ยฮ 18
18
ลอง เฆ ตัห เหมต เฌา เยซู
1เฌา เยซู แฮะ ฮอต ซาคึร ปาย ตี, บอ อัน บอ ดีแบ อัน เลห โดง กอย เฆ, วี ฮาว กาโลห ดีลัยะ แบลง คีดาโรน. นา ตัะ ดีลัยะ ตึอน, อึณ มึห กาปึม เฮ นามัน. เฆ วี ฮาว ฌัม แคง กาปึม ตี.
2อึณ ยี มูห อายูดัด อี ดี อาบ เฌา เยซู ดี รันซู อัน, อัน แฮะ นับ โดง ตี. โคว, เฌา เยซู บอ ดีแบ อัน แฮะ ดึอม ฮาว ซืร ตี แบน เฌณ แบน เฌณ. 3ปัน ตี อายูดัด ตัห ฌัม โดง กอย เฆ. อัน แยต พึง ดา ซึก บอ เฆ ดา ตาง อี อึบ โตต ดูอี อี หลู ดี เฌาพรา มัง อี บอ เฆ ดูอี พึง พารีแซ มัง อี. เฆ ดอน อี แฮะ โฆ็ง เงา ราง เฆ เงา ออม บอ ครึง กาโฆห แบน โมยว แบน โมยว.
4เฌา เยซู ยี นับ ดี อาต ปี ดี ปาย ดอน โมยว. โคว, อัน วี เลห โดง กอย ดีแบ อัน, วี ฮาว ดีหมอด เฆ. อัน ต็อห, “เบ เหรต อาเซ?” 5เฆ เวียะ โฆรห ตี ต็อห, “เย เหรต อาเยซู, อี ตัห มืง นาซาเรต.” ปัน ตี เฌา เยซู วี ต็อห, “อึณ มูห โอว.” บอ อายูดัด อี ดี อาบ เฌา เยซู ดี รันซู อัน, อัน กอย รึม โดบ เฆ อี ดี เหมต เฌา เยซู. 6เฌา เยซู แฮะ ฮอต ต็อห, “อึณ มูห โอว,” เฆ วี ซีตัด, วี เกห นา ปัน.
7อัน วี ดีหมอด เฆ ปอ อู เฌณ ต็อห, “เบ เหรต อาเซ?” เฆ ปี วี ต็อห, “อาเยซู, อี ตัห มืง นาซาเรต.”
8อัน วี ต็อห, “โอว แฮะ ฮอต กาลาง ดี เบ, อึณ มูห โอว. เซ เบ เหรต โอว, แกวะ เหมต เฆ นี, แตห เฆ ฮาว.”
9อัน กาลาง ปาย ตี, โกบ ดึอม กาลาง อัน ดี ฆูณ อัน, “อึณ ตู มึห ดูอี ปี ดัว แม ดี โอว อี แฮะ โบยห. อู วี มืร ตู โบยห.”
10ปัน ตี อึณ มูห อาซีโมน, อี จืร บอ อาเปตารู. อัน มึห ดี โฆ็ง มาปัวะ ลาง. อัน วี ทอด, แดบ แวน โหยะ ดูอี อู วี, อี มูห แดเจณ ดา ตาง อี อึบ โตต ดูอี อี หลู ดี เฌาพรา. แดเจณ ตี, อัน จืร อามาลาคู. อึณ มูห โหยะ อัน บลาก อาอัห แปะ แฮะ แดบ แวน อาเปตารู.
11เฌา เยซู ยี จัร อาเปตารู ต็อห, “แม วี เชียบ อูน มาปัวะ ลาง แม แคง บราม อัน. เหมา อึณ ปาย ปี ตู ซี แตห แม โอว คัม แคะ ปี แตห ฆูณ โอว โอว คัม?”
