JOHON 15
15
Jisu si Khanang Rihanthu Arong
1“Hanesi khanang rihanthu arongpe, ne Apa ke rihanthu khiti katikipo. Nepen potsi arolong athe wangwe, anang lamehel terek detman; 2aro jipe aroten athe wangman, mehel aro ongchot athe kipawang aphan, pangthir piman. 3Ne naliyok kithan alamthe agiyan pensi nali minon chipangthir tangdo. 4Nali ne long donot, neta nalipen doye. Rihanthu arongpe pen chirhapsi dode tene, arohel jibadi abithang athe wang un-eh, ladisi nepen dode lengke, nalita un-eh. 5Hanesi rihanthu arongpe, nalike arohel. Inghosi nepen do, aro neta inghopen do, anangsi athe ako-ong wangman, piyok pu tene ne aparke nali jatsi tiki un-eh. 6Ihut arleng nepen mengme, anangyok arohel badi mokol yok tidetne aro anang krengman; labang hel pangrum detsi, me long thek detman, aro pasek det man. 7Nali nepen meng, aro nelamthe helta nalipen menge, nali potsi ahisasi chihang aro labang nali tikipi ye. 8Nali athe ongchot kiwangyok ne Apa jortang nalipido, aro ladisi nali hane adun chiplangsi onge. 9Apa jibadi neyok nengdok ngo, neta naliyok ladisi nengdokngo; nenengdok alongne mengot. 10Nali ne kipi angton hel mainotpon, pu tene ne jibadi Apa kipi angtonhel mainotsi anang pen nengdok kido badi, nalita ladine nenengdok pen mainot. 11Ne nengrong nali long kapadoyok, aro nali long nengrong pachok yok, lamehel alam nali thano. 12Labangke ne kipi angtonpo, lake ne jibadi naliyok nengdok ngo, labadi nalita ihut para ihut nengdok chipado. 13Khoihel aphan, abithang ajiu kipi aparke, thechot nengdok wepen. 14Naliyok ne potsi angton pido, lamehel mainotdo, tene nali ne khoipo. 15Minon parake ne naliyok aturu puke pupelo; piyok pu tene ahemphupo potsi tiki man, aturu ke bangpo than un-eh, manta ne naliyok khoipo nali pulo, piyok pu tene ne Apa para potsi arjulo, labang ahuwit nalithan detno. 16Nalisi neyok arwalo ladi kalek, nesi nali arwalo. Aro ne nali damne athe ako-ong pawang, aro nali athe wang ongot, labang athe riye, lasi ne menpen Apa ango jipe chihange, bangpo naliyok piman, la anat naliyok nali pachakngo. 17Nali ihut para ihutyok nengdok chipado yok ne naliyok lamehel angton nali pido.
Kikrol Abangyok Kilang Un-eh Alam
18“Pirthepe nali simman, tene nali thek nange, chilangwen labang naliyok ango neyoksi simo. 19Nali pirthepe para kiwang, tene pirthepe abithangsi naliyok akime nali hlongo hoi. Piyok pu tene ne naliyok pirthepe para nali arwalo lasine pirthepe nali simdo. 20‘Murkiya ihut ahemphupo yok ke akithechot kalek’ pusi ne naliyok ango si kithan alamthe chipurkinot. Anali neyok aduk-tap pilo, tene nali yokta aduk-tap pi ye; anali ne lamthe mainot do, pu tene nali lamtheyok ta mainotye. 21Manta inghosi neyok wang tolo, anangyok anali kachinine apot, nemen anat naliyok labang ahuwit tiki ye. 22Ne wangsi analiyok lam thanthe tene, anali pap welo hoi; manta minonke lahel abithang pap alam pasumseng ayok anali awak ingjong. 23Inghosi neyok simdo, anangke ne Apa yokta simdo. 24Kaita katikike asal, ne anali sitem ladi asal tikike tene, anali pap chiplangple lo hoi; manta minonke neyok aro ne Apa yok lahel thekngo, aro simo. 25Manta, ‘Anali aron wephosi neyok simo,’ labang alamthe anali lo-kangthir kanong long wido, bangposi kichokyok, ladi chiplango. 26Konam labang wang-kirap ajiuli wange, lake Apa angho para kiwang khanang jiuli Apa adung para ne naliyok wangtole, anang nelamthe hel hakhi piye. 27Nali kicheng para ne pen kido apotsi, nalita hakhi pido.”
Currently Selected:
JOHON 15: AMRI-BSI
Highlight
Share
Copy
Want to have your highlights saved across all your devices? Sign up or sign in
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.
JOHON 15
15
Jisu si Khanang Rihanthu Arong
1“Hanesi khanang rihanthu arongpe, ne Apa ke rihanthu khiti katikipo. Nepen potsi arolong athe wangwe, anang lamehel terek detman; 2aro jipe aroten athe wangman, mehel aro ongchot athe kipawang aphan, pangthir piman. 3Ne naliyok kithan alamthe agiyan pensi nali minon chipangthir tangdo. 4Nali ne long donot, neta nalipen doye. Rihanthu arongpe pen chirhapsi dode tene, arohel jibadi abithang athe wang un-eh, ladisi nepen dode lengke, nalita un-eh. 5Hanesi rihanthu arongpe, nalike arohel. Inghosi nepen do, aro neta inghopen do, anangsi athe ako-ong wangman, piyok pu tene ne aparke nali jatsi tiki un-eh. 6Ihut arleng nepen mengme, anangyok arohel badi mokol yok tidetne aro anang krengman; labang hel pangrum detsi, me long thek detman, aro pasek det man. 7Nali nepen meng, aro nelamthe helta nalipen menge, nali potsi ahisasi chihang aro labang nali tikipi ye. 8Nali athe ongchot kiwangyok ne Apa jortang nalipido, aro ladisi nali hane adun chiplangsi onge. 9Apa jibadi neyok nengdok ngo, neta naliyok ladisi nengdokngo; nenengdok alongne mengot. 10Nali ne kipi angton hel mainotpon, pu tene ne jibadi Apa kipi angtonhel mainotsi anang pen nengdok kido badi, nalita ladine nenengdok pen mainot. 11Ne nengrong nali long kapadoyok, aro nali long nengrong pachok yok, lamehel alam nali thano. 12Labangke ne kipi angtonpo, lake ne jibadi naliyok nengdok ngo, labadi nalita ihut para ihut nengdok chipado. 13Khoihel aphan, abithang ajiu kipi aparke, thechot nengdok wepen. 14Naliyok ne potsi angton pido, lamehel mainotdo, tene nali ne khoipo. 15Minon parake ne naliyok aturu puke pupelo; piyok pu tene ahemphupo potsi tiki man, aturu ke bangpo than un-eh, manta ne naliyok khoipo nali pulo, piyok pu tene ne Apa para potsi arjulo, labang ahuwit nalithan detno. 16Nalisi neyok arwalo ladi kalek, nesi nali arwalo. Aro ne nali damne athe ako-ong pawang, aro nali athe wang ongot, labang athe riye, lasi ne menpen Apa ango jipe chihange, bangpo naliyok piman, la anat naliyok nali pachakngo. 17Nali ihut para ihutyok nengdok chipado yok ne naliyok lamehel angton nali pido.
Kikrol Abangyok Kilang Un-eh Alam
18“Pirthepe nali simman, tene nali thek nange, chilangwen labang naliyok ango neyoksi simo. 19Nali pirthepe para kiwang, tene pirthepe abithangsi naliyok akime nali hlongo hoi. Piyok pu tene ne naliyok pirthepe para nali arwalo lasine pirthepe nali simdo. 20‘Murkiya ihut ahemphupo yok ke akithechot kalek’ pusi ne naliyok ango si kithan alamthe chipurkinot. Anali neyok aduk-tap pilo, tene nali yokta aduk-tap pi ye; anali ne lamthe mainot do, pu tene nali lamtheyok ta mainotye. 21Manta inghosi neyok wang tolo, anangyok anali kachinine apot, nemen anat naliyok labang ahuwit tiki ye. 22Ne wangsi analiyok lam thanthe tene, anali pap welo hoi; manta minonke lahel abithang pap alam pasumseng ayok anali awak ingjong. 23Inghosi neyok simdo, anangke ne Apa yokta simdo. 24Kaita katikike asal, ne anali sitem ladi asal tikike tene, anali pap chiplangple lo hoi; manta minonke neyok aro ne Apa yok lahel thekngo, aro simo. 25Manta, ‘Anali aron wephosi neyok simo,’ labang alamthe anali lo-kangthir kanong long wido, bangposi kichokyok, ladi chiplango. 26Konam labang wang-kirap ajiuli wange, lake Apa angho para kiwang khanang jiuli Apa adung para ne naliyok wangtole, anang nelamthe hel hakhi piye. 27Nali kicheng para ne pen kido apotsi, nalita hakhi pido.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.