มก 15
15
ลอง เฌา เยซู กอย ดี อาต อาพีลาด
1ปา แคหณา ซีณวัห เจว, เฆ ดา ตาง อี แยต เฆ ดูอี อี หลู ดี เฌาพรา บอ เฆ ดา ตาง อี อึบ มืง, บอ เฆ ดา ซารา อี มาโนว ดารา ยูดา บอ เฆ ดูอี อี ซูงพยาด อามู อี, เฆ บอกาเฆลียด แฮะ ลาย โพรม. เฆ วี ปัก แด เฌา เยซู, วี ตึย อัน, อาบ อัน ดี ดา กาณา อี จืร อาพีลาด, แตห อัน ซูงพยาด.
2อาพีลาด ดีหมอด เฌา เยซู. อัน ต็อห, “แฮะ หมาน มูห แม คูนดีคัม อี อึบ เฆ ดูอี อายูดา?”
เฌา เยซู วี ต็อห, “แฮะ หมาน ปี ต็อห แม.”
3ปัน ตี เฆ ดา ตาง อี แยต เฆ ดูอี อี หลู ดี เฌาพรา, เฆ วี พยาก เฌา เยซู ต็อห, “อัน โบง หมาบ แบน โมยว แบน โมยว.” 4ปัน ตี อาพีลาด วี ดีหมอด อัน ปอ อู เฌณ ต็อห, “แม ตู มึห ดี ต็อห มาเซ? แม ยอด, เฆ พยาก แม แบน โมยว แบน โมยว.”
5เฌา เยซู ยี ตู ต็อห มาเซ. อาพีลาด มืร อาม.
6ดอ โบง เฆ บลอย ตี, อาพีลาด มึห ฮีด อู โมยว. อัน ควาง แตห เฆ ดูอี กืน ร็อห ดูอี อู วี อี กอย แคง กาปึม. แฮะ ฮอต, อัน วี เบลห ดูอี ปี ร็อห เฆ ตี. 7ดอ อัน ตี อึณ มึห ดูอี อู วี อี กอย แคง กาปึม. อัน จืร อาบาราบัะ. อัน แฮะ ดึอม กอย รึม โดบ ดูอี อี แฮะ ง็อห อาซาก อี เฮา ดอ โบง เฆ ซีนัน ซีนืง. 8เฆ ดูอี กืน วี หมาณ, แตห อาพีลาด โดบ ฮีด ตี.
9อาพีลาด วี ต็อห, “เบ ซี แตห โอว เบลห อี มูห คูนดีคัม เบ ดูอี อายูดา นี?” 10อัน ต็อห ปาย ตี, โกบ แฮะ นับ อัน, เฆ ดา ตาง อี แยต เฆ ดูอี อี หลู ดี เฌาพรา, เฆ ตู อึง เฌา เยซู. โคว, เฆ แฮะ อาบ อัน ดี อาพีลาด. 11เฆ ดา ตาง อี แยต เฆ ดูอี อี หลู ดี เฌาพรา, เฆ ยี กาซูห ดูอี กืน แตห เฆ หมาณ, แตห อาพีลาด เบลห อาบาราบัะ.
12ปัน ตี อาพีลาด วี ต็อห, “เซ อึณ ปาย ตี, มาเซ ปี ดี โลว โบง โอว ดี ดูอี วี ตี, อี มูห คูนดีคัม ดูอี อายูดา?”
13อู เฌณ เฆ วี ดัด ตาง ต็อห, “ง็อห แวน อัน แดง ร็อง กาแวะ.”
14อาพีลาด วี ต็อห, “มาเซ ปี โบง อัน นา ตู หมึอม, อี กาอาบ ยัม?” เฆ ยี ดัด ตาง หลึอม คา อาต “ง็อห ยัม อัน แดง ร็อง กาแวะ.”
15อาพีลาด มืร ซี โบง ปี อึง เฆ ดูอี กืน. โคว, อัน เบลห อาบาราบัะ. อัน วี จัร เฆ ซีเบรียะ เฌา เยซู. แฮะ ฮอต, อัน ควาง เฆ ง็อห ยัม อัน แดง ร็อง กาแวะ.
ลอง เฆ ดา ซึก กาณัห เฌา เยซู
16ปัน ตี เฆ ดา ซึก วี ดึห ฮาว เฌา เยซู แคง โฮว อาพีลาด โดง จืร เพโทวรี. เฆ วี แดะ กาฌูะ เฆ ดา ซึก บอ พึง. 17เฆ วี แตห เฌา เยซู ชึบ ครึง เรณ แฆ, อี มูห ครึง ปี ดี ตา คูนดีคัม. เฆ ดึห ยวน มาอาต, โบง มังฆึม, วี ชึบ ดี ฆีณ เฌา เยซู. 18เฆ มืร จูห ดี ณึงราง ดี รวห อัน ต็อห, “อึย แม คูนดีคัม อี อึบ ดูอี อายูดา, แตห แม ฆยามซา.” 19เฆ ดึห อึณกรวน, ฆลอก ฆีณ อัน แบน เฌณ แบน เฌณ. เฆ บอ ปัต นา อัน, ครึบเครา ดี อาต อัน, ณึงราง ดี กรึบ อัน. 20เฆ แฮะ ฮอต โบง ฌึร ตี ดอน โมยว, เฆ วี บูต ครึง เรณ แฆ ตึอน, วี แตห อัน ชึบ ครึง บรีม อัน. แฮะ ฮอต, เฆ วี ตึย อัน เลห แคง มืง, ฮาว ง็อห ยัม อัน แดง ร็อง กาแวะ.
ลอง เฌา เยซู ยัม
21ดอ อัน ตี อึณ มึห ดูอี อู วี อี ตัห แคง มืง กูเรณ, อัน จืร อาซีโมน. อัน มูห ฆูณ อาเลซันดา ฆาย อารูพู. อัน ตัห ดี มาน, ฮาว โดบ อึณเตณ ตึอน, ต็อห ดี วี ลึบ แคง มืง. เฆ จัร อัน ฆอด ร็อง กาแวะ ดาง เฌา เยซู. 22เฆ ตึย เฌา เยซู แตห อัน ฌัม โดง จืร ฆอลัะโฆทา. ลอง ดาง จืร ตี มูห, “โดง กอย กาอาง ฆีณ ดูอี ยัม.” 23เฆ แฮะ ฮอต ฌัม โดง ตี, เฆ วี แตห เฌา เยซู เดียง อึม มางูน ปี ฮับ เฆ เดา มอรา. อัน ยี ตู เดียง. 24เฆ วี ดอก ดึก อัน ดี ร็อง กาแวะ. เฆ มืร ลาย กาโดว, อาเซ ดี ปึอน ครึง อัน.
25ดอ ดึก เฆ เฌา เยซู ดี ร็อง, วี ซัม ร็อง ตี, แฮะ โนะ ดีม นารี เจว หณา. 26เฆ วี แดม อูน ลอง ปี ลูต อัน ดี แบน, ดึก แดง ฆีณ อัน. อึณ ต็อห, “อัน มูห คูนดีคัม อี อึบ ดูอี อายูดา.” 27อึณ บอ มึห ดา โฌน อา วี. เฆ แฮะ ดึก บอ ฆาย ดี ร็อง ฆาย, อู วี บลาก อาอัห, ปอ อู วี บลาก อาฆัะ เฌา เยซู, แตห บอ ฆาย ยัม รึม โดบ อัน. 28ปาย ตี อึณ แฮะ แบน ปี แดม แคง บับ เฌาพรา อี ต็อห, “เฆ ดูอี แฮะ ต็อห, อัน กอย แคง พึง เฆ ดูอี อี โบง หมาบ.”#15:28 บับ ดอ โฆว มัง โมยว อาว มึห กาบัก นี. 29อึณ ยี มึห เฆ ดูอี อี ตัห กาโลห โดง ตี. เฆ บอ ยึร เฌา เยซู ดึก ดี ร็อง กาแวะ, เฆ วี ต็อห โฆรห ตู หมึอม ดี อัน. เฆ มาวัด ฆีณ เฆ, วี ต็อห, “แม แฮะ ต็อห ดี โบง แตห โฮว เฌาพรา กาปยาต ลึร. อาดา โอย ซีแง แม ปี ดี วี ซัม แตห อึณ ฮอต. 30ดอ ตี นี, เลห โลง แดง ร็อง ตี, วี คยอด แอ อาซาก แม.”
31ปาย ตี, บอ เฆ ดา ตาง อี แยต เฆ ดูอี อี หลู ดี เฌาพรา บอ เฆ ดา ซารา อี มาโนว ดารา ยูดา, เฆ วี กาณัห อัน. เฆ วี ลาย กาลาง กาแต เฆ, “อัน แฮะ คยอด อี เฮา. อัน ยี ตู แป ดี คยอด โดว บรีม อัน. 32เซ อัน มูห ดูอี ปี ร็อห ปี ตึย เฌาพรา แตห อัน คยอด ดูอี, บอ เซ อัน มูห คูนดีคัม ดูอี อีซาเรลัะ, แตห อัน โลง แดง ร็อง นี, แตห เอ ยึร ปวน อัน, แตห เอ หณึม อัน.” บอ ฆาย อา วี อี ดึก ดี ร็อง ดี โคบ อัน, ฆาย มืร ต็อห โฆรห ตู หมึอม ดี อัน.
33บอ ฌัม กาแต ซีแง, อึณ บอ อับ ว็อง แคง มืง บอ มืง อาดา โอย นารี. 34บอ ฌัม วาย ซีแง กาแต โอย นารี, เฌา เยซู ดัด ตาง. อัน ต็อห, “เอลี เอลี ลามา ซาบาทานี.” ลอง ดาง อัน ตี เลห, “แม เฌาพรา โอว, แม เฌาพรา โอว, เหมา อึณ ปาย ปี แวน แม ดี โอว?”
35อึณ ยี มึห ดูอี มัง อี, เฆ กอย กาตัด อัน. ดอ ยึร เฆ โฆรห อัน ตี, เฆ ต็อห, “เบ โทม, อัน แดะ อาเอลียัะ ตึอน.”
36ดูอี อู วี วี กาแบลบ, จึบ ดีห อึม แคง อึม ปราง, เบลห แดง อึณกรวน, โจะ แตห เฌา เยซู ปึอน ดี หณอด เดียง. อัน บอ ต็อห, “แตห อัน กอย ปาย ตี, แตห เอ ยอด, โยว อาเอลียัะ ตึอน ดี ตัห, จอย อัน โลง.”
37เฌา เยซู มืร แฮะ ฮอต ดัด ตาง, พึอม อัน บอ โตต.
38ดอ อัน ตี อึณ มูห บีก ฆ็อง อี แบน แรง, อี กอย แคง โฮว เฌาพรา, อึณ บอ กายาต ราง อัน, จูห นา แดง, โลง ฌัม อี ครึม. 39ดา โบว อี อึบ ดา ซึก อู มาย็อห ตึอน ยี กอย ดี อาต ร็อง กาแวะ เฌา เยซู. อัน ยึร ดอ ยัม เฌา เยซู, อัน วี ต็อห, “แฮะ หมาน, แฮะ มูห, ดูอี นี มูห ฆอน เฌาพรา.”
40อึณ บอ มึห อีบึณ มัง อี, เฆ แฮะ กอย นา กาโต็ง, ยอด โตต ดอน โมยว. อึณ มูห บอ นาง มารี อี ตัห มืง มากดาลา บอ นาง ซาโลวเม, บอ นาง มารี อี มูห มา อายาโกบ วี เตียะ ฆาย อาโยวเซ. 41เฆ อีบึณ ตี, เฆ แฮะ โดบ เฌา เยซู แคง อืง ฆาลีเล. เฆ แฮะ ลึมลา อัน. บอ อีบึณ กืน, เฆ อี แฮะ ตัห โดบ เฌา เยซู ดอ ฮาว อัน มืง เยรูซาแลม, เฆ แฮะ กอย ยอด ดอ ยัม อัน.
ลอง เฆ อูน โดว โบ็ง เฌา เยซู แคง กาเดา บาเรว
42ดอ ยัม เฌา เยซู มูห ซีแง อาต ซีแง ดีเหลา. อึณ มูห ซีแง แรน เฆ บลอย.#15:42 ซีแง ดีเหลา มูห ซีแง จัะเน. โคว, ซีแง ดึม ซีแง ดีเหลา มูห ซีแง ซ็อกกยา. 43ซีแง อัน ตี บา ดี อับ, ดูอี อู วี อี จืร อาโยวแซบ ฮาว โดง กอย อาพีลาด. อาโยวแซบ ตี ตัห มืง เอรีมาที. อัน มูห ดา ตาง แคง พึง เฆ ดูอี อี ซูงพยาด อามู อี. อัน แฮะ หน็อะ อาคราว ดี ตัห เฌาพรา อึบ กาดาย. ดูอี วี ตี ตู โยว มาเซ. อัน ฮาว โดง กอย อาพีลาด, หมาณ ดี ดึห โลง โดว โบ็ง เฌา เยซู แดง ร็อง. 44ดอ ยึร อาพีลาด ลอง เฌา เยซู แฮะ เจว ยัม, อัน มืร อาม. อัน วี แดะ ดา โบว อี อึบ ดา ซึก อู มาย็อห, ดีหมอด อัน, แตห อัน นับ ซีคยา ลอง เฌา เยซู แฮะ ฮอต ยัม. 45ดา โบว ตี วี ต็อห, “แฮะ หมาน, แฮะ มูห, อัน แฮะ ฮอต ยัม.” ปัน ตี อาพีลาด วี ควาง อาโยวแซบ ดึห โลง โดว โบ็ง เฌา เยซู. 46วาย อัน ตี อาโยวแซบ วี จึห บีก กาตัม ลูย, วี ดึห โดว โบ็ง เฌา เยซู เลห แดง ร็อง. อัน วี กาบัน บีก กาตัม ลูย ดี โดว โบ็ง เฌา เยซู. แฮะ ฮอต, อัน วี เบลห แคง กาเดา บาเรว. กาเดา บาเรว ตี มูห ปี ฆึห ดูอี แคง ดาอาง มาว. แฮะ ฮอต, อัน วี ดึห มาว ตาง เบลห นา อาต มาโลห กาเดา บาเรว, แตห อึณ กาบีด. 47นาง มารี อี ตัห มืง มากดาลา บอ นาง มารี อี มูห มา อาโยวเซ, ฆาย ยอด ซีคยา โดง ปี เบลห เฆ โดว โบ็ง เฌา เยซู.
Currently Selected:
มก 15: pce
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.
มก 15
15
ลอง เฌา เยซู กอย ดี อาต อาพีลาด
1ปา แคหณา ซีณวัห เจว, เฆ ดา ตาง อี แยต เฆ ดูอี อี หลู ดี เฌาพรา บอ เฆ ดา ตาง อี อึบ มืง, บอ เฆ ดา ซารา อี มาโนว ดารา ยูดา บอ เฆ ดูอี อี ซูงพยาด อามู อี, เฆ บอกาเฆลียด แฮะ ลาย โพรม. เฆ วี ปัก แด เฌา เยซู, วี ตึย อัน, อาบ อัน ดี ดา กาณา อี จืร อาพีลาด, แตห อัน ซูงพยาด.
2อาพีลาด ดีหมอด เฌา เยซู. อัน ต็อห, “แฮะ หมาน มูห แม คูนดีคัม อี อึบ เฆ ดูอี อายูดา?”
เฌา เยซู วี ต็อห, “แฮะ หมาน ปี ต็อห แม.”
3ปัน ตี เฆ ดา ตาง อี แยต เฆ ดูอี อี หลู ดี เฌาพรา, เฆ วี พยาก เฌา เยซู ต็อห, “อัน โบง หมาบ แบน โมยว แบน โมยว.” 4ปัน ตี อาพีลาด วี ดีหมอด อัน ปอ อู เฌณ ต็อห, “แม ตู มึห ดี ต็อห มาเซ? แม ยอด, เฆ พยาก แม แบน โมยว แบน โมยว.”
5เฌา เยซู ยี ตู ต็อห มาเซ. อาพีลาด มืร อาม.
6ดอ โบง เฆ บลอย ตี, อาพีลาด มึห ฮีด อู โมยว. อัน ควาง แตห เฆ ดูอี กืน ร็อห ดูอี อู วี อี กอย แคง กาปึม. แฮะ ฮอต, อัน วี เบลห ดูอี ปี ร็อห เฆ ตี. 7ดอ อัน ตี อึณ มึห ดูอี อู วี อี กอย แคง กาปึม. อัน จืร อาบาราบัะ. อัน แฮะ ดึอม กอย รึม โดบ ดูอี อี แฮะ ง็อห อาซาก อี เฮา ดอ โบง เฆ ซีนัน ซีนืง. 8เฆ ดูอี กืน วี หมาณ, แตห อาพีลาด โดบ ฮีด ตี.
9อาพีลาด วี ต็อห, “เบ ซี แตห โอว เบลห อี มูห คูนดีคัม เบ ดูอี อายูดา นี?” 10อัน ต็อห ปาย ตี, โกบ แฮะ นับ อัน, เฆ ดา ตาง อี แยต เฆ ดูอี อี หลู ดี เฌาพรา, เฆ ตู อึง เฌา เยซู. โคว, เฆ แฮะ อาบ อัน ดี อาพีลาด. 11เฆ ดา ตาง อี แยต เฆ ดูอี อี หลู ดี เฌาพรา, เฆ ยี กาซูห ดูอี กืน แตห เฆ หมาณ, แตห อาพีลาด เบลห อาบาราบัะ.
12ปัน ตี อาพีลาด วี ต็อห, “เซ อึณ ปาย ตี, มาเซ ปี ดี โลว โบง โอว ดี ดูอี วี ตี, อี มูห คูนดีคัม ดูอี อายูดา?”
13อู เฌณ เฆ วี ดัด ตาง ต็อห, “ง็อห แวน อัน แดง ร็อง กาแวะ.”
14อาพีลาด วี ต็อห, “มาเซ ปี โบง อัน นา ตู หมึอม, อี กาอาบ ยัม?” เฆ ยี ดัด ตาง หลึอม คา อาต “ง็อห ยัม อัน แดง ร็อง กาแวะ.”
15อาพีลาด มืร ซี โบง ปี อึง เฆ ดูอี กืน. โคว, อัน เบลห อาบาราบัะ. อัน วี จัร เฆ ซีเบรียะ เฌา เยซู. แฮะ ฮอต, อัน ควาง เฆ ง็อห ยัม อัน แดง ร็อง กาแวะ.
ลอง เฆ ดา ซึก กาณัห เฌา เยซู
16ปัน ตี เฆ ดา ซึก วี ดึห ฮาว เฌา เยซู แคง โฮว อาพีลาด โดง จืร เพโทวรี. เฆ วี แดะ กาฌูะ เฆ ดา ซึก บอ พึง. 17เฆ วี แตห เฌา เยซู ชึบ ครึง เรณ แฆ, อี มูห ครึง ปี ดี ตา คูนดีคัม. เฆ ดึห ยวน มาอาต, โบง มังฆึม, วี ชึบ ดี ฆีณ เฌา เยซู. 18เฆ มืร จูห ดี ณึงราง ดี รวห อัน ต็อห, “อึย แม คูนดีคัม อี อึบ ดูอี อายูดา, แตห แม ฆยามซา.” 19เฆ ดึห อึณกรวน, ฆลอก ฆีณ อัน แบน เฌณ แบน เฌณ. เฆ บอ ปัต นา อัน, ครึบเครา ดี อาต อัน, ณึงราง ดี กรึบ อัน. 20เฆ แฮะ ฮอต โบง ฌึร ตี ดอน โมยว, เฆ วี บูต ครึง เรณ แฆ ตึอน, วี แตห อัน ชึบ ครึง บรีม อัน. แฮะ ฮอต, เฆ วี ตึย อัน เลห แคง มืง, ฮาว ง็อห ยัม อัน แดง ร็อง กาแวะ.
ลอง เฌา เยซู ยัม
21ดอ อัน ตี อึณ มึห ดูอี อู วี อี ตัห แคง มืง กูเรณ, อัน จืร อาซีโมน. อัน มูห ฆูณ อาเลซันดา ฆาย อารูพู. อัน ตัห ดี มาน, ฮาว โดบ อึณเตณ ตึอน, ต็อห ดี วี ลึบ แคง มืง. เฆ จัร อัน ฆอด ร็อง กาแวะ ดาง เฌา เยซู. 22เฆ ตึย เฌา เยซู แตห อัน ฌัม โดง จืร ฆอลัะโฆทา. ลอง ดาง จืร ตี มูห, “โดง กอย กาอาง ฆีณ ดูอี ยัม.” 23เฆ แฮะ ฮอต ฌัม โดง ตี, เฆ วี แตห เฌา เยซู เดียง อึม มางูน ปี ฮับ เฆ เดา มอรา. อัน ยี ตู เดียง. 24เฆ วี ดอก ดึก อัน ดี ร็อง กาแวะ. เฆ มืร ลาย กาโดว, อาเซ ดี ปึอน ครึง อัน.
