Mataio 18
18
1Abele baua ge Iesu ra kaimeg giz abim tabakeuare, kega, Nete aule kotor baselaia ge?
2Ege Iesu dabgiri abele kebi uerem, a abi ekueilu uiaba opem,
3A uiaba kega, Ageakar kaka uabi detager, Ese uaba nole depegeli a ko mokakalam kebile ise, umer kak uaba bao abele kotor baselaia ge.
4Dasmer, ese le tababu gebgeb mokakalam abele kebi uerem ike, E aule kotor baselaia ge.
5Ese nerute lo egaret abele kebile mokakalam kara nei ge, E kari nagaret.
6Ese nerute le dedkoli nerute uiabim kebi kale kari oituli, debele abele le didibari etatimir au baker abara pereg, a gurim batimed au muimui karem ge.
7Uaiai abele gesep ge gaire lu dedkoli! abelelam mena tabarki gaire lu dedkoli; epe uaiai abim le dedkoli tonar!
8Ese mara tag mari nadkoli pako mara teter, debele ma isimi adem batauered; debele ma bao abele eded mara tag kebikebi nako ibibi, au adud mari batauered abele ur asam kak neis tag a neis teter.
9Ese mara pone mari nadkoli, ma dekeamur adem batauered; debele ma bao abele eded a netat pone, au adud mari batauered abele ur genaim a neis pone.
10Uaba nole dedkoli nerute uiaba ike kebi kale; abelelam kaka uabi detager, Uiaba angela dali kotor ge ner kak uiaba dasmered kara Aba ra op dali kotor ge.
11Abelelam Le la Uerem tabarki a uerkab abele le badimirid.
12Nako uaba dikiapor? ese le nagri handed mamoe, ese netat mamoe badimirid, nako nole dikaer paser ge nainete naine mamoe, a E bakeam deraimer abele netat mamoe badimirid?
13Ese E erdali, ageakar kaka uabi detager, E aukase sererege abele, a kebikebi abele nainete naine nole adimir kak.
14Mokakalam uaba Aba dali kotor ge, nole lakak nerute uiaba ike kebi kale ko abi.
15Ese mara le mari nadkoli, ma bakeam a abi baraditug uaba neis le tepteb: ese E mari asoli, ma emetu erpei mabara le.
16Ese nole mari asoli, ma bakeam tais nerute le nako neis le, iaueakai ageakarem neis le la mer, pako neis netat le.
17Ese E nole asoli uiaba neis le, ma abi etomeret abele ekalesia: ese E nole asoli abele ekalesia, ma abi dikiapor mokakalam kupikupi le, pako telona le.
18Ageakar kaka uabi daratagerare, Gaire lu uridili uaba didibare abele geseb ge, a ko didibare abele kotor ge: a gaire lu uridili ua ko detue abele geseb ge, a ko detue abele kotor ge.
19Kaka uabi ko daratagerare, Ese uaba neis le abele geseb ge netate dikiapor nerute lu ko abi damsare kara Aba kotor ge, E ikeli abkoreb neis le la lag.
20Abelelam abele uteb etami neis le pako neis netat le kara nei ge, kaka uiabi kemem.
21Ege Peteru abim tabakeam, kega, Opole ae, naket kerker kara le kari nadkoli, a kaka mena abi omare? nako sefen kerker?
22Ege Iesu abi detager, kega, Kaka nole mari detager, Sefen kerker; epe Sefente sefen.
23Abele tonar kotor baselaia abkoreb nerute opole, E dikiapor deraimer tabara lu gaire abara memeg le giz.
24E ditimed mer atager, E tegared nerute memeg le nagri abara talen ten thausan.
25E umer kak erdali lu abi bodomalam abkoreb; abara opole uiabi detager, Ais bodomalam abele le, pako abara kosker, a gaire abara omasker giz, pako abara lu uridili, iaueakai nagri lu kari bodomalam.
26Ege abele memeg le abim etkobeilu a esorgilu, kega, Opole ae, ma mena kari omare, kaka keubu ko bodomalam mara lu uridili.
27Ege abele Opole au nasenase tabara memeg le, E no namarid abara mani nole bodom kak.
28Abele memeg le bakeam, E erdali nerute abara kaimeg memeg le E nagri abara handed denari; E abi erpei, a ko erpei abara pereg, a abim kega, Ma kari bodomalam kara lu mari dog.
29Ege abele kaimeg memeg le abim etkobei abara teter ge, a abi damos, kega, Ma kari omare, kaka keubu ko bodomalam mara lu uridili.
30Epe E umer kak, a ko bakeam abi taisili audubare meta ge, mena bodomalam gaire lu eseamud.
31Uader abara kaimeg memeg le giz erdali gaire lu E ikeli, uiaba an uekueku, uiaba bakeuare, a natomertare uiaba opole gaire lu uridili E ikeli.
32Abara opole abi dabgiri, a abim detager, kega, Abele adud memeg le ae, kaka mari omare, kaka no mari namarid nole bodom kak gaire kara lu mari dog:
33Nako ma nole omare kak mabara kaimeg memeg le, mokakalam kaka mari omare?
34Ege abara opole au uekueku, E abi namarid uader le abi dedkoed, mena eseamud bodomalam gaire lu uridili.
35Mokakalam kara Aba kotor ge E ikeli uabim abkoreb, ese uaba nole tababu omare uaba nerkep kemerkemer uaba le giz uabi dedkoeda.
Currently Selected:
Mataio 18: ulk1902
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902.
Mataio 18
18
1Abele baua ge Iesu ra kaimeg giz abim tabakeuare, kega, Nete aule kotor baselaia ge?
2Ege Iesu dabgiri abele kebi uerem, a abi ekueilu uiaba opem,
3A uiaba kega, Ageakar kaka uabi detager, Ese uaba nole depegeli a ko mokakalam kebile ise, umer kak uaba bao abele kotor baselaia ge.
4Dasmer, ese le tababu gebgeb mokakalam abele kebi uerem ike, E aule kotor baselaia ge.
5Ese nerute lo egaret abele kebile mokakalam kara nei ge, E kari nagaret.
6Ese nerute le dedkoli nerute uiabim kebi kale kari oituli, debele abele le didibari etatimir au baker abara pereg, a gurim batimed au muimui karem ge.
7Uaiai abele gesep ge gaire lu dedkoli! abelelam mena tabarki gaire lu dedkoli; epe uaiai abim le dedkoli tonar!
8Ese mara tag mari nadkoli pako mara teter, debele ma isimi adem batauered; debele ma bao abele eded mara tag kebikebi nako ibibi, au adud mari batauered abele ur asam kak neis tag a neis teter.
9Ese mara pone mari nadkoli, ma dekeamur adem batauered; debele ma bao abele eded a netat pone, au adud mari batauered abele ur genaim a neis pone.
10Uaba nole dedkoli nerute uiaba ike kebi kale; abelelam kaka uabi detager, Uiaba angela dali kotor ge ner kak uiaba dasmered kara Aba ra op dali kotor ge.
11Abelelam Le la Uerem tabarki a uerkab abele le badimirid.
12Nako uaba dikiapor? ese le nagri handed mamoe, ese netat mamoe badimirid, nako nole dikaer paser ge nainete naine mamoe, a E bakeam deraimer abele netat mamoe badimirid?
13Ese E erdali, ageakar kaka uabi detager, E aukase sererege abele, a kebikebi abele nainete naine nole adimir kak.
14Mokakalam uaba Aba dali kotor ge, nole lakak nerute uiaba ike kebi kale ko abi.
15Ese mara le mari nadkoli, ma bakeam a abi baraditug uaba neis le tepteb: ese E mari asoli, ma emetu erpei mabara le.
16Ese nole mari asoli, ma bakeam tais nerute le nako neis le, iaueakai ageakarem neis le la mer, pako neis netat le.
17Ese E nole asoli uiaba neis le, ma abi etomeret abele ekalesia: ese E nole asoli abele ekalesia, ma abi dikiapor mokakalam kupikupi le, pako telona le.
18Ageakar kaka uabi daratagerare, Gaire lu uridili uaba didibare abele geseb ge, a ko didibare abele kotor ge: a gaire lu uridili ua ko detue abele geseb ge, a ko detue abele kotor ge.
19Kaka uabi ko daratagerare, Ese uaba neis le abele geseb ge netate dikiapor nerute lu ko abi damsare kara Aba kotor ge, E ikeli abkoreb neis le la lag.
20Abelelam abele uteb etami neis le pako neis netat le kara nei ge, kaka uiabi kemem.
21Ege Peteru abim tabakeam, kega, Opole ae, naket kerker kara le kari nadkoli, a kaka mena abi omare? nako sefen kerker?
22Ege Iesu abi detager, kega, Kaka nole mari detager, Sefen kerker; epe Sefente sefen.
23Abele tonar kotor baselaia abkoreb nerute opole, E dikiapor deraimer tabara lu gaire abara memeg le giz.
24E ditimed mer atager, E tegared nerute memeg le nagri abara talen ten thausan.
25E umer kak erdali lu abi bodomalam abkoreb; abara opole uiabi detager, Ais bodomalam abele le, pako abara kosker, a gaire abara omasker giz, pako abara lu uridili, iaueakai nagri lu kari bodomalam.
26Ege abele memeg le abim etkobeilu a esorgilu, kega, Opole ae, ma mena kari omare, kaka keubu ko bodomalam mara lu uridili.
27Ege abele Opole au nasenase tabara memeg le, E no namarid abara mani nole bodom kak.
28Abele memeg le bakeam, E erdali nerute abara kaimeg memeg le E nagri abara handed denari; E abi erpei, a ko erpei abara pereg, a abim kega, Ma kari bodomalam kara lu mari dog.
29Ege abele kaimeg memeg le abim etkobei abara teter ge, a abi damos, kega, Ma kari omare, kaka keubu ko bodomalam mara lu uridili.
30Epe E umer kak, a ko bakeam abi taisili audubare meta ge, mena bodomalam gaire lu eseamud.
31Uader abara kaimeg memeg le giz erdali gaire lu E ikeli, uiaba an uekueku, uiaba bakeuare, a natomertare uiaba opole gaire lu uridili E ikeli.
32Abara opole abi dabgiri, a abim detager, kega, Abele adud memeg le ae, kaka mari omare, kaka no mari namarid nole bodom kak gaire kara lu mari dog:
33Nako ma nole omare kak mabara kaimeg memeg le, mokakalam kaka mari omare?
34Ege abara opole au uekueku, E abi namarid uader le abi dedkoed, mena eseamud bodomalam gaire lu uridili.
35Mokakalam kara Aba kotor ge E ikeli uabim abkoreb, ese uaba nole tababu omare uaba nerkep kemerkemer uaba le giz uabi dedkoeda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902.