Esima 14
14
Poole ŋa Baranabase ka Ikoniyume
1Ka Ikoniyume, Poole ŋa Barenabase anyunuŋi nca njo aZife ye baabwono se, ŋa ba kalyele mbari a Njyami. Lembuuru leenini le aZife ŋa anGereke akirigi ayaligi. 2Ŋaa aZife ake abizi kayalaga. Mva bwa, bo acyezi baali ka aZife ŋi ma ka cimiŋa maami maabi ma adumu. 3Okorogo Poole bila Barenabase aki ecugu ekukuna ka Ikoniyume. Bo ba alyele bila ŋa lila ma Mfumu. Mfumu mpi bo otori ma kasa ajiimi bila ampiri alwari ma kamvyere ndi mbari nde ye kalyele yila puga jaajaa. 4Nca kangundu, kuna le baari le ka ya: ake kiigi bila aZife baamon bila antuma. 5AZife bila baali ka aZife ŋi, ŋa amfumu a bo, akuru ncwumu ma kampa bo mpasi ŋa ma kacuna le bo akele. 6Ŋaa bo ba abwele ayuga bwa, ayeni engundu ekima ba baacwolo ma Likayoni, Lisetere, bila Derebe ŋa nca atiniŋa angulu. 7Kaŋaa se, bo awobi Ncya Yeemve.
Poole ŋa Baranabase ka Lisetere
8Ka Lisetere kiigi ŋa balaga lemon kaleme kaasa kula, nde kiigi ki temeŋe ŋi. 9Nde se ka kayuga Poole ka kalyele. Ŋaa Poole ka kese nde, moni ndi nde ŋa lila ma kawuuma. 10Ŋaa wobi bila nde ma akikala ndi: «Temeŋe, ka ma otele!» Balaga lia se temiŋi ŋa asisari ŋa yiga aje. 11Ŋaa lembuuru lemono esi baasi Poole, bo ati nya ma jui le Likayoni ndi: «Anjyami ama awuana baari, ŋa bo ami suruga mpila bizi a be!» 12Bo acwoli Barenabase ma «Zeyuse», ŋa Poole «Eremese», ma buni nde kiigi owobi mbari. 13Ka enyunuŋi ba kangundu, kiigi ŋa njo ye njyami Zeyuse. Ompi ambwoŋi wo njo yia, yi ŋa anzayi bila ecazi ba eba kavuzu ba edubugu ba kangundu. Nde se jii mini lembuuru lempa Barenabase ŋa ma Poole ambwoŋi. 14Ŋaa antuma aso abwele ayuga bwa apazi amfa a bo, ŋaa bo asaniŋi je nca lembuuru ma kata nya ndi: 15«Abuga mi, be meema lesa bwa? Bizi se ni baari mva be, ŋaa bizi lempa be Ncya Yeemve, ma buni be le nyina eduduma ba oca, ŋaa be le kalaga mpila Njyami omwon wo wanga yulu bila ncie, lemere ŋa biibi eso beeli. 16Antini ma yiri, nde nyini esi eso enami anjila a bo mankulu. 17Ŋaa kabila nde kiigi mvyere jia le nde. Okorogo nde tumi be amvula afi yulu ŋa biila beemve ma ntini ajo. Nde mpi be eja ŋaa nde lusi etuma e be ma kase.» 18Se bo ba alyele bwa, Poole ŋa Barenabase amoni mpasi ma kaliga lembuuru ma kampa ambwoŋi.
19Azife ato Antiyoce a Pisidi ŋa Ikoniyume bo abagi etuma ba lembuuru. Ŋaa bo acuni akele ma Poole ŋa ma kajiima nde kangula kangundu, ŋa bo acimiŋi ndi nde ma akpaa. 20Ŋaa ntini ye alwoni ajeneŋe nde, nde temiŋi nyunuŋi nca kangundu. Anyuzuga nde yeni bila Barenabase ka Derebe.
Eyivuruga Antiyoce ma Syri
21Amana mpa ncia yeemve nca kangundu ka Derebe, baari akukuna akirigi alwoni. Poole bila Barenabase avurugi Lisetre ka Ikoniyume ŋa Antiyoce ma Pisidi. 22Bo ba kampa alwoni mpari bila ŋa kawasi ma kakiele lila, ŋa ma kalyele ndi: «Ave bizi a be lemoni mpasi yeenini ma kanyunuŋa nca omfumu Njyami.» 23Poole bila Barenabase ba kaswolo ankwuru nca Okuga ŋa Okuga. Amana ka njala bila kabwono, bo ampi bo ma Mfumu wo bo wo ayaligi. 24Bo ayiri bungu le Pisidi ŋa ayi bungu le Pamfili. 25Amana mpa mbari a Njyami ka Pereje, asurugi Atari. 26Kaŋaa, bo anyunuŋi nca vaari ma kaje Antiyoce ma Syri, kangundu keeli kiigi ampi bo puga le Njyami ma janja, yiga le emani bo. 27Bo ato Antiyoce, bo akuzugi Okuga ma kalyele bo amaami aso ma si Njyami ma bo, ŋa ma kalyele bo lemigi le naani nde baali ka aZife ŋi kadubugu ka lila. 28Poole bila Barenabase aselegi bigi bila alwoni ba Antiyoce.
Currently Selected:
Esima 14: teg
Highlight
Share
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Esima 14
14
Poole ŋa Baranabase ka Ikoniyume
1Ka Ikoniyume, Poole ŋa Barenabase anyunuŋi nca njo aZife ye baabwono se, ŋa ba kalyele mbari a Njyami. Lembuuru leenini le aZife ŋa anGereke akirigi ayaligi. 2Ŋaa aZife ake abizi kayalaga. Mva bwa, bo acyezi baali ka aZife ŋi ma ka cimiŋa maami maabi ma adumu. 3Okorogo Poole bila Barenabase aki ecugu ekukuna ka Ikoniyume. Bo ba alyele bila ŋa lila ma Mfumu. Mfumu mpi bo otori ma kasa ajiimi bila ampiri alwari ma kamvyere ndi mbari nde ye kalyele yila puga jaajaa. 4Nca kangundu, kuna le baari le ka ya: ake kiigi bila aZife baamon bila antuma. 5AZife bila baali ka aZife ŋi, ŋa amfumu a bo, akuru ncwumu ma kampa bo mpasi ŋa ma kacuna le bo akele. 6Ŋaa bo ba abwele ayuga bwa, ayeni engundu ekima ba baacwolo ma Likayoni, Lisetere, bila Derebe ŋa nca atiniŋa angulu. 7Kaŋaa se, bo awobi Ncya Yeemve.
Poole ŋa Baranabase ka Lisetere
8Ka Lisetere kiigi ŋa balaga lemon kaleme kaasa kula, nde kiigi ki temeŋe ŋi. 9Nde se ka kayuga Poole ka kalyele. Ŋaa Poole ka kese nde, moni ndi nde ŋa lila ma kawuuma. 10Ŋaa wobi bila nde ma akikala ndi: «Temeŋe, ka ma otele!» Balaga lia se temiŋi ŋa asisari ŋa yiga aje. 11Ŋaa lembuuru lemono esi baasi Poole, bo ati nya ma jui le Likayoni ndi: «Anjyami ama awuana baari, ŋa bo ami suruga mpila bizi a be!» 12Bo acwoli Barenabase ma «Zeyuse», ŋa Poole «Eremese», ma buni nde kiigi owobi mbari. 13Ka enyunuŋi ba kangundu, kiigi ŋa njo ye njyami Zeyuse. Ompi ambwoŋi wo njo yia, yi ŋa anzayi bila ecazi ba eba kavuzu ba edubugu ba kangundu. Nde se jii mini lembuuru lempa Barenabase ŋa ma Poole ambwoŋi. 14Ŋaa antuma aso abwele ayuga bwa apazi amfa a bo, ŋaa bo asaniŋi je nca lembuuru ma kata nya ndi: 15«Abuga mi, be meema lesa bwa? Bizi se ni baari mva be, ŋaa bizi lempa be Ncya Yeemve, ma buni be le nyina eduduma ba oca, ŋaa be le kalaga mpila Njyami omwon wo wanga yulu bila ncie, lemere ŋa biibi eso beeli. 16Antini ma yiri, nde nyini esi eso enami anjila a bo mankulu. 17Ŋaa kabila nde kiigi mvyere jia le nde. Okorogo nde tumi be amvula afi yulu ŋa biila beemve ma ntini ajo. Nde mpi be eja ŋaa nde lusi etuma e be ma kase.» 18Se bo ba alyele bwa, Poole ŋa Barenabase amoni mpasi ma kaliga lembuuru ma kampa ambwoŋi.
19Azife ato Antiyoce a Pisidi ŋa Ikoniyume bo abagi etuma ba lembuuru. Ŋaa bo acuni akele ma Poole ŋa ma kajiima nde kangula kangundu, ŋa bo acimiŋi ndi nde ma akpaa. 20Ŋaa ntini ye alwoni ajeneŋe nde, nde temiŋi nyunuŋi nca kangundu. Anyuzuga nde yeni bila Barenabase ka Derebe.
Eyivuruga Antiyoce ma Syri
21Amana mpa ncia yeemve nca kangundu ka Derebe, baari akukuna akirigi alwoni. Poole bila Barenabase avurugi Lisetre ka Ikoniyume ŋa Antiyoce ma Pisidi. 22Bo ba kampa alwoni mpari bila ŋa kawasi ma kakiele lila, ŋa ma kalyele ndi: «Ave bizi a be lemoni mpasi yeenini ma kanyunuŋa nca omfumu Njyami.» 23Poole bila Barenabase ba kaswolo ankwuru nca Okuga ŋa Okuga. Amana ka njala bila kabwono, bo ampi bo ma Mfumu wo bo wo ayaligi. 24Bo ayiri bungu le Pisidi ŋa ayi bungu le Pamfili. 25Amana mpa mbari a Njyami ka Pereje, asurugi Atari. 26Kaŋaa, bo anyunuŋi nca vaari ma kaje Antiyoce ma Syri, kangundu keeli kiigi ampi bo puga le Njyami ma janja, yiga le emani bo. 27Bo ato Antiyoce, bo akuzugi Okuga ma kalyele bo amaami aso ma si Njyami ma bo, ŋa ma kalyele bo lemigi le naani nde baali ka aZife ŋi kadubugu ka lila. 28Poole bila Barenabase aselegi bigi bila alwoni ba Antiyoce.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES