MOTHI 22
22
Jorme Pachihap Chojun Athenghlan Alam
(Luk. 14:15-24)
1Jisu iphong arleng helyok athenghlan thansi, pulo, 2“Ethakpe-alongri poke ihut recho asopo aphan jorme chojun kahonjok pen pachingbar do. 3Anang jorme chojun long kapawang aphan anang murkiya helyok pataram damyok tolo manta anali kiwang yok aneng dode yongot. 4Phiyo anang prek murkiya helyok tol phaksi pulo, “Kataram abang yok parjupon, langot, ne anithu an-asan kicho honjok ngo, ne chorong aro kangtub klung adomorapo thatno, aro kido kangwe honjok weno; jorme chojunyok wangot.” 5Manta anali arjuyongta kaseletsi dam phlungo, ihut ke abithang bitharyok damo, aro ihutke abithang kijor kihrep longyok damo. 6Konam angkhan amurkiya helyok nepsi, analiyok arbulo aro mari krengo. 7Recho po aneng kang ongo. Anang sonturi hel yok tolo, arleng kamari abang yok pamarilo, aro anali rongpe ta me-pakel detno. 8Laparake anang murkiya hel yok pulo, “Jorme ke honjok weno, manta kataram abang kiwang michangche ngo. 9Lasi damot, duwarpe along, aro abangten kapochak arleng majit ke jorme chojun yok taram.” 10Labang murkiyahel duwarpe along oledamsi aro anali inghoyok kapochak, abangyok kime lale kangho abangyok pangrumo; lasi jorme purli ahem don detsi plengthip mo. 11“Manta konam rechopo wangsi don helyok lango, anang lalong ihut arlengyok jorme ape-rik kachi-ik thek hlonghle yongo, 12aro anang bangpo yok pulo, “Ei khoi, nang jorme ape chi-ik esi pot badi holek wang lut duno? Aro arlengpo lam ingje thekthe dungo. 13Laparake rechopo murkiya hel ayok pulo, “Anangyok ari aro akeng ingnak ngot, aro mokol kangting along tidamot, lalong anang surusi doye aro aso chingkresi doye. 14Piyok pu tene kataram arlengke ako-ong, manta karwal arlengke beksodet.”
Khajana Kipi Alam Karju
(Mrk. 12:13-17; Luk. 20:20-26)
15Laparake Pharisi hel damo, aro anang kiputang alampen ado kapangjang yok lam chihrep mo. 16Lasi Pharisi adun hel pen Herodias pe arleng pachiloksi Jisu adungyok tolsi, pathano, “Paklangpo, nang neng kangthirpo, aro khanang pensi Arnam aduwar paklangdo, aro kaiyok ta pherere; piyok pu tene nangke arlengyok ibak detke langle. 17Tene hali thantha, nangke pot chirondo. Roman recho Sijar poyok khajana pi-un ma pi-un eh? 18Manta Jisu anali kangho angthin than unsi pulo, “Ei nengsik abang, piyokte neyok ahonjat lang do?” 19Khajana kipi atanga athengpo nepaklang! Anali tanga athengpo anangyok wan pilo. 20Lapara ke anang analiyok pulo, “Labang ke ingho arjan aro amen te?” 21Anali pulo, “Roman rechopo.” Laparake Jisu analiyok pulo, “Lasi Sijar po kihlong nange abhakpo ke Sijar po yok pinot, aro Arnam kihlong nange abhak ke Arnam yok pinot.” 22Konam anali labang arju hlongo, lahel asombhik hlong detno; aro anali anangyok tikango aro dam phlungo.
Kithi Para Kibur Alam Karju
(Mrk. 12:18-27; Luk. 20:27-40)
23La-arni jongsi, inghosi kithi kiburphak ingjong pusi kipuman Saduki hel Jisu adungyok wangsi, anali anangyok isi alam arjusi pulo, 24“Paklangpo, arleng ihut aso chibubesi thilo, tene amusopo himepe yok chi-ensi, anangka po aphan aso paplange, Mosi po labadi kanong pilo. 25Minon, halidak korte bang thorok isi kido. Aklengpo piso ki-en aro aso chibubesi thilo, anang apiso peyok ke amuso po aphan tikangsi damo. 26Laben thotsi amu po pen asitem poyok aro bang thorok-isi yokta chiplango. 27Aphel yok ke arloso pe ta thilo. 28Tene kithi kibur arni, anang labang bang thorok-isi adak ingho apiso chiplange? Piyok pu tene abangten ta anang penke chi-eno.” 29Jisu analiyok pulo, “Nali kipu wangwe yong, piyok pu tene nalike lo-kangthir alam lale Arnam apharan thekthe yong. 30Kibur phak arni analike jorme-kachihap weye, lale jorme-pachohap pipe ye, manta ethakpe long kido Arnam tharlonhel badisi doye. 31Aro kithi abang kibur phaknge aphan Arnam para naliyok pot kithan, 32“Ne lo Abraham po Arnam, Aijak po Arnam, Jakup po Arnam” labang nali chiporhe hlonghle yongma? Anang ke kithi abang Arnam kalek, manta kihreng abang Arnam.” 33Aro konam ratmar labangpo arjulo, anali anang kapaklang pomar asombhik hlong detno.
Akithechot Alam
(Mrk. 12:28-34; Luk. 10:25-28)
34Jisu konam Saduki hel yok padoklip mo pusi Pharisi hel arju hlongo, anali wang chingrum pungo, 35aro anali dak ihut, kanong kithekpo, Jisu yok honjat langsi ithe alam arjulo, 36“Paklangpo, kanong alongke kithechot alam poke dak bangpo te?” 37Jisu anangyok thano, “Nang ahuwit nang thin, ahuwit ajiu, aro ahuwit anengpen nang Hemphu nang Arnamyok nengdok ngot; 38Labang si kithechot aro kicheng kanong. 39Aro labadisi the-ni long ke ladilo, nang adung arel abangyok nang bithangyok badi nengdok ngot. 40La hini kanong longsi kido-kangwe kanong aro turki hel alam chiphosi do.”
Dabhit Aso po Alam Karju
(Mrk. 12:35-37; Luk. 20:41-44)
41Minon ke konam Pharisi hel chingrum pungsi kido, Jisu ke analiyok labang alam arjulo, 42“Khristo aphan nali pot te chirondo? Anangke ingho te aso?” Anali anangyok pulo, “Dabhit po aso.” 43Jisu analiyok pulo, “Pot badi tene, Dabhit po para anangyok “Hemphu,” pusi jiuli pen nengrungsi thano?” 44Aro pulo, “Hemphusi ne Hemphuyok pulo, ne nang hutur helyok nang kengpak arlo bibeleng ke, ne ancho-ari aga iningne do.” 45La-apot Dabhit po anangyok “Hemphu” pune taram, tene anang pot badi anangso chiplang une?” 46Aro ihut ta anangyok lamthe wol un-eh yongot, aro la-arni para ihut ta lam ithe arju halhe yongo.
Currently Selected:
MOTHI 22: AMRI-BSI
Highlight
Share
Copy
Want to have your highlights saved across all your devices? Sign up or sign in
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.
MOTHI 22
22
Jorme Pachihap Chojun Athenghlan Alam
(Luk. 14:15-24)
1Jisu iphong arleng helyok athenghlan thansi, pulo, 2“Ethakpe-alongri poke ihut recho asopo aphan jorme chojun kahonjok pen pachingbar do. 3Anang jorme chojun long kapawang aphan anang murkiya helyok pataram damyok tolo manta anali kiwang yok aneng dode yongot. 4Phiyo anang prek murkiya helyok tol phaksi pulo, “Kataram abang yok parjupon, langot, ne anithu an-asan kicho honjok ngo, ne chorong aro kangtub klung adomorapo thatno, aro kido kangwe honjok weno; jorme chojunyok wangot.” 5Manta anali arjuyongta kaseletsi dam phlungo, ihut ke abithang bitharyok damo, aro ihutke abithang kijor kihrep longyok damo. 6Konam angkhan amurkiya helyok nepsi, analiyok arbulo aro mari krengo. 7Recho po aneng kang ongo. Anang sonturi hel yok tolo, arleng kamari abang yok pamarilo, aro anali rongpe ta me-pakel detno. 8Laparake anang murkiya hel yok pulo, “Jorme ke honjok weno, manta kataram abang kiwang michangche ngo. 9Lasi damot, duwarpe along, aro abangten kapochak arleng majit ke jorme chojun yok taram.” 10Labang murkiyahel duwarpe along oledamsi aro anali inghoyok kapochak, abangyok kime lale kangho abangyok pangrumo; lasi jorme purli ahem don detsi plengthip mo. 11“Manta konam rechopo wangsi don helyok lango, anang lalong ihut arlengyok jorme ape-rik kachi-ik thek hlonghle yongo, 12aro anang bangpo yok pulo, “Ei khoi, nang jorme ape chi-ik esi pot badi holek wang lut duno? Aro arlengpo lam ingje thekthe dungo. 13Laparake rechopo murkiya hel ayok pulo, “Anangyok ari aro akeng ingnak ngot, aro mokol kangting along tidamot, lalong anang surusi doye aro aso chingkresi doye. 14Piyok pu tene kataram arlengke ako-ong, manta karwal arlengke beksodet.”
Khajana Kipi Alam Karju
(Mrk. 12:13-17; Luk. 20:20-26)
15Laparake Pharisi hel damo, aro anang kiputang alampen ado kapangjang yok lam chihrep mo. 16Lasi Pharisi adun hel pen Herodias pe arleng pachiloksi Jisu adungyok tolsi, pathano, “Paklangpo, nang neng kangthirpo, aro khanang pensi Arnam aduwar paklangdo, aro kaiyok ta pherere; piyok pu tene nangke arlengyok ibak detke langle. 17Tene hali thantha, nangke pot chirondo. Roman recho Sijar poyok khajana pi-un ma pi-un eh? 18Manta Jisu anali kangho angthin than unsi pulo, “Ei nengsik abang, piyokte neyok ahonjat lang do?” 19Khajana kipi atanga athengpo nepaklang! Anali tanga athengpo anangyok wan pilo. 20Lapara ke anang analiyok pulo, “Labang ke ingho arjan aro amen te?” 21Anali pulo, “Roman rechopo.” Laparake Jisu analiyok pulo, “Lasi Sijar po kihlong nange abhakpo ke Sijar po yok pinot, aro Arnam kihlong nange abhak ke Arnam yok pinot.” 22Konam anali labang arju hlongo, lahel asombhik hlong detno; aro anali anangyok tikango aro dam phlungo.
Kithi Para Kibur Alam Karju
(Mrk. 12:18-27; Luk. 20:27-40)
23La-arni jongsi, inghosi kithi kiburphak ingjong pusi kipuman Saduki hel Jisu adungyok wangsi, anali anangyok isi alam arjusi pulo, 24“Paklangpo, arleng ihut aso chibubesi thilo, tene amusopo himepe yok chi-ensi, anangka po aphan aso paplange, Mosi po labadi kanong pilo. 25Minon, halidak korte bang thorok isi kido. Aklengpo piso ki-en aro aso chibubesi thilo, anang apiso peyok ke amuso po aphan tikangsi damo. 26Laben thotsi amu po pen asitem poyok aro bang thorok-isi yokta chiplango. 27Aphel yok ke arloso pe ta thilo. 28Tene kithi kibur arni, anang labang bang thorok-isi adak ingho apiso chiplange? Piyok pu tene abangten ta anang penke chi-eno.” 29Jisu analiyok pulo, “Nali kipu wangwe yong, piyok pu tene nalike lo-kangthir alam lale Arnam apharan thekthe yong. 30Kibur phak arni analike jorme-kachihap weye, lale jorme-pachohap pipe ye, manta ethakpe long kido Arnam tharlonhel badisi doye. 31Aro kithi abang kibur phaknge aphan Arnam para naliyok pot kithan, 32“Ne lo Abraham po Arnam, Aijak po Arnam, Jakup po Arnam” labang nali chiporhe hlonghle yongma? Anang ke kithi abang Arnam kalek, manta kihreng abang Arnam.” 33Aro konam ratmar labangpo arjulo, anali anang kapaklang pomar asombhik hlong detno.
Akithechot Alam
(Mrk. 12:28-34; Luk. 10:25-28)
34Jisu konam Saduki hel yok padoklip mo pusi Pharisi hel arju hlongo, anali wang chingrum pungo, 35aro anali dak ihut, kanong kithekpo, Jisu yok honjat langsi ithe alam arjulo, 36“Paklangpo, kanong alongke kithechot alam poke dak bangpo te?” 37Jisu anangyok thano, “Nang ahuwit nang thin, ahuwit ajiu, aro ahuwit anengpen nang Hemphu nang Arnamyok nengdok ngot; 38Labang si kithechot aro kicheng kanong. 39Aro labadisi the-ni long ke ladilo, nang adung arel abangyok nang bithangyok badi nengdok ngot. 40La hini kanong longsi kido-kangwe kanong aro turki hel alam chiphosi do.”
Dabhit Aso po Alam Karju
(Mrk. 12:35-37; Luk. 20:41-44)
41Minon ke konam Pharisi hel chingrum pungsi kido, Jisu ke analiyok labang alam arjulo, 42“Khristo aphan nali pot te chirondo? Anangke ingho te aso?” Anali anangyok pulo, “Dabhit po aso.” 43Jisu analiyok pulo, “Pot badi tene, Dabhit po para anangyok “Hemphu,” pusi jiuli pen nengrungsi thano?” 44Aro pulo, “Hemphusi ne Hemphuyok pulo, ne nang hutur helyok nang kengpak arlo bibeleng ke, ne ancho-ari aga iningne do.” 45La-apot Dabhit po anangyok “Hemphu” pune taram, tene anang pot badi anangso chiplang une?” 46Aro ihut ta anangyok lamthe wol un-eh yongot, aro la-arni para ihut ta lam ithe arju halhe yongo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.