Matayɔ 24
24
Yeso usigo ɓɔ ɓa꞊panza ɨkáa yɨ Asʉɓɨɨ panzaa
(Mak 13:1-2; Luk 21:5-6)
1Ati ngia Yeso a꞉ɓʉa‑ɔɔ akʉ ɨkáa yɨ Asʉɓɨɨ, ɓakpataka ngiɓangɔ ɓambʉka anambamba angɔ, gʉ ɛɓɔ nayɔ ɓɔ: « Hu, ʉna‑zʉ akʉ ɓa꞉tɨa‑ɛɛ ɨkáa yɨ Asʉɓɨɨ! » 2Kija Yeso a꞉ɓusigio ɓɔ: « Maninu kusigio tʉkʉ kingono ɓɔ, kʉ iɓomu ngiinanɨ nakʉna aka, ikopi ngia ya꞊tukuo ekoo ʉ iya yɛmɔ yambukuɓio. Ɓa꞊to sina kʉ iɓomu tʉkʉ akɛsɨ ɓʉ gbatata! »
Lisisinio ngila lʉ 'upipio wʉ ʉɓɨɨ
(Mak 13:3-13; Luk 21:7-19)
3Ati ngia Yeso i꞉nye‑ɔɔ ɓuwei ekoo ʉ ɨkpangba yɨ Mijeituni, ɓakpataka ngiɓangɔ ɓambʉsa tinene nayɔ tii tʉkʉ ɛɓɔ, gʉ ɛɓɔ nayɔ ɓɔ: « Tɨɓɨa‑zʉ wati ngua moni ngikʉnanɨ ka꞊kyananakɨa sina‑ɔɔ. Nʉ isisinio tɨmanɨ iya ya꞊pananiso nɨka ngiisɔɔ, nʉ 'upipio wʉ ʉɓɨɨ? » 4Yeso ambuɓutisio ɓɔ: « Pɨmɨeni pɨmɨaa! Mombi ɔɔnɨpɨtakɔmʉ! 5Jʉ ɓombi ɓaja ɓa꞊ka sina nʉ ino ngiisɛmɛ, ɓinyeni kusigo ɓɔ: ‹ Ɛmɛ Klisito iya! › Nʉ ɓa꞊pɨtaka sina ɓombi ɓaja! 6Ati ngia na꞊kɔ sina‑ɔɔ masaʉ kʉ ɗite nʉ ɓaakɔ ɓʉ ɗite, nɔɔmbambaniakɔmʉ. Jʉ yɨkwanana ɓɔ moni ngikʉnanɨ kʉkyɨanɨa‑zʉ tʉkʉ ndʉ ananɨ. Ɨkyɛmɨngana, iinanɨ yambukuɓio‑zʉ 'upipio wʉ ɨtaka.
7Mababa kʉ ɓombi ka꞊mana sina kʉ nʉ mababa kʉ ɓombi nga kɔmɔ. Nʉ ɓʉngama ɓa꞊mana sina kʉ nʉ ɓʉngama nga ɓɔmɔ. Taa yɛɛ ɨja ya꞊kwa sina, kija ajigijo a꞊ɓaa sina akʉ lɨkʉmbʉ kʉ di di di. 8Moni ngikʉnanɨ kʉ muɓomu kaɓio‑zʉ tʉkʉ ndʉ iya ʉnɔtɔ waadʉa‑ɔɔ moi.
9Ati ngiinanɨ, ɓa꞊faniso ɓisi ongo ninu kʉgaba aka ekoo ngia ɓɔ ɓunidyiso ɓʉka‑ɓʉkaɨ, nʉ ninu kʉdʉka. Nʉ mababa kʉ ɓombi kʉ muɓomu ka꞊nɨyaa ekoo ʉ ino ngiisɛmɛ. 10Ati ngiinanɨ, ɓombi ɓaja ɓa꞊sɨa ɓisi ongo baya ngiindaɓʉ. Ɓa꞊faniso yaana, nʉ gabana tii tʉkʉ ati ʉndaɓʉ. 11Lɨgbɛ lʉ yakanaka lɨja la꞊ɓwanɨa sina, nʉ ɓaɓio sina kʉpɨtaka ɓombi ɓaja. 12Jʉ ɓʉɓɨɓɨ ɓa꞊ka tiga ɓaja nadɨndɨ, nʉ ɓombi ɓambukuɓio tii nʉ ɓʉkʉnda ngiɓa ɓʉ ingono. 13Ɨkyɛmɨngana, mombi ngia a꞊maa ɓʉ ngbɔmʉ kʉɓʉya akʉ 'upipio a꞊nyɨa nʉ ɓʉhɨa. 14Ɓa꞊ɓɨakɨa Ɨsaʉ yɛɛ Iɗo ngiinanɨ yɨ Ɓʉngama ngiɓa ɓa ekoo ʉ ɓisi akʉ ɨtaka kʉ iɓomu, ambʉ mababa kʉ ɓombi kʉ muɓomu kʉɓʉa ɓʉtɛmʉ ɓɔngɔ. Kija mbise ɔngɔ, 'upipio wambʉka tiga. »
Ɓʉka‑ɓʉkaɨ ɓʉ wati wʉ upipio
(Mak 13:14-23; Luk 21:20-24)
15Yeso ambuɓusigio ɓata ɓɔ: « Ati ngia na꞊na‑ɔɔ ‹ Ɓʉɓɨɓɨ ngiɓa ɓɔɔ ɓʉɓaanɛ, iɓa ɓatambiso moni tii tʉkʉ ɓʉ yɔlɔ ›, iya ɨgbɛ Danyɛlɛ a꞉chwa moni kangɔ ɓɔ ɓʉmʉmaiso tii tʉkʉ akʉ ʉmʉa ngua wɔɔ Tu.#Popoko Dan 9:27; 11:31; 12:11 Mombi ngia akupopoko moni ngika, upimiso inyi yɛngɔ tʉkʉ iɗo.
