Luk 18
18
Unkwili ne umpami we ma nvu
1Zezu avele te bebingi bedzi ngana ne ulaka bangu ati, umve bangu babondo unkomo, nde yene tsunga. 2Wangu ne bangu ati: «Se ngundu yotu yedze ne umpami we mamvu, wedze nde bayi ye Nzambi, ne batu wangu nde kuuna.» 3Se ngundu yayu yedze ne nwatu we unkwili, wangu edze netse kwele ye umpami we ma nvu nedzi ati: «Medzi ne mutu wiwunda me, anyokile ne me, pama me dza nvu dzi.» 4Ni bidzuku byesi byedzi edze ne uya, umpami we mamvu eke dze ne yuka wangu. Vusa votu wangu nedzi ati: «Dzakene mende bayi ye Nzambi, me nde kuna batu. 5Nda unkwili nwu widambise me, me yamene wangu, toko wangu adze ne uya wele me.» 6Zezu avele tanda ati: «Yukayi, me umpami we mamvu mebi itanda. 7Yedzi ni vavu, Nzambi atse kaba mbingu ne batu bedzi etobo, biwula misima ne musa ne pindzi kwele yedzi. Nzambi ndetse yuwen ne uyamene bangu. 8Me tanda beyi, wangu atse yamene bangu mesadzi. Ni ye we yikwene Mutu itse ya, wangu atse kobise mutu widzi ne ivukidze se sendze?»
Ngana ye mutu we Falizi ne untolingi we bedolo
9Zezu ate ngana yi, ne batu betanda ati, bangu ni batu betelee busu ve Nzambi, ne bisa nvuse boko. 10Wangu ati: «Batu bole batse umbondu se ndaku ye Nzambi, motu mutu we Falizi, moko ni untolingi we bedolo.» 11Mutu we Falizi untele, abondo ati: «Nzambi wami, live lowe nami idzi kaka nda batu boko, bidzi beyiibi, bidzi ne ma nvu mebi, ne be mekali, live lowe nami idzi kaka nda betolingi be bedolo. 12Metsila nzala bidzuku byole se tsupulu, mekaba we ikavu dzotu dze byami ibomo.» 13Untolingi we bedolo, adze mbisa, nde tuka tumbidze misa medzi ikulu, ni wangu adzumidze tulu ati: «Nzambi wami, yene me tsesi, me mutu widzi ne mamvu mebi.» 14Zezu avele tanda ati: «Metanda beyi, mutu yu, edze tele busu ve Nzambi, yedzi evutse sombo yedzi, ni kaka mutu we Falizi. Mutu we kalala betse vutise wangu mbisa, ni mutu widzi ne ukuna betse tumbidze wangu.»
Zezu ayamba bane bete
15Batu baya ne bane bete kwele ye Zezu ati, wangu asatse bangu meboko. Bebingi bedzi beyene vavu, basimba bangu. 16Ni Zezu abanga bane bete ati: «Dzikayi bane bete beya kwele yami. Beyi nde simba bangu, ni Ukani ve Nzambi ni ve batu bidzi nda bane bete. 17Metanda beyi, ni umbu amene, we nde yamba Ukani ve Nzambi nda nwana unte ndetse tuka nyindzile se vangu.»
Mutu we untanvu
18Kunwu we bezwifi motu asunwule Zezu ati: «Kunwu we u mve, me pika ni vi ne ubomo libiku le nde siya?» 19Zezu nedzi ati: «We banga me umve ni neyi? Nde mutu we umve, we umve si Nzambi. 20We yiba bitsila bye Nzambi. We nde pika mekali, we nde buuma mutu, we nde yiba, we nde tanda me udzuma kule mutu, kuuna tata ne mama wowe.» 21Mutu akalule nedzi ati: «Mebanda kuuna bitsila byabu mesaka iwanzi.» 22Zezu amana yu kavavu, wangu nedzi ati: «Yedzi ne yila yotu yowe asanda nde pika, sumbise byesi byowe idzi ne byangu, kabaka bedolo ne be mivuvu, yayu we bomo untanvu nwen ikulu. Ti wamana wabinga me.» 23Ni ndili ye mutu mene eyuka me Zezu ewowe, wangu aya ni zunzunlu, nedzi edze ne unta nvu amene. 24Zezu ayene ati, wangu adzi zunzunlu, wangu nedzi ati: «Yedzi ne udilu ne bidzi ne untamvu ne unyindzile se Ukani ve Nzambi! 25Bodzi yineni ye kumvu samo ye tuka nyindzile nda nwangu se ibunga dze sondze, ni yedzi ne udilu ne mutu widzi ne unta nvu ne unyindzile se Ukani ve Nzambi!» 26Bedze ne yuka Zezu nedzi ati: «Yayu wituka lunga niza?» 27Zezu akalule ati: «Ye batu biwata, Nzambi nde wata.» 28Pyeli ne Zezu ati: «Besu badzika bye besu byesi ne ubinga we.» 29Zezu akalule ne bangu ati: «Metanda beyi umbu amene, ti mutu adzika ndaku yedzi, nwadzi wedzi, bandzi ne bekulu bedzi, yali yedzi, bana bedzi, utsina ne Ukani ve Nzambi, 30byedzi itse bomo se mendili ma ne miya, byetse takwe byedzi edzika, wangu atse bomo ne libiku le nde siya.»
Zezu awowe dze liku ledzi bidzuku bisatu
31Zezu aboko betuma bedzi iku ne bole ne bangu ati: «Yukayi, bebe betse Zeluzalemi kwele ye mamvu mesi me Batu be Nzambi betende kule ye we yikwene Mutu, mitse ya. 32Betse kaba wangu se meboko me benzenze, betse sewe wangu, betse tukene wangu, betse tsunye meteyi kule yedzi.» 33Bangu betse buma wangu luba ne mimbisa, yedzi itse waa. Yayu vusa ve unsatu wangu atse nyuse. 34Ni betuma bedzi nde ne yuka medzi iwowe ne bangu tine dzotu, bangu beke yuka ngonongono, nde ne yiba me Zezu edze ne tanda.
Zezu asaka mutu we misa pii
35Zezu aya bakaka ne Zeliko. Mutu motu we misa pii edze untsitsi unkolo nwen peyi ne ubembe batu. 36Ndili yedzi eyuka batu besuta, asunwule batu ati: «Yangu ni yi?» 37Ye batu bekalule nedzi ati: «Zezu we Nazaleti isuta.» 38Yedzi ewula unsima ati: «Zezu, Nwana we Davidi, yene me tsesi!» 39Bedze ne landa busu vedzi basimba wangu ati: «Lonwen, ni wangu avele wula unsima ne singa Nwana we Davidi yene me tsesi!» 40Ye Zezu esita, atanda ne bangu ati: «Yakayi me nedzi wuya.» Ndili ye mutu we misa pii etsindene, Zezu asunwule wangu ati: 41«Yowe ifumba witi me pika we ni yi?» Wangu akalule nedzi ati: «Kunwu me fumba ni miti we dzivule me misa me yene.» 42Zezu nedzi ati: «Ivukidze dzowe dzasaka we.» 43Palikise, mutu mene misa madzumve, yedzi ebinga Zezu ne ukumise Nzambi. Batu besi beyene vavu, ne bangu bakumise Nzambi.
Currently Selected:
Luk 18: WUM
Highlight
Share
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luk 18
18
Unkwili ne umpami we ma nvu
1Zezu avele te bebingi bedzi ngana ne ulaka bangu ati, umve bangu babondo unkomo, nde yene tsunga. 2Wangu ne bangu ati: «Se ngundu yotu yedze ne umpami we mamvu, wedze nde bayi ye Nzambi, ne batu wangu nde kuuna.» 3Se ngundu yayu yedze ne nwatu we unkwili, wangu edze netse kwele ye umpami we ma nvu nedzi ati: «Medzi ne mutu wiwunda me, anyokile ne me, pama me dza nvu dzi.» 4Ni bidzuku byesi byedzi edze ne uya, umpami we mamvu eke dze ne yuka wangu. Vusa votu wangu nedzi ati: «Dzakene mende bayi ye Nzambi, me nde kuna batu. 5Nda unkwili nwu widambise me, me yamene wangu, toko wangu adze ne uya wele me.» 6Zezu avele tanda ati: «Yukayi, me umpami we mamvu mebi itanda. 7Yedzi ni vavu, Nzambi atse kaba mbingu ne batu bedzi etobo, biwula misima ne musa ne pindzi kwele yedzi. Nzambi ndetse yuwen ne uyamene bangu. 8Me tanda beyi, wangu atse yamene bangu mesadzi. Ni ye we yikwene Mutu itse ya, wangu atse kobise mutu widzi ne ivukidze se sendze?»
Ngana ye mutu we Falizi ne untolingi we bedolo
9Zezu ate ngana yi, ne batu betanda ati, bangu ni batu betelee busu ve Nzambi, ne bisa nvuse boko. 10Wangu ati: «Batu bole batse umbondu se ndaku ye Nzambi, motu mutu we Falizi, moko ni untolingi we bedolo.» 11Mutu we Falizi untele, abondo ati: «Nzambi wami, live lowe nami idzi kaka nda batu boko, bidzi beyiibi, bidzi ne ma nvu mebi, ne be mekali, live lowe nami idzi kaka nda betolingi be bedolo. 12Metsila nzala bidzuku byole se tsupulu, mekaba we ikavu dzotu dze byami ibomo.» 13Untolingi we bedolo, adze mbisa, nde tuka tumbidze misa medzi ikulu, ni wangu adzumidze tulu ati: «Nzambi wami, yene me tsesi, me mutu widzi ne mamvu mebi.» 14Zezu avele tanda ati: «Metanda beyi, mutu yu, edze tele busu ve Nzambi, yedzi evutse sombo yedzi, ni kaka mutu we Falizi. Mutu we kalala betse vutise wangu mbisa, ni mutu widzi ne ukuna betse tumbidze wangu.»
Zezu ayamba bane bete
15Batu baya ne bane bete kwele ye Zezu ati, wangu asatse bangu meboko. Bebingi bedzi beyene vavu, basimba bangu. 16Ni Zezu abanga bane bete ati: «Dzikayi bane bete beya kwele yami. Beyi nde simba bangu, ni Ukani ve Nzambi ni ve batu bidzi nda bane bete. 17Metanda beyi, ni umbu amene, we nde yamba Ukani ve Nzambi nda nwana unte ndetse tuka nyindzile se vangu.»
Mutu we untanvu
18Kunwu we bezwifi motu asunwule Zezu ati: «Kunwu we u mve, me pika ni vi ne ubomo libiku le nde siya?» 19Zezu nedzi ati: «We banga me umve ni neyi? Nde mutu we umve, we umve si Nzambi. 20We yiba bitsila bye Nzambi. We nde pika mekali, we nde buuma mutu, we nde yiba, we nde tanda me udzuma kule mutu, kuuna tata ne mama wowe.» 21Mutu akalule nedzi ati: «Mebanda kuuna bitsila byabu mesaka iwanzi.» 22Zezu amana yu kavavu, wangu nedzi ati: «Yedzi ne yila yotu yowe asanda nde pika, sumbise byesi byowe idzi ne byangu, kabaka bedolo ne be mivuvu, yayu we bomo untanvu nwen ikulu. Ti wamana wabinga me.» 23Ni ndili ye mutu mene eyuka me Zezu ewowe, wangu aya ni zunzunlu, nedzi edze ne unta nvu amene. 24Zezu ayene ati, wangu adzi zunzunlu, wangu nedzi ati: «Yedzi ne udilu ne bidzi ne untamvu ne unyindzile se Ukani ve Nzambi! 25Bodzi yineni ye kumvu samo ye tuka nyindzile nda nwangu se ibunga dze sondze, ni yedzi ne udilu ne mutu widzi ne unta nvu ne unyindzile se Ukani ve Nzambi!» 26Bedze ne yuka Zezu nedzi ati: «Yayu wituka lunga niza?» 27Zezu akalule ati: «Ye batu biwata, Nzambi nde wata.» 28Pyeli ne Zezu ati: «Besu badzika bye besu byesi ne ubinga we.» 29Zezu akalule ne bangu ati: «Metanda beyi umbu amene, ti mutu adzika ndaku yedzi, nwadzi wedzi, bandzi ne bekulu bedzi, yali yedzi, bana bedzi, utsina ne Ukani ve Nzambi, 30byedzi itse bomo se mendili ma ne miya, byetse takwe byedzi edzika, wangu atse bomo ne libiku le nde siya.»
Zezu awowe dze liku ledzi bidzuku bisatu
31Zezu aboko betuma bedzi iku ne bole ne bangu ati: «Yukayi, bebe betse Zeluzalemi kwele ye mamvu mesi me Batu be Nzambi betende kule ye we yikwene Mutu, mitse ya. 32Betse kaba wangu se meboko me benzenze, betse sewe wangu, betse tukene wangu, betse tsunye meteyi kule yedzi.» 33Bangu betse buma wangu luba ne mimbisa, yedzi itse waa. Yayu vusa ve unsatu wangu atse nyuse. 34Ni betuma bedzi nde ne yuka medzi iwowe ne bangu tine dzotu, bangu beke yuka ngonongono, nde ne yiba me Zezu edze ne tanda.
Zezu asaka mutu we misa pii
35Zezu aya bakaka ne Zeliko. Mutu motu we misa pii edze untsitsi unkolo nwen peyi ne ubembe batu. 36Ndili yedzi eyuka batu besuta, asunwule batu ati: «Yangu ni yi?» 37Ye batu bekalule nedzi ati: «Zezu we Nazaleti isuta.» 38Yedzi ewula unsima ati: «Zezu, Nwana we Davidi, yene me tsesi!» 39Bedze ne landa busu vedzi basimba wangu ati: «Lonwen, ni wangu avele wula unsima ne singa Nwana we Davidi yene me tsesi!» 40Ye Zezu esita, atanda ne bangu ati: «Yakayi me nedzi wuya.» Ndili ye mutu we misa pii etsindene, Zezu asunwule wangu ati: 41«Yowe ifumba witi me pika we ni yi?» Wangu akalule nedzi ati: «Kunwu me fumba ni miti we dzivule me misa me yene.» 42Zezu nedzi ati: «Ivukidze dzowe dzasaka we.» 43Palikise, mutu mene misa madzumve, yedzi ebinga Zezu ne ukumise Nzambi. Batu besi beyene vavu, ne bangu bakumise Nzambi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES