Shıǵıw Kitap haqqında maǵlıwmat
Kitap haqqında maǵlıwmat
Shıǵıw kitabı Tawrattıń ekinshi kitabı. Bul kitapta Qudaydıń Óz xalqı Izraildı Mısırdaǵı qullıqtan azat etip, ol jerden alıp shıqqanı haqqında sóz etiledi. Sonıń ushın, kitap «Shıǵıw» dep atalǵan. Jaratılıs kitabınıń aqırında sóz etilgen waqıyalardan usı kitapta sóz etilgen waqıyalarǵa deyin aradan 400 jıl ótedi. Izrail xalqı shama menen b. e. sh. 1440-jılı Mısırdan shıǵadı (3Pat 6:1).
Shıǵıw kitabında Qudaydıń atı hám Onıń kim ekeni kórsetilip: Jaratqan Iye jalǵız, haqıyqıy Quday, Ol barlıq jaratılǵanlardıń Húkimdarı, dep tanıstırıladı (3:13-15).
Shıǵıw kitabın úsh bólimge bóliwge boladı. Birinshi bólimde kóp waqıyalar Mısır elinde júz beredi (1–13 baplar). Izrail xalqı sol jerde faraonǵa qul bolıp xızmet etedi. Quday Óz xalqınıń dad-páriyadın esitedi. Olardı qullıqtan azat qılıw ushın, Muwsanı tańlap aladı.
Muwsa faraonnan, Izrail xalqın jiber, dep talap qılǵanda, faraon ruxsat bermeydi. Sonıń ushın, Quday Mısırǵa on apat jiberetuǵını haqqında Muwsaǵa aytadı. Bul apatlar kóbinese «on jaza» dep te ataladı. Onınshı jaza kelgende, ilajsız qalǵan faraon Izrail xalqına Mısırdan shıǵıp ketiwge ruxsat beredi. Quday sol kúndi eslep turıwı ushın, Izrail xalqına Qutqarılıw bayramın bayramlawdı buyıradı.
Kitaptıń ekinshi bóliminde (14–18 baplar) Izrail xalqı Qudaydıń muxaddes tawı – Sinayǵa ketip baratırǵanda baslarınan keshirgen waqıyalar sóz etiledi. Mısır faraonı Izrail xalqın azat etiw pikirinen dárhal qaytıp, láshkerlerine olardı tutıp keliwdi buyıradı. Degen menen, Quday Izraildı qorǵap, Mısır láshkerlerin qırıp taslaydı. Keyin Izrail xalqı shól arqalı júrgende, Quday olardı azıq-awqat hám suw menen támiyinleydi.
Kitaptıń sońǵı bólimindegi waqıyalar (19–40 baplar) Sinay tawında júz beredi. Quday bul tawda Muwsaǵa kórinip, oǵan on buyrıqtı, jáne de, kúndelikli turmıs, tárbiya hám sıyınıw máresimleri tuwrısındaǵı nızam-qaǵıydalardı beredi. Quday Izrail xalqınıń arasında bolıw ushın Muwsaǵa Muxaddes shatır qurıwdı buyıradı. Shatır hám onıń úskeneleri haqqında tolıq kórsetpeler beredi. Muxaddes shatır Qudaydıń Óz xalqı arasındaǵı turar mákanı bolıp, xalıq ol jerde Qudayǵa hár túrli sadaqa hám qurbanlıqlardı alıp keliwi kerek edi.
Currently Selected:
Shıǵıw Kitap haqqında maǵlıwmat: QrqMK22
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022
Shıǵıw Kitap haqqında maǵlıwmat
Kitap haqqında maǵlıwmat
Shıǵıw kitabı Tawrattıń ekinshi kitabı. Bul kitapta Qudaydıń Óz xalqı Izraildı Mısırdaǵı qullıqtan azat etip, ol jerden alıp shıqqanı haqqında sóz etiledi. Sonıń ushın, kitap «Shıǵıw» dep atalǵan. Jaratılıs kitabınıń aqırında sóz etilgen waqıyalardan usı kitapta sóz etilgen waqıyalarǵa deyin aradan 400 jıl ótedi. Izrail xalqı shama menen b. e. sh. 1440-jılı Mısırdan shıǵadı (3Pat 6:1).
Shıǵıw kitabında Qudaydıń atı hám Onıń kim ekeni kórsetilip: Jaratqan Iye jalǵız, haqıyqıy Quday, Ol barlıq jaratılǵanlardıń Húkimdarı, dep tanıstırıladı (3:13-15).
Shıǵıw kitabın úsh bólimge bóliwge boladı. Birinshi bólimde kóp waqıyalar Mısır elinde júz beredi (1–13 baplar). Izrail xalqı sol jerde faraonǵa qul bolıp xızmet etedi. Quday Óz xalqınıń dad-páriyadın esitedi. Olardı qullıqtan azat qılıw ushın, Muwsanı tańlap aladı.
Muwsa faraonnan, Izrail xalqın jiber, dep talap qılǵanda, faraon ruxsat bermeydi. Sonıń ushın, Quday Mısırǵa on apat jiberetuǵını haqqında Muwsaǵa aytadı. Bul apatlar kóbinese «on jaza» dep te ataladı. Onınshı jaza kelgende, ilajsız qalǵan faraon Izrail xalqına Mısırdan shıǵıp ketiwge ruxsat beredi. Quday sol kúndi eslep turıwı ushın, Izrail xalqına Qutqarılıw bayramın bayramlawdı buyıradı.
Kitaptıń ekinshi bóliminde (14–18 baplar) Izrail xalqı Qudaydıń muxaddes tawı – Sinayǵa ketip baratırǵanda baslarınan keshirgen waqıyalar sóz etiledi. Mısır faraonı Izrail xalqın azat etiw pikirinen dárhal qaytıp, láshkerlerine olardı tutıp keliwdi buyıradı. Degen menen, Quday Izraildı qorǵap, Mısır láshkerlerin qırıp taslaydı. Keyin Izrail xalqı shól arqalı júrgende, Quday olardı azıq-awqat hám suw menen támiyinleydi.
Kitaptıń sońǵı bólimindegi waqıyalar (19–40 baplar) Sinay tawında júz beredi. Quday bul tawda Muwsaǵa kórinip, oǵan on buyrıqtı, jáne de, kúndelikli turmıs, tárbiya hám sıyınıw máresimleri tuwrısındaǵı nızam-qaǵıydalardı beredi. Quday Izrail xalqınıń arasında bolıw ushın Muwsaǵa Muxaddes shatır qurıwdı buyıradı. Shatır hám onıń úskeneleri haqqında tolıq kórsetpeler beredi. Muxaddes shatır Qudaydıń Óz xalqı arasındaǵı turar mákanı bolıp, xalıq ol jerde Qudayǵa hár túrli sadaqa hám qurbanlıqlardı alıp keliwi kerek edi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2022