16Ndʉ nana tiga moni ngikʉnanɨ, ya꞊kwanana ɓɔ ɓombi ngiɓa ɓaɓio amati ʉ gɨpa ʉ Yudɛa, ɓʉsa nʉ ɓangʉ akʉ lɨkpangba. 17Nʉ mombi ngia aɓio ekoo ʉ ʉpaʉ, ɔɔijo tii ɓata kʉchɨka ɨkyɛmɛ ambɛnɨ. 18Mombi ngia aɓio akʉ watɨnɨ, ɔɔtʉa tii ɓata andei kʉchɨka ɨpʉkʉ ngiangɔ. 19Ikoko nʉ ɓoi ɓʉ mʉmɨ, nʉ iɓa ɓaɓio sina kumwiso ɓana maɓɛɛ isiinanɨ! 20Teni Asʉɓɨɨ ɓɔ ɓisi ngiɓa nabi‑ɔɔ bangʉ, yɔɔɓiokɔmʉ wati wʉ vɛvʉ, yɛmɔ ɓisi ɓʉ Humuo ngiɓa ɓʉ Ɓayuda. 21Jʉ ati ngiinanɨ, ikanzi yɨ ɓʉka‑ɓʉkaɨ ngiɓʉnanɨ ɓabio ɓambʉgbʉkenikɔmʉ sina ɓombi kʉʉngwa aka Asʉɓɨɨ a꞉kyɨa‑ɔɔ ɨtaka, kʉɓʉya kʉndʉ ɓʉɓʉnɨ. Nʉ ɓambʉkʉka sina tii ɓata. 22Asʉɓɨɨ utuisenikɔmʉ jɛnɛ wati nguʉnanɨ kuɓio gbititi, ambʉ́ mombi gʉkʉ mʉngana ambʉkʉhɨa gʉkʉ ɗɛkɛkɛ. Ɨkyɛmɨngana, a꞉utuiso gbititi, ekoo ʉ ɓombi ngiɓa ɛyɔ makʉɔngɔ a꞉ɓʉchwa. 23Mombi unisigieni ɓɔ: ‹ Klisito aka ɓɔmɔ! › Yɛmɔ ɓɔ ‹ Ɛyɔ iya oki! › Nɔɔmʉbayakɔmʉ. 24Jʉ ɓombi ɓʉ yakanaka ɓa꞊ɓwanɨa ɓisi ongo iɓa ɓaɓio kusigo ɓɔ ɛɓɔ ɓa klisito, nʉ lɨgbɛ lʉ yakanaka. Nʉ ɓaɓio sina kʉkyɨa ɓamoni ɓɔɔ ɓʉmbangɛ nʉ ɓakɔkɔ kʉ di di di, kʉhata kukwisiso ɓombi ngiɓa Asʉɓɨɨ a꞉ɓʉchwa. 25Iiya mʉ꞉nɨɓɨa‑ɔɔ moni ngikʉnanɨ kʉpɛɛ!
26Kʉ ɓwanɨ, mombi unisigieni ɓɔ: ‹ Kangeni! Klisito iya a akʉ 'ukengu eki! › Nɔɔsakɔmʉ nani. Gʉ ɓɔ, ɓusigeni ɓɔ: ‹ Kangeni! Aʉɓatanɨɛ aka amati ʉ ɨkáa ngiakɛ! › Nɔɔmʉbayakɔmʉ.
