Markub 4
4
Tsoro-aob di ǂkhōs*
(Mateub 13:9; Lukab 8:4-8)
1 #
Luk. 5:1
ǁKhawab ge Jesuba ǁîb di ǁkhāǁkhādi ǀkha Galileahurirob amǃgâ tsoatsoa, on ge kai ǂnubis di khoena ge ǀhao. ǁNātikōses nē ǂnubisa kai tsîb ge Jesuba hurirob ai mâ ǂgaus ai ǂoa tsî ge ǂnû, khoen hurirob amǃgâ ǃhūb ai mâ hîa. 2ǁÎb ge ǂkhōdi ǀkha ǂgui xūna ǁîna gere ǁkhāǁkhā tsî nēs ge ǁîb ǁkhāǁkhādi di ǀguisa:
3“ǃGâ re! Tsoro-aob ge ge ǃgûǂoa, ǃhorobab nî tsorose. 4Tsî ǁnātib ra tsoro hîan ge ǀnî ǃkhomna daob xōǀkhā ǁnā tsî anin xa ge hapuhe. 5ǀNîn ge ǁkhāti ǃhaoxa ǃkhaib ai ǁnā tsî ǃhaese ge ǃī, ǁnā ǃhūb ge kaise ǃgam tama hâ i amaga. 6Xawe, sores ge ǂoaxa on ge daoǃanhe tsî ge ǂnâ, ǁîn ge ǂâu hâ ǃnomaga ūhâ tama hâ i xui-ao. 7ǀNî ǃkhomn ge ǁkhāti ǁkhūn ǃnâ ge ǁnā tsî ǀomkhâin geo, ǁkhūn xa ǀhomdomhe tsî ǂûtani tama ge i. 8Xawen ge ǀnî ǃkhomna ǃgâi ǃhūb ai ǁnā tsî ǃgâise ge ǂûtani, ǀnîna ǃnonadisiǃnâguse, ǀnîna ǃnanidisiǃnâguse tsî ǀnîna kaidisiǃnâguse.”
9ǁNās khaoǃgâb ge Jesuba ǁîna ge mîba: “ǂGaera ūhâ-e, a-i ǁnâu!”
ǂKhōdi di ǂâibasens
(Mateub 13:10-17; Lukab 8:9-10)
10Tsî ega, Jesub ge ǀguri ǁkhāǁkhāsabegu* tsî nē ǂkhōde ge ǁnâun tsîn ǀkha hâǃgau on ge ǁîba ge ǂgan, nē ǂkhōden nî ǁguiǃābahe ǃkhaisa. 11Ob ge ǁîna ge ǃeream: “Tita ge Elob Gaosib di ǂganǃgâsasiba sado go mîǃāba, xawe ta ge ǀnîn hîa ǃauga hân ǃaroma ǂkhōdi ǀguide sîsenū ǁkhā. 12#Jes. 6:9Nēs ge:
“ ‘Kō tsîn nî kō,
xawen mû tide;
ǃgâ tsîn nî ǃgâ,
xawen ǁnâuǃā tide.
ǁNāsan ga dī hâ, on ga Elob ǃoa ǃhobasen hâ
tsîn ga ǁîna ǁoren âna ǀûbahe hâ.’ ”
Jesub ge tsoro-aob ǂkhōsa ra ǃgāǃgā
(Mateub 13:18-23; Lukab 8:11-15)
13Tsîb ge Jesuba ǁîna ge mîba: “Nē ǂkhōsa du ga ǁnâuǃā tama io, mâti du ǁnâi nau ǂkhōde ǁnâuǃā ǁkhā? 14Tsoro-aob kom mîs Elob disa ra ǂhôao. 15ǁNā ǃkhomn daob xōǀkhā ra ǁnān khamin kom ǀnî khoena īo, mîsan ga ǁnâutoas khaoǃgâ Satanni* xa hā ra tsubuxūhena. 16Tsî ǁnā ǃkhomn hîa ǃhaob ai ge ǁnān ge ǁnā khoen hîa mîsa ǁnâun rao ǃgâiaǂgaob ǀkha ra ūbasenn khami ī. 17Xawen ge hūgan ǃnoma-e ūhâ tama amaga gaxuse hâhâ tama ra i. Ûib ga ǃgom tsî ǂgoms di ǃgûsa ǃgari tsî mîs di ǃgôaǃgonde hā on ge ra ǂkhabu. 18ǁKhātin ge ǁkhūn ǃnâ ra ǁnā ǃkhomna khoen hîa mîsa ǁnâu tsî ra ǃkhōǃoan khami ī. 19Xawen ge nē ûib xa ra ǂâiǂhansen, ǁîn ra ǂgaeǂhapuhe ǃkhūsib di turagu tsî ǂgui ǃkharagaǃnâgu turagu xa xui-ao tsîs ge mîsa ǀhomdomhe tsî ǂûtani tama ra i. 20Xawe ǃgâi ǃhūb ai ǁnā hâ ǃkhomn ge ǁnā khoen hîa mîsa ǁnâu tsî ra ūbasenn khami ī. ǁÎn ge ǃnonadisiǃnâguse, ǃnanidisiǃnâguse tsî kaidisiǃnâguse ra ǂûtani.”
ǃAmǀaes
(Lukab 8:16-18)
21 #
Mat. 5:15; Luk. 11:33 Tsîb ge Jesuba aiǃâ ǃkharu tsî ge mî: “Khoe-i xare-i kom ǃamǀaesa ū tsî ǂgoasū-i ǃnaka tamas ka io kharo-i ǃnaka mâi tamao? Tātse, ǁîs ge ǃamǀaekandelari ai ra mâihe, îb ǃnâba ǀkhâu. 22#Mat. 10:26; Luk. 12:2ǂGanǃgâsase hâ xū-i hoa-i nî ǂhaiǂhaihe, ǃkhais ǁkhās khami i kom sâusa xū-i hoa-i ǃnâb ǃnâ hâ tide-e ǀkhaio. 23ǂGaera ūhâ-e, a-i ǁnâu!
24 #
Mat. 7:2; Luk. 6:38 “O ǁnâi ǃgâise ǃgâ re sadu ra ǁnâu xūna. Sats ra sa ǀgūkhoeba ǀnō-ū ǀnō-ūdab ǀkhats ge nî ǀnōhe tsî ǁkhāti ǃnāsase. 25#Mat. 13:12; 25:29; Luk. 19:26ǁNān hîa ūhân ge nî ǀarobahe xawe ūhâ taman ge ǁnā ūn hân tsîna nî ūxūhe.”
ǀOmkhâi ra ǃkhomn xa hâ ǂkhōs
26Tsîb ge Jesuba ǃaruǀî nēti ra mî: “Elob Gaosib ge tsoro-aob ra ǃkhomna ǃhūb ai tsoros ǁkhās khami ī. 27ǁÎb ge tsuxub ǃnâ ǁom tsî tsēa ǂkhaisase ra sîsen. Tsîn ge ǃkhomna ǁhare tsî ra ǀomkhâi, xaweb ge mâtis nēsa ra ī ǃkhaisa ǁnâuǃā tama hâ. 28ǃHūb ge aitsama ǁharena ra ǀom kai; ǂgurosa ǀgâna, ǁnāpa xu ǃhoroǂgaen tsî ǀams ai ǂûtani hâ ǃhoroǂgaede. 29#Joe. 3:13Tsî ǃgaos di ǁaeb ga ǀoa, ob ge tsoro-aoba ǃhoroǃgao-ūdas#4:29 ǃHoroǃgao-ūdas: Gaxu ǀāǀkhāba ūhâ gôab, ǃhorob tamas ka io ǀnî ǃhanagu ra ǃgao-ūheb. ǀkha ra ǃgao.”
Mostardǃkhomro-i* di ǂkhōs
(Mateub 13:31-34; Lukab 13:18-19)
30Ob ge Jesuba ge dî: “Elob Gaosib mâti ī ti da kha a mî ǁkhā tsî mâ ǂkhō-e da nî sîsenū, nēsa ǃgāǃgās ǃaroma? 31Nēs ge ǂkhari mostardǃkhomro-i, ǃhūb ǃnâ ra ǃhanahe-i khami ī. ǁÎ-i ge ǃhūbaib ai hâ ǃkhomn hoan xa ǂkhari. 32Xawe i ge ǃhanatoahe-i kao, nau ǃhanasa xūn hoan ǂamai ra kai. ǁKhāti i ge ǂâu hâ kaiba ūhâ ǁnâuga ra hō tsîn ge ǀhomanirona ǁnā sommi ǃnâ ra om.”
33Jesub ge khoen ǀkhab gere ǃhoao ǂgui ǂkhōde gere sîsenū, khoena ǁnâuǃā kais ǃaroma. 34ǁÎb ge ǁîna tātse ǂkhōdi ose xū-e ge ǁgaeba tama hâ i. Xaweb ge ǀgurib ga ǁîb di ǁkhāǁkhāsabegu ǀkha hâ ǁaeb ai ǁîga hoaraga xūna gere mîǃgāǃgāba.
Jesub ge ǁgaoǂoasa ra ǃnōǃnō
(Mateub 8:23-27; Lukab 8:22-25)
35ǁNā tsē, ǃui i ge, ob ge Jesuba ǁîb ǁkhāǁkhāsabegu ǁga ge mî: “A ge Galileahurirob di aiǂoasǀkhāb ǁga ǃgâu.” 36Tsî gu ge ǂnubisa hurirob amǃgâ ǁnāxū tsî ǀnaib Jesuba ǂgaus ǃnâ hâse ǁîb ǀkha ge ǃgâutsoatsoa. Xawe ǀnî ǂgaudi tsîn ge ge hâ i. 37Tsî i ge ǃnapetamase ǁaixa ǁgaoǂoa-e hurirob ai ge khâi. ǃGabigu ge ǂgaus ai ge ǂnautsoatsoa tsîs ge ǁaubexa ǁgammi xa ge ǀoa.
38Jesub ge ǂgaus khaosǀkhāb ai, ǂkhapi-i ai ge ǁomǁgoe i. O gu ge ǁîb di ǁkhāǁkhāsabega ǁîba ǂkhaiǂkhai tsî ge mî: “ǁKhāǁkhā-aotse, sige ra āǁō ǃkhais ǀkhats kha ǁae tama hâ?”
39Ob ge Jesuba khâi tsî ǂoaba ǃgabe tsî hurirob ǃoa ge mî: “ǃNō! ǁGoea-ai!” Ob ge ǂoaba ge ǃnō tsîb ge ǃnōba ge ǁgoe.
40Tsîb ge Jesuba ǁkhāǁkhāsabega ge dî: “Tare-i ǃaroma go kha ǁnāti a ǃaoǃnâ? Noxopa go kha ǂgom tama hâ?”
41O gu ge kaise ǃao tsî ǁîǃnābe ge mîǀîgu: “Tariba kha nēba, hurib tsî ǂoab tsîkha xas tsîna ra ǁnâuǀnamheba?”
Currently Selected:
Markub 4: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
Markub 4
4
Tsoro-aob di ǂkhōs*
(Mateub 13:9; Lukab 8:4-8)
1 #
Luk. 5:1
ǁKhawab ge Jesuba ǁîb di ǁkhāǁkhādi ǀkha Galileahurirob amǃgâ tsoatsoa, on ge kai ǂnubis di khoena ge ǀhao. ǁNātikōses nē ǂnubisa kai tsîb ge Jesuba hurirob ai mâ ǂgaus ai ǂoa tsî ge ǂnû, khoen hurirob amǃgâ ǃhūb ai mâ hîa. 2ǁÎb ge ǂkhōdi ǀkha ǂgui xūna ǁîna gere ǁkhāǁkhā tsî nēs ge ǁîb ǁkhāǁkhādi di ǀguisa:
3“ǃGâ re! Tsoro-aob ge ge ǃgûǂoa, ǃhorobab nî tsorose. 4Tsî ǁnātib ra tsoro hîan ge ǀnî ǃkhomna daob xōǀkhā ǁnā tsî anin xa ge hapuhe. 5ǀNîn ge ǁkhāti ǃhaoxa ǃkhaib ai ǁnā tsî ǃhaese ge ǃī, ǁnā ǃhūb ge kaise ǃgam tama hâ i amaga. 6Xawe, sores ge ǂoaxa on ge daoǃanhe tsî ge ǂnâ, ǁîn ge ǂâu hâ ǃnomaga ūhâ tama hâ i xui-ao. 7ǀNî ǃkhomn ge ǁkhāti ǁkhūn ǃnâ ge ǁnā tsî ǀomkhâin geo, ǁkhūn xa ǀhomdomhe tsî ǂûtani tama ge i. 8Xawen ge ǀnî ǃkhomna ǃgâi ǃhūb ai ǁnā tsî ǃgâise ge ǂûtani, ǀnîna ǃnonadisiǃnâguse, ǀnîna ǃnanidisiǃnâguse tsî ǀnîna kaidisiǃnâguse.”
9ǁNās khaoǃgâb ge Jesuba ǁîna ge mîba: “ǂGaera ūhâ-e, a-i ǁnâu!”
ǂKhōdi di ǂâibasens
(Mateub 13:10-17; Lukab 8:9-10)
10Tsî ega, Jesub ge ǀguri ǁkhāǁkhāsabegu* tsî nē ǂkhōde ge ǁnâun tsîn ǀkha hâǃgau on ge ǁîba ge ǂgan, nē ǂkhōden nî ǁguiǃābahe ǃkhaisa. 11Ob ge ǁîna ge ǃeream: “Tita ge Elob Gaosib di ǂganǃgâsasiba sado go mîǃāba, xawe ta ge ǀnîn hîa ǃauga hân ǃaroma ǂkhōdi ǀguide sîsenū ǁkhā. 12#Jes. 6:9Nēs ge:
“ ‘Kō tsîn nî kō,
xawen mû tide;
ǃgâ tsîn nî ǃgâ,
xawen ǁnâuǃā tide.
ǁNāsan ga dī hâ, on ga Elob ǃoa ǃhobasen hâ
tsîn ga ǁîna ǁoren âna ǀûbahe hâ.’ ”
Jesub ge tsoro-aob ǂkhōsa ra ǃgāǃgā
(Mateub 13:18-23; Lukab 8:11-15)
13Tsîb ge Jesuba ǁîna ge mîba: “Nē ǂkhōsa du ga ǁnâuǃā tama io, mâti du ǁnâi nau ǂkhōde ǁnâuǃā ǁkhā? 14Tsoro-aob kom mîs Elob disa ra ǂhôao. 15ǁNā ǃkhomn daob xōǀkhā ra ǁnān khamin kom ǀnî khoena īo, mîsan ga ǁnâutoas khaoǃgâ Satanni* xa hā ra tsubuxūhena. 16Tsî ǁnā ǃkhomn hîa ǃhaob ai ge ǁnān ge ǁnā khoen hîa mîsa ǁnâun rao ǃgâiaǂgaob ǀkha ra ūbasenn khami ī. 17Xawen ge hūgan ǃnoma-e ūhâ tama amaga gaxuse hâhâ tama ra i. Ûib ga ǃgom tsî ǂgoms di ǃgûsa ǃgari tsî mîs di ǃgôaǃgonde hā on ge ra ǂkhabu. 18ǁKhātin ge ǁkhūn ǃnâ ra ǁnā ǃkhomna khoen hîa mîsa ǁnâu tsî ra ǃkhōǃoan khami ī. 19Xawen ge nē ûib xa ra ǂâiǂhansen, ǁîn ra ǂgaeǂhapuhe ǃkhūsib di turagu tsî ǂgui ǃkharagaǃnâgu turagu xa xui-ao tsîs ge mîsa ǀhomdomhe tsî ǂûtani tama ra i. 20Xawe ǃgâi ǃhūb ai ǁnā hâ ǃkhomn ge ǁnā khoen hîa mîsa ǁnâu tsî ra ūbasenn khami ī. ǁÎn ge ǃnonadisiǃnâguse, ǃnanidisiǃnâguse tsî kaidisiǃnâguse ra ǂûtani.”
ǃAmǀaes
(Lukab 8:16-18)
21 #
Mat. 5:15; Luk. 11:33 Tsîb ge Jesuba aiǃâ ǃkharu tsî ge mî: “Khoe-i xare-i kom ǃamǀaesa ū tsî ǂgoasū-i ǃnaka tamas ka io kharo-i ǃnaka mâi tamao? Tātse, ǁîs ge ǃamǀaekandelari ai ra mâihe, îb ǃnâba ǀkhâu. 22#Mat. 10:26; Luk. 12:2ǂGanǃgâsase hâ xū-i hoa-i nî ǂhaiǂhaihe, ǃkhais ǁkhās khami i kom sâusa xū-i hoa-i ǃnâb ǃnâ hâ tide-e ǀkhaio. 23ǂGaera ūhâ-e, a-i ǁnâu!
24 #
Mat. 7:2; Luk. 6:38 “O ǁnâi ǃgâise ǃgâ re sadu ra ǁnâu xūna. Sats ra sa ǀgūkhoeba ǀnō-ū ǀnō-ūdab ǀkhats ge nî ǀnōhe tsî ǁkhāti ǃnāsase. 25#Mat. 13:12; 25:29; Luk. 19:26ǁNān hîa ūhân ge nî ǀarobahe xawe ūhâ taman ge ǁnā ūn hân tsîna nî ūxūhe.”
ǀOmkhâi ra ǃkhomn xa hâ ǂkhōs
26Tsîb ge Jesuba ǃaruǀî nēti ra mî: “Elob Gaosib ge tsoro-aob ra ǃkhomna ǃhūb ai tsoros ǁkhās khami ī. 27ǁÎb ge tsuxub ǃnâ ǁom tsî tsēa ǂkhaisase ra sîsen. Tsîn ge ǃkhomna ǁhare tsî ra ǀomkhâi, xaweb ge mâtis nēsa ra ī ǃkhaisa ǁnâuǃā tama hâ. 28ǃHūb ge aitsama ǁharena ra ǀom kai; ǂgurosa ǀgâna, ǁnāpa xu ǃhoroǂgaen tsî ǀams ai ǂûtani hâ ǃhoroǂgaede. 29#Joe. 3:13Tsî ǃgaos di ǁaeb ga ǀoa, ob ge tsoro-aoba ǃhoroǃgao-ūdas#4:29 ǃHoroǃgao-ūdas: Gaxu ǀāǀkhāba ūhâ gôab, ǃhorob tamas ka io ǀnî ǃhanagu ra ǃgao-ūheb. ǀkha ra ǃgao.”
Mostardǃkhomro-i* di ǂkhōs
(Mateub 13:31-34; Lukab 13:18-19)
30Ob ge Jesuba ge dî: “Elob Gaosib mâti ī ti da kha a mî ǁkhā tsî mâ ǂkhō-e da nî sîsenū, nēsa ǃgāǃgās ǃaroma? 31Nēs ge ǂkhari mostardǃkhomro-i, ǃhūb ǃnâ ra ǃhanahe-i khami ī. ǁÎ-i ge ǃhūbaib ai hâ ǃkhomn hoan xa ǂkhari. 32Xawe i ge ǃhanatoahe-i kao, nau ǃhanasa xūn hoan ǂamai ra kai. ǁKhāti i ge ǂâu hâ kaiba ūhâ ǁnâuga ra hō tsîn ge ǀhomanirona ǁnā sommi ǃnâ ra om.”
33Jesub ge khoen ǀkhab gere ǃhoao ǂgui ǂkhōde gere sîsenū, khoena ǁnâuǃā kais ǃaroma. 34ǁÎb ge ǁîna tātse ǂkhōdi ose xū-e ge ǁgaeba tama hâ i. Xaweb ge ǀgurib ga ǁîb di ǁkhāǁkhāsabegu ǀkha hâ ǁaeb ai ǁîga hoaraga xūna gere mîǃgāǃgāba.
Jesub ge ǁgaoǂoasa ra ǃnōǃnō
(Mateub 8:23-27; Lukab 8:22-25)
35ǁNā tsē, ǃui i ge, ob ge Jesuba ǁîb ǁkhāǁkhāsabegu ǁga ge mî: “A ge Galileahurirob di aiǂoasǀkhāb ǁga ǃgâu.” 36Tsî gu ge ǂnubisa hurirob amǃgâ ǁnāxū tsî ǀnaib Jesuba ǂgaus ǃnâ hâse ǁîb ǀkha ge ǃgâutsoatsoa. Xawe ǀnî ǂgaudi tsîn ge ge hâ i. 37Tsî i ge ǃnapetamase ǁaixa ǁgaoǂoa-e hurirob ai ge khâi. ǃGabigu ge ǂgaus ai ge ǂnautsoatsoa tsîs ge ǁaubexa ǁgammi xa ge ǀoa.
38Jesub ge ǂgaus khaosǀkhāb ai, ǂkhapi-i ai ge ǁomǁgoe i. O gu ge ǁîb di ǁkhāǁkhāsabega ǁîba ǂkhaiǂkhai tsî ge mî: “ǁKhāǁkhā-aotse, sige ra āǁō ǃkhais ǀkhats kha ǁae tama hâ?”
39Ob ge Jesuba khâi tsî ǂoaba ǃgabe tsî hurirob ǃoa ge mî: “ǃNō! ǁGoea-ai!” Ob ge ǂoaba ge ǃnō tsîb ge ǃnōba ge ǁgoe.
40Tsîb ge Jesuba ǁkhāǁkhāsabega ge dî: “Tare-i ǃaroma go kha ǁnāti a ǃaoǃnâ? Noxopa go kha ǂgom tama hâ?”
41O gu ge kaise ǃao tsî ǁîǃnābe ge mîǀîgu: “Tariba kha nēba, hurib tsî ǂoab tsîkha xas tsîna ra ǁnâuǀnamheba?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.