Malɨkɔ 2
2
Yeso uhiiso jakɛsɨ
(Mat 9:1-8; Luk 5:17-26)
1Mbise ʉ makwaa ɗɛkɛkɛ, Yeso ambʉtʉa ɓata kʉ anʉ Kapelenaumu. Iya ɓombi ɓa꞉mbɨa ɓɔ a andei, 2ɓombi ɓaja ɓambujunikio, ɓambuhuo ambɛnɨ ɓʉ ngu, chʉkɔmʉ mwanʉ izi ambutukuo gʉkʉ ɗɛkɛkɛ, abana apɛɛ ʉ ɨkáa anʉ umongu. Yeso ambufaniso naɓɔ kʉpanɨa mapanʉ kʉ Asʉɓɨɨ. 3Tiga ananɨ, ɓugue ɓʉgɨna ɓambʉka nʉ jakɛsɨ mʉngana 'ufuɓue apɛɛ ʉ Yeso. 4Ɨkyɛmɨngana, yi꞉nye ɓʉkaɨ kʉɓʉya nʉ mombi ngiinanɨ apɛɛ angɔ, jʉ ungbutu wʉ ɓombi wi꞉nye 'ʉja. Kʉ ɓwanɨ, ɓugue ngiɓʉnanɨ ɓambuɗito tii tʉkʉ ekoo ʉ ʉpaʉ, ɓambʉgana ihoo mɨngana yɛɛ ɨja ngbingbii tʉkʉ aka Yeso i꞉nye‑ɔɔ. Ɓambijiso jakɛsɨ ngiinanɨ ambɛnɨ 'ʉkwaise ekoo ʉ ɓʉkwaɨ. 5Kʉna baya ngiindaɓʉ, Yeso ambusigio jakɛsɨ ngiinanɨ ɓɔ: « Mwana asɛmɛ, Asʉɓɨɨ ʉ꞉napɨa ɓʉɓɨɓɨ ngiɓʉsɔɔ pɨaa. » 6Ɓapananakɨa ɓʉ mapanʉ ngana ngana ngiɓa ɓi꞉nye ɓuwuloke nanɨ, ɓambufaniso yakananaka amati ʉndaɓʉ ɓɔ: 7« Gue ngia u꞉sigo‑zʉ ɓwanɨ jʉtanɨ? Iinanɨ ya tʉkʉ kʉzɨaka Asʉɓɨɨ! Anɨ‑zʉ iya a ikanzi ngia apɨa mombi ɓʉɓɨɓɨ, yambikinye tʉkʉ Asʉɓɨɨ kʉ nangana? » 8Kʉ nɨma ngiinanɨ, Yeso i꞉nye tʉkʉ kʉmbɨa itungwio ngiindaɓʉ kʉ iɓomu amati ʉ 'ʉtʉma nguangɔ. Ambuɓusigio ɓɔ: « Ikanzi yɨ itungwio ngiinanɨ amati ʉndɛnʉ yɨ꞉ka gbanɨ? 9Ɨmanɨ iya ya ɓʉkaɨ ati ʉ moni kapɨnɨ ngikakɛ, gʉ kusigio jakɛsɨ ɓɔ, ‹ Asʉɓɨɨ ʉnapɨa ɓʉɓɨɓɨ ngiɓʉsɔɔ pɨaa ›, gʉ kusigo ɓɔ ‹ Ʉngwa ɨkʉʉ, wambʉchɨka ɓʉkwaɨ ngiɓʉsɔɔ, wambufaniso kɨndaka. ›? 10Tɔ, makʉkʉnda ɓɔ pimiseni ɓɔ, Mwana ngia ʉ Mombi anʉ ʉpanʉ kʉpɨa ɓʉɓɨɓɨ ngiɓʉ ɓombi akʉ ɨtaka aka. » Yeso ambusigio jakɛsɨ ngiinanɨ ɓɔ: 11« Mu꞉nasigio ɓɔ, ʉngwa ɨkʉʉ, chɨka ɓʉkwaɨ ngiɓʉsɔɔ wambʉtʉa andɔɔ andei. » 12Tʉkʉ nɨma ngiinanɨ, gue ngiinanɨ ambʉʉngwa ɨkʉʉ, ambʉchɨka ɓʉkwaɨ, ambʉʉngwɨa kɨnda akʉ mesu kʉ ɓombi kʉ ɓuɓomu. Moni ngikʉnanɨ ka꞉mbangɨa ɓombi nadɨndɨ, ɓambufaniso bibiso Asʉɓɨɨ kusigo ɓɔ: « Kambʉnakɔmʉ sina ikanzi yɨ moni ngia! »
Yeso usoko Matayɔ iya i꞉nye ino yɛmɔ ɓɔ Lawi
(Mat 9:9-13; Luk 5:27-32)
13Yeso ambʉsa ɓata kʉ anambamba ʉ yapuu yɛɛ ɨja ngia yɨ Galilaya. Ungbutu wʉ ɓombi wambʉka akʉ i꞉nye‑ɔɔ, ambufaniso naɓɔ kunzo mapanʉ ngikangɔ. 14Iya i꞉nye nayɔ kʉɓaa ɨngbaa, ambʉna tiga Lawi, mwana ʉ Alʉfayɔ 'uwei akʉ bilo ɔɔ lipise manzanza. Yeso ambumusigio ɓɔ: « Nakpata! » Lawi ambʉʉngwa ɨkʉʉ, ambufaniso nayɔ kpata.
15Mbise ɔngɔ, Yeso i꞉nye tiga kʉdyakaka ɔɔ Lawi ambɛnɨ, ɨzɔ nʉ ɓandɔmbɛ ɓɔɔ ɓulipise manzanza, nʉ ɓombi ɓʉ ɓʉɓɨɓɨ nga ɓɔmɔ ɓaja ɓi꞉nye kʉdyakaka kʉ ɨzɔ nʉ ɓakpataka ngiɓangɔ. Jʉ ɓombi ɓaja ikanzi ngiinanɨ ɓi꞉nye kyɨa nayɔ kʉkpata ɓʉ hoo. 16Iya ɓapananakɨa ɓʉ mapanʉ ngiɓa ɓi꞉nye Ɓafalisayɔ ɓɔngɔ ɓa꞉mʉna nayɔ kʉdyakaka ɨzɔ nʉ ɓandɔmbɛ ɓɔɔ ɓulipise manzanza nʉ ɓombi ɓʉ ɓʉɓɨɓɨ nga ɓɔmɔ, ɓambuɓukuo ɓakpataka ngiɓangɔ ɓɔ: « Jʉtanɨ Makʉʉndɛnʉ akʉdyakaka ɨzɔ nʉ ɓandɔmbɛ ɓɔɔ ɓʉ lipise manzanza, nʉ ɓombi ɓʉ ɓʉɓɨɓɨ ngiɓaɓɛ? » 17Ambʉgʉ pe, Yeso ʉkɔ moni ngikʉnanɨ tʉkʉ kɔnɨ, ambuɓutisio ɓɔ: « Ɓombi ɓɔɔ ɓʉmbʉmʉ ɓambakahata mʉnganga, ɨkyɛmɨngana tʉkʉ ɓombi ɓʉ ɓakwisikiso ɓaamʉhata. Ɛmɛ ma꞉kakɔmʉ kusoko ɓombi ɓɔɔ ngbingbii, ɨkyɛmɨngana ma꞉ka kusoko ɓombi ɓʉ ɓʉɓɨɓɨ. »
Yeso ʉka nʉ kɔkɔ wʉ ɨtakɨ‑takɨ
(Mat 9:14-17; Luk 5:33-39)
18Ɓisi mʉngana, ɓakpataka ngiɓʉ Yʉanɨ nʉ iɓa ɓʉ Ɓafalisayɔ ɓi꞉nye kʉta Asʉɓɨɨ, nʉ táa idyo akʉ wati. Ɓombi ɓambʉka kuɓukuo Yeso ɓɔ: « Ɓakpataka ngiɓʉ Yʉanɨ ɨzɔ nʉ Ɓafalisayɔ ɓaatáa idyo akʉ wati taanɨ, jʉtanɨ ɓakpataka nga ɓʉsɔɔ ɓambakataa idyo akʉ wati? » 19Yeso ambuɓutisio ɓɔ: « Ajʉ nakuyo ɓɔ ɓombi ngiɓa ɓaaɓusoko akʉ ʉmbɔ wʉ chɨkana ɓakwanana táa idyo, ɓinyeni‑zʉ kʉ ɨzɔ nʉ ɔɔ swaɨ ʉ moi kʉtaa ɓiɛ? Ati ngia ɓa‑zʉ‑ɔɔ kʉ ɨzɔ naɓɔ, ɓambʉkʉkwanana táa idyo gʉkʉ ɗɛkɛkɛ. 20Yaɓio sina ɓisi mʉngana, iɓa ɓa꞊ɓungwisio‑ɔɔ swaɨ ʉ moi. Isiinanɨ, ɓa꞊táa sina tiga idyo taa.
