Lukab 7
7
Jesub ge Romeǁî ǂamkhoeb di ǃgāba ra ǂuruǂuru
(Mateub 8:5-13)
1Khoenab ge ǃhoa-ūtoas khaoǃgâb ge Jesuba Kapernaums ǁga ge ǃgû. 2ǁNāpab ge Romeǁî danaǂgaeǂgui-aoba ge hâ i, kaise ǃgôaǃgôasaba bi ǃgāba ge ūhâ iba. Nē danaǂgaeǂgui-aob di ǃgāb ge ǁō ǁga rase ge ǀaeǁgoe hâ i. 3Tsî danaǂgaeǂgui-aob ge Jesub xab ge ǁnâu, o ǀnî ǂnomdomgu* Jodeǁîn diga ǁîb ǃoa sî tsî ge ǂgan, îb hā tsî ǁîb ǃgāba ǂuruǂuru. 4Jesub tawa gu ge sī, o gu ge kaise ǀkhoma bi tsî ge mî: “ǁÎb ge amase sa huiba ǂhâba hâ. 5ǁÎb ge sida ǁaesa a ǀnam tsîb ge sinagogeb* tsîna ge ǂnubiba da.”
6Ob ge Jesuba ǁîgu ǀkha ge ǃgû. Jesub ge omsa ǀgū, ob ge danaǂgaeǂgui-aoba ǀnî horesaba ǁîba nî mîbase ge sî: “ǃGôahesatse, tā ǀhupuǀhupusen re, anu tama ta hâ ti oms ǃnâts nî ǂgâ ǃkhaisa xuige. 7ǁNā-amaga ta ge ǁkhāti ǁî-aitsama sa tawa sīsa anuse ǃgôasen tama go i. ǀGui mîs ǀguisa mî re, ob ge ti ǃgāba nî ǂgau. 8Tita on ge a khoe, ǂamkhoegu ǀgaib ǃnâ mâ ta, tsî toroǃkhamaoga ti ǃnaka ūhâ ta. Nēb ǃoa ta ga ‘ǃGû’ ti mî, ob ge ra ǃgû tsî naub ǃoa ta ga ‘Hā’ ti mî, ob ge ra hā. Tsî ti ǃgāb ǃoa ta ga ‘Dī nēsa’ ti mî, ob ge ra dī.”
9Jesub ge nēsab ge ǁnâu, o buru tsî sao bi hâ ǂnubis ǃoa dabasen tsî ge mî: “Mîba du ta ra, tātsē ta Israelǁîn tsîn ǃnâ nēti ī ǀgaisa ǂgom-e hō tamasa!”
10Tsî khoen hîa ge sîhe hâ in ge oms tawan ge sīo, ǃgāba ǂurub hâse ge hō.
Jesub ge ǃoataras ôaba ra ǂkhaiǂkhai
11ǁNās khaoǃgâb#7:11 ǁNās khaoǃgâb: ǀNî xoaǁguigu ǃnâ i ge sao ra tsēs ti a xoasa. ge Jesuba Nain ti ra ǂgaihe ǃās ǁga ge ǃgû tsî ǁkhāǁkhāsabegu* tsî kai ǂnubis khoen tsîn ge ge sao bi. 12Tsî ǃās di dao-ams tawab ra sī hîa i ge ǁō hâ khoe-e, ǁkhōhe nîse gere taniǂuihe. ǁNāb ge ǃoataras di ǀguise ǃnae hâ ǀgôa ge iba tsîn ge kai ǂnubis khoen, ǁnā ǃās dina ǁîsa gere mâxōǀkhā. 13ǃKhūb ge mû sib geo kaise ǀkhom si tsî ǁîs ǃoa “Tā ā re” ti ge mî. 14Sī tsîb ge ǁōǂgaesa tsâǀkhā, o gu ge tani-aoga ge mâ. Ob ge Jesuba ge mî: “ǂKham khoetse, tita ge ra mîmā tsi, khâimâ!” 15ǁŌ ge hâ i khoeb ge ǂgōse ǂnû tsî ge ǃhoatsoatsoa tsîb ge Jesuba ǁgûsa ǀgôab âsa ge mā-oa.
16On ge hoana ǃaob xa hāǂamhe tsî Eloba koa tsî ge mî: “Kai kēbo-aob ge sada ǁaegu go khâi” tsî “Elob ge ǁaes âba go sari.” 17Jesub xa hâ ǂhôan ge Judeab hoaragab tsî ǁîb ǂnamipe ǁgoe ǀkharigu ǃnâ ge ǁnâuhe.
