Yʉanɨ 17
17
Yeso akʉtɨa ɓakpataka ngiɓangɔ Asʉɓɨɨ
1Iya Yeso a꞉pipo yaka moni ngikʉnanɨ ɓʉ gba, ambʉtɨna waja ekoo ʉ ɓisi ambusigo ɓɔ: « Tidoo, wati wʉ꞉ndana tiga ndanaa. Bibiso Mwana asɔɔ, ambʉ Mwana asɔɔ unabibiso ɔwɛ kʉ bibisoo! » 2Ngbanga kʉndʉ iya wa꞉munzo‑ɔɔ ɓʉngama ekoo ɨtaka kʉ iɓomu, ɛyɔ u꞊nzo ʉɓɨɨ nguangɔ wʉ mɨtʉ yɨ ɨpá nʉ mɨtʉ yɨ ɨpá ekoo ɓombi ngiɓa wa꞉ɓʉnapɨa akʉ lɨkɔndɔ langɔ. 3Nʉ ʉɓɨɨ wʉ mɨtʉ yɨ ɨpá nʉ mɨtʉ yɨ ɨpá ya tʉkʉ nɔwɛ kʉmbɨa ɔwɛ Asʉɓɨɨ ngia wʉ ingono ngia wa kʉ nangana. Nʉ ɓata ya kʉ kʉbaya Yeso Klisito ngia ɔwɛ wa꞉mʉtʉma. 4Ɛmɛ ma꞉nabibiso ɔwɛ ya akʉ ɨtaka bibisoo, mambundaniso kuu ngia wa꞉nanzo ɓɔ mʉkyɨa. 5Tidoo! Ɨtakɨ‑takɨ ngiakɛ, nanzo ɨbɨba anambamba asɔɔ ngbanga kʉndʉ iya mi꞉nye nayɔ anambamba asɔɔ pɛɛ ɔɔ kyɨɛ ɨtaka.
6Ma꞉mbiiso ɓombi ngiɓa wa꞉nanzo ya akʉ ɨtaka ɓɔ wa Asʉɓɨɨ. Nʉ ɛɓɔ ɓi꞉nye ɓombi ɓʉsɔɔ wambunanzo tiga ɛɓɔ ɛmɛ. Kija ɛɓɔ ɓa꞉pɨmakɨa ʉpanʉ nguʉsɔɔ tʉkʉ pɨmakɨaa. 7Ɨtakɨ‑takɨ ngiakɛ ɓa tiga kupimiso kusigo ɓɔ ɨkyɛmɛ kʉ iɓomu ngia wa꞉nanzo yaaʉngwa tʉkʉ andɔɔ. 8Jʉ ma꞉ɓʉngakɨa moni ngika wa꞉natitio, ɛɓɔ ɓambʉkʉbaya tʉkʉ bayaa. Ɓambupimiso kingono ɓɔ ma꞉ʉngwa andɔɔ, ɓambʉɓaya ɓɔ tʉkʉ ɔwɛ kʉ wa꞉natʉma.
9Ɛmɛ manɔwɛ kʉta aka ekoo ʉndaɓʉ. Mambʉkɔmʉ kʉta aka ekoo ɓombi ɓʉ ɨtaka, ɨkyɛmɨngana makʉta tʉkʉ aka ekoo ʉ ɓombi ngiɓa wa꞉ɓunzo akʉ lɨkɔndɔ lʉsɛmɛ, jʉ ɛɓɔ ɓa ɓombi ɓʉsɔɔ. 10Ɨkyɛmɛ kʉ iɓomu ngia manayɔ, ya yɨsɔɔ, nʉ ɨkyɛmɛ kʉ iɓomu ngia ɔwɛ wanayɔ, ya ɓata kʉ yɨsɛmɛ. Kʉ ɓwanɨ, ɨbɨba ngiisɛmɛ yakʉpananɨa kingono amati ʉ ʉɓɨɨ nguʉndaɓʉ. 11Ɛmɛ mambʉkɔmʉ tii ɓata kuɓio akʉ ɨtaka aka, ɨkyɛmɨngana ɛɓɔ ɓa‑zʉ kuɓio tʉkʉ akʉ ɨtaka aka. Ɛmɛ ma tiga kʉtʉa andɔɔ. Tidoo ngia ɔɔ Tu, ɓʉpɨmakɨa ɓaka akʉ angu wʉ ino ngiisɔɔ. Ino ngiinanɨ iiya wa꞉nanzo ɛmɛ, ambʉ ɓuɓio tʉkʉ ɨkyɛmɛ mɨngana ngbanga kʉndʉ iya isu nɔwɛ ka‑ɔɔ ɨkyɛmɛ mɨngana. 12Ati ngia ki꞉nye‑ɔɔ ɨzɔ naɓɔ, mi꞉nye naɓɔ tʉkʉ kʉpɨmakɨa nʉ angu wʉ ino ngiisɔɔ, iya wa꞉nanzo. Ɛmɛ ma꞉ɓʉpɨmakɨa pɨmakɨaa, nʉ gʉkʉ mʉngana ati ʉndaɓʉ a꞉yangaa, yambikinye tʉkʉ iya a꞉kwanana jɛnɛ kʉyangaa. Jʉ yi꞉nye kʉta ɓɔ moni ngika ɓa꞉tɨndakɨa amati ʉ Mubio kʉ Asʉɓɨɨ kʉkyananakɨa tʉkʉ kyananakɨaa.