25ดอ ดึก เฆ เฌา เยซู ดี ร็อง, วี ซัม ร็อง ตี, แฮะ โนะ ดีม นารี เจว หณา. 26เฆ วี แดม อูน ลอง ปี ลูต อัน ดี แบน, ดึก แดง ฆีณ อัน. อึณ ต็อห, “อัน มูห คูนดีคัม อี อึบ ดูอี อายูดา.” 27อึณ บอ มึห ดา โฌน อา วี. เฆ แฮะ ดึก บอ ฆาย ดี ร็อง ฆาย, อู วี บลาก อาอัห, ปอ อู วี บลาก อาฆัะ เฌา เยซู, แตห บอ ฆาย ยัม รึม โดบ อัน. 28ปาย ตี อึณ แฮะ แบน ปี แดม แคง บับ เฌาพรา อี ต็อห, “เฆ ดูอี แฮะ ต็อห, อัน กอย แคง พึง เฆ ดูอี อี โบง หมาบ.”#15:28 บับ ดอ โฆว มัง โมยว อาว มึห กาบัก นี. 29อึณ ยี มึห เฆ ดูอี อี ตัห กาโลห โดง ตี. เฆ บอ ยึร เฌา เยซู ดึก ดี ร็อง กาแวะ, เฆ วี ต็อห โฆรห ตู หมึอม ดี อัน. เฆ มาวัด ฆีณ เฆ, วี ต็อห, “แม แฮะ ต็อห ดี โบง แตห โฮว เฌาพรา กาปยาต ลึร. อาดา โอย ซีแง แม ปี ดี วี ซัม แตห อึณ ฮอต. 30ดอ ตี นี, เลห โลง แดง ร็อง ตี, วี คยอด แอ อาซาก แม.”
31ปาย ตี, บอ เฆ ดา ตาง อี แยต เฆ ดูอี อี หลู ดี เฌาพรา บอ เฆ ดา ซารา อี มาโนว ดารา ยูดา, เฆ วี กาณัห อัน. เฆ วี ลาย กาลาง กาแต เฆ, “อัน แฮะ คยอด อี เฮา. อัน ยี ตู แป ดี คยอด โดว บรีม อัน. 32เซ อัน มูห ดูอี ปี ร็อห ปี ตึย เฌาพรา แตห อัน คยอด ดูอี, บอ เซ อัน มูห คูนดีคัม ดูอี อีซาเรลัะ, แตห อัน โลง แดง ร็อง นี, แตห เอ ยึร ปวน อัน, แตห เอ หณึม อัน.” บอ ฆาย อา วี อี ดึก ดี ร็อง ดี โคบ อัน, ฆาย มืร ต็อห โฆรห ตู หมึอม ดี อัน.
33บอ ฌัม กาแต ซีแง, อึณ บอ อับ ว็อง แคง มืง บอ มืง อาดา โอย นารี. 34บอ ฌัม วาย ซีแง กาแต โอย นารี, เฌา เยซู ดัด ตาง. อัน ต็อห, “เอลี เอลี ลามา ซาบาทานี.” ลอง ดาง อัน ตี เลห, “แม เฌาพรา โอว, แม เฌาพรา โอว, เหมา อึณ ปาย ปี แวน แม ดี โอว?”
35อึณ ยี มึห ดูอี มัง อี, เฆ กอย กาตัด อัน. ดอ ยึร เฆ โฆรห อัน ตี, เฆ ต็อห, “เบ โทม, อัน แดะ อาเอลียัะ ตึอน.”
36ดูอี อู วี วี กาแบลบ, จึบ ดีห อึม แคง อึม ปราง, เบลห แดง อึณกรวน, โจะ แตห เฌา เยซู ปึอน ดี หณอด เดียง. อัน บอ ต็อห, “แตห อัน กอย ปาย ตี, แตห เอ ยอด, โยว อาเอลียัะ ตึอน ดี ตัห, จอย อัน โลง.”
37เฌา เยซู มืร แฮะ ฮอต ดัด ตาง, พึอม อัน บอ โตต.
38ดอ อัน ตี อึณ มูห บีก ฆ็อง อี แบน แรง, อี กอย แคง โฮว เฌาพรา, อึณ บอ กายาต ราง อัน, จูห นา แดง, โลง ฌัม อี ครึม. 39ดา โบว อี อึบ ดา ซึก อู มาย็อห ตึอน ยี กอย ดี อาต ร็อง กาแวะ เฌา เยซู. อัน ยึร ดอ ยัม เฌา เยซู, อัน วี ต็อห, “แฮะ หมาน, แฮะ มูห, ดูอี นี มูห ฆอน เฌาพรา.”
40อึณ บอ มึห อีบึณ มัง อี, เฆ แฮะ กอย นา กาโต็ง, ยอด โตต ดอน โมยว. อึณ มูห บอ นาง มารี อี ตัห มืง มากดาลา บอ นาง ซาโลวเม, บอ นาง มารี อี มูห มา อายาโกบ วี เตียะ ฆาย อาโยวเซ. 41เฆ อีบึณ ตี, เฆ แฮะ โดบ เฌา เยซู แคง อืง ฆาลีเล. เฆ แฮะ ลึมลา อัน. บอ อีบึณ กืน, เฆ อี แฮะ ตัห โดบ เฌา เยซู ดอ ฮาว อัน มืง เยรูซาแลม, เฆ แฮะ กอย ยอด ดอ ยัม อัน.
ลอง เฆ อูน โดว โบ็ง เฌา เยซู แคง กาเดา บาเรว
42ดอ ยัม เฌา เยซู มูห ซีแง อาต ซีแง ดีเหลา. อึณ มูห ซีแง แรน เฆ บลอย.#15:42 ซีแง ดีเหลา มูห ซีแง จัะเน. โคว, ซีแง ดึม ซีแง ดีเหลา มูห ซีแง ซ็อกกยา. 43ซีแง อัน ตี บา ดี อับ, ดูอี อู วี อี จืร อาโยวแซบ ฮาว โดง กอย อาพีลาด. อาโยวแซบ ตี ตัห มืง เอรีมาที. อัน มูห ดา ตาง แคง พึง เฆ ดูอี อี ซูงพยาด อามู อี. อัน แฮะ หน็อะ อาคราว ดี ตัห เฌาพรา อึบ กาดาย. ดูอี วี ตี ตู โยว มาเซ. อัน ฮาว โดง กอย อาพีลาด, หมาณ ดี ดึห โลง โดว โบ็ง เฌา เยซู แดง ร็อง. 44ดอ ยึร อาพีลาด ลอง เฌา เยซู แฮะ เจว ยัม, อัน มืร อาม. อัน วี แดะ ดา โบว อี อึบ ดา ซึก อู มาย็อห, ดีหมอด อัน, แตห อัน นับ ซีคยา ลอง เฌา เยซู แฮะ ฮอต ยัม. 45ดา โบว ตี วี ต็อห, “แฮะ หมาน, แฮะ มูห, อัน แฮะ ฮอต ยัม.” ปัน ตี อาพีลาด วี ควาง อาโยวแซบ ดึห โลง โดว โบ็ง เฌา เยซู. 46วาย อัน ตี อาโยวแซบ วี จึห บีก กาตัม ลูย, วี ดึห โดว โบ็ง เฌา เยซู เลห แดง ร็อง. อัน วี กาบัน บีก กาตัม ลูย ดี โดว โบ็ง เฌา เยซู. แฮะ ฮอต, อัน วี เบลห แคง กาเดา บาเรว. กาเดา บาเรว ตี มูห ปี ฆึห ดูอี แคง ดาอาง มาว. แฮะ ฮอต, อัน วี ดึห มาว ตาง เบลห นา อาต มาโลห กาเดา บาเรว, แตห อึณ กาบีด. 47นาง มารี อี ตัห มืง มากดาลา บอ นาง มารี อี มูห มา อาโยวเซ, ฆาย ยอด ซีคยา โดง ปี เบลห เฆ โดว โบ็ง เฌา เยซู.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translator, Inc. All rights reserved.