Johaneb ǁĀǁnâ-aoba xu hâ sîsabegu
(Mateub 11:2-19)
18Johaneb di ǁkhāǁkhāsabegu ge nēn hoana mîba bi, ob ge ǀgamkha ǁîga xu ǂgai 19tsî ǃKhūb ǃoa ge sî, dî kha sī nîse: “Satsa Johaneb ge mî, hā nîse ī Ore-aotsa, tamas ka io ǀnîba da nî ǃâu?”
20Tsî khoekha ge Jesub tawa kha ge sī, o ge mî: “Johaneb ǁĀǁnâ-aob ge Satsa ǃoa dî khom nîse go sî khom: Satsa hā nîse ītsa, tamas ka io ǀnîba da nî ǃâu?”
21ǁNā ǁaeb ǁkhāb aib ge Jesuba ǂgui khoena ǀaesenain, tsûn tsî ǂkhaba gagaga xu ǂuruǂuru tsî ǂgui ǂgī hâna ge mû kai. 22#Jes. 35:5-6; Jes. 61:1Ob ge Johaneb xa ge sîhe hâ i khoekha ge ǃeream: “ǃGû, î Johaneba mû tsî kho go ǁnâuna sī mîba: ǂGī hân ra mû, ǃhoran ra ǃgû, ǃomamasiba ūhân ra ǃanuǃanuhe, ǂganaǂgae hân ra ǁnâu, ǁō hân ra ǂkhaiǂkhaihe tsîn ǀgâsana ǃGâiǂhôasa ra aoǁnâbahe ǃkhaisa. 23Tsî ǀkhaeheb ge hâ ǁnāb tita xa îganǀgē tamaba!”
24Tsî Johaneb sîsabekha ge oas khaoǃgâb ge Jesuba ǂnubis khoen ǀkha Johaneb xa ge ǃhoatsoatsoa: “Tare-e du sī nî kōse du ge ǃgaroǃhūb ǃoa ǂoa? ǂĀb hîa ǂoab xa ǃgomhe tsî ra gonna? 25O du kha ǁnâi tare-e nî sī mûse ge ǂoa? ǂAmsaraba ana hâ khoeba du nî mûsesa? ǂAmsarana ana tsî ǀgapiǀgau ûiba ūhân kom gao-omgu ǃnâ ra hâo. 26O ǁnâi mîba te, tare-e du nî mûse du ge ǂoa ǃkhaisa? Kēbo-aoba? Amase, xawe ta ra mîba du, sadu ge kēbo-aob xa ǃnāsaba ge mû. 27#Mal. 3:1Johaneb ge ǁnāb, ǁîb xa xoahe hâba: ‘Mû, tita ge ti ǀhomǃgāba sa aiǃâ ra sî, daobab sa aiǃâ nî ǂhomiba tsise.’ 28Mîba du ta ra: ‘ǃHūbaib ai i ge khoe-i xare-e ǃnae tama hâ, Johaneb xa kai-e, xawe hoan xa Elob Gaosib ǃnâ ǂkhari-i ge ǁîb xa a kai.’
29 #
Mat. 21:32; Luk. 3:12 “Hoaraga khoen ge ǁîba ge ǁnâu; ǁîn tsî ǁkhāti ǁgui-aimariǃkhōǃoa-aogu* tsîn ge ǁnān, Elob di ǂhanu-ai ǂgaoǀkhāde ǁnâuǀnam tsî Johaneb xa ge ǁāǁnâhena. 30Xawe Farisegu tsî Moseb ǂhanub* di ǁkhāǁkhā-aogu tsîgu ge Elob di ǃgâi ǂâibasensa ǂhara tsî Johaneb xa ǁāǁnâhesa ge ǂkhā.”
31“Tare-i ǀkha ta kha nē surib di khoena nî ǀgopeǀnō tsî mâtin ǁîna ī? 32ǁÎn ge ǀgôaron hîa ǁamaxūǃkhais tawa ǂnû tsî ra ǂgaigun khami ī: ‘Sado da go ǂnuniba, xawe du ǂnā tama, ǃoab amde da go ǁnae, xawe du ā tama.’ 33Johaneb ǁĀǁnâ-aob ge ge hā, tsîb ge pere-e ǂû tama i, ǂauxûi-e ā tama i, ti ge ī i, o du ge ‘ǁîb ge ǁgâua-i* xa hâǃnâhe’ ti gere mî. 34Khoen Ôab ge ge hā tsî ǂû tsî ra ā, o du ge ra mî: ‘Nē khoeba kō re! ǁÎb ge ō-ao tsî a ǀhorosema tsî ǁgui-aimariǃkhōǃoa-aon tsî ǁore-aon di horesa.’ 35Xaweb ge gā-aisiba ǁîba ge ūǃoan hoan xa ge ǂhanu-ai kaihe.”
