Shıǵıw 17
17
Jartastan aqqan suw
1Sońınan Izrail xalqınıń pútkil jámiyeti Jaratqan Iyeniń buyrıǵı boyınsha Sin shólinen shıqtı da, bir jerden ekinshi jerge kóship-qonıp júrip, Refidimge ornalastı. Degen menen, ol jerde ishetuǵın suw joq edi. 2Olar Muwsaǵa:
– Bizlerge ishetuǵın suw ber, – dep urıstı.
– Nege maǵan urısıp atırsızlar? Nege Jaratqan Iyeni sınap atırsızlar? – dedi olarǵa Muwsa.
3Biraq xalıq shóllegenlikten, Muwsaǵa narazı bolıp:
– Bizlerdi ne ushın Mısırdan alıp shıqtıń? Bizlerdi, balalarımızdı hám mallarımızdı shólden óltiriw ushın ba? – dep tońqıldadı.
4Muwsa Jaratqan Iyege dad salıp:
– Bul xalıqqa ne isleyin? Birazdan soń, olar meni tas boran qılıp óltiredi-ǵo! – dedi.
5Jaratqan Iye Muwsaǵa bılay dedi:
– Xalıqtıń aldına ót. Nil dáryasın urǵan tayaǵıńdı al da, Izrail aqsaqallarınıń ayırımların izińe ertip, alǵa qaray júr. 6Mine, Men Xoreb tawındaǵı bir jartastıń ústinde, seniń aldıńda turaman. Sen jartastı urǵanıńda, suw atlıǵıp shıǵadı hám xalıq suw ishedi.
Muwsa Izrail aqsaqallarınıń kóz aldında solay isledi.
7Solay etip, ol sol jerdi Massa#17:7 Massa – «sınaw» degendi bildiredi. hám Meriba#17:7 Meriba – «urısıw» degendi bildiredi. dep atadı. Sebebi izraillılar sol jerde Muwsa menen urısıp: «Aramızda Jaratqan Iye bar ma eken, ya joq pa eken?» – dep Jaratqan Iyeni sınaǵan edi.
Amaleklerdiń jeńiliske ushırawı
8Amalekler kelip, Refidimde izraillılarǵa urıs ashtı. 9Sonda Muwsa Eshuaǵa:
– Xalıq ishinen adamlardı saylap al da, barıp, amalekler menen urıs. Erteń men qolıma Qudaydıń tayaǵın uslap, tóbeshiktiń basında turaman, – dedi.
10Eshua Muwsanıń aytqanın islep, amalekler menen urıstı. Sol waqıtta Muwsa, Xaron hám Xur tóbeshiktiń basına shıqtı. 11Muwsa qolın kótergende izraillılar, al túsirgende amalekler ústin kele berdi. 12Biraq Muwsanıń qolları sharshap qaldı. Sonda olar bir tas ákelip, Muwsanıń astına qoydı. Muwsa tastıń ústine otırdı. Bir jaǵında Xaron, ekinshi jaǵında Xur Muwsanıń qolların joqarı kóterip turdı. Quyash batqansha, Muwsanıń qolları bekkem kóterilip turdı. 13Solay etip, Eshua amaleklerdi qılıshtan ótkizip, olardı jeńdi.
14Sońınan Jaratqan Iye Muwsaǵa:
– Estelik bolıp qalıwı ushın, bunı kitapqa jazıp qoy. Eshuanıń qulaǵına quyıp qoy, Men amaleklerdiń atın jer júzinen pútkilley joq qılaman, – dedi.
15Muwsa bir qurbanlıq orın qurıp, onıń atın «Jaratqan Iye meniń bayraǵım» dep qoydı. 16Keyin ol bılay dedi: «Jaratqan Iyeniń taxtına qarsı qol kótergeni ushın, Ol áwladlar dawamında amaleklerge qarsı urısadı».
Currently Selected:
Shıǵıw 17: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022
Shıǵıw 17
17
Jartastan aqqan suw
1Sońınan Izrail xalqınıń pútkil jámiyeti Jaratqan Iyeniń buyrıǵı boyınsha Sin shólinen shıqtı da, bir jerden ekinshi jerge kóship-qonıp júrip, Refidimge ornalastı. Degen menen, ol jerde ishetuǵın suw joq edi. 2Olar Muwsaǵa:
– Bizlerge ishetuǵın suw ber, – dep urıstı.
– Nege maǵan urısıp atırsızlar? Nege Jaratqan Iyeni sınap atırsızlar? – dedi olarǵa Muwsa.
3Biraq xalıq shóllegenlikten, Muwsaǵa narazı bolıp:
– Bizlerdi ne ushın Mısırdan alıp shıqtıń? Bizlerdi, balalarımızdı hám mallarımızdı shólden óltiriw ushın ba? – dep tońqıldadı.
4Muwsa Jaratqan Iyege dad salıp:
– Bul xalıqqa ne isleyin? Birazdan soń, olar meni tas boran qılıp óltiredi-ǵo! – dedi.
5Jaratqan Iye Muwsaǵa bılay dedi:
– Xalıqtıń aldına ót. Nil dáryasın urǵan tayaǵıńdı al da, Izrail aqsaqallarınıń ayırımların izińe ertip, alǵa qaray júr. 6Mine, Men Xoreb tawındaǵı bir jartastıń ústinde, seniń aldıńda turaman. Sen jartastı urǵanıńda, suw atlıǵıp shıǵadı hám xalıq suw ishedi.
Muwsa Izrail aqsaqallarınıń kóz aldında solay isledi.
7Solay etip, ol sol jerdi Massa#17:7 Massa – «sınaw» degendi bildiredi. hám Meriba#17:7 Meriba – «urısıw» degendi bildiredi. dep atadı. Sebebi izraillılar sol jerde Muwsa menen urısıp: «Aramızda Jaratqan Iye bar ma eken, ya joq pa eken?» – dep Jaratqan Iyeni sınaǵan edi.
Amaleklerdiń jeńiliske ushırawı
8Amalekler kelip, Refidimde izraillılarǵa urıs ashtı. 9Sonda Muwsa Eshuaǵa:
– Xalıq ishinen adamlardı saylap al da, barıp, amalekler menen urıs. Erteń men qolıma Qudaydıń tayaǵın uslap, tóbeshiktiń basında turaman, – dedi.
10Eshua Muwsanıń aytqanın islep, amalekler menen urıstı. Sol waqıtta Muwsa, Xaron hám Xur tóbeshiktiń basına shıqtı. 11Muwsa qolın kótergende izraillılar, al túsirgende amalekler ústin kele berdi. 12Biraq Muwsanıń qolları sharshap qaldı. Sonda olar bir tas ákelip, Muwsanıń astına qoydı. Muwsa tastıń ústine otırdı. Bir jaǵında Xaron, ekinshi jaǵında Xur Muwsanıń qolların joqarı kóterip turdı. Quyash batqansha, Muwsanıń qolları bekkem kóterilip turdı. 13Solay etip, Eshua amaleklerdi qılıshtan ótkizip, olardı jeńdi.
14Sońınan Jaratqan Iye Muwsaǵa:
– Estelik bolıp qalıwı ushın, bunı kitapqa jazıp qoy. Eshuanıń qulaǵına quyıp qoy, Men amaleklerdiń atın jer júzinen pútkilley joq qılaman, – dedi.
15Muwsa bir qurbanlıq orın qurıp, onıń atın «Jaratqan Iye meniń bayraǵım» dep qoydı. 16Keyin ol bılay dedi: «Jaratqan Iyeniń taxtına qarsı qol kótergeni ushın, Ol áwladlar dawamında amaleklerge qarsı urısadı».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022