JOHON 4
4
Jisu pen Samaritan arloso
1Minonke Jisu alam lake “Jisu si Johon poyok ongchot adun otesi baptist otedo,” pusi Pharisi hel arju hlongo, 2layongta Jisu abithangke baptist otete yong, manta anang adun helsi baptist ote lo, 3anang Judiya tikango aro Galiliyok dam phakngo. 4Manta anang Samariya arong aga lut hletsi damo. 5Lasi anang Jakup po anang so Jusep poyok jibak alungle idang kipi, labang adung Samariya arong Sesar kipu arongso yok damo. 6Lalongsi Jakup po lang-tuk kido, aro lalong kidam amun Jisu lak ongsi, langtuk adung iningsi kido. La apor anelo sitem kido. 7La amun ihut Samaritan arloso lang kisok ayok wango aro Jisu anangyok pulo, “Ne yok kijun alang nepinot.” 8(Anang adun hel rongpe yok kicho kijun apot kachinam dam.) 9La-amun Samaritan arloso pe pulo, “Nang ihut Jihudi arleng, neyok Samaritan arloso arideng pot badi kijun alang nehang do?” (Jihudi arleng hel pen Samaritan hel chipi chipahle un-eh kido.) 10Jisu anangyok pulo, “Nang Arnam abor-eh pot badi piman kachithan un tene, aro nang ngo ingho ihut lam nang thando, ‘Neyok kijun alang nepinot,’ pusi nang kipu arlengpo inghosine, labang kachini tene, nang anangyok hango hoi, aro anang nangyok jiuli alang nang pilo hoi.” 11Arloso pe anang yok pulo, “Hemphu, nangyok lang kisok nange apot jat ingjong, aro langtuk ta karnuk. Daklong para nang jiuli alang hlonge?” 12Inghosi iliyok labang langtuk pilo, aro anang bithang aso hel, chorong, bik helyok labang alang kapajun, mehel hali sarphi-sarphu apa Jakup poyok nang thechot ma? 13Jisu anang yok thano, “Abangten ingho labang alang kijun abangke lang-ik phaknge, 14manta ingho ne jipe alang piye, bangpo inghosi jun, anang ke jatsi lang ik-eh ye. Ne kipi alang anangyok piye, labang alang anang nenglong or-eh len ajiuli boilensi kido arlok alang chiplange.” 15Arloso pe anangyok pulo, “Hemphu, ne lang-ik hlonghle yok, aro holek lang wangsok hlonghle yok, labang alang nepinot.” 16Jisu anangyok pulo, “Damot, nang pihan poyok holek taramne wanot.” 17Arloso pe anangyok pulo, ‘Ne ke nepihan ingjong.’ Jisu anangyok pulo, ‘Ne pihan ingjong’ pusi nang nethano melo;’ 18piyok pu tene nang pihan bang phongo choktango, aro minon kidopo, nang pihan kalek. Nang khanangsi pulo!” 19Arloso pe anangyok pulo, “Hemphu, nang thek do, nang ihut turkipo. 20Hali sar-lar helke inglong kartulpe long chirdomo, manta arleng hel pudo, daklong arleng hel chirdom nange, labang athem Jerusalem rongpe longsi do.” 21Jisu anangyok pulo, “Ei arlosope, neyok nekrol, konam adin nali labang inglong kartulpe athak, lale Jerusalem arongpe long Apa yok chirdom hlonghle ye, labang adin wangsi do. 22Nali jipe thekthe, anangyoksi nali chirdomdo; halike potsi thekdo, anangyoksi chirdomdo; piyok pu tene Jihudi hel parasi kijok hlongman. 23Manta aporpo wangdo, aro minon jongta chokdo; khanang kikrol abang jiuli aro khanangpo pen Apa ayok chirdome, piyok pu tene Apa labadi binong kachirdom abangyok bisardo. 24Arnam ke jiuli, aro ingho anangyok chirdom jiuli aro khanang pensi chirdom nange.” 25Arloso pe anangyok pulo, ‘Khristo ke wangsi do bangpo ne than undo” (Khristo yok Messiah ta puman) “Anang konam wang, haliyok ahuwit alam paklang detne.” 26Jisu anang yok pulo, “Nang pen lam kithan jongpo, hane si anango.” 27Ladi apor anang adun hel wang hlengo. Anang ihut arloso pen lam kachithan theksi, anali asombhik hlongo, lajong ta “Nang pot te kanange do?” Lale “Nang anang pen piyok lam chithando?” pu ke ihut ta pupe yongo. 28Laparake arloso pe langthepo tikango, aro rongpe yok dam phakngo. Anang arleng helyok pulo, 29“Wangot, aro ne pot badi tiki hlongo, labang ahuwit alam kithan un, ladi ihut arleng poyok wang langot! Labang Khristo lalo ma?” 30Anali rongpe para olesi wango aro anali Jisu adungyok wango. 31La-aporsi adun hel anangyok chingduksi thano, “Rabbi, pene bak wangchonot.” 32Manta anang analiyok pulo, “Nali kachithan un-eh, ne labadi kicho nange a-an do.” 33Lasi adun hel ihut para ihut chithano, “Anang phan inghone bak kicho apot wan pilo ma?” 34Jisu analiyok pulo, “Neyok wang kitolpo angthin ateng kimainot, aro anang asal kapachok posi ne an. 35‘Chiklo jon phili lo tene, sok kirot kirim apor wangman’, labadi alam nali pupe ma? Manta ne nali thando, nali mek charne sok-abithar hel langot, aro pot badi bitharhel kirot ayok men-phlansi do. 36Sok kirot abang aro or-eh len ajiu kapangrum abang adat pahlongyok trepsi do, la-apot kirip abang aro sok kirot abang la bang-hini inansi nengrong chipadoman. 37Piyok pu tene, ‘Ihutpo ke rip man, aro ihutpo ke rotman’, ladi alam holek khanangsi chingdendo. 38Nali daklong tikike yong, lalong ne kirotyok nalitol do. Bang helke tikilo, aro nalike anali katiki alongsi nali tiki dundo.” 39La aphel, “Ne pot tiki hlongo, labang anang ahuwit alam anang nethan detno” pune arloso pe hakhi kipi para labang rongpe para ako-ong Samaritan arleng Jisu yok krolo. 40Lasi Samaritan arleng hel anang dungyok kiwang amun, anali pen kapado pen yok kithan; aro Jisu lalong ni-niyok dolo. 41Anang kipu alamthe arjusi ako-ong arleng krol lo. 42Anali arloso peyok pulo, “Minon nang lam parasi hali kroldo, pu ke kalek, piyok pu tene hali bithang arju hlongo, aro hali than uno, anang khanangsi pirthepe Ral Hemphu.”
Jisu Galiliyok Kidamphak
43Konam ni-ni adin dam tango, Jisu lalong para Galiliyok damo, 44(piyok pu tene, abithang alongri long ihut turki ke aman hlonghle pusi Jisu abithang hakhi kipi nange dolo). 45Konam anang Galili along wang hlengo, Galili arleng hel anangyok chidengo, piyok pu tene Jerusalem long Kijoktang-kamai arni anang ajat-jat katiki, la kido kangwe anali kithek; piyok pu tene lahel ta kamai along kidam.
Jisu Gobormen Salchak Aso poyok Kapame
46Laparake Galili long kido Kana rongpe long wango, daksi anang langyok athe alang ka-ote, lalong anang wang phakngo. Minonke ihut gobormen salchakpo anang sopo Kaparnaum rongpe long kisosi kido. 47Konam anang Jisu yok Jihudia para Galili yok kiwang a-odi arjusi, anang damo aro Jisu wangsi anangso poyok kipame aphan chingduk damo. Piyok pu tene asoso thirang-rangsi kido. 48Laparake Jisu anangyok pulo, “Asombhik aro asin angtar thekthe lengke, nali jatsi nekrolkre.” 49Gobormen salchakpo Jisu yok pulo, “Hemphu, ne sopo kithi ango nang nepen wangot.” 50Jisu anangyok pulo, “Damot da; nang sopo hrenge.” Jisu pot alam anangyok pulo, arlengpo labang alam krolsi damo. 51Ladi anang kidam jong amunsi, anang murkiya hel anangyok pochakngo, aro asopo hrengo pusi arjulo. 52Anang lahel yok arjulo, “Anang konam apor melo?” Aro anali thano, “Atimi baji isi apun ase hamo.” 53Lajongsi, Jisu kithan, “Nang sopo hrenge” labang alamthe apo po chithan unsi, anang bithang pen ahuwit anang hem bang krol detno. 54Jisu Judiya para Galili yok kiwang aphel labang phong-ni asombhik asal tikisi paklango.
Currently Selected:
JOHON 4: AMRI-BSI
Highlight
Share
Copy
Want to have your highlights saved across all your devices? Sign up or sign in
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.
JOHON 4
4
Jisu pen Samaritan arloso
1Minonke Jisu alam lake “Jisu si Johon poyok ongchot adun otesi baptist otedo,” pusi Pharisi hel arju hlongo, 2layongta Jisu abithangke baptist otete yong, manta anang adun helsi baptist ote lo, 3anang Judiya tikango aro Galiliyok dam phakngo. 4Manta anang Samariya arong aga lut hletsi damo. 5Lasi anang Jakup po anang so Jusep poyok jibak alungle idang kipi, labang adung Samariya arong Sesar kipu arongso yok damo. 6Lalongsi Jakup po lang-tuk kido, aro lalong kidam amun Jisu lak ongsi, langtuk adung iningsi kido. La apor anelo sitem kido. 7La amun ihut Samaritan arloso lang kisok ayok wango aro Jisu anangyok pulo, “Ne yok kijun alang nepinot.” 8(Anang adun hel rongpe yok kicho kijun apot kachinam dam.) 9La-amun Samaritan arloso pe pulo, “Nang ihut Jihudi arleng, neyok Samaritan arloso arideng pot badi kijun alang nehang do?” (Jihudi arleng hel pen Samaritan hel chipi chipahle un-eh kido.) 10Jisu anangyok pulo, “Nang Arnam abor-eh pot badi piman kachithan un tene, aro nang ngo ingho ihut lam nang thando, ‘Neyok kijun alang nepinot,’ pusi nang kipu arlengpo inghosine, labang kachini tene, nang anangyok hango hoi, aro anang nangyok jiuli alang nang pilo hoi.” 11Arloso pe anang yok pulo, “Hemphu, nangyok lang kisok nange apot jat ingjong, aro langtuk ta karnuk. Daklong para nang jiuli alang hlonge?” 12Inghosi iliyok labang langtuk pilo, aro anang bithang aso hel, chorong, bik helyok labang alang kapajun, mehel hali sarphi-sarphu apa Jakup poyok nang thechot ma? 13Jisu anang yok thano, “Abangten ingho labang alang kijun abangke lang-ik phaknge, 14manta ingho ne jipe alang piye, bangpo inghosi jun, anang ke jatsi lang ik-eh ye. Ne kipi alang anangyok piye, labang alang anang nenglong or-eh len ajiuli boilensi kido arlok alang chiplange.” 15Arloso pe anangyok pulo, “Hemphu, ne lang-ik hlonghle yok, aro holek lang wangsok hlonghle yok, labang alang nepinot.” 16Jisu anangyok pulo, “Damot, nang pihan poyok holek taramne wanot.” 17Arloso pe anangyok pulo, ‘Ne ke nepihan ingjong.’ Jisu anangyok pulo, ‘Ne pihan ingjong’ pusi nang nethano melo;’ 18piyok pu tene nang pihan bang phongo choktango, aro minon kidopo, nang pihan kalek. Nang khanangsi pulo!” 19Arloso pe anangyok pulo, “Hemphu, nang thek do, nang ihut turkipo. 20Hali sar-lar helke inglong kartulpe long chirdomo, manta arleng hel pudo, daklong arleng hel chirdom nange, labang athem Jerusalem rongpe longsi do.” 21Jisu anangyok pulo, “Ei arlosope, neyok nekrol, konam adin nali labang inglong kartulpe athak, lale Jerusalem arongpe long Apa yok chirdom hlonghle ye, labang adin wangsi do. 22Nali jipe thekthe, anangyoksi nali chirdomdo; halike potsi thekdo, anangyoksi chirdomdo; piyok pu tene Jihudi hel parasi kijok hlongman. 23Manta aporpo wangdo, aro minon jongta chokdo; khanang kikrol abang jiuli aro khanangpo pen Apa ayok chirdome, piyok pu tene Apa labadi binong kachirdom abangyok bisardo. 24Arnam ke jiuli, aro ingho anangyok chirdom jiuli aro khanang pensi chirdom nange.” 25Arloso pe anangyok pulo, ‘Khristo ke wangsi do bangpo ne than undo” (Khristo yok Messiah ta puman) “Anang konam wang, haliyok ahuwit alam paklang detne.” 26Jisu anang yok pulo, “Nang pen lam kithan jongpo, hane si anango.” 27Ladi apor anang adun hel wang hlengo. Anang ihut arloso pen lam kachithan theksi, anali asombhik hlongo, lajong ta “Nang pot te kanange do?” Lale “Nang anang pen piyok lam chithando?” pu ke ihut ta pupe yongo. 28Laparake arloso pe langthepo tikango, aro rongpe yok dam phakngo. Anang arleng helyok pulo, 29“Wangot, aro ne pot badi tiki hlongo, labang ahuwit alam kithan un, ladi ihut arleng poyok wang langot! Labang Khristo lalo ma?” 30Anali rongpe para olesi wango aro anali Jisu adungyok wango. 31La-aporsi adun hel anangyok chingduksi thano, “Rabbi, pene bak wangchonot.” 32Manta anang analiyok pulo, “Nali kachithan un-eh, ne labadi kicho nange a-an do.” 33Lasi adun hel ihut para ihut chithano, “Anang phan inghone bak kicho apot wan pilo ma?” 34Jisu analiyok pulo, “Neyok wang kitolpo angthin ateng kimainot, aro anang asal kapachok posi ne an. 35‘Chiklo jon phili lo tene, sok kirot kirim apor wangman’, labadi alam nali pupe ma? Manta ne nali thando, nali mek charne sok-abithar hel langot, aro pot badi bitharhel kirot ayok men-phlansi do. 36Sok kirot abang aro or-eh len ajiu kapangrum abang adat pahlongyok trepsi do, la-apot kirip abang aro sok kirot abang la bang-hini inansi nengrong chipadoman. 37Piyok pu tene, ‘Ihutpo ke rip man, aro ihutpo ke rotman’, ladi alam holek khanangsi chingdendo. 38Nali daklong tikike yong, lalong ne kirotyok nalitol do. Bang helke tikilo, aro nalike anali katiki alongsi nali tiki dundo.” 39La aphel, “Ne pot tiki hlongo, labang anang ahuwit alam anang nethan detno” pune arloso pe hakhi kipi para labang rongpe para ako-ong Samaritan arleng Jisu yok krolo. 40Lasi Samaritan arleng hel anang dungyok kiwang amun, anali pen kapado pen yok kithan; aro Jisu lalong ni-niyok dolo. 41Anang kipu alamthe arjusi ako-ong arleng krol lo. 42Anali arloso peyok pulo, “Minon nang lam parasi hali kroldo, pu ke kalek, piyok pu tene hali bithang arju hlongo, aro hali than uno, anang khanangsi pirthepe Ral Hemphu.”
Jisu Galiliyok Kidamphak
43Konam ni-ni adin dam tango, Jisu lalong para Galiliyok damo, 44(piyok pu tene, abithang alongri long ihut turki ke aman hlonghle pusi Jisu abithang hakhi kipi nange dolo). 45Konam anang Galili along wang hlengo, Galili arleng hel anangyok chidengo, piyok pu tene Jerusalem long Kijoktang-kamai arni anang ajat-jat katiki, la kido kangwe anali kithek; piyok pu tene lahel ta kamai along kidam.
Jisu Gobormen Salchak Aso poyok Kapame
46Laparake Galili long kido Kana rongpe long wango, daksi anang langyok athe alang ka-ote, lalong anang wang phakngo. Minonke ihut gobormen salchakpo anang sopo Kaparnaum rongpe long kisosi kido. 47Konam anang Jisu yok Jihudia para Galili yok kiwang a-odi arjusi, anang damo aro Jisu wangsi anangso poyok kipame aphan chingduk damo. Piyok pu tene asoso thirang-rangsi kido. 48Laparake Jisu anangyok pulo, “Asombhik aro asin angtar thekthe lengke, nali jatsi nekrolkre.” 49Gobormen salchakpo Jisu yok pulo, “Hemphu, ne sopo kithi ango nang nepen wangot.” 50Jisu anangyok pulo, “Damot da; nang sopo hrenge.” Jisu pot alam anangyok pulo, arlengpo labang alam krolsi damo. 51Ladi anang kidam jong amunsi, anang murkiya hel anangyok pochakngo, aro asopo hrengo pusi arjulo. 52Anang lahel yok arjulo, “Anang konam apor melo?” Aro anali thano, “Atimi baji isi apun ase hamo.” 53Lajongsi, Jisu kithan, “Nang sopo hrenge” labang alamthe apo po chithan unsi, anang bithang pen ahuwit anang hem bang krol detno. 54Jisu Judiya para Galili yok kiwang aphel labang phong-ni asombhik asal tikisi paklango.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.