Ioane 17
17
1Iesu abele gaire mer detaut; a E kotor dimirualu, a detaut, kega, Baba, kerker tabarki; mara Uerem despili, ueakai Uermet mari naospili.
2Mokakalam mama abi sirdam ikuar tumem gaire le uridili, ueakai E ko uiabi ikuar eded aseamur kak, gaire le mama abi ikuar.
3Abele eded aseamur kak, kega, Uiaba ko mari nasmereda Ade kar netat, a Iesu Keriso mama namarida.
4Kaka emetu mari naospili geseb ge, kaka emetu eseamuda abele dorge ma kari nakuar ko akere.
5Baba, peirdi, kari naospili mara kemem zorom ge meribielam emeret ge, nole geseb kak.
6Kaka emetu mara nei etomeret uiabim gaire le mama kari nakuar geseplam: uiaba mara le, mama uiaba kari nakuar: uiaba emetu mara mer irmili.
7Peirdi, uiaba umele marielam gaire lu uridili ma kari nakuar:
8Abelelam kaka emetu uiabim ikuar gaire mer ma kari nakuar: uiaba emetu egaret, a uiaba umele marielam kaka nabue, a uiaba egaret, kega, Mama kari namarida.
9Kaka uiabielam esorerapare: kaka nole esorerapare uiabielam gesepem, epe uiaba mama kari nakuar, abelelam uiaba mara le:
10A gaire kara lu uridili mara lu, a gaire mara lu kara lu; kaka aule uiabielam.
11Peirdi, kaka nole geseb ge emri, epe uiaba geseb ge emri, a kai marim nabakeamulu. Zogozogo Aba, uiabi asesered mara nei ge, abele uiaba ma kari nakuar, ueakai uiaba netat, meribi kaiser.
12Kaka mena uiabi dog geseb ge, kaka uiabi nasesered mara nei ge: kaka uiabi nasesered mama kari nakuar, nole nerute abi kak, eud uerem tepteb abi; ueakai bakedida abele zogo mer emetu detali.
13Peirdi, kai marim nabakeamulu: kaka detaut abele mer abele geseb ge, ueakai kara sererge bakedida uiaba nerkep.
14Kaka emetu mara mer uiabim nakuarare; a geseb uiabi derarti, abelelam uiaba nole geseplam, mokakalam kaka nole geseplam.
15Kaka nole mari namos ko uiabi egaret geseplam, epe mamoro mama uiabi nasesered adudelam.
16Uiaba nole geseb le, kara kaiser nole gesep le.
17Uiabim barkakem ikeli mara ageakar de; ageakar mara mer.
18Mokakalam mama kari gesepem namarida, mokakalam kaka uiabi gesepem namarida.
19Kaka karababu ikuar uiabim, ueakai, uiaba barkakem ikeli ageakar de.
20Kaka nole esorerapare uiabim tepteb, epe uiabim ko kari oituli uiaba merlam:
21Ueakai ui uridili netat; mara kaiser Baba muige kara nerkep, a kaka muige mara nerkep ge, ueakai uiaba netat meribi koreb: ueakai geseb ko oituli ma kari namarida.
22Abele zoromzorom ma kari nakuar, kaka emetu uiabi nakuarare, ueakai uiaba netat, meribi koreb netat:
23Kaka muige uiabi nerkep ge, a mama muige kara nerkep ge, ueakai uiaba netat: ueakai gesep umele mama kari namarida, a uiabi omare, abkoreb mama kari omare.
24Baba, kaka lagelag uiaba mama kari nakuar ko kari kemem emri kara uteb ge; ueakai uiaba kara zorom dasmerare abele mama de kari nakuar; abelelam ma kari omare emeret, a nole geseb aker kak.
25Geseb ge nole mari opasereret kak, Aba barkak: epe kaka mari opasereret, a uiaba umele mama kari namarida.
26Kaka emetu mara nei uiabim etomeret; kaka iako etomeret; ueakai omare nagri uiaba nerkep, abkoreb mama kari omare, a kaka muige uiaba nerkep ge.
Currently Selected:
Ioane 17: ulk1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902.
Ioane 17
17
1Iesu abele gaire mer detaut; a E kotor dimirualu, a detaut, kega, Baba, kerker tabarki; mara Uerem despili, ueakai Uermet mari naospili.
2Mokakalam mama abi sirdam ikuar tumem gaire le uridili, ueakai E ko uiabi ikuar eded aseamur kak, gaire le mama abi ikuar.
3Abele eded aseamur kak, kega, Uiaba ko mari nasmereda Ade kar netat, a Iesu Keriso mama namarida.
4Kaka emetu mari naospili geseb ge, kaka emetu eseamuda abele dorge ma kari nakuar ko akere.
5Baba, peirdi, kari naospili mara kemem zorom ge meribielam emeret ge, nole geseb kak.
6Kaka emetu mara nei etomeret uiabim gaire le mama kari nakuar geseplam: uiaba mara le, mama uiaba kari nakuar: uiaba emetu mara mer irmili.
7Peirdi, uiaba umele marielam gaire lu uridili ma kari nakuar:
8Abelelam kaka emetu uiabim ikuar gaire mer ma kari nakuar: uiaba emetu egaret, a uiaba umele marielam kaka nabue, a uiaba egaret, kega, Mama kari namarida.
9Kaka uiabielam esorerapare: kaka nole esorerapare uiabielam gesepem, epe uiaba mama kari nakuar, abelelam uiaba mara le:
10A gaire kara lu uridili mara lu, a gaire mara lu kara lu; kaka aule uiabielam.
11Peirdi, kaka nole geseb ge emri, epe uiaba geseb ge emri, a kai marim nabakeamulu. Zogozogo Aba, uiabi asesered mara nei ge, abele uiaba ma kari nakuar, ueakai uiaba netat, meribi kaiser.
12Kaka mena uiabi dog geseb ge, kaka uiabi nasesered mara nei ge: kaka uiabi nasesered mama kari nakuar, nole nerute abi kak, eud uerem tepteb abi; ueakai bakedida abele zogo mer emetu detali.
13Peirdi, kai marim nabakeamulu: kaka detaut abele mer abele geseb ge, ueakai kara sererge bakedida uiaba nerkep.
14Kaka emetu mara mer uiabim nakuarare; a geseb uiabi derarti, abelelam uiaba nole geseplam, mokakalam kaka nole geseplam.
15Kaka nole mari namos ko uiabi egaret geseplam, epe mamoro mama uiabi nasesered adudelam.
16Uiaba nole geseb le, kara kaiser nole gesep le.
17Uiabim barkakem ikeli mara ageakar de; ageakar mara mer.
18Mokakalam mama kari gesepem namarida, mokakalam kaka uiabi gesepem namarida.
19Kaka karababu ikuar uiabim, ueakai, uiaba barkakem ikeli ageakar de.
20Kaka nole esorerapare uiabim tepteb, epe uiabim ko kari oituli uiaba merlam:
21Ueakai ui uridili netat; mara kaiser Baba muige kara nerkep, a kaka muige mara nerkep ge, ueakai uiaba netat meribi koreb: ueakai geseb ko oituli ma kari namarida.
22Abele zoromzorom ma kari nakuar, kaka emetu uiabi nakuarare, ueakai uiaba netat, meribi koreb netat:
23Kaka muige uiabi nerkep ge, a mama muige kara nerkep ge, ueakai uiaba netat: ueakai gesep umele mama kari namarida, a uiabi omare, abkoreb mama kari omare.
24Baba, kaka lagelag uiaba mama kari nakuar ko kari kemem emri kara uteb ge; ueakai uiaba kara zorom dasmerare abele mama de kari nakuar; abelelam ma kari omare emeret, a nole geseb aker kak.
25Geseb ge nole mari opasereret kak, Aba barkak: epe kaka mari opasereret, a uiaba umele mama kari namarida.
26Kaka emetu mara nei uiabim etomeret; kaka iako etomeret; ueakai omare nagri uiaba nerkep, abkoreb mama kari omare, a kaka muige uiaba nerkep ge.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902.