यूह 3
3
निकोदेमसलाइ येशूको शिक्षा
1फरिसि मान्सनको समुहमी हइ निकोदेमस नाउँ भया एक जाना मान्स थ्या। तिन यहुदि मान्सनका धार्मिक अगुवा थ्या, उन एक फरिसि थ्या। 2निकोदेमस रात येशूका वाँ आइबर उनलाइ भण्यो, “गुरुज्यू, हाम जाण्नाउ कि परमेश्वरले तमलाइ हामलाइ सिकाउनाइ पठया हो, क्याकि परमेश्वर संङइनि भएइन भण्या तमले अर्या यिन चिन्ह कोइलगइ अद्द सक्दइन”। 3येशूले तइलाइ भण्यो, “साँच्चि, म तुलाइ भण्नउ, कोइ नयाँ अरिबर जन्मनइन भण्या उइले परमेश्वरको राज्यको अनुभव अद्द सक्दइन”। 4निकोदेमसले येशूलाइ भण्यो, “यो कसेरी हुन सकन्छ एक मान्स भया पछा दोसर्या जन्मिनाइलाइ आफनी इजाको कोखमि जान सक्दइन।”
5येशूले भण्यो, “साँच्चि, म तमनलाइ भण्नउ, कोइ पानी रे आत्मा बठेइ जन्मनइन भण्या तइले कभइ लगइ परमेश्वरको राज्यमि पस्स पाउन्या होइन। 6मान्सले मान्सलाइ मान्तर जन्माउन सकन्छ, तर पबित्र आत्माले स्वर्ग बठेइ नयाँ जन्म दिनाहान। 7मइले तुलाइ नयाँ अरिबर जन्मनु पणन्छ भण्नज्या अचम्म जन माणइ। 8बतास जइतिर चलन्छ उसइतिर जान्छ। तु बतासको आवाज सुणन्छइ, तर त्यो काँ बठेइ आउँछ रे काँ जान्छ त्यो जाँण्नइनि। पबित्र आत्मा बठेइ जन्म्या हरेक मान्स तसोइ हुन्छ”।
9निकोदेमसले उनलाइ सोध्यो, “यो कसेरी हुन सकन्छ?”
10येशूले तइलाइ भण्यो, “तु इस्राएल देशको एक धर्मि गुरु हइ, रे साच्ची तुइले यिन कुरणी बुज्जु पणन्छ? 11साँच्चि, म तुलाइ भण्नउ, हाम जी जाण्नाउ त्यो भण्नाउ, रे हामले जी धेकिराइछौ तसइको गवाही दिनाउ, तर तमन हामरो गवाहीमी बिश्वास अद्दानु। 12मइले तमलाइ धर्तिका कुरणी भण्या लगइ तमन बिश्वास अद्दानु, तर तमलाइ स्वर्गकी कुरणी भण्याबर कसेरी बिश्वास अद्द सकन्छउ? 13स्वर्गमि कोइलगइ गया आथिन, तर म, मान्सको चेलो स्वर्ग बठेइ ओलीबर आया हु। 14जसेरि मोशाले उजाड ठाउँमि पितलको स्याप उचायो, तसेरि म, मान्सको चेलो उचाइनु पणन्छ, 15रे जइ-जइले ममि बिश्वास अरन्छ, तइले अनन्त जीवन पाउछ।”
16क्याकि परमेश्वरले संसारलाइ यिसो प्रेम अर्यो, कि उनले आफ्नो एकइ चेलो लगइ दियो, कि उनमी बिश्वास अद्द्या कोइलगइ नास जनहउ, तर तइले अनन्त जीवन पाओस। 17क्याकि परमेश्वरले संसारलाइ दोषि ठहराउनाइ भणि चेलालाइ संसारमी पठाएइन, तर संसार उन बठेइ बच्च सकउ भणबर पठायो। 18जइले परमेश्वरका चेलामी बिश्वास अरन्छ, त्यो दोषि ठहरिनइन, तर बिश्वास नअद्द्या पइल्ली दोषि ठहरिसक्या छ, क्याकि उइले परमेश्वरका चेलाका नाउँमि बिश्वास अर्या आथिन। 19दोस यिसेरी लागन्छ कि, ज्योति संसारमी आइरइछ, रे मान्सले ज्योति भण्ना बरु अनारो निको माण्यो, क्याकि तिनरा काम दुष्ट थ्या। 20दुष्ट काम अद्द्या हरेकले ज्योतिलाइ घृणा अरन्छ, रे ज्योतिमि आउनइन, नति तइका दुष्ट काम धेकि जानाहान। 21सत्य बठेइ जिउन्या मान्स ज्योतिमि आउँछ, रे जो परमेश्वर भण्नाहान तसइ तिननले अरुन।
बप्तिस्मा दिन्या यूहन्नाको पइल्लिको गवाही
22यइ पछा येशू रे उनरा शिष्या यहुदिया जिल्लामि गया, रे ताँ तिनन केइ दिन बस्या, रे बप्तिस्मा दियो। 23यूहन्नाले एनोन गाउँमी बप्तिस्मा दिन्थ्या, जो सामरिया जिल्लाको सलिम सहरको नजिकै थ्यो। ताँ भौत पानी थ्यो रे मान्स आउँथ्या रे बप्तिस्मा लिन्थ्या। 24यूहन्ना तइ बेला सम्म झेल पड्या थेइन। 25तसइ बेला यूहन्नाका शिष्याको एक जाना यहुदि मान्ससित धार्मिक चलन अन्सार सुद्द हुन्या बारेमि बहस भयो। 26रे यूहन्नाका शिष्या आइबर तिननले भण्यो, “गुरुज्यू, जो मान्स यर्दन नदिको पुर्वतिर तमसित थ्यो, रे जइका बारेमि तमले भणिराइथ्या, हेद्दा, उन बप्तिस्मा दिन्ना छन, रे सब उनरा वाँ जान्नाछन”।
27यूहन्नाले भण्यो, “मान्सलाइ स्वर्ग बठेइ नदिइय्या सम्म तइले केइ कुरणी पाउन सक्दैन। 28तमन आफइले मइले भणन्या सुणन्या छौ, ‘म ख्रीष्ट होइन, तर म उन भण्ना पइल्ली पठाइया हु।’ 29ब्याउला ब्याउलिसित ब्या अरिहाल्न्छ, तर ब्याउलाका सँङइीन कल्लिबर हेद्दाहान रे सुण्नाहान रे भौत आनन्दित हुनाहान, तसेरि मेरो मन लगइ भौत आनन्दले भरिन्छ। 30उन आजी बढी ठुला हुनु, रे म नानो हुनु आवश्यक छ।”
31“मल्तिर बठेइ आउन्या सब भण्ना उच्च छन। धर्ति बठेइ हुन्या धर्तिको हो, रे धर्तीकि कुरणी अरन्छ। स्वर्ग बठेइ आउन्या सब भण्ना उच्च छन। 32उनले जी धेक्या रे सुण्या छ, तइको गवाही उन दिनाहान, तर उनरो गवाही थोकाइ मान्सनले ग्रहण अद्दाइन। 33तर जइले उनरो गवाही ग्रहण अरिराइछ, तइले परमेश्वर सत्य हुन भण्न्या कुरणीको प्रमाण दिन्छ। 34क्याकि जइलाइ परमेश्वरले पठायो, तइले परमेश्वरको वाणी बोलन्छ, क्याकि परमेश्वरले ननापिबरइ पबित्र आत्मा दिनाहान। 35पिताले चेलोलाइ प्रेम अद्दाहान, रे सब चिज उनराइ हातमि दिइराइछ। 36जइले परमेश्वरका चेलोमी बिश्वास अरन्छ, तइसित अनन्त जीवन छ। जइले चेलोको भण्या माण्नइन, तइले अनन्त जीवन पाया आथिन, तर परमेश्वरको दण्ड तइमि रइरन्छ।”
Currently Selected:
यूह 3: DTYNT
Highlight
Share
Copy
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.
यूह 3
3
निकोदेमसलाइ येशूको शिक्षा
1फरिसि मान्सनको समुहमी हइ निकोदेमस नाउँ भया एक जाना मान्स थ्या। तिन यहुदि मान्सनका धार्मिक अगुवा थ्या, उन एक फरिसि थ्या। 2निकोदेमस रात येशूका वाँ आइबर उनलाइ भण्यो, “गुरुज्यू, हाम जाण्नाउ कि परमेश्वरले तमलाइ हामलाइ सिकाउनाइ पठया हो, क्याकि परमेश्वर संङइनि भएइन भण्या तमले अर्या यिन चिन्ह कोइलगइ अद्द सक्दइन”। 3येशूले तइलाइ भण्यो, “साँच्चि, म तुलाइ भण्नउ, कोइ नयाँ अरिबर जन्मनइन भण्या उइले परमेश्वरको राज्यको अनुभव अद्द सक्दइन”। 4निकोदेमसले येशूलाइ भण्यो, “यो कसेरी हुन सकन्छ एक मान्स भया पछा दोसर्या जन्मिनाइलाइ आफनी इजाको कोखमि जान सक्दइन।”
5येशूले भण्यो, “साँच्चि, म तमनलाइ भण्नउ, कोइ पानी रे आत्मा बठेइ जन्मनइन भण्या तइले कभइ लगइ परमेश्वरको राज्यमि पस्स पाउन्या होइन। 6मान्सले मान्सलाइ मान्तर जन्माउन सकन्छ, तर पबित्र आत्माले स्वर्ग बठेइ नयाँ जन्म दिनाहान। 7मइले तुलाइ नयाँ अरिबर जन्मनु पणन्छ भण्नज्या अचम्म जन माणइ। 8बतास जइतिर चलन्छ उसइतिर जान्छ। तु बतासको आवाज सुणन्छइ, तर त्यो काँ बठेइ आउँछ रे काँ जान्छ त्यो जाँण्नइनि। पबित्र आत्मा बठेइ जन्म्या हरेक मान्स तसोइ हुन्छ”।
9निकोदेमसले उनलाइ सोध्यो, “यो कसेरी हुन सकन्छ?”
10येशूले तइलाइ भण्यो, “तु इस्राएल देशको एक धर्मि गुरु हइ, रे साच्ची तुइले यिन कुरणी बुज्जु पणन्छ? 11साँच्चि, म तुलाइ भण्नउ, हाम जी जाण्नाउ त्यो भण्नाउ, रे हामले जी धेकिराइछौ तसइको गवाही दिनाउ, तर तमन हामरो गवाहीमी बिश्वास अद्दानु। 12मइले तमलाइ धर्तिका कुरणी भण्या लगइ तमन बिश्वास अद्दानु, तर तमलाइ स्वर्गकी कुरणी भण्याबर कसेरी बिश्वास अद्द सकन्छउ? 13स्वर्गमि कोइलगइ गया आथिन, तर म, मान्सको चेलो स्वर्ग बठेइ ओलीबर आया हु। 14जसेरि मोशाले उजाड ठाउँमि पितलको स्याप उचायो, तसेरि म, मान्सको चेलो उचाइनु पणन्छ, 15रे जइ-जइले ममि बिश्वास अरन्छ, तइले अनन्त जीवन पाउछ।”
16क्याकि परमेश्वरले संसारलाइ यिसो प्रेम अर्यो, कि उनले आफ्नो एकइ चेलो लगइ दियो, कि उनमी बिश्वास अद्द्या कोइलगइ नास जनहउ, तर तइले अनन्त जीवन पाओस। 17क्याकि परमेश्वरले संसारलाइ दोषि ठहराउनाइ भणि चेलालाइ संसारमी पठाएइन, तर संसार उन बठेइ बच्च सकउ भणबर पठायो। 18जइले परमेश्वरका चेलामी बिश्वास अरन्छ, त्यो दोषि ठहरिनइन, तर बिश्वास नअद्द्या पइल्ली दोषि ठहरिसक्या छ, क्याकि उइले परमेश्वरका चेलाका नाउँमि बिश्वास अर्या आथिन। 19दोस यिसेरी लागन्छ कि, ज्योति संसारमी आइरइछ, रे मान्सले ज्योति भण्ना बरु अनारो निको माण्यो, क्याकि तिनरा काम दुष्ट थ्या। 20दुष्ट काम अद्द्या हरेकले ज्योतिलाइ घृणा अरन्छ, रे ज्योतिमि आउनइन, नति तइका दुष्ट काम धेकि जानाहान। 21सत्य बठेइ जिउन्या मान्स ज्योतिमि आउँछ, रे जो परमेश्वर भण्नाहान तसइ तिननले अरुन।
बप्तिस्मा दिन्या यूहन्नाको पइल्लिको गवाही
22यइ पछा येशू रे उनरा शिष्या यहुदिया जिल्लामि गया, रे ताँ तिनन केइ दिन बस्या, रे बप्तिस्मा दियो। 23यूहन्नाले एनोन गाउँमी बप्तिस्मा दिन्थ्या, जो सामरिया जिल्लाको सलिम सहरको नजिकै थ्यो। ताँ भौत पानी थ्यो रे मान्स आउँथ्या रे बप्तिस्मा लिन्थ्या। 24यूहन्ना तइ बेला सम्म झेल पड्या थेइन। 25तसइ बेला यूहन्नाका शिष्याको एक जाना यहुदि मान्ससित धार्मिक चलन अन्सार सुद्द हुन्या बारेमि बहस भयो। 26रे यूहन्नाका शिष्या आइबर तिननले भण्यो, “गुरुज्यू, जो मान्स यर्दन नदिको पुर्वतिर तमसित थ्यो, रे जइका बारेमि तमले भणिराइथ्या, हेद्दा, उन बप्तिस्मा दिन्ना छन, रे सब उनरा वाँ जान्नाछन”।
27यूहन्नाले भण्यो, “मान्सलाइ स्वर्ग बठेइ नदिइय्या सम्म तइले केइ कुरणी पाउन सक्दैन। 28तमन आफइले मइले भणन्या सुणन्या छौ, ‘म ख्रीष्ट होइन, तर म उन भण्ना पइल्ली पठाइया हु।’ 29ब्याउला ब्याउलिसित ब्या अरिहाल्न्छ, तर ब्याउलाका सँङइीन कल्लिबर हेद्दाहान रे सुण्नाहान रे भौत आनन्दित हुनाहान, तसेरि मेरो मन लगइ भौत आनन्दले भरिन्छ। 30उन आजी बढी ठुला हुनु, रे म नानो हुनु आवश्यक छ।”
31“मल्तिर बठेइ आउन्या सब भण्ना उच्च छन। धर्ति बठेइ हुन्या धर्तिको हो, रे धर्तीकि कुरणी अरन्छ। स्वर्ग बठेइ आउन्या सब भण्ना उच्च छन। 32उनले जी धेक्या रे सुण्या छ, तइको गवाही उन दिनाहान, तर उनरो गवाही थोकाइ मान्सनले ग्रहण अद्दाइन। 33तर जइले उनरो गवाही ग्रहण अरिराइछ, तइले परमेश्वर सत्य हुन भण्न्या कुरणीको प्रमाण दिन्छ। 34क्याकि जइलाइ परमेश्वरले पठायो, तइले परमेश्वरको वाणी बोलन्छ, क्याकि परमेश्वरले ननापिबरइ पबित्र आत्मा दिनाहान। 35पिताले चेलोलाइ प्रेम अद्दाहान, रे सब चिज उनराइ हातमि दिइराइछ। 36जइले परमेश्वरका चेलोमी बिश्वास अरन्छ, तइसित अनन्त जीवन छ। जइले चेलोको भण्या माण्नइन, तइले अनन्त जीवन पाया आथिन, तर परमेश्वरको दण्ड तइमि रइरन्छ।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dotyali (डोटेली) New Testament, by The Love Fellowship is licensed under Creative Commons Attribution-ShareAlike 4.0 License.