27Jʉ nɨka ngia yɨ Mwana ngia ʉ Mombi, yaɓio sina ndʉ iya ʉgbaa waangɨnana‑ɔɔ ekoo ɓisi, kʉʉngwa akʉ ɨpá yaaɓʉa‑ɛɛ, kʉɓʉya kʉ akʉ yaakwa‑ɛɛ. 28Akʉ izi ngia mʉnda wakyɨa‑ɔɔ, ɓunoi ngiɓa ɓaadya mɨnda ɓaamʉmanɨa tiga kʉ ananɨ. »
Nɨka ngia yɨ Mwana ngia ʉ Mombi
(Mak 13:24-27; Luk 21:25-28)
29« Tʉkʉ isiinanɨ mbise ʉ ɓʉka‑ɓʉkaɨ ngiɓʉnanɨ kusio ɓʉ gba,
ɨpá ya꞊nɨtanaka sina tʉkʉ umomo ɓʉ ɗipa.
Uyi wambʉsɨa jɨa.
Ndata ya꞊ɓwanaka sina ya ɛsɨ ɓʉ kpu kpu kpu.
Nʉ ɨkyɛmɛ kʉ iɓomu ngia yanʉ angu ekoo ʉ ɓisi, ya꞊gʉgʉma sina gʉgʉmaa. #Popoko Ɨsa 13:10; 34:4
30Kija ɓakɔkɔ ɓʉ Mwana ngia ʉ Mombi ɓa꞊ɓwanɨa tiga ekoo ʉ ɓisi. Mababa kʉ ɓombi kʉ muɓomu ngika kʉ ɨtaka ka꞊faniso ndɨndanaka. Kija ɓa꞊na tiga Mwana ngia ʉ Mombi kʉka amati ʉ lɨkʉɓa nʉ angu, ɨzɔ nʉ ɨbɨba ngia yɛɛ ɓaanɛ. 31Iyo yɨ ɨpanda yɛɛ ɨja ya꞊ɓɨka sinani, kija a꞊tʉma ɓamalaika ngiɓangɔ kʉsa akʉ ɓamʉa kʉ ɓuɓomu ɓʉ ɨtaka, kʉmʉmaka ɓombi ngiɓangɔ a꞉ɓʉchwa. »
Isisinio yɨ ɓʉtɨ ngiɓa ɓaaɓusoko ɓɔ mutini
(Mak 13:28-31; Luk 21:29-33)
32« Pimiseni isisinio yɨ ɓʉtɨ ngiɓa ɓaaɓusoko ɓɔ mutini iɗo. Ati ngia mɨtapɨ yɛngɔ yaaka‑ɔɔ ɓʉ mbɔngɔ mbɔngɔ, nʉ kʉnaa manɨ, mbɨeni tʉkʉ ɓɔ ɨjɨjɨ yɨ ʉgbaa ya tiga kʉ tinene. 33Ngbanga kʉ ɓwanɨ, ati ngia na꞊na sina‑ɔɔ moni ngikʉnanɨ kʉ muɓomu, mbɨeni kusigo ɓɔ Mwana ngia ʉ Mombi a tiga kʉ tinene anʉ umongu. 34Maninu kusigio tʉkʉ kingono ɓɔ, ɓombi ɓʉ ɨjɨjɨ ngiakɛ ɓambʉkʉdʉka ɨsʉkʉɓwanɨ, moni ngikʉnanɨ kʉ muɓomu kambʉkyɨanɨenikɔmʉ. 35Ekoo ʉ ɓisi nʉ ɨtaka ya꞊ɓaa ɓaa, ɨkyɛmɨngana moni ngikʉsɛmɛ kambʉkʉɓaa sina. »
Tʉkʉ Asʉɓɨɨ kʉ nangana akʉmbɨa wati wʉ 'upipio
(Mak 13:32-37; Luk 17:26-30,34-36)
36« Yambʉkɔmʉ nʉ mombi gʉkʉ mʉngana iya aambɨa ɓisi kʉndʉ wati ngua moni ngikʉnanɨ ka꞊kyɨanɨa sina‑ɔɔ. Abana kʉndʉ ɓamalaika ngiɓa ɓa ekoo ʉ ɓisi, abana kʉndʉ ɛmɛ Mwana ngiangɔ, mambukɔmʉkʉmbɨa kʉ ɓwanɨ. Ɨkyɛmɨngana, tʉkʉ Tidoo kʉ nangana akʉmbɨa engo. 37Ɓisi ngiɓa Mwana ngia ʉ Mombi a꞊ka sina‑ɔɔ, moni ka꞊kyɨanɨa kʉndʉ ika ka꞉kyɨanɨa jɛnɛ akʉ ɓɔndɔ ɓʉ Nʉa. 38Jʉ pɛɛ ngia mepo kɔɔ maja ka꞉huoko‑ɔɔ, ɓombi ɓi꞉nye kʉdyakaka nʉ kʉmwakanaka, ɓugue nʉ ɓoi tʉkʉ kʉchɨkana, nʉ kʉchɨkaniso ɓana ngiɓʉndaɓʉ ɓɔɔ ɓoi, kʉɓʉya tʉkʉ isiya Nʉa a꞉kumunio‑ɔɔ amati ʉ ɨngbɔɔ yɛɛ ɨja. 39Ɛɓɔ ɓambikinye kutunguo ɨngbaa yɨ moni gʉkʉ mɨngana kʉɓʉya tʉkʉ aka mepo kɔɔ maja ka꞉huoko‑ɔɔ naɓɔ kʉdʉka kʉ ɓuɓomu. Yaɓio sina kʉ ɓwanɨ ati ngia Mwana ngia ʉ Mombi a꞊ka sina‑ɔɔ. 40Ndʉ ya꞊gbʉka ɓugue ɓapɨnɨ akʉ watɨnɨ, ɓa꞊chɨka mʉngana, ɓambʉsɨa iya kɔmɔ. 41Ndʉ ya꞊gbʉka ɓoi ɓapɨnɨ kʉdʉa ʉpʉnga, ɓa꞊chɨka mʉngana, ɓambʉsɨa iya kɔmɔ.
42Kʉ ɓwanɨ, pɨmɨeni pɨmɨaa! Jʉ ɓisi ngiɓa Makʉʉndɛsʉ a꞊ka sina‑ɔɔ, inu nambʉkɔmʉ naɓɔ kʉmbɨa. 43Pimiseni iɗo, jʉ makʉʉ ʉ ɨkáa ʉmbɨeni piɛ wati ngua mombi ʉ ndiɓo a꞊ka‑ɔɔ nuɓutu, ambʉ a꞊kwaa tʉkʉ kʉ 'ʉɓɨsɨnɨ, ambʉ ɓɔɔɓundokɔmʉ ɨkáa ngiangɔ. 44Kʉ ɓwanɨ, abana kʉndʉ inu, ɓieni tʉkʉ ɓʉndanɛ, jʉ ɛmɛ Mwana ngia ʉ Mombi ma꞊ka akʉ wati ngua nambukuɓio kʉmbɨa. »
Isisinio yɨ mombi ʉ kuu ɔɔ uɗo nʉ iya ɔɔ ɓɨɓɨ
(Luk 12:41-48)
45« Kapita ɔɔ kangɛ kuu tɨmanɨ iya anʉ mbɨmbanaka iya aakyɨa 'ʉbayanɨɛ? Ya mombi ngia makʉangɔ aamʉnapɨa kʉkanga ɓombi ɓʉ kuu ngiɓangɔ, nʉ naɓɔ kɨpakɨa idyo akʉ wati ngua wʉkwanana‑ɔɔ. 46Ɨgyagya nʉ mombi ʉ kuu ngia ndʉ makʉangɔ a꞊tʉa, a꞊mʉgbʉka tʉkʉ amati ʉ kuu ngiinanɨ ɓʉ ɗu. 47Maninu kʉɓɨa tʉkʉ kingono ɓɔ, makʉangɔ a꞊mʉnapɨa tiga kʉkanga kumbo ngiangɔ tii kʉ 'uɓomu. 48Ɨkyɛmɨngana, ndʉ mombi ʉ kuu aɓio iya ɔɔ ɓɨɓɨ ɔngɔ, afaniso yakanaka amati 'ʉtʉma ɓɔ: ‹ Makʉasɛmɛ ambʉkɔmʉ‑zʉ kʉtʉa ɨtakɨ‑takɨ ngiakɛ. › 49Kija a꞊faniso tiga gbolo ɓaba ɓangɔ ɓabayo nga ɓɔmɔ, nʉ dyakaka, nʉ mwakanaka ɨzɔ nʉ ɓombi ɓʉ ɨdamʉ. 50Makʉangɔ a꞊tʉa tʉkʉ isiya ambukuɓio‑ɔɔ kʉmbɨa, nʉ akʉ wati ngua ambukuɓio‑ɔɔ kʉmbɨa ɓɔ a꞊ka ati tɨmanɨ. 51Kija makʉangɔ a꞊mʉɓɛnda tʉkʉ ɓʉ tubu, ambʉmʉnapɨa kʉdya ɓʉka‑ɓʉkaɨ ɨzɔ nʉ ɓafili akʉ izi ngia yɛɛ ndɨɛ nʉ dyana menu. »
Currently Selected:
Matayɔ 24: BudKoya
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Matayɔ 24
24
Yeso usigo ɓɔ ɓa꞊panza ɨkáa yɨ Asʉɓɨɨ panzaa
(Mak 13:1-2; Luk 21:5-6)
1Ati ngia Yeso a꞉ɓʉa‑ɔɔ akʉ ɨkáa yɨ Asʉɓɨɨ, ɓakpataka ngiɓangɔ ɓambʉka anambamba angɔ, gʉ ɛɓɔ nayɔ ɓɔ: « Hu, ʉna‑zʉ akʉ ɓa꞉tɨa‑ɛɛ ɨkáa yɨ Asʉɓɨɨ! » 2Kija Yeso a꞉ɓusigio ɓɔ: « Maninu kusigio tʉkʉ kingono ɓɔ, kʉ iɓomu ngiinanɨ nakʉna aka, ikopi ngia ya꞊tukuo ekoo ʉ iya yɛmɔ yambukuɓio. Ɓa꞊to sina kʉ iɓomu tʉkʉ akɛsɨ ɓʉ gbatata! »
Lisisinio ngila lʉ 'upipio wʉ ʉɓɨɨ
(Mak 13:3-13; Luk 21:7-19)
3Ati ngia Yeso i꞉nye‑ɔɔ ɓuwei ekoo ʉ ɨkpangba yɨ Mijeituni, ɓakpataka ngiɓangɔ ɓambʉsa tinene nayɔ tii tʉkʉ ɛɓɔ, gʉ ɛɓɔ nayɔ ɓɔ: « Tɨɓɨa‑zʉ wati ngua moni ngikʉnanɨ ka꞊kyananakɨa sina‑ɔɔ. Nʉ isisinio tɨmanɨ iya ya꞊pananiso nɨka ngiisɔɔ, nʉ 'upipio wʉ ʉɓɨɨ? » 4Yeso ambuɓutisio ɓɔ: « Pɨmɨeni pɨmɨaa! Mombi ɔɔnɨpɨtakɔmʉ! 5Jʉ ɓombi ɓaja ɓa꞊ka sina nʉ ino ngiisɛmɛ, ɓinyeni kusigo ɓɔ: ‹ Ɛmɛ Klisito iya! › Nʉ ɓa꞊pɨtaka sina ɓombi ɓaja! 6Ati ngia na꞊kɔ sina‑ɔɔ masaʉ kʉ ɗite nʉ ɓaakɔ ɓʉ ɗite, nɔɔmbambaniakɔmʉ. Jʉ yɨkwanana ɓɔ moni ngikʉnanɨ kʉkyɨanɨa‑zʉ tʉkʉ ndʉ ananɨ. Ɨkyɛmɨngana, iinanɨ yambukuɓio‑zʉ 'upipio wʉ ɨtaka.
7Mababa kʉ ɓombi ka꞊mana sina kʉ nʉ mababa kʉ ɓombi nga kɔmɔ. Nʉ ɓʉngama ɓa꞊mana sina kʉ nʉ ɓʉngama nga ɓɔmɔ. Taa yɛɛ ɨja ya꞊kwa sina, kija ajigijo a꞊ɓaa sina akʉ lɨkʉmbʉ kʉ di di di. 8Moni ngikʉnanɨ kʉ muɓomu kaɓio‑zʉ tʉkʉ ndʉ iya ʉnɔtɔ waadʉa‑ɔɔ moi.
9Ati ngiinanɨ, ɓa꞊faniso ɓisi ongo ninu kʉgaba aka ekoo ngia ɓɔ ɓunidyiso ɓʉka‑ɓʉkaɨ, nʉ ninu kʉdʉka. Nʉ mababa kʉ ɓombi kʉ muɓomu ka꞊nɨyaa ekoo ʉ ino ngiisɛmɛ. 10Ati ngiinanɨ, ɓombi ɓaja ɓa꞊sɨa ɓisi ongo baya ngiindaɓʉ. Ɓa꞊faniso yaana, nʉ gabana tii tʉkʉ ati ʉndaɓʉ. 11Lɨgbɛ lʉ yakanaka lɨja la꞊ɓwanɨa sina, nʉ ɓaɓio sina kʉpɨtaka ɓombi ɓaja. 12Jʉ ɓʉɓɨɓɨ ɓa꞊ka tiga ɓaja nadɨndɨ, nʉ ɓombi ɓambukuɓio tii nʉ ɓʉkʉnda ngiɓa ɓʉ ingono. 13Ɨkyɛmɨngana, mombi ngia a꞊maa ɓʉ ngbɔmʉ kʉɓʉya akʉ 'upipio a꞊nyɨa nʉ ɓʉhɨa. 14Ɓa꞊ɓɨakɨa Ɨsaʉ yɛɛ Iɗo ngiinanɨ yɨ Ɓʉngama ngiɓa ɓa ekoo ʉ ɓisi akʉ ɨtaka kʉ iɓomu, ambʉ mababa kʉ ɓombi kʉ muɓomu kʉɓʉa ɓʉtɛmʉ ɓɔngɔ. Kija mbise ɔngɔ, 'upipio wambʉka tiga. »
Ɓʉka‑ɓʉkaɨ ɓʉ wati wʉ upipio
(Mak 13:14-23; Luk 21:20-24)
15Yeso ambuɓusigio ɓata ɓɔ: « Ati ngia na꞊na‑ɔɔ ‹ Ɓʉɓɨɓɨ ngiɓa ɓɔɔ ɓʉɓaanɛ, iɓa ɓatambiso moni tii tʉkʉ ɓʉ yɔlɔ ›, iya ɨgbɛ Danyɛlɛ a꞉chwa moni kangɔ ɓɔ ɓʉmʉmaiso tii tʉkʉ akʉ ʉmʉa ngua wɔɔ Tu.#Popoko Dan 9:27; 11:31; 12:11 Mombi ngia akupopoko moni ngika, upimiso inyi yɛngɔ tʉkʉ iɗo.
16Ndʉ nana tiga moni ngikʉnanɨ, ya꞊kwanana ɓɔ ɓombi ngiɓa ɓaɓio amati ʉ gɨpa ʉ Yudɛa, ɓʉsa nʉ ɓangʉ akʉ lɨkpangba. 17Nʉ mombi ngia aɓio ekoo ʉ ʉpaʉ, ɔɔijo tii ɓata kʉchɨka ɨkyɛmɛ ambɛnɨ. 18Mombi ngia aɓio akʉ watɨnɨ, ɔɔtʉa tii ɓata andei kʉchɨka ɨpʉkʉ ngiangɔ. 19Ikoko nʉ ɓoi ɓʉ mʉmɨ, nʉ iɓa ɓaɓio sina kumwiso ɓana maɓɛɛ isiinanɨ! 20Teni Asʉɓɨɨ ɓɔ ɓisi ngiɓa nabi‑ɔɔ bangʉ, yɔɔɓiokɔmʉ wati wʉ vɛvʉ, yɛmɔ ɓisi ɓʉ Humuo ngiɓa ɓʉ Ɓayuda. 21Jʉ ati ngiinanɨ, ikanzi yɨ ɓʉka‑ɓʉkaɨ ngiɓʉnanɨ ɓabio ɓambʉgbʉkenikɔmʉ sina ɓombi kʉʉngwa aka Asʉɓɨɨ a꞉kyɨa‑ɔɔ ɨtaka, kʉɓʉya kʉndʉ ɓʉɓʉnɨ. Nʉ ɓambʉkʉka sina tii ɓata. 22Asʉɓɨɨ utuisenikɔmʉ jɛnɛ wati nguʉnanɨ kuɓio gbititi, ambʉ́ mombi gʉkʉ mʉngana ambʉkʉhɨa gʉkʉ ɗɛkɛkɛ. Ɨkyɛmɨngana, a꞉utuiso gbititi, ekoo ʉ ɓombi ngiɓa ɛyɔ makʉɔngɔ a꞉ɓʉchwa. 23Mombi unisigieni ɓɔ: ‹ Klisito aka ɓɔmɔ! › Yɛmɔ ɓɔ ‹ Ɛyɔ iya oki! › Nɔɔmʉbayakɔmʉ. 24Jʉ ɓombi ɓʉ yakanaka ɓa꞊ɓwanɨa ɓisi ongo iɓa ɓaɓio kusigo ɓɔ ɛɓɔ ɓa klisito, nʉ lɨgbɛ lʉ yakanaka. Nʉ ɓaɓio sina kʉkyɨa ɓamoni ɓɔɔ ɓʉmbangɛ nʉ ɓakɔkɔ kʉ di di di, kʉhata kukwisiso ɓombi ngiɓa Asʉɓɨɨ a꞉ɓʉchwa. 25Iiya mʉ꞉nɨɓɨa‑ɔɔ moni ngikʉnanɨ kʉpɛɛ!
26Kʉ ɓwanɨ, mombi unisigieni ɓɔ: ‹ Kangeni! Klisito iya a akʉ 'ukengu eki! › Nɔɔsakɔmʉ nani. Gʉ ɓɔ, ɓusigeni ɓɔ: ‹ Kangeni! Aʉɓatanɨɛ aka amati ʉ ɨkáa ngiakɛ! › Nɔɔmʉbayakɔmʉ.
27Jʉ nɨka ngia yɨ Mwana ngia ʉ Mombi, yaɓio sina ndʉ iya ʉgbaa waangɨnana‑ɔɔ ekoo ɓisi, kʉʉngwa akʉ ɨpá yaaɓʉa‑ɛɛ, kʉɓʉya kʉ akʉ yaakwa‑ɛɛ. 28Akʉ izi ngia mʉnda wakyɨa‑ɔɔ, ɓunoi ngiɓa ɓaadya mɨnda ɓaamʉmanɨa tiga kʉ ananɨ. »
Nɨka ngia yɨ Mwana ngia ʉ Mombi
(Mak 13:24-27; Luk 21:25-28)
29« Tʉkʉ isiinanɨ mbise ʉ ɓʉka‑ɓʉkaɨ ngiɓʉnanɨ kusio ɓʉ gba,
ɨpá ya꞊nɨtanaka sina tʉkʉ umomo ɓʉ ɗipa.
Uyi wambʉsɨa jɨa.
Ndata ya꞊ɓwanaka sina ya ɛsɨ ɓʉ kpu kpu kpu.
Nʉ ɨkyɛmɛ kʉ iɓomu ngia yanʉ angu ekoo ʉ ɓisi, ya꞊gʉgʉma sina gʉgʉmaa. #Popoko Ɨsa 13:10; 34:4
30Kija ɓakɔkɔ ɓʉ Mwana ngia ʉ Mombi ɓa꞊ɓwanɨa tiga ekoo ʉ ɓisi. Mababa kʉ ɓombi kʉ muɓomu ngika kʉ ɨtaka ka꞊faniso ndɨndanaka. Kija ɓa꞊na tiga Mwana ngia ʉ Mombi kʉka amati ʉ lɨkʉɓa nʉ angu, ɨzɔ nʉ ɨbɨba ngia yɛɛ ɓaanɛ. 31Iyo yɨ ɨpanda yɛɛ ɨja ya꞊ɓɨka sinani, kija a꞊tʉma ɓamalaika ngiɓangɔ kʉsa akʉ ɓamʉa kʉ ɓuɓomu ɓʉ ɨtaka, kʉmʉmaka ɓombi ngiɓangɔ a꞉ɓʉchwa. »
Isisinio yɨ ɓʉtɨ ngiɓa ɓaaɓusoko ɓɔ mutini
(Mak 13:28-31; Luk 21:29-33)
32« Pimiseni isisinio yɨ ɓʉtɨ ngiɓa ɓaaɓusoko ɓɔ mutini iɗo. Ati ngia mɨtapɨ yɛngɔ yaaka‑ɔɔ ɓʉ mbɔngɔ mbɔngɔ, nʉ kʉnaa manɨ, mbɨeni tʉkʉ ɓɔ ɨjɨjɨ yɨ ʉgbaa ya tiga kʉ tinene. 33Ngbanga kʉ ɓwanɨ, ati ngia na꞊na sina‑ɔɔ moni ngikʉnanɨ kʉ muɓomu, mbɨeni kusigo ɓɔ Mwana ngia ʉ Mombi a tiga kʉ tinene anʉ umongu. 34Maninu kusigio tʉkʉ kingono ɓɔ, ɓombi ɓʉ ɨjɨjɨ ngiakɛ ɓambʉkʉdʉka ɨsʉkʉɓwanɨ, moni ngikʉnanɨ kʉ muɓomu kambʉkyɨanɨenikɔmʉ. 35Ekoo ʉ ɓisi nʉ ɨtaka ya꞊ɓaa ɓaa, ɨkyɛmɨngana moni ngikʉsɛmɛ kambʉkʉɓaa sina. »
Tʉkʉ Asʉɓɨɨ kʉ nangana akʉmbɨa wati wʉ 'upipio
(Mak 13:32-37; Luk 17:26-30,34-36)
36« Yambʉkɔmʉ nʉ mombi gʉkʉ mʉngana iya aambɨa ɓisi kʉndʉ wati ngua moni ngikʉnanɨ ka꞊kyɨanɨa sina‑ɔɔ. Abana kʉndʉ ɓamalaika ngiɓa ɓa ekoo ʉ ɓisi, abana kʉndʉ ɛmɛ Mwana ngiangɔ, mambukɔmʉkʉmbɨa kʉ ɓwanɨ. Ɨkyɛmɨngana, tʉkʉ Tidoo kʉ nangana akʉmbɨa engo. 37Ɓisi ngiɓa Mwana ngia ʉ Mombi a꞊ka sina‑ɔɔ, moni ka꞊kyɨanɨa kʉndʉ ika ka꞉kyɨanɨa jɛnɛ akʉ ɓɔndɔ ɓʉ Nʉa. 38Jʉ pɛɛ ngia mepo kɔɔ maja ka꞉huoko‑ɔɔ, ɓombi ɓi꞉nye kʉdyakaka nʉ kʉmwakanaka, ɓugue nʉ ɓoi tʉkʉ kʉchɨkana, nʉ kʉchɨkaniso ɓana ngiɓʉndaɓʉ ɓɔɔ ɓoi, kʉɓʉya tʉkʉ isiya Nʉa a꞉kumunio‑ɔɔ amati ʉ ɨngbɔɔ yɛɛ ɨja. 39Ɛɓɔ ɓambikinye kutunguo ɨngbaa yɨ moni gʉkʉ mɨngana kʉɓʉya tʉkʉ aka mepo kɔɔ maja ka꞉huoko‑ɔɔ naɓɔ kʉdʉka kʉ ɓuɓomu. Yaɓio sina kʉ ɓwanɨ ati ngia Mwana ngia ʉ Mombi a꞊ka sina‑ɔɔ. 40Ndʉ ya꞊gbʉka ɓugue ɓapɨnɨ akʉ watɨnɨ, ɓa꞊chɨka mʉngana, ɓambʉsɨa iya kɔmɔ. 41Ndʉ ya꞊gbʉka ɓoi ɓapɨnɨ kʉdʉa ʉpʉnga, ɓa꞊chɨka mʉngana, ɓambʉsɨa iya kɔmɔ.
42Kʉ ɓwanɨ, pɨmɨeni pɨmɨaa! Jʉ ɓisi ngiɓa Makʉʉndɛsʉ a꞊ka sina‑ɔɔ, inu nambʉkɔmʉ naɓɔ kʉmbɨa. 43Pimiseni iɗo, jʉ makʉʉ ʉ ɨkáa ʉmbɨeni piɛ wati ngua mombi ʉ ndiɓo a꞊ka‑ɔɔ nuɓutu, ambʉ a꞊kwaa tʉkʉ kʉ 'ʉɓɨsɨnɨ, ambʉ ɓɔɔɓundokɔmʉ ɨkáa ngiangɔ. 44Kʉ ɓwanɨ, abana kʉndʉ inu, ɓieni tʉkʉ ɓʉndanɛ, jʉ ɛmɛ Mwana ngia ʉ Mombi ma꞊ka akʉ wati ngua nambukuɓio kʉmbɨa. »
Isisinio yɨ mombi ʉ kuu ɔɔ uɗo nʉ iya ɔɔ ɓɨɓɨ
(Luk 12:41-48)
45« Kapita ɔɔ kangɛ kuu tɨmanɨ iya anʉ mbɨmbanaka iya aakyɨa 'ʉbayanɨɛ? Ya mombi ngia makʉangɔ aamʉnapɨa kʉkanga ɓombi ɓʉ kuu ngiɓangɔ, nʉ naɓɔ kɨpakɨa idyo akʉ wati ngua wʉkwanana‑ɔɔ. 46Ɨgyagya nʉ mombi ʉ kuu ngia ndʉ makʉangɔ a꞊tʉa, a꞊mʉgbʉka tʉkʉ amati ʉ kuu ngiinanɨ ɓʉ ɗu. 47Maninu kʉɓɨa tʉkʉ kingono ɓɔ, makʉangɔ a꞊mʉnapɨa tiga kʉkanga kumbo ngiangɔ tii kʉ 'uɓomu. 48Ɨkyɛmɨngana, ndʉ mombi ʉ kuu aɓio iya ɔɔ ɓɨɓɨ ɔngɔ, afaniso yakanaka amati 'ʉtʉma ɓɔ: ‹ Makʉasɛmɛ ambʉkɔmʉ‑zʉ kʉtʉa ɨtakɨ‑takɨ ngiakɛ. › 49Kija a꞊faniso tiga gbolo ɓaba ɓangɔ ɓabayo nga ɓɔmɔ, nʉ dyakaka, nʉ mwakanaka ɨzɔ nʉ ɓombi ɓʉ ɨdamʉ. 50Makʉangɔ a꞊tʉa tʉkʉ isiya ambukuɓio‑ɔɔ kʉmbɨa, nʉ akʉ wati ngua ambukuɓio‑ɔɔ kʉmbɨa ɓɔ a꞊ka ati tɨmanɨ. 51Kija makʉangɔ a꞊mʉɓɛnda tʉkʉ ɓʉ tubu, ambʉmʉnapɨa kʉdya ɓʉka‑ɓʉkaɨ ɨzɔ nʉ ɓafili akʉ izi ngia yɛɛ ndɨɛ nʉ dyana menu. »
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.