Luk 22
22
Bekunwu bakuta Zezu yimvu
1Itsinda dze lipembe le nde udzulu dze kumvu paki dzaya bakaka. 2bekunwu be bekabi be bisemi bye Nzambi ne belakisi be bitsila bedze ne ufumba nda bangu bibuuma Zezu, ni bangu bedze ne bongo ve batu.
3Ye Satan enyidzile se unlima nwen Zuda we kumvu mboko Isikaliyoti, wedze se yimvu ye betuma bedzi iku ne bole. 4Zuda atse kuta yimvu ne bekunwu be bekabi be bisemi bye Nzambi, ne bibutu bye bewolo be ndaku ye Nzambi, ne ufumba nda wangu itse sumbise bangu Zezu. 5Bangu batsisa, ye bangu bekuta ndaka ye ukaba Zuda bedolo. 6Zuda amekidze, afumba nda wangu isumbise bangu Zezu isolo ulayi ne unkuka.
Zezu aluma bebingi bedzi ne uyebise itsinda dze paki
7Vusa ve itsinda dze lipembe lende udzulu dze kumvu paki va dzanga, dze bibuuma bana be bindonvene ne udza se itsinda dzadzu. 8Zezu aluma Pyeli ne Zan, wangu ne bangu ati: «Tsekayi lamba bila bye itsinda dze paki.» 9Bangu basunwule nedzi ati: «We tondo witi betse lamba dzangu ni wi?» 10Zezu ne bangu ati: «Ndili ye beyi bidzangale se ngundu, beyi bekwanyele ne mutu abapa mbungu ye mangu. Bingayi wangu se ndaku yedzi inyidzilele.» 11Tandayi ne kunwu we ndaku yayu ati: «Kunwu asunwule we ati, liyi ye ndaku yami idzele bila bye itsinda dze paki, ne bebingi bami ni yowi?» 12«Mutu wayu alakele beyi liyi ye ndaku yineni yidzi ikulu ye bayebise, ne bineni byesi. Awawu ni buma ye beyi bitse lamba bila bye itsinda.» 13Bangu batse, bakobise mesi nda Zezu etanda bangu, ne bangu balamba bila bye itsinda dze Paki.
Bila bye Kunwu
14Ndili ye udza ya dzanga, Zezu asunda untsitsi ne udza bila bane betuma bedzi. 15Zezu ne bangu ati: «Me metondo dza bila bye itsinda dze paki kone ne beyi, me ne ubanda yene membaba. 16Yayu, me tanda beyi, me ndetse vele dza bila bye paki, ndzii ne vusa ve mamvu mamu mitse ya se Ukani ve Nzambi.» 17Yumana, ye Zezu iboko kopi ye melaku, avutise Nzambi live, amana vutise Nzambi live, ne bebingi bedzi ati: «Bokayi kopi ye melaku yi, notayi tima ye beyi, 18me tanda beyi, me ndetse vele noto melaku, ndzii ne vusa ve Ukani ve Nzambi vitse ya.» 19Ye Zezu eboko pembe, amana vutise Nzambi live, atsita akabaka bangu pembe ati: «Ayi ni nyulu yami, yami ikaba utsina ne beyi. Pikayi vavu mendili mesi ne uyivile me.» 20Wangu akaba bangu ne kopi ye melaku, bemana dza, ati: «Kopi yi, ni umbatsi ve tsawen ve tima ye Nzambi ne batu, unsu nwami nwentse tanga utsina ne beyi. 21Wayayi mutu witse sumbise me adzi wa, untsitsi kone nami ne udza bila. 22Ee, we yikwene Mutu atse waa nda Nzambi etanda, ni ndoko ne mutu witse sumbise wangu!» 23Ye bebingi be Zezu bewowe tima ye bangu ati: «Witse sumbise Zezu tima ye bebe ni nza?»
Witakwe boko tima ye bebingi be Zezu ni nza?
24Ye bebingi be Zezu bedze ne lwana tima ye bangu, ne ufumba yiba witakwe boko ubutu. 25Zezu ne bangu ati: «Bekani be melongo benyokile bangu, ne bidzi ne ukunwu kule bangu, befumba nati bebanga bangu bembatsi be batu. 26Ni beyi nde pika nda bangu, ni witakwe boko tima ye beyi umve adze nda nwana unte, ne widzi butu ye boko umve adze nda undzandzi. 27Ni witakwe boko ni nza, widza bila na wikabaka bila, yedzi ni widza bila, kavavu? Yayu me, medzi tima ye beyi ni nda undzandzi we beyi. 28Beyi bedze si konami ndili yami edze se membaba. 29Ni me, metuka kaba beyi Ukani nda Tata wami ekaba me. 30Yayu beyi betse dza bila, ne unywa kone nami se Ukani vami, ye beyi bitse dze mitsitsi se bibuma bye bekani, ne upama mamvu me mekaka iku ne mole me batu be Izayeli.»
Zezu atanda nda Pyeli itse luna wangu
31Zezu atanda ne Simon Pyeli ati: «Simon, Simon, yuka me tsenguse we, Satan asunwule ne unyingise beyi nda binyigise mbulu se lipila ne unanguse bipandzi. 32Ni mabondo nowe, toko wafiya ivukidze. Yowe itse ya vutse kwele yami, wakaba ne bana be tata singa.» 33Pyeli ne Zezu ati: «Kunwu, tsawen me tuka tse ungenenge benu, mawaa benu.» 34Zezu akalule nedzi ati: «Me tanda we, Pyeli velolo, sangwe we susu ne ulongo, umve watanda bidzuku bisatu witi we nde yiba me.»
Bedolo, nwanza, ne pusezunlu
35Ye Zezu evele tanda bangu ati: «Ndili yami eluma beyi ne utse tanda misisili mive, beyi beke bapa bedolo, myanza, ne bekotoko, beyi befiya yila tine yotu?» Bangu bakalule ati: «Nyen, besu beke fiya yila tine yotu.»
36Ye Zezu etanda ne bangu ati: «Ni tsanwen, widzi ne bedolo abapa, widzi ne wanza aboko, we nde pusezunlu, asumbise ingoyi ne usumba pusezunlu.» 37Me tanda beyi, umve me betende se Sangunvu ye Nzambi nami maya, se Sanguvu ye Umpende batende ati: «Batu betse boko mutu yu nda umpita, ni, me betanda nami, metse ya.» 38Bebingi bedzi nedzi ati: «Kunwu, yene bepusenzulu bole.» Zezu akalule ne bangu ati: «Ya kuka.»
Zezu abondo kule kudzi ye Olivye
39Zezu apula ne utse se Kudzi ye kumvu nwili nwen olivye, nda wangu ipika keke ne kala. Bebingi bedzi babinga wangu. 40Ndili yedzi ekalwe buma mene, wangu ne bangu ati: «Bondayi ne ubomo singa, yayu ndili ye bitse maama beyi, beyi nde nanwen.» 41Ye Zezu eteme kone ne bebingi bedzi, alawise va metambi ne bangu, avuna mebongo se sendze abondo 42ati: «Tata, ti watondo, lawuse membaba mami inotele nda binoto mangu. Ni we nde pika nda mitondo, ni pika nda witondo.» 43Ye tuma we Nzambi motu eyinga ikulu ne ukaba wangu singa. 44Zezu ayene bongo ne bayi, yedzi evele bondo ne singa. Itukume dzedzi dzayikwe nda metanga me unsu mina nwen sina. 45Amana bondo, yedzi etelime, aya kwele ye bebingi bedzi. Wangu akobise bangu bembula badamba subii, 46yedzi etanda ne bangu ati: «Beyi benanga bembula ni neyi? Nyusayi, beyi bebondo, ne ubomo singa ndili ye bitse maama beyi.»
Bakwata Zezu
47Ndili yedzi edze ne utanda vavu, unkuka nwen batu nwaya. We kumvu Zuda se betuma bedzi iku ne bole, edze busu ve bangu, yedzi etsindene kone Zezu ne usanzile wangu. 48Ni Zezu nedzi ati: «Zuda, we sanzile we yikwene Mutu ni ne usumbise wangu?» 49Ye bebingi be Zezu beyene mitse ya, bangu basunwule wangu ati: «Kunwu, besu belwana ne bepusenzulu be besu?» 50Ye umbingi we Zezu motu, etsita iluyi dze boko ye sangwe dze undzandzi we unkabi we bisemi bye Nzambi. 51Zezu ati: «Dzikayi, ya kuka.» Zezu abetime ne iluyi dze mutu mene, alungise wangu. 52Yumana vavu, ye Zezu etanda ne bekunwu be bekabi be bisemi bye Nzambi, ne bekunwu be bewolo bibata ndaku ye Nzambi, ne bibutu beya boko wangu ati: «Beyi beya ne bepusenzulu, ne bipanda, ne uya boko me nda umpita? 53Masi mesi medze ne beyi se ndaku ye Nzambi, ni beyi beke kwata me. Ni ayi ni ndili ye beyi, ne ye batu bidzandza se pindzi.»
Pyeli aluna ati wangu nde yiba Zezu
54Bangu bakwata Zezu, ye bangu betse nedzi se ndaku ye kunwu we bekabi be bisemi bye Nzambi. Pyeli edze ne ubinga Zezu ne ulayi. 55Batakise nwunyan tima ye lipangu. Batu mitsitsi unkolo nwen nwunyan, ne Pyeli asunda untsitsi kone bangu. 56Undzandzi we nwatu ayene Pyeli untsitsi unkolo nwen nwunyan. Wangu awaya Pyeli too ne bangu ati: «Ne mutu yu se edze bane Zezu.» 57Ni Pyeli akalule ne nwatu mene ati: «Nyen me nde yiba wangu.» 58Yumana, mutu moko ayene Pyeli nedzi ati: «Nowe, we ni umbingi we Zezu.» Ni Pyeli akalule ne mutu wayu ati: «Nyen, kaka me.» 59Bemana vavu, ndili mbotu ye suta, mutu moko aya sikidze ati: «Umbu amene, mutu yu, nedzi edze bane Zezu, nedzi ni mutu we Galile.» 60Ni Pyeli akalule ati: «Me nde yiba mowe ifumba tanda.» Ndili mene mbotu yedzi edze ne uwowe, sangwe we susu alongo. 61Zezu ayikwene awaya Pyeli too. Ye Pyeli eyivile me Kunwu etanda wangu, Kunwu etanda wangu ati: «Velolo, sangwe we susu nde longole ti we nde lunele me bidzuku bisatu.» 62Pyeli apula se lipangu alila uyitsi. 63Batu bedze ne bata Zezu basewe Zezu, babuuma Zezu luba. 64Bangu badziba Zezu pamza, nedzi ati: «Tanda, we me damaka we ni nza?» 65Ye bangu bavele tanda Zezu mamvu moko meyitsi ne utukene wangu.
Zezu busu ve bepami be bezwife.
66Ndili ye vusa ve se nwen, bibutu bye bezwifi, kunwu we bekabi be bisemi bye Nzambi, ne belakisi be bitsila bakwanye. Bangu babapa Zezu busu ve bepami beneni, 67ye bangu besunwule wangu ati: «We ni we Nzambi etobo? Tanda besu.» Zezu akalule ne bangu ati: «Ti matanda beyi, beyi nde mekidzele me, 68ti makaba beyi undzitsi, beyi nde kalulele me. 69Ni tsawen mene yi, we yikwene Mutu asundele untsitsi kwele ye boko ye sangwe ye Nzambi we singa.» 70Ye besi betanda ati: «Yayu we ni Nwana we Nzambi?» Zezu akalule ne bangu ati, beyi mene ni bitanda ati: «Me ni Nwana we Nzambi.» 71Ye bangu betanda ati: «Besu baya nde dzamvu ne batu boko ne uya pita Zezu. Besu mene bayuka medzi me wowe.»
Currently Selected:
Luk 22: WUM
Highlight
Share
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luk 22
22
Bekunwu bakuta Zezu yimvu
1Itsinda dze lipembe le nde udzulu dze kumvu paki dzaya bakaka. 2bekunwu be bekabi be bisemi bye Nzambi ne belakisi be bitsila bedze ne ufumba nda bangu bibuuma Zezu, ni bangu bedze ne bongo ve batu.
3Ye Satan enyidzile se unlima nwen Zuda we kumvu mboko Isikaliyoti, wedze se yimvu ye betuma bedzi iku ne bole. 4Zuda atse kuta yimvu ne bekunwu be bekabi be bisemi bye Nzambi, ne bibutu bye bewolo be ndaku ye Nzambi, ne ufumba nda wangu itse sumbise bangu Zezu. 5Bangu batsisa, ye bangu bekuta ndaka ye ukaba Zuda bedolo. 6Zuda amekidze, afumba nda wangu isumbise bangu Zezu isolo ulayi ne unkuka.
Zezu aluma bebingi bedzi ne uyebise itsinda dze paki
7Vusa ve itsinda dze lipembe lende udzulu dze kumvu paki va dzanga, dze bibuuma bana be bindonvene ne udza se itsinda dzadzu. 8Zezu aluma Pyeli ne Zan, wangu ne bangu ati: «Tsekayi lamba bila bye itsinda dze paki.» 9Bangu basunwule nedzi ati: «We tondo witi betse lamba dzangu ni wi?» 10Zezu ne bangu ati: «Ndili ye beyi bidzangale se ngundu, beyi bekwanyele ne mutu abapa mbungu ye mangu. Bingayi wangu se ndaku yedzi inyidzilele.» 11Tandayi ne kunwu we ndaku yayu ati: «Kunwu asunwule we ati, liyi ye ndaku yami idzele bila bye itsinda dze paki, ne bebingi bami ni yowi?» 12«Mutu wayu alakele beyi liyi ye ndaku yineni yidzi ikulu ye bayebise, ne bineni byesi. Awawu ni buma ye beyi bitse lamba bila bye itsinda.» 13Bangu batse, bakobise mesi nda Zezu etanda bangu, ne bangu balamba bila bye itsinda dze Paki.
Bila bye Kunwu
14Ndili ye udza ya dzanga, Zezu asunda untsitsi ne udza bila bane betuma bedzi. 15Zezu ne bangu ati: «Me metondo dza bila bye itsinda dze paki kone ne beyi, me ne ubanda yene membaba. 16Yayu, me tanda beyi, me ndetse vele dza bila bye paki, ndzii ne vusa ve mamvu mamu mitse ya se Ukani ve Nzambi.» 17Yumana, ye Zezu iboko kopi ye melaku, avutise Nzambi live, amana vutise Nzambi live, ne bebingi bedzi ati: «Bokayi kopi ye melaku yi, notayi tima ye beyi, 18me tanda beyi, me ndetse vele noto melaku, ndzii ne vusa ve Ukani ve Nzambi vitse ya.» 19Ye Zezu eboko pembe, amana vutise Nzambi live, atsita akabaka bangu pembe ati: «Ayi ni nyulu yami, yami ikaba utsina ne beyi. Pikayi vavu mendili mesi ne uyivile me.» 20Wangu akaba bangu ne kopi ye melaku, bemana dza, ati: «Kopi yi, ni umbatsi ve tsawen ve tima ye Nzambi ne batu, unsu nwami nwentse tanga utsina ne beyi. 21Wayayi mutu witse sumbise me adzi wa, untsitsi kone nami ne udza bila. 22Ee, we yikwene Mutu atse waa nda Nzambi etanda, ni ndoko ne mutu witse sumbise wangu!» 23Ye bebingi be Zezu bewowe tima ye bangu ati: «Witse sumbise Zezu tima ye bebe ni nza?»
Witakwe boko tima ye bebingi be Zezu ni nza?
24Ye bebingi be Zezu bedze ne lwana tima ye bangu, ne ufumba yiba witakwe boko ubutu. 25Zezu ne bangu ati: «Bekani be melongo benyokile bangu, ne bidzi ne ukunwu kule bangu, befumba nati bebanga bangu bembatsi be batu. 26Ni beyi nde pika nda bangu, ni witakwe boko tima ye beyi umve adze nda nwana unte, ne widzi butu ye boko umve adze nda undzandzi. 27Ni witakwe boko ni nza, widza bila na wikabaka bila, yedzi ni widza bila, kavavu? Yayu me, medzi tima ye beyi ni nda undzandzi we beyi. 28Beyi bedze si konami ndili yami edze se membaba. 29Ni me, metuka kaba beyi Ukani nda Tata wami ekaba me. 30Yayu beyi betse dza bila, ne unywa kone nami se Ukani vami, ye beyi bitse dze mitsitsi se bibuma bye bekani, ne upama mamvu me mekaka iku ne mole me batu be Izayeli.»
Zezu atanda nda Pyeli itse luna wangu
31Zezu atanda ne Simon Pyeli ati: «Simon, Simon, yuka me tsenguse we, Satan asunwule ne unyingise beyi nda binyigise mbulu se lipila ne unanguse bipandzi. 32Ni mabondo nowe, toko wafiya ivukidze. Yowe itse ya vutse kwele yami, wakaba ne bana be tata singa.» 33Pyeli ne Zezu ati: «Kunwu, tsawen me tuka tse ungenenge benu, mawaa benu.» 34Zezu akalule nedzi ati: «Me tanda we, Pyeli velolo, sangwe we susu ne ulongo, umve watanda bidzuku bisatu witi we nde yiba me.»
Bedolo, nwanza, ne pusezunlu
35Ye Zezu evele tanda bangu ati: «Ndili yami eluma beyi ne utse tanda misisili mive, beyi beke bapa bedolo, myanza, ne bekotoko, beyi befiya yila tine yotu?» Bangu bakalule ati: «Nyen, besu beke fiya yila tine yotu.»
36Ye Zezu etanda ne bangu ati: «Ni tsanwen, widzi ne bedolo abapa, widzi ne wanza aboko, we nde pusezunlu, asumbise ingoyi ne usumba pusezunlu.» 37Me tanda beyi, umve me betende se Sangunvu ye Nzambi nami maya, se Sanguvu ye Umpende batende ati: «Batu betse boko mutu yu nda umpita, ni, me betanda nami, metse ya.» 38Bebingi bedzi nedzi ati: «Kunwu, yene bepusenzulu bole.» Zezu akalule ne bangu ati: «Ya kuka.»
Zezu abondo kule kudzi ye Olivye
39Zezu apula ne utse se Kudzi ye kumvu nwili nwen olivye, nda wangu ipika keke ne kala. Bebingi bedzi babinga wangu. 40Ndili yedzi ekalwe buma mene, wangu ne bangu ati: «Bondayi ne ubomo singa, yayu ndili ye bitse maama beyi, beyi nde nanwen.» 41Ye Zezu eteme kone ne bebingi bedzi, alawise va metambi ne bangu, avuna mebongo se sendze abondo 42ati: «Tata, ti watondo, lawuse membaba mami inotele nda binoto mangu. Ni we nde pika nda mitondo, ni pika nda witondo.» 43Ye tuma we Nzambi motu eyinga ikulu ne ukaba wangu singa. 44Zezu ayene bongo ne bayi, yedzi evele bondo ne singa. Itukume dzedzi dzayikwe nda metanga me unsu mina nwen sina. 45Amana bondo, yedzi etelime, aya kwele ye bebingi bedzi. Wangu akobise bangu bembula badamba subii, 46yedzi etanda ne bangu ati: «Beyi benanga bembula ni neyi? Nyusayi, beyi bebondo, ne ubomo singa ndili ye bitse maama beyi.»
Bakwata Zezu
47Ndili yedzi edze ne utanda vavu, unkuka nwen batu nwaya. We kumvu Zuda se betuma bedzi iku ne bole, edze busu ve bangu, yedzi etsindene kone Zezu ne usanzile wangu. 48Ni Zezu nedzi ati: «Zuda, we sanzile we yikwene Mutu ni ne usumbise wangu?» 49Ye bebingi be Zezu beyene mitse ya, bangu basunwule wangu ati: «Kunwu, besu belwana ne bepusenzulu be besu?» 50Ye umbingi we Zezu motu, etsita iluyi dze boko ye sangwe dze undzandzi we unkabi we bisemi bye Nzambi. 51Zezu ati: «Dzikayi, ya kuka.» Zezu abetime ne iluyi dze mutu mene, alungise wangu. 52Yumana vavu, ye Zezu etanda ne bekunwu be bekabi be bisemi bye Nzambi, ne bekunwu be bewolo bibata ndaku ye Nzambi, ne bibutu beya boko wangu ati: «Beyi beya ne bepusenzulu, ne bipanda, ne uya boko me nda umpita? 53Masi mesi medze ne beyi se ndaku ye Nzambi, ni beyi beke kwata me. Ni ayi ni ndili ye beyi, ne ye batu bidzandza se pindzi.»
Pyeli aluna ati wangu nde yiba Zezu
54Bangu bakwata Zezu, ye bangu betse nedzi se ndaku ye kunwu we bekabi be bisemi bye Nzambi. Pyeli edze ne ubinga Zezu ne ulayi. 55Batakise nwunyan tima ye lipangu. Batu mitsitsi unkolo nwen nwunyan, ne Pyeli asunda untsitsi kone bangu. 56Undzandzi we nwatu ayene Pyeli untsitsi unkolo nwen nwunyan. Wangu awaya Pyeli too ne bangu ati: «Ne mutu yu se edze bane Zezu.» 57Ni Pyeli akalule ne nwatu mene ati: «Nyen me nde yiba wangu.» 58Yumana, mutu moko ayene Pyeli nedzi ati: «Nowe, we ni umbingi we Zezu.» Ni Pyeli akalule ne mutu wayu ati: «Nyen, kaka me.» 59Bemana vavu, ndili mbotu ye suta, mutu moko aya sikidze ati: «Umbu amene, mutu yu, nedzi edze bane Zezu, nedzi ni mutu we Galile.» 60Ni Pyeli akalule ati: «Me nde yiba mowe ifumba tanda.» Ndili mene mbotu yedzi edze ne uwowe, sangwe we susu alongo. 61Zezu ayikwene awaya Pyeli too. Ye Pyeli eyivile me Kunwu etanda wangu, Kunwu etanda wangu ati: «Velolo, sangwe we susu nde longole ti we nde lunele me bidzuku bisatu.» 62Pyeli apula se lipangu alila uyitsi. 63Batu bedze ne bata Zezu basewe Zezu, babuuma Zezu luba. 64Bangu badziba Zezu pamza, nedzi ati: «Tanda, we me damaka we ni nza?» 65Ye bangu bavele tanda Zezu mamvu moko meyitsi ne utukene wangu.
Zezu busu ve bepami be bezwife.
66Ndili ye vusa ve se nwen, bibutu bye bezwifi, kunwu we bekabi be bisemi bye Nzambi, ne belakisi be bitsila bakwanye. Bangu babapa Zezu busu ve bepami beneni, 67ye bangu besunwule wangu ati: «We ni we Nzambi etobo? Tanda besu.» Zezu akalule ne bangu ati: «Ti matanda beyi, beyi nde mekidzele me, 68ti makaba beyi undzitsi, beyi nde kalulele me. 69Ni tsawen mene yi, we yikwene Mutu asundele untsitsi kwele ye boko ye sangwe ye Nzambi we singa.» 70Ye besi betanda ati: «Yayu we ni Nwana we Nzambi?» Zezu akalule ne bangu ati, beyi mene ni bitanda ati: «Me ni Nwana we Nzambi.» 71Ye bangu betanda ati: «Besu baya nde dzamvu ne batu boko ne uya pita Zezu. Besu mene bayuka medzi me wowe.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES