Yoáni 14
14
Yéso ande aphe á gǎ mɔtɛ á Abɛ
1Yéso áǒngoɗea ɓagoigi ɓe: «Ɓókotambɛgɛmbɛ ka měma. Mɓeekeani Mokonga, ɓómoɓeekeɛ phɔtɔ eme. 2Endu ndea Abɛ, ana ɔma á ɓoiki ásii. Atúoɓá na nna ɓó, ámbé kétónóngoɗi, nege ɔɓɔngisiaga kanu ɔma á ɓoiki. 3Ɓî nege ɔɓɔngisiaga kanu ɔma á ɓoiki, nebikaeka goto ɔnɔbɛɗa ka gea, ɔma nde neiki, ɓenu ɓóikɛ phɔtɔ ɓei. 4Cɔ, ɓoúbi ye aphe á kuɓî nege.»
5Tɔmá áongea: «Mɔkɔta, ɓékéoúba ɔma nde oge. Cɔ, ɓeúbande gǎkɛ aphe ɓo?» 6Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme. 7Atúoɓá na ɓomoúbi, ámbé ɓotómúbi phɔtɔ Abɛ ɓó. Kɛ̌kɛnde gǎkɛ, ɓo ye múbi yɛ, na ɔna akɛ.»
8Philípɔ áongea: «Mɔkɔta, ósophangia Abɛ mpɔ, ɔ́gɔɓɛ siki asu.» 9Yéso áongea ɓe: «Philípɔ, esa ásii nde ɓeiki n'oɓɛ, kómoúbimbɛ mɔnɔ? Mmbé ɗámɔɔni k'eme, ɗámɔni phɔtɔ Abɛ. Cɔ, ogi, nékophangiɛ Abɛ ka ɓo? 10Kóoɓeekea gea te, ne suɓi á Abɛ, Abɛ â phɔtɔ oɓá suɓi ani? Yɔnga nde neonongoɗea, nna tɔ otóka k'eme, a ndiu otóka ka Abɛ mmbé a suɓi ani ka tɔtɔkisa ekuma nɛkɛ. 11Ómoɓeekeani ɓî neonongoɗea gea, ne suɓi á Abɛ, yɛ â phɔtɔ oɓá suɓi ani. Kángá ɓondɔ, ɓeekeani ye phɔ́ ka nyɔngɔ ékuma nɛmɔ. 12Nenóngoɗi ɗoni, nkpa nde amoɓeeki, abɛɗanagande ekuma ɓíndɔ nɛbɛɗanigi. Atɔtɔkisande phɔtɔ kema ángbó kɔmɔnyɛ́nya. Nga, nege ye mɔtɛ á Abɛ. 13Nɛtɔtɔkisande phɔtɔ kema bui nde ɓɔɔmɛma k'ína ani. Kaɓondɔ unge, ɓánɗokomisande Abɛ ka Anakɛ. 14Aoɓá na ɓɔmɛmi kema sina k'ína ani, nɛtɔtɔkisande.
Yéso aɔku teka á Měma á kanga ɓojeɗe
15Aoɓá na ɓomokondi, ɓoambande ɛɔphi nɛmɔ. 16Eme, nɛmɛmande Abɛ, ánophɛ Nengi ɓaangbo ka gea, áikɛ na ɓenu esa bui. 17Ande Měma á ɗoni, mmbé ɓato á ka mokonda ɓánáɔtɔka na ɓámɓeeki nga, ɓákáɔtɔka na ɓámɔni na úba akɛ. Ɓenu gǎkɛ, ɓoomúba nga, yɛ aoika kimoci na ɓenu, aɓande phɔtɔ suɓi anu. 18Kénoɗeketɛku ɓaniki á jiga, nebikande goto mɔtɛ-anu. 19Ka mbenɔ ábɔa, ɓato á ka mokonda ɓákámɔɔnɛku ye. Ɓenu ndiu ɓáunge ɓɔmɔɔnande ka nyɔngɔ nde, eme neoenda na ɓenu phɔtɔ ɓoendande. 20K'ésa ndɔ unge ɓoengekisande gea, eme ne suɓi á Abɛ, ɓenu suɓi ani, n'eme suɓi anu. 21Nkpa nde aoɓeekea ɛɔphi nɛmɔ na amba í, aámbé amokondi. Nkpa nde amokondi, Abɛ ankondande, n'eme phɔtɔ nenkondande, něphangiande ka yɛ.»
22Mpɔ, Yúda (nna mmbɔ Isikaliɔ́ta) áongea: «Mɔkɔta, ka nyɔngɔ sina nde ɔ tɔ ǒphangia ka ɓesu, kǒphangiɛ gǎkɛ ka ɓato á ka mokonda?» 23Yéso áonsikisia: «Aoɓá nkpa n'amokondi, aámbande nyɔngɔ nɛmɔ, Abɛ ankondande. Eme na Abɛ, ɓebikande mɔtɛ-akɛ na ika kimoci na yɛ. 24Nkpa nde nnaomokonda, nna gǎkɛ oamba nyɔngɔ nɛmɔ. Nga, nyɔngɔ nde ɓɔɔ́ka, nna nɛmɔ, a ndiu ndea Abɛ, mmbé amoteki.
25Ɗénóngoɗi nndɔ, ɓî ɗé phɔ́tɔ na ɓenu. 26Abɛ anotekisiande Nengi, n'ande Měma á kanga ɓojeɗe k'ína ani. Anophangiagande kema bui na kanisia anu nyɔngɔ bui nde ɗénongoɗi. 27Nenóɗeketei ɓujɛjɛ, nenophi#Ɔna Isa 9.5 ɓujɛjɛ nɛmɔ. Kénóphi ɓíndɔ ɓato á ka mokonda ɓáonópha. Cɔ, měma anu kaágatanɛmbɛ, ɓókóɓɛmbɛ na kɔɓɔɓɔkɔ. 28Ɓɔɔ́kima ɓî nenóngoɗima gea: ‹Nege, nejande gǎkɛ mɔtɛ-anu.› Atúoɓá na ɓomokondi, ámbé ɓona maseye, ka nyɔngɔ nde, nege mɔtɛ á Abɛ. Nga, Abɛ amɔnyɛ́nyi. 29Cɔ, kɛ̌kɛnde, nenóngoɗi nndɔ bui mosá á tɔtɔkɛana í, ka gea, a ye ɔtɔtɔkɛana, ɓôɓeekea. 30Kéyɔngɛku ye ásii na ɓenu nga, moamɛ á ka mokonda abiki. Nna tanda na kɔkɔta gǔ ani, 31akeni gǎkɛ ɓato á ka mokonda ɓáúbɛ gea, nenkondi Abɛ, neogea nnde amososi. Cɔ, ómesiani, ɓégɛ.
Currently Selected:
Yoáni 14: KMW
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.
Yoáni 14
14
Yéso ande aphe á gǎ mɔtɛ á Abɛ
1Yéso áǒngoɗea ɓagoigi ɓe: «Ɓókotambɛgɛmbɛ ka měma. Mɓeekeani Mokonga, ɓómoɓeekeɛ phɔtɔ eme. 2Endu ndea Abɛ, ana ɔma á ɓoiki ásii. Atúoɓá na nna ɓó, ámbé kétónóngoɗi, nege ɔɓɔngisiaga kanu ɔma á ɓoiki. 3Ɓî nege ɔɓɔngisiaga kanu ɔma á ɓoiki, nebikaeka goto ɔnɔbɛɗa ka gea, ɔma nde neiki, ɓenu ɓóikɛ phɔtɔ ɓei. 4Cɔ, ɓoúbi ye aphe á kuɓî nege.»
5Tɔmá áongea: «Mɔkɔta, ɓékéoúba ɔma nde oge. Cɔ, ɓeúbande gǎkɛ aphe ɓo?» 6Yéso áonsikisia gea: «Nende aphe, ɗoni, na enda. Nkpa nnaobika mɔtɛ á Abɛ, na kányɛ́nyi k'eme. 7Atúoɓá na ɓomoúbi, ámbé ɓotómúbi phɔtɔ Abɛ ɓó. Kɛ̌kɛnde gǎkɛ, ɓo ye múbi yɛ, na ɔna akɛ.»
8Philípɔ áongea: «Mɔkɔta, ósophangia Abɛ mpɔ, ɔ́gɔɓɛ siki asu.» 9Yéso áongea ɓe: «Philípɔ, esa ásii nde ɓeiki n'oɓɛ, kómoúbimbɛ mɔnɔ? Mmbé ɗámɔɔni k'eme, ɗámɔni phɔtɔ Abɛ. Cɔ, ogi, nékophangiɛ Abɛ ka ɓo? 10Kóoɓeekea gea te, ne suɓi á Abɛ, Abɛ â phɔtɔ oɓá suɓi ani? Yɔnga nde neonongoɗea, nna tɔ otóka k'eme, a ndiu otóka ka Abɛ mmbé a suɓi ani ka tɔtɔkisa ekuma nɛkɛ. 11Ómoɓeekeani ɓî neonongoɗea gea, ne suɓi á Abɛ, yɛ â phɔtɔ oɓá suɓi ani. Kángá ɓondɔ, ɓeekeani ye phɔ́ ka nyɔngɔ ékuma nɛmɔ. 12Nenóngoɗi ɗoni, nkpa nde amoɓeeki, abɛɗanagande ekuma ɓíndɔ nɛbɛɗanigi. Atɔtɔkisande phɔtɔ kema ángbó kɔmɔnyɛ́nya. Nga, nege ye mɔtɛ á Abɛ. 13Nɛtɔtɔkisande phɔtɔ kema bui nde ɓɔɔmɛma k'ína ani. Kaɓondɔ unge, ɓánɗokomisande Abɛ ka Anakɛ. 14Aoɓá na ɓɔmɛmi kema sina k'ína ani, nɛtɔtɔkisande.
Yéso aɔku teka á Měma á kanga ɓojeɗe
15Aoɓá na ɓomokondi, ɓoambande ɛɔphi nɛmɔ. 16Eme, nɛmɛmande Abɛ, ánophɛ Nengi ɓaangbo ka gea, áikɛ na ɓenu esa bui. 17Ande Měma á ɗoni, mmbé ɓato á ka mokonda ɓánáɔtɔka na ɓámɓeeki nga, ɓákáɔtɔka na ɓámɔni na úba akɛ. Ɓenu gǎkɛ, ɓoomúba nga, yɛ aoika kimoci na ɓenu, aɓande phɔtɔ suɓi anu. 18Kénoɗeketɛku ɓaniki á jiga, nebikande goto mɔtɛ-anu. 19Ka mbenɔ ábɔa, ɓato á ka mokonda ɓákámɔɔnɛku ye. Ɓenu ndiu ɓáunge ɓɔmɔɔnande ka nyɔngɔ nde, eme neoenda na ɓenu phɔtɔ ɓoendande. 20K'ésa ndɔ unge ɓoengekisande gea, eme ne suɓi á Abɛ, ɓenu suɓi ani, n'eme suɓi anu. 21Nkpa nde aoɓeekea ɛɔphi nɛmɔ na amba í, aámbé amokondi. Nkpa nde amokondi, Abɛ ankondande, n'eme phɔtɔ nenkondande, něphangiande ka yɛ.»
22Mpɔ, Yúda (nna mmbɔ Isikaliɔ́ta) áongea: «Mɔkɔta, ka nyɔngɔ sina nde ɔ tɔ ǒphangia ka ɓesu, kǒphangiɛ gǎkɛ ka ɓato á ka mokonda?» 23Yéso áonsikisia: «Aoɓá nkpa n'amokondi, aámbande nyɔngɔ nɛmɔ, Abɛ ankondande. Eme na Abɛ, ɓebikande mɔtɛ-akɛ na ika kimoci na yɛ. 24Nkpa nde nnaomokonda, nna gǎkɛ oamba nyɔngɔ nɛmɔ. Nga, nyɔngɔ nde ɓɔɔ́ka, nna nɛmɔ, a ndiu ndea Abɛ, mmbé amoteki.
25Ɗénóngoɗi nndɔ, ɓî ɗé phɔ́tɔ na ɓenu. 26Abɛ anotekisiande Nengi, n'ande Měma á kanga ɓojeɗe k'ína ani. Anophangiagande kema bui na kanisia anu nyɔngɔ bui nde ɗénongoɗi. 27Nenóɗeketei ɓujɛjɛ, nenophi#Ɔna Isa 9.5 ɓujɛjɛ nɛmɔ. Kénóphi ɓíndɔ ɓato á ka mokonda ɓáonópha. Cɔ, měma anu kaágatanɛmbɛ, ɓókóɓɛmbɛ na kɔɓɔɓɔkɔ. 28Ɓɔɔ́kima ɓî nenóngoɗima gea: ‹Nege, nejande gǎkɛ mɔtɛ-anu.› Atúoɓá na ɓomokondi, ámbé ɓona maseye, ka nyɔngɔ nde, nege mɔtɛ á Abɛ. Nga, Abɛ amɔnyɛ́nyi. 29Cɔ, kɛ̌kɛnde, nenóngoɗi nndɔ bui mosá á tɔtɔkɛana í, ka gea, a ye ɔtɔtɔkɛana, ɓôɓeekea. 30Kéyɔngɛku ye ásii na ɓenu nga, moamɛ á ka mokonda abiki. Nna tanda na kɔkɔta gǔ ani, 31akeni gǎkɛ ɓato á ka mokonda ɓáúbɛ gea, nenkondi Abɛ, neogea nnde amososi. Cɔ, ómesiani, ɓégɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc.