ยฮ 20
20
ลอง เฌา เยซู แฮะ วี ยีต วี อีม
1แฮะ ฌัม ซีแง วาย ซีแง ดีเหลา, ซีณวัห เจว อึณ มูห นาง มารี อี ตัห มืง มากดาลา, อัน ฮาว โดง กอย บาเรว. อัน ยี ยอด, บอ ยึร, มาว ตาง ปี กาบีด เฆ กาเดา บาเรว อาว ฮู กอย ดี อาต กาเดา. 2โคว, อัน วี กาแบลบ ฮาว โดง กอย อาเปตารู ฆาย ดีแบ ปี ร็อก เฌา เยซู ตึอน. อัน วี ต็อห, “เฆ แฮะ ดึห เลห โดว โบ็ง เฌา เยซู แคง บาเรว. เย มืร ตู นับ, เฆ วี อูน นา เหมา.”
3อัน แฮะ ฮอต กาลาง ปาย ตี, อาเปตารู บอ ดีแบ เฌา เยซู ปอ อู วี ตึอน, ฆาย วี ฮาว โดง กอย กาเดา บาเรว. 4ฆาย มืร กาแบลบ ฮาว. ดีแบ ปอ อู วี ตึอน, อัน ยี กาแบลบ แฮ หลึอม อาเปตารู แตห อัน ฌัม ดี อาต. 5อัน วี มูด ยอด, บอ ยึร บีก อี กอย ดี ตี. อัน ยี ตู ลึบ นา แคง. 6อาซีโมน อี จืร บอ อาเปตารู, อี โดบ ดี ปัน, อัน บอ ฌัม โดง กอย กาเดา บาเรว, วี ฮาว ลึบ นา แคง. อัน วี ยึร บีก ปี กาบัน เฆ ดี โดว เฌา เยซู, อึณ ซี กอย แคง กาเดา บาเรว. 7บอ กาแมะ อี กาบีด นา อัน แฮะ ดีฆับ อูน ปอ โปละ, อาว กอย โดบ บีก ตึอน. 8วาย อัน ตี ดีแบ ปอ อู วี, อี แฮะ ตัห ฌัม ดี อาต, อัน บอ วี ลึบ แคง กาเดา บาเรว. ดอ ยึร อัน โตต ดอน โมยว, อัน มืร หณึม. 9อึณ ยี หณัม กาหลูห ดี น็อห ฆาย ปี แดม อูน แคง บับ เฌาพรา ลอง เฌา เยซู โลว วี ยีต วี อีม วาย แฮะ ฮอต ยัม อัน.
10แฮะ ฮอต, ฆาย มืร วี เวณ กาง เฆ. 11นาง มารี ยี กอย นา เรต กาเดา บาเรว, วี ยาม. ดอ ยาม อัน ปาย ตี, อัน วี มูด ยอด นา แคง กาเดา บาเรว. 12อัน บอ ยึร อามู อามาด เฌาพรา อา กาดัง อี แฮะ ตา ครึง ลูย, กอย โดง ดึอม เบลห เฆ โดว โบ็ง เฌา เยซู. อู กาดัง กอย นา แดง ฆีณ. ปอ อู กาดัง กอย นา แดง เจณ.
13ฆาย วี ดีหมอด นาง มารี ตึอน, วี ต็อห, “แม นาง, เหมา อึณ ปาย ปี ยาม แม?” อัน ต็อห, “เฆ แฮะ ดึห แวน โดว โบ็ง อัน เฌา โอว. โอว ตู นับ นา เหมา เฆ แฮะ วี เบลห อูน อัน.” 14อัน แฮะ ฮอต กาลาง โฆรห ตี, อัน วี ยอด นา ปัน, วี ยึร เฌา เยซู กอย ดี ตี. อัน ยี ตู นับ, อึณ มูห เฌา เยซู.
15เฌา เยซู วี ต็อห, “อึย นาง, เหมา อึณ ปาย ปี ยาม แม? แม เหรต อาเซ?” นาง มารี ยี ทาง อึณ มูห ดูอี รัณ กาปึม ตึอน. โคว, อัน ต็อห, “อึย ดา, เซ แม แฮะ ดึห แวน โดว โบ็ง อัน, แตห แม กาลาง ดี โอว โดง เบลห แม โดว อัน, แตห โอว ปึอน ดี ฮาว ดึห ตัห อัน.”
16ปัน ตี เฌา เยซู ปี วี ต็อห ดี อัน, “นาง มารี.” นาง มารี วี ยอด นา อัน, วี ต็อห แคง โฆรห แฮแบร, “ราโบวนี.” ลอง ดาง อัน เลห, “ดา ซารา.”
17เฌา เยซู วี ต็อห, “แกวะ ปา โดว โอว. โคว, โอว หณัม เวณ โดง กอย ฆูณ โอว. แตห แม ฮาว ดี บีนอง โอว, แตห แม กาลาง ดี เฆ ลอง โอว, ‘โอว ดี เวณ โดง กอย ฆูณ โอว บอ โดง กอย ฆูณ เบ, อี มูห เฌาพรา ปี กรึบ โอว บอ เฌาพรา ปี กรึบ เบ.’”
18ปัน ตี นาง มารี อี ตัห มืง มากดาลา, อัน วี เวณ โดง กอย เฆ ดีแบ เฌา เยซู ตึอน, วี ต็อห ดี เฆ, “โอว แฮะ ยึร อัน เฌา.” แฮะ ฮอต, อัน วี แค ดี เฆ ลอง แปะ แฮะ กาลาง เฌา เยซู ดี อัน.
ลอง เฌา เยซู กาปลูห ดี ดีแบ อัน
19ดอ มูห ซีแง วาย ซีแง ดีเหลา แคง หมึร, เฆ ดีแบ เฌา เยซู แฮะ ตัห กอย รึม. เฆ มืร แฮะ โยว กาเซา เฆ ดา ตาง ยูดา. เฆ แฮะ กาบีด มาโลห แคง กาง โดง กอย เฆ. ดอ อัน ตี เฌา เยซู วี กาปลูห โดง กอย เฆ ตี. อัน วี ต็อห, “แตห เบ มึห น็อห เฆียด.” 20อัน แฮะ ฮอต กาลาง โฆรห ตี, อัน วี บยัะ ดี เฆ บอ แด บอ เบรต อัน. เฆ ดีแบ อัน ยี ดาคึย กาเซา ดอ ยึร เฆ ดี อัน.
21เฌา เยซู วี ต็อห ปอ อู เฌณ, “แตห เบ มึห น็อห เฆียด. โอว ดี ตึย เบ, แตห อึณ ปี เฌาพรา แฮะ ตึย โอว, แตห เบ กาลาง ลอง โอว ดี อี เฮา.” 22อัน แฮะ กาลาง โฆรห ตี, อัน วี บูด พึอม อัน ดี เฆ, วี ต็อห, “แตห เบ ดึห น็อห พึอม เฌาพรา. 23เซ เบ บลัวะ แวน หมาบ อี เฮา, บอ โอว บลัวะ แวน หมาบ เฆ ตี. เซ เบ ตู บลัวะ แวน หมาบ อี เฮา, บอ โอว ตู บลัวะ แวน หมาบ เฆ ตี.”
ลอง เฌา เยซู วี กาปลูห ดี อาโทวมาด
24อึณ ยี มูห อาโทวมาด, อี จืร บอ อาดีดามาด, อี บาะ แคง พึง ดีแบ เฌา เยซู ฆึร ดี อา วี ตึอน. อัน จืร บอ อาดีโมด. อัน ตู กอย โดง กอย ดีแบ เฌา เยซู ดอ กาปลูห เฌา เยซู ดี เฆ. 25โคว, เฆ ดีแบ อี แฮะ ยึร เฌา เยซู, เฆ วี ต็อห ดี อัน, “เย แฮะ ยึร เฌา เยซู.” อัน ยี ต็อห ดี เฆ, “เซ โอว ตู ยึร ดีม ปี ดอก เฆ มาฮีน ดี แด อัน, เซ โอว ตู ปึอน ดี ปา ดีม ตี บอ ปา เบรต อัน, โอว ตู หณึม โฆรห เบ.”
26วาย อัน ตี บู ซีแง, เฆ ดีแบ เฌา เยซู วี กอย รึม แคง กาง. คา นี บอ อาโทวมาด กอย รึม โดบ เฆ. เฆ แฮะ กาบีด มาโลห. เฌา เยซู ยี กาปลูห ดี เฆ, กอย กาแต เฆ, วี ต็อห, “แตห เบ มึห น็อห เฆียด.” 27อัน วี ต็อห ดี อาโทวมาด, “แตห แม เบลห แด แม ดี นี. แตห แม ยอด บอ แด โอว, ดึห แด แม ปา เบรต โอว. แกวะ แตห แม มึห น็อห กาลีง กาแล. แตห แม หณึม.”
28อาโทวมาด วี ต็อห, “แม มูห อัน เฌา, อี อึบ โอว, แม บอ มูห เฌาพรา ปี กรึบ โอว.”
29เฌา เยซู วี ต็อห ดี อัน, “โกบ ยึร แม โดว โอว, แม แฮะ หณึม. เฆ ดูอี อี ตู ปึอน ยึร มาเซ, เซ เฆ ยี หณึม, เฆ ดี แบน น็อห ดาคึย.”
30เฌา เยซู บอ โบง นา หมึอม อาม กาเซา แบน โมยว แบน โมยว, แตห ดีแบ อัน ปึอน ดี ยึร. ลอง อัน ตี ยี ตู แดม อูน แคง บับ นี. 31แคะ ปี แดม อูน แคง บับ นี, โอว แฮะ แดม อูน, แตห เบ หณึม, เฌา เยซู มูห ดูอี ปี ร็อห ปี ตึย เฌาพรา แตห อัน คยอด ดูอี. อัน บอ มูห ฆอน เฌาพรา. โอว มืร แฮะ แดม ลอง อัน ตี, แตห เบ ปึอน อาซาก กามาย ปี ดัว เฌาพรา ดี เบ โกบ หณึม เบ เฌา เยซู.
Currently Selected:
ยฮ 20: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
ยฮ 20
20
ลอง เฌา เยซู แฮะ วี ยีต วี อีม
1แฮะ ฌัม ซีแง วาย ซีแง ดีเหลา, ซีณวัห เจว อึณ มูห นาง มารี อี ตัห มืง มากดาลา, อัน ฮาว โดง กอย บาเรว. อัน ยี ยอด, บอ ยึร, มาว ตาง ปี กาบีด เฆ กาเดา บาเรว อาว ฮู กอย ดี อาต กาเดา. 2โคว, อัน วี กาแบลบ ฮาว โดง กอย อาเปตารู ฆาย ดีแบ ปี ร็อก เฌา เยซู ตึอน. อัน วี ต็อห, “เฆ แฮะ ดึห เลห โดว โบ็ง เฌา เยซู แคง บาเรว. เย มืร ตู นับ, เฆ วี อูน นา เหมา.”
3อัน แฮะ ฮอต กาลาง ปาย ตี, อาเปตารู บอ ดีแบ เฌา เยซู ปอ อู วี ตึอน, ฆาย วี ฮาว โดง กอย กาเดา บาเรว. 4ฆาย มืร กาแบลบ ฮาว. ดีแบ ปอ อู วี ตึอน, อัน ยี กาแบลบ แฮ หลึอม อาเปตารู แตห อัน ฌัม ดี อาต. 5อัน วี มูด ยอด, บอ ยึร บีก อี กอย ดี ตี. อัน ยี ตู ลึบ นา แคง. 6อาซีโมน อี จืร บอ อาเปตารู, อี โดบ ดี ปัน, อัน บอ ฌัม โดง กอย กาเดา บาเรว, วี ฮาว ลึบ นา แคง. อัน วี ยึร บีก ปี กาบัน เฆ ดี โดว เฌา เยซู, อึณ ซี กอย แคง กาเดา บาเรว. 7บอ กาแมะ อี กาบีด นา อัน แฮะ ดีฆับ อูน ปอ โปละ, อาว กอย โดบ บีก ตึอน. 8วาย อัน ตี ดีแบ ปอ อู วี, อี แฮะ ตัห ฌัม ดี อาต, อัน บอ วี ลึบ แคง กาเดา บาเรว. ดอ ยึร อัน โตต ดอน โมยว, อัน มืร หณึม. 9อึณ ยี หณัม กาหลูห ดี น็อห ฆาย ปี แดม อูน แคง บับ เฌาพรา ลอง เฌา เยซู โลว วี ยีต วี อีม วาย แฮะ ฮอต ยัม อัน.
10แฮะ ฮอต, ฆาย มืร วี เวณ กาง เฆ. 11นาง มารี ยี กอย นา เรต กาเดา บาเรว, วี ยาม. ดอ ยาม อัน ปาย ตี, อัน วี มูด ยอด นา แคง กาเดา บาเรว. 12อัน บอ ยึร อามู อามาด เฌาพรา อา กาดัง อี แฮะ ตา ครึง ลูย, กอย โดง ดึอม เบลห เฆ โดว โบ็ง เฌา เยซู. อู กาดัง กอย นา แดง ฆีณ. ปอ อู กาดัง กอย นา แดง เจณ.
13ฆาย วี ดีหมอด นาง มารี ตึอน, วี ต็อห, “แม นาง, เหมา อึณ ปาย ปี ยาม แม?” อัน ต็อห, “เฆ แฮะ ดึห แวน โดว โบ็ง อัน เฌา โอว. โอว ตู นับ นา เหมา เฆ แฮะ วี เบลห อูน อัน.” 14อัน แฮะ ฮอต กาลาง โฆรห ตี, อัน วี ยอด นา ปัน, วี ยึร เฌา เยซู กอย ดี ตี. อัน ยี ตู นับ, อึณ มูห เฌา เยซู.
15เฌา เยซู วี ต็อห, “อึย นาง, เหมา อึณ ปาย ปี ยาม แม? แม เหรต อาเซ?” นาง มารี ยี ทาง อึณ มูห ดูอี รัณ กาปึม ตึอน. โคว, อัน ต็อห, “อึย ดา, เซ แม แฮะ ดึห แวน โดว โบ็ง อัน, แตห แม กาลาง ดี โอว โดง เบลห แม โดว อัน, แตห โอว ปึอน ดี ฮาว ดึห ตัห อัน.”
16ปัน ตี เฌา เยซู ปี วี ต็อห ดี อัน, “นาง มารี.” นาง มารี วี ยอด นา อัน, วี ต็อห แคง โฆรห แฮแบร, “ราโบวนี.” ลอง ดาง อัน เลห, “ดา ซารา.”
17เฌา เยซู วี ต็อห, “แกวะ ปา โดว โอว. โคว, โอว หณัม เวณ โดง กอย ฆูณ โอว. แตห แม ฮาว ดี บีนอง โอว, แตห แม กาลาง ดี เฆ ลอง โอว, ‘โอว ดี เวณ โดง กอย ฆูณ โอว บอ โดง กอย ฆูณ เบ, อี มูห เฌาพรา ปี กรึบ โอว บอ เฌาพรา ปี กรึบ เบ.’”
18ปัน ตี นาง มารี อี ตัห มืง มากดาลา, อัน วี เวณ โดง กอย เฆ ดีแบ เฌา เยซู ตึอน, วี ต็อห ดี เฆ, “โอว แฮะ ยึร อัน เฌา.” แฮะ ฮอต, อัน วี แค ดี เฆ ลอง แปะ แฮะ กาลาง เฌา เยซู ดี อัน.
ลอง เฌา เยซู กาปลูห ดี ดีแบ อัน
19ดอ มูห ซีแง วาย ซีแง ดีเหลา แคง หมึร, เฆ ดีแบ เฌา เยซู แฮะ ตัห กอย รึม. เฆ มืร แฮะ โยว กาเซา เฆ ดา ตาง ยูดา. เฆ แฮะ กาบีด มาโลห แคง กาง โดง กอย เฆ. ดอ อัน ตี เฌา เยซู วี กาปลูห โดง กอย เฆ ตี. อัน วี ต็อห, “แตห เบ มึห น็อห เฆียด.” 20อัน แฮะ ฮอต กาลาง โฆรห ตี, อัน วี บยัะ ดี เฆ บอ แด บอ เบรต อัน. เฆ ดีแบ อัน ยี ดาคึย กาเซา ดอ ยึร เฆ ดี อัน.
21เฌา เยซู วี ต็อห ปอ อู เฌณ, “แตห เบ มึห น็อห เฆียด. โอว ดี ตึย เบ, แตห อึณ ปี เฌาพรา แฮะ ตึย โอว, แตห เบ กาลาง ลอง โอว ดี อี เฮา.” 22อัน แฮะ กาลาง โฆรห ตี, อัน วี บูด พึอม อัน ดี เฆ, วี ต็อห, “แตห เบ ดึห น็อห พึอม เฌาพรา. 23เซ เบ บลัวะ แวน หมาบ อี เฮา, บอ โอว บลัวะ แวน หมาบ เฆ ตี. เซ เบ ตู บลัวะ แวน หมาบ อี เฮา, บอ โอว ตู บลัวะ แวน หมาบ เฆ ตี.”
ลอง เฌา เยซู วี กาปลูห ดี อาโทวมาด
24อึณ ยี มูห อาโทวมาด, อี จืร บอ อาดีดามาด, อี บาะ แคง พึง ดีแบ เฌา เยซู ฆึร ดี อา วี ตึอน. อัน จืร บอ อาดีโมด. อัน ตู กอย โดง กอย ดีแบ เฌา เยซู ดอ กาปลูห เฌา เยซู ดี เฆ. 25โคว, เฆ ดีแบ อี แฮะ ยึร เฌา เยซู, เฆ วี ต็อห ดี อัน, “เย แฮะ ยึร เฌา เยซู.” อัน ยี ต็อห ดี เฆ, “เซ โอว ตู ยึร ดีม ปี ดอก เฆ มาฮีน ดี แด อัน, เซ โอว ตู ปึอน ดี ปา ดีม ตี บอ ปา เบรต อัน, โอว ตู หณึม โฆรห เบ.”
26วาย อัน ตี บู ซีแง, เฆ ดีแบ เฌา เยซู วี กอย รึม แคง กาง. คา นี บอ อาโทวมาด กอย รึม โดบ เฆ. เฆ แฮะ กาบีด มาโลห. เฌา เยซู ยี กาปลูห ดี เฆ, กอย กาแต เฆ, วี ต็อห, “แตห เบ มึห น็อห เฆียด.” 27อัน วี ต็อห ดี อาโทวมาด, “แตห แม เบลห แด แม ดี นี. แตห แม ยอด บอ แด โอว, ดึห แด แม ปา เบรต โอว. แกวะ แตห แม มึห น็อห กาลีง กาแล. แตห แม หณึม.”
28อาโทวมาด วี ต็อห, “แม มูห อัน เฌา, อี อึบ โอว, แม บอ มูห เฌาพรา ปี กรึบ โอว.”
29เฌา เยซู วี ต็อห ดี อัน, “โกบ ยึร แม โดว โอว, แม แฮะ หณึม. เฆ ดูอี อี ตู ปึอน ยึร มาเซ, เซ เฆ ยี หณึม, เฆ ดี แบน น็อห ดาคึย.”
30เฌา เยซู บอ โบง นา หมึอม อาม กาเซา แบน โมยว แบน โมยว, แตห ดีแบ อัน ปึอน ดี ยึร. ลอง อัน ตี ยี ตู แดม อูน แคง บับ นี. 31แคะ ปี แดม อูน แคง บับ นี, โอว แฮะ แดม อูน, แตห เบ หณึม, เฌา เยซู มูห ดูอี ปี ร็อห ปี ตึย เฌาพรา แตห อัน คยอด ดูอี. อัน บอ มูห ฆอน เฌาพรา. โอว มืร แฮะ แดม ลอง อัน ตี, แตห เบ ปึอน อาซาก กามาย ปี ดัว เฌาพรา ดี เบ โกบ หณึม เบ เฌา เยซู.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.