Jesub ge Fariseb Simonni di oms tawa ra sī
36Farisegu di ǀguib ge Jesuba ge ǁkhau, îb ǁîb tawa sī ǂû. Ob ge Jesuba Fariseb oms ǃnâ sī ǂgâ tsî tāb tawa ge sī ǂnû. 37#Mat. 26:7; Jhn. 12:3ǁNā ǃās ǃnâs ge ǁore-aos ase ǂansa tarasa ge hâ i. ǁÎs ge Fariseb oms ǃnâb Jesuba tāb tawa ǂnôa ǃkhaisas ge ǁnâu, o ge alabasoaros, ǃgomǀgausa ǃgâihamoli-i disa hā-ū, 38tsî ǃgâbǀkhāba xu Jesub ǂaira tawa hā mâ tsî ge ā. ǁGamron âs ge Jesub ǂaira ai ge ǂnâ. ǁNās khaoǃgâs ge ǂaira âba ǀûn âs ǀkha ǀomǀkhā, ǁîra ǁoa tsî ǃgâihamoli-i ǀkha ge ǂkhau. 39Tsî Jesuba ge ǁkhau hâ i Fariseb ge ǁnāsa mû, ob ge ǁîb ǃnâ ge mî: “Nē khoeb ga amase kēbo-ao hâo, ob ge ga ǂan hâ, tarebe khoes ra tsâǀkhā bisa; tsîb ge ga ǂan hâ i ǁore-aos a ǃkhaisa.”
40Xaweb ge Jesuba ǁîb ǃoa ge mî: “Simontse, xū-e ta ge ra mîba tsi ǂgao.”
“A, ǁKhāǁkhā-aotse, mî re” tib ge Simonna ge ǃeream.
41“ǀGam khoekha ge mariǀkhupiǂui-aoba ge surude hâ i” tib ge Jesuba ge mî. “ǀGuib ge korokaidisi denarde* ge surude hâ i tsî nauba korodisi denarde. 42ǁÎkha ge matare ǁoa i, amagab ge surudeb âkha ge xoaǁnâ. Tarib ǁîkha diba ǃnāsase nî ǀnam bi?”
43Ob ge Simonna: “ǁNāb ǃnāsa surudeba ge ǀûbaheb, ti ta ra ǂâi” ti ge ǃeream.
“ǂHanusets ge go ǀgoraǃgâ” tib ge Jesuba ge mî. 44Tsîb ge Jesuba taras ǃoa dabasen tsî ǃaruǀî Simonni ǃoa ge mî: “Mûts ra nē tarasa? Sa oms ǃnâ ta go ǂgâxa, xawets ge ǁgam-e ti ǂaira ǃaroma mā te tama hâ, xawe ǁîs ge ǁgamron âs ǀkha ti ǂaira ǀâǀâ tsî ǀûn âs ǀkha go ǀomǂnâǂnâ. 45ǁOa-i ǀkhas tsînats ge go ǁkhoreǁhare te tama hâ i, xawe ǁîs ge nēpas go ǂgâxasa xu ti ǂaira ǁoaǀû tama hâ. 46Sats ge ti danasa ǃgâihamoli-i ǀkha ǂkhau tama hâ, xawe ǁîs ge ti ǂaira ǃgâihamoli-i ǀkha go ǂkhau. 47ǁNā-amaga ta ge ra mîba tsi, ǁîs ǁoren hîa go ǂgui inas go ǀûbahe amagas ge ǁîsa kai ǀnamma ra ǁgau. ǀOrose ra ǀûbahe-i ge ǀoro ǀnamma ra ǁgau.”
48Ob ge Jesuba taras ǃoa ge mî: “Sa ǁorenas ge go ǀûbahe.”
49On ge tāb tawa ge ǂnôa ina ǁîǃnābe ge mîtsoatsoa: “Tariba ǁîba, ob ǁoren tsîna ra ǀûba?”
50Xaweb ge Jesuba taras ǃoa ge mî: “Sa ǂgoms go hui si xuige ǂkhîb ǃnâ ǃgû re.”