21Mombi gʉkʉ mʉngana ambʉkʉkwanana kufioko ɨpʉkʉ yɨ jɛnɛ nʉ ɨɗaka yɨ ɨtakɨ‑takɨ. Jʉ ʉkyɨeni ɓwanɨ, wagba wʉ ɨpʉkʉ ngua wʉ ɨtakɨ‑takɨ wa꞊natʉa ihoo ekoo ɨpʉkʉ ngia yɨ jɛnɛ, kija ihoo yɛngɔ ya꞊gbandunio tiga ɨja kʉɓaa iya yɨ pɛɛ. 22Nʉ mombi gʉkʉ mʉngana ambakato vinyo wʉ ɨtakɨ‑takɨ amati ʉ lɨkɔchɔ lʉ jɛnɛ jɛnɛ ngila ɓa꞉lɨkyɨa nʉ mamba kʉ ɓanama. Jʉ ʉkyɨeni ɓwanɨ, vinyo ngiinanɨ anatʉa ɨkɔchɔ tʉkʉ ɓʉ hua. Kija vinyo atambɨa tʉkʉ ɨsʉkʉɓwanɨ nʉ lɨkɔchɔ lɔngɔ kʉtaa. Kʉ ɓwanɨ, yɨkwanana kuto vinyo ngia wʉ ɨtakɨ‑takɨ kʉ amati ʉ lɨkɔchɔ lʉ ɨtakɨ‑takɨ. »
Ɓisi ɓʉ humuo ngiɓa ɓʉ Ɓayuda
(Mat 12:1-8; Luk 6:1-5)
23Ɓisi ɓʉ humuo mʉngana ngiɓa ɓʉ Ɓayuda, ɔɔ Yeso ɨzɔ nʉ ɓakpataka ngiɓangɔ ɓi꞉nye kʉɓaa amati matɨnɨ kʉ nganʉ. Iya ɓi꞉nye kʉɓaa, ɓambufaniso bʉa lɨkaja lʉ nganʉ. 24Ɓafalisayɔ ɓambuɓukuo Yeso ɓɔ: « Jʉtanɨ‑zʉ ɓakpataka ngiɓʉsɔɔ ɓakʉkyɨa moni ngika ɓa꞉gbʉmɨa akʉ ɓisi ɓʉ humuo? » 25Yeso ambuɓutisio ɓɔ: « Ajʉ nambupopokokɔmʉ sina‑zʉ moni ngika Daudi a꞉kyɨa ati ngia a꞉kɔnɔ‑ɔɔ taa ɛɓɔ nʉ ɓombi ngiɓa ɓi꞉nye ɨzɔ nayɔ? 26Ati ngia Abɨatalɨ i꞉nye‑ɔɔ kumu‑kumu ɔɔ 'ʉja, Daudi a꞉kumunio amati ʉ ɨkáa yɨ Asʉɓɨɨ tʉkʉ ɓʉ ngbuu. Mikati ngia ɓi꞉nye ɓunzeni akʉ Asʉɓɨɨ ɛyɔ a꞉ɨdya tʉkʉ dyaa, ambunzikio ɓombi ngiɓa ɓi꞉nye ɨzɔ nayɔ kʉ nzikio. Ʉna tɔ, mikati ngiinanɨ yi꞉nye nʉ ʉpanʉ ɓɔ mombi nga kɔmɔ ɔɔɨdyakɔmʉ, tʉkʉ ɓakumu‑kumu ɓʉɨdya. » 27Yeso ambuɓusigio ɓata ɓɔ: « Ɓa꞉kyɨa ɓisi ɓʉ humuo aka ekoo ʉ mombi. Ɓa꞉kyɨakɔmʉ mombi aka ekoo ʉ ɓisi ɓʉ humuo. 28Ʉna tɔ, Mwana ngia ʉ Mombi a makʉʉ ɓisi ɓʉ humuo ɓʉ Ɓayuda. »
Currently Selected:
Malɨkɔ 2: BudKoya
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Malɨkɔ 2
2
Yeso uhiiso jakɛsɨ
(Mat 9:1-8; Luk 5:17-26)
1Mbise ʉ makwaa ɗɛkɛkɛ, Yeso ambʉtʉa ɓata kʉ anʉ Kapelenaumu. Iya ɓombi ɓa꞉mbɨa ɓɔ a andei, 2ɓombi ɓaja ɓambujunikio, ɓambuhuo ambɛnɨ ɓʉ ngu, chʉkɔmʉ mwanʉ izi ambutukuo gʉkʉ ɗɛkɛkɛ, abana apɛɛ ʉ ɨkáa anʉ umongu. Yeso ambufaniso naɓɔ kʉpanɨa mapanʉ kʉ Asʉɓɨɨ. 3Tiga ananɨ, ɓugue ɓʉgɨna ɓambʉka nʉ jakɛsɨ mʉngana 'ufuɓue apɛɛ ʉ Yeso. 4Ɨkyɛmɨngana, yi꞉nye ɓʉkaɨ kʉɓʉya nʉ mombi ngiinanɨ apɛɛ angɔ, jʉ ungbutu wʉ ɓombi wi꞉nye 'ʉja. Kʉ ɓwanɨ, ɓugue ngiɓʉnanɨ ɓambuɗito tii tʉkʉ ekoo ʉ ʉpaʉ, ɓambʉgana ihoo mɨngana yɛɛ ɨja ngbingbii tʉkʉ aka Yeso i꞉nye‑ɔɔ. Ɓambijiso jakɛsɨ ngiinanɨ ambɛnɨ 'ʉkwaise ekoo ʉ ɓʉkwaɨ. 5Kʉna baya ngiindaɓʉ, Yeso ambusigio jakɛsɨ ngiinanɨ ɓɔ: « Mwana asɛmɛ, Asʉɓɨɨ ʉ꞉napɨa ɓʉɓɨɓɨ ngiɓʉsɔɔ pɨaa. » 6Ɓapananakɨa ɓʉ mapanʉ ngana ngana ngiɓa ɓi꞉nye ɓuwuloke nanɨ, ɓambufaniso yakananaka amati ʉndaɓʉ ɓɔ: 7« Gue ngia u꞉sigo‑zʉ ɓwanɨ jʉtanɨ? Iinanɨ ya tʉkʉ kʉzɨaka Asʉɓɨɨ! Anɨ‑zʉ iya a ikanzi ngia apɨa mombi ɓʉɓɨɓɨ, yambikinye tʉkʉ Asʉɓɨɨ kʉ nangana? » 8Kʉ nɨma ngiinanɨ, Yeso i꞉nye tʉkʉ kʉmbɨa itungwio ngiindaɓʉ kʉ iɓomu amati ʉ 'ʉtʉma nguangɔ. Ambuɓusigio ɓɔ: « Ikanzi yɨ itungwio ngiinanɨ amati ʉndɛnʉ yɨ꞉ka gbanɨ? 9Ɨmanɨ iya ya ɓʉkaɨ ati ʉ moni kapɨnɨ ngikakɛ, gʉ kusigio jakɛsɨ ɓɔ, ‹ Asʉɓɨɨ ʉnapɨa ɓʉɓɨɓɨ ngiɓʉsɔɔ pɨaa ›, gʉ kusigo ɓɔ ‹ Ʉngwa ɨkʉʉ, wambʉchɨka ɓʉkwaɨ ngiɓʉsɔɔ, wambufaniso kɨndaka. ›? 10Tɔ, makʉkʉnda ɓɔ pimiseni ɓɔ, Mwana ngia ʉ Mombi anʉ ʉpanʉ kʉpɨa ɓʉɓɨɓɨ ngiɓʉ ɓombi akʉ ɨtaka aka. » Yeso ambusigio jakɛsɨ ngiinanɨ ɓɔ: 11« Mu꞉nasigio ɓɔ, ʉngwa ɨkʉʉ, chɨka ɓʉkwaɨ ngiɓʉsɔɔ wambʉtʉa andɔɔ andei. » 12Tʉkʉ nɨma ngiinanɨ, gue ngiinanɨ ambʉʉngwa ɨkʉʉ, ambʉchɨka ɓʉkwaɨ, ambʉʉngwɨa kɨnda akʉ mesu kʉ ɓombi kʉ ɓuɓomu. Moni ngikʉnanɨ ka꞉mbangɨa ɓombi nadɨndɨ, ɓambufaniso bibiso Asʉɓɨɨ kusigo ɓɔ: « Kambʉnakɔmʉ sina ikanzi yɨ moni ngia! »
Yeso usoko Matayɔ iya i꞉nye ino yɛmɔ ɓɔ Lawi
(Mat 9:9-13; Luk 5:27-32)
13Yeso ambʉsa ɓata kʉ anambamba ʉ yapuu yɛɛ ɨja ngia yɨ Galilaya. Ungbutu wʉ ɓombi wambʉka akʉ i꞉nye‑ɔɔ, ambufaniso naɓɔ kunzo mapanʉ ngikangɔ. 14Iya i꞉nye nayɔ kʉɓaa ɨngbaa, ambʉna tiga Lawi, mwana ʉ Alʉfayɔ 'uwei akʉ bilo ɔɔ lipise manzanza. Yeso ambumusigio ɓɔ: « Nakpata! » Lawi ambʉʉngwa ɨkʉʉ, ambufaniso nayɔ kpata.
15Mbise ɔngɔ, Yeso i꞉nye tiga kʉdyakaka ɔɔ Lawi ambɛnɨ, ɨzɔ nʉ ɓandɔmbɛ ɓɔɔ ɓulipise manzanza, nʉ ɓombi ɓʉ ɓʉɓɨɓɨ nga ɓɔmɔ ɓaja ɓi꞉nye kʉdyakaka kʉ ɨzɔ nʉ ɓakpataka ngiɓangɔ. Jʉ ɓombi ɓaja ikanzi ngiinanɨ ɓi꞉nye kyɨa nayɔ kʉkpata ɓʉ hoo. 16Iya ɓapananakɨa ɓʉ mapanʉ ngiɓa ɓi꞉nye Ɓafalisayɔ ɓɔngɔ ɓa꞉mʉna nayɔ kʉdyakaka ɨzɔ nʉ ɓandɔmbɛ ɓɔɔ ɓulipise manzanza nʉ ɓombi ɓʉ ɓʉɓɨɓɨ nga ɓɔmɔ, ɓambuɓukuo ɓakpataka ngiɓangɔ ɓɔ: « Jʉtanɨ Makʉʉndɛnʉ akʉdyakaka ɨzɔ nʉ ɓandɔmbɛ ɓɔɔ ɓʉ lipise manzanza, nʉ ɓombi ɓʉ ɓʉɓɨɓɨ ngiɓaɓɛ? » 17Ambʉgʉ pe, Yeso ʉkɔ moni ngikʉnanɨ tʉkʉ kɔnɨ, ambuɓutisio ɓɔ: « Ɓombi ɓɔɔ ɓʉmbʉmʉ ɓambakahata mʉnganga, ɨkyɛmɨngana tʉkʉ ɓombi ɓʉ ɓakwisikiso ɓaamʉhata. Ɛmɛ ma꞉kakɔmʉ kusoko ɓombi ɓɔɔ ngbingbii, ɨkyɛmɨngana ma꞉ka kusoko ɓombi ɓʉ ɓʉɓɨɓɨ. »
Yeso ʉka nʉ kɔkɔ wʉ ɨtakɨ‑takɨ
(Mat 9:14-17; Luk 5:33-39)
18Ɓisi mʉngana, ɓakpataka ngiɓʉ Yʉanɨ nʉ iɓa ɓʉ Ɓafalisayɔ ɓi꞉nye kʉta Asʉɓɨɨ, nʉ táa idyo akʉ wati. Ɓombi ɓambʉka kuɓukuo Yeso ɓɔ: « Ɓakpataka ngiɓʉ Yʉanɨ ɨzɔ nʉ Ɓafalisayɔ ɓaatáa idyo akʉ wati taanɨ, jʉtanɨ ɓakpataka nga ɓʉsɔɔ ɓambakataa idyo akʉ wati? » 19Yeso ambuɓutisio ɓɔ: « Ajʉ nakuyo ɓɔ ɓombi ngiɓa ɓaaɓusoko akʉ ʉmbɔ wʉ chɨkana ɓakwanana táa idyo, ɓinyeni‑zʉ kʉ ɨzɔ nʉ ɔɔ swaɨ ʉ moi kʉtaa ɓiɛ? Ati ngia ɓa‑zʉ‑ɔɔ kʉ ɨzɔ naɓɔ, ɓambʉkʉkwanana táa idyo gʉkʉ ɗɛkɛkɛ. 20Yaɓio sina ɓisi mʉngana, iɓa ɓa꞊ɓungwisio‑ɔɔ swaɨ ʉ moi. Isiinanɨ, ɓa꞊táa sina tiga idyo taa.
21Mombi gʉkʉ mʉngana ambʉkʉkwanana kufioko ɨpʉkʉ yɨ jɛnɛ nʉ ɨɗaka yɨ ɨtakɨ‑takɨ. Jʉ ʉkyɨeni ɓwanɨ, wagba wʉ ɨpʉkʉ ngua wʉ ɨtakɨ‑takɨ wa꞊natʉa ihoo ekoo ɨpʉkʉ ngia yɨ jɛnɛ, kija ihoo yɛngɔ ya꞊gbandunio tiga ɨja kʉɓaa iya yɨ pɛɛ. 22Nʉ mombi gʉkʉ mʉngana ambakato vinyo wʉ ɨtakɨ‑takɨ amati ʉ lɨkɔchɔ lʉ jɛnɛ jɛnɛ ngila ɓa꞉lɨkyɨa nʉ mamba kʉ ɓanama. Jʉ ʉkyɨeni ɓwanɨ, vinyo ngiinanɨ anatʉa ɨkɔchɔ tʉkʉ ɓʉ hua. Kija vinyo atambɨa tʉkʉ ɨsʉkʉɓwanɨ nʉ lɨkɔchɔ lɔngɔ kʉtaa. Kʉ ɓwanɨ, yɨkwanana kuto vinyo ngia wʉ ɨtakɨ‑takɨ kʉ amati ʉ lɨkɔchɔ lʉ ɨtakɨ‑takɨ. »
Ɓisi ɓʉ humuo ngiɓa ɓʉ Ɓayuda
(Mat 12:1-8; Luk 6:1-5)
23Ɓisi ɓʉ humuo mʉngana ngiɓa ɓʉ Ɓayuda, ɔɔ Yeso ɨzɔ nʉ ɓakpataka ngiɓangɔ ɓi꞉nye kʉɓaa amati matɨnɨ kʉ nganʉ. Iya ɓi꞉nye kʉɓaa, ɓambufaniso bʉa lɨkaja lʉ nganʉ. 24Ɓafalisayɔ ɓambuɓukuo Yeso ɓɔ: « Jʉtanɨ‑zʉ ɓakpataka ngiɓʉsɔɔ ɓakʉkyɨa moni ngika ɓa꞉gbʉmɨa akʉ ɓisi ɓʉ humuo? » 25Yeso ambuɓutisio ɓɔ: « Ajʉ nambupopokokɔmʉ sina‑zʉ moni ngika Daudi a꞉kyɨa ati ngia a꞉kɔnɔ‑ɔɔ taa ɛɓɔ nʉ ɓombi ngiɓa ɓi꞉nye ɨzɔ nayɔ? 26Ati ngia Abɨatalɨ i꞉nye‑ɔɔ kumu‑kumu ɔɔ 'ʉja, Daudi a꞉kumunio amati ʉ ɨkáa yɨ Asʉɓɨɨ tʉkʉ ɓʉ ngbuu. Mikati ngia ɓi꞉nye ɓunzeni akʉ Asʉɓɨɨ ɛyɔ a꞉ɨdya tʉkʉ dyaa, ambunzikio ɓombi ngiɓa ɓi꞉nye ɨzɔ nayɔ kʉ nzikio. Ʉna tɔ, mikati ngiinanɨ yi꞉nye nʉ ʉpanʉ ɓɔ mombi nga kɔmɔ ɔɔɨdyakɔmʉ, tʉkʉ ɓakumu‑kumu ɓʉɨdya. » 27Yeso ambuɓusigio ɓata ɓɔ: « Ɓa꞉kyɨa ɓisi ɓʉ humuo aka ekoo ʉ mombi. Ɓa꞉kyɨakɔmʉ mombi aka ekoo ʉ ɓisi ɓʉ humuo. 28Ʉna tɔ, Mwana ngia ʉ Mombi a makʉʉ ɓisi ɓʉ humuo ɓʉ Ɓayuda. »
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.