Shıǵıw 4
4
Jaratqan Iyeniń Muwsaǵa káramat kórsetiw biyligin beriwi
1Sonda Muwsa Qudayǵa:
– Olar maǵan isenbese hám sózlerime qulaq salmay: «Jaratqan Iye saǵan kórinbedi», – dese, ne qılaman? – dedi.
2Jaratqan Iye onnan:
– Qolıńdaǵı ne? – dep soradı.
– Tayaq, – dep juwap berdi Muwsa.
3Jaratqan Iye Muwsaǵa:
– Onı jerge tasla, – dedi.
Muwsa tayaqtı jerge taslaǵanda, tayaq jılanǵa aylandı. Muwsa onnan qashtı. 4Jaratqan Iye Muwsaǵa:
– Qolıńdı sozıp, onıń quyrıǵınan uslap al, – dedi.
Muwsa qolın sozıp, jılannıń quyrıǵınan uslap alǵanda, ol jáne tayaqqa aylandı. 5Jaratqan Iye Muwsaǵa:
– Ata-babalarınıń Qudayı, Ibrayım, Ísaq hám Yaqıptıń Qudayı bolǵan Jaratqan Iyeniń saǵan kóringenine olardıń iseniwi ushın, sen olarǵa usını kórset, – dedi.
6Sońınan Jaratqan Iye Muwsaǵa jáne:
– Qolıńdı qoynıńa tıq, – dedi.
Muwsa qolın qoynına tıǵıp, onı qaytıp shıǵarıp alǵanda, qolında teri keselligi payda bolıp, eti qar sıyaqlı túlep ketken edi.
7Jaratqan Iye oǵan taǵı:
– Qolıńdı jáne qoynıńa tıq, – dedi.
Muwsa jáne qolın qoynına tıǵıp, onı qaytıp shıǵarǵanda, qolı burınǵı halına qayttı. 8Sonda Jaratqan Iye Muwsaǵa bılay dedi:
– Eger olar saǵan isenbese hám birinshi káramatlı belgige itibar awdarmasa, onda ekinshisine isenedi. 9Al eger bul eki belgige de isenbese hám sózińdi tıńlamasa, onda Nil dáryasınan suw alıp, jerge tók. Dáryadan alǵan suwıń jerde qanǵa aylanadı.
10Muwsa Jaratqan Iyege:
– O, Iyem! Qulıń bolǵan men burın da, Óziń meniń menen sóylese baslaǵannan beri de sheshen adam emespen. Men maylı tilli de, sózge sheber de emespen, – dedi.
11Sonda Jaratqan Iye oǵan bılay dedi:
– Adamǵa til berip qoyǵan kim? Adamdı gúńelek, gereń, kóretuǵın yamasa soqır qılatuǵın kim? Jaratqan Iye bolǵan Men emespen be? 12Endi bar! Sóylegenińde Ózim saǵan járdem berip, ne aytıw kerekligin úyretip turaman.
13Muwsa Jaratqan Iyege:
– O, Iyem! Ótinemen, meniń ornıma basqa birewdi jibere gór! – dedi.
14Jaratqan Iyeniń Muwsaǵa qáhári kelip bılay dedi:
– Lebiy urıwınan bolǵan ájaǵań Xaron bar emes pe? Bilemen, ol sózge sheshen. Mine, ol tap házir seni qarsı alıwǵa kiyatır. Seni kórgende, ol quwanadı. 15Sen onıń menen sóylesip, ne aytıw kerekligin oǵan bildir. Sóylegenińizde, Ózim sizlerge járdem berip, ne isleytuǵınıńızdı úyretemen. 16Seniń ornıńa xalıqqa Xaron sóyleydi. Ol seniń awzıń boladı, al sen ol ushın Quday ornında bolasań. 17Mına tayaǵıńdı al, sen onıń menen káramatlı belgiler kórseteseń.
Muwsanıń Mısırǵa qaytıwı
18Muwsa qáyin atası Itroǵa qaytıp kelip, oǵan:
– Mısırdaǵı tuwısqanlarımnıń qasına qaytıwǵa ruxsat beriń. Barıp, olardıń amanlıǵın bileyin, – dedi.
Itro oǵan:
– Aman-saw barǵaysań, – dedi.
19Jaratqan Iye Muwsaǵa Midyan elinde: «Mısırǵa qayt, sebebi janıńa qaslıq etpekshi bolǵanlardıń hámmesi óldi», – degen edi. 20Solay etip, Muwsa hayalın hám ulların eshekke mindirip, Qudaydıń ózine alıwdı buyırǵan tayaǵın alıp, Mısırǵa qaray jolǵa shıqtı.
21Jaratqan Iye Muwsaǵa bılay dedi:
– Mısırǵa qaytıp barǵanıńda, Men saǵan bergen kúsh penen faraonnıń aldında barlıq káramatlardı kórset. Biraq Men onıń júregin qatal qılaman hám ol xalqımnıń ketiwine ruxsat etpeydi. 22Keyin sen faraonǵa bılay dep ayt: «Jaratqan Iye bılay deydi: „Izrail Meniń ulım, tuńǵısh ulım. 23Maǵan sıyınıwı ushın, ulımdı jiber, dep saǵan aytqan edim. Biraq sen onı jiberiwden bas tarttıń. Sonlıqtan Men seniń ulıńdı, tuńǵısh ulıńdı óltiremen“».
Sipporanıń ulın súnnet etiwi
24Jolda, olar túnegen jerde, Jaratqan Iye Muwsanıń qasına kelip, onı óltirmekshi boldı. 25Sonda Sippora dárhal bir tas pıshaqtı aldı da, ulın súnnet etti. Ol kesip alınǵan etti Muwsanıń ayaǵına tiygizip:
– Haqıyqattan da, sen usı qan arqalı meniń kúyewimseń, – dedi. 26Sonda Jaratqan Iye Muwsanı aman qaldırdı. Al Sippora Muwsaǵa: «Sen qan arqalı meniń kúyewimseń», – dep súnnetke baylanıslı aytqan edi.
Xaronnıń Muwsa menen ushırasıwı
27Sońınan Jaratqan Iye Xaronǵa:
– Muwsanı qarsı alıw ushın, dalańlıqqa bar, – dedi. Xaron ketip, Muwsa menen Qudaydıń tawında ushırastı hám onı súydi. 28Muwsa Jaratqan Iyeniń aytıw ushın jibergen hámme sózleri hám islewdi buyırǵan barlıq káramatlı belgileri haqqında Xaronǵa aytıp berdi.
29Muwsa menen Xaron barıp, Izraildıń barlıq aqsaqalların jıynadı. 30Xaron Jaratqan Iyeniń Muwsaǵa aytqan hámme sózlerin olarǵa aytıp berdi. Muwsa da xalıq aldında káramatlı belgiler kórsetti. 31Xalıq isendi hám Jaratqan Iyeniń ózlerine názer salıp, shegip atırǵan azapların kórgenin esitkende, Oǵan tájim etip, sıyındı.
Currently Selected:
Shıǵıw 4: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022
Shıǵıw 4
4
Jaratqan Iyeniń Muwsaǵa káramat kórsetiw biyligin beriwi
1Sonda Muwsa Qudayǵa:
– Olar maǵan isenbese hám sózlerime qulaq salmay: «Jaratqan Iye saǵan kórinbedi», – dese, ne qılaman? – dedi.
2Jaratqan Iye onnan:
– Qolıńdaǵı ne? – dep soradı.
– Tayaq, – dep juwap berdi Muwsa.
3Jaratqan Iye Muwsaǵa:
– Onı jerge tasla, – dedi.
Muwsa tayaqtı jerge taslaǵanda, tayaq jılanǵa aylandı. Muwsa onnan qashtı. 4Jaratqan Iye Muwsaǵa:
– Qolıńdı sozıp, onıń quyrıǵınan uslap al, – dedi.
Muwsa qolın sozıp, jılannıń quyrıǵınan uslap alǵanda, ol jáne tayaqqa aylandı. 5Jaratqan Iye Muwsaǵa:
– Ata-babalarınıń Qudayı, Ibrayım, Ísaq hám Yaqıptıń Qudayı bolǵan Jaratqan Iyeniń saǵan kóringenine olardıń iseniwi ushın, sen olarǵa usını kórset, – dedi.
6Sońınan Jaratqan Iye Muwsaǵa jáne:
– Qolıńdı qoynıńa tıq, – dedi.
Muwsa qolın qoynına tıǵıp, onı qaytıp shıǵarıp alǵanda, qolında teri keselligi payda bolıp, eti qar sıyaqlı túlep ketken edi.
7Jaratqan Iye oǵan taǵı:
– Qolıńdı jáne qoynıńa tıq, – dedi.
Muwsa jáne qolın qoynına tıǵıp, onı qaytıp shıǵarǵanda, qolı burınǵı halına qayttı. 8Sonda Jaratqan Iye Muwsaǵa bılay dedi:
– Eger olar saǵan isenbese hám birinshi káramatlı belgige itibar awdarmasa, onda ekinshisine isenedi. 9Al eger bul eki belgige de isenbese hám sózińdi tıńlamasa, onda Nil dáryasınan suw alıp, jerge tók. Dáryadan alǵan suwıń jerde qanǵa aylanadı.
10Muwsa Jaratqan Iyege:
– O, Iyem! Qulıń bolǵan men burın da, Óziń meniń menen sóylese baslaǵannan beri de sheshen adam emespen. Men maylı tilli de, sózge sheber de emespen, – dedi.
11Sonda Jaratqan Iye oǵan bılay dedi:
– Adamǵa til berip qoyǵan kim? Adamdı gúńelek, gereń, kóretuǵın yamasa soqır qılatuǵın kim? Jaratqan Iye bolǵan Men emespen be? 12Endi bar! Sóylegenińde Ózim saǵan járdem berip, ne aytıw kerekligin úyretip turaman.
13Muwsa Jaratqan Iyege:
– O, Iyem! Ótinemen, meniń ornıma basqa birewdi jibere gór! – dedi.
14Jaratqan Iyeniń Muwsaǵa qáhári kelip bılay dedi:
– Lebiy urıwınan bolǵan ájaǵań Xaron bar emes pe? Bilemen, ol sózge sheshen. Mine, ol tap házir seni qarsı alıwǵa kiyatır. Seni kórgende, ol quwanadı. 15Sen onıń menen sóylesip, ne aytıw kerekligin oǵan bildir. Sóylegenińizde, Ózim sizlerge járdem berip, ne isleytuǵınıńızdı úyretemen. 16Seniń ornıńa xalıqqa Xaron sóyleydi. Ol seniń awzıń boladı, al sen ol ushın Quday ornında bolasań. 17Mına tayaǵıńdı al, sen onıń menen káramatlı belgiler kórseteseń.
Muwsanıń Mısırǵa qaytıwı
18Muwsa qáyin atası Itroǵa qaytıp kelip, oǵan:
– Mısırdaǵı tuwısqanlarımnıń qasına qaytıwǵa ruxsat beriń. Barıp, olardıń amanlıǵın bileyin, – dedi.
Itro oǵan:
– Aman-saw barǵaysań, – dedi.
19Jaratqan Iye Muwsaǵa Midyan elinde: «Mısırǵa qayt, sebebi janıńa qaslıq etpekshi bolǵanlardıń hámmesi óldi», – degen edi. 20Solay etip, Muwsa hayalın hám ulların eshekke mindirip, Qudaydıń ózine alıwdı buyırǵan tayaǵın alıp, Mısırǵa qaray jolǵa shıqtı.
21Jaratqan Iye Muwsaǵa bılay dedi:
– Mısırǵa qaytıp barǵanıńda, Men saǵan bergen kúsh penen faraonnıń aldında barlıq káramatlardı kórset. Biraq Men onıń júregin qatal qılaman hám ol xalqımnıń ketiwine ruxsat etpeydi. 22Keyin sen faraonǵa bılay dep ayt: «Jaratqan Iye bılay deydi: „Izrail Meniń ulım, tuńǵısh ulım. 23Maǵan sıyınıwı ushın, ulımdı jiber, dep saǵan aytqan edim. Biraq sen onı jiberiwden bas tarttıń. Sonlıqtan Men seniń ulıńdı, tuńǵısh ulıńdı óltiremen“».
Sipporanıń ulın súnnet etiwi
24Jolda, olar túnegen jerde, Jaratqan Iye Muwsanıń qasına kelip, onı óltirmekshi boldı. 25Sonda Sippora dárhal bir tas pıshaqtı aldı da, ulın súnnet etti. Ol kesip alınǵan etti Muwsanıń ayaǵına tiygizip:
– Haqıyqattan da, sen usı qan arqalı meniń kúyewimseń, – dedi. 26Sonda Jaratqan Iye Muwsanı aman qaldırdı. Al Sippora Muwsaǵa: «Sen qan arqalı meniń kúyewimseń», – dep súnnetke baylanıslı aytqan edi.
Xaronnıń Muwsa menen ushırasıwı
27Sońınan Jaratqan Iye Xaronǵa:
– Muwsanı qarsı alıw ushın, dalańlıqqa bar, – dedi. Xaron ketip, Muwsa menen Qudaydıń tawında ushırastı hám onı súydi. 28Muwsa Jaratqan Iyeniń aytıw ushın jibergen hámme sózleri hám islewdi buyırǵan barlıq káramatlı belgileri haqqında Xaronǵa aytıp berdi.
29Muwsa menen Xaron barıp, Izraildıń barlıq aqsaqalların jıynadı. 30Xaron Jaratqan Iyeniń Muwsaǵa aytqan hámme sózlerin olarǵa aytıp berdi. Muwsa da xalıq aldında káramatlı belgiler kórsetti. 31Xalıq isendi hám Jaratqan Iyeniń ózlerine názer salıp, shegip atırǵan azapların kórgenin esitkende, Oǵan tájim etip, sıyındı.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022