13Ɨkyɛmɨngana, ɨtakɨ‑takɨ ngiakɛ ma tiga kʉtʉa kʉ andɔɔ, nʉ makusigo moni ngikakɛ mi꞉nye‑zʉ kʉ ya akʉ ɨtaka, aka ekoo ngia ɓɔ ɨgyagya ngiisɛmɛ yiɓio tiga ɨja nadɨndɨ amati ʉndaɓʉ. 14Ɛmɛ ma꞉ɓʉɓɨakɨa ɨsaʉ ngiisɔɔ, ɨtaka yambʉɓʉyaa jʉ ɛɓɔ ɓambʉkɔmʉ ɓombi ɓʉ ɨtaka, kʉndʉ ɛmɛ mambʉkɔmʉ mombi ʉ ɨtaka kʉ ɓwanɨ. 15Mambʉkɔmʉ nɔwɛ kʉta ɓɔ ɓungwiso akʉ ɨtaka, ɨkyɛmɨngana manɔwɛ kʉta ɓɔ ɓʉpɨmakɨa ɓɔ ɓɔɔkwakɔmʉ akʉ lɨkɔndɔ lʉ Makwa. 16Ɛɓɔ ɓambʉkɔmʉ ɓombi ɓʉ ɨtaka, kʉndʉ ɛmɛ mambʉkɔmʉ mombi wʉ ɨtaka kʉ ɓwanɨ. 17Ɓʉjaɓaka jaɓakaa ambʉ ɓʉnɨtanaka tii tʉkʉ ɓombi ɓʉsɔɔ ɨngbaa akʉ ɓingono. Jʉ ʉpanʉ nguʉsɔɔ wa ingono. 18Ngbanga kʉndʉ iya ɔwɛ wa꞉natʉma akʉ ɨtaka, ɛmɛ ma꞉ɓʉtʉma ɛɓɔ akʉ ɨtaka kʉ ɓwanɨ. 19Ɛmɛ makunzono kʉ uɓomu akʉ ɔwɛ aka ekoo ʉndaɓʉ, ambʉ ɛɓɔ ɓunzono kingono akʉ ɔwɛ kʉ ɓwanɨ.
Yeso akʉtɨa ɓombi ngiɓa ɓa꞊mʉbaya sina mbise
20« Mambʉkɔmʉ kʉta tʉkʉ ekoo ɓakpataka ngiɓʉsɛmɛ, ɨkyɛmɨngana ma kʉ kʉta ekoo ɓombi ngiɓa ba꞊nabaya sina mbise aka ekoo ʉ nɨkɔ mapanʉ ngikʉndaɓʉ. 21Makʉta aka ekoo ngia ɓɔ ɛɓɔ kʉ ɓuɓomu ɓuɓio tʉkʉ ɨkyɛmɛ mɨngana. Tidoo, ngbanga kʉndʉ ɔwɛ wa amati asɛmɛ, ɛmɛ ma kʉ amati asɔɔ, ma kʉ kʉta ɓɔ ɛɓɔ ɓuɓio tʉkʉ amati ʉndɛsʉ. Ɓuɓio tʉkʉ 'ʉtʉma mungono, ambʉ ɨtaka yɨ꞊kwanana kʉbaya ɓɔ tʉkʉ ɔwɛ kʉ wa꞉natʉma.
22Ɨbɨba ngia wa꞉nanzo ɛmɛ, ma꞉ɓunzo ɛɓɔ kʉ kunzoo, aka ekoo ngia ɓɔ ɓuɓio tʉkʉ ɨkyɛmɛ mɨngana kʉndʉ isu nɔwɛ ka‑ɔɔ kʉ ɨkyɛmɛ mɨngana. 23Ɛmɛ makʉta ɓɔ muɓio amati ʉndaɓʉ, ɔwɛ wambuɓio amati asɛmɛ, ambʉ ɛɓɔ ɓuɓio kingono ɨkyɛmɛ mɨngana, ambʉ ɨtaka yɨmbɨa ɓɔ tʉkʉ ɔwɛ kʉ wa꞉natʉma nʉ ɓɔ waaɓʉkʉnda ɛɓɔ kʉndʉ waanakʉnda ɛmɛ. 24Tidoo, makʉkʉnda ɓɔ ɓombi ngiɓa wa꞉nanzo ɓuɓio gʉ tʉkʉ ɨzɔ nɛmɛ akʉ maɓio‑ɔɔ, ɓambʉna ɨbɨba ngiisɛmɛ iya wa꞉nanzo. Jʉ wa꞉nakʉnda jɛnɛ ɛmɛ tʉkʉ pɛɛ ɔɔ kyɨɛ ɨtaka. 25Tidoo! Ɔwɛ ngia wa ngbingbii, abana ndʉ ɨtaka yɨnambɨenikɔmʉ jɛnɛ kititi, ɨkyɛmɨngana ɛmɛ ma꞉nambɨa mbɨaa, nʉ ɓakpataka ngiɓʉsɛmɛ aɓɛ ɓa꞉mbɨa kʉ mbɨaa ɓɔ kʉ ɔwɛ wa꞉natʉma. 26Ɛmɛ ma꞉panɨa ɨsaʉ ekoo asɔɔ panɨaa, nʉ maɓio naɓɔ tʉkʉ kʉpanɨa engo, ambʉ ɓʉkʉnda ngiɓa wanaɓɔ ekoo asɛmɛ ɓuɓio kʉ amati ʉndaɓʉ, nʉ ɛmɛ makʉɔngɔ mambuɓio kʉ amati ʉndaɓʉ. »
Currently Selected:
Yʉanɨ 17: BudKoya
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Yʉanɨ 17
17
Yeso akʉtɨa ɓakpataka ngiɓangɔ Asʉɓɨɨ
1Iya Yeso a꞉pipo yaka moni ngikʉnanɨ ɓʉ gba, ambʉtɨna waja ekoo ʉ ɓisi ambusigo ɓɔ: « Tidoo, wati wʉ꞉ndana tiga ndanaa. Bibiso Mwana asɔɔ, ambʉ Mwana asɔɔ unabibiso ɔwɛ kʉ bibisoo! » 2Ngbanga kʉndʉ iya wa꞉munzo‑ɔɔ ɓʉngama ekoo ɨtaka kʉ iɓomu, ɛyɔ u꞊nzo ʉɓɨɨ nguangɔ wʉ mɨtʉ yɨ ɨpá nʉ mɨtʉ yɨ ɨpá ekoo ɓombi ngiɓa wa꞉ɓʉnapɨa akʉ lɨkɔndɔ langɔ. 3Nʉ ʉɓɨɨ wʉ mɨtʉ yɨ ɨpá nʉ mɨtʉ yɨ ɨpá ya tʉkʉ nɔwɛ kʉmbɨa ɔwɛ Asʉɓɨɨ ngia wʉ ingono ngia wa kʉ nangana. Nʉ ɓata ya kʉ kʉbaya Yeso Klisito ngia ɔwɛ wa꞉mʉtʉma. 4Ɛmɛ ma꞉nabibiso ɔwɛ ya akʉ ɨtaka bibisoo, mambundaniso kuu ngia wa꞉nanzo ɓɔ mʉkyɨa. 5Tidoo! Ɨtakɨ‑takɨ ngiakɛ, nanzo ɨbɨba anambamba asɔɔ ngbanga kʉndʉ iya mi꞉nye nayɔ anambamba asɔɔ pɛɛ ɔɔ kyɨɛ ɨtaka.
6Ma꞉mbiiso ɓombi ngiɓa wa꞉nanzo ya akʉ ɨtaka ɓɔ wa Asʉɓɨɨ. Nʉ ɛɓɔ ɓi꞉nye ɓombi ɓʉsɔɔ wambunanzo tiga ɛɓɔ ɛmɛ. Kija ɛɓɔ ɓa꞉pɨmakɨa ʉpanʉ nguʉsɔɔ tʉkʉ pɨmakɨaa. 7Ɨtakɨ‑takɨ ngiakɛ ɓa tiga kupimiso kusigo ɓɔ ɨkyɛmɛ kʉ iɓomu ngia wa꞉nanzo yaaʉngwa tʉkʉ andɔɔ. 8Jʉ ma꞉ɓʉngakɨa moni ngika wa꞉natitio, ɛɓɔ ɓambʉkʉbaya tʉkʉ bayaa. Ɓambupimiso kingono ɓɔ ma꞉ʉngwa andɔɔ, ɓambʉɓaya ɓɔ tʉkʉ ɔwɛ kʉ wa꞉natʉma.
9Ɛmɛ manɔwɛ kʉta aka ekoo ʉndaɓʉ. Mambʉkɔmʉ kʉta aka ekoo ɓombi ɓʉ ɨtaka, ɨkyɛmɨngana makʉta tʉkʉ aka ekoo ʉ ɓombi ngiɓa wa꞉ɓunzo akʉ lɨkɔndɔ lʉsɛmɛ, jʉ ɛɓɔ ɓa ɓombi ɓʉsɔɔ. 10Ɨkyɛmɛ kʉ iɓomu ngia manayɔ, ya yɨsɔɔ, nʉ ɨkyɛmɛ kʉ iɓomu ngia ɔwɛ wanayɔ, ya ɓata kʉ yɨsɛmɛ. Kʉ ɓwanɨ, ɨbɨba ngiisɛmɛ yakʉpananɨa kingono amati ʉ ʉɓɨɨ nguʉndaɓʉ. 11Ɛmɛ mambʉkɔmʉ tii ɓata kuɓio akʉ ɨtaka aka, ɨkyɛmɨngana ɛɓɔ ɓa‑zʉ kuɓio tʉkʉ akʉ ɨtaka aka. Ɛmɛ ma tiga kʉtʉa andɔɔ. Tidoo ngia ɔɔ Tu, ɓʉpɨmakɨa ɓaka akʉ angu wʉ ino ngiisɔɔ. Ino ngiinanɨ iiya wa꞉nanzo ɛmɛ, ambʉ ɓuɓio tʉkʉ ɨkyɛmɛ mɨngana ngbanga kʉndʉ iya isu nɔwɛ ka‑ɔɔ ɨkyɛmɛ mɨngana. 12Ati ngia ki꞉nye‑ɔɔ ɨzɔ naɓɔ, mi꞉nye naɓɔ tʉkʉ kʉpɨmakɨa nʉ angu wʉ ino ngiisɔɔ, iya wa꞉nanzo. Ɛmɛ ma꞉ɓʉpɨmakɨa pɨmakɨaa, nʉ gʉkʉ mʉngana ati ʉndaɓʉ a꞉yangaa, yambikinye tʉkʉ iya a꞉kwanana jɛnɛ kʉyangaa. Jʉ yi꞉nye kʉta ɓɔ moni ngika ɓa꞉tɨndakɨa amati ʉ Mubio kʉ Asʉɓɨɨ kʉkyananakɨa tʉkʉ kyananakɨaa.
13Ɨkyɛmɨngana, ɨtakɨ‑takɨ ngiakɛ ma tiga kʉtʉa kʉ andɔɔ, nʉ makusigo moni ngikakɛ mi꞉nye‑zʉ kʉ ya akʉ ɨtaka, aka ekoo ngia ɓɔ ɨgyagya ngiisɛmɛ yiɓio tiga ɨja nadɨndɨ amati ʉndaɓʉ. 14Ɛmɛ ma꞉ɓʉɓɨakɨa ɨsaʉ ngiisɔɔ, ɨtaka yambʉɓʉyaa jʉ ɛɓɔ ɓambʉkɔmʉ ɓombi ɓʉ ɨtaka, kʉndʉ ɛmɛ mambʉkɔmʉ mombi ʉ ɨtaka kʉ ɓwanɨ. 15Mambʉkɔmʉ nɔwɛ kʉta ɓɔ ɓungwiso akʉ ɨtaka, ɨkyɛmɨngana manɔwɛ kʉta ɓɔ ɓʉpɨmakɨa ɓɔ ɓɔɔkwakɔmʉ akʉ lɨkɔndɔ lʉ Makwa. 16Ɛɓɔ ɓambʉkɔmʉ ɓombi ɓʉ ɨtaka, kʉndʉ ɛmɛ mambʉkɔmʉ mombi wʉ ɨtaka kʉ ɓwanɨ. 17Ɓʉjaɓaka jaɓakaa ambʉ ɓʉnɨtanaka tii tʉkʉ ɓombi ɓʉsɔɔ ɨngbaa akʉ ɓingono. Jʉ ʉpanʉ nguʉsɔɔ wa ingono. 18Ngbanga kʉndʉ iya ɔwɛ wa꞉natʉma akʉ ɨtaka, ɛmɛ ma꞉ɓʉtʉma ɛɓɔ akʉ ɨtaka kʉ ɓwanɨ. 19Ɛmɛ makunzono kʉ uɓomu akʉ ɔwɛ aka ekoo ʉndaɓʉ, ambʉ ɛɓɔ ɓunzono kingono akʉ ɔwɛ kʉ ɓwanɨ.
Yeso akʉtɨa ɓombi ngiɓa ɓa꞊mʉbaya sina mbise
20« Mambʉkɔmʉ kʉta tʉkʉ ekoo ɓakpataka ngiɓʉsɛmɛ, ɨkyɛmɨngana ma kʉ kʉta ekoo ɓombi ngiɓa ba꞊nabaya sina mbise aka ekoo ʉ nɨkɔ mapanʉ ngikʉndaɓʉ. 21Makʉta aka ekoo ngia ɓɔ ɛɓɔ kʉ ɓuɓomu ɓuɓio tʉkʉ ɨkyɛmɛ mɨngana. Tidoo, ngbanga kʉndʉ ɔwɛ wa amati asɛmɛ, ɛmɛ ma kʉ amati asɔɔ, ma kʉ kʉta ɓɔ ɛɓɔ ɓuɓio tʉkʉ amati ʉndɛsʉ. Ɓuɓio tʉkʉ 'ʉtʉma mungono, ambʉ ɨtaka yɨ꞊kwanana kʉbaya ɓɔ tʉkʉ ɔwɛ kʉ wa꞉natʉma.
22Ɨbɨba ngia wa꞉nanzo ɛmɛ, ma꞉ɓunzo ɛɓɔ kʉ kunzoo, aka ekoo ngia ɓɔ ɓuɓio tʉkʉ ɨkyɛmɛ mɨngana kʉndʉ isu nɔwɛ ka‑ɔɔ kʉ ɨkyɛmɛ mɨngana. 23Ɛmɛ makʉta ɓɔ muɓio amati ʉndaɓʉ, ɔwɛ wambuɓio amati asɛmɛ, ambʉ ɛɓɔ ɓuɓio kingono ɨkyɛmɛ mɨngana, ambʉ ɨtaka yɨmbɨa ɓɔ tʉkʉ ɔwɛ kʉ wa꞉natʉma nʉ ɓɔ waaɓʉkʉnda ɛɓɔ kʉndʉ waanakʉnda ɛmɛ. 24Tidoo, makʉkʉnda ɓɔ ɓombi ngiɓa wa꞉nanzo ɓuɓio gʉ tʉkʉ ɨzɔ nɛmɛ akʉ maɓio‑ɔɔ, ɓambʉna ɨbɨba ngiisɛmɛ iya wa꞉nanzo. Jʉ wa꞉nakʉnda jɛnɛ ɛmɛ tʉkʉ pɛɛ ɔɔ kyɨɛ ɨtaka. 25Tidoo! Ɔwɛ ngia wa ngbingbii, abana ndʉ ɨtaka yɨnambɨenikɔmʉ jɛnɛ kititi, ɨkyɛmɨngana ɛmɛ ma꞉nambɨa mbɨaa, nʉ ɓakpataka ngiɓʉsɛmɛ aɓɛ ɓa꞉mbɨa kʉ mbɨaa ɓɔ kʉ ɔwɛ wa꞉natʉma. 26Ɛmɛ ma꞉panɨa ɨsaʉ ekoo asɔɔ panɨaa, nʉ maɓio naɓɔ tʉkʉ kʉpanɨa engo, ambʉ ɓʉkʉnda ngiɓa wanaɓɔ ekoo asɛmɛ ɓuɓio kʉ amati ʉndaɓʉ, nʉ ɛmɛ makʉɔngɔ mambuɓio kʉ amati ʉndaɓʉ. »
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.