Currently Selected:
Lukab 7: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
Lukab 7
7
Jesub ge Romeǁî ǂamkhoeb di ǃgāba ra ǂuruǂuru
(Mateub 8:5-13)
1Khoenab ge ǃhoa-ūtoas khaoǃgâb ge Jesuba Kapernaums ǁga ge ǃgû. 2ǁNāpab ge Romeǁî danaǂgaeǂgui-aoba ge hâ i, kaise ǃgôaǃgôasaba bi ǃgāba ge ūhâ iba. Nē danaǂgaeǂgui-aob di ǃgāb ge ǁō ǁga rase ge ǀaeǁgoe hâ i. 3Tsî danaǂgaeǂgui-aob ge Jesub xab ge ǁnâu, o ǀnî ǂnomdomgu* Jodeǁîn diga ǁîb ǃoa sî tsî ge ǂgan, îb hā tsî ǁîb ǃgāba ǂuruǂuru. 4Jesub tawa gu ge sī, o gu ge kaise ǀkhoma bi tsî ge mî: “ǁÎb ge amase sa huiba ǂhâba hâ. 5ǁÎb ge sida ǁaesa a ǀnam tsîb ge sinagogeb* tsîna ge ǂnubiba da.”
6Ob ge Jesuba ǁîgu ǀkha ge ǃgû. Jesub ge omsa ǀgū, ob ge danaǂgaeǂgui-aoba ǀnî horesaba ǁîba nî mîbase ge sî: “ǃGôahesatse, tā ǀhupuǀhupusen re, anu tama ta hâ ti oms ǃnâts nî ǂgâ ǃkhaisa xuige. 7ǁNā-amaga ta ge ǁkhāti ǁî-aitsama sa tawa sīsa anuse ǃgôasen tama go i. ǀGui mîs ǀguisa mî re, ob ge ti ǃgāba nî ǂgau. 8Tita on ge a khoe, ǂamkhoegu ǀgaib ǃnâ mâ ta, tsî toroǃkhamaoga ti ǃnaka ūhâ ta. Nēb ǃoa ta ga ‘ǃGû’ ti mî, ob ge ra ǃgû tsî naub ǃoa ta ga ‘Hā’ ti mî, ob ge ra hā. Tsî ti ǃgāb ǃoa ta ga ‘Dī nēsa’ ti mî, ob ge ra dī.”
9Jesub ge nēsab ge ǁnâu, o buru tsî sao bi hâ ǂnubis ǃoa dabasen tsî ge mî: “Mîba du ta ra, tātsē ta Israelǁîn tsîn ǃnâ nēti ī ǀgaisa ǂgom-e hō tamasa!”
10Tsî khoen hîa ge sîhe hâ in ge oms tawan ge sīo, ǃgāba ǂurub hâse ge hō.
Jesub ge ǃoataras ôaba ra ǂkhaiǂkhai
11ǁNās khaoǃgâb#7:11 ǁNās khaoǃgâb: ǀNî xoaǁguigu ǃnâ i ge sao ra tsēs ti a xoasa. ge Jesuba Nain ti ra ǂgaihe ǃās ǁga ge ǃgû tsî ǁkhāǁkhāsabegu* tsî kai ǂnubis khoen tsîn ge ge sao bi. 12Tsî ǃās di dao-ams tawab ra sī hîa i ge ǁō hâ khoe-e, ǁkhōhe nîse gere taniǂuihe. ǁNāb ge ǃoataras di ǀguise ǃnae hâ ǀgôa ge iba tsîn ge kai ǂnubis khoen, ǁnā ǃās dina ǁîsa gere mâxōǀkhā. 13ǃKhūb ge mû sib geo kaise ǀkhom si tsî ǁîs ǃoa “Tā ā re” ti ge mî. 14Sī tsîb ge ǁōǂgaesa tsâǀkhā, o gu ge tani-aoga ge mâ. Ob ge Jesuba ge mî: “ǂKham khoetse, tita ge ra mîmā tsi, khâimâ!” 15ǁŌ ge hâ i khoeb ge ǂgōse ǂnû tsî ge ǃhoatsoatsoa tsîb ge Jesuba ǁgûsa ǀgôab âsa ge mā-oa.
16On ge hoana ǃaob xa hāǂamhe tsî Eloba koa tsî ge mî: “Kai kēbo-aob ge sada ǁaegu go khâi” tsî “Elob ge ǁaes âba go sari.” 17Jesub xa hâ ǂhôan ge Judeab hoaragab tsî ǁîb ǂnamipe ǁgoe ǀkharigu ǃnâ ge ǁnâuhe.
Johaneb ǁĀǁnâ-aoba xu hâ sîsabegu
(Mateub 11:2-19)
18Johaneb di ǁkhāǁkhāsabegu ge nēn hoana mîba bi, ob ge ǀgamkha ǁîga xu ǂgai 19tsî ǃKhūb ǃoa ge sî, dî kha sī nîse: “Satsa Johaneb ge mî, hā nîse ī Ore-aotsa, tamas ka io ǀnîba da nî ǃâu?”
20Tsî khoekha ge Jesub tawa kha ge sī, o ge mî: “Johaneb ǁĀǁnâ-aob ge Satsa ǃoa dî khom nîse go sî khom: Satsa hā nîse ītsa, tamas ka io ǀnîba da nî ǃâu?”
21ǁNā ǁaeb ǁkhāb aib ge Jesuba ǂgui khoena ǀaesenain, tsûn tsî ǂkhaba gagaga xu ǂuruǂuru tsî ǂgui ǂgī hâna ge mû kai. 22#Jes. 35:5-6; Jes. 61:1Ob ge Johaneb xa ge sîhe hâ i khoekha ge ǃeream: “ǃGû, î Johaneba mû tsî kho go ǁnâuna sī mîba: ǂGī hân ra mû, ǃhoran ra ǃgû, ǃomamasiba ūhân ra ǃanuǃanuhe, ǂganaǂgae hân ra ǁnâu, ǁō hân ra ǂkhaiǂkhaihe tsîn ǀgâsana ǃGâiǂhôasa ra aoǁnâbahe ǃkhaisa. 23Tsî ǀkhaeheb ge hâ ǁnāb tita xa îganǀgē tamaba!”
24Tsî Johaneb sîsabekha ge oas khaoǃgâb ge Jesuba ǂnubis khoen ǀkha Johaneb xa ge ǃhoatsoatsoa: “Tare-e du sī nî kōse du ge ǃgaroǃhūb ǃoa ǂoa? ǂĀb hîa ǂoab xa ǃgomhe tsî ra gonna? 25O du kha ǁnâi tare-e nî sī mûse ge ǂoa? ǂAmsaraba ana hâ khoeba du nî mûsesa? ǂAmsarana ana tsî ǀgapiǀgau ûiba ūhân kom gao-omgu ǃnâ ra hâo. 26O ǁnâi mîba te, tare-e du nî mûse du ge ǂoa ǃkhaisa? Kēbo-aoba? Amase, xawe ta ra mîba du, sadu ge kēbo-aob xa ǃnāsaba ge mû. 27#Mal. 3:1Johaneb ge ǁnāb, ǁîb xa xoahe hâba: ‘Mû, tita ge ti ǀhomǃgāba sa aiǃâ ra sî, daobab sa aiǃâ nî ǂhomiba tsise.’ 28Mîba du ta ra: ‘ǃHūbaib ai i ge khoe-i xare-e ǃnae tama hâ, Johaneb xa kai-e, xawe hoan xa Elob Gaosib ǃnâ ǂkhari-i ge ǁîb xa a kai.’
29 #
Mat. 21:32; Luk. 3:12 “Hoaraga khoen ge ǁîba ge ǁnâu; ǁîn tsî ǁkhāti ǁgui-aimariǃkhōǃoa-aogu* tsîn ge ǁnān, Elob di ǂhanu-ai ǂgaoǀkhāde ǁnâuǀnam tsî Johaneb xa ge ǁāǁnâhena. 30Xawe Farisegu tsî Moseb ǂhanub* di ǁkhāǁkhā-aogu tsîgu ge Elob di ǃgâi ǂâibasensa ǂhara tsî Johaneb xa ǁāǁnâhesa ge ǂkhā.”
31“Tare-i ǀkha ta kha nē surib di khoena nî ǀgopeǀnō tsî mâtin ǁîna ī? 32ǁÎn ge ǀgôaron hîa ǁamaxūǃkhais tawa ǂnû tsî ra ǂgaigun khami ī: ‘Sado da go ǂnuniba, xawe du ǂnā tama, ǃoab amde da go ǁnae, xawe du ā tama.’ 33Johaneb ǁĀǁnâ-aob ge ge hā, tsîb ge pere-e ǂû tama i, ǂauxûi-e ā tama i, ti ge ī i, o du ge ‘ǁîb ge ǁgâua-i* xa hâǃnâhe’ ti gere mî. 34Khoen Ôab ge ge hā tsî ǂû tsî ra ā, o du ge ra mî: ‘Nē khoeba kō re! ǁÎb ge ō-ao tsî a ǀhorosema tsî ǁgui-aimariǃkhōǃoa-aon tsî ǁore-aon di horesa.’ 35Xaweb ge gā-aisiba ǁîba ge ūǃoan hoan xa ge ǂhanu-ai kaihe.”
Jesub ge Fariseb Simonni di oms tawa ra sī
36Farisegu di ǀguib ge Jesuba ge ǁkhau, îb ǁîb tawa sī ǂû. Ob ge Jesuba Fariseb oms ǃnâ sī ǂgâ tsî tāb tawa ge sī ǂnû. 37#Mat. 26:7; Jhn. 12:3ǁNā ǃās ǃnâs ge ǁore-aos ase ǂansa tarasa ge hâ i. ǁÎs ge Fariseb oms ǃnâb Jesuba tāb tawa ǂnôa ǃkhaisas ge ǁnâu, o ge alabasoaros, ǃgomǀgausa ǃgâihamoli-i disa hā-ū, 38tsî ǃgâbǀkhāba xu Jesub ǂaira tawa hā mâ tsî ge ā. ǁGamron âs ge Jesub ǂaira ai ge ǂnâ. ǁNās khaoǃgâs ge ǂaira âba ǀûn âs ǀkha ǀomǀkhā, ǁîra ǁoa tsî ǃgâihamoli-i ǀkha ge ǂkhau. 39Tsî Jesuba ge ǁkhau hâ i Fariseb ge ǁnāsa mû, ob ge ǁîb ǃnâ ge mî: “Nē khoeb ga amase kēbo-ao hâo, ob ge ga ǂan hâ, tarebe khoes ra tsâǀkhā bisa; tsîb ge ga ǂan hâ i ǁore-aos a ǃkhaisa.”
40Xaweb ge Jesuba ǁîb ǃoa ge mî: “Simontse, xū-e ta ge ra mîba tsi ǂgao.”
“A, ǁKhāǁkhā-aotse, mî re” tib ge Simonna ge ǃeream.
41“ǀGam khoekha ge mariǀkhupiǂui-aoba ge surude hâ i” tib ge Jesuba ge mî. “ǀGuib ge korokaidisi denarde* ge surude hâ i tsî nauba korodisi denarde. 42ǁÎkha ge matare ǁoa i, amagab ge surudeb âkha ge xoaǁnâ. Tarib ǁîkha diba ǃnāsase nî ǀnam bi?”
43Ob ge Simonna: “ǁNāb ǃnāsa surudeba ge ǀûbaheb, ti ta ra ǂâi” ti ge ǃeream.
“ǂHanusets ge go ǀgoraǃgâ” tib ge Jesuba ge mî. 44Tsîb ge Jesuba taras ǃoa dabasen tsî ǃaruǀî Simonni ǃoa ge mî: “Mûts ra nē tarasa? Sa oms ǃnâ ta go ǂgâxa, xawets ge ǁgam-e ti ǂaira ǃaroma mā te tama hâ, xawe ǁîs ge ǁgamron âs ǀkha ti ǂaira ǀâǀâ tsî ǀûn âs ǀkha go ǀomǂnâǂnâ. 45ǁOa-i ǀkhas tsînats ge go ǁkhoreǁhare te tama hâ i, xawe ǁîs ge nēpas go ǂgâxasa xu ti ǂaira ǁoaǀû tama hâ. 46Sats ge ti danasa ǃgâihamoli-i ǀkha ǂkhau tama hâ, xawe ǁîs ge ti ǂaira ǃgâihamoli-i ǀkha go ǂkhau. 47ǁNā-amaga ta ge ra mîba tsi, ǁîs ǁoren hîa go ǂgui inas go ǀûbahe amagas ge ǁîsa kai ǀnamma ra ǁgau. ǀOrose ra ǀûbahe-i ge ǀoro ǀnamma ra ǁgau.”
48Ob ge Jesuba taras ǃoa ge mî: “Sa ǁorenas ge go ǀûbahe.”
49On ge tāb tawa ge ǂnôa ina ǁîǃnābe ge mîtsoatsoa: “Tariba ǁîba, ob ǁoren tsîna ra ǀûba?”
50Xaweb ge Jesuba taras ǃoa ge mî: “Sa ǂgoms go hui si xuige ǂkhîb ǃnâ ǃgû re.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.