumya, ya ango abanga banjazi beji ba ango awɛsɛ befula bya balɔlɔ, ahakakasa iyebaka nyoko mwa bango babujɛsɛ. 16Ya njazi mwa boho mwaya na isɔhɔkɔ te: “Ku, mamupojɛ befula bya lɔli jonwu, na efula ya lɔli ya omuwɛ imɛ.” 17Ya nɛni mwɛ, mwahungwɛ neji te: “Nɛ mbɛ, oje njazi mwa hongololo, omuja ekɔsɛ bana bemba bisiki, yango ya mewɛcɛ ɔbɛ pizo ya ikɔkɛcɛ beposi jonwu.” 18Wa mba neji te aya, na isɔhɔkɔ te: “Ku, mamuje pojɛ befula bya lɔli bye tanyi, na efula ya lɔli ya omuwɛ imɛ.” 19Ya nɛni mwahungwɛ neji te: “Obikɔkɛcɛ beposi betanyi.” 20Ya imwate njazi mwaya, na isɔhɔkɔ neji te: “Ku, taka efula ɔbɛ ya lɔli, mamuje hɔjɛ yango kotekote na ombabo. 21Mayɛnɛsɛ bɔngɔ bosina te, oje moto wa bwa,” 22Ya nɛni mwɛ, mwahungwɛ neji te: “Oje njazi mwa ibebe, mepaba ɔbɛ na bekana ibyɔbɛ amɛnɛ. Oyebasa te maje moto wa bwa, makwa emba ya maji teka jika, mahuwa emba ya maji teka kona. 23Sina ya omuja teka hujɛ balɔlɔ bamɛ o banki bende? Usya, mamuco lumya, mamuco kwa bango na hacɛ.” 24Onyate mɛnɛ, nɛni mwɛ asɔhɔ na bajasa okate te: “Palaka ango efula ya lɔli yaji neji yɛ, ete byawɛ na aji na jonwu wɛ.” 25Ya bango bahungwɛ na neji te: “Ku, aje na befula bya lɔli jonwu!” 26Ya nɛni mwɛ, mwahungwɛ na bango te: “Matanda bihi te, moto aji na emba, bewɛcɛ ango buce, nde, moto aji teka na emba, bejɛlɛcɛ ango na ya ango aji na yango. 27Na bapala bamɛ, bamubena te imɛ teka kɔkɛ bango, iyaka imɛ na bango biyetɛ, bomaka bango o boho bwamɛ.”»
Zɛzi ahulanga bya Zɛlizalami
28Usya ango ahijɛsɛ bosɔhɔkɔ nɛ, ya Zɛzi ajongakasa o boho bwa bato, ilwaka bya Zɛlizalami. 29Zɛzi apunda o kunakuna na Bɛtifaze na Betani, bya kunakuna na nkoza mwa mwele mya ba Olivye, ya ango aloma bayokwɛ beji baba. 30Ya ango asɔhɔ na bango te: «Lwaka bya mboka yaji o boho bwa mini yɛ, usya bye hulangaka, bye kumɛcɛ mwa mwana kabala wa bamusinjɛ, wa moto teka bihakama okate. Hundwaka ango ete byaya imɛ na neji biyetɛ. 31Wɛnɛ moto ahimwa bihi te: “Ya byahundwa ango bende?” Hungwɛcɛ neji te: “Ku ahaka.”»
32Ya bayokwɛ baba balwa, na ikumɛcɛ bemba nda Zɛzi atandasa bango. 33Usya bango bajakasa obohundwaka mwa kabala wɛ, ya ba Ku bahimwasa bango te: «Sina ya bya hundwa mwa kabala wɛ nde?» 34Ya bayokwɛ bahungwɛ te: «Ku ahaka.» 35Ya bango baya na kabala bya Zɛzi aji, ya bango hacɛ nkanda byango ukwa kabala, na ihacɛcɛ Zɛzi. 36Usya ango ahinyanakasa, bato bananjɛkɛsɛ nkanda byango o pɛyi. 37O elɔmɔ ya ango ahinyanakasa bya Zɛlizalami, o pɛyi ya tɔngɔmɔ bya, nkoza mwa mwele mya ba Olivye, okate, ngabo ya bayokwɛ bajasa o ncebo buce, ya bango bahula iyembaka beboka bya Zambe na bekɔlu bya pizo, na bosina bwa bango bayɛnɛsɛ ango na tuma ibekaka beyaya. 38Ya bango basɔhɔ te: «Zambe ewɛcɛ ipota na nkani mwaya na jinɔ ja Ku! Itabu bya iko, kuma na Zambe bya nyangwɛ wa iko!» 39Mwa ngabo wa bafalizɛ, ajasa o panga bato, ya bango bawɛ masicɛ na Zɛzi te: «Ku, kanjɛcɛ bayokwɛ ibɔbɛ!» 40Ya Zɛzi ahungwɛ na bango te: «Matanda bihi te, wɛnɛ bango bakanga, mamanya mepotangaka!»
Zɛzi angweya na bosina bwa Zɛluzalɛmi
41Usya Zɛzi ahinyana okuna Zɛlizalami, na iyɛnɛcɛ ango, ango te angweya na bosina ibweji, 42na isɔhɔkɔ te: «Na nɔbɛ ndi yebaka o mwenhe, nda bakumɛ itabu. Nde, osatɛ bemba byɛ byehɔmɔ na minhon mɔbɛ! 43Minyan mango aya, ma bapala ibɔbɛ bekubaka ɔbɛ na menkaka mya inɛnɛ, belɔmɔnɔkɔ ɔbɛ, na ikanjɛcɛ ɔbɛ bepɛyi byahajɛ. 44Usɛ, babi hemaka ɔbɛ bina lupu ijɔbɛ jahajɛ, baji jika ɔbɛ na imanya jɛkɔ ukwa ijate, na bosina te, momu yeba elɔmɔ ya Zambe amuya ipokwaka ɔbɛ!»
Zɛzi apepa babeka mombongo o Elongwɛ ya Zambe
45Zɛzi akweya o Elongwɛ ya Zambe, ahula ipepaka babeka mombongo, 46na isɔhɔkɔ na bango te: «Mangwɛli matanda te: “Elongwɛ ya Zambe, yejaka Elongwɛ ya membɔndu.” Nde, bihi byakahujɛ yango isi ya mibi mya hɔmɔ!» 47Minyan mahajɛ, ahɛlɛkɛsɛ bato iyɔkɔ ja Zambe, o Elongwɛ ya Zambe. Menɛni mya bawe ba bebuwa, melɔnji mya Nceko, na bakombo ba lupu, bahakakasa iyɔkɔ ja bango benyeni boma Zɛzi. 48Nde, bango biyebasa, nda bango be nyenibeka, bosina te, lupu jahajɛ ja yokakasa ango na izime ja inɛnɛ.
Currently Selected:
Luk 19: KOQ
Highlight
Share
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luk 19
19
Zɛzi na zase
1Zɛzi akweya o etafɛlɛ ya jinɔ te, Zeliko, ya ango alenanga yango. 2Usɛ, yajasa na moto wa jinɔ te Zase, ajasa nɛni mwa bakwe ba bokula, ajasa na bokumani buce. 3Ahakakasa iyɛnɛcɛ Zɛzi, nde, bato buce bajibɛkɛsɛ ango, bosina te ajasa mwa ntɛtɛ bunwe. 4Ya ango sukwa bya boho, na ihakamaka ukwa mwele mwa jinɔ te, Sikɔmɔli, iyɛnɛcɛ Zɛzi, bosina te, eyekanaka o panga mɛnɛ yɛ. 5Usya Zɛzi apundasa o panga mɛnɛ yɛ, ya ango abesɛ minhɔn na isɔhɔkɔ na Zase te: «Zase, hulaka kwakwa, bosina te mwenhe mutɛ mehulaka bya Elongwɛ ɔbɛ.» 6Ya Zase ahula kwakwa na ncebo, ya ango ahimɛ Zɛzi bya Elongwɛ eji. 7Usya bato bahajɛ bayɛnɛsɛ nɛ, bango te bakakwa Zɛzi, na isɔhɔkɔ te: «Taka Zɛzi alwa inangaka bya itona ja moto wamesɛmbɛ!» 8Ya Zase atɛmɛ ntɛtɛ o boho bwa Ku, na isɔhɔkɔ na Ku te: «Ku, mewɛcɛ ngabo ya bokumani bwamɛ na metende, wɛnɛ majasa mekwa balɔlɔ buce na moto, mewɛcɛ ango mangabo ma nanyi.» 9Ya Zɛzi asɔhɔ neji te: «Mwenhe mutɛ, ndonga yekweya o Elongwɛ etɛ, bosina te Zase neji aje moto wa buka bwa Abalami. 10Bosina te, Mwana moto amuya ihakaka, na iyonjɛcɛ bato bamulapa.»
Lembya mwa befula bya lɔli
11Ya Zɛzi ahunwana bosɔhɔkɔ imwate lembya na bato bayokakasa mayɔkɔ mɛ, bajasa o kunakuna ya Zɛlizalami, ba temangakasa te etomba ya Zambe yehulangaka osatɛ. 12Ya Zɛzi asɔhɔ na bango te: «Moto wa buka bwa bakombo, alwa bya imwate mɔngɔ mwa bopama, ihalaka ezaza ya ikɔkɛcɛ, onyate mɛnɛ ango te alumya. 13Boho na ango ilwaka, ya ango abanga banjazi beji jonwu, awɛ moto mɔkɔ mɔkɔ efula ya lɔli ya ibɔmɔ ja inɛnɛ, ya ango asɔhɔ na bango te: “Bekakayi mombongo na byango, na ibujɛcɛ, ngu na isi ya melumyaka.” 14Nde, bato ba mɔngɔ imweji babena ango, na ilomaka batɔtu o mbiya eji, na itandaka te: “Batahaka te, moto wɛ, ajace nɛni imwaho.” 15Nde, behajɛ ango ezaza ya ikɔkɛcɛ ango te ahunwana bya mɔngɔ mweji, usya ango alumya, ya ango abanga banjazi beji ba ango awɛsɛ befula bya balɔlɔ, ahakakasa iyebaka nyoko mwa bango babujɛsɛ. 16Ya njazi mwa boho mwaya na isɔhɔkɔ te: “Ku, mamupojɛ befula bya lɔli jonwu, na efula ya lɔli ya omuwɛ imɛ.” 17Ya nɛni mwɛ, mwahungwɛ neji te: “Nɛ mbɛ, oje njazi mwa hongololo, omuja ekɔsɛ bana bemba bisiki, yango ya mewɛcɛ ɔbɛ pizo ya ikɔkɛcɛ beposi jonwu.” 18Wa mba neji te aya, na isɔhɔkɔ te: “Ku, mamuje pojɛ befula bya lɔli bye tanyi, na efula ya lɔli ya omuwɛ imɛ.” 19Ya nɛni mwahungwɛ neji te: “Obikɔkɛcɛ beposi betanyi.” 20Ya imwate njazi mwaya, na isɔhɔkɔ neji te: “Ku, taka efula ɔbɛ ya lɔli, mamuje hɔjɛ yango kotekote na ombabo. 21Mayɛnɛsɛ bɔngɔ bosina te, oje moto wa bwa,” 22Ya nɛni mwɛ, mwahungwɛ neji te: “Oje njazi mwa ibebe, mepaba ɔbɛ na bekana ibyɔbɛ amɛnɛ. Oyebasa te maje moto wa bwa, makwa emba ya maji teka jika, mahuwa emba ya maji teka kona. 23Sina ya omuja teka hujɛ balɔlɔ bamɛ o banki bende? Usya, mamuco lumya, mamuco kwa bango na hacɛ.” 24Onyate mɛnɛ, nɛni mwɛ asɔhɔ na bajasa okate te: “Palaka ango efula ya lɔli yaji neji yɛ, ete byawɛ na aji na jonwu wɛ.” 25Ya bango bahungwɛ na neji te: “Ku, aje na befula bya lɔli jonwu!” 26Ya nɛni mwɛ, mwahungwɛ na bango te: “Matanda bihi te, moto aji na emba, bewɛcɛ ango buce, nde, moto aji teka na emba, bejɛlɛcɛ ango na ya ango aji na yango. 27Na bapala bamɛ, bamubena te imɛ teka kɔkɛ bango, iyaka imɛ na bango biyetɛ, bomaka bango o boho bwamɛ.”»
Zɛzi ahulanga bya Zɛlizalami
28Usya ango ahijɛsɛ bosɔhɔkɔ nɛ, ya Zɛzi ajongakasa o boho bwa bato, ilwaka bya Zɛlizalami. 29Zɛzi apunda o kunakuna na Bɛtifaze na Betani, bya kunakuna na nkoza mwa mwele mya ba Olivye, ya ango aloma bayokwɛ beji baba. 30Ya ango asɔhɔ na bango te: «Lwaka bya mboka yaji o boho bwa mini yɛ, usya bye hulangaka, bye kumɛcɛ mwa mwana kabala wa bamusinjɛ, wa moto teka bihakama okate. Hundwaka ango ete byaya imɛ na neji biyetɛ. 31Wɛnɛ moto ahimwa bihi te: “Ya byahundwa ango bende?” Hungwɛcɛ neji te: “Ku ahaka.”»
32Ya bayokwɛ baba balwa, na ikumɛcɛ bemba nda Zɛzi atandasa bango. 33Usya bango bajakasa obohundwaka mwa kabala wɛ, ya ba Ku bahimwasa bango te: «Sina ya bya hundwa mwa kabala wɛ nde?» 34Ya bayokwɛ bahungwɛ te: «Ku ahaka.» 35Ya bango baya na kabala bya Zɛzi aji, ya bango hacɛ nkanda byango ukwa kabala, na ihacɛcɛ Zɛzi. 36Usya ango ahinyanakasa, bato bananjɛkɛsɛ nkanda byango o pɛyi. 37O elɔmɔ ya ango ahinyanakasa bya Zɛlizalami, o pɛyi ya tɔngɔmɔ bya, nkoza mwa mwele mya ba Olivye, okate, ngabo ya bayokwɛ bajasa o ncebo buce, ya bango bahula iyembaka beboka bya Zambe na bekɔlu bya pizo, na bosina bwa bango bayɛnɛsɛ ango na tuma ibekaka beyaya. 38Ya bango basɔhɔ te: «Zambe ewɛcɛ ipota na nkani mwaya na jinɔ ja Ku! Itabu bya iko, kuma na Zambe bya nyangwɛ wa iko!» 39Mwa ngabo wa bafalizɛ, ajasa o panga bato, ya bango bawɛ masicɛ na Zɛzi te: «Ku, kanjɛcɛ bayokwɛ ibɔbɛ!» 40Ya Zɛzi ahungwɛ na bango te: «Matanda bihi te, wɛnɛ bango bakanga, mamanya mepotangaka!»
Zɛzi angweya na bosina bwa Zɛluzalɛmi
41Usya Zɛzi ahinyana okuna Zɛlizalami, na iyɛnɛcɛ ango, ango te angweya na bosina ibweji, 42na isɔhɔkɔ te: «Na nɔbɛ ndi yebaka o mwenhe, nda bakumɛ itabu. Nde, osatɛ bemba byɛ byehɔmɔ na minhon mɔbɛ! 43Minyan mango aya, ma bapala ibɔbɛ bekubaka ɔbɛ na menkaka mya inɛnɛ, belɔmɔnɔkɔ ɔbɛ, na ikanjɛcɛ ɔbɛ bepɛyi byahajɛ. 44Usɛ, babi hemaka ɔbɛ bina lupu ijɔbɛ jahajɛ, baji jika ɔbɛ na imanya jɛkɔ ukwa ijate, na bosina te, momu yeba elɔmɔ ya Zambe amuya ipokwaka ɔbɛ!»
Zɛzi apepa babeka mombongo o Elongwɛ ya Zambe
45Zɛzi akweya o Elongwɛ ya Zambe, ahula ipepaka babeka mombongo, 46na isɔhɔkɔ na bango te: «Mangwɛli matanda te: “Elongwɛ ya Zambe, yejaka Elongwɛ ya membɔndu.” Nde, bihi byakahujɛ yango isi ya mibi mya hɔmɔ!» 47Minyan mahajɛ, ahɛlɛkɛsɛ bato iyɔkɔ ja Zambe, o Elongwɛ ya Zambe. Menɛni mya bawe ba bebuwa, melɔnji mya Nceko, na bakombo ba lupu, bahakakasa iyɔkɔ ja bango benyeni boma Zɛzi. 48Nde, bango biyebasa, nda bango be nyenibeka, bosina te, lupu jahajɛ ja yokakasa ango na izime ja inɛnɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES