Malɨkɔ 8
8
Yeso ʉdyakakiso ɓombi ɛlɛfʉ ɓʉgɨna
(Mat 15:32-39)
1Tiga ɓisi nga ɓɔmɔ, ungbutu wʉ ɓombi wɔmɔ wɔɔ ʉja wi꞉nye wʉmʉmanɨeni ɓata anambamba ʉ Yeso tʉkʉ ɓʉ ngu, chʉkɔmʉ ɛɓɔ nʉ ɨkyɛmɛ yɛɛ ɨdyɛ. Kija Yeso a꞉soko ɓakpataka ngiɓangɔ ambuɓusigio ɓɔ: 2« Makʉdyɨa ungbutu wʉ ɓombi nguakɛ ikoko. Yɨpa tiga makwaa kaatʉ aka ɓa‑ɔɔ ɨzɔ nɛmɛ aka, chʉkɔmʉ nʉ ɨkyɛmɛ yɛɛ ɨdyɛ. 3Ndʉ maɓʉsɨa kʉtʉa aɓandaɓʉ tʉkʉ nʉ taa, angu a꞊ɓusio tʉkʉ nɨngbaa, jʉ ɓombi ɓɔmɔ ati ʉndaɓʉ ɓʉ꞉ʉngwikwio bɛ danga danga. » 4Ɓakpataka ɓambumutisio ɓɔ: « Isu kakʉsa kʉnyɨa nʉ idyo gbanɨ akʉ ɨza ngia, iya kakwanana nayɔ kʉdyakakiso ɓombi kʉ ɓuɓomu ngiɓaɓɛ? » 5Ambuɓuɓukuo ɓɔ: « Na ti‑zʉ nʉ mikati ɨpɨtanɨ? » Ɓambumutisio ɓɔ: « Ya tʉkʉ ʉmalɨanɨka. » 6Yeso ambutitio ungbutu wʉ ɓombi nguʉnanɨ ɓɔ ɓuwulo akɛsɨ. Kija a꞉chɨka mikati ʉmalɨanɨka ngiinanɨ, ambutuisio Asʉɓɨɨ ɨbɨba, ambuiɓunzoko, ambunzikio ɓakpataka ngiɓangɔ ɓɔ ɓʉɨpakɨa ungbutu wʉ ɓombi nguʉnanɨ. Ɓambʉɓɨpakɨa. 7Ɛɓɔ ɓakpataka ɓi꞉nye kʉ nʉ mikpekpe yɨ ɓana ɓʉ ɓasipe. Yeso ambutuisio Asʉɓɨɨ ɨbɨba, ambutitio ɓakpataka ɓɔ ɓʉɨpakɨa ɓombi. 8Ɓombi ɓambʉdyakaka, ɓambumotoko. Kija ɓa꞉mʉmaka ɓadudu ɓʉ idyo ngiɓa ɓa꞉tukoko, ɓambʉkwa ɓajaɨ ʉmalɨanɨka. 9Ɓombi ngiɓa ɓadyakaka ɓi꞉nye ndʉ ɛlɛfʉ ɓʉgɨna. Mbise ɔngɔ Yeso ambuɓunzo kɨnda. 10Kʉ nɨma ngiinanɨ, ambuɗito akʉ ɨngbɔɔ ɨzɔ nʉ ɓakpataka ngiɓangɔ, ɓambʉsa naɓɔ akʉ gɨpa ʉ Dalamanuta.
Ɓafalisayɔ ɓakʉnɨta kɔkɔ kʉʉngwa ekoo ʉ ɓisi
(Mat 16:1-4)
11Kija Ɓafalisayɔ ɓa꞉ka, ɓambufaniso yakanaka nʉ ɔɔ Yeso nayɔ kupindikio lipindi. Ɓambʉmʉta ɓɔ: « Tɨpana‑zʉ kɔkɔ ɔɔ ʉmbangɛ kʉpananiso ɓɔ wa꞉ʉngwa ekoo ʉ ɓisi. » 12Yeso ambufukuo ɓʉ fukaa, ambuɓusigio ɓɔ: « Jʉtanɨ‑zʉ inu ɓombi ɓʉ ɨjɨjɨ ngia nanɛmɛ kʉta kɔkɔ ɔɔ ʉmbangɛ? Maninu kʉɓɨa tʉkʉ kingono ɓɔ yambʉkɔmʉ nʉ kɔkɔ ɔɔ ʉmbangɛ gʉkʉ mʉnganga iya ɓa꞊kwanana ninu kʉpana inu ɓombi ɓʉ ɨjɨjɨ ngia. » 13Kija a꞉ɓʉsɨa, ambuɗito kʉ mbise akʉ ɨngbɔɔ, ambʉtapʉa amondu ʉ yapuu.
Pɨmɨeni pɨtanaka ngia yɨ Ɓafalisayɔ nʉ Ɛlɔdɛ
(Mat 16:5-12)
14Ɓakpataka ɓi꞉nye ɓʉpaeni kʉchɨka mikati tʉkʉ ɓʉ putu. Na amati ʉ ɨngbɔɔ, ɓi꞉nye nawɔ tʉkʉ mungono. 15Iya ɓi꞉nye‑zʉ tʉkʉ amati ʉ kɨnda, Yeso ambuɓunzo ʉpanʉ ɓɔ: « Pɨmɨeni ɓufili ngiɓa ɓʉ Ɓafalisayɔ nʉ iɓa ɓʉ Ɛlɔdɛ pɨmɨaa, iɓa ɓa ndʉ ɓʉtɨ ɓɔɔ ɓufukise mikati. » 16Ɓambufaniso yakanaka ati ʉndaɓʉ ɓɔ: « Usigo ɓwanɨ tʉkʉ jʉ kambʉkɔmʉ nʉ mikati. » 17Ʉna tɔ, jʉ Yeso i꞉nye ʉmbɨeni itungwio ngiindaɓʉ mbɨanɨ, ambuɓusigio ɓɔ: « Jʉtanɨ nakʉyakanaka ati ʉndɛnʉ ɓɔ nambʉkɔmʉ nʉ mikati? Ajʉ inu nambʉkɔkɔmʉ moni ngika muɗo ɓiɛ? Ajʉ nambupimisokɔmʉ moni ngikakɛ ɓiɛ? Ajʉ mɨtʉma ngiindɛnʉ ya ɓʉmʉ ɓiɛ? 18Nanʉ mesu, ɨkyɛmɨngana nambʉkɔmʉ kʉna. Nanʉ muchwei, ɨkyɛmɨngana nambʉkɔmʉ kʉkɔ. Tungueni‑zʉ moni kʉ tunguoni! 19Ati ngia ma꞉ɨpakɨa‑ɔɔ ɓombi ɛlɛfʉ ɓɔkɔ mikati ɓɔkɔ, ɓadudu ngiɓa ɓa꞉tukoko, nambʉɓʉmʉmaka, ɓa꞉huo‑zʉ ɓajaɨ ɓʉpɨtanɨ? » Ɓambumutisio ɓɔ: « Kumi nʉ ɓapɨnɨ. » 20Ambuɓuɓukuo ɓata ɓɔ: « Andʉ iya ma꞉ɓunzukio‑ɔɔ ɓombi ɛlɛfʉ ɓʉgɨna mikati tʉkʉ ʉmalɨanɨka, iya na꞉mʉma‑ɔɔ ɓadudu ɓɔngɔ ngiɓa ɓa꞉tukuo ɓa꞉huo ɓajaɨ ɓʉpɨtanɨ? » Ɓambumutisio ɓɔ: « Ʉmalɨanɨka. » 21Yeso ambuɓuɓukuo ɓɔ: « Ajʉ nambʉkɔkɔmʉ moni ngikʉnanɨ muɗo ɓiɛ? »
Yeso uhiiso mombi ngia ambikinye na
22Kija ɔɔ Yeso ɨzɔ nʉ ɓakpataka ngiɓangɔ ɓa꞉ɓʉya anʉ Betesaida. Ɓambʉka nʉ mombi mʉngana ngia ambikinye na, ɓambʉmʉta ɓɔ umuɓoto. 23Kija Yeso a꞉chɨka mombi ngiinanɨ ambikinye na ɨkɔndɔ, ambʉɓʉa nayɔ aɓei ʉ ɨkʉmbʉ. Ambʉmʉɗɨa mukoi akʉ mesu, ambʉmʉnapɨa lɨkɔndɔ, kija a꞉muɓukuo ɓɔ: « Ajʉ wa kʉnɨna ɨkyɛmɛ ɓiɛ? » 24Iya mombi ngiinanɨ a꞉gana nayɔ mesu, ambusigo ɓɔ: « Makʉnɨna ɓombi, ɨkyɛmɨngana ɓakʉnyɨa ndʉ matɨ ngika kakʉkɨndaka. » 25Yeso ambʉmʉnapɨa ɓata lɨkɔndɔ akʉ mesu, ambʉgana mesu. Mesu kambumuɓununio, ambufaniso kʉna kumbo kʉ 'uɓomu tii tʉkʉ iɗo. 26Kija Yeso a꞉mutuiso andɔngɔ, ambumusigio ɓɔ: « Wɔɔsakɔmʉ amati ʉ ɨkʉmbʉ. »
Pɛtɛlɔ usigo ɓɔ Yeso a Masɨa
(Mat 16:13-20; Luk 9:18-21)
27Mbise ngiinanɨ, ɔɔ Yeso nʉ ɓakpataka ngiɓangɔ ɓambʉʉngwɨa kɨnda kʉsa akʉ lɨkʉmbʉ kʉ di di di anambamba ʉ gʉlʉ ʉ Kaisalia ngia wʉ ngama Filipo. Iya ɓi꞉nye tiga‑ɔɔ nɨngbaa, Yeso ambuɓuɓukuo ɓɔ: « Ɓombi ɓaasigo‑zʉ ɓɔ ɛmɛ ma anɨ? » 28Ɓambumutisio ɓɔ: « Ɓombi nga ɓɔmɔ ɓaasigo ɓɔ wa Yʉanɨ ngia aaɓatiso ɓombi, ɓɔmɔ gʉ wa Ɛlɨa, ɓɔmɔ gʉ wa mʉngana wʉ lɨgbɛ lʉ Asʉɓɨɨ. » 29Yeso ambuɓuɓukuo tiga ɓɔ: « Andʉ tiga inu, naasigo ɓɔ ɛmɛ ma anɨ? » Pɛtɛlɔ ambumutisio ɓɔ: « Ɔwɛ, wa Masɨa. »#Popoko Luk 9:20 30Yeso ambʉɓʉgbʉma nʉ angu ɓɔ ɓɔɔngakɨakɔmʉ mombi moni ngikʉnanɨ.
Yeso akʉɓɨakɨa ɨsaʉ yɨ ingyo nʉ jʉkana ngiangɔ ati ʉ mɨnda
(Mat 16:21-28; Luk 9:22-27)
31Kija Yeso a꞉faniso naɓɔ kʉpanɨa ɓɔ: « Yɨkwanana ɓɔ ɛmɛ Mwana ngia ʉ Mombi mʉdya ɓʉka‑ɓʉkaɨ nadɨndɨ, ɓagʉgʉ, nʉ ɓangama ɓʉ ɓakumu‑kumu, nʉ ɓapananakɨa ɓʉ mapanʉ ɓʉ꞊nayaa, ɓambʉnawa. Mbise ʉ makwaa kaatʉ, kija ma꞊jʉkana akʉ ingyo. » 32I꞉nye kʉngaka moni ngikʉnanɨ ɓʉ ngbɛlɛ ngbɛlɛ. Kija Pɛtɛlɔ a꞉sa nayɔ kʉgbʉma anambamba ɓʉ kɛlɛ. 33Ɨkyɛmɨngana, Yeso ambʉnɨtana mesu akʉ ɓakpataka ɓi꞉nye‑ɛɛ, ambʉnyakɨa Pɛtɛlɔ ɓɔ: « Ʉngwa anambamba asɛmɛ, ɔwɛ Sɨtanɨ ngia! Jʉ itungwio ngiisɔɔ yambʉkɔmʉ iya yɨ Asʉɓɨɨ, ya tʉkʉ iya yɨ iɓombi. »
Yɨkwanana kʉkpata Yeso tanɨ?
34Mbise ɔngɔ, Yeso ambusoko ungbutu wʉ ɓombi nʉ ɓakpataka ngiɓangɔ, ambuɓusigio ɓɔ: « Ndʉ mombi abaya nɛmɛ kʉkpata, ʉsɨa ʉɓɨɨ nguangɔ, ambufuɓuo mʉsalaba nguangɔ, kija anakpata. 35Jʉ mombi ngia akʉhata kuhiiso ʉɓɨɨ nguangɔ, a꞊ʉyangiso yangisoo. Ɨkyɛmɨngana, mombi ngia a꞊yangiso ʉɓɨɨ nguangɔ aka ekoo asɛmɛ, nʉ aka ekoo ʉ Ɨsaʉ yɛɛ Iɗo, a꞊uhiiso hiisoo. 36Ndʉ mombi anyɨa nʉ ɨngama yɨ ɨtaka ngia kʉ iɓomu, ɨkyɛmɨngana ambuyangiso ʉɓɨɨ nguangɔ, yanʉ ɨjangɨa tɨmanɨ? 37Ɨmanɨ iya mombi akwanana kunzo akʉ madanga wʉ ʉɓɨɨ nguangɔ? 38Ɓombi ɓʉ ɨjɨjɨ ngia, ɓa꞉sɨa kʉkpata Asʉɓɨɨ sɨaa, nʉ ɓa kʉ ɓombi ɓʉ ɓʉɓɨɓɨ. Kʉ ɓwanɨ, mombi ʉneni soni ekoo asɛmɛ, nʉ ekoo ʉ mapanʉ ngikʉsɛmɛ apɛɛ ʉ ɓombi ngiɓʉnanɨ, Mwana ngia ʉ Mombi a꞊mʉnɨa sina ɛyɔ soni kʉ nɨaa, ati ngia a꞊ka sina‑ɔɔ amati ʉ ɨbɨba ngia yɨ Ɨsɛ ɨzɔ nʉ ɓamalaika ɓɔɔ tu ngiɓangɔ. »
Currently Selected:
Malɨkɔ 8: BudKoya
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Malɨkɔ 8
8
Yeso ʉdyakakiso ɓombi ɛlɛfʉ ɓʉgɨna
(Mat 15:32-39)
1Tiga ɓisi nga ɓɔmɔ, ungbutu wʉ ɓombi wɔmɔ wɔɔ ʉja wi꞉nye wʉmʉmanɨeni ɓata anambamba ʉ Yeso tʉkʉ ɓʉ ngu, chʉkɔmʉ ɛɓɔ nʉ ɨkyɛmɛ yɛɛ ɨdyɛ. Kija Yeso a꞉soko ɓakpataka ngiɓangɔ ambuɓusigio ɓɔ: 2« Makʉdyɨa ungbutu wʉ ɓombi nguakɛ ikoko. Yɨpa tiga makwaa kaatʉ aka ɓa‑ɔɔ ɨzɔ nɛmɛ aka, chʉkɔmʉ nʉ ɨkyɛmɛ yɛɛ ɨdyɛ. 3Ndʉ maɓʉsɨa kʉtʉa aɓandaɓʉ tʉkʉ nʉ taa, angu a꞊ɓusio tʉkʉ nɨngbaa, jʉ ɓombi ɓɔmɔ ati ʉndaɓʉ ɓʉ꞉ʉngwikwio bɛ danga danga. » 4Ɓakpataka ɓambumutisio ɓɔ: « Isu kakʉsa kʉnyɨa nʉ idyo gbanɨ akʉ ɨza ngia, iya kakwanana nayɔ kʉdyakakiso ɓombi kʉ ɓuɓomu ngiɓaɓɛ? » 5Ambuɓuɓukuo ɓɔ: « Na ti‑zʉ nʉ mikati ɨpɨtanɨ? » Ɓambumutisio ɓɔ: « Ya tʉkʉ ʉmalɨanɨka. » 6Yeso ambutitio ungbutu wʉ ɓombi nguʉnanɨ ɓɔ ɓuwulo akɛsɨ. Kija a꞉chɨka mikati ʉmalɨanɨka ngiinanɨ, ambutuisio Asʉɓɨɨ ɨbɨba, ambuiɓunzoko, ambunzikio ɓakpataka ngiɓangɔ ɓɔ ɓʉɨpakɨa ungbutu wʉ ɓombi nguʉnanɨ. Ɓambʉɓɨpakɨa. 7Ɛɓɔ ɓakpataka ɓi꞉nye kʉ nʉ mikpekpe yɨ ɓana ɓʉ ɓasipe. Yeso ambutuisio Asʉɓɨɨ ɨbɨba, ambutitio ɓakpataka ɓɔ ɓʉɨpakɨa ɓombi. 8Ɓombi ɓambʉdyakaka, ɓambumotoko. Kija ɓa꞉mʉmaka ɓadudu ɓʉ idyo ngiɓa ɓa꞉tukoko, ɓambʉkwa ɓajaɨ ʉmalɨanɨka. 9Ɓombi ngiɓa ɓadyakaka ɓi꞉nye ndʉ ɛlɛfʉ ɓʉgɨna. Mbise ɔngɔ Yeso ambuɓunzo kɨnda. 10Kʉ nɨma ngiinanɨ, ambuɗito akʉ ɨngbɔɔ ɨzɔ nʉ ɓakpataka ngiɓangɔ, ɓambʉsa naɓɔ akʉ gɨpa ʉ Dalamanuta.
Ɓafalisayɔ ɓakʉnɨta kɔkɔ kʉʉngwa ekoo ʉ ɓisi
(Mat 16:1-4)
11Kija Ɓafalisayɔ ɓa꞉ka, ɓambufaniso yakanaka nʉ ɔɔ Yeso nayɔ kupindikio lipindi. Ɓambʉmʉta ɓɔ: « Tɨpana‑zʉ kɔkɔ ɔɔ ʉmbangɛ kʉpananiso ɓɔ wa꞉ʉngwa ekoo ʉ ɓisi. » 12Yeso ambufukuo ɓʉ fukaa, ambuɓusigio ɓɔ: « Jʉtanɨ‑zʉ inu ɓombi ɓʉ ɨjɨjɨ ngia nanɛmɛ kʉta kɔkɔ ɔɔ ʉmbangɛ? Maninu kʉɓɨa tʉkʉ kingono ɓɔ yambʉkɔmʉ nʉ kɔkɔ ɔɔ ʉmbangɛ gʉkʉ mʉnganga iya ɓa꞊kwanana ninu kʉpana inu ɓombi ɓʉ ɨjɨjɨ ngia. » 13Kija a꞉ɓʉsɨa, ambuɗito kʉ mbise akʉ ɨngbɔɔ, ambʉtapʉa amondu ʉ yapuu.
Pɨmɨeni pɨtanaka ngia yɨ Ɓafalisayɔ nʉ Ɛlɔdɛ
(Mat 16:5-12)
14Ɓakpataka ɓi꞉nye ɓʉpaeni kʉchɨka mikati tʉkʉ ɓʉ putu. Na amati ʉ ɨngbɔɔ, ɓi꞉nye nawɔ tʉkʉ mungono. 15Iya ɓi꞉nye‑zʉ tʉkʉ amati ʉ kɨnda, Yeso ambuɓunzo ʉpanʉ ɓɔ: « Pɨmɨeni ɓufili ngiɓa ɓʉ Ɓafalisayɔ nʉ iɓa ɓʉ Ɛlɔdɛ pɨmɨaa, iɓa ɓa ndʉ ɓʉtɨ ɓɔɔ ɓufukise mikati. » 16Ɓambufaniso yakanaka ati ʉndaɓʉ ɓɔ: « Usigo ɓwanɨ tʉkʉ jʉ kambʉkɔmʉ nʉ mikati. » 17Ʉna tɔ, jʉ Yeso i꞉nye ʉmbɨeni itungwio ngiindaɓʉ mbɨanɨ, ambuɓusigio ɓɔ: « Jʉtanɨ nakʉyakanaka ati ʉndɛnʉ ɓɔ nambʉkɔmʉ nʉ mikati? Ajʉ inu nambʉkɔkɔmʉ moni ngika muɗo ɓiɛ? Ajʉ nambupimisokɔmʉ moni ngikakɛ ɓiɛ? Ajʉ mɨtʉma ngiindɛnʉ ya ɓʉmʉ ɓiɛ? 18Nanʉ mesu, ɨkyɛmɨngana nambʉkɔmʉ kʉna. Nanʉ muchwei, ɨkyɛmɨngana nambʉkɔmʉ kʉkɔ. Tungueni‑zʉ moni kʉ tunguoni! 19Ati ngia ma꞉ɨpakɨa‑ɔɔ ɓombi ɛlɛfʉ ɓɔkɔ mikati ɓɔkɔ, ɓadudu ngiɓa ɓa꞉tukoko, nambʉɓʉmʉmaka, ɓa꞉huo‑zʉ ɓajaɨ ɓʉpɨtanɨ? » Ɓambumutisio ɓɔ: « Kumi nʉ ɓapɨnɨ. » 20Ambuɓuɓukuo ɓata ɓɔ: « Andʉ iya ma꞉ɓunzukio‑ɔɔ ɓombi ɛlɛfʉ ɓʉgɨna mikati tʉkʉ ʉmalɨanɨka, iya na꞉mʉma‑ɔɔ ɓadudu ɓɔngɔ ngiɓa ɓa꞉tukuo ɓa꞉huo ɓajaɨ ɓʉpɨtanɨ? » Ɓambumutisio ɓɔ: « Ʉmalɨanɨka. » 21Yeso ambuɓuɓukuo ɓɔ: « Ajʉ nambʉkɔkɔmʉ moni ngikʉnanɨ muɗo ɓiɛ? »
Yeso uhiiso mombi ngia ambikinye na
22Kija ɔɔ Yeso ɨzɔ nʉ ɓakpataka ngiɓangɔ ɓa꞉ɓʉya anʉ Betesaida. Ɓambʉka nʉ mombi mʉngana ngia ambikinye na, ɓambʉmʉta ɓɔ umuɓoto. 23Kija Yeso a꞉chɨka mombi ngiinanɨ ambikinye na ɨkɔndɔ, ambʉɓʉa nayɔ aɓei ʉ ɨkʉmbʉ. Ambʉmʉɗɨa mukoi akʉ mesu, ambʉmʉnapɨa lɨkɔndɔ, kija a꞉muɓukuo ɓɔ: « Ajʉ wa kʉnɨna ɨkyɛmɛ ɓiɛ? » 24Iya mombi ngiinanɨ a꞉gana nayɔ mesu, ambusigo ɓɔ: « Makʉnɨna ɓombi, ɨkyɛmɨngana ɓakʉnyɨa ndʉ matɨ ngika kakʉkɨndaka. » 25Yeso ambʉmʉnapɨa ɓata lɨkɔndɔ akʉ mesu, ambʉgana mesu. Mesu kambumuɓununio, ambufaniso kʉna kumbo kʉ 'uɓomu tii tʉkʉ iɗo. 26Kija Yeso a꞉mutuiso andɔngɔ, ambumusigio ɓɔ: « Wɔɔsakɔmʉ amati ʉ ɨkʉmbʉ. »
Pɛtɛlɔ usigo ɓɔ Yeso a Masɨa
(Mat 16:13-20; Luk 9:18-21)
27Mbise ngiinanɨ, ɔɔ Yeso nʉ ɓakpataka ngiɓangɔ ɓambʉʉngwɨa kɨnda kʉsa akʉ lɨkʉmbʉ kʉ di di di anambamba ʉ gʉlʉ ʉ Kaisalia ngia wʉ ngama Filipo. Iya ɓi꞉nye tiga‑ɔɔ nɨngbaa, Yeso ambuɓuɓukuo ɓɔ: « Ɓombi ɓaasigo‑zʉ ɓɔ ɛmɛ ma anɨ? » 28Ɓambumutisio ɓɔ: « Ɓombi nga ɓɔmɔ ɓaasigo ɓɔ wa Yʉanɨ ngia aaɓatiso ɓombi, ɓɔmɔ gʉ wa Ɛlɨa, ɓɔmɔ gʉ wa mʉngana wʉ lɨgbɛ lʉ Asʉɓɨɨ. » 29Yeso ambuɓuɓukuo tiga ɓɔ: « Andʉ tiga inu, naasigo ɓɔ ɛmɛ ma anɨ? » Pɛtɛlɔ ambumutisio ɓɔ: « Ɔwɛ, wa Masɨa. »#Popoko Luk 9:20 30Yeso ambʉɓʉgbʉma nʉ angu ɓɔ ɓɔɔngakɨakɔmʉ mombi moni ngikʉnanɨ.
Yeso akʉɓɨakɨa ɨsaʉ yɨ ingyo nʉ jʉkana ngiangɔ ati ʉ mɨnda
(Mat 16:21-28; Luk 9:22-27)
31Kija Yeso a꞉faniso naɓɔ kʉpanɨa ɓɔ: « Yɨkwanana ɓɔ ɛmɛ Mwana ngia ʉ Mombi mʉdya ɓʉka‑ɓʉkaɨ nadɨndɨ, ɓagʉgʉ, nʉ ɓangama ɓʉ ɓakumu‑kumu, nʉ ɓapananakɨa ɓʉ mapanʉ ɓʉ꞊nayaa, ɓambʉnawa. Mbise ʉ makwaa kaatʉ, kija ma꞊jʉkana akʉ ingyo. » 32I꞉nye kʉngaka moni ngikʉnanɨ ɓʉ ngbɛlɛ ngbɛlɛ. Kija Pɛtɛlɔ a꞉sa nayɔ kʉgbʉma anambamba ɓʉ kɛlɛ. 33Ɨkyɛmɨngana, Yeso ambʉnɨtana mesu akʉ ɓakpataka ɓi꞉nye‑ɛɛ, ambʉnyakɨa Pɛtɛlɔ ɓɔ: « Ʉngwa anambamba asɛmɛ, ɔwɛ Sɨtanɨ ngia! Jʉ itungwio ngiisɔɔ yambʉkɔmʉ iya yɨ Asʉɓɨɨ, ya tʉkʉ iya yɨ iɓombi. »
Yɨkwanana kʉkpata Yeso tanɨ?
34Mbise ɔngɔ, Yeso ambusoko ungbutu wʉ ɓombi nʉ ɓakpataka ngiɓangɔ, ambuɓusigio ɓɔ: « Ndʉ mombi abaya nɛmɛ kʉkpata, ʉsɨa ʉɓɨɨ nguangɔ, ambufuɓuo mʉsalaba nguangɔ, kija anakpata. 35Jʉ mombi ngia akʉhata kuhiiso ʉɓɨɨ nguangɔ, a꞊ʉyangiso yangisoo. Ɨkyɛmɨngana, mombi ngia a꞊yangiso ʉɓɨɨ nguangɔ aka ekoo asɛmɛ, nʉ aka ekoo ʉ Ɨsaʉ yɛɛ Iɗo, a꞊uhiiso hiisoo. 36Ndʉ mombi anyɨa nʉ ɨngama yɨ ɨtaka ngia kʉ iɓomu, ɨkyɛmɨngana ambuyangiso ʉɓɨɨ nguangɔ, yanʉ ɨjangɨa tɨmanɨ? 37Ɨmanɨ iya mombi akwanana kunzo akʉ madanga wʉ ʉɓɨɨ nguangɔ? 38Ɓombi ɓʉ ɨjɨjɨ ngia, ɓa꞉sɨa kʉkpata Asʉɓɨɨ sɨaa, nʉ ɓa kʉ ɓombi ɓʉ ɓʉɓɨɓɨ. Kʉ ɓwanɨ, mombi ʉneni soni ekoo asɛmɛ, nʉ ekoo ʉ mapanʉ ngikʉsɛmɛ apɛɛ ʉ ɓombi ngiɓʉnanɨ, Mwana ngia ʉ Mombi a꞊mʉnɨa sina ɛyɔ soni kʉ nɨaa, ati ngia a꞊ka sina‑ɔɔ amati ʉ ɨbɨba ngia yɨ Ɨsɛ ɨzɔ nʉ ɓamalaika ɓɔɔ tu ngiɓangɔ. »
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.