12ปัน ตี เฆ ดา ซึก บอ อี แยต เฆ, บอ เฆ ดูอี ปี ตึย ดา ตาง แคง อืง ยูดา, เฆ วี เหมต เฌา เยซู. เฆ ปัก อัน, 13วี ตึย อัน ฌัม โดง กอย ดา ตาง อานาด, อี มูห บึร อากายพา. ซีนัม ตี อากายพา ตึอน มูห ดา ตาง อี อึบ โตต ดูอี อี หลู ดี เฌาพรา. 14อัน บอ มูห ดูอี อี ดึอม กาลาง ดี เฆ ดูอี อายูดา, “เซ ดูอี อู วี คัม ดี ยัม กาดาง เอ ดอน อี, อึณ ดี หมึอม หลึอม เอ ดอน อี โลว ยัม.”
15อึณ ยี มูห อาซีโมน อี จืร บอ อาเปตารู. บอ อัน บอ ดีแบ ปอ อู วี แฮะ โดบ เฌา เยซู. ดา ตาง อี อึบ โตต ดูอี อี หลู ดี เฌาพรา แฮะ นับ ดีแบ เฌา เยซู ปอ อู วี ตึอน. โคว, อัน วี ฮาว โดบ เฌา เยซู บอ ลึบ แคง แวง กาง ดา ตาง ตี. 16อาเปตารู ยี โลว กอย นา เรต แวง, กอย ดี โคบ มาโลห. ดีแบ ปอ อู วี อี นับ ดา ตาง ตึอน, อัน วี ตัห ดี มาโลห, วี กาลาง โฆรห ดี อีบึณ อี บัร มาโลห. แฮะ ฮอต อัน แดะ บอ อาเปตารู ลึบ.
17ดอ อัน ตี อีบึณ อี บัร มาโลห ตึอน วี ต็อห ดี อาเปตารู, “บอ แม มูห ดีแบ ดูอี ตึอน.” อาเปตารู วี ต็อห, “อาว มูห.”
18ดอ อัน ตี อึณ ยี ฆัด. เฆ แดเจณ มัง อี กอย วาด เงา แปะ แฮะ บูด เฆ, แกวะ แตห เฆ ยึร ฆัด. บอ อาเปตารู แฮะ กอย รึม โดบ เฆ, วาด เงา.
19อึณ ยี มูห ดา ตาง อี อึบ โตต ดูอี อี หลู ดี เฌาพรา, อัน ดีหมอด เฌา เยซู ลอง ดีแบ อัน บอ ลอง แปะ แฮะ มาโนว อัน แบน โมยว แบน โมยว.
20เฌา เยซู ต็อห ดี อัน, “โอว แฮะ กาลาง โฆรห, แตห ดูอี ดอน อี อี กอย แดง กาดาย นี ปึอน ดี โทม. เซเซ โอว แฮะ มาโนว บอ แคง โฌง เบ บอ แคง โฮว เฌาพรา, อี มูห โดง ดี ตัห กาฌูะ เฆ ดูอี อายูดา บอกาเฆลียด. โอว ตู ดึอม เครียง ปี มาโนว โอว. 21โคว, เหมา อึณ ปาย ปี โลว เบ ดีหมอด โอว? แตห เบ ดีหมอด เฆ อี โทม โฆรห โอว. เฆ แฮะ นับ ดี กาลาง ลอง ปี มาโนว โอว.”
22เฌา เยซู แฮะ ฮอต กาลาง โฆรห ตี, อึณ มึห แดเจณ ดา ตาง อู วี, อี กอย กาตัด เฌา เยซู. อัน กาทัะ กาลา เฌา เยซู. อัน ต็อห, “อาว กาอาบ แม กาลาง โฆรห ตี ดี ดา ตาง อี อึบ โตต ดูอี อี หลู ดี เฌาพรา.”
23เฌา เยซู วี ต็อห, “เซ โอว แฮะ กาลาง โฆรห ตู หมาน, แตห แม บยัะ ลอง อัน ตี. เซ โฆรห โอว ยี หมาน, เหมา อึณ ปาย ปี กาทัะ แม กาลา โอว?” 24ปัน ตี อานาด ตู ฆ็อห วัน ปี ปัก เฆ เฌา เยซู, อัน วี จัร เฆ ตึย เฌา เยซู ดี อากายพา, อี มูห ดา ตาง อี อึบ โตต ดูอี อี หลู ดี เฌาพรา.
25อาเปตารู ยี วาด เงา ตึอน. อึณ วี มึห ปอ อู วี ดีหมอด อัน, “แฮะ หมาน, แม มูห ดีแบ ดูอี ตึอน?” อาเปตารู วี ต็อห, “อาว มูห.”
26ปัน ตี อึณ วี มูห แดเจณ ดา ตาง อี อึบ โตต ดูอี อี หลู ดี เฌาพรา ปอ อู วี. อัน มูห วอแว อี ปี แดบ แวน อาเปตารู โหยะ อัน ตึอน. ดูอี วี ตี ต็อห, “แฮะ มูห, โอว แฮะ ยึร แม ดอ กอย รึม แม โดบ อาเยซู แคง กาปึม เฮ นามัน ตึอน.” 27ปอ อู เฌณ อาเปตารู วี กาโลว ต็อห, “อาว มูห.” อัน แฮะ ฮอต ต็อห ปาย ตี, ดอ อัน ตี อู เฌณ เอียน บอ กาตวน.
ลอง ดา ตาง โรวมา ซูงพยาด อามู เฌา เยซู
28วาย อัน ตี เฆ ตึย เฌา เยซู เลห โดง กอย อากายพา, ตึย อัน ฮาว โดง กอย ดา กาณา โรวมา. ดอ อัน ตี อึณ มูห ซีณวัห เจว. เฆ ดูอี อายูดา ยี ตู ลึบ โดง กอย ดา กาณา โรวมา ตึอน. เฆ โยว, เซ เฆ ลึบ โดง กอย ดูอี อี ตู มูห ดูอี อายูดา, อึณ ดี แตห เฆ ตู ซีงา โดบ ปี มาโนว ดารา เฆ. แฮะ ฮอต, เฆ ตู วี ปึอน ดี โฮม บลอย ดอ โหลห เฆ เฌาพรา กาโลห กาง เฆ. เฆ ยี ซี โฮม บลอย ตี. โคว, เฆ ตู ลึบ โดง กอย ดา กาณา โรวมา ตึอน. 29อาพีลาด อี มูห ดา กาณา โรวมา ตึอน, วี ฮาว โดง เฆ, วี ดีหมอด ต็อห, “มาเซ ปี พยาก เบ ดูอี วี นี?”
30เฆ วี ต็อห ดี อัน, “อัน มูห ดูอี อี โบง นา ตู หมึอม แบน โมยว แบน โมยว. เซ อัน ตู มูห ดูอี ฮาย, เย ตู ตัห อาบ อัน ดี แม.” 31อาพีลาด วี ต็อห, “แตห เบ ซูงพยาด อามู อัน, แตห อึณ โดบ ดารา เบ.” เฆ ดูอี อายูดา ปี วี ต็อห, “เบ ดูอี โรวมา ตู ควาง เย ง็อห อาซาก อี.” 32เฆ แฮะ ฮอต ต็อห ปาย ตี, แตห อึณ ปี โฆรห ปี ดึอม กาลาง เฌา เยซู ลอง เฆ ดี ปาย เหมา ดี ง็อห อาซาก อัน.
33อาพีลาด วี ลึบ แคง โฮว อัน, วี แดะ เฌา เยซู โดบ อัน, ดีหมอด อัน ต็อห, “แฮะ หมาน, มูห แม คูนดีคัม อี อึบ เฆ ดูอี อายูดา?”
34เฌา เยซู วี ดีหมอด ต็อห, “โฆรห แม ตี, อึณ มูห ปี กาพา แม แคง น็อห แม? อึณ มูห ปี กาลาง อี เฮา ดี แม ลอง โอว?”
35อาพีลาด วี ต็อห, “โอว ตู มูห ดูอี อายูดา. อึณ มูห เฆ ดูอี อาโมยว แม, เฆ ดา ตาง อี แยต เฆ ดูอี อี หลู ดี เฌาพรา เบ, เฆ แฮะ ตัห อาบ แม ดี โอว. แตห แม กาลาง ดี โอว, มาเซ อึณ มูห, แปะ แฮะ ลูต แม?”
36เฌา เยซู ปี วี ต็อห, “มืง ปี อึบ โอว ตู มูห แดง กาดาย นี. เซ อึณ กอย แดง กาดาย นี, เฆ อามู อามาด โอว, เฆ ดี บอ กาโฆห ดาง โอว, แกวะ แตห เฆ ดูอี อายูดา เหมต โอว. มืง ปี อึบ โอว, อึณ ตู มูห ปาย ตี.”
37ปัน ตี อาพีลาด วี ดีหมอด ต็อห, “เซ อึณ ปาย ตี, แฮะ หมาน, แม มูห คูนดีคัม?” เฌา เยซู ปี วี ต็อห, “แฮะ หมาน เซ แม ต็อห, โอว มูห คูนดีคัม. โอว แฮะ ตัห แดง กาดาย นี. โอว มืร แฮะ แบน ดูอี, แตห โอว แค ซักเซ ลอง นา หมาน. อาเซ อึง นา หมาน, อัน ดี โทม โฆรห โอว.”
38อาพีลาด วี ต็อห ดี อัน, “มาเซ อึณ มูห, นา หมาน?” อัน แฮะ ฮอต กาลาง โฆรห ตี, อัน วี เลห แคง โฮว, วี ฮาว โดง กอย หน็อะ เฆ ดูอี อายูดา ตึอน, วี ต็อห, “โอว ตู ยึร มาเซ ปี ลูต อัน. 39ดอ โบง เบ บลอย เบ, อึณ ยี มึห ฮีด, แตห โอว เบลห ดูอี อาโมยว เบ อู วี. เบ ซี แตห โอว เบลห อี มูห คูนดีคัม เบ ดูอี อายูดา นี?”
40ปัน ตี เฆ บอกาเฆลียด ดัด ตาง ต็อห, “แกวะ เบลห ดูอี วี ตี. เบลห อาบาราบัะ.” อาบาราบัะ ตึอน ยี มูห ดา โฌน.
Currently Selected:
ยฮ 18: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
ยฮ 18
18
ลอง เฆ ตัห เหมต เฌา เยซู
1เฌา เยซู แฮะ ฮอต ซาคึร ปาย ตี, บอ อัน บอ ดีแบ อัน เลห โดง กอย เฆ, วี ฮาว กาโลห ดีลัยะ แบลง คีดาโรน. นา ตัะ ดีลัยะ ตึอน, อึณ มึห กาปึม เฮ นามัน. เฆ วี ฮาว ฌัม แคง กาปึม ตี.
2อึณ ยี มูห อายูดัด อี ดี อาบ เฌา เยซู ดี รันซู อัน, อัน แฮะ นับ โดง ตี. โคว, เฌา เยซู บอ ดีแบ อัน แฮะ ดึอม ฮาว ซืร ตี แบน เฌณ แบน เฌณ. 3ปัน ตี อายูดัด ตัห ฌัม โดง กอย เฆ. อัน แยต พึง ดา ซึก บอ เฆ ดา ตาง อี อึบ โตต ดูอี อี หลู ดี เฌาพรา มัง อี บอ เฆ ดูอี พึง พารีแซ มัง อี. เฆ ดอน อี แฮะ โฆ็ง เงา ราง เฆ เงา ออม บอ ครึง กาโฆห แบน โมยว แบน โมยว.
4เฌา เยซู ยี นับ ดี อาต ปี ดี ปาย ดอน โมยว. โคว, อัน วี เลห โดง กอย ดีแบ อัน, วี ฮาว ดีหมอด เฆ. อัน ต็อห, “เบ เหรต อาเซ?” 5เฆ เวียะ โฆรห ตี ต็อห, “เย เหรต อาเยซู, อี ตัห มืง นาซาเรต.” ปัน ตี เฌา เยซู วี ต็อห, “อึณ มูห โอว.” บอ อายูดัด อี ดี อาบ เฌา เยซู ดี รันซู อัน, อัน กอย รึม โดบ เฆ อี ดี เหมต เฌา เยซู. 6เฌา เยซู แฮะ ฮอต ต็อห, “อึณ มูห โอว,” เฆ วี ซีตัด, วี เกห นา ปัน.
7อัน วี ดีหมอด เฆ ปอ อู เฌณ ต็อห, “เบ เหรต อาเซ?” เฆ ปี วี ต็อห, “อาเยซู, อี ตัห มืง นาซาเรต.”
8อัน วี ต็อห, “โอว แฮะ ฮอต กาลาง ดี เบ, อึณ มูห โอว. เซ เบ เหรต โอว, แกวะ เหมต เฆ นี, แตห เฆ ฮาว.”
9อัน กาลาง ปาย ตี, โกบ ดึอม กาลาง อัน ดี ฆูณ อัน, “อึณ ตู มึห ดูอี ปี ดัว แม ดี โอว อี แฮะ โบยห. อู วี มืร ตู โบยห.”
10ปัน ตี อึณ มูห อาซีโมน, อี จืร บอ อาเปตารู. อัน มึห ดี โฆ็ง มาปัวะ ลาง. อัน วี ทอด, แดบ แวน โหยะ ดูอี อู วี, อี มูห แดเจณ ดา ตาง อี อึบ โตต ดูอี อี หลู ดี เฌาพรา. แดเจณ ตี, อัน จืร อามาลาคู. อึณ มูห โหยะ อัน บลาก อาอัห แปะ แฮะ แดบ แวน อาเปตารู.
11เฌา เยซู ยี จัร อาเปตารู ต็อห, “แม วี เชียบ อูน มาปัวะ ลาง แม แคง บราม อัน. เหมา อึณ ปาย ปี ตู ซี แตห แม โอว คัม แคะ ปี แตห ฆูณ โอว โอว คัม?”
12ปัน ตี เฆ ดา ซึก บอ อี แยต เฆ, บอ เฆ ดูอี ปี ตึย ดา ตาง แคง อืง ยูดา, เฆ วี เหมต เฌา เยซู. เฆ ปัก อัน, 13วี ตึย อัน ฌัม โดง กอย ดา ตาง อานาด, อี มูห บึร อากายพา. ซีนัม ตี อากายพา ตึอน มูห ดา ตาง อี อึบ โตต ดูอี อี หลู ดี เฌาพรา. 14อัน บอ มูห ดูอี อี ดึอม กาลาง ดี เฆ ดูอี อายูดา, “เซ ดูอี อู วี คัม ดี ยัม กาดาง เอ ดอน อี, อึณ ดี หมึอม หลึอม เอ ดอน อี โลว ยัม.”
15อึณ ยี มูห อาซีโมน อี จืร บอ อาเปตารู. บอ อัน บอ ดีแบ ปอ อู วี แฮะ โดบ เฌา เยซู. ดา ตาง อี อึบ โตต ดูอี อี หลู ดี เฌาพรา แฮะ นับ ดีแบ เฌา เยซู ปอ อู วี ตึอน. โคว, อัน วี ฮาว โดบ เฌา เยซู บอ ลึบ แคง แวง กาง ดา ตาง ตี. 16อาเปตารู ยี โลว กอย นา เรต แวง, กอย ดี โคบ มาโลห. ดีแบ ปอ อู วี อี นับ ดา ตาง ตึอน, อัน วี ตัห ดี มาโลห, วี กาลาง โฆรห ดี อีบึณ อี บัร มาโลห. แฮะ ฮอต อัน แดะ บอ อาเปตารู ลึบ.
17ดอ อัน ตี อีบึณ อี บัร มาโลห ตึอน วี ต็อห ดี อาเปตารู, “บอ แม มูห ดีแบ ดูอี ตึอน.” อาเปตารู วี ต็อห, “อาว มูห.”
18ดอ อัน ตี อึณ ยี ฆัด. เฆ แดเจณ มัง อี กอย วาด เงา แปะ แฮะ บูด เฆ, แกวะ แตห เฆ ยึร ฆัด. บอ อาเปตารู แฮะ กอย รึม โดบ เฆ, วาด เงา.
19อึณ ยี มูห ดา ตาง อี อึบ โตต ดูอี อี หลู ดี เฌาพรา, อัน ดีหมอด เฌา เยซู ลอง ดีแบ อัน บอ ลอง แปะ แฮะ มาโนว อัน แบน โมยว แบน โมยว.
20เฌา เยซู ต็อห ดี อัน, “โอว แฮะ กาลาง โฆรห, แตห ดูอี ดอน อี อี กอย แดง กาดาย นี ปึอน ดี โทม. เซเซ โอว แฮะ มาโนว บอ แคง โฌง เบ บอ แคง โฮว เฌาพรา, อี มูห โดง ดี ตัห กาฌูะ เฆ ดูอี อายูดา บอกาเฆลียด. โอว ตู ดึอม เครียง ปี มาโนว โอว. 21โคว, เหมา อึณ ปาย ปี โลว เบ ดีหมอด โอว? แตห เบ ดีหมอด เฆ อี โทม โฆรห โอว. เฆ แฮะ นับ ดี กาลาง ลอง ปี มาโนว โอว.”
22เฌา เยซู แฮะ ฮอต กาลาง โฆรห ตี, อึณ มึห แดเจณ ดา ตาง อู วี, อี กอย กาตัด เฌา เยซู. อัน กาทัะ กาลา เฌา เยซู. อัน ต็อห, “อาว กาอาบ แม กาลาง โฆรห ตี ดี ดา ตาง อี อึบ โตต ดูอี อี หลู ดี เฌาพรา.”
23เฌา เยซู วี ต็อห, “เซ โอว แฮะ กาลาง โฆรห ตู หมาน, แตห แม บยัะ ลอง อัน ตี. เซ โฆรห โอว ยี หมาน, เหมา อึณ ปาย ปี กาทัะ แม กาลา โอว?” 24ปัน ตี อานาด ตู ฆ็อห วัน ปี ปัก เฆ เฌา เยซู, อัน วี จัร เฆ ตึย เฌา เยซู ดี อากายพา, อี มูห ดา ตาง อี อึบ โตต ดูอี อี หลู ดี เฌาพรา.
25อาเปตารู ยี วาด เงา ตึอน. อึณ วี มึห ปอ อู วี ดีหมอด อัน, “แฮะ หมาน, แม มูห ดีแบ ดูอี ตึอน?” อาเปตารู วี ต็อห, “อาว มูห.”
26ปัน ตี อึณ วี มูห แดเจณ ดา ตาง อี อึบ โตต ดูอี อี หลู ดี เฌาพรา ปอ อู วี. อัน มูห วอแว อี ปี แดบ แวน อาเปตารู โหยะ อัน ตึอน. ดูอี วี ตี ต็อห, “แฮะ มูห, โอว แฮะ ยึร แม ดอ กอย รึม แม โดบ อาเยซู แคง กาปึม เฮ นามัน ตึอน.” 27ปอ อู เฌณ อาเปตารู วี กาโลว ต็อห, “อาว มูห.” อัน แฮะ ฮอต ต็อห ปาย ตี, ดอ อัน ตี อู เฌณ เอียน บอ กาตวน.
ลอง ดา ตาง โรวมา ซูงพยาด อามู เฌา เยซู
28วาย อัน ตี เฆ ตึย เฌา เยซู เลห โดง กอย อากายพา, ตึย อัน ฮาว โดง กอย ดา กาณา โรวมา. ดอ อัน ตี อึณ มูห ซีณวัห เจว. เฆ ดูอี อายูดา ยี ตู ลึบ โดง กอย ดา กาณา โรวมา ตึอน. เฆ โยว, เซ เฆ ลึบ โดง กอย ดูอี อี ตู มูห ดูอี อายูดา, อึณ ดี แตห เฆ ตู ซีงา โดบ ปี มาโนว ดารา เฆ. แฮะ ฮอต, เฆ ตู วี ปึอน ดี โฮม บลอย ดอ โหลห เฆ เฌาพรา กาโลห กาง เฆ. เฆ ยี ซี โฮม บลอย ตี. โคว, เฆ ตู ลึบ โดง กอย ดา กาณา โรวมา ตึอน. 29อาพีลาด อี มูห ดา กาณา โรวมา ตึอน, วี ฮาว โดง เฆ, วี ดีหมอด ต็อห, “มาเซ ปี พยาก เบ ดูอี วี นี?”
30เฆ วี ต็อห ดี อัน, “อัน มูห ดูอี อี โบง นา ตู หมึอม แบน โมยว แบน โมยว. เซ อัน ตู มูห ดูอี ฮาย, เย ตู ตัห อาบ อัน ดี แม.” 31อาพีลาด วี ต็อห, “แตห เบ ซูงพยาด อามู อัน, แตห อึณ โดบ ดารา เบ.” เฆ ดูอี อายูดา ปี วี ต็อห, “เบ ดูอี โรวมา ตู ควาง เย ง็อห อาซาก อี.” 32เฆ แฮะ ฮอต ต็อห ปาย ตี, แตห อึณ ปี โฆรห ปี ดึอม กาลาง เฌา เยซู ลอง เฆ ดี ปาย เหมา ดี ง็อห อาซาก อัน.
33อาพีลาด วี ลึบ แคง โฮว อัน, วี แดะ เฌา เยซู โดบ อัน, ดีหมอด อัน ต็อห, “แฮะ หมาน, มูห แม คูนดีคัม อี อึบ เฆ ดูอี อายูดา?”
34เฌา เยซู วี ดีหมอด ต็อห, “โฆรห แม ตี, อึณ มูห ปี กาพา แม แคง น็อห แม? อึณ มูห ปี กาลาง อี เฮา ดี แม ลอง โอว?”
35อาพีลาด วี ต็อห, “โอว ตู มูห ดูอี อายูดา. อึณ มูห เฆ ดูอี อาโมยว แม, เฆ ดา ตาง อี แยต เฆ ดูอี อี หลู ดี เฌาพรา เบ, เฆ แฮะ ตัห อาบ แม ดี โอว. แตห แม กาลาง ดี โอว, มาเซ อึณ มูห, แปะ แฮะ ลูต แม?”
36เฌา เยซู ปี วี ต็อห, “มืง ปี อึบ โอว ตู มูห แดง กาดาย นี. เซ อึณ กอย แดง กาดาย นี, เฆ อามู อามาด โอว, เฆ ดี บอ กาโฆห ดาง โอว, แกวะ แตห เฆ ดูอี อายูดา เหมต โอว. มืง ปี อึบ โอว, อึณ ตู มูห ปาย ตี.”
37ปัน ตี อาพีลาด วี ดีหมอด ต็อห, “เซ อึณ ปาย ตี, แฮะ หมาน, แม มูห คูนดีคัม?” เฌา เยซู ปี วี ต็อห, “แฮะ หมาน เซ แม ต็อห, โอว มูห คูนดีคัม. โอว แฮะ ตัห แดง กาดาย นี. โอว มืร แฮะ แบน ดูอี, แตห โอว แค ซักเซ ลอง นา หมาน. อาเซ อึง นา หมาน, อัน ดี โทม โฆรห โอว.”
38อาพีลาด วี ต็อห ดี อัน, “มาเซ อึณ มูห, นา หมาน?” อัน แฮะ ฮอต กาลาง โฆรห ตี, อัน วี เลห แคง โฮว, วี ฮาว โดง กอย หน็อะ เฆ ดูอี อายูดา ตึอน, วี ต็อห, “โอว ตู ยึร มาเซ ปี ลูต อัน. 39ดอ โบง เบ บลอย เบ, อึณ ยี มึห ฮีด, แตห โอว เบลห ดูอี อาโมยว เบ อู วี. เบ ซี แตห โอว เบลห อี มูห คูนดีคัม เบ ดูอี อายูดา นี?”
40ปัน ตี เฆ บอกาเฆลียด ดัด ตาง ต็อห, “แกวะ เบลห ดูอี วี ตี. เบลห อาบาราบัะ.” อาบาราบัะ ตึอน ยี มูห ดา